WIFE FOR RENT Chapter-07 By-Sangpuii

Episode kal lai dah luhna

Moderator: writers

C Lawmsangi
Posts: 66
Joined: February 1st, 2021, 7:58 pm

WIFE FOR RENT Chapter-07 By-Sangpuii

Unread post by C Lawmsangi » June 21st, 2021, 9:39 pm

A hmasa in he story lo chhuah chhan, ka ziah chhan ti zawk ang. Muaneki lo zawk Zadengi (Fiona Renthlei a.k.a Misualnu😂) birthday a ni a, a kal leh zelna tur ah duhsakna ka hlan a, comment lam ah In lo wish ve vek dawn nia aw (Show some love❤)

Chuan, chapter-06(a hma chiah ami) ah khan typo a tam em em a, in mi hriatthiamna ka ngen ani. Ka chhiar let leh a, keipawh ka nui tawp🤣 ka keyboard hman hi a chhe lutuk a, tunah chuan a zia tawh e aw😁


👇

CHAPTER-07


MUANI's P.O.V

"Ka ring thei lo.." Ka kut a ka phone ken mek chu en in ka ti hak. Dawt a nih loh vek pawn heihi chu thil satliah a nih ka ring bawk.

"I thil hmuh kha thu dik tak ani, dawt a nilo. Min rin a ngai.." Ka hma a ding chuan a ti ve bawk a, ka rilru a buai takzet!

Liansanga hian engvang mah in min phatsan dawn lo, min hmangaih vang a min nei a nia. Lo dik tehreng pawh nise, vawikhat ngaihdam min dil nise, ka ngaidam thei ang tih ka chiang!

Ka scooty rawng thar kah tir ka tum avangin university atangin dawr awmna lam ka pan a, dawr ka thlen hma deuh chuan ka hnar a thi leh ringawt avangin cafe lo awm ah chuan ka lut a. Cafe neitunu chu keimah ang tho a Liansanga fans hi a lo ni , min hmu chu a phi chel chul mai. Ka hnar thi tih reh ka duh avangin room min hman tir turin ka ngen a. Lapua leh damdawi ka kawl sa vek avang chuan hun ka hmang rei lo, room pawn ah chuan mipa pakhat nen kan intawk a, ani chuan Fiona-i leh Liansanga te infawp lai thlalak min hmuh ani.

Awih tur a ni nge nilo ka hrethiam lo, photoshop ani ti dawn ila khatiang em em a tak khan tuman an edit thei lovang, ka rilru buai lutuk tih reh nan chuan ka scooty pawh buaipui ta lo chuan in ah ka haw a. Nu awmtei bulah chuan ka awm a nawm loh thu sawiin ka mu daih.

Ka muhil dawn siar siar tih ah ka pum a rawn na leh, tunlai ka awmdan hi a hreawm ka ti ve takzet. Ka ni nghulh a, ka hnar a thi ngun in ka pum a na leh thut thin. Ka natchhawkna ei chuan min chhawk a ni ngei ang reilote ah ka lo muhil zui daih.


Ka pum na avang bawk chuan ka harh leh, ka muthilh dawn a ka ken damdawi chu ka dap kual a, mahse a lo awm mai lo. Ka damdawi ka lam ka lam a, tu emaw hian minbe mawlh mawlh, a aw chu Liansanga aw a ang hre bawk. Ka meng deuh kawk a, Liansanga chuan a mal min kham tir in ka sam a lo chul hauh hauh a, chu chuan ka rilru no a ko chhuak chiang hle. Min dehna dam dap avang chuan ka mittui a hnai kuar, ti khawp hian min ngaihtuah a, engvang mah in min bum hauh lovang!

Chutia ka ngaihtuah lai mek chuan a phone a rawn ri ral ral a, screen a hmeichhe hming lo lang, ka mit sir a ka hmuh avang chuan ka na zawk. An inbiak na chu a ruk in ka ngaithla a, a phone chu a dah ring deuh nge an sawi ka hre thei riai riai. Fiona-i chuan ka hmangaih, ka pasal hi 'babe' tiin a ko a, duat hmel zetin Zoliansanga chuan a be bawk a! Nat lutuk avang chuan ka awm chu a inhnawh tup tup a, ka pum lo na ve chhen pawh chu ka dawm ngawt ngawt. Ka mittui tla chu hruk buai ka tum lo, min bum a, ka inrin hman hma in ka hrechhuak leh a, dawn sawn dan ka thiam ngang lo ani!

