You're still the one I love

Episode kal lai dah luhna

Moderator: writers

MrsPurple
Posts: 33
Joined: March 31st, 2021, 9:00 am

You're still the one I love

Unread post by MrsPurple » June 21st, 2021, 9:35 pm

Chapter 31



Sangtea pov



Min hlat zawnga pen hlawk2 chu ka en reng dan tum viau mah ila a thinrimna kha a na sa rih bawk si, enge a chungah khan thlenga khatia a rawn awm vak chhan kha ka hre hek lo



A lalak thil tih sual nei ni ila min hmu duh awm tawp si lo a



Ni lo I u lo zawt rawh a tih kha enge awmzia ni ta ang enge ka u chuan a lo tih, a ngaina lo tih chu ka hriaa mahse khatiang khawpa thinrim tur khan eng phiangsen nge a lo tih ni hrep tak hian



In chhungah chuan ka lut nghal vat a ka u a lo la haw loh avang chuan ka phone nghal a mahse a chhang thei lo



A room ah chuan lutin a lo haw hun chu ka lo nghak tawp he thil hi ka chingfel vat anih loh chuan ka â thei mai ang



Tunah pawh hian ka rilru chu a tawt tun renga amah bawk kha hmuha kuah vawng2 ka chak takzet a ni



Kawngkhar a rawn rik khep chuan ka hawi chhuak nghal vata ka u pawh chu a rawn lut nghal zat



" E he bawiha enge ni ta mamawh I nei em ni" ni danga min biak dan ang bawkin zaidam tak chuan a rawn ti



" Nang hian eng thil nge I lo tiha" tho chhuah pah chuan a hma zawnah tak chuan ka va ding



" Enge I sawi awmzia" hriat thiam loh hmel deuh chuan a rawn ti leh



" Nang hian ka bialnu chungah Eng thil nge I tih ka zawt che a nih chu" nem fahran lo chuan ka ti leh hrawk



" Hah Enge ani chuan a rawn sawia a rawn zualko vel em ni " nuihzat hmel zeta a rawn tih leh chuan a hma aiin ka thinrim zual sawt



" Chutiang sawi kual vel lo chuan enge I tih chu min hrilh vat mai rawh" nidanga ka u ka biak dan nen chuan a inang tawh lo khawp mai



" A tha e ka hrilh vek ang che an inah va kalin an chhungkaw awm Kim thap laiin nang hi then turin ka va hrilh " a rawn tih chuan mak ti lutuk in ka lo en ngawt2 ringawt



" Chuan maw a nu leh pa te bulah pawh an fanu chu lo hrilhfiah turin ka ti nghal bawk" a sawi zawh rual chuan a then nghal sak bawk



Ka thinrim lutuk chu ka kut ka hum ruh ngar2 tunah hian ka u chu ni lo se kut ka thlak duh hial ang



" Mihring pawh I ni lo " thinrim lutuk chuan ka ti chhuak hmuk



" Ani ang hmeichhe naran mi hausa bum kual tur zawng mai2 kha..." a rawn tih leh chuan ka kutin ka lo ti tawp nghal vat



" Khatin ani chung chang kha sawi tawh suh ang che ka hmeichhe hmangaih a ni a ani bak tumah ka tan hmeichhia an awm lo" ka ti chhuak leh nghut



" Kha ti khan sawi reng2 suh ka nau neih chhun I ni a khatiang hmeichhia mai2 kha I nei dawn hauh lo" aw rawl ring tak chuan a rawn ti leh



" A tawk tun chiah hi ka sawi tawh ang ani bak ka tan hmeichhia an awm lo" ti leh nghut in ka inhera ka chhuak nghal zat



Ka hnung lam atanga min rawn au vak ri pawh chu ngaihsak zui tawh lo chuan ka kal nghal hlawk2



Tunah chuan ka rilru damna tur lam ka pan vat a ngai a ni





*


*



Celine Pov



Kan chhungkua chuan ngawi reng in dinner chu kan ei mawp2a tumah han tawng tum vak pawh kan awm lo



