HER SWEET REVENGE EPISODE 2 ZIAKTU : NUNUI FRANKY

Episode kal lai dah luhna

Moderator: writers

Big bear
Posts: 400
Joined: November 9th, 2017, 1:44 pm

HER SWEET REVENGE EPISODE 2 ZIAKTU : NUNUI FRANKY

Unread post by Big bear » June 22nd, 2021, 8:12 pm

HER SWEET REVENGE


EPISODE 2



(Min lo welcome sap sap leh min lo comments sak tute , Ka story chiah ti a min lo nghak ve tang tang tute in vaiin merry Christmas vek u . Advance deuhin 😂 pathlawi zunah uai leh dial dial mai ang u aw. Pathian zara dam chuan zantin inhmuh leh theuh kan tum dawn nia)





THEODORE LALLAWMSANGA POV .





Eli nu tawhsual tawhna chu pawi ka tih pui hle a, ka farnu vanga boral ani tih lah thup bo chi ziazang ani silo .




Ka farnu pawi ti lutuk lah khan a sim vang vang tawh emaw kan tih damdawi bawk alo bar leh a, nie a su chiang viau kha ania a lu atangin thisen nasa takin a rawn chhuak a, Elizabeth pawhin min haw ngawih ngawih kha ka dem lo .





An inah va lan ve fo a phal lo kha ka dem lo mahse ka tihtur ah ka ngai a, engtin emaw tal anu boral na vanga tihsak let ve ka duh tlat ani . A mitmeng pawi sawilo zet ka hmuh hmasak ber khan mak takin ka vei zui vawng vawng kha ania, ani pawhin a mitmeng lian Kel kawl khan min en ve kiau a,





Mahse tuna min en dan nen chuan danglam tawh tak a ni . An ina ka va kal ve chang pawhin min hrelo ang hmakin a awm a, a chang leh na takin min ankhum zek zel bawk a, au erawh chu mi puitling tak a ni . Engkimah kan in thlahrun lutuk loh nan a awm a, ka tluk lo hle .





Kar lovah Ka farnu pawi khawih ti ila, car a mi a sut hlum chuan Mizoram a deng chhuak a, min dem tawk lah bo lo. Elizabeth min dem ang khan tawngkam na tak takin min sawi bawng bawng hlawm bawk a .




"Thudik tak ka hre duh. Motor I khalh lai khan damdawi I rui nge rui lo?" Ka nau roomah ka lut a, a melh ngai alo melh leh tlawk tlawk tawh .





"U ka mumangah anu khan min rawn tlawh thin asin. Min ngaidam sia tinge a fanu khan min ngaihdam ve theih loh ?" Á ruai hian a rawn ti a, Ka ngawi vung vung .





A room ka chhuahsan a, ka nu leh ka fate pahnih chu inhnuai ah TV an en a, an bul ka thlen chuan ka fanu zawk chuan min rawn pan vat a ,Ka fapa erawh a upa zawk piang hmasa zawk anih vang nge a farnu ai hian a inla puitling ve hle a .





" Mama, khawhar in lamah zanin chu kan va lang ve dawn emni? Min hmu duhlo viau mahse keimahni vanga nu neilo anni a, a pawi emai . Ipa kha la dam se chuan aw. " Pawi tih hmel tak hian ati vawng vawng a, ka farnu Lalchhuanmawii khian motor a khalh lai khan damdawi a rui tih ka hre lehzel bawk a.




Elizabethi mitmenga huatna kha ka hmuh hmaih hauh lo .




"My boy, I nau nen hian mommy neih in duh em?" Enge maw ka zawh tak mai le?



"Apa, mommy chu heaven ah a awm tawh I tih kha , Kan mommy bulah kan kal tawh dawn mi?" Ka fanu tereuh chu ka malchungah a rawn lawn a, enge a awmzia tih melh in ka nu chuan min rawn melh bawk a.




"Mommy alo haw tep tawh alawm. Mommy ka rawn hruai haw ang , hetah hian kan bulah alo awm ve tawh ang "





"Yes" anti rual a, naupang tak hi chu .




"Mama, bialnu I neih awm ka hre silo a" Ka nu in atih chuan za lo zet hian ka nui a,



"Nu , Monu hmeltha tak I nei thuai ang " tiin Ka roomah ka luh san nghal.