In kan thlen hnu ah Liansanga kut chu ka chelh a, dik tak chuan min la thlamuan pha tlat ani! Phatsan ka nihna avang khan ka na a, mahse ka hmangaihna leh atchilh lutuk na avang in dawt a nih theih dan ka la zawng hram.

Fiona-i bawk chuan a rawn call leh a ni ngei ang, min kalsan lo tur a ka ngen lawm lawm chung pawhin min ngai pawimawh lo zetin min kalsan lui tho. Kawngkhar a pelh fel hma chuan a lo let leh ka la beisei fan! "Zoliansang, zanin ah hian min kalsan a nih chuan i la inchhir dawn a nia" ka ti rilru sep sep a. A kal a, a rawn hawi kir tawh lo, ka hmangaihna a phu tawh lo, kalsan erawh ka tum lo. An pahnih nun ka tichhia in, an inchhir vawng vawng na tur khawp thil ka ti a nih loh chuan an nun atang hian ka kalbo mai mai dawn hauh lo.

Zing ah chuan ka tho dam ve vah, ka lawm angreng hle. Nizan ah Zoliansanga a rawn haw lo tih ka hriat chuan ka na deuh zawk, mahse ani avang a nat reng ka tum tawh bik lo. Hmeichhe chak lo lutuk kha nih ka tum tawh lo bawk!

"Muan, i tho tha maw?" Room a lo luh pah chuan Zoliansanga chuan a rawn ti a, ka lo nuih deuh sak.

"Mmm, tho tha a nimai. Khawi ah nge nizan ah I riah a?" Ngaihsak hmel vak lo chuan ka ti a, a hmel reilote inthlak zawk chu ka hmu hman hram.

"Office ah tih tur a awm a, ka buai bawk sia, ka riak tlang daih alawm" a ti a, a ruk chuan ka lo ner sak.

"Tukin ah I nu in a lo call a, zanriah ei turin min sawm a" a tih chuan ka melh zawk, min lo en ve ngur a.

"Ok, class ban ah ka lo tlang mai ang" ka ti a, ka insiam pah mawlh mawlh.

"Class kal lo mai la, I dam tha silo a" Liansanga'n a tih chuan ka nui hak, ngeiawm lam a pawl mah mah zawk maithei. A hma ang kha chu nise a der ni miah lovin ka hlim pui ang, mahse a ni miau lo.

"Kei chu ka tha, ka kal aw" ka bag lak pah chuan ka ti a, dawhkan a ka scooty chabi chu ka ban zauh. Liansanga'n eng emaw a sawi leh avang chuan ka ding dat.

"Maw?" Ka ti hu.

"...ka lo thlah ang che" a thusawi avang chuan ka nui sak, eng nge maw a hriat a tun a tak a min care teh huam ni, nizan ah pawh min kalsan lo turin ka ngen lawm lawm a, eng ah mah a ngai lo kha a nia, tunah lem..

"Nizan ah pawh kal lo turin khati khawp a nasa khan ka ngen che a, i kal lui tho a! Tunah lem, min care teh huam a ngai hleinem.." Ngeiawm zet a nuih pah chuan ka ti a, a ngawi vung vung. Kei erawh ka chhuak vang vang.

"Sasha, vawiin chu class ka kal lo mai ang, min lo nghak suh u aw" sasha-i'n call a pick up rual chuan ka ti a, belinda-i zawk chu a lo ter at.

"Engvang chuan maw I lokal loh ang? I duhthusam mipa nen a in inneih tak avang hian min va han ngai lo sawt ve a, Lalmuankim" a rawn ti hlak hlak, ka thiante hian phatsan leh bum ka ni tih hre ngat se chuan ka nat ang hian an na ve tho ang.

"Thil pawimawh tih tur ka nei a, ka kal a ngai tlat. A nih u aw" tih leh line cut ka rual nghal, ka hun a thleng ve tep tawh.