Ka thil ei te chu a tui leh tui loh pawh hrelo chuan ka ei liam vel mai2



Kan ei zawh hnu chuan engmah pawh ti tawh lo chuan ka room ah ka tawm nghal chawt



Vawina thil thleng te kha ka ngaihtuah zawng ringawt pawn ka chau hluah2 thei hetiang hi ka tawng dawn tih chu hria ila ani nen khan inzawmna ka siam hauh lo ang



Mahse hun kal tawh ani a engmah tih danglam theih lah ka nei tawh hek lo tunah chuan ka chunga thil thleng te pawm thiam a ka hma hun lo thleng tur lo hmachhawn tawp bak chu tih theih dang ka nei tawh lo




Ka lo muhil sek aniang chu ka phone ri chur2 chuan min ti harh zawka caller id ka en chuan chhang lo in ka reject nghal vat



Chumi hnuah pawh a la rawn call ngar2 avang chuan tih ngaihna hrelo lutuk chuan ka phone chu ka en reng tawp ringawt



Chumi rual chuan message pangngai a rawn thleng leh



* Pawnah ka awm * tih te chu a rawn thawn leh


Ni lo tunah hian kan inkawt ah a awm maw tun ang zan rei tawha miin an hmu anih chuan keimah thleng in an ngai dik lo ngei ang



Chutia ka in ngaihtuah vung2 lai chuan phone bawk chu a rawn ri leh a Sangpuii anih avang chuan ka la nghal zat



" Enge " ka mood fuh lutuk lo nen ka lo chhang deuh hmuk



" Nang hi I chung ah enge thleng a Sangtea hian min rawn be reng leh nghal" a rawn ti nghal zat, Sangtea beidawng chuan a lo va phone a nih ngei dawn chu



" Kan inthen tawh " thu danga chhang lo chuan ka lo ti leh sup



" Nang hi I eng hi nge dik lo a Sangtea I ti khawngaih thlak lutuk mahni induh tawk ve lutuk khan ka puihna meuh a rawn dil chu a nia enge thil awmzia" a rawn ti leh tawn2



Thil nihna zawng2 hi hrilh ve vek mai ka duh rum2 mai mahse hei hi chu midang nena kan inkar a ni bawk si



" Inkawp tur kan ni lo chu2 ka hrechiang viau tawh in ka hria " rilru tawt lutuk chuan ka lo ti chhuak sup



" Chu thil chu Sangtea ngaih dan a ni ve lo a ni mahna tunah pawh nangmah be tur che a min tih " a rawn tih leh chuan ka rilru chu a buai zual ting in ka hria



" Tunah hian kan in kawtah a awm a " ka ti chhuak sap



" Engtin nge tun ang khaw vawt ah pawnah I awmtir reng theiha tunah hian ani chu be nghal ang che hre rawh I biak hma chu a haw chuang lo ang ka dah nia " a sawi zawh rual chuan phone chu a tawp nghal zat



Ni e ka va hmu ngei tur a ni a la hrethiam lo deuh anih pawn a ai chiang in ka hrilh leh mai ang



Khum atang chuan tho in kawrlum ka ha sawk2 a ka chhuak nghal zat



Kawngka atanga ka chhuah hnu chuan ka hawi kual deuha kan in hmazawna thingkung bulah chuan a lo ding reng



Kawngka chu ka khar ri khapa chu mi hria chuan a rawn hawi phei nghal vata min rawn en nghal ngur bawk, ka vawt nghal er2 in ka hria



Pen thum vel ka pen tihah chuan ka lam pan chuan chak lutuk in a rawn pheia ka kal lai chu tawp chawt in ka lo en ngawt2 ringawt



Ka bul a rawn thlen rual2 chuan engmah sawi lo chuan min rawn kuah nghal thlawp ni danga min kuah ai zawngin a nghet zawkin ka hria




" I lo chhuak a " ka dara a khabe nghat chung chuan a rawn ti sup a kawr te chu a hik vek mai



" Min thlah teh " a aw ki ang lo lutuk chuan ka lo ti vat



" Ka ngai che " ka thil sawi ngaihven lo deuh chuan min kuahna kut chu a ti che nghal ruai bawk



