Mimawl Pa

Episode kal lai dah luhna

Moderator: writers

Venpuii Chhakchhuak
Posts: 22
Joined: May 29th, 2021, 8:25 pm

Mimawl Pa

Unread post by Venpuii Chhakchhuak » June 22nd, 2021, 8:51 pm

#updated chapter 10


*Lalmuanpuii's P.O.V*


Zothana min rawn kuahna chu phelh ka lo tum vat a,mahse a aia nasa in min kuah nghet sauh!! Min ngaih thu a sawi zo chiah chu ka ngaihtuahna hi engemaw tak hian a awm a,ka na veng veng bawk!! Keipawn ka ngai takzet tih hrilh chu ka chak a,mahse ka theilo!! Min duh thu leh min hmangaih thu a sawi zawh hnu a min rehsan thei tu hian min ngaih thu a sawi zawh hnu pawh in min rehsan leh hmak thei tih chu ka thinlung ah hian chiang takin a rawn awm chawpchilh ve nghal vat bawk!!

" Min thlah teh . Min rawn hmu ange.. a chi miahlo ang" ka lo tih chuan min kuahna chu a phelh thawl deuh a,chiang deuha min rawn melh thla rún chung hian " I tan hian engmah ka ni ve lo tiraw? Ka ngaih ang che hian min ngai ve lo a,ka hmangaih ang che hian min hmangaih ve bawklo ani tiraw" a rawn ti chhuak hrawih a!! A mitmeng chuan rilru na lutuk hian min melh ngawih ngawih bawk!!! Chu chu chiang taka ka lo hmuh avangin ka lo na ve nghal ngawih ngawih bawk a,mahse tilang lo turin ka insum hram hram bawk!!

" I duh ang anga itih kawi tur ka ni biklo asin,I duh thu ihrilh hnu a i rehsan leh mai mai tur atan chuan ka rilru ka pe theilo che"ka ti ve ta nge nge a!! Chiang leh zual a min rawn melh pah hian " Ka rehsan lo che, englai mahin ka thinlung i chhuahsan ngailo.. mahse,kha pa kha... Kha pa kha a bula i awm khan ka na ani" a rawn ti chhuak nghal hrawih a!! A sawi zawng ringawt pawh chuan a thinrim hle tih ka hre thei bawk!! A bek ah chuan thisen zam hi a pawng trawlh trawlh a,ka dar a hmer na chu a hmer na zual sauh bawk!!

Hman zan khan khan Fela kha a thik anih chu ka ring ve tho a,mahse hetiang em em hian a thik ang tih ka lo ring pha lo!! Ka nuih a za lek lek zawk!! Fela pawhin hria se a duh hauhlo ang!

" Fela chu ka thian asin!! Nilo unau ang hialin ka en zawk!! Min thlah teh U Sawmin rei minlo ti tawh ang" tih pahin a kut chu ka dah thlak sak nghal a,mahse ala duhtawk lo!! Ka kal chiah chu ka hnunglam zawng atrang hian min rawn kuah a, " Ka ngai che..tun atrang chuan i bulah chiah ka awm tawh ang" a rawn ti leh sup a,a zu rim leh a thaw sa ham ham in ka beng bulah a rawn nawk chuan ka lo inseh ruh treuh!!

" Fel deuhin awm rawh.. I chhungte saw an rilru a hah teh mai nia" ka lo ti let daih a,ner suk pah hian a lu a bu nghal zeuh a.. min rawn thlah ve nghal mai bawk a!!

Engmah sawi zui tawhlo chuan ka chhuak nghal a,U sawmi te bul ka thlen phei leh chuan an lo muthlu deuh lawp lawp hlawm a,an Chau tawngkhawng ve tawh hle ang tih pawh ka ring!! Tih harh hlau deuh chuan thruthleg awlah chuan thawm dim deuhin ka thru thla ve nghal vat a,khua pawh a var ve trep tawh bawk! Kei erawh chu Zothantluanga vangin ka mutchhuak zawng zawng pawh a reh vek tawh!! Ka thru fel chiah chu Zothana pawh a rawn phei ve vat a,a hma a a hmel hmuh hahthlak deuh kha a reh vek tawh ang mai hian a che Zia reng reng chu a zâng vah a! Min rawn en leh ngur thin chu ngaitheilo zetin ka va melh hrep a,a rawn nui suk!! A chhungten an hria ang tih hlauh naklaiin!! Hria se chu ka zak ngawt ang!!

Zing dar 4 leh chanve vel chuan Pa Masanga vei vut vut hian min tiharh zawk a, midang pawh an rawn harh ve nghal triam triam a, Zothana erawh kawngka bul deuhah hian a thru ngawi reng thung! Nu Maliani chuan " ka lo muhil hman sek alawm le.. khua pawh var trep tawh nihhi" a rawn ti nghal zung zung a!!

Pa Masanga chuan " A thaw buai leh deuha a rawntia Doctor khan" engdangmah a chhanglo in a rawn ti ve nghal vat a

"Ka van khawngaih tawh tak em!! Ka pu chu" U sawmi chuan a rawn ti triau a,a aw chu a lawi lek lek bawk!! Zothana erawh ala ngawi ngul mai!!

" Mama,Puii hi va thlah rawh aw.. i dawr Hawn hma in va mu hahdam tawh rawh..hei khua var dawn tawh alawm i Chau lutuk ange" min rawn en pah hian Nu Maliani chuan a rawn ti nghal leh vat a..keipawhin haw chu ka lo duh angreng viau tawh bawk a!! Hetiang Chung chuan dawr ka hawn theih ka ringlo bawk!!

" Ni e,Puii,kan lawm takzet ania . Mama kha inthlah tir leh mai rawh aw tukin chu" U sawmi chuan alo ti leh vat a.. engtinmah a chhang lo chuan ka lo bu nghat a

"Mama nangpawh va hahdam rawh.. lo chhuak tawh miah suh ang che" U Sawmi bawk chuan Zothana lam hawi pah chuan a hrilh zawm mawlh mawlh a!!

Zothana chu a rawn ding hluai a, "Ka va inbual harh anga, ka rawn thlak dawn cheu nia" ti nghut pahin ka lam a rawn hawi zawm nghal a " lo kal rawhle" tih pahin min pel nghal vut a!! Thildang a sawilo chu ka lo lawm takzet!! Ka lo zâm takzet!! U sawmi te hian Zothana nen hetiang boruak kan nei tihhi hria se chu ka Zak ngawt ang!!

U Sawmi chu chanchin minlo hrilh leh thuai Turin ka chah mawlh mawlh a,ka chhuahsan ve ta a!! Diktak chuan han awmpui reng pawh ka duh viau na in engmah tih theih a awm bawk silo a,min beisei viau anihchuan ka inpeih reng thu pawh ka hrilh tawh bawk!!



Damdawiin kawtah chuan Zothana chuan a bike ngheng Chung hian meizial alo zu mek a,min hmuh velah a paih nghal vut a,ka boruak chu a trang leh at tawh!! He pa hma ah hian ka zam em em reng mai!! Ka van Zahpuiawm Tak!!


" Kal ang le.. I mutchhuak tawh ang" ka chuan kai chiah chuan a rawn ti nghal a,a tlanchhuak nghal vut bawk!! Kei erawhin engmah ka sawilo thung!! A bula ka awm hian diktak chuan ka thla amuang a,a bula awm hi nuam ka ti em em bawk!! Mahse,min rehsan leh ang tih ka hlau em em thung si!! Hlim taka ka rilru a awm tir laiin hlauhthawn na min pe tel bawk a, chu chuan min tihah takzet bawk!!


Ngawirengin a khalh char char a,Kan inbe zui miahlo bawk!!khua pawh a var tran tawh a,mahse Aizawl khawchhung chu ala reh vek thung! Khawvar tran tir mawi lutuk leh boruak thiang lutuk chu ka hip leh vang vang thin a!! Nidang anglo taka a trawng miahlo te chuan min ti hlauthawng ru leh tlat tawh bawk!!min be hmasa anihloh chuan kei hi chuan biak hmasak dan tur pawh ka hrelo bawk!! Kan in bulah chuan a ding nghal dat a, ka chhuk thla zui nghal!!

" Ka lawm lutuk" tih pahin lut turin ka inhér nghal a,ka ban ah tak a rawn vuan leh vat!!. A lam hawi in min pawt her lehnghal vat a "Tui deuhin mu rawh aw.. ka lo bia ang che" ka rinloh deuha a rawn tih chuan ka lo melh let vak ringawt a!! Chhan pawh chhang lemlo in ka bu nghal zeuh a! Ka lut zui nghal!!



In ka thlen chuan tumah an lo la tho lo a,ka room ah ka chho tlang nghal a, inbual turin bathroom ah chuan ka lut zui nghal vat bawk! Ka inbual zo chu ka room balcony ah chuan boruak hip turin ka chhuak zui nghal a!!

