Midnight possesive-37

Episode kal lai dah luhna

Moderator: writers

Ms hrahsel
Posts: 73
Joined: January 16th, 2020, 4:41 pm

Midnight possesive-37

Unread post by Ms hrahsel » June 21st, 2021, 7:36 pm

Midnight possesive

Msi Hrahsel:
Chapter-37

Sairinpuia's Pov


Vanneihthlak zet in kan meeting an cancel chu ka hahdam sawng sawng mai. Beisei ai a haw tur ka ni bawk a, ka phur ngang mai, a zan la la in mizoram pan tur thawhna ka la nghal chuk chuk a. Mizoram kan thlen meuh chuan zan lam dar 10 a ri der tawh lehnghal a.



In ka thleng a, Zualtei last seen ka en a, a mu tawh a ni ngei ang, chuvangin ka be lo reng ta bawk a. In ka thleng a, ka nu leh pa leh ka u an awm lo a, Christina-i choh a lo awm nghe nghe.



"Rin ai in i lo va thleng hma leh si ve" a ti sup a, "umm ka chau lutuk room ah ka kal dawn" ka ti ve hmak thung.



Inhnuai lam doorbell ri ral mai chu chhawn tur in ka chhuk leh te te a. Kawngka ka hawn rual a, police lo ding khup chuan min țawng ve ngang mai "eng thil nge ni a" ka ti ha a.



An zing a inspector ber chuan "Sairinpuia kan hmu thei a ngem" a ti sup a. "Aw ni e, keimah hi ka nia, eng nge ni ta" ka ti mai a, a nau te hnenah chuan "man rawh u" a ti ta mai, a sawi zawh rual rual in "eng thil nge a, eng thil dik lo nge thleng a, eng nge thil awmzia" ka ti nghal chiam mai. Police in min man na chhan tur engmah tih ka neih awm ka hre hauh lo.



"Police station ah engkim kan sawi fel dawn nia" ti hmak in kut kawl min bun tir nghal sawk sawk a. "Christina" ka ti tuarh a, inhnai a rawn tlan thla nghal hnawk hnawk in "kal phawt rawh ka lo zui phei ang che" a ti a, police jeep ah chuan ka chuang ta ran mai. Heng ho hian min hai te pawh a ni chek ang chu.



Police station kan thleng a, ka nu leh pa in check up turin phai lamah an kal a, ka u lah a hna ah in ah a awm hek lo. Police hma ah ka țhu ran a "ka pu eng nge min man chhan ber chu" ka ti ha a.



"I la hre mai ang" tih leh ka kutkawl an phelh a, lockup ah chuan min nam lut nghal rawk rawk mai, midang an awm lo a, mahse, eng thil tak nge an buaipui ni, an buai nuaih nuaih thung.



Christina-i a lo thleng a, ka awmna lamah a lo phei vat a, lockup chhung atang chuan "lawyer phone vat teh, engvang a hetiang thil ti hi nge maw an nih le ka hrethiam thei lo" a ngaihna hrelo fe chuan ka ti a.



"I hre lo takzet maw" a țawnghmang ah chuan thup a nei a ka hriat ngawih ngawih "eng thil chiah nge i tih" ka ti nghut a, lockup chu ka hmer nghal tlawk tlawk bawk.



"Ngun tak in lo ngaithla rawh. Tun ah hian engkim hi i ti tawp thei a nia, hei thil hi chhiar rawh" ti in file pakhat chu min rawn pe a, zualtei te in lei na lehkha ngei a ni, ka melh ran a, henu hian zualtei te in lehkha hi engtin nge a neih theih zawk. "Eng thil nge i tih Christina" ka ti leh nghut a.



A kut lehlam a file lo lek kan leh va pah chuan "hei ve thung hi chu, dan lo ang a mi i zai na record, house calling i lak inzai na i tih țhin record zawng zawng awm na a ni bawk, chuan tihpalh vang a mi pakhat i kut a thi ta ngei kha a record kimchang a awm bawk. Chuan duhthlan tur pahnih i nei ang, pakhatna chu thil i tisual lo tih fiah na pawh ka nei a, ka pe lut ang nga engkim a tawp vek ang, hmangaihzuali hi i țen bawk ang, chuan pahnih na chu, he file hi police hnen ah ka pe a nga, jail ah i tlang ang nga, hmangaihzuali a bang a nga, chuan kan chhe rual vek ang, duhthlanna chu i kut ah a awm" a sana a melh zauha "minute 10 chhunh in ngaihtuah na hun ka pe ang che" a ti a, a kal zui nghal hmak mai.