Ka awmdan avang a ka ngaih a that tawh loh em avangin in entir ka tum a, mi an lo tam lem lo bawk nen nghah rei a ngai lo phian bawk.

Fiona-i leh Liansanga te inkar hi engtik atang a intan nge a nih ang? Kan inneih hma nge kan inneih hnu ah? Ka ngaihtuah chian poh leh ka thaw a pik zual thin!

"Thiannu I luh a hun tawh a.." Ka hnung a hmeichhe thu in min rawn sawi dat dat pah a a tih chuan ka harh chhuak thut, ngaihdam dil nghal sawk sawk in doctor room ah chuan ka lut ve nghal.

"Muani ni reng in, eng nge ni ta a? " ka hma a mipa thu chuan a ti a, ka phu deuh zawk. A hmel ka en a, ka hriat than chu a ang, mahse, ka hrechhuak zo meuh tawh lo.

"Min lo hrethiam la, ka hre ngai che em?" Ka ti ha a, a lo nuih hawk a nih chu.

"Lalmuankim, min hre lo tak tak ami a? Nuthlawi.." a ti a, ka meng kawk. Hepa hi, he mihring hi, kum tam tak liam ta a zirna avang a min kalsan tu, ka thian tha tak mai Zoremsanga ani! Ka hrechhuak thut chu ka hamhaih takzet! Min kalsan dawn lai vel kha chuan kan la naupang a, kei phei chu ka tap nasa takzet! Ka va kuah chawt lo chauh ani.

"Pathlawi, nangmah ngei kha chu I ni sia..!" Ka ti halh. A nui leh hawk a,a tih thin dan pangngaiin ka chal ah a pen pawp, a na zek!

Ka awmdan tr ka hrilh a, ka hnar thi ringawt zel leh ka pum na vak te chu ka sawi a, thisen test a ngaih dawn avangin ka thisen a la a. Result a chhuah nghal mai dawn loh thu a sawi a, ka lu ka bu nghut. Ka nu te in a zanriah ei tur chuan ka sawm ve a, min hnial nasa hle nghe nghe.

"In entir tur pahnih bak an awm tawh lo, ka nghak tho ang che" ka ti a, a nuih hawk lehnghal, a tawp a tawp ah chuan ka sawm chhuah ve hmel e.

" Zorem, i dam thin maw?" Ka nu in ngainat hmel zet a a biak chuan Zorema pawh chuan a dam that thu sawiin a lo kuah nghal chat. Damdawiin atangin kan haw rual a, ani pawh inthlak lem lovin ka hruai tlang ve tawp.

"Nu, pathlawia hian 'in chaw eikhawm na ah ka tel ve loh chuan ka kawm tawh dawn lo che' a ti a, hei ka rawn hruai haw ve tawp" ka tih chuan a duh lo ngang mai, min kuk tumin min tin leh uaih uaih tawh, ka nu nuih a lo za nasa mai.

Chutia kan nuih ho dial dial lai chuan tu emaw hian ka kawng ah min rawn kuah a, ka phu zawk, ka rak chhuak teuh kher bawk. A rimtui hman atang chuan tunge a nih ka hre thei, Zoliansanga ani. Lungawi lo sa teh mah ila ka chhungte hmuh a tihlan kher ka duh lem lo. A hmel chu en in ka nuih deuh seih, ani pawh a khi ve suk.

"I lo thleng tawh elaw? Hei tu emaw hmelhriat tir duh che ka nei a" tih pah chuan Zorema chu ka melh a, Liansanga pawh chu Zorema lam a hawi ve nghal zat.

"Heihi ka very very beloved pathlawia a nih hi, awmzia chu Zoremsanga" Zorema kut a va kaih pah chuan ka ti a, Liansanga chuan kan kut chu a bih deuh run bawk. Ka duh dan tak pawh ani, pangngai tak a ka in hmelhriat tir theih reng laiin ka che over lui ve tlat. Ani mah in ngaihzawng a nei a, ka over loh bik chhan tur ka hre lo.

"Chuan pathlawi, ani hi ka pasal Zoliansanga a nih hi" ka ti leh a, Zorema chuan nuih suk pahin a kut a lek chhuak vat.

"Kan hming a in ang teuh kher ami" an in chibai pah chuan Zorema chuan a ti a, Liansanga pawh a nui ve suk.

