HER SWEET REVENGE 18+ EPISODE 1 ZIAKTU :NUNUI FRANKY HMAR

Episode kal lai dah luhna

Moderator: writers

Big bear
Posts: 400
Joined: November 9th, 2017, 1:44 pm

HER SWEET REVENGE 18+ EPISODE 1 ZIAKTU :NUNUI FRANKY HMAR

Unread post by Big bear » June 21st, 2021, 8:36 pm

HER SWEET REVENGE


ZIAKTU: Nunui Franky Hmar



Episode 1




(In hmuh loh chhung ava rei ta ve tirawh u ! Pathian zarah kan dam anga, zantin hmuh kan in beisei leh theuh dawn nia u . Like leh comments te pawh kha a hma ang khan aw , chuan a hnuai ah hian link ka dah a, WhatsApp group join duh tan .)





"Khatiang sazu tereuhte neih duh hmel deuh kha ngatanmah ka tilo sawi ve sek su" Ka hma a computer ah naktuk lam tur programme ka chhu lut malh malh a, kan pu hi a duhkhirh ve a mahse pa nelawm loh ani hran lo .




A pension hnaih vangte pawh ani pakhat anga, a chhuah hma a engkim felfai vek a duh te pawh a ni maithei a ni .



" Sazu ringawt rawh sawi suh chhun chawlh a hun tawh , Ila laklawh mi?" Lalvero-a chuan ati a, ka zawh tep thu sawiin tlem ka type belh a, ka riltam tawh lutuk tlat .




"Covid boruak a zia tawh bawk a, mi chhuak vak an tam tawh hle mai a, a ni leh huk ang tih te pawh a hlauhawm alawm mawle " kan office bulah hian restaurant lian lutuk lo hi a awm a tah hian kan in hnawh khawm deuh dal thin .




"Keichu egg roll leh coffee aw" phone ka phawrh a, Nizan a ka charge full bak ka la khawih leh miah lo .




Kan thian ho Lalvero-a , kei leh Sangtei hi office khatah kan awm a, kan inkawm ngeih hlawm phian a, chawlh eng emawni chang pawh hian kan in cover hneh thin viau .




"Oiii saw a sazu len hmel zia saw !" Vero chu kawngkhar lam a melh zawk a, nasa takin kan han nui leh rih a, zahmawh sawi hrat rilru chhe tak an awm ngailo antih kha ni lawmni?





Thil kan ei zo office lam kan pan lai chuan step atang hian hmanhmawh deuh hian palian pui sang tha zet hi a rawn pen thla pawk pawk a, keini a sei zawngin kan pathum in kan pen chho si nen , alaia kei kal ta chu ka zawnah a tawp chat a, mask a vuah vangin a hmel ka hmu thei lo .




Kawng kan kian a, a kal zui mai . Mi nasa tih takah Lalvero-a chuan a en zui hram pek a,




"A nei lian ngawt ang ka duh chi" ati hap a hepa hi chu. A la rimtui em em leh ta nghal a!




Kan department director a pension avangin hna a chawl duk a, mahse sawrkar lai lam atangin an rawn hnawh khat leh thuai a, hrawn a hreawm leh pek ang chu .



Sunday ani a, mut rei tum viau mah ila kan MHIP treasurer hian inkhawm lova mut bo a phal leh hauh tawh lo . Chhhung inkhawm kan nei zo chaw te kan ei kham hnu chuan kan insiam sang sang a, biakin lam kan pan dial a. Ka nu ka u in a phur a, kei erawh keimahin ka in khalh chhuak thung .




"Enteh , pavalai thutna lam tlar hnunglam atanga chhiar Pali na ah sawn ka pathlawi sawi kha a thu . Kan veng a in ang " Sangtei hawina lam ka va hawi a, office ah khan IPS voluntary pension Mizoram lama lo haw pathlawi chhelo deuh an tih an tih kha ka va hmu ve chat .



A palian reuh si a, a dress hak chuan a phuar deuh a mahse a body nalh lutuk chu a ti lang chiang zawk.




Hmeltha ani lo mahse tleirawl ho tihdan takah a pá a ni tawp mai . A nupui a sun tawh tih leh fa pahnih a nei tawh tih te nen lam khan kan lo hre fel leh vek tawh .