"Hrep tak a" ti hluk in, lock up chu ka hnek nghal chawrh a, engtin nge hetiang thil hi a ti dawn tih hre reng chung in Zualtei bul ah ka kalsan theih zawk. Bialpa nep tak chu ka ni.



Tun ah hian a kaw tawp ah ka ding takzet tawh, a thusawi kha duh lo i la, zualtei te chhung an buai a, apa a damlo tih min hrilh bawk si nen an tan a harsa zual dawn tih ka hai der bawk si lo. Tin, jail ah ka tang a nih chuan ka damchhungin ka carrier zawng zawng a che bawk ang, mahse, pakhat zawk kha ka țhen a nih chuan ka hmangaih engtik lai pawh a kuah ka chak leh ka thlakhlelh em em hi ka thlah a ngai dawn si.



Saisanga tal chu awm se zia deuh tur hi a nia, a ni lah a awm bawk si lo. Boston ațanga ka lo haw tirh khan hospital ah damlo pakhat ka zai a, doctor tamtak khan zai chi a ni lo ti in min hrilh a, mahse, keimah ka in rintawk luat ah ka tisual a, a boral phah ta ngei a, tun thleng in khami O.R a awm ho zawng zawng khan min la zep pui a ni. A chhan pawh an mahni thiam loh a nih ve tho vang a ni, a chhung ten an hrechhuak a nih chuan ka damchhung in ka chhe vek ang nga, kan hospital pawh a chhe vek ang.



Ni e, damdawiin ah chuan hetiang thil hi a thlenh chawk a, thil danglam teh chiam pawh a ni ngai lo, kei ni doctor te chu kan zir ang ngei in chet kan tum țhin ngei alawm, mahse, rin dan leh zir ang diak diak in thil a thleng thei bik si lo lai tak hi buaina chu a ni, ka theih kha ka ring tlat a, mahse, shock a nei thut a, a thluak hnathawh a chawl a, inzai lai ngei in ka kut ah a boral a ni.



Khami ni atang khan engkim, thil engpawh kan hmuh leh hriat dan ai in kan hmuh dan leh kan awmdan hian kan dinhmun a hril zawk tih ka zir chhuak a. Mahse, tunah hian eng dinhmun ah nge ka din, tih theih engmah ka nei lo, ka lut lehlam ah tlang kang in min hual a, lehlam ah thih na tur a hriamhrei hrang hrang in hual ang mai ka ni a, ka tan kawng a ping takzet tawh.



Thawk la halh halh a, ka hmangaih ber hi tih nat ka duh loh a, a tan engtik lai pawh a awm ka duh a ni, ka dinhmun hian a zir si lo, jail ațang chuan engtin nge ka buaipui theih chuang ang "i rilru chu i siam fel tawh em" a min rawn pan hnaih pah chuan a ti a, ka damchhung a minute 10 rei lo ber pawl a ni ngei ang.



"Hmeichhe tenawm tak i ni" ka ti leh hlak a.



"A chhang chuan fel ringawt hian kan duh kan hmu si lo a, sual nih a ngaih chang a tam ve em alawm, ni lawm ni" ngeiawm zet chuan a nui hak a.



"A țha alawm. Zualtei chu ka kalsan ang, ka duh reng vang a ni lo tih hre rawh, min tih luih vang liau liau a ni tih hria ang che" ka ti leh a.



"A chhan a pawimawh lo, chuan he thu hi kan pahnih bak in kan hre tur a ni lo"a ti leh a kei pawh chuan " a țha alawm, chuan nangpawn i thil laksak zawng zawng kha pe let leh ang che" ka ti leh a "tehreng mai, chuan a ruk a hmuh te kha tum reng reng suh ang che. He thil hi engtik hun ah pawh a ti chhuak leh thei reng tih hria la , chuan i chhuah na tur chu ka va buaipui a nge" ti in a kal leh nghal thuai a.



