FALLEN ANGEL - 1 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

FALLEN ANGEL - 1 By Bearr Chhakchhuak (Dreamer)

Unread post by Bearr » June 22nd, 2021, 8:23 pm

☄️ A tir phat atangin a ending ah buai su aw😝a ngaihnawm hran lo..thlawi Story a rawn pung hluai bawk sia senior zawk te ziah nen a in an loh hram ka beisei 😊 ads click te,a ngaihnawm leh ngaihnawm loh te ziah zawm zel tlak ani em ti te leh sawisel duh neih ang ang te kha inthlahrung lo in cmt box lam ah in lo sawi thin dawn nia😘☄️


CHAPTER-1☄️



"Kha..khawi ah nge kal I tum leh tak? I thawmhnaw hak te kha" Ka thiante nen a kan chhuak tur chu ka nu (nuhrawn) chuan ning aw leh in ti thu hmel zet hian a rawn ti teu hlar a



"Ka chhuak dawn, kawngkhar lam ka pan a I hrethiam ve mai lo ami?" Ka ti ve hlak, thinrim mitmeng nen a min melh pah in a thaw hak a



"Lalthansang min tih thinrim tun ziah suh" a tih chuan ka nui sak a



"A vawikhat na pawh anihloh kha ka nu..oh ka tih sual ka nu tak I nilo tlat ka pi" tiin in chu ka chhuahsan a, thinrim a min rawn au zui lang lang pawh ka la hre thei




Ka thiante ho chuan in piah deuh ah min lo nghak ran tawh a,tichuan a awl ber Chhandama bul ah chuan ka chuang a Feli birthday lawm na a kal tur chuan kan tlan chhuak nghal a



Aster Lalthansangi ka ni a Aizawl veng pakhat a Cheng ka ni, mihring tunu in kum 4 ka nih in min boral san tawh a ka hming Aster tih hi ka nu min phuah sak ani a pangpar hming niin chu pangpar chu September ah a par thin a September a ka pian avang leh Aster par hi ka nu in nalh atih thin em vang a min phuah sak ani,ka pa chuan kum tam a mah a min enkawl in kum 17 ka nih in nupui a nei leh thut a,rawn pawn min rawn lo,khatih lai a ka rilru nat zia kha,tun thleng in ka pa ka huat phah a ka nuhrawn Rosangi phei chu haw tak ka ni




Ka chung ah a tha ngai miahlo bawk nen nitin hian ka haw tulh tulh thin,ka pa a thunun hneh tawlh tawlh a ka pa pawhin ka dik zawk na kawng tam tak ah pawh min tan ngai tawhlo chuvang chuan kan in ngei pawh nuam ka tih loh phah a khawlai leh ka thiante in chu ka hmun nuam tih ber ber te an ni tawh




Ka sual hran lo,mahse ka nuhrawn lak ah erawh misual ber leh tih mawh ber ang in ka awm tlat a ka ngeiawm lui tang tang thin,ruih theih thil engmah ka ti ngailo mahse ka nuhrawn leh ka pa te runluih nan ka leng haw te hi beer cane khat tawp ten ka in leih a,zu rim nam a ka haw a an thinrim pauh leh nuam ka tih na a zual thin ka pa erawh ka hua a mahse ka thinlung zat ve ai tam mah in ka la hmangaih tho




"Ramhuai pitari chuan a rawn um chhuak che mi?" Tlan pah in Chhandama chuan a ti a,Rosangi (ka nuhrawn) hi kan thian ho bul ah chuan Ramhuai pitari ka ti thin a chutiang vek chuan kan sawi mai thin



"Saw Ramhuai nu sawn min um chhuah theih I ring ami?" Ka ti a,ka thaw halh a Chhandama a hnung ah chuan ka bei hle hle



Mi thawveng engmah ngaihtuah lo awm mawl tawp ka nilo a ka lan dan hi ka chhungril awmdan anilo ka tih na anihchu,ka pawn lam lan dan ah chuan ngaihtuah neilo mahni awm a awm tawp ang in lang mahila ka chhungril erawh chutiang letling thawk chu ani



"Chhan...zanin chu in in ah ka riak dawn nia aw" ka ti zawi sap a a hre pha em pawh ka hrelo,ka chhungril hi a tawt up up a ka nu damlai chhungkaw hlim tak mi te thik rawn kan nih thin lai kha ka ngai ani