A mitmeng rum lam leh a vun uk kharh , hang ti a sawi tur ni miah silo te , a hnar ngul in vuah fuh em em si te leh a khabe hmul awmze nei zeta a zuah te , kei hian ka thiante support in sawpa zunah sawn ka uai ve dawn Chiang a ni .




"Kan ngaihzawng nei ngailo-i pawn a en dauh dauh chuan a chhelo hle tihna" Sangtei chu ka nuih let var var.





" Helai ah hian trek chuai zuk han awm a" tiin nuih rin hlau takin kan nui khur char char .




A chanchin kha chu ka lo hre ve nual tawh a. Mizoram ah hi chuan chhungkaw hung tak Anni a, an thlahtute atangin .



Hmanni CM adviser emawni eiru nasa deuh an ban tak pawh kha Lalvero-a sawi dan chuan a patea a ni awm e . A chungchang lo sawi tur kha hre ngai hek lo le . Apa a boral tawha , Anu hi sawrkar college ah a thawk a, tunah hian Principal a a awm mek thu te pawh ka lo hre ve kar.




Hun a kal ve zel a, kum 24 chhung zet ka lo single tawh tih min hrilh nawn fo tu ka thiante pahnih hi a chang chuan ka ngei lek lek thin . Pasal neih hi chu ala hnai lo teh e .







" Oiii ka pheikhawk " thingpui kan in zo office lam pana kan kal lai chuan mipa naupang leh hmeichhe naupang samkir chiat mai in ang zet pahnih hi kan tawk a, a mipa zawk chuan Lalvero-a pheikhawk ah hian a rawn rah sak a,





"Ka lei thar asin le, a swade lehnghal" mipa naupang chuan ngaihdam a dil a, ka lo en reng , a polite reuh hle mai. A hmeltha reuh bawk si nen . Phir ni ngei tur anni lehnghal, hmuh tawh na nei ang tlata in hriatna ka nei leh cheu !




" Au , apa motor-ah lo awm ang , khawiah mah lo kal suh u mintih kha " hmeichhe naupang chuan ati reuh a, duhawm reuh lutuk .





"Jayden, Jasmine" mipa aw ril ruih pa hrak mai, thupe aw zet lo chhuahna lam chu naupangte pahnih rual chuan kan hawi thap .




Lalpa! Khapa ngei mai kha, kan lam pan chuan kawng a rawn cross a, heihi a fate pahnih chu emni ? Hmuh tawh na ka nei khan ka hre reng ani . Lalvero-a chuan min rawn sik zeuh zeuh a .




"Apa" hmeichhe naupang zawk chuan alo ti a, Pu Lawmsanga chuan min rawn melh run bik anih chu. A mitmeng a hlauhawm si a, mahse apa em em lawi si . Reilote hnu ah a hawisawn a, naupangte pahnih kaiin duster dum in hunna lamah chuan a kai thla a, kan en zui reng .





"Oii, a en chian zia che kha! Mizoram alo haw leh hnu hian hmeichhia a ngaihsak siloa , be tu leh ngaizawng tu a ngah tehlul nen a lerh lo ve ngawt mai. A nuam awm bik e! Zun Ka cheh in ka hria " Lalvero-a tak hi chu aw .





Office lama kan let hnu pawh ka vei zui veng veng mai . A mitmeng kha !



Mizoram a an aluminium industry a enkawl dawn tih thuthang a awm a, kan office thlang deuh lawkah hian an office building lian ve tak pakhat a awm bawk a, chutah chuan a rawn kal chang hian ka hmu zeuh zeuh thin.





Mahse a lerh hlawl lo aniang e, hmeichhe chhelo leh hmeltha deuh deuhin an en a an biak chak deuh pawhin a ngaihven zui ka hre ngailo . Damn hepa hi ka vei dawn tlat .




"Lalvero zanin kha " Kan Pu hlui pension ta te chhung nen khan kan in hnaih hle a, a fel bawk a , a nupui pawh khan keini staff pathum bik hi chu min nel hle a,a kum 75 birthday ani a, kal ve ngei turin min rawn chah uluk nasa mai si a .




"Oiiii wine a tam leh dawn lutuk . Chhun atang hian tui kan in lo tiang , ka hawn ru Chiang ang" atih chuan kan nui dar dar a .