" Min thlah teh" tih pah chuan a awmah chuan ka nam nghal vat a mahse ka namsawn ni lo in amah chu a awm hla nghal riai2a ka dar tawn2 ah chuan a rawn vuan nghal zat



Mahse chu2 duh lo in a kut ka dar ami pawh chu ka pawt thla nghal vata hrilhhai hmel deuh chuan min rawn en nghal vut



" Eng ti turin nge I lokal " thinrim ni si lo mahse rum lam mah chuan ka lo ti vat



" Nangmah hmu tur che in ka ngai che ka tih tawh kha " nui lui suk chuan a rawn ti leh



" Vawi 1 mah hetah hian lokal tawh suh ang che nang nen hian inhmuh chhan tur kan nei tawh lo" ka lo ti let leh hmuk



" I duh2 hi sawi ringawt thin suh " a aw atang chuan a thinrim ve hmel loh



" Hah ka duh2 ka sawi thei lo ang maw ni e I u kha chuan a duh2 sawiin ka nu leh pa te awmlai ngeiin min ti zak thei bika mahse keini ang mi naran chuan kan duh2 kan sawi ve thei lo a ni lawm ni " ngeiawm lutuk chuan ka nui pah sak



" Ka u thusawi kha engah mah ngai suh eng vang mahin nang hi ka then dawn lo che " a rawn ti chhuak hmuk



" Engah mah ngai suh a !! A tha lawm engah mah ka ngai lo ang mahse ka nu leh pa te a hmuhsit na kha engtin nge ni ve ang, engah mah an ngai lo ve thei dawn em ni " au rin hlau bawk si thinrim tho bawk si chuan min ti hah vek thei



" Anni chu keimah ngeiin ngaihdam ka dil ang " a rawn ti leh sup



" Chu thil chu I tih a ngailo ang a chhan chu maw nang nen hian kan inkar a tawp tawh" ka lo ti leh nghek



" Chutiang a thleng ngai lo ang" a rawn ti ve nghal hmuk



" Ni lo tun hi kan inhmuh hnuhnun ber na ni tawh rawh se hmun dangah chuan min hre ngai lo angin I awm tawh dawn nia " pangngai deuha ka sawi thei chu mak ka inti zawk



" Chu2 ka tih loh tur chiang lutuk anih chu " a hma zawng aia vin chuan a rawn ti leh



" I thu2 le mahse kei chu tiang chuan ka awm tawh dawn mangtha" tih pah chuan ka inhera ka kal chu ka banah chuan a rawn vuan leh nghal tho



" Ni lo hetiang hian awm suh ti tura min tih apiang ka ti vek ang I duh dan ang chauhin ka awm tawh ang..... aw " tih pah chuan min rawn melh run



A hmel ah chuan hlauh thawnna leh inrintawk lohna ka hmu thei, a kut te hi a khur hialin ka hria



" Ni lo e keini hi chu khuanu ruat kan ni lo ania nge I la naupanga hmeichhe tha tak I la tawng leh ngei anga kei chu min theihnghilh daih dawn nia " nui lui hram2 chuan ka ti leh a mahse ani chu a ngawi reng



" Duhsakna ka hlan a che " tih pah chuan a biangah ka fawp zeuha in herin kan in lam chu ka pan nghal hlawk2



Min rawn dang tawh lo bawka kan inah chuan lutin kawngka ka kalh nghal zat a ka room ah chuan ka lut tlang nghal



Ka khum ah ka thu chiah tih chuan ka mittui chu a rawn sur thla nghal zung2 , hruk buai pawh ka tum lo ka chhung lam natna a rawn lan chhuah tirah ka ngai



Ka mitthla ah chuan a hmel mawlh kha a rawn lang leha insum zo lo chuan ka tap chhuak leh hawk



Khumah chuan ka mu renga mutthilh chu sawi loh ka thinlung chhung na lutuk hian min tihah hluah2 thei





Ka chawl rei bawk sia inthlahrung deuh in ka lo dah 🙈
Last a ni tawh ang ka ti zeta mahse a la last leh thei lo anih hi 😜



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)