DECALCOMANIA Chapter 7

Episode kal lai dah luhna

Moderator: writers

Zuali khiangte_zii95
Posts: 102
Joined: March 20th, 2021, 9:47 am

DECALCOMANIA Chapter 7

Unread post by Zuali khiangte_zii95 » June 21st, 2021, 7:52 pm

Rocco chuan min la vawnbwh reng avang in "min thlah rawh" chang fak chuan ka ti a ,a mitko san ak in a hmui a ti sawi zauh ringawt , ngei lutuk in ka melh nghek "Zothanpui haw rawh!!' Ka ti leh vak a,min nin hmel fe in a la ner zui sawk zui ,ka kut hi manbet tlat lo se chuan a sam buk lutuk ah hian ka tham nghek tawh ang "ka chung atang hian chhuk rawh" nelawm hauh lo in ka ti leh a,a thaw hak a ka mit ah  chiang lutuk in min en bawk ka ke chu ka leng vak a chumi rual chiah chuan ka bawp pahnih chu a aia na zawk in a bawp lian lutuk chuan a chepbet nghal hmiah a nihchu.."Zothanpui ka thusawi i hriat chuan ka chung atang hian chhuk la,haw rawh!!" Ka ti vin hlar a  thinrim lutuk in ka melh ngawt ngawt bawk

A ngawi reng a,min chhang tawh dawn lo emaw ka tih hnu ah "duhlo ta ila' a rawn tichhuak sup a nihchu "i duhlo a nihchuan ka au vak a nga police ka man tir ang che" cho lutuk a melh let kar pah chuan ka ti fak a,ka pumraw len loh avanga min zuam ngawt a nihchuan a tisual chiang viau ang "Gigi hahdam rawh engmah  tih ka tum lo" a rawn tih sup chuan ka lo ner nghal sawk ,min thutbet tlat chung hian engmah tih ka tum lo a la tia maw huh!! "He ti chung hian 'engmah tih ka  tumlo' i tia maw hah!! Ka chung atang hian chhuk vat mai teh" ka ti hlar , "shhh!! min ngaithla rawh Gigi sawiduh ka nei"

"He tiang a che kher lo pawh hian i sawi duh chu i sawi thei,chhuk vat rawh" ka lo ti leh vak ,a nui suk a min chhan tum ni awm tak a ka a an zuau lai chuan  a phone ah lai chu a rawn ri thut,hunlo tih hmel fe in a phun hluk a a jeans kekawr ip te atang chuan a phone chu phawrh in screen a en chuan a ner zui nghal sawk bawk ,call chu chhang lo in a off hmak in a jeans ipte ah a thunlut leh nghal daih a nihchu,mahse a aklut fel chiah tih ah a phone bawk chu rawn ri leh in phun hluk chung in phone chu a phawrh chhuak leh a ,min rawn melh zawk in "call hi ka chhang lawk ang a ,kan inbe leh ang" ti sup in ,ka chung atang chuan a letthla thawk a ka taksa chu a zang nghal hawk mai in ka hria , ka room atang chuan a chhuak a "Dar engzat nge i hria em Brenda" lawm lo tih hriat lutuk a a ti nghut chu room pawnlam ah awm tawh mahse ka hrethei,bialnu nei reng chungin tiang khan ka chung ah a khawsa chu a nia,tenawm lutuk, ka chung ah engmah thlentir lo mahse a chetdan zahpuiawm leh hawihhawm lo lutuk avang khan ka haw hluah hluah tho

Khum atang chhuk vat in room kawngka lam chu ka pan a ,a chung leh hnuai ah a kalh nghal hmak rawn luh leh tum pawh nise ti hi chuan a rawn lut thei tawh lo tawp ang ,ka khum lam ah let leh in rizai   chuan ka  inlukhup nghal hmak bawk Rocco chu a rawn let leh mai lo ..ka lo muhil hman sek a ni ngei ang ka room kawngka kik thawm ah chuan ka harh hlawl "Gigi lo hawng teh" room pawn lam atang Rocco chuan a rawn ti thum dut a nihchu ka phone ka ban vat a screen ka hmeh en chuan zan dar 11:00pm a lo ri tawh , tun thleng thleng in hepa hian e nge kan in ah a la tih …hrep chuan! a mawl a nih dawn hi ,ngawireng in ka mu tha leh hmak a pawnlam atang min ko dut dut reng ,mahse ka hrelo der tlat ti hian room kawngka ka hawn duh loh miau chuan a beidawng ve mai ang ka chhungte tihharh a hlau ve dawn tho tih ka hrechiang emai ,puan sin tha sauh sauh in ka mit ka chhing daih