Ni chhuak tur in kawl a eng sen phút te chu ka thlir reng a, boruak chu a nuam phian mai! Zothana ka rilru ah a rawn awm a, ka duh takzet tawh tih pawh ka hria a,mahse lo induh tawn in lo inkawp ve ta pawh ni ila,ka nu leh pa hian an phal dawn miahlo tih ka hre chiang em em bawk!! Ngaihzawng neih an phal lo ni lo in!! Zu in mi hi an fanu tan hian an duh dawn lo tih hi chiangtakin ka hria!!


Kan thlah te ah hian zu in an miahlo ti ila ka sawisual lo ang!! ka pa hian zu hi a haw ngawih ngawih bawk!! An tet laiin ka pu( ka pa pa) hian zu a in nasa thin em em a,a rui hian ka pi kut a thlak fo a, ka pi chauh nilo in ka pa te unau pawh hi a ruih tawh chuan kut thlak a hreh ngailo! Hreawm an tih thin zia pawh tun thlengin ala sawi fo thin!! Ka pi pawh in a tar hma phah a,mahse ka pa te unau hian chu an hreawm tawrhna te chu tumruh Nan an hman phah a,tunhnu pawh hian ka pa te unau ah hian zu in an awm miahlo bawk!! Ka pi hreawmna leh an tet laia an natna zawng zawng te kha zu vang ani tih hi an ngaihdan nghet bur anih vangin zu hi an haw em em hi ani tawp mai!!



Chutiang kara an fanu in zu in mi ka ngaihzawn chu an phal dawn lo tih chiang takin ka hria a,chu chuan min tina em em bawk!! Mahse,ka ngaihtuah loh phah silo!! Theihnghilh tum in bei pawh ni ila,amah hian min hnaih zel si chuan ka thlah thei mai in ka in ringlo bawk!! Chuchu ka rilru ném zia ka hriatchian em vanga sawichiag ngam ka ni bawk!!



Khua pawh a var vek tawh a,ka ngaihtuahna atrang chuan ka harhchhuak zawk a,ka room ah ka lut a ka khumah ka bawk nghal thlawp!! Ka chhing zui nghal vang vang bawk!!



Ka harh leh chuan dar 8 alo ri dér tawh a,ka room pawh ni in a rawn chhun leh uar tawh bawk! Inhnuai a ka chhuk thlak chuan ka nu leh ka u chu choka ah an lo awm a, ka nu chuan min hmuh velah "Bawihte,dar engzat in nge ilo haw a? Ilo haw lai pawh ka hre miahlo mai! Iu Sawmi pu chu enge a an le?" Alo ti nghal zung zung a

"Khua vat tran tawh ka lo haw a,ka muhil nghal daih a..ka pu chu engmah hmasawnna awm thei hrih lo" ka lo ti ve vat a

Ka u chuan "ka pu pawh ka hmuh lohna rei tawh ngei mai! Pa fel tak ani asin le! Sawmi te chhung hian an hmangaih si.. trawngthu chhelo lo boral ta se chuan an tuar viau ang ka ring" Alo ti nghal luam a

"Chuchu lawmm.. an hmel hmuh pawh a hreawm tawh lutuk.. ka khawngaih hlawm teh mai nia" ka lo ti zuai raih a.. ka thinlung tak takin ka sawi bawk!!


"E taka, tunlai Sawmi nau kha helamah a awm thin em?" A rawn tih zawm zat a, Zothana chanchin a rawn sawi thut chu ka lo phu deuh zawk!!


" Aaa . Aw awm e a rawn haw na rei leh tawh" ka lo ti bah niai a

" Kha pa lah kha a chhungte an fel tehreng nen a chhungte hi tumah a tluk lo reng reng!! A mizia a hrang bik tlat" a rawn tih chuan tukin a ka ngaihtuah na zawng zawng te kha a nemnghet chiah bawk!! Ka hnual nghal rawih a,chhan pawh chhang tawh lo in ka ngawi ta reng a!!

Ka nu pawh a awm hahdam hnu chuan insawiselna em em a nei tawh lo bawk a, chhungkua kan dam thrat hi chuan a nuam ka ti em em bawk!! Ka pa erawh chu tunlai chu a hna ah pawh a buai viau anih ka ring! Achang chuan zan rei tawh lutuk ah te a rawn haw a,a rawn haw hma chu ka nu a muhil thei bik silo a,chu ber chu kan buaina ani hrih!!


Dawr kal turin ka insiam mawlh mawlh lai chuan Zualin min lo call a, vawiin tlaia a rawn chhuk tur thu a sawi chuan ka hlim takzet!! Mahse,zanah daih an rawn thlen thlak a rin vangin naktuka min rawn hmuh tur thu a rawn sawi nghal bawk a!!



