BUNKER'S PARTY

Episode kal lai dah luhna

Moderator: writers

DawngiKawlni
Posts: 6
Joined: June 22nd, 2021, 4:19 pm

BUNKER'S PARTY

Unread post by DawngiKawlni » June 22nd, 2021, 7:03 pm

BUNKER'S PARTY

_Chapter -1_


Ka phone a rawn ri ral rala ka tho thuta vai deuh chhapin ka phone chu kan thlek a
"Awi dar 5 maw ,ava han tlai tawh ve le" tiin ka inngaihtuah nghala,ka meng phawk nasa hle,ka hriat hnuhnun ber kha chu zan dar 7 a ka mu kha a ni sia, mahse ka han en chian chuan zing lam dar 5 a lo nia, exam lai ka ni tih ka inhrechhuak nghal bawk.

Ka alarm lek lo niin,ka off rual chuan minute 5 kan chhing leh lawk ka tia,ka harh leh meuh chuan dar 7 a lo ri pel vah tawh. Ka inphih tho thuai a,dar 9-ah exam ka nei atin ni.ka hun nei rei lo te lah chu bathroomah ka hmang ral vek a ni mai,phone-ah hla ka ngaihthlaa ka sak ang maiin ka lam pui vel chiama,bathrooma concert neih hi ka ching ve hrim hrima,a chang phei chuan ka thiante leh ka chhungte dam lai reng hi ka thih tira ka tap vaka,film ka chan chhunzawm nghal char char thin. Ka neih miah loh ka bialpa te hian min van kawp ngun tak bathroom-a ka awm lai hi chuan. Ka tih neuh2 chhungin dar 8 a ri der.

Ka phone a rawn ri leh a Parchukzi call a ni tlat maia,bus standa min nghah tawh thu lo sawiin hmanhmawh turin min rawn ti a,bus stand lam panin ka chhuak ve nghal,a hmun ka zu thlen chuan a ban tawite chu a lo vai lauh lauh a
"GiDongShi he lama hi ka awm,DawngJungkook hetah" min lo ti lauh lauha,nui thaw chung chuan a lamah ka va tlana bus alo thleng ve chiah nen college lam kan pan ve ta nghal mai a.

Ka nunah hi chuan BTS chiah hi vei ka neih vang ania,Korean hming min vuaha min koh mai a ni. Korean ang tawpin ka buaipui lo tih hi an hrethiam thei tlat lo.

Lawk lawk ka theihnghilh, let leh zuai, Parchukzsi ka tih hi ka thian tha ber , ka bestie a ni a, a hming hi Pci a ni a, a hming pumah Parchukzi ka ti mai chauh a ni. Mize in an na lai pakhatte mah kan nei lova,a tawng lam hna hi ka chan a ni a,a thawh lam hi amah. A sawi lam hna hi ka chan a ni a ani hian ngaihthlak hna a thawk thung. Ka thiannu pakhat nen an inhmelhriat hmasaa,ani chuan min inhmelhriat tir ve leh a, kan veng (Ramhlun S) alo inang bawk nen college atang chuan kan haw dun thina ta tanga inkawm chho ta chu kan ni.

Ka sawi ang ang hi a ni tawp,ani chuan a um e vek zel,tin,a tawng ngai lo tluk a ni. Khatla kal tumin busah a rawn chuanga a ngaihtuahna kal bing lutuk avangin kulikawn a chuang thleng thak thei, chutiang mi chu a ni e. A pian leh hmel lam hi chu ka sawi vak lo mai ang,chhuan tlak hi kan awm lo ve ve.

Kan college, Govt. Johnson College thleng hian bus a service loh avangin khatla standah kan chhuk mai zela,college hian bus hran a la nei ve bawk lo nen,hmanhmawh phei chuan Ramhlun S atang chuan a hla mah mah hret thin.