Ka harh leh meuh chuan khua a lo eng uarh tawh,nizan khan engtik lai in nge ka muthilh ka hre miah lo ,bathroom ah lut in ka in tihfai hnu ah rawngbawl tur in inhnuai lam ah ka chhuk a choka lam luh dawn hian sitting room kalpelh a ngai a, sitting room lam ka hawiphei chiah chu ka phu nghal dawrh ,sofa ah in kuangkuah a thu chung in Rocco chuan min lo melh ngur a nihchu ,hepa hi nizan ah a haw miah lo tih na em ni mai mai chuan eng chu nge a hriat ni rum lutuk melh pah chuan "hetah enge i tih" ka ti chang fak ,min melh  ngur a nizan a ka awmdan vang in a lungawi lo deuh te pawh a ni maithei ,a zaklo mah mah deuh chu a ni

"In biak ka duh thu ka sawi ' min en ngur chung chuan a rawn ti nghut a nihchu zaklo hian "ka be peih lo che tih i hrethiam mai lo em ni,a reng reng thu ah hetiang a mi in a awm hi i zak lo em ni" ti ngat in ka kalpel a choka lam ah ka lut tlang nghal daih ,a rum nghut thawm ka hriat rual chuan choka ah min rawn zuilut tih ka hria ka hnungzang za mer mer atang chuan ka hnaih tak ah a awm tih pawh ka hria ka lo tang ru nghal teuh a nihchu "Gigi inbiak ka duh"  Rocco chuan a rawn ti a ,a lam hawi a inher pah in "kei in biak che ka duh silo a " ti ngat in  dar ka chhin ak a chaw ei dawhkan a bottle inchhawp a mi tui chu glass no ah thli chhuak in ka in nghal khawlh khawlh bawk ,tui ka in zawh chuan min en ngur tu chu en in "kawngka awm na i hriat chuan chulam chu pan mai ta che ka chhungte pawh an rawn tho tep ang" nui suk pah chuan ka ti kher a ,buhfai dah  na lam pan in chaw chhum chu ka siam zui nghal mawlh mawlh..Rocco chu a tawng lo a a thawm hriat tur pawh a awm lo,pen thawm ka hriatloh avang chuan choka ah a la awm ve reng tih zawng ka  hria ,gas  ah chaw ka chhuang a ka inher leh chuan Rocco chu a dinna ngai ah a lo la ding reng ..a awm ve lo ang mai in ka chet zawm mawlh mawlh a  thaw ri hawk ka hriat rual chuan ka dar ah kut tha chak zet in min kuaiher nghal nawk ka alu chan tur pawh ka thlauh leh daih

"Enge maw i hriat le ka report tak tak dawn che a nia" ka ti nghal vak "ka awm ve lo ang mai a i chetkhan nuam i ti mi,ngaithla rawh…chiang tak khan lo ngaithla ang che kei hian ka duh che" a tih chuan ka meng nghal kawk thei ,Rocco chu ka en tlawk tlawk a fiamthu thawh hmel a pu lo "i a zo tawh a nihkha" tih zawng ka sawichhuak thei

"Nang duh che  hi atna a nih chuan ..imm,mi a chu ka ni mai ang" a thusawi ah a chian hmel ropui bawk si nen a mah chu ka melh ngawt ngawt ringawt,a bul a ka awm chang hian dikloh na ka nei thin tih ka hria,a hmel vang pawh a ni ngei ang mahse a ni hi chuan bialnu kawp lai a nei chumai bak ah Remruata hmel anpui chiah ngaizawng tur hian ka lo la in ngaihtuah ngai lo,ngaihzawng nei leh tur chuan Remruata lak ah ka inthlahrung a ani chu minung te zing ah awm ve tawh lo mahse ka thinlung atang a awmbo ve ngai  lo chuvang chuan midang nei leh tur in ka thinlung a la in peih lo bawk …"ka duh ve lo che ,chuan tun ah  kan in atang hian chhuak rawh ,ka au vak hma hian" ka ti chuan min melh ngawt ngawt..a hmel  landan atang ringawt chuan a ngaihtuah na hriat har tak a ni ,nizan lawk ah pawh a bialnu nen rei tak an inbia a  zing ah min duh thu a sawi leh a ,eng ang mipa chiah nge a nih hepa hi mi rintlak tak chu a nilo tawp ang


