*Last Forever* Ch-15 ( Junee Haizang)

Episode kal lai dah luhna

Moderator: writers

Junee Haizang
Posts: 24
Joined: June 4th, 2021, 11:45 am

*Last Forever* Ch-15 ( Junee Haizang)

Unread post by Junee Haizang » June 21st, 2021, 9:17 pm

FIONA POV





College kal tur in ka in siam a, phurna leh châk na pakhat mah ka nei lo, ka sawi thiam si loh hian ka nunram hi a ni nghulh mai in ka hria








College ka thlen chuan nidang ang lo tak in a reh hle mai a, ka thlenghma em lah tak a, Muanpuia min lo hruai hma ngei a chhuah ka duh a vang in ka kal hma ani.








Kan ban ve leh chuan Alex college a lo kal loh a vangin an in lam ka pan a, ka nunram chau lutuk hi tih reh ka duh a ni ber




Muanpuia pawn min lo biak a la tum char char tih ka hria , chuvang a phone pawh off daih ka ni, ti ringawt hi chuan ka then thei dawn lo tih ka hria , hmaichhan ah ngei ka la hrilh ang, mahse tunah erawh ka huaisenna neih ve te hi a ni hmachhawn tur chuan an huaisen tawk lo a nia nge, a ni reng lah tak a, a ni mipa ah pawh pa tak mai, chhungte nen lam a Pathian tih mi hmachhawn tur chuan kei teh lul hi ka ding ngam lo a ni e









Alex te in ka thlen chuan a room a awm thu min hrilh a vang in ka lut tlang nghal a, ka va luh chuan khumah a lo mu zul a, hepa hi engvang a college kal lo nge a nih pawh ka hre lo e a










" Tho teh, ka lo kal hi" tih pah in ka sawi nawk nawk a, a rawn zi mar tial tial a, a rawn meng chhuak chu min hmuhthut vang in mak a ti nge a meg kawk a,








" Tho rawh, tun ang hunah tunge mu ngai" ka tih pawn a tho duh thak lo," lo mu ve mai rawh,ka tho peih lo " ti niap niap in a maimit chhing nghal daih nia, hepa khawsak dan mai mai chu, ka thil dil tum chu chi loh a ka hriat a vang in ka haw leh ta zawk a









Mahse, engtin nge ka neih theih ang tih ka la ngaihtuah tho, dawrah ka lei thuai mai dawn nge, mahse syringe hi dawr pangai ah an zuar awmder si lo a








Vawiin tlai chu haw leh phawt mai tiang, mahse ka rilru tawt lutuk tih reh nan ti in damdawi chu kan hmawm hram kha








Ka damdawi hmawm kha a thawk tawh nge, ka bike khalh te chu ka zawi riau a, damdawihi chu ka tih na a rei ve tawh , mahse ka thian ten an hre ve lem lo, hrilh hriat a tul na lah ka hre hek lo








In ka thlen chuan ka bike hung tha in in chhung ka lut nghal a








Zanah chuan hma tak a muttum kha, ka mut theih loh a vang in tukverh hawng in vanlam ka thlir leh ta ngawt a, Muanpuia pawh nichin khan a lo kal a, Umarovi ka hrilh lawk tawh ang in ka len thu in a lo chhang a, naktukah chuan pehhel lo in ka thutluk na hi ka hrilh tawh ngei ang










Mahse, nikhat in biak loh hlek pawn tiang khawp hian ka ngai a, tiang teh hrep hian tu in nge hmangaihna khur ah ka tlak luh ring Chuang ang le, khati khawp a mipa duh nei ngai lo kha, duh mai pawh ni tawh lo in hmanngaihna a vang in ka buai chu a ni mek si a









Amah ka thlakhelh ngawt a vang hian a kut ka chelh thei si lo a, Dr. Cathrine sawi ang khan, ka tan chuan a sang mah mah a ni e











Vawiin hi ka nulehpa thih cham a ni leh ta der mai, a lo rei ve tawh hle mai, nulehpa han chan meuh chuan nulehpa lo hlutzia hi hrilh leh chuan ngai lo in kan hrefiah awn awn mai lawm










College pawh ka kal lo in ka nulehpa thlan lam ka pan a, Muanpuia nen a kan in then na pawh karkhat lai a Liam ve leh ta, hmaichhanah ngei kan in then thu ka hrilh a, " ka ring reng a" ti mahse a hmel a hrilh hai na kha ka hmuh hmaih si lo , khang karkhat chhung khan ka ngai reng a, a tel lo a hringnun hman kha a harsa a sin, Zingtin Morning wish min lo thawn pah a , awm ve tel ngei ngei " Pathian thu" lo thleng tur awm tawh ngawt lo te kha, beiseina nen ka la check fan a, mahse maw, kan in biakna hlui te bak kha thlir let tur a awm silo,







Mahse , ka phu tawk chiah a ni reng ani, tunah chuan a ni pawh a hlim zawk ngei ang le, ani chuan nula tha tak tak, Pathian tih mi amah duh emem tu a ngah hle si a, chuta kar a mahni hmasial tak a lo chelh ve reng kha zawng a dik in ka hre si lo ani










Ka nulehpa thlan hma ah chuan ka ding vang tawh a, ka mitthla ah an dam lai a thutha tinreng min hrilh te, kawngsual ka dai an hlauh a vang a thahnem ngai tak a min fuih thin te kha ka ngaihtuah a, tunah chuan anfanu hi an duh loh dan ber in ka awm tawh si a nih hi, khang karkhat chhung lek khan ruihhlo ah ka tlanzual a, ruihhlo zun hian min va phuar nghet tawh si em,








Nu , Pa in fanu hi min ngaidam thei lo ang tiraw ka rilru a tichung in ka maimit chhing vang vang a , ka dar a min lo khawih tu a vang chuan meng chhuak phut in ka en nghal a











" Engtin, engtin nge ilo kal theih" Muanpuia lo awm ve ngawt chhan hi ka hre lo takzet








" I awm na hriat loh lai ka nei ngai hlei nem" min en vang vang pah a a tih chuan ka lungchhia a kai chhuak leh der mai, mahse a hma ah hian chak lo tak a awm ka duh lo a, chuvang in ka mittui hi ka ti tla thiang lo ani










" I duh tawk in i tap thei ang" ka ngaihtuahna hre awm ang hrim chuan a ti a








" Hah, hmeltha kan tap ve ngai lo" tiin kan nui lui vel a, ka nui lo hreve tu te chuan lem an ti ve hle ang le






" Nuilui suh, tah hi chak loh na a ni hlei nem, tap vak la , i thawl hawk zawk mai ang" min kuah thut chung chuan an ti a, a awm ah chuan ka bei ta ran mai le







He awm te, min kuah na kut te, a taksa lum tak te, engkim mai hi ka ngai tawh tak zet zet ani, nghet tak a kuah let ve ka duh a, chu erawh thil tha ber a ni Chuang si lo








" Ka bialnu hian min kuah dawn lo em ni" a tih chuan a awm kar a tang in ka melh phawk hra a








" Chutiang sawi duh" tihpah in ka in la hrang nghal a, kan piah a, tlang hringdup lam chu ka thlir san ta daih a








" Khang karkhat chhung khan kei chuan ka then ve reng reng hlei nem che, hun thawl ka pe mai zawk che a ni," a tih chuan ngaihna hre lo zet in ka melh a







kha mi tlai Khan engmah a sawi ve hma in ka kalsan a nih kha



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)