MATTHIAS MALSAWMTLUANGA CH-8 by DENNA PACHUAU

Episode kal lai dah luhna

Moderator: writers

Denna_pachuau
Posts: 60
Joined: May 30th, 2021, 3:07 pm

MATTHIAS MALSAWMTLUANGA CH-8 by DENNA PACHUAU

Unread post by Denna_pachuau » June 22nd, 2021, 10:58 pm

Ka story ziah min chhiar sak tute zawng zawng chungah ka lawm nawn leh mawlh mawlh e😘



"My hand is waiting for your touch

My heart is waiting for your love"



CHAPTER-8




RAMNUNPUII POV

"Puipui" tukverh a ka dah vauh vauh lai a rawn titu lam chu ka melh vat "kar thar lamah chiah chhuah an phal a nih chu" a tih chuan ka ner nang "naa ka that vek tawh hi he lai hmun hi chhuahsan vat vat ka duh tawh" ka hne tawh tak zat... Tukverh ah chuan dakin tlang hring dup chu ka thlir a kawng pui a mihring leh motor in tlan pel suau suau hmuh tur a awm lo va a hahdam thlak hluah hluah...He kan khawvel mi hausa te lenