FIRST LOVE AFTER 30 YEARS 13

Episode kal lai dah luhna

Moderator: writers

Sandy sweet
Posts: 95
Joined: June 11th, 2021, 10:34 pm

FIRST LOVE AFTER 30 YEARS 13

Unread post by Sandy sweet » June 22nd, 2021, 10:44 am

Chapter 13:





Kan nupa chuan a hma zawng aiin kan inpawh leh zual a , kan hlim bawk a, tumah kan ngai bik lo.....


ka pasal hi ka zah( respect) em em chhan pakhat chu , a nupui ka nih angin min zahthiam a , min ngaichang thiam a,ka tan hunthawl min siamsak thiam a( free space) hmeichhia ka nih angin thuruk thenkhat te pawh ka nei ve duh ang tih hi min hriatthiam pui a ....

Engkim hriat ve vek a tum ngai lem lo , ka hrilh chuan uluk deuhin min ngaihthlak sak thung a......


Pasal a nih anga ka chunga a thu neih na lantir hun a hria a, keipawhin han hnial tang tang ka chin thin te pawh kha ka bansan tawh a...

Chutiang chuan hlim viau mah ila ngaihthat loh na lian tak ka nei a , kan nupa in chhungte remti lo chungin kan in suihzawm a , an malsawmna tello a chhungkua kan din avang chuan an malsawmna tal dawn chu ka duh a ......

Ka nuin kan naupan laiin min hrilh ka la hriat reng chu; "Chhungte remti lo chung a inneih na chu a hlawhtling ngai lo, chhungte malsawmna dawn hi a pawimawh ber a, chuvang chuan nangni pawh fimkhur rawh u ,kan remtih pui loh tur che u mipa chu hnaih lo ngam mai rawh u" tiin ....

Ka pasal pawh chuan tun thleng hian a rilru in a la beisei ve a ni tih ka hria....

Pawnlamah mihlim thei tak leh michak tak tlawm ve ngai lo angin lang mahse a chhungrilah chuan na thei leh chhungte hmangaihna mamawh tu kha ala ni reng ....

A chhungten an hmangaih zia ka hria anu phei chuan "Fapa rangkachak " a ti hial a nih kha ,an fapa neihchhun a ni a an hmangaih viau pawh a awm a ni...

Amaha a awm lai te hian a inngaihtuah leh vung vung thin hi ka hmu fova , a rilrua awm chu ka hriatpui hran lo, hmeichhia ang in sawi ve zut zut lo mahse a chhungte chu a ngaihtuah thin ka ring a ,a rilru kaptu lian tak an nih ngei pawh ka ring...



°°Kum tin a hun ngaia kawrsen ka hak ziah chhan chu a hrechak ngang a niang min zawt ta nge nge a , keipawh in tha deuhin ka hrilh a ...

Ka thiannu kha ka la hre reng thin , a boral khan lehkha a hnuchhiah a , chu a lehkha hnuchhiah ah chuan ti hian a inziak a ...
"Ka tuar thei tawh ngang lo ani, ka nu min ngaidam ang che ,he thil ka hrilh vat loh che avang hian mahse i hlimna tih chhiat hi ka duh lo a tin ni . ...

Kum sawm panga ka nih lai atang tawh khan David( a pa hrawn) hian min mutpui tan tawh a , hrilh che ka tum thin a mahse, min vau thin a vangin ka hrilh ngam ngang lo che ani...

Mahse nau hial ka lo pai tak ah chuan khawvel hi ka hmachhawn ngam ngang lo a , hremna tawk turin ka inpe ta zawk a ni . Min ngaidam lul rawh"
tiin

Ka thiani khan kan inkawm thin lai khan an ina len hi a phal ngai miah lo a , khang hunlai khan mak ka ti thin mahse min lo venhim duh vang zawk kha a lo ni a...

A thil tawn te kha a rapthlak hle a; kum sawm pahnih a nih in a nu leh pate an inthen a anu bulah a awmzui a , a pa'n kum sawm pakua anih in a boral san a , khang thil te kha a tawng leh a ...

Khawvel hmachhawn atan a har tur zia kha , mahse engpawh a thil tawn a piangah a eng lam zawng hlir in a thlir thin thung a. Mahse a tawpah chuan a tuarthei ve ta ngang lo a nih kha, ka dem hran lo....
.
.
.