"Tehreng,kan in te chu I second house a lawm" a tih chuan ka nui suk a,thian ah pawh thiantha tak tak ka rin em em leh engkim ka hrilh thin an awm a Feli leh Chhandama leh Tluanga te an ni mai,an nilo thian ti a ka sawi hi chu Chhandama te ang em em chuan ka kawm ngeih lo



Feli te in kan thleng a rinai in mi an tam daih mai, puitling lah an tam,ka thawmhnaw hak ka nuhrawn tih thinrim nan anih pah bawk avangin a mawi hnai teh chiam lo, Feli te ho nen chuan thlalak lam ah kan bur leh chat hlawm a kan thian pali group bik ah kan share leh chiam tak kha



"Bawihte lo kal lawk teh" Feli a nu in a rawn auh avangin a kalsawn a,keini thian thum ho chu kan la thum khawm tho kan ti ti mawlh mawlh lai chuan min rawn kal pel pah a hmeichhe pathum te thusawi chu ka beng ah a lut fuh



"Awi alo kal ve dawn ati a lawm Feli'n, ka hmu chak tawh tawp a chhelo den leh dawn tih ka chiang a fapa te khan a chhun mai sia maw" an tih chuan ak ner sak a



"Mipa te hi an lawm hlawm sia maw" ka tih chuan Tluanga leh Chhandama te chu an lo nui hawk a



"In ti pa viau lo la chu an mahni ang tho kha I ni dawn Chiang a lawm" an tih chuan ka melh hrep a



Ka pian a hnu lam ah bialpa ka la nei miahlo,ka hmuh zawh loh vang nilo in ka ngaihsak loh mai bak ah ka nun an ti tawt ka ti mai,bialpa nei tur a ka in tin tuah ringawt pawh hian ka hah lawk tawp thin,Cake zai hma in in tih hlim na eng eng emaw kan ti hmasa leh a



"Hey ka peihlo aw thlawk sawn nghal rawh u" Chhandama ten rawng min tah an tum chu duhlo in kan in um kual chiam a



"Lalpa leh!!" Kawngkhar ah mipa pakhat alo lut chiah ka tlan chak bawk nen ka ding hman tawhlo ka va su dawt a



"Thansang I na em?" Chhandama chuan a rawn ti vat a ka sut pa ka en chuan ngawi rengin min lo en ve bawk a engkim chu a reh nghal duak



"In lo thleng thei maw Zoram?" Feli pa in atih chuan chupa chu a bu nghut a,a lan dan leh inchei dan atang ringawt pawhin a zahawm hliah hliah a hmel a nelawm hran lo tih mai loh chu,a khabe bawr ah chuan hmul a to siar hlawm a a inhmeh mah mah bawk



"Hello Oliver..." Feli pa bawk chuan chupa kaih lai mipa naupang chu a rawn bia a mipa naupang sap ang zet mai mitmeng paw phat chu ka melh zui leh a a van hmeltha Chiang em! Pa fa an ni tih hai rual anilo an in anv hluah hluah



"Zorama te an lo thleng bawk a cake chu kan zai mai dawn ami? kal ngaih na nei a la ni sia" Feli pa bawk chuan ati leh a kan vai chuan cake zai turin kan awm khawm a



Mipa naupang mawlh kha a hmeltha lutuk a ka en ning theilo,a pa bul ah chuan a awm deuh chawt a a mah ang rual naupang pawh awm mahse tumah lawm a tum lo ni in a lang a pa bul ah chuan fel thlap in a thu ngawi kar a mi che vel chu ngun thluk takin a en char char



Cake chu an zai a,an zai zawh ah Chhandama te nen bawk chuan a hran in kan thu ho leh a Feli rawn kal phei chu Chhandama chuan lo signal zeuh pahin Zorama an tih te lam chu kan en dial a


"I u te ami kan van hmu ngailo" ati a Feli chu bu deuh nghut in


"Kan chhung hnai vai ania,keipawn ka hre vaklo California ah a awm atia apa'n,, alo haw ngailo tun hi alo haw vawikhat na ati"