Hna ban chuan kan tlang nghal a, a present tur necktie ka lei pawh ka tuam tir vek a, Lalvero-a leh siamtei erawh in thil dang an pe thung . Kan pu bik bik kha ani miau a




Ka nu ka phone tawh a , Ka haw tlai tur thu leh chaw kan ei nghal thu ka hrilh a, engkimah a tha ber Ber vek an hmang a, an in hmun in a zir bawk a, mi lo kal pawh an changkang hlawm hle . Hna sang tak tak thawk deuh vek anni nghe nghe a .




Ka rin loh deuh ka hmuh chuan ka hô hian ka lo en a, ka bula mite pahnih pawh chuti bawk.




Nu Siammawii Pu hlui nupui chuan alo lawm vat a, ani pawh nui sukin a hawi kual a,Kan mit a in tawng chat ! Mit ti zim sun hian min rawn en a, mahse a rei lo a hawi sawn thuai a, midang bia in a kalsawn nghal a.





" Ouii le saw ka duata lo kal Ka va spy lawk" tiin siamtei nen min kalsan a, Choka lamah tihtur vak kan hriat loh avangin kan awm a, Nu Siammawii hovin kan awm a, awmpui teho nen . Fiamthu an thawh a, Kan nui ho leh dar dar thin a .




" Phone ka va hmang lawk ange" tiin siamtei chuan min kalsan a, hmelhriat vak ka neih loh vangin kilkhatah ka lo thu a, ka phone ka khal niap niap ringawt .




" Tui intur " Ka phu deuh zawk .Chu aw chu . Ka hawi chhuak vat a, Theodore Lawmsanga kha ! Min lo melh kur anih chu !




Ka harh chhuak zawk a, ka hawi kual a, khawnge hetah khan an awm ve nual sia an lo bo zawh tak ka hrelo . Ka bulah filter a awm a, ka kawk zauh a, thlit sak kher a phut tihna mi a?





" In thlit ve mai rawh kut I neih kha" Ka ti sap a, rum ngut hian min rawn pan hnai a ,




" Min thlit sak turin ka tih hauh loh che kha mawle" nuihza aw lek leka atih chuan ka ngei ru reuh lutuk.



A pa len len nen hnial hrat reuh lutuk mai. Choka atang chuan chhuak ta mai lo chuan ka sirah chuan a rawn thu thla ta deuh deuh a .





"I hming ?" Thupe aw deuh hian a rawn ti leh sup .



"Maw?"

"Maw chu maw I hming ?" Atih chuan ka lu ka thing vat . Hepa hi enge a hriat a! Khawnge ka thian dang te pawh kha an awm ni .




Ka thaw a chham lek lek boruak hip tur ka tlachham dawn hian Ka hria , a bula awm chu a mi uap a na em a, Ka dang te a ro hulh a , Ka dang a awk zo.





"Aih englo ka hming chu Elizabeth, Eli tiin min ko thei ang " Ka ti sap a.



"Enge I mizo hming ? Sap hming hi ka ngaina lo" atih chuan rum zet hian ka melh a, a ngainat a ngainat loh tur in ka hming hi an phuah lo asin mawle .





"I ngainat tura sawi ka ni hleinem pu Lawmsang. Ka hming min zawt a , Ka hrilh mai Che lawm . Nangpawn sap hming te chu I neih ve tho kha "





"I hming chu?" Ka thusawi chu ngai pawimawh lo tih hriat zet hian ati a, a nelawm miah loh vang anih hi tu hmeichhia mah a bulah hmuh tur an awm miah loh ni .





"Elizabeth Zodinpuii a tawk em?"




"Aw khati mai tur kha alawm . Eli " hmmm Eli tiin min ko leh tho si.




Eng emaw sawi tuma a an zuau lai chuan Lalvero-a leh Sangtei an rawn lut a, Lawmsanga nen kan lo thu dun min hmuh chuan an ding chat a, enge awmzia tih melh hian min melha ,





Lawmsanga Chu a tho vut a, rawn kun hniam in ka beng bulah " hmuh leh vat che ka duh ang" tiin a ding mar zui a, engmah sawilo ang mai chuan choka atang chuan a chhuak zui nghal a.




Hepa hi enge maw a hriat reuh le ? Ka duh ruk te hi a hria emawni ? Ka sir ve ve ah Vero-a leh Sangtei an thu a, enge in lo sawi tiin min dawp nghal a






Ruai theh zawh chuan kan haw nghal ani deuh a, scooty dahna lam kan pan a, Sangtei leh Lalvero-a an in phur a, ka phurh ah hian zuk han chuang tha duh hlawm miah lova . I zang lutuk a kan sawt leu leu zel anti tlat anih chu .