Hemi ni pawh hian kan hmanhmawh hle,stand atang chuan college lam panin kan tlan chho ta ngar ngara, tlan tih lemah kan infit vak lova kan tlan kal.

minute 5 vel kan tlan hnu chuan Pci chu motorin zawi muangin a rawn su thal tep a, engmah sawi lovin,rang zetin a rawn tho a,a kal leh nghal ngar ngar,a driverin a koh pawhin rawn hawi duh tawh miah lo,hre thei lo ang hmakin a awma,a ai chakin a kal nal nal,driver tih ngaihna hre lo pawh chu a inkhalh liam ve leh maia.

Ka han um pha vata
"Pc,i na lo em ni?"
Pci chuan min lo en a,a ke tawi te chu a per at ata,a hmai a hupa,a thua,a rawn tho leh a
"Uiiiiiiiiii ka zak luuutuukkkkkk" tih pah chuan a hmai chu a rawn zut kual vaka, "ka thi,uiiiii ka zak lutuk,ka na hman lo,na ka nei hman lo ka zak uchuak" ti a min han chhan zet chuan nuih a za lo thei lo,college thleng thakin kan nui ta hial anih kha.

College kan thlenga exam tur thiam kan nei lo tih kan hre chhuak dun hlawl,rilru a hah lem lo,thu ve leh mai mai ang tih pahin exam hall kan pana, kan writing boardte chuan kan invai lut hmiah hmiah. Thiam lo ber e ti lo chuan tlar hmasa berah kan thu ve vunga,kan thiam lo tih kan inhre chiang dun bawka inzawh tumna ik pawh kan nei lo. Kan subj. exam a in ang tih an hriat chuan Pci chu a hnung ber tukverh bulah an sawn daiha,pawi tihna vak ka nei lo ka chhawr lo ka bula a thu kha.

Ka thiam ve chhun ang ang chu ka ziaka,ka awl lai chuan Pci chu ka han melh zauha,pawn lam a lo thlir vung vunga,rilru zawng zawngin eng emaw chu a melh chiang alawm,Pci chu ka melh ta zeuh zeuha pawn lam hlir chu a en nimai hian ka hria,a rawn hawi thlaa a mit meng leh zai zir chuan pawn lam a kawka,thei leh thei loin ka thutna zawna tukverh atang chuan ka zu melh thlaa awi lalpa leh ui hi an lo inpaw* mek chu niin , an bulah chuan uipa dang hian khur tlawk tlawkin a lo en bawk a,exam lai theihnghilh thakin chu chu alo thlir anih chu, nuih mai loh kha chu tih theih a awm lo.

Kan exam zo chu question pawh kan sawi dun lo,chuah rual rualin ui ringawt chu kan sawi a ni deuh ber mai. Building lehlamah kan thiante an zawh tawh leh zawh tawh lo thli thlai pahin kan pheia, rin lawk ang ngeiin Nancy bawk chuan a lo la zo lo.

Test emaw exam ang chi hrim hrimah hian Nancy hian a ziak rei fal nalh zela,exam hallah te hian a awm rei thei lutuk,a rilru a hah thei em ema,class bunk a duh ngai lo. Engkim a into delha,zirlai bu leh note neih loh a neih deuh hlek chuan a chi ai chiam zel,paperte hi a dil belh ve zûla,a rilru te hi a hah luatah a mu thei lo tawp zel,mahse a result hi keini aia a that bik em em a awm ngai lo. Amahah hian engmah hmasawnna tun kum 1 liamta khan kan hmu lo. Nitin hian a chhe telh telh zawk niin a lang.

Kan thian ho-ah chuan a upa bera kei ka naupang ber,min enkawl hi a ni deuh tawpa,kan inhrethiam em ema,a chang chuan ka nu ang mai anih chang a tam,mahse ui leh kel thlun pawlh ang reng kan ni. Ani sawisa lo leh ti mangang lo hi chuan ni ka vui zo thlawt lo. Ani pawh hi hmel leh pian chhuan tur a awm lo em mai sawi lang lo mai ang. Boxing khelh a thiam hmel lutuk tih erawh thai lang hram ila.