Ka dar a vawn na chu a thlah a,ngeiawm lutuk a nui suk chung hian "ka duh chu ka nei ngei ngei thin" a rawn ti sup a nihchu,awihlo lutuk in ka melh nghek "i neih ngei ngei zing ah chuan ka tel ve dawn loh tawp chu" ka lo ti let hmak ,a nui hak a engvang a nui nge a nih ka hrelo  "ka sawi zo chiah ,ka duh chu ka nei ngei ngei thin ,ka duh zing ah chuan nangpawh hi i tel a ka nei ngei bawk ang che" tum ruh hmel fe a ti charh in a inher vut a choka atang chuan a chhuak nghal nul nul ka ngei zia chu rapthlak tak a ni "Zothanpui vawikhat mah ka hma ah rawn inlan tawh suh lerh a ,milerh pa!!" Tiin choka atang a chhuak chu ka au zui nghek ..'ka duh ka nei ngei ngei thin ' a nei ngei ngei chu a hmel a nihchu keihi min nei lul lo ang a ni ang mi lerh lutuk ngaihzawng nei lai reng a hmeichhe dang bem duh mipa kha ka kawp lul lo ang… Rocco chetdan vanga thinrim tun chungin zingkar hun chu ka hmang a mood a off vek thei



Ka mood off em avang in Nicolas a min biakna pawh a rul tawk chiah chiah bak in ka chhang peih lo,ka mitthla ah Zothanpuia chetdan kha a rawn lang a ka thinrim inbengdai tur pawh a rawn alh leh hluai thin,ka mood diklo lutuk chu Nicolas pawn a hmuh hmaih lo a chhan min zawt chiah bawk,mahse engmah ka hrilh lo Zothanpuia chetdan kha ka hrilh hriat kher a tul in ka hre rih lo

Chawhma lam chiah class kan neih avang in Nicolas nen khawchhung kan fangkual vel mai mai,Restaurant a thil ei a kan chawlh lai chuan ka awmdan rawn diklo thut chu a chhan ka hre thuai dawr kawngka a Rocco leh a khanu kan hmuh tawh thin a bialnu ni ngei tur nen an rawn lut lai chu ka hnu nghal  chat,hmeichhia chuan in ti neitu tak in a ban ah a chelh a Rocco chuan a ban chu laksawn emaw dahthlak sak pawh a tum lo,ni e engvang in nge a tum ang a bialnu a nia lawm ,an ni chuan min hmu ve lo a ni ngei ang waiter in thutna tur a kawhhmuh lam ah chuan an inzui phei a ,hmeichhia chu a nui har har reng a Rocco nui hmel erawh ka hmu lo thung



Ka thil ei chu a tui tawh mawlh lo,kan hma lam a mi pahnih te hian tullo lutuk in ka rilru an la peng deuh tlat ,ka eitur chu ka thai let ka thai let ringawt a chang in Rocco te lam chu ka hawi leh zeuh zeuh thin,vawikhat Rocco te lam ka hawi leh chiah chu Rocco chuan bing lutuk in min ko en ngur a nihchu ,a hmel ah chuan lawm hmel  a pu lo a ,tun ah hian ka thutna atang hian min rawn phih thawh lawp duh hmel a pu ..

"Nico kal ang ka puar tawh" ti in ka tho vut a,helai hmun a awm reng hi ka duh lo Zothanpuia te awm ve na hmun ah leh lek phei chuan,Nicolas pawh engmah sawilo in min lo zui ve mai a Rocco te kha a hmu ve miah lo tih ka hria hrilh pawh ka tum buai hek lo..counter lam ah bill te kan pekfel hnu chuan restaurant atang chuan kan chhuak a parking lot kan thleng vel chiah tih ah "Gigi " ti a min ko thawm ka hriat chuan ka ding dawt tunge a nih ka hriat chian lutuk avang in ka kal chhunzawm leh nghal hlawk hlawn Nicolas  bike dah na kan thlen dawn chuan ka ban ah min rawn phih nghek chuan ka te deuh thawt


" enge i hriat!!" Nicolas chuan a  ti nghal thawt Rocco chu a dinchilh nghal ran a ,hnai setsawt a Nicolas en chung in Rocco chuan "lo va kalsawn rawh"  a ti chang fak a nihchu,a thinrim hmel em em mai lehnghal ,hetiang a a chet chhan hi hrelo mah ila a chet duhdan  vang hian ka ngei lutuk  "eng vang in nge ka kalsawn ang" Nicolas ve thung a ni