Muangchang in ka tlanchhuak a , ka hnungah chuan duster dum hi a rawn tlan ve a, khua a thim tawh a, motor vei vak a tam tawh Vaklo hle a, min tlan pel ta mai lo chuan ka hnungah a rawn tlan zel a, side glass atanga ka en chuan Lawmsanga kha ani . Hepa hi enge maw a duh ni .







"Eli ka nu motor in a su a, tunah paradise hospital ah an kalpui mek a, lo kal vat rawh " engmah sawi zui tawh lovin ka u chuan phone a dah a, office ah hna kan thawh lai ani a, hmanhmawh zetin director room lam ka pan a, alo phal ve mai bawk a.





Sangtei leh Lalvero-a chuan banah an rawn kal ve tur thu an sawi a, hospital lam pan chuan ka inkhalh a, ka khalh chak phian lehnghal a, side lovah ka lo tlan deuh nge traffic police chuan min lo ham ding a, ka hmanhmawh viau asin.







Drinving license te en min dil a Ka phawrh vat a, min kal tir ta mai lo chuan min chelh reng a, ka pu ka hmanhmawh deuh a ka tih pawh chuan midang a man khawm sa ho chu a be leh phawt a, ka thin a rim tawh hle .





"Enteh Ka Pu Ka hmanhmawh Ka tih chu. Tunah hian ka nu hospital ah a awm mek a enge a dinhmun pawh ka hrelo, pawisa chawi ngai zat sawi la ka chawi mai ang ka hmanhmawh viau ania" midang ho hriat tur chuan ka ti fak a, kei aia la nau hmel tak si . Pawisa chawi lo chuan min kaltir a ,






Hospital ka thlen chuan ka u ka call a, ICU lamah a awm thu a sawi chuan ka tap lo chauh tawh .






Ka u ka hmuh chuan a bulah ka ding vat a,mahse ka mipa hmuh ve avang chuan ka u chu enge thil awmzia tiin ka mitmeng chuan ka zawt a,





" Eli " Lawmsanga chuan a ti sup .





"U ka nu chu engtia accident tawk nge ? Tinge ICU awm ngai khawp khawp a awm a? Engtin tak nge a awm?"




"Pawi kan ti hle mai. Ka farnu hian motor a khalh a, tlemin alo tlan chak deuh a, I nu kawia lo lang thut kha a su ta ani awm e. Pawi kan ti hle mai. Senso zawng zawng chu kan lo tum vek ang " dam leh ril ruih a Lawmsangan atih chuan Ka en reng ringawt .





Ka nu neih chhun su tu chu a farnu maw? Ka lo hmu tel miah lova, a sir deuhah chuan inthlahrung deuh hian alo ding a, engmah sawi lovin thutna ah chuan ka thu thla a, kan ngawi thap bawk a .






Darkar chanve hnu velah doctor a rawn chhuaka ,





."Doctor, Ka nu chu a tha em?" Ka u chuan alo ti vat a. Doctor chu a han hui pap a,




" Damlo hi a serious ang renga , a thluak ah thisen a tling a, zai vat a ngai ang . Beiseina tihsan lutuk theih ani lo a , Pathian ah in nghat tawp bak . " A kal zui nghal a, ka rilru na leh thinrim chuan Lawmsanga leh a nau lam hawi chuan ka ding a, ka biangah ka mittui a rawn luang a,






" Nangni mi hausa kawng zawng zawng inpa te kawng emaw titu te , chak tak taka tlan a midang ngaihsakna leh ngaih channa chang pawh hrelo ho vanga ka nu chungah eng emaw thleng a awm anih chuan ka ngaidam ngai lovang che u . Hre reng rawh " Lawmsanga chu rum takin ka melh a, a farnu chu ka melh leh a, kei ai pawhin a naupan hmel zawk ,




Ka u chuan min lo khap vat a, a thusawi chu ka Benge lehlamah a lut a, lehlamah a chhuak zui leh nghal daih .