Exam hall pawnah chuan Timtimy,Thartei,Steffi te chuan Nancy chu an lo nghaka, an ni pawh hian question emaw, kan chhan that leh chhan that loh lam an care vak lo. "Shikhar in nei em?" tih vel a ni min lo zawh daih.

Thartei hi Nancy anpui deuh hlek a ni a,English an core ve vea,a tawng muan em avang leh a duhtak sawi a harsat avang hian tawng hun a chang ngai meuh lo. Mau suihtlawn hi a anga,infiam nan pawh kut thlak chi a ni lo,kan hliam a ni nghal deuh mai zel,a hmel hi a fip hrei reuha en reng reng hian kangvara thlai chih tuh reng hmel hi a pu reuha,a cher chhiat anga zuam chi erawh a ni lo a fei reuh zek. Ani tluka lam thiam lo hi an awm kher lo bawk ang. Ani erawh taima thawkrim leh thiam tum tak tak luck hlawl lo ang chi kha.

Steffi ve thung hi chu kan thian hoah chuan a lerh ve deuh ber hi a ni a, 'mi phakar Steffi' kan ti thin. A bengchheng ve chil chel lova,thil hi a ti chiam lova,a thingtlang nula zei zaih mai a ni. Lehkha zir hi a pe na vak lova mahse a tichhe ngai lo,rual pawl thiam tak mai a ni a,mahse cool raih mai, a tawng chhunah erawh nuih a ti zain,tawngkam khat leka mi chhang dang zung zung ang chi kha a ni a, pci nen hian mizo an core-a tawngkam an inthiam hleih zia chu mak tak a ni. Steffi leh Pci in an na deuh chu an tawi khal chum bat hi a ni.

Timtimy mawlh mai hi hei hi chu ka partner in crime a ni,English core tho a ni a, Nancy leh Thartei thawven ai hi a thawveng ni berin ka hria,kan thian ho zingah chuan a luck ve ber tiin a sawi theiha,a te fel eta,a che zawk zawk hi a ni deuh ber mai. Mi kah leh sawisak lamah tumahin kan hneh lova, steffi nen an tandun tawh phei chuan mualpho loh nan hnial loh a him. Kei ai kum khat chiah a upa a n ni a, kan pian thla pawh a in ang ,hemi vang anih mahna engkimah kan in man em em, Nancy pawi khawih hi nuam kan tih ber a ni. A hma chuan patil emaw an ti thin. Han inlak nu ve hnap emaw ze zawi taka awm hi a nei lem lo, Amah lel lul hi ania class bunk rawn hmuchhuaka,bunkers party rawn dintu.

An ni ka en chang hian alawm hma hun hi a thim mai ni lovin a dum vek hian ka hriat thin ni. Hetiang ang mihring hi an lo awm anih hi tih ngaihtuahna hi nitin min pe thin. Tiffinte kan han paia chaw pai tawk kan awma,tiffin pai ve vek si hian fiante kan inchan ngai lo. Dalmut leh Wai Wai mix ka zuar thina,nitin hian an ba a,tun thlengin siki them pawh a man ka la hmu lo. Chakai bawppui an rawn paia,kan insem thin. Tui lum,chini thleng khan kan pai thin. College kal e ti lovin building pumah kan in um kual thin. Section anga inthen pawhin awmzia a awm lo,kan kal ho leh nge nge thin. Kan subject leh section ni loah pawh kan roll number ah kan inpresent sak fo .

Ti hian keini hmeichhe paruk bakah hian mipa pali kawm kan nei leh a,

Arona,Father_a,Uncle_a leh Drew. Arona tih loh zawng hi chu, "piang nawn leh pawh nise zu ngawl vei an ni leh tho ang" tih tur ang chi kha an ni.

Arona hi chu engkimah hian a insum theia,a puitling em ema,ze zawi lutuk tak mai niin,a bula awm a hahdam em ema,mi a care thiama,a cool em em a,thil dang zawng zawng aiin thlalak a thiam narawh . Ani hi chu a kila lung tangkai ang hi a ni. Eirawng bawltu ber a ni a,Drew nen hian an bazaar thin.

Midang pathum ve khi chu an in ang tlang em ema,fiamthu sawi leh mi kah an hnehsawh em ema, an vai mai hian mi hi an dawhthei em em a,an rilru a thaa,an kianga awm a nuam em ema, kan tih ang ang hian an awm ve mai thin. An vai mai hian kan ring ngam em em veka,nun a hlim thin an kiangah chuan. Mipa ho hi chuan English an core vek.

Fathera kan tih mai hi Netea a ni a, father kan ti maia, 'ka fate u' min ti ve mai thin. Bialnu a neih pawhin 'motheri' kan ti ve leh dial maia. A sira lo nui sen sen pawl,kan nih na ang anga min en liam maitu a ni. Sang cher vah a ni a, mipa hostelah a awm a,vawi khat chu an hostelah kan lut ru a,wardenin min hnawt chhuak nghe nghe. A nau ang hian min en mai a,mi a duat thiam em ema,mi fuihpawrh hi a thiamna bik ani a,mi vin leh a fa atanga mi tuithlar chu a tih ber a ni.

Unclea ve thung hi chu a titi tak tak tawh chuan thih hlauhawm khawpin kan nui thin. Ani hi chuan fa a nei tawha,a hmel phu loin a fa a hmeltha lehnghal. Zirlai hian a rilru a thleng pha lo. A te ve chel chul ngai lova,a tawng tawh erawh chuan tumah kan insum zo ngai lo,nuih a ni mai. A inti bo thei a,a awmna chin hi kan hre lo zeuh zeuh. Ram pawnah te hian a lo awm leh daih thin.

Drew ka tih mai hi Andrewa a nia,ka mipa tawn tawh azawngah a kianga awm ala nuam ber. Cher ve tak mai hi a ni a, tin thawmhnaw hi a duh khirh em em mai a ni. A mizia hi a gentleman ti ila a sawifiah deuh ber ang. Zirna lamah pawh keini ang tho a ni. Ani hi chu down turin a inpeih renga mahse ani anga rilru tha hi chu an vang tawh ang. A thil phal a,a kiangah chuan nihna ang angin lang tawp la a lo pawm tawp ang che.

Mipa ho pawh hian DawngJungKook tiin min koh ve vek mai.

Nancy pawh chu ziak tha thei tawh bik lo,kawngkhar atangin kan lo chhiah khuma,a rilru kan la leng peng hneh ngar ngar hle a ni. A hmel atang a chiai tih kan hre theia chu chuan min tiphur takzeta,kan uar sauh sauh.

Nancy tih ngaihna hre lo chuan a dah ve ta nge nge a,a thinrim hle a mahse awmzia a awm lo. Kan engah a thawk lo.

Nancy chiah hian question chungchang a rawn sawia, answer te an inhrilh kual lai vel chuan,kan mipa ho an rawn thleng phei ve bawka.

Tun tum kan exam hi 3rd semester a nia,an ni ho hi 2nd semester-ah ka tawnga, Section B ka ni a,an ni hi section A an ni. Ka thiannu pakhatin min hmelhriat hlawm tir an nia,an ni ka tawng hi kumkhuaa ka nuna ka tih that ber zinga mi a ni reng tawh ang.

Drew te hian an unau za in college thlang lawkah in an luaha,tah chuan chhuk kan rela,inthurual fahranin Drew te in luah lam chu kan pan leh ta diala,noodles kan lei thlaa,kan chhum leh ta hluah mai a ni.

Ka thiante ho chu ka en a, an ni ka tawn hmaa ka college life kha ka ngaihtuah let nasa hle a ni.

Class 12 ka pass chuan N.Vanlaiphai atang phur tak huphurh tak chungin Aizawl lama college kal turin khawpui lam chu ka pana. Ka nu in min hruai nghe nghe. Ka patea-te in lamah min daha,new capital atang chuan Johnson college chu a hnai bawk nen hmun dangah pawh luh ka tum buai lem lo,Johnson-ah chuan admission ka tifel nghal a ni deuh mai.

He Govt. Johnson College, khatla a awm hi ngaihsan riauna ka neia, zirlai a thliar hrang lo kha,thiam lo tak tak te hma hun kan neih ve theihna hmanraw pawimawh lutuk a ni tlat. A nuam a ni he college hi chu. Zirna tha hmu ve pha lo te ban phak college anihna ringawt pawh hian fak a va phu tak. Thiam sa ringawt ni lo,hman tlak ni turin mi a va chher chhuak hnem tak em !

Ka tan kum kher chu hreawm ka ti hle a ni. Thingtlang tan chuan chhungte in-ah kan awma,awmpui ang maia awm a ngaia,chhungte'n thil min lo thawn pawhin an lawm lem lova,a chang phei chuan khaw lam atanga duhsak taka thil min lo thawnte chu hnawksak an ni thin. An fate'n thiam an chan nan dawtin min puha,duhzawnga awm chu sawi loh thian pawh kan nei ngam tha lo thin. Dawtin min puh renga,na kan nei ngam lova,thut mai mai a awm hman lo. Ka nutei erawh kha chu a rilru a tha ka va han ti tak em,fak a phu thlawt mahse an nupa khan in ah an awm tlem em a ni. A kum lehah Ramhlun S lamah ka insawn phei ta a ni.

Kan khawsak zia a in ang lo em ema,environment a dangin , kan hlimna pawh a in ang lo. Kan tleipui thil a innang lova,min zahpui chang a tam thin hle.

Ka la hre reng an fanuin min nuihsawh tur ringawta a thiannu riak tura a rawn hruai haw lai te, thal tawp khawpa min ben lai te,ka thian mipate ho nen dawta min puhin pakhat phei chuan min kawm duh loh phah thaka,hmeichhia thian ka neih chhunte lah an lerh,drugs an ti a ti zel mai bawk si. Nuihza siam nan min hmang a ni deuh ber e.

Thingtlang atang khawpuia chhungte in-a awm hi awm fuh lo chuan hrem hmun te nau kan tem ni berin ka hria.

Collegeah thian ka siama,mahse khawsak in an loh avangin rual ka pawl pha meuh lo. Thian emaw ka tihte tan kha chuan fiamthu thawhna hmanraw pakhat mai ka nih chang a tama,an incheina ka phak ve loh chu thu hran, ei leh in ringawt pawh rual pawl har tak a ni. An ni kha ka thiante chu an ni a mahse thianthatna hi awmzia an neih tir lo.

Thingtlang atangin neih zawng zawng deuh thawin chhungte'n beiseina sang tak neiin khawpui lamah min thawna. Pa beiseina kan nia,Nu te nghahfak kan ni. Nei lo chung chung pawhin mamawh kan sawi tawh chuan neih ang ang bakah puk chawpin pawisa te kha min rawn thawn thin. Kan awmna te tan tiin thlai leh buh thar ang ang an rawn thawna,awmna ten an han uksak that duh loh phei kha chuan rilru kha a na ngawih ngawih thin.

Zirna lamah nise school tha atanga chhuak,neihin a phak hrim hrim vanga lehkha thiam,changkang em em,kan el phak tak tak si lo te nen loh theih loha in el leh a ngai a. Dress leh engkimah hian a ruka rual awh a va na thin tehlul em!

Tuna ka kianga ka nihna ang anga min pawmtute hi ka tan chuan an va hlu tak em,an dah rualin ka dak pha vea,an titi ka zawm ve pha tlat a ni.

Thiantha chuan min nuiha mahse kan kiangah a aia nasa sa a mawlin an rawn che ve thin. An ni ngei hian inthianthatna awmzia chu min hmuh tira,thian tih hi awmzia an rawn pe ta a ni.