"Kan in kawm na rei tawh nen engtin nge I sawi miahloh theih a?" Ka lo tih chuan then sak pahin


"Min zawt ngai hleinem" a ti mai a


"Eng hna nge a thawh a? A zahawm thlup sia khawi ah nge a fapa nu?" Tluanga chuan alo ti veleh a


"Company anei a,nupui a nei tawhlo" a ti mai a tuman kan sawi zui lem lo,a fapa Oliver mawlh chu ka va melh leh thin



Midang in an biak pawhin a pa a en hmasa phawt zel a chumi hnu ah a chhang chauh zel,bak ah mak ka tih deuh chu english bak in a tawng ngailo reng reng anihchu,a English hman lah chu a nal rapthlak lehnghal sap ram a piang a ni tih a Chiang nghal mai



Dar 10 dawn ah haw kan rawt a ka zun chhuak bawk nen haw hma chuan common bathroom lam ah ka kal a ka lut tur chiah nichin a ka sut pa Zoramsanga ngei chu a vawihnih nan ka su leh chawrh ka in her dawrh lehnghal


"Oh ka tihpalh lutuk ilo chhuak thut a" tiin luh mai ka tum a


"Vawihnih na pawh tihpalh maw?" a aw chu thum tha dup dup tak ani


"Eng maw? Ka ti lui ah I ngai ami?" tiin a hma ah chuan ka va ding leh


"I la naupang hle mai Bawihi" tiin min nuih suk a a kalsawn nghal daih


"Bawihi a!!" Ner sawk in bathroom ah chuan ka lut zui a,ka chhuah leh hnu in awm khawmuang tawhlo chuan pawn ah ka chhuak tlang a Chhandama awm na lam ka pan laiin Feli te gate pawn a khapa leh a fapa car a an lut lai chu ka va hmu fuh



"A van in ti lal em em" ti sap in ka en deuh reng a,a hausa viau ani mahna sap palian zet pakhat chuan a luh na tur kawngkhar a lo hawn sak thlap,Feli pa ten an thlah liam a keini pawh kan chhuak ve nghal



"Ilo riak dawn tak tak em?" Tlan pahin Chhandama chuan ati leh a


"Ka hrelo,riah chu ka duh mahse heng nen chuan ka mu peih vaklo i thawmhnaw ha dawn ila thawmhnaw in hak pawlh I duh vak bawk silo" ka tih chuan a nui ri hak a


"A ho lutuk ka unau te leh midang ania hak pawlh ka duhloh,nang te chu a pawi hleinem" a tih chuan ka kuah nghet sauh


"Vanlalcial-a hi chu I ni ve Chiang a lawm" tiin ka fiam zui zat a " kan in ah kal kawi lawk ila ka in thlak anga in in ah kan phei leh mai anga" ka ti a,kawng thui vaklo ah Tluanga'n min pen san a


"Ramhuai pitari nen in inhau leh ngei ngei dawn a sin,I thinrim thar leh anga" a tih chuan min hriatchian zia ka hre thar uar uar


"Nia thinrim thar leh dawn e,ka pa khan a lo chhan leh emaw ania nga" tiin ka thaw halh a



Hman kan nun kha ka ngai thin,chin lem awm lo a ka pa hmangaih na leh duat na,a duhsak na zawng zawng ka dawn lai te kha,tun ah chuan khang hun kha a liam tawh a engkim hi a letling thawk in a kal ta ani ber,ka pa chuan kei a fa a thisen ngei ang pawhin a nupui pahnih na a ngaihsak in a hmangaih tawk zawk a!



"In leng tha deuh in nei ami a?" Ka rilru a thil dang ka lo ngaihtuah melh melh laiin Chhandama chuan a ti a ka harh deuh zawk



"Nei pawh ka hrelo tinge?" Tiin kan in kawt chu ka en a motor dum nalh leh lian zet hi alo ding luah "ka pa thawh pui te an lo leng aniang,a that zawk hi ti chuan in hau lo in ka rawn chhuahsan leh mai thei zawk ang mi awm lai chuan Ramhuai pitari hian min hau hreh ve ania" ti a nui suk chungin in chhung lam ka pan a Chhandama chuan pawn ah min lo nghak