Ka nu an zai lai chuan hospital corridor reh takah chuan ka vei chhen a, Lalvero-a leh Sangtei an rawn thleng a, Ka nutei te nupa pawh an rawn thleng tawh . Lawmsanga nu ni awm tak a rawn kal bawk a, a fanu pawh a tap par a, a zaklo zawk .






Darkar thum hnu velah ka nu chu an rawn nawr chhuaka , Ka u khan alo be vat a, ka pan hnai ve a,






"A pawi khawp mai, Kan chhan hman ta lo ani " leiah chuan ka thingthi hnawk a, nilo ani thei lo.





Ka nu neihchhun anih kha, ka vir muai muai hian ka hria , Ka khaw hmuh a fiah lova ka mit sulh .





" Zingah te chuan tha takin kan inthlah anih kha " Ka hriat tawk lekin ka phun sap a ,





" Zawngi nangmah vang hian ka nu ka chan I hria em? I fimkhur loh vang vek" tiin ka tho thut a, Lawmsanga nau lo dinna lam chu ka pan phei a,a samah ka tham a, Ka nutei leh Lalvero-a chuan min lo dang vata , Ka haw ngawih ngawih hemi te unau hi . Anni vang hian fahrah in kan awm phah dawn anih hi .





Lawmsanga chuan min rawn kalhnaih a, ka lo tawlh hnung dawrh ,





" In unau hmel pawh kha ka hmu peih lo. Nangni vang hian fahrah kan nih phah hi . Phuba ka la ve khawp ang " thinrim taka tiin ka nu nunna neilo tih hriat zeta an rawn nawr chhuah chu ka pan a,





" Nu , lo meng leh mai la, ti ringawt chuan min kalsan thei lovang" Ka be mawlh mawlh a, awmzia a awm tam lo teh asin.







Karkhat zet a liam ta, ka nu boral na atangin. Min khawngaih tu leh min rawn tuar puitu an rawn la lut zut a, keipawh thla khat ngawt chawlh ka la bawk a, ka u erawh doctor anih vangin rei tak chawlh a la thei lo thunga , a thawhna hospital alo lun bawk nen .




Ka thiante pahnih in zanah min rawn riahpui thin a, kei erawh mutna damdawi tello chuan ka muhil thei ngailo thung . Ka nu awmlo chu inchhung hi a reh zual a, mangtha takngial pawh Ka ti hman lo .





Lawmsanga te chhung kha thlan nghah ni a an rawn lan bak an rawn lang leh tawh miah lova nge ka hmulo pawh Ka hrelo .




Zak takin ka ankhum anih kha mi tamtak hma ah , " Ka nu that tute tuar puina kan mamawh lo . Lo lang ve sek suh u , min tawrhpui viau anih chuan ka nu kha min pe let leh rawh u . In hmel ka hmuh hian ka huatna Che u hi a zual " tiin Ka lo ankhum chiam anih kha .






Min dem ani maithei mahse Tu emaw in I nu kha na takin su se, mangtha pawh I tih hma in thi zui se, a su tu chu I ngei ve ngawih ngawih in I haw ve ngawih ngawih tho dawn lovemni ?






Ka thinlung meipui alh hluah hluah chuan phuba lak na kawngah min hruai ngei dawn anih hi .




Lo ngai reng rawh Theodore lallawmsang , nang leh I chhungte hi ka ti chhe vek ang che u. Ka nu phuba ka la khawp ang tiin ka nu thlalak banga lian taka Kan tar chu Ka melh vang vanga ,






Ka biangah mittui a rawn luanga , " khawvel ni hi a ral hunin , nakin ah a in nuam ah , mi thianghlim te lenna ramah , van inah kan Cheng ang " tih hla Chu an sa dial dial a , kawngkhar pui atanga rawn pen lut ka hmuh chuan Ka bianga mittui rawn luang thla ngiai ngiai Chu a ro nghal vek Mai hian Ka hria .






Lawmsanga chu kamis dum leh var thet thet inpawlh ha hian a rawn pen lut a, a sam chu akir deuh chiat a, a fate pahnih pawn an chhun viau anih kha . Min rawn hmuh chuan min kan thutna lam panin a rawn kal hnai vat . Ka hmuh chak loh Ber Asin he mihring hi .






Ka u leh ka nutei te nupa te nen kha chuan tha takin an inbia a, hospital bill te pawh kha an pe vek anih kha . Mahse kei chuan ka haw ngawih ngawih ka ngaidam ngai lo bawk ang.