Kan thianho hmeichhe paruk leh mipa pali-te chu Bunkers party kan lo inti taa,kan motto pawh "Ek mai a ni" tih hi.

Eitur an chhum laih laih lai chuan,kei chu Drew bulah chanchin bu chhiarin ka thua,Drew chuan ka awm a ti nuam lo ngang mai,thil dang vang a ni lo,ka ke zungpui chu nasa mang kheng hian a thlir char char vang a ni.

Hmeichhe ho hi chu ka ngaina vek tawha,kan inkawmna a rei tawh mahse vawiin ni hi Andrewa ka vawi khat hmelhriatna a ni a,vawi khat inhmuhnaa ke zungpui inthlir sak ngawr ngawr chu a nuam miah lo. A hnua a sawi leh danin ke zungpui thing deuh hi bialnuah a lo duh lo a ni awm a. Tin, ka zengpui khan Drew endikna a lo passed ve a ni awm e.

"Tinge ka ke kha i en reng a?" tiin ka zawt ta heu maia,
Drew chu a nuih seiha " a chum em a" tiin min chhanga,ka nui liam ve maia.

Chutia kan buai lai chuan Nancy chu rawn dinga
"Father bialnu i nei a ni maw?"
"Tinge?" rang takin Fathera'n a chhang let nghal.
Nancy chuan " kan thlen hlim atang khan phone hlir ila khawih" a han ti leh a

Timtimy chuan " I la nui ver ver zui" a rawn tih zawm zata,Fathera chu kan en thap hlawma,
"Eng nge?" rawn thluk duai duai pah chuan lai tak si hian a rawn tia,
" A hmel chu " ka ti zawm zat.
Drew chuan " a khal lutuk" rawn ti zat bawka,zak leh lai tih hriat tak mai hian Fathera chuan an thlalak dun chu a rawn tilanga.

Kan phur hlawm hlea,Nancy phei chuan " uii i phu lo" ti chungin a en leh thin.
"Engtin nge a duh che?"
"I bum em ni?"
"In ni tak tak maw ?"
"I bem ve tihna em ni?"
"I van phu lo tak!!"
"Eng nge a hming?"
"Khawi khua?"
"Junior nge Senior?"
"Kan college maw?"
"in nihna a rei tawh em?"
"I va inzep thei"
"Ka lawm lo"
"A nb chu"
"A khal asin"
"I lo va luck ve"
chung thute chu kan insawi chhawk zat zat hlawma,zawhna kan zawt teuha,a chhanna kan ngaihsak tawh lem hlei lo thung.

Uncle_a chuan
"Exam zawh khan a lo nghah kha,Anrua te in kan pan dawn khan an inbiak kha pawnah, Gurunga'n (Fathera) a pheikhawk hrui te a suih sak kha" a rawn ti a,mak tiin kan ka hau hlawma.Kan hmu lo chu mak kan ti hlawm hle.

Drew chuan, " Fathera chu awm lawm single vek ang kan ti emaw ka tia " rawn ti zawm zat a, kan lo pawmpui leh hlawm em ema,kan support thu kan sawi leh nghal tliar tliar mahse Drew kan support rei lo Arona'n "Anrua pawhin a nei reng,ani phei chu a nei lo ngai lo" a rawn ti ta heu mai si a.

Chutia kan infiam bawrh bawrh lai chuan ei theih der mai,kan han ei a,chaw thing kan inchan ta lo hial. Kan tih nek nek chhungin haw a lo hun der tawh maia,inthlahlel tak siin kan haw darh ve ta a ni.

Kan ti nek neka,kan zo fela,kan haw darh ta dial hlawm a.

Pci nen chuan kan inzui haw ta hnak hnaka,mak deuh mai chu public transport hi kan hmang nasa lo em ema,tihtur tul bik te a awm anih loh chuan ke hlirin kan kal thin. A nuam kan ti zawk tlat a ni.