Police sation ațanga chhuak in zualtei chu ka țhen ta nge nge a. A text tur ka type lai te chuan insum hi har ka ti takzet a ni. Ka chhungril hi a na vawng vawng a, duhthlan tur ka nei ngang si lo. Ka phone chu melh tlawk tlawk in "bawihte, ka dinhmun a lakalwh em a ni, min ngaidam rawh, kei hian ka tawpsan dawn lo che. He kan inkar a buaina awm hi hmachhawn tur in ka bei reng dawn a. Ka tan tuar i huam tih ka hria, mahse, keimah vang in nangmah zawng zawng leh in chhungkua in in tuar tur hi ka hmu thei ngang lo a ni" ka khum a țhu ran chuan ka ti sup a.



A tuk zing a ka text a hmuh rual a a hmel hamhaih lutuk kha ka thinlung hian haider har a ti ngawih ngawih a ni. A biang a muttui tla te hi ka kut ngei a hruk sak ka chak takzet a ni, amah ka venhim nan a hlat ah ka awm a ngai si. Chu chu khawvela ka duh loh ber leh ka tih ngei ngei ngai a ni bawk si.



Zan a lo ni a, in a awm pawh ka phur ngang tawh lo, ka u saisanga a lo haw a, kei erawh zualtei te in kawt ah ka awm ran thung. A pawn lo chhuak ka hmuh rual chuan ka biru zauh a. A chhungril natna leh rilru natna in phum ru chu ka hmuh hmaih mawlh si lo. Mahse, a tan a hlat ah ka awm a ngai si.



Biakin a a luh a a țawngțai thleng pawh in ka thlir reng a, ka tan a a dil lai chuan keipawh in "lalpa, ka hmangaih hi lo venghim hram ang che aw. A ni chu mi rilru țha tak leh a hlimna ai a mi hlimna ngai pawimawh tu a ni a, chumi a tih na lamah chuan amah ngei pawh in a tuar phah țhin. Ani ka tawng hi ka lawm a. Ka nun pum a ka hmuh țhat ber a ni, ka hmalam hun ka sawi thei lo a, ka venghim thei ngang lo a nih pawh in nang in awmpui hram ang che. A ni hi ka hmangaih leh ka engkim a ni si a" tiin a sir kil khat ah chuan ka lo phun ve bal bal a.



Tun ah sawn engtiang takin nge min huat ang, a chhungril hmu thei i la ka van ti tak em. Min ngei a nga, min haw hluah hluah ngei ang, chu chu pawi tihna ka nei hauh lo, mahse, a taksa chhe tur khawp chuan awm lo se ka duh a ni. Hmeichhe chak tak ang a lang si in a chhungril ah chuan hmeichhe rilru no tak leh pangchang tak a ni si, a mittui tla te ka hmuh a duh ngai lo a, chumi a hnek in ka hmuh ah chak tak a awm a tum țhin. Chutiang hmeichhia a hmel en ringawt pawh a duhawm hliah hliah biangah chuan keimah Sairinpuia vang ngei hian mittui a luang chu a ni si a.



"Ka hmangaih che Zualte" ka hriat tham lek a ka tih chu rin aiin ka țawng ring deuh a ni ngei ang, a lo hawi ha a, ka biru rang kher mai. Rei ngial chu a thlek deuh dak dak a. Mahse, a hnu chuan an in ah a lut ve ta nghal mai a.



A tuk zan ah chuan ka U Saisanga lo haw tawh bawk nen, rilru tih thawven nan tiin bar ah kan kal dun a. Kan piah deuh lawk a nula, lam ka hmuh chuan ka mit a la zar mai, Zualtei nia mawle, a țhian te a bulhnai ah an awm miah lo lehnghal. A chezia leh awmdan ah a rui tih hai rual a ni lo.



"Zualtei a law" Ka u chuan a ti a.



"Ni in ka hria" amah en reng chung in ka chhang a.



"Tunlai hi in țha vak lo a mi a" a ti leh a. Ka no tlak zui pap in "ni mai" ti chiah in ka chhang thung. Tun ah hian min haw viau a ngem, a nat vang a sawtia khawsa saw nge a nih ang, kei min huat vang chauh a sawtia khawsa kha ni ang. Hlim tak in a nui a, a hlim hmel ru phian mai bawk si. Keimah vang in na lo se ka duh a, chutih rual in ka tello chuan hlim se ka duh chuang lo. A hlim leh a lung ngaih lai ber in ka kiangah awm turin ka duh a, mahse, chumi tur chuan a hlat ah ka awm a ngai si.