Nilengin dawrah ka buai a,U sawmi chu ka pu chanchin ka zawt leh zauh thin bawk!! Mahse,a dinhmun chu a ngai reng avangin zawh chhen pawh ka inthlahrung mah mah zawk!!


Tlai lam ah chuan ka awl deuh avangin ka phone khawih pahin ka chawl vang vang a, kawngka ri ka hriat chuan ka dah nghal vat a,ka rinloh lutukin Zothana a rawn lut hlawl!! A rawn nui suk a,kei erawh ka lo lai em em ringawt!! A bula ka awm hi chuan naupang zakzum tak ang mai hi ka ni kan inrual awm reng si tinge maw ka zah thar em em tak le??!!!


"Vawiin chu nangmah in ilo awm ve teh mial a?" Tih pahin ka bul chetah a rawn thru thla nghal vat a

" Nia. Customer ka neihloh lai tak ania" ka lo ti let hmuk!!

" Customer lo pawh kha an awm deuh reng in ka hria a" a tih chuan Fela a sawina anih ka ring nghal bawk!! Ngei lutuk a melh pahin " I hresual anihchu" ka lo ti let a,min nuih nghak vur vur!!

" Naupang chhia lutuk" tih pahin ka biangah hian a rawn piai zeuh a,ka lo melh nghal rawm a..

Customer an rawn luh chuan min en duh riau hian ka hria a,ka Zak lutuk chu ka tho nghal vat!! Customer ka biak mawlh mawlh lai chuan thruthlegah chuan alo thru ve reng a,haw pawh a tum miahlo lehnghal!! Mahse,a bula ka awm hian ka hlim tih ka hailo!!

Dar 5 rik dawn hnaih chuan customer pawh an reh leh tran tawh a,nizan lam ka mut thrat loh avangin haw mai ka tum bawk!! Zothana erawh ala thru ve reng!!

A hma zawnah chuan ka va ding vat a "Haw ka tum tawh mai.. zanin chu ka chau deuh a" ka tih chuan ka kutah a rawn vuan leh vat a " ka thlah ang che" tih pahin a rawn ding hluai a.. ka insiam lai te chuan min melh deuh rún bawk!!

" Damdawiin lamah let zawk rawh.. keichu thlah ka ngailo ania" insiam mawlh mawlh pah chuan ka va ti vat a

"Lo kal lawk teh" a rawn tih chuan engmah ngaihtuah lem lo hian a dinna thruthleg bulah chuan ka phei ve nghal mai a..


Min kuah hlu hlu Chung hian "ka ngai lutuk che asin Bawihi," a rawn ti chhuak sap a!!

"Aa mi an lo kal ange!! Ti zahthlak thei emai" tih pahin ka lo che sawn hrut a..keipawn ka ngai ve takzet tihhi hrilh ve ka châk takzet bawk!! Min la kuah reng a,engmah sawilo hian ka sam chu a chul heuh heuh bawk!! Ka nu bula ka thlamuan ang mai hian ka thlamuang em em bawk!!

"Kal tawh ang.." ka tih chuan min kuahna chu phelh in ka dar tawn tawn ah hian a rawn vuan a,min rawn melh chhuk nghal rún bawk!!

"Bawihi, ka ta ini tiraw?" A rawn ti leh nghal sup a!! Ka lo lai takzet!! Ka sa nghal hat hat bawk!! A hrethiam anih ka ring!! Min nuih suk a,ka inrin hma in min rawn fawp nghal vawng vawng a,mahse chesawn miahlo in ka lo dawh mawl ve tawp bawk!! A aia uar leh zei lutuka min rawn fawh leh chuan ka inrin hma in ka lo chhang let ve anihchu!! Ani lah chuan rang lutuk in a rawn hre nghal vat bawk!! Ka zak leh hnuhnawh takzet!! Tunah khan ka kiss let anihchu!! Min fawhna thlah riai riai in min rawn melh a,kei erawh ka zak takzet!!

"Ka naute hi a zak animaw?" A rawn tih chuan ka va ngei tak!!! Ngei lutukin ka lo melh let vak a.. ka kalsawn nghal daih!!!





Note:in duh aiin a tawi.. ka hria.. mahse,ka buai emm ani.. lehpek atrang chuan ka buai em em tawh biklo turah ngai ang aw! Min comment sak thin te,leh chhiar tu zawng zawng te ka lawm em em vek e🖤 sawisel pawh hreh su aw😊like, comment leh clicks kha theihnghilh loh tur aw✨😘



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)