Kha hmeichhia kha, Kan in tawn dan a fuh lo lutuk hi ... Hmeichhia hri I vei anih kha antih tur khawpa hmeichhia ngaihsak tawh ngailo khan ka farnu rui motor khalh vanga anu chan tu ngei khan ka rilru zawng zawng a luah khat a, engemaw ka hriat hrep ni .





Hnathawhna hmunah ka kal a, ka beisei loh deuhin traffic jam ah chuan Elizabethi scooty ka bul lawkah a rawn ding a, glass ka up vek vangin min rawn hmu thei lo .



A cher chhiat tawh tehlul nen a cher belh in a dang bei reuh a, hrep hian .




Glass ka down a, a rawn hawi zawk a, mahse a rawn hawi nawn leh ngat . Rum lutuk hian min rawn melh a, traffic police in a rawn hui takah chuan ka tawlh hma hret a, nui sak chunga ka hnunga Elizabethi rawn lut chu glass atangin ka melh pah reng . A duh chuan a sirah hian a tlan thei reng .




Ka motor hnung rawn ri dawt chuan minti phu zuk a, hrep a, ka chhuk a, Elizabeth chuan nui sang hian ngaihdam min lo dil nghal a, he hmeichhia hian ati lui Chiang lutuk.





Scooty hma a rang deuh a ka motor pawh chuti tho .



"Ka tihpalh Pu lawm, ka hmanhmawh deuh a , I farnu in ka nu a sut ai kha chuan ala na lo . Bakah thi leh hliam pawh kan awm loh hi " mit min siai zauh a, a tlan zui nghal daih a, midang ho pawh an phun sap sap a.




"Sir " police officer pakhat rawn tlan chu a rawn ding a, engmah a nih loh thu sawiin ka tlan sawn ve nghal a, mi zingah Khatiang a min tawngkhum kha ka ring miah lo . Mahse enge tih theih awm chuang ni?




Nui suk chungin motor ka park a, huat leh thinrim a hnekin a chet dan naupang chhia zet chu ka lawm phian .






ELIZABETH POV..




"Eli , I thil tum hi a tha hauh lo ania. Tihpalh anih kha , khatianga I tih dawn vang khan kan nu a rawn let leh thei dawn pawh a nilo " Ka u chu ka en duhlo lui ngat , chuti maia awlsam chuan ka dam tir mai mai hi a ring emawni?




Office ka thleng a,banna lehkha ka thehlut nghal a, Sangtei leh Lalvero-a chuan an phal lo viau nangin ka luhlul zia an hrechiang lutuk tlat .





"GCS principal hmuh ka ngai a, ka kal leh nghal mai ang . Tha deuhin thawk ru aw" tih leh tlanchhuah ka rual a.





Kha misual ho naupang te kha an school kalna ah ngei hian ka thawk dawn alawm. Interview pawh a awlsam a ka rin ai daihin. Ka résumé vel a en thuak thuak a, ka u nen an lo inhre tha bawk nen. .



"English teacher tur kan lo zawn lai tak ania ava tihzia em, I qualification en hi chuan hei aia hna sang zawk pawh ."




"Hei kher hi ka duh alawm. Bakah .." Ka nui suk .



A tuk atangin hna ka zawm nghal a, staff dang te pawhin min lo welcome tha hle a, ka rilru erawh hria se chu a,





Lawmsanga fate chu class 4 an zir mek a, an thiamthei phian lehnghal a . Class ka lak chhung zawng chuan a hmeichhia zawk Jasmine chuan min en duh hle a, engah ka ngai hlei lo a.




English grammar ah an hnufual tih ka hriat chuan a rukin ka nui suk a,



"Naktuk ah grammar kan test ang , 20 full marks ani anga, pass mark 15 . A fail chuan vawi 30 theuh in ziak chhuak ang " tiin an test tur chu ka hrilh a ,





Lunch break zawh chuan class ka neih tawh loh avangin ka haw ta daih a, mamawh neuh neuh ka neih vangin ka bazaar kawi nghal a .




Millennium ah ka park a, a chhakah kal tum kawng ka cross dawn lai tak chuan ka hma ah tak kha misual palian Lawmsanga kha a rawn ding a, hma zawng pawha Ka sut sak nghal loh .





"I pa kawng emaw iti mi? Duh duhna ah ding suh " engah mah ngaih loh hmel zet hian a rawn chhuk a, security pakhat lo awm chu a chahbi a pe a, Ka dinna bulah a rawn let leh a.




"Enge I tih dawn a? I va nalh ve !" Ti supin ka chhip atanga ke ler thlengin min en a,




"Min endik chu ani em lo maw? I tam reuh ka ti hawina piangah hian I hmel hmuh tur hi a awm a" Ka tawngkam a khak theih tehlul nen engah mah ngailo ang Maia a awm hian min ti ngei zual .





A inchei dan Chu a inhmeh lehpek e . Amah a lian si a, taksa chuang bang lah a nei hauh lo lehnghal.




Engmah sawi lovin ka kalsan daih a,mahse ka tukhum za mer mer atang hian ka hnungah min rawn zui tih ka hre thei .



Hmeichhe thil zawrh na ah ka kal a, min lo en duh hlawm hle a, engemaw an hriat ni ? Kan hawi let na chuan Lawmsanga khan minlo la zui char char chu niin.




Hei vang anih dawn hi min en emaw ka ti a, mahse ka hnunga rawn kal lek hi anlo en ani si a .




"Enge ilo tih ve dawn a?" Ka en chho ran .




"Thil eng emaw sawi dun ang , chuan lunch ..." A sawi zawh hma chuan ka kut in tawp turin ka lo ti a,




"I thu thu a awm tir min tum suh. Ka hman lo ka buai"



"Oh, anih chuan I buai loh hunah nimai rawh se . I hman hma chu tihian ka zui kual mai ang che"


"Lallawmsang "



"Ka hmingpum in min ko suh mahse dear emaw honey emaw tiin min ko thei ang " tenawm lutuk .


Engemaw a hriat ni ? Mi lah hian min en duh hlawm si . Engahmah ngaih loh hmel takin ka awm lui reng a, ani lah a sirah alo thu a, hmeichhe thil zawrh na ah alo awm ve kur chu ani sia .





"Lawmsang, I duh ve em?" Tiin ngeiawm zet chuan lingerie sen chu a lamah ka lek va a, a nghaktu te pawh chu an nui thaw hlawm a,




"Duati I inhmeh zawk ang mahse ka pawt chhe hma lutuk dawn sia I duhleh rawng chi hrang hrang kha thlang la" Ka thusawi chu ka inchhir ngei mai.




Rum lutuk hian ka melh a, midang awm ve ho lah chuan min en tawn zak zak bawk. Ka bula mi hi a palian si a, police ni awm reng pawh ani . Kan han din dun meuh chuan a dar ka lo chen hauh lo , sang leh lutuk enge a tangkaina ?





Zahna a tam lutuk loh nan tiin ka zui chhuak hram a, ka huat zia hi a hrethiam lovemni?



"Pen pawk pawk suh , I bawp ang kha ka nei ve lo" a hnungah hah takin ka zui a, ani lah min hrechang lo lekin a pen pawk pawk a , a sazu a then nawlh nawlh thei hial ang chu mawle .





Ding meuhin min lo nghak a, a bul ka thlen chuan rum lutuk bawkin melh bak tihtheih ka nei lo. A sir dawrah chuan ka luh theih nan kawng min kian a, changkang lutuk ah ka kal peih lemlo asin mawle .




"Miin min en hrek hrek te chuan tui takin ka ei thei nang mawle" Ka hriat tawk lekah ka phun sap .





"Anih chuan khawiah emaw hmun reh deuhah kal I duh em?" Ka lu ka thing nar nar .




"Teuh lo , min pawngsual lovang tih tunge sawi thei ?" Uar zeta ka tih chuan a nui chhuak hawk , a zaklo lutuk .




"I itawm loh zia I in hriat chian kha . Mahse kan inneih hunah chuan kha ai khan I thau ve deuh ang chu"




"Ziaawm teh . I bialnu ka nilo a, I nupui nih phei chu hnai lo lutuk . I sawi duh chu sawi vat rawh . Hun ka neilo viau ania" Ning tih hriat zeta ka tih chuan a mit a chhing sawk a , a chetzia vel chu chik takin ka en reng a, amah a lian si, tih thinrim chi a nilo .




A zaidam phian a , a hmel en aiin. Mahse a thinthawk erawh a hlauhawm khawp ang le .




"I nu chunga thil thleng vang khan kan chhungkua hian min haw lutuk dawn tih ka hria"




"Dikchiah , eng vangin nge ka huat loh tehlul ang che u ?" Ka lo ti hmanhmawh .





"Lo ngawi rih la" kut ka kuangkuah a , ka melh reng ringawt .




"Ka nupui ni rawh " a thusawi vang chuan ka nui chhuak hak , khawvel hi a thuhnuai ah a awm emaw ati ani lo maw?




"I nupui nih ai chuan pasal nei lova awm ka thlang zawk nimai rawh se . Chu chauh chu mi sawitur I neih ?"





"Ka nupui I nih chuan kan sumdawnna share chanve hi I hmingin a awm ang , I nu laka kan tihtheih tawk " awihlo lutuk hian ka melh haw .




"Engatan nge I share chu ka tih tehlul ang lumam? Kan unau in hna kan nei a, bakah pasal atan chuan tlangval kher ka nei duh a, pathlawi nilo " Ka thusawi tul loh zia hi! Ka sawi zo vek tawh si .






"I ni vat dawn eng ang pawhin min hnial mahla " nui suk hian ati a, engmah ka sawi zawm tawh lo . Coffee ka in zo a, ka in man chu dawhkanah ka dah a,



"Hei ka in man , Ka kalsan phawt sng che ka buai " tih pahin ka ding a, mahse ka rin loh lutuk in a rawn ding a, ka banah nghet zet hian min hmer a,






"Keiman ka pe ang. Chuan I riltam khan ka hria a?" Cool ruih hian ati leh sup .




"A tam tawh lo min thlah teh miin min en duh si" min thlah ta lo chuan counter lamah min kai phei a, pawisa a pe a, a kir pawh nghak lo chuan min chhuahpui dawr dawr a,






"I hna bansan la, ka nupui ni rawh. Hna I thawh a ngai lovang , nuamsa takin ka Siam ang che."






"Engvangin? Tinge min tihbuai reng ? Kei nilo I nupui nih chak lutuk an in tlar put ang chu, tinge ka duhlo chung min nei rawh min nei rawh I tih reng ? Ka neih che I duh viau chuan I farnu kha jail ah khung rawh . Ka nu a sut vang khan jail ah dah lut rawh , iti thei anih chuan ka nei ang che, I duh duh danin ka awm ang " engemaw ka sawi tak le ? Mahse tuin nge mihrang vangin a farnu jail ah khung duh ang .






Chik zetin min en a, Ka engkim hi a hmu tlang vekin ka hria . Tinge he mihring lianpui hi a thinrim ve thei miah lovemni ?






Eng emaw sawi tuma a ka a an zuau lai chuan a phone a rawn ri a, hmm a phone pawh ka rin lawk sa ang , iPhone 12 ngat mawle , mi phone mai mai ah buai rual ka nilo .






" Engtinge a thlen theih ? A mar ala awm em?" Min rawn melh zawk a, engmah sawi lovin vung zet hian min kalsan nghal a, thil eng emaw sawi tur a nei khan ka hre si a, tunah lem phone call vangin a kalbo leh daih sia . Pawi hrep lo.







Engmah lei kual tawh lovin ka haw tlang nghal a, ei rawng ka bawl nghal a, ka u rawn haw chuan khua a thim lek lek tawh. A inbual zo a, chaw kan ei a, eikhamah chuan roomah ka lut zui daih a, ka u thiante an rawn leng a, thingpui an duhloh vangin an bula lo thut ve reng kha nuam ka ti lem lo. Bakah kan titi a in man pha lo tlat .






Tihtur em em pawh nei lovin phone ka khawih niap niap a, Lalvero-an min rawn call chuan ka pick vat .





"Oii laleli news kha I hre tawh em ? I nu su tu pu Lawmsanga farnu kha tunah damdawiin ah a awm mek asin "





"Tinge?"Ka ti sap . Chuvang chu emni vawiin khan hmanhmawh zeta Lawmsanga a kal daih kha !