Ka no chu ka tlak zui leh nghal pap a "va bia la, engkim sawi fel zawk ula a fuh lo a mi" ka u chuan a ti leh a.



Kan inkar hi vawihnih khat ti ti mai mai a,reh chi ni se keipawh in ka ti a ni "Amah ka hmangaih avangin a lak atangin ka kian a ngai a. A nun theih nan ka thih a ngai a ni, ka nunna chah erawh ka sawi lo, amah hi ka nunna a ni a, ani ka kalsan chuan ka nunna in min kalsan a ni. Thi si lo dam si lo. Mithi leh minung inkar a lêng ang mai ka ni tawh" thawk la halh chuan ka chhang a.



"In buaina chu ka hre hauh lo, mahse, sawi fel tluk a tih țha hi a awm lo a nia" a ti nawn leh a, min ngaihtuah tih hriat fe in ka dar ah chuan a vuan a.



"Ka buaina hi keimah chauh a ka hmachhawn a ngai a ni, chuti lo chu amah chhan ka tum na lamah ka ti na zual mai mai ang tih ka hlauthawng a ni" thawk ka la leh halh a.



Amah kan sawi lai mek chuan hawi phei leh chiah chu a lo awm tawh hauh lo lehnghal. Ka ding hluai a, a awmna lamah chuan ka phei nghal vut a, a bul a țhu ho hnen ah chuan "khawnge helai nula kha a kal" ka ti nghal tâwng mai.



"Wow, țhian a, insum ve deuh teh, kha nula kha chu ka țhianpa chanpual aw" min tham lo zet chuan a nui hak a. A awm ah țham in chu pa chu ka țham tho nghal nawk a "khawnge" ka ti leh tuarh a. "Pawn ah an chhuak tawh" a tih chuan ka thlah a, pawn ah chuan ka chhuak zui nghal hnawk hnawk a.



Boruak vawt ru ver chuan pawn ka rah rualin ka hmai a rawn chhem zui nghal ham ham a, thawk la hawlh in car dum pakhat a hmeichhia an pawm lut tur chu ka hmu zuai a. "Hmangaihzual" ka ti tuarh a, ka aw hria ang pawh in a lang lo, an lam ka pan rual in car in an tlan chhuak nghal a. Ka car park na lamah kal in hmanhmawh zet in ka in khalh chhuak nghal a.



An mahni umzui tum chuan chak zet in ka lim nghal puat mai. Ka speed ka san zel a. Ka umphak hma chuan ka um dawn hi a ni ringawt, ka car tukverh ațanga thli lo lut ham ham pawh chuan ka thinrim vang a ka thin tawt sa lutuk chu ka chhem dai zo tawh hlawl lo. Hrep tak a, henu hian ngaihzawng a lo nei hman a mi a, nge ni a, khapa khan a bum zawk.



Car hnung lawk ah ka tlan zel a, kawng kawi a tlan dawn lai tak chuan car chu a tlan dim ve ta deuh a, chumi chu remchang ah la in ka tlan nghal puat a, an car hma takah chuan ka tlan lut puat a, ka break nghal hrawk a. Engmah pawh sawi lo in car atangin ka chhuak zui nghal hmawk hmawk a.



Chupa chuan "eng nge i hriat a" a lo ti tuarh a, ka vai sawn lawp a a car chu ka hawng a, zualtei chu ka pawm chhuak nghal lawp a, chupa bawk chuan "eng thil nge i hriat a" a ti leh a "ka bialnu hi ka hruai dawn a tawk em" rum zet a melh chung chuan ka ti nghut a, ka car lam ka pan pui a, ka car seat hma ah țhut tir in seat belt chu ka siam nghal sawk sawk bawk.



Chutah sawi fe hian "Sairin nang maw, engtin nge ka awmna i hriat a" a ti sep a. Zu a in hnem hle a ni ngei ang. "Engvanga zui in nge i nih a" ka ti leh ngat a, "zu ka in reng reng lo" a la ti hram chuan ka thin a ti rim zual ru kher mai. A chezia leh awmdan engkim ah ruih a nei tih a hriat ngawih ngawih.



"Dawt min hrilh suh" ka ti nghut a, chutah ngeiawm zet in a nui sak a "dawt, kei hian maw, dawt ka hrilh che maw" a meng siar siar lehnghal a. Car chu ti nung in a hma a ka in ka hruai na lam pan chuan ka in khalh chhuak zui nghal thuai a. Kawngka ka hawng a, living room couch ah chuan ka mut a, pool awmna lam a sliding window lian zet chu boruak a lo luh theih nan ka hawng nghal vat bawk.