"Pathlawi, nang hian keimah nilo hmeichhe thian te kha I lo nei vel ang e, ka kuk pawp che a nimai. Ka nasa viau ang.." Fiamthu zet chuan ka ti a, an nui huk, Zorema lah chuan tlawm a la tum mai mai lo.

"Keimah lo mipa dang pasal ah I neih dawn loh thu I sawi a, mahse midangI nei ve tho alawm" a ti a, ka nuih a za zual sauh. Liansanga erawh a meng rum deuh ul thung, eng nge maw thinrim pui tur a hmu leh bik te pawh a ni mahna!

Ka nu in zanriah ei a rawt a, Zorema bula thut ka chuh tlat, 'I pasal bulah thu hle hle rawh' a tih pawhin 'ka pasal bulah te chuan thutna hun a la tam, ka ngai ve che alawm le' tiin ka hnial tang tang. Liansanga'n na zet a min melh te chu hmuh nuam ka ti, a aia nasa hian ka che over leh zawk dawn mawni.


Zanriah kan ei fel hnu deuh lawk ah emergency a awm avangin Zorema chu damdawiin ah a kal lehnghal a, keini pawh rei vak lo kan thut muan hnu ah kan haw ve nghal mai. Ka nu leh pate hian min ngai viau thin mahse an tilang lutuk ngai lem lo, an duat rawn ka ni bawk nen ka rilru no a chhuah te pawh an hlau a ni mahna.


"Zorema nen chuan in in ngai hle a nimaw?" Pawn a kan chhuah rual chuan Liansanga chuan a ti nghut a, ka lo ner sak.

"Nia, kan in ngai ang reng asin.." Ka ti mai, a motor chabi a dap ruk ruk a, keiin ka scooty chabi ka lo phawrh ve bawk.

"Ka kal hmasa mai ang" scooty a chuan pah chuan ka ti a, min chhan hma chuan ka tlansan daih.

In ka thlen chuan nu awmtei chuan min lo chhawn vat a, thei rah eng eng emaw min lo pe teuh bawk.

"I hnar thi reng te pawh kha a zia maithei asin, ei teuh teh" tih pah chuan thei chi hrang hrang chu a rawn chhawp deuh teuh a, ka nui hak.

Apple pum khat chu la in lawmthu ka hrilh a, Liansanga rawn thlen hma a lo mut fel hman ka duh avangin room ah ka chhoh san daih.

"Muan, i awmdan hi a tha lo khawp mai" lungawi hmel vak lova ka hnung a rawn tawng pa avang chuan ka phu zawk, engtik lai khan nge a lo thlen hman pawh ka hre lo, a motor ri takngial pawh ka hre der silo.

"Engtin vak nge ka lo awm a?" Ka ti let ha a, a thaw hawk a, a ner sawk.

"Ka nupui I ni a, mipa dang bulah aiin ka bulah I awm hnem xawk tur ani" a tih chuan ka sa ve ta phat.

"Chu, I sawi awmzia chu nangin ngaihzawng I neih theih laiin ka thian tha ngawih ngawih bulah ka awm thei lo maw? Engtik atang khan nge pasal protective leh caring tak I lo nih tan a? Mahni nupui neih zan pawh a bialnu te bul a riak thei, mahni nupui te damlo ai pawh a bialnu te ngaihtuah zawk chu eng ang fako a ropui nge I lo nih bik a?" Ka ti ta nghek, ka thusawi avang chuan ani pawh a meng deuh kawk.

"I sawi awmzia.." A ti chauh a ka mittuiba tling nghal pam. In sawifiah pawh tum mahse sawi tur a hre dawn lo tih ka chiang!

"Min hmangaih chuan siloh chuan tinge min neih kher a? Na tak a min sian loh mawlh I hlau ami? I pawi sawi ka nei ami? Nge kan hun hmasa lam ah khan I thinlung ka lo hliam tawh zawk!" Ka ti sep a, a thaw hawk.

Chutih lai tak chuan ka pum a rawn na leh kher bawk, ka khaw hmuh a phe ruai a, ka thlan fim a bawl tak tak bawk. Ka pum chu dawm ngawt ngawt in ka hmui ka pet deuh fan bawk.