Ka ep chiah ah a rawn thu a, Sangtei chuan ka kut a rawn hum vat a,





"I tha em ?" Zawi sup hian ati a, min ngaihtuah hmel takin min melh bawk . Ka nui hul hak a,




"Tu fanu nge a nu a sun mek laiin tha tura I beisei ni ? I ti mah mah lo maw?" Tiin rum takin ka melh a, Ka tho tharh a, Ka room lam ka pan san daih .





Ka chau . Ka chau hluah hluah Ka mu tha ngai silo Ka thil ei a tui bawk silo Khum ah Ka Thu a , kawngkhar lam ri rak vang chuan ka hawi chhuak vat a, zaktheilo lutuk sawpa saw .





" Enge ka roomah I rawn tih ? I va han zak theilo em em ve chhuak nghal rawh " lukham in Ka vawm a, alo la man chat zui .



Thaw hap in min rawn pan hnai a, kei erawh ka lo tawlh hnung zel thung .





" Eli " sawi tur hre lovin min en reng .





Ka tum loh dan deuhin ka awm leh ta, chhuak takin a vawikhat nan ka mi huat lutuk hma ah ka tap chhuak anih chu . Ka nu ruang bulah khan ka tap theilo ka kha a chih a, ka thu ngawi reng ringawt anih kha .




"Min lo hnaih suh, chhuak nghal rawh . Enge I duh a ka lak atang hian mawh? Tinge ilo lan chhen ?" Vin zetin tap chung chuan ka ti a .





"Kan tihpalh a ni . Ka unau hmingin ngaihdam ka dil a che, engpawh ka chungah ti rawh mahse ka farnu hi ngaidam hram rawh hetiang mi hi I nilo tih ka hria " min rawn pan hnai belh a, min rawn kuah ringawt anih chu.







Zaktheilo lutuk ka tal vat a, hrep hian . A chak lutuk mah mah. A dar takngial pawh ka chen lo.





Nghet takin min kuah a, kei lah ka awrawl chhuah meuhin ka tap a, Ka tap nasa bawk aniang ka Chau hnawk thei .






Engvanga he misual hi inkuah tir ve ringawt nge ka nih pawh Ka hrelo mahse awlsam takin ka ngaidam dawn lo tih erawh Chiang takin Ka hria ani .





" Min thlah rawh " Ka tal leh vak a, tunah chuan min kuah nghet lutuk tawh lo bawk a, ka inla hrang thei hram .




Ril ruih hian min chhuk en run a, a dar takngial pawh ka chen lo ania, sang leh lutuk mai .





" I tha deuh tawh em? I duh chuan min sawisa hrep thei ania ,I thawl hawk na anih phawt chuan. Min beng in min ham thei bawk a, min hnek la min pet thei bawk . I Zia awm phah dawn anih phawt chuan . I duh chuan ka awmah hian I hmai phum in I tap leh thei bawk , kuah tur che a min duh pawhin ka inpeih reng . Khawngaih in min ngaihdam hram rawh ka farnu nen hian . A inthiam lo lutuk a, zanah pawh a muhil thei lova, thil a ei thei bawk silo . A tawngvai a, I nu hming a lam a, nasa takin a inthiam loh avangin depression nasa tak a nei mek " a thusawi tawp lam chu a zuih ral titih a .






" I nau nunah ka buai lo. Ka nunah lo buai bik suh. Ka room atang hian chhuak rawh hmuh leh che ka duh tawh lovang " tiin thinrim zetin bathroom ah ka luh san a, Rei tawk fang ka awm a, ka chhuah leh chuan alo awm tawh lo.





Tinge min kuah khan ka thla a muan em em mai le? A bulah khan hahdam huai a in hriatna ka nei a, min kuah khan ka na zawng zawng te kha a bo ta diak hian Ka hria a, nilo ka nu that tute annih kha . An chungah chutiang rilru engmah ka pu lovang. Phuba ka la dawn khawp alawm . Lo ngai reng rawh u .







( Tadaaaaa, exam zawh hma hma in 🤭 a chhiar apiang in comment ah aw. Enge in ngaihdan ? Ka va reh ve inti in rilru in 😂. Pathian zarah kan dam chuan zantin Kan inhmu leh theuh dawn Nia. Comments likes leh click kha aw hmeltha ho)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)