Vawikhat chu bazarah kan kal a, Vaimim rawh an zawrh na hmun kan kal pelh chuan ka thlir zui deuh vawng vawng a , chutia ka thlir zui tak ah chuan "lei ila "ati a mahse, kei chuan ka naupan laia ka pa'n min chhanna ang chiah khan "a to lutuk kan lei pha ve lo ang "ka ti a .. Mak tih hmel takin min en nghe nghe ka fiamthu emaw a ti a , let leh a tum chuan a ban ah ka pawt let a, ka ti tak tak tih a hrethiam a ni chek ang chu kan kalsawn ta a.....

.
> Ka pasal nen chuan hun hlimawm tak kan hmang chho zel a, kan pahnih chauh in ni mah ila ahma zawng aiin kan hlim leh zual a ...

Kei pawh ka insiamrem chho tial tial a , kan nupa inkar tih ngheh nan chuan engpawh tih ka huam tawh a, a hma kha chuan inthen kha sawi ka awlsam a tunah chuan min thenin min kalsan ang tih mawlh mai chu ka hlau tawh ......


Ka pasal min hmangaihna chuan amah hmangaih lo thei lo in minsiam a kei hmangaihna awm ring ngai lo tu hian hmangaih ka nei ve ta.....

Mahse, ka la sawi chhuak duh lo , nakina hrilhah ka khek rih a....

Ani ka hmangaih na chuan thil awm ang lo pui pui min tih tir a, ka tih ve tur a ka rin ngai loh te thlengin ka tih ve phah a. A tana thil tih te chu nuam ka ti tawh lutuk a, ka phur thin hle ...

Puitling viau ang in lang mahse naute ang maia duat mamawh chang te a nei ve thin a .... A rilru hah chang leh a hna lama a buai viau changte hian " Vawikhat min kuah la ka tan a tawk" hi a ti mai zel , mahse ka pasal hi thir hlang a siam ani bik lo tih ka hria ....

Ka theihtawp ka chhuah tawh a, min then ang tih te chu ka hlau hliah hliah a tunah chuan ka tawngkam te pawh ka uluk in duat dan te pawh ka thiam ve tawh lutuk ......

Zing tin kan thawh dawn apiangin "ka duatte " tiin a biangah chuan ka fawp hmasa phawt thin....


Hun leh nite chu a ral zung zung a tunah chuan kum thum lai kan lo innei ve ta reng mai .....


A hna avangin a zin angai a mahse ka awm anawm loh a vangin thlah tur pawhin ka tho chhuak peih lo , zanah a thil ken tur te a tih fel vek tawh a vangin a mahin a tho a , ka chalah chuan min lo fawpin " ka kal a nia" ati a .....

Ka la mengchhuak peih chuang lo , ni dang ah chuan a zin dawn hian ka thlah ziah thin a tuntum chu thlahliam loin ka kaltir a.....
.
.
.

A lo haw hun tur a sawi ni ah chuan a lo haw mai si lo a , ka ti tau a ,min biak loh chuan ka be bik lo ang ka ti a .....

Zan a lo ni a ka mut tawh hnu chuan ka phone chu a lo ri a peih lo deuhin ka la a , "duhtak i mu tawh ami " a tih chuan ka la tih tauh deuh bawk si avangin "ummm" ti ringawtin ka chhang a.......




"Vawikhat chiah ka duatte min han ti leh lawk teh " ati a , ho ka ti ang reng a mahse "ka mut chhuah teh reng nen a va ho e aw" ka ti a "vawikhat chiah aw" a ti leh a......

"Ka duatte" Ka tih chuan a nuiin ka hria keipawh chu ka nui ve suk a ' "Ka hmangaih lutuk che !! tih hi hre reng la , ka lo haw thuai ang" a ti leh a ,ngaihtuah chiang lem lo chuan " aw " ka ti ve mai a ...


"Keipawhin" tih chu ka la sawi mai duh bik lo ,a lo haw huna sawi a tan ka la khek a . A thaw deuh hrawi in ka hria ka ngaih chu a tha zan tawh bik lo "Ka hmangaih che "tih zawng chu a sawi leh a, phone chu a in cut chhunzawm mai bawk a ....


Ngaihtha lo tak chung chuan ka mu tha ve leh mai a ...


A tuk zing dar 4:00 a.m bawr bel ah chuan ka phone chu a lo ri leh a , ka pasal number a nih a vangin ka pick up nghal thuai a ,la mu reng chung chuan "Aw" ka ti ringawt a ....

Phone a an thil sawi avang chuan ka nghing lawih a ,ka khawvel hi a vir muai muai mai , ka chawmawlh vek a , thil pakhat ka hriat chu "Ka tlai ani " Ka hringnun ah hian ka tlai ,ka tlai ziah bawk......

_________________________________



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)