Liansanga chuan ka awmdan chu a hrethiam a ni ngei ang, min rawn pan a, min khawih tur chiah chu ka lo tawlh hnung deuh hret. Na zet in a thaw hawk a, inthiam loh hmel zetin a ding ta reng a.

Dawhkan a ka bag dah atang chuan ka damdawi chu ka phawrh a, ka hmawm nghal mawlh mawlh bawk. Khum ah chuan mu in ka pum chu ka dawm reng a, Liansanga mitmeng ah chuab min ngaihtuahna ni awm tak hi ka hmu thei, mahse, a bialnu a ngaihtuah vang ah ja ngai deuh ber tawh.

Engtin tin emaw ka lo muhil a ni ngei ang, ka harh leh chuan ni in kan room a rawn chhun eng tawh nasa.

Couch a Liansanga mu chu melh zawkin ka in tihfai san daih, hun ka hmang rei lem lo.

Inhnuai ah ka chhuk a, nu awmtei'n rawng a lo bawl tan der tawh.

"Nu awmte, result lam lawk tur ka nei a, class ka kal tlang dawn a nia aw" ka tih chuan rum zetin min melh a.

"Chaw ei loh i tum leh ringawt tawh ami?" A tih chuan ka nui hak hak. Cafe emaw sash-i te in a ka ei mai tur thu ka sawi chuan a hmel chu hmuh a nuam ta deuh.


Hmanhamwh zetin damdawiin lam pan chuan ka in khalh chhuak leh a, ka speed a hniam lem lo nen ka thleng hma hle. A chauh erawh ka chau takzet. Tun hnai hi chaw ka ei tlem ngaihtuah in ka chhuak nasa nen ka tha neih chhun te leh ka chakna te hi an kiam duak duak a, a cher pawh ka cher ve viau nghe nghe.

Zorema room-a ka luh hma chuan a chhung a hmrichhia leh mipa inhnial thawm ka hriat avang chuan ka ding deuh dat. An inhnial pawh a ni maithei ani, kan zorema pui hian ngaihzawng a lo nei ru reng zawk emaw nile. Tum lo eng ang mah ila an thusawi chu ka hre lo thei lo, an inhnial ring mah mah .

"Phuba chu i la thei ngei alawm, mahse ani erawh hi chu tina tel ve suh" Zorema aw ni awm tak chuan a ti vin thak a, hmeichhia pawh a ngawi mai mai bik lo.

"Ka duh vang a tina tel ka nilo, mahse, kha mihring sual lutuk khan a neih zawng zawng, pakhat te te a a chân ka duh ani" hmeichhia chuan a ti ve nghek.

"Tihnat belh tawh lo hram rawh, a ni kha ka tan a hlu lutuk" Zorema chuan a ti leh a, mahse thawm ri neuh neuh a awm avang chuan an thusawi ka hre thei tawh lo, an aw a zawi zawt bawk nen. Tu chungchang tak sawi ang maw ka tih rilruk laiin room atang chuan Fiona-i chu a lo chhuak a, min nuih sak. Mak tak maiin ka haw tawh miah lo, a hma a ka huatna te kha a reh duak.

Zorema hmel ngui ban nen kan in hmachhawn ran a, a nuam fahran lo hle.
"Ka result chu min pe tawh tawh" ka ti a, a dawhkan atang chuan muang chang in paper hi a lo lachhuak a, ka lo ban vat.

Ka thil hmuh chu awih lo zetin ka lu ka thing nak nak, dawt a nih beisei in ka chhiar nawn leh a, mahse a thuziak leh engkim chu a lo pangngai vek.

"Zo.. Heihi I fiamthu ani tiraw?" Beisei nei zet chuan ka melh a, mahse min chhang lo

"Zoremsang, pumpui cancer ka vei theih dan hi a awm lo hrim hrim. Dawt a ni tih sawi vat rawh" ka ti nawk nawk, min rawn pan vat a, a awm ah chuan min kuah thlawp.

"Muan, insuam rawh, khawngaihin" a ti a, min kuah nghet hle. Mahse, ka insum theihna neih ve zawng zawng kha an bo vek tawh!
















🖤

Rin aiin a sei😂
Lo wish ve liam liam ru aw❤



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)