"Kalsawn rawn ka tihchuan kal sawn vat mai rawh" ti thawt in Zothanpuia chuan Nicolas awm ah chuan a tham nghal chawt a nihchu  "hey!! Hmela..i mawl a mi thlah nghal vat rawh" ti vak in Rocco an Nicolas a tham na a kut chu ka theih ang a na in ka chum nghek mahse eng ah mah ngai duh lo in a tham na a tinghet sauh a nihchu,a ban a thisen zam kal chho chu a pawng tawlh tawlh a a hmel landan a chang tawlh tawlh  bawk,Zothanpuia hian Nicolas hi kutthlak a hreh miah lo toh ka hrechiang



"Zothanpui thlah nghal vat rawh ,enge i hriat a hetia i rawn chet ringawt… thlah rawh!!" Ka ti leh vak

"He ta tang a kalsawn dawn chauh in ka thlah ang" ti nghut in Rocco chuan  min rawn en a "Ka kalsawn ang maw teuh lo" Nicolas chuan a lo ti ve nghut kan boruak tang zet chuan awmdan tur min hriat tir lo "nangkha lo ngawi hmak rawh" Nicolas a lo tawng chu Rocco  chuan a lo tichang fak a nihchu hetiang ngawt chuan a dik dawn lo boruak ka bengdai vat a nih loh chuan helai hmun ah hian an insual duh mai ang ,thawk la halh in " a tha,Nico lo va kalsawn lawk mai rawh " ka ti chhuak ta halh

"Hepa nen chauh hian maw Hlu,," Nicolas chuan a lo tinghal vat,ni e Rocco nen chauh min kalsan chu a hreh ang tih ka hria mahse hetia ka tih mai loh chuan Rocco kut hi a tuar palh hlauh ang tih ka hlauhpui bawk si " ka tha ang Nico,lo va kalsawn rawh Zothanpui ,Nico kha thlah rawh" ka tih chuan Rocco chuan Nicolas a tham beh na chu a thlah a Nicolas pawh ka tihluih na vang in ngaihngam zan lo chuan Rocco nen min kalsan a




"I eng hi nge diklo a,nungchang mawi i hre hlawl lo em ni" ngei lutuk in ka ti chhuak nghal
Rocco chuan min en ngur in a ner zui sawk  a ,a hmai a ka ben chawrh loh nan ka in sum tang tang thung "kha mihring kha hnaih tam suh,i hria em a hnaih ah khan awm tawh suh ang che"sehchilh nak in a rawn ti a nihchu,zaklo hi ka va han ti ngawih ngawih tak tun ah hian a ni hian ka thiantha ber hnaih lo tur in min ti a maw

"Ka chung a thu nei tur in tunge i nih,ka hnaih tur leh hnaih loh tur min hrilh tur in tunge i nih a,mawh..tunge i nih ,nang hi ka engmah i nilo chuvang in ka nun ah lo inrawlh suh keipawh i nun ah ka lo in rawlh  lo ang" a mit a en kar chungin ka ti let sak,a beng a thisenzam pawng tawlh tawlh dan atang chuan a thinrim viau a ni ngei ang  a insehruh nasa viau bawk,chutah thaw hawk in a tukhum a tuai thuak in min rawn en leh vut in  " a bul hnai ah awm lo tur a ka tih che chuan awm lo mai rawh,tu mipa mah hnaih suh ka ta i ni tih hria ang che" a rawn tih tawk chuan awihlo lutuk in ka melh nghal nghek, a bialnu restaurant chhunglam a a awm reng lai in pawnlam ah ka hnen ah hengthu hi a sawi a nia zahna a nei hlawl lo



"I zak lo hle mai Zothanpui,i bialnu ka nilo a i ta pawh ka ni lo,nangchuan restaurant chhunglam a i bialnu chauh saw ngaihtuah rawh ,bialnu nei reng chungin ka lak ah hetiang hian i khawsa ngam chu a nia,zahna u nei miah lo" ti chhuak sap in kal pelh mai ka tum chuan " ka bialnu nei chu i buaina a nihchuan ka chingfel thei,nilo tun ah hian ka chingfel  nghal ang ,min zui rawh kan pahnih in tun ah hian kan chingfel ang" ti in ka ban ah a rawn vuan a restaurant chhunglam min panpui a nihchu ,a mawl tak tak a nih hi hepa hi ,min vawnna atang chhuah tum in ka tal nghek a ka bialpa pawh a nilo a a ni nen hian eng inzawm na mah kan neilo chhunglam a lut a a bialnu hma a va intih mualpho chu ka duh aw zawng lo



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)