Thartei chu kan kiangah a kal ve bawka,
"Tharte vawiin i van tawng tlem?" ka ti ta hlawl mai,nilengin ka awm a ti nuam hlawl lo Thartei hian.

"Tawng tlem vak em ni? ka ngai rengin ka hria" nui sen sen chuan min chhanga.

ka ngaih a tha lo tulh tulh,
" Rilru hahna i nei em ni? I dik miah lo,nidang i ang lo" ka ti leh ngat a.

"Nizan lehkha ka zir nasa deuha bakah ka duh angin ka chhang tha lo a,ka nguai deuh mai mai aniang" tiin min chhang a,ka tawng ve hma hauhin "min hmu nguai mai mai anih kha" a rawn ti zawm zat a.

Anih chu ka ring lo nilengin a hlim lo a nui lo chu a ni lo mahse a hmel hi a thi bei niin ka hria,tumahin an hre hrang lem lo,a mize ngai reng a pu a mahse amah hi ka hmu thim khup mai a ni,nge ka ngaihruatna mai mai zawk ni ang aw, a sawi duh rih lo ania nge ka ti mai a,ka rilru erawhin zana zawh ka tum tho tho.

Thartei chuan bazaar-ah min pensana,an in a luh thlengin kan en liam a,kan in thlah fel ve leh ta

Pci bulah chuan ka ngaihthat loh thu ka sawia,
"A ngai reng lo em ni? ka hmu ngai reng" tiin min chhanga,
"A dik tlat lo" ka la ti fan. Pci lam chu ka melh a "I lo tawng ve ta maw kha" ka tia,a nui liam mai mai. Zingkara a tawng bak kha nilengin tun hi a rawn tawng lehna chiah a ni.

Zarkawt kan pelh chuan a rawn nui chhuak hak a
"Eng nge?" tiin ka zawt vata
"Exam laia ui in paw* te kha mawle" tiin min chhang daih
"Nangte hi ilo la ngaihtuah ngar ngar elaw" khi vur vur chung chuan ka han tia
" A hmuhnawm zia" tiin min chhanga,
"An zak lo e,pakhat khan a sirah a lo en tawp,a pa a paw*tu kha a ngam si lova,khawngaihthlak reuh tak tak a ni" a la tih zawm zat zui. Exam kan ni tih kan intheihnghilh daih. Thil ho mai mai sawiin kan hlim phian.

Ka penna hmun tur ka thlenga,kan inthlahfela,Pci chu ka thlir liama,a lan theih chhung chu ka melh. A rawn hawi let a min rawn bye bye lauh lauh leh a,ka inthlah fel chu a ni ve leh deuh mai.

In ka thlen chuan ka pi chu a lo la mu a,tih harh hlau takin tui ka luma,ka inbuala,bathroomah chuan ka zai leh ta awl awla,free concert bei leh deuh chiam .

Eirawngte ka bawla,kan ei fel,ka ti fel zo chu lehkha rei vak lo ka en a, lehkha hi ka zir nasa lo a,understanding a ka kal avang hian note han bye heart tih vel hi ka nei chiam lova,ka zir rei ngai bawk hek lo. Thawh hrep ai chuan awlsamte a thawh hi ka kalkawng a ni. ka thatchhiat vang nge mawni thil te hi a awlsam dan ka hre em em lehnghal.

Mut ka tum chuan Thartei ka hre chhuak zawka,biak ka tum a message a hmu thei si lo. Nancy ka call a
"Nan enteh vawin Thartei kha ka ngaih a ti tha lo"
"Tinge? Danglamna a neih pawh ka hre lo e ah" tiin min chhanga,
"Ka hre bik lo,amah khan thil off a awm" ka la ti tang tang a,
Nancy chuan, "Awm se chu min hrilh ang chu,bakah amah kha a danglam ik loh kha" tiin min chhang leh a
"Chupawh nise" ka la ti tal
"Lehkha a zir nasa deuh anga,a rilru hah bakah a chau ve deuh nga i hmu down mai mai aniang" tiin min chhanga,
"Ni maithei,mi in a awm te a ni sia" tiin ka chhanga,lehkha a zir duh avangin phone chu ka dah a,"anih chuan a tha aniang" ti chungin hahdam taka mut ka tum a,mahse ka let ka let a,Thartei nui hmelah khan hlimna ka hmu lo atin ni.