Rei ngial a ngawih hnu ah rawn in beng kang deuh in "engvang a min țhen nge i nih" ka mit ah tak chuan rum ru fe in min melh ran.



"Ka sawi vek tawh kha, kan mizia a in mil lo em alawm" ti chauh in ka chhang thung. A hmui sen chak chu a pet ru zauh a, ka fawp chak takzet a ni.



"Mihring pakhat ah hian famkimna a awm hleinem. Chutiang i beisei chuan khawvel ah hian i hmu ngai lo ang. Tu emaw, kan duh tak te kan ngaihzawn tak hian kan beisei ang an pha lo thin, nimahse, an mahni kan duh na chuan chu chu a en kan a, kan tan a sawisel bo ah kan pawm zawk thin a ni. Sawi mai la, a tir ațang khan i thutak tak tak ngai lo tih sawi mai la" a mitmeng a natna awm chu hmuh hmaih a har takzet a ni.



"Chutiang a ni lo" ka ti leh ngawt a.



"Ih maw Sairinpui. I laka ka awm ah khan i lung ka ti awi lo a nih chuan min ngaidam la, min hrethiam dawn nia, ka hmangaih tak te bulah chuan engtia awm tur nge ka hrelo a, ka buai a, ka mizia diktak pawh ti lang hleithei lo khawp in ka awm mai țhin. Khang ah khan i duhloh zawng a ka awm a nih chuan min hrethiam mai dawn nia. Tunah chuan kan kawng zawh a hrang tawh a nga. Kan khawvel hmachhawn tur pawh a inang tawh lo ngei ang, mahse tun hun leh nakin hun thleng pawh in ka hmangaihna che hian kian zai a rei thei tawh lo ang. Chuan kei chuan he hriatreng na hlu tak hi ka lo vawng nung ve țawk țawk tawh mai ang" couch nghen pah chuan a thaw chhuak ham ham a, a mittui chu a ruk in a hru zauh bawk.



"Min hrethiam lawk" ti in bathroom lam ka pan ding nghal nal nal a, bathroom darthlalang ah chuan in en in thawk ka la zui nghal ham ham a, ka kut chu ka theih tawk a na in ka hum ruh tlawk tlawk bawk. Ka nat ang chiah in a na tih kha ka hmu a ni, nilo, kei ai nasa fe in a tuar zawk.



Rei ngial bathroom a ka awm hnu ah chuan ka chhuak phei a, ka chhungril na zet chu thup ruk ka tum hram hram a ni "tho rawh ka va thlah ang che" ka ti ta nge nge a.



"A ngai lo, ka haw ve mai ang" zawn nei tih hriat fe in a bul couch vel chu a thlek dak dak a.



"Kan awmna a fal em hi, zan ah tinge nangmah a i kal reng reng a, țhian hruai ta che, bakah hetiang a tlai ah chuan haw vat tur che alawm" ka ti leh a. Amah ka hnaih zual sauh leh a na tih ka hria, mahse, amah hlat hian ka awm lo thei si lo. Ka ngaihtuah a, a chungah eng emaw a thleng lo ang tih ka sawi thei hek lo. A laka ka thuneihna chu keimah ngei in ka sat chat a , mahse, chu chuan amah ka ngaihsakna a ti reh chuang si lo a ni. Ka hmangaih Zualtei kha a la ni reng tho tho.



"Oh..nichin mai ka țhianpa car a ka chuan lai khan ani chuan min thlah a tum sa reng alawm, nang in a min hruai bo hma kha chuan" a awki a dim lo kher mai.



"Thian maw, țhian zawng zawng rin tur a ni ngai lo. Țhian mipa engzat chiah nge i neih a" mipa dang vang a min hau hi na ka ti em a ni



"Chuan a nih, tu chu nge rin se min tih nangmah maw. Ha...nang ka rin na che chuan eng thleng nge min hruai tak hi, ka duh duh ti tur in zalenna ka nei, nula puitling ka ni, i ngaihzawng pakhat, a bialpa tih lungawi loh hlau em em, a neih zawng zawng hlan a, a kalsan leh tak hmeichhe pakhat ve mai kha ka ni tawh lo, khawvel ah hian rin loh tur an awm a nih chian nangmah hi i ni ngei ang" in sehruh țun in a ti chhuak ta nge nge a, a biangah mittui a luang nghal ngiai ngiai bawk.