"Ka hre chiah lo . An sawi dan chuan pills alo pop thin ani awm e, a rui sual kha an inchung atangin a tlathla a, a ngaihtuah awm viau aniang ICU ah a lut zui nghal a, ka khawngaih reuh" a rawn ti siam siam a, keipawn ka khawngaih reuh .





Diktak chuan ka hua lawm . Phuba lak pawh ka duh mahse an nunna thleng thlenga tuar tur chuan ka duh bik lo, mi fel famkim Ka ni bik lo .






"Ila awm em?" Atih chuan ka chhang vat a,






" A dam chhuah ka ring vak lo a, dam chhuak pawh nise mental asylum lamah an dah ka ring ,I nu a sut atang khan depression a nei nasa lutuk anti bawk a". Huiham . Engmah hriat zawm ka duh tawh loh avangin ka dah ta ngawt a,





Ka u thawhna hospital ah a awm a, anih chuan ka u pawh hian alo hria ang a! Nge engmah ala hre lo zawk ! Hrilh ka tum zet a mahse ka hrilh duh leh ta lo .





Rilru nuam vaklo chuan ka mu a, zingah class ka lak pawhin zan ka mut that vakloh avangin ka mood a fu tehchiam lo .





He phuba lakna hi bul pawh ka tan hma in hetiang hi a ni ta mai si a, a thih daih phei chuan engtin nge ka tuar tir ve theih ang ? Tinge ka ngaihdam theih mai loh ? Hah , a ruih laiin motor a khalh thin antih kha . Ka nu pawh kha a ruih laia a khalh anih chuan aaaaaaa test ka pe dawn ngaihtuah tawh lovang .






Class 4 section A roomah chuan ka lut a, ka luh rual rual chuan Lawmsanga fate pahnih chu ka en hmasa leh ber. A hma ang bawkin a fanu chuan min lo en leh kar tawh a, an mit chu a sen dun deuh ram a, enge maw thil thleng a awm emawni? A farnu kha a thi ta emawni chu ka ti rum rum a, mahse thi se chu news bakah a fate pawh hi school an rawn kal nang .







"No cheating , cheating tum ka hmuh chuan paper ka cancel anga, principal in hmuh bakah ka class ah one month chhung thut ka phal lovang " tiin paper ka sem a,





An test lai chuan Lawmsanga fate pahnih chu ka lo en bik leh thin . Jasmine zawk chu a thiam Loh hmel hle a, ziah tur a lawi a hre lo. Subject dang thiam in ti tha viau mahse English grammar hi chu an thiam lo tlat , exams na ah pawh an pass che che zel .





Paper ka check nghal a, ka rin ang ngeiin fail zingah an tel , a u zawk chuan 13 a hmu a, jasmine erawh 12 , diktak chuan 12 hi pass mark ani tlangpui a , mahse keichuan 15 Ka ti . Sawi buai a theih loh .






An fail a an punishment tur ka hrilh lawk vek tawh bawk a, mi 10 an fail a, mahse 10 an cross vek . Paper ah vawi 30 ziah chhuah tur ka tih chu ka sawi nawn leh a, naupang pahnih te chu ka en vang vang a, ka in thiam lo laklawh tawh . Ka pawi enge an sawi ? Engmah tihsual pawh an nei ve silo a.






An pa leh an ni te ka huat vangin tiang hian an chungah ka ti nia . Mahse sawi tawh chu sawi tawh , Ka thu ka sut thei tawh lo .






Nileng a naupang bula awm chu alo hahthlak anih hi , au rin alo ngai bawk nen , zirtirtu thenkhat zaidam tak tak te hi an fakawm ka ti . Engtin nge zaidam taka an zirtir theih zawk ni , khaw lum phei chuan .






Tlai ban dawn lam chuan office ah ka thu a, last period ka la neih vangin ka la haw thei mai lo. Phone en chungin teachers dang thusawi chu ka lo ngaithla pah a, zep loh chuan ka nel hlawm lem lo. Ti Ila ni hnih chiah alawm ka la thawh .







School ban chuan building atangin ka in khalh chhuak a, school kawt sira Lawmsanga motor ka hmuh chuan ka tlan muang deuh a, mahse a khalhtu kha Lawmsanga ani lo, midang daih ani .