Thartei chu ala online lova,call tlang theih si loh avangin ka ngaih a tha lo zual em em a, Pci ka phone leh tawpa Nancy nen a danglam lo. Ani phei chuan min mut thluk san daih mahse ka awm a nuam lo Steffi leh Timy pawh ka biaa,Nancy ngaihdan tho khi an ngaihdan a ni.

Tha lawm tia mut ka tum lai takin Thartei'n min lo reply a
."Nge nita Gi Dong"

"I tha em?"

"Tha e,tinge?"

"I va lo online har,call tlang theih bawk si lo"

"Lehkha ka zir alawm,nang anga rilru chak,thiam a man zung zung thei ka nih ve loh hi"

" Min ti hlauthawng hman alawm le"

"Ka ngaihtuahawm loh,mut ka tum mek a hei"

"Buaina chu i nei lo maw ?" ka ti leh talha

"Uii Ka nei lo,nei ila chu ka hrilh ang che"

"I neih chuan min share hreh lo la i tan kan awm ania,min share loh khan kan thin a rim zawk"

"Aw ka hrilh ngei ngei ang che"

"Zep tur a awm lo ania,ka chaw ei pawh i ti tui lo"

"Em em a,ka ngaihtuah awm loh,rilru natna pawh ka nei lo"

"I lo neih vaih si chuan i chak lo ang" kan ti leh tala

"Ka nei lo tak tak,min ngaihtuah mai mai anih kha,ka van lawm tak em" rawn ti ta daih

"Ngaihtuahtu neih te chu a nuam lawm" ka la ti hram

"Naupang fel tak i ni,mu mu a hun tawh"

Min naute chei tan tih ka hriatthiama,bakah topic a thlak zel nen muttui tiin ka thlah ve ta a,
ka rilru a hahdam ta deuh bawk nen,zep chhan tur a nei hlei nem tia ngaihtuah chungin mut zai kan rel taa muttui tia kan inthlah hnu chuan ka phone ka offa mut ka tum chu ka mitthlaah Thartei bawk alo langa ka let ka let leh ta maia.

kan text chu ka chhiar nawn leha, engmah thil pangai lo a awm lo,status lah chuti bawk,midang zawng zawngin a pangai an ti bawk nen tinge ka ngaihtuah tlat le tiin ka inzawt let letling tawh a,tah tak chuan a ni kan intextnaah khan emoji a hmang lo tih ka hriat tak ni,ka awm nawm loh a tizual takzet

midang tih buai nan zan a rei tawh si a, ngaih ngam zan lo in mut zai ka rel ve taa,a tuka Thartei dawp chhuah chu ka la tum ta fan tho a ni. Mut pawh a nuam lo,Thartei hmel khan ka awm a tinuam tlat lo a ni. Ka inlet ka inlet a engtin tin emaw ka muhil ve ta mai a ni.




Author Note :
He thawnthu hi kan thian ho thawnthu a ni deuh ber dawna, hringnuna thil thleng a ni deuh ber ang, Lang lo lama hringnun hahthlak theih zia,inthianthatna, hmangaihna,chhungkua leh comedy thlengin a huam ang.hmangaihna lam ngawr ngawr a ni dawn lova hringnun lamlian lehlam a ni zawk mah ang. Chhiartu pakhat talin hringnun a hmachhawnna kawng a a hlawkpui beisei a lo ziak ka ni.

100℅ true story a ni dawn lova,kan thil tawn atanga ziah erawh a ni vek ang. hming leh hmun hma erawh engmah thlak danglam a ni lo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)