"Ilo haw maw Bawihte,hei inleng tha lutuk kan nei ania" ka nuhrawn Rosangi chuan a rawn ti tha leh luam tawh,inleng nei na na na chu keipawn sual ka chhuah niklo ngawi rengin ka bu ve nghut ringawt



"Saw Zoram,kan fanu neihchhun ve anih saw a zakzum ve reuh lutuk a I hrethiam dawn nia" Rosangi tawngkam ah chuan ka room lam pan ka tum pawh ka ding chawt



' Feli pa khan Zoram ati ' ti rilru chungin common room lam chu ka va melh a,kha pathlawi kha kan couch ah ngawi rengin a lo thu kur anihchu! Kan in ah hmuh ka beisei lo hrim hrim,bak ah heta lo leng tur hian kan in zawm na ka hrelo kan chhungkhat hnai vai te chu ka hre chiang ve hlawm lutuk



"Reilote chu rawn thu ve ang che,han in thlak phawt la" ka pa in a rawn tih na pawh ka zawm mai lo, pathlawi a rawn leng lut mak ka tih em vangin ka ding khawng zuarh ringawt



"Han in thlak vat ta che,hei hun neilo chung chung in min rawn hmu anih hi" Ka pa chuan thupe aw lek lek hian a rawn ti a ka phu deuh zawk,lu thing chungin vawikhat na na na chu pathlawi pa bawk chu ka va melh leh thutak hmel pu zet hian min rawn en leh in a kiai suk a ,heta ka cheng tih hre sa ang mai a min hmu mak a ti miahlo chu keimah zawk hian mak ka ti



"Zanin chu ka riak chhuak dawn.." tih pahin min chhan hma chuan in chung ah ka chho a inthlak sawk sawk in ka charger nen Inhnuai lam ah ka chhuk thla leh a pathlawi pa chu a la awm reng



"Riah chhuah enge a ngaih na,in ah hian awm tam ula a tha zawk" ka pa chuan phallo aw tak hian a rawn ti a ka thaw hawk


"Nia in nula tawh a ngaihtuah in na ania" Rosangi chuan alo ti veleh ka in sum hman lo


"Min van ngaihtuah ve hmel em em" ka ti nghal pang a ka pa chuan a mitmei in min rawn khap nghal ang a mahse nidang a inleng a neih lai ang tho in ka hrelo der tlat


"Ngaihtuah loh che in,hawh lo thu phawt teh" zaidam eltiang chuan ati a ka ngei lutuk chuan ka melh vak ringawt, pathlawi a hi awm lo se chuan atom bomb ang maiin a puak leh tawh ang chu mawle,bak ah hepa hi khawi ah nge a fapa kha a kalsan daih a


"Pawn ah Chhandama a awm a min nghak reng tawh" ka tih chuan ka pa'n mit ti zim Sun chung hian


"Lo thu rawh..riah chhuah angailo" a ti bung churh a,pa te na na na chu hnial duh tawhlo in ka va thu phei ve a pathlawi a chuan ngun thluk fe hian min lo en a


"Thansangi kha I la hria tiraw?" Ka pa chuan alo ti nghal zat a chupa chu bu nghut in a nui suk a,a nui lah chu lawm awm nilo in ka ngei chi


"Zorama hi I hre ve hman mang lo ang a sap ram a an kal khan I la nau em a? I nu boral hma daih ila naupan zual lai khan an rawn leng lut fo a lawm I la nau a I hre tawhlo anihkha an kalbo ta vang vang nen,a pa leh kei hi thian tha deuh mai kan nia" atih chuan ka lo ner sawk



Ka nu boral na thu a sawi liam mai mai te chu ka ngai theilo ka nu kha a tan a mi eng emaw mai mai mual liam ta ang maiin a chhuah a chu chuan ka thin a ti rim ani "kan in hre tawh bawk a ka kal dawn ania" tiin ka tho a



"I nu leh pa thu hnial pang pang ngam tur I la nilo Bawihi.." pathlawi a chuan a rawn ti ve khanglang,chhan ka tum chiah ka pa chuan a ruk in min rawn pawt a ka in sum ta hram



"Kan chhung hi tunlai chu kan boruak arit deuh a" Rosangi chuan alo ti ve bawk,a sawi dik mahse tunlai nilo in kan pafa in kar a lo tlak zeh atang tawh zawk khan kan chhungkaw boruak hian zangkhai lai kan nei tawh lo hrim hrim



"Ka chhuahsan ang che u,ka la awm rei dawn a lawm kan la in hmu fo dawn nia" tiin a tho thurh a Rosangi leh ka pa chuan tawngkam tha thei ang ber a thlah in kawngkhar awm na thleng an zui a kei erawh ka ding reng



"Lalthansang,awmdan mawi I van hrelo ve Zorama hma ah min ti zak tep anihkha zanin chuan I chhuak miahlo ah, luhlul lutuk mai I sual tawlh tawlh lehnghal" ka pa rawn let leh chu a rawn ang nghal buan buan a



"Duhtawk rih teh,I fanu hi zawng I zilh hlawhtling chuanglo ang a buaithlak em mai mi fa te tawngkam khat a an thunun theih laiin ani erawh" a chawl dat a ka lo in hum ruh nghek " a nu a chhun fu viau dawn anih hi" a ti leh kher chu ka hawi chhuak a



"Engvang in nge ka nu chungchang I sawi ve a? Ka nu chungchang sawi tur hian eng dik na mah I neilo..ka nu that na chanve pawh kha nang hian I tluk lo" ka ti ta piap piap a



"Lalthansang,ngawi hmak rawh I nu anih hi zah takin be ta che naupang sual lutuk mai" ka pa chuan alo ti let ve thung,ka pa min tan loh na hun hi tam tawh zawk mahse ka tan chuan a thar ang zel ani ngai ah ka nei theilo a ka rilru a nat tam ber na ani bawk



"Pa.." hnuk ulh teuh chungin ka ti thawp sat a ka changer hrui chu ka hum ngawt ngawt



"En ta che..fanu ang a ka en chung pawhin hetiang a la nih hi" Rosangi chuan rilru na hmel zet hian ka pa âwm a bei chung in ati a ka lo thaw halh,lemchan a thiam zia hi ka pa hian a la hrelo anih hi



"Engah mah ngai suh" tiin an nupa room ah an in zui lut a keipawh riah chhuah tum lui in pawn ah ka chhuak a ka chhuah pah in ka mittui tling pam,tlak chak em em chu ka tuai fai puat a,ka tah hi a chhuak hma in ka mittui pawh a tla hma thin mahse ka pa leh Rosangi te hmuh lai erawh chuan tah ka in sum ngar ngar thung zel min hmusit anga ka tlawm ta ah an ngaih ka hlau ber



"Chhandam? Chhandam?" Kan kawt a lo ruak deuh hung a Chhandama hmel reng reng ka hmu ta lo ka call a vawihnih ka call nawn na ah a la ta hram



"Enteh,in in atang khan Feli birthday a rawn kal kha a lo chhuak a mak ka ti rapthlak,chuan I riah chhuah dawn leh loh thu a rawn sawi a ka haw ta mai anihkha,rawn biak hmasak che ka tum a I pa te nen in inhauh thu a sawi a massage ka rawn thaw a ila seen lo" a rawn ti nghal luam a



"Ka rawn riak duh a sin ngati nge min be hmasa lo in ilo haw daih" ka ti tiau a



" Ka haw tir anihkha" ka hnunglam atang a aw ka hriat rual chuan phone la thla in hnunglam ka hawi chu pathlawi a bawk alo ding run a



"Tunge haw tir turin ti che a? Enteh ka pu puitling I ni tawh a kan chhungkaw boruak kha I hai ka ring lo ka tan chuan he in a riah hi nawm na pakhat mah a awm lo asin"



"I in ania a ai a nuam tih na dang I nei theilo,in Chhungkaw boruak chu ka hria ka hmu thiam vek I riah chhuah khan engmah a danglam phah lo I haw hun ah a bul atang bawk in a in tan tha leh vek ang"



"Zankhat lek pawh thlamuang a mut ka duh" ka tih chuan a mit ko a san zeuh a engmah sawi tawhlo in kan in piah deuh a car awm lam chu a pan a



"Ka riak chhuak theilo anih pawhin in ah chuan ka mu lo ang" tiin an car tlan liam hnu chuan kan step ah ka thu ngawi reng a





"Oliver..lo chhuak tawh rawh" ti aw hi ka hre ruai ruai a ka muhil a ka harh tan tih ka in hria,mahse a hma khan ka thu reng kha ania tun ah chuan khum ni awm a dum nuam zet ah ka awm daih! Thawh phan pawh awm lo in ka thu chhuak nawlh room pakhat ah ka lo awm a kawngkhar bul a pa fa te ka hmuh chuan mak tiin ka en ngawt ngawt ringawt a



"I ti harh tih I hria em?" A fapa chu a melh chhuk run a,a fapa chuan english bak a thiamlo emaw ka tia ka pa tawng chu a hrethiam aniang a bu ve nghut a mipa naupang kum 4 kum 5 bawr vel Oliver chuan inthlahrun hmel zet a apa melh chho in


"Sorry Daddy.." ati tham tiak a pathlawi a chu bu nghut in a fapa sam ah chuan a chul sak a


"I room ah phei la tui deuhin I mu dawn nia" a ti a Oliver pawh chu thuawih zet in a kal chhuak hna hna a,enge a rawn sawi ang tih ngaihtuah in keichu ka lo ngawi reng



"Chuan,zawh na I nei em?" A fap a chhuak chiah kawngkhar khar in a bul deuh lawk a couch ah chuan a thu a, mizia leh nungchang chu ka hrelo na in a chet phung vel chu a zahawm thlup hian ka hria



"Aw..heta ka mut daih chhan hi,a hma kha chuan kan kawt ah ka thu reng sia" ka tih chuan a bu nghat a



"Ka rawn let a chuan ka hmu che a I muhil tawh,chuan..." A ngawi deuh vang vang a " I nu I ko reng a,pawn a riah tir che ai in hetah ka hruai che anih hi"



"A nihchu,ka lawm e mahse ka haw zawk ang" dawhkan bul a sana chu ka en a dar 11 a pel awrh chauh,nichin chuan ka chau vak pawh ani silo a ka van muhil awlsam em em?



"Zanin chu ka riah tir ang che,I duh chuan zingkar ah i chhuak dawn nia" tiin a tho nghal thak a



"Aih ka duhlo,ka hmelhriat pawh I nilo a thlamuang in ka mu thei tawh dawn chuanglo ka haw zawk ang" ka tih chuan a thaw hak a



"I thu thu..." Tiin a chhuak zui a keipawh ka lukham bul a ka charger lo awm chu la in ka chhuak ve nghal,in chung room ah ka lo awm a Inhnuai chhuk na step ka din na piah lawk ah a awm vangin awlsam te chuan ka chhuk thla a



Pathlawi a pawh couch ah bawk a lo thu leh,mutchhuak hmel pawh a la pu lo ka che vel chu ngun thluk deuh hian min en ni ber in ka hria, kawngkhar chu hawn mai ka tum a alo la in kalh zui ka sawi vak vak a



"A chhe mai anga sin,chunglam ah a in kalh kha" a rawn tih chuan kawngkhar lian leh sâng zet chu ka melh chho a ka en rual in ka ban phak angem tih ka ngaihtuah nghal



"Lo ti duh suh ka hawng thei ang" rawn thawh a tum ni a ka hriat vang chuan ka ti deuh that a ani pawh a awm hle hle, kawngkhar in kalh na chu theihtawp in ka han ban a " hetiang a sâng ten tunge khawngkhar siam ngai a!" Ka ban phak lawk loh vangin ka ti deuh that a



A tawp ah chuan dingdi hlip tak meuh in ka ban pha hram! A in kalh na chu ka hawng nghal thuai a chhuah mai ka tum a la in lock tho nia! Chutah Pathlawi a chuan min lo nuih tih ka hria



"Nang hian min fiam kual mai mai a law? Kawngkhar hi hawng rawh haw ka ngai" ka tih chuan a rawn ding chhuak a ka lam rawn pan pah chuan



" In chhung a let leh kha I chak viau lo emaw ka tia" tiin ka hma ah chuan a ding luah a



"Heta awm ka thei Chuang hleinem, kawngkhar chu" tiin ka in her leh a kawngkhar bawk chu ka pawt leh vak vak



"Zu in hmel I pu chuan ka hrelo" tih pahin kawngkhar changkang zet a lock na lo awm reng chu a herh ri khap a



"Zu ka in ngailo" ka tih rual chuan a taksa chuan ka hnunglam arawn si thut,chupawh duhtawk lo in a kut lehlam chuan ka kawng a rawn dawm chawt a ka mur chuai a ka phu zawk! Tawlh hma leh Chuang na tur a awm lo kawngkhar ka si lek lek ania



"Mipa in ah I riak fo awm sia kawngkhar a in ang vek ami?" Ka thin a sa phat mai rem leh rem lo chuan ka in her let a ani pawh a lo tawlh hnung ve nghal bawk a hmel nui sâng si ah chuan ben chawrh mai ka duh



"Hmeichhe lep chiah ka nilo tih hi lo hre ve mai mai rawh..eng ang mi pawh ni la mi I duh duh in I tawngkhum in I hmusit thiang lo"



"A nihchuan mipa pakhat chauh em ni?"



"I va tenawm ve a!" Ben ka tum ka ban ah a lo man a na zet chuan a hmer nghal bawk



kawngkhar bul bang ah chuan min tawlh pui in min nem bet rawk a,ka kut min hnung khirh sak in a taksa in min sik leh chat rual chuan a mipat na in ka m**ng ah tak min do nghal run a ka lungphu a rang a ka hlauthawng nghal! Ka kawng ah chuan tham deuh tawk in ka beng zawn ah chuan a thaw lum ham ham a



"Ka lak ah hian tawng fimkhur a ngai ania,I rualpui ka nih loh hi" ti sup in a ngawi nghal vung vung a,min sual ang tih chu ka hlauh ber ani ka hneh dawn lo tih tun la la hian ka hre nghal




a kut ka kawng a dawm na chu la sawn in ka hmui chu a rawn khawih a a thaw a rang hle bawk,chance ah la in a kut ah chuan ka seh sak vak a min thlah rual chuan hmahmawh lutuk in ka tlan chhuak a kan awm na hi eng veng ber nge ka hre mai theilo a thim bawk si a reh thiap mai bawk sia in lam chu ka hawi let a pathlawi a chuan kawngka a ding chungin min lo thlek vung vung a hlau tho mahila kalsan a tha zawk ni a ka hriat avangin a in atang a hla tak ah chuan ka tlan nghal vang vang




"Nilo..nilo khawi ah nge ka charger?" Ka in dap a ka kawr ip te ah ka thun kha ania a âwm tawh miahlo! Sawtah kha chuan ka la ak Chiang a lawm ti rilru chungin huphurh deuh chuan ka let phei leh a kawng ah ka thlauh ani ta ve ang



"Enteh James" charger zawng a kawngpui reh lai a ka kal kawi vel lai chuan car pakhat hi ka bul chiah ah a rawn ding a,ngawi rengin ka kalsan zel a mahse min rawn zui zel tho



"Kalbo rawh u" tih leh tlan ka rual a Pathlawi a te in lam ah bawk ani ka tlan ni,a pawi lo ka him zawk mahna



Chutia ka tih rual chuan an motor ka zawn a rawn tlan bawk nen,motor ai a chak a tlan thei mihring ni hek lo a tukverh atangin mipa pakhat chu a rawn dak chhuak a min rawn pawt ta mai! Ka lo tal chiam a ka ke chheh a pelh thut bawk nen an car ah chuan ka intauh chawrh a kawngpui ah chuan ka let nghal tawp




Ka lu a hai deuh a hmun sâng tak atang a tla a hnang ang mai hian ka awm a ka thaw tha theilo lehnghal motor a ding ri rawk a chumi rual vel chuan motor dang ri ka hre bawk, kawngpui leh ka hmai chu a in si thlup a sir lam hawi in ka bawk hle hle tawh ka che mai ngam lo ka hnang deuh tlat




Ka hmai zawn ah chuan pheikhawk ri khap hi ka hria a ka men a ka lu ka kan chhoh rualin sap pa hi ka hmu a chutah ka taksa chu pawm tu awm tih hriat takin a kang nghal dawrh a Pathlawi a bawk ani,an car awm na lam min pan pui a,a âwm a ka lu bei thlup in min pawm ang ang chuan ka awm tawp



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)