Jayden leh Jasmine chu ngui deuh hian motor seat hnungah an thu lut a, ka punishment pek vang kha ani thei mai angem le ?







"Bialpa tur tha deuh ka lo hual sak che" Lalvero-a thin hi chu aw . Ka nuih duh miah lova ka banah min rawn kai a,





"I chhul a khawhar tawh lutuk . Pian tirh ata la single char char mai chu. Ngaihzawng tal nei ve tawh rawh heti chuan I thi a hul mai dawn " atih chuan a hnungah ka beng thlawp .





"Hmela kum 30 pawh ka la tlin loh hi aw, nupui atana ka duhlo chung min sawm tu te chu ka nei ve bawk aw, Ka lo hnawl anih kha "





"Maw? Tu in maw nupui atan sawm Che ? Awihawm loh lutuk "





"Min sawm chiang alawm kha Pu Lawmsanga khan . Nasa takin ka lo hnawl kha " engmah sawi zawm duh tawh lovin thil ka ei san daih a , ani la hre chak bawk si chuan min zawt chhen a ka hrilh belh awm lo emai a, bakah company share 100/50 tih vel kha chu mi hriat pawh ka duh lo .








Next day .





Zingah school ka thlen chuan ka table ah lehkha alo awm dul a, imposition ka ziah tir ho kha . Ka en kual dan dan a, Lawmsanga fate pawhin an rawn ziak ve a, mahse an handwriting erawh a ang lo hle lawi si .






Class lak lai chuan an nungchang a tha em em a, ka lo huat ve ngawt kha ka inchhir deuh , naupang pawi sawilo hetiang hian ka ti ringawt ania . Puitlin loh thlak lutuk .




Ka phone rawn ri avang chuan ka phu deuh zuk . Ka en vat a, Sangtei a ni , chhun chhunah engemawni le ?





"Eli enteh , Pu lawma nau kha a boral daih " Ka phone chu ka thlauh lai ka hre lo . Ka dawhkan bula thu miss Madini chu a au that a, min rawn buaipui nghal a,





Mahse keimah vangin anilo , anilo hrim hrim , ama thiamloh kha alawm . A su a, chuvang chuan depression a nei anih kha .




" Eli I tha em ?" Min rawn sawi deuh nawk a,




"A thi " ka ti deuh sap . Sawi tur dang ka hre lo. Tinge inthiamlohna hlira ka khah ni .






THEODORE LAWMSANGA POV ...








Thla thum zet a liam ta , Ka farnu boral na atangin . Ka nu khawhar erawh ka faten an hnem zo meuh lo. Nie , fa sun nat tur zia chu a tuar tu nih loh chuan eng ang taka na nge tih a hriat loh a tin ni.






"Apa , Kan miss chu a fel lutuk a hma chuan min duat lo a, mahse tunah chuan min duat tawh a hma chuan min en no lo thei lutuk "



"Miss Eli maw?" Mak ka tih chu engvanga Eli khan a hna bansan a ka fate school a thawk ta daih nge ani tih hi ? A hna hmasa ah khan hlawh a that zawk dawn tehlul nen.





"Immm... Apa a fel lutuk. Class-ah pawh nu nei velo tiin min chheih tawh ngailo , miss khan a hau a, in chheih leh chuan detention in nei anga in nu leh pa ka ko anga, ruakin playground ah in tlankual ang ati a" Ka nui deuh suk .





Ka farnu boral ni khan langsar lo takah a rawn lang anih kha, veng khat na na na chu Sunday hian kan in hmu leh zauh thin a, mahse biak ka tum pawhin rang takin a bibo daih zel a, chuti taka min hlau chu kei pawhin ka hrethiam lo fo mahse beidawng mai mai turin ka umzui lo tlat .






Zanah chuan ka fate homework a pek chu ka tihpui a, an ngaihsan thu leh fel antih thu an sawi reng bawk a . Eng emaw tak chu tih ka ngai .





Training chhuak a ni tawh reng em ni Elizabeth hi , teacher ni tur hian qualification a nei emni? Ka ngaihtuahna nu tak vang chuan ka nui sak .





Phur em em lovin ka naupan tet atanga ka kawm Dr Saitluangpuia nupui Deborah-i birthday ania, min sawm nasat em a avangin ka tel pui lo thei lo.





Chanmari kawn ka tlanpelh dawn chuan Elizabethi ka hmu a, tun ang zan ah lehnghal . Amah chiah lehnghal in.






"ELIZABETH" ring zeta ko in ka pan hnai a, a mit lah chu a sen deuh ram lehnghal .





"Enge tun ang hunah I tih nangmah lehnghal in ?" Zu rim a nam deuh emawni ? Engmah sawi lo chuan a mit sen ram chuan min en deuh kal a,





"Ka u in pasal nei turin min duh a ka rem tihna pawh lak a tum lo lehnghal a " a in sut deuh hraih a ,





"Pasal neih ka duh lo . Independent deuha awm ka duh " zawi sup hian ati leh a ,





"Khawnge I scooty ?" Harh chhuak thut ni awm tak hian a in her vut a, kal mai a tum chu ka lo kai ding vat . Henu hi hriatthiam a har takzet a ni .





"Englo , sawtah sawn ka dah a,ka theihngilh daih " Ka nui hak . Rum zetin min melh a,






"Ka la haw reng che ania" tiin min kalpelh mai a tum a, mahse enge ka hriat vei ni , kaltir teh hrep ka phal lo anih chu.





"Khawiah nge I kal reng reng , I va haw tlai ve . I riltam em ? "






"Min duh ami putar ? Min duh tawh suh aw, bialpa neih tih vel ka peih lo pasal neih phei chu " ati niah niah reuh a, "mahse I chhelo chu ka ti tho . Ka hmuh tirh che khan ka star che a, mahse Ka ex tawh che. Star nei rual pawh ka ni tawh lo " ati leh niah niah a, he hmeichhia hian kum 18 a tling tawh em ? Put nawlh a rukbo daih mai ania ka duh ni .







Heti mai chuan ka haw tir thei lo ang . Thlah haw Ila a u khan alo hau maithei a, kan inah hruai ngawt ila a duh dawn der silo . Ka motor lamah ka kai a, min zui ve mai bawk a .






"Ka ril a tam ania". "Okay, thil kan ei dawnnia, chumi zawhah ka thlah haw ang che, I u I be duh em?" A lu a thing nar nar a, " Khapa kha sawi suh , a zin daih lawm . Keimahin ka awm" hmmmm chuvang ani maw zu rim te a nam ve reuh ni.





Ka rilru thlak in , Tluangpuia ( The doctor) te in lam pan chuan ka kal zel a, a khat tawkin ka sira thu chu ka melh leh zauh thin. Ngawi rengin a thu a, pawn lam a melh leh vang vang thin .






"Ka nu ka van ngai tak , vawiin a birthday asin le" ti sapin a phone chu a hmet eng a, a wallpaper ah chuan Anu nen ha Lang tha hian anlo nui dun a, a mittui a rawn far fep .






Kei hian tap ka thlem ngailo, ka thiam lo bawk . Ka fate tap takngial pawh ka thlem thiamloh avangin an tah lohna anih phawt chuan an duh chu ka tihsak mai thin .




Kawngsirah ka motor ka ti ding a, a lamah chuan Ka awn hnai a,



"Tap tawh suh I tah chuan ka thlem thiam hauh lo che nia "




"Aw le, I tah tawhlohna anih phawt chuan " tiin ka lamah ka pawt hnai a, duhthaw zet chuan ka fawp a, ani erawh a khawng at . A zeilo nge ?





Rang takin a inla hrang a, ka hmai a ri nghal chawrh.





"Hmela, engvangin nge ka first kiss I ruk? Min dil pawh tum lo lehnghal " tiin rum zet hian min en a, duhawm lutuk . Tun atang chuan ka ta ani tawh ang he hmeichhia duhawm zet hi . Ka nupui ala ni thuai bawk ang . Theodore Lawmsanga hmeichhia chauh anih hi .







( Enge a an ? Ngaihnawm in tih zawng ani em? Zantin inhmuh kan tum leh theuh dawn nia. Likes leh comments kha aw , chuan ads vel kha in peih chuan min lo click sak ve ula aw)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)