"Chuan min hua em" ka ti leh a.



"Chu chu i lo buai na tur pakhat mah a awm lo. I hria em, ka haw lo che, mahse, rin dan chintawk che erawh ka thiam phah ngei ang" a ti nghat a, a lu dawm leh vang vang in room ațang chuan a chhuak a, pawn lamah ka kal zui nghal nal nal a. Kei pawh chuan ka zui chhuak zui ta nghal vat a, ka zui tih a hria nge ni, a lo hawi let a "i phone lo la rawh" a ti nghut a. Ngawireng chuan ka pe ve nghal mai a, ka phone a a thlalak wallpaper a ka la hmang reng chu mak a ti ve deuh ni tur nge ni, min chho en ha a, a in siamrem leh nghal vat thung.



Phone chuan number eng emaw a dial a, a biak danah chuan a nau a nih ngei ka ring, rei vak lo hnu ah ka phone chu min hmeh bel chawt a, a kal zui nghal nal nal a. A awmdan leh a chet phung engkim ah chuan min hnawl vek tawh ni mai hian ka hria, keimah leh keimah ka in huat tir a, mahse a na ti tu chu keimah chauh ka ni leh bawk si lo.



Thlah pawh tum eng ang mah i la a duh dawn lo tih ka hre tlang nghal vek. Chu ai chuan thlah tum loh law law hi ka tan pawn a fin thlak zawk ang.



In ka thlen leh meuh chuan ka u pawh a lo mu fel leh der tawh a ni ngei ang, inchhung zawng zawng a thim leh khap tawh mai, tukin khan ka nu ten min lo call a, kapa țhat zel thu leh a thla leh a an lo haw tur thu an lo sawi a, lo haw vat se la, he christina-i kut atang hian hospital hi la thuai thuai se ka ti takzet a ni.



Ka room ka luh rual rual in Christina-i chuan "khawnge i kal kawi a, U Saisanga lo haw ne rei tawh nen" ka nu ang mai a khawsak a tum leh min kher reng mai hi ka kham takzet a ni.



"Chhuak rawh, ka mu dawn" ka jacket chu hlip in ka chair ah chuan ka bang a.



Ka hnunglam zawng ațanga min rawn kuah chung chuan "Sairin, tinge i danglam tak em em mai le. A hma a mi Sairina kha tinge i nih leh mai loh ang, hlim tak in kan awm țhin kha, nangpawh in nuam i ti a, keipawh in nuam ka ti bawk. In pawh leh zep awm miah lo in kan awm dun țhin a nih kha" a kut chu ka kawngah a suih tlat a, ka hnung chu a ngheng ham ham bawk.



"Christina hun leh ni te a danglam ang bawk hian thil engpawh a danglam thei. Nangmah a ka hmangaihna che ai tam fe khan Zualtei ka hmangaih a, chu chu nangmah pawh in i hria. Ninhlui ah min let pui i tun emaw, a hma ang a awm leh tur khan min beisei a nih chuan, ka hrilh lawk ang che. Tum lo law law mai rawh" a kut phelh sak ka tum a, a ai nghet in min kuah nghal vat thung.




"Vawikhat chiah Christina ka hmangaih che min ti leh rawh, chuan heng buaina zawng zawng hi a kiang vek tawh ang" aw tham țiak chuan a ti a.



"A hma a mi ka hriat țhin kha i ni tawh lo. A hma a ka hriat țhin hmeichhia kha chu hmeichhe nun nem leh pawi sawi hlau tak kha a ni țhin. Tun a ka hriat min chelh tu hi chu ramhuai sual tih hreh nei lo, a duhna ah chuan mi tupawh nawr lui mai țhin a ni tlat a ni" ka ti ve ta sak a.



"Ka hmangaih vang che a nih hi, i hrethiam miah lo a mi" a kut a min kuah na chu paih tla hnawk in ka inher a, "duhtawk rawh, i lemchan leh engkim hi, engtik ah emaw chuan he i duham na hian tuipui thim tak ah a la paih ang che" tih leh bathroom a luh ka rual ta nghal a.


Ka story group join duh tan https://facebook.com/groups/824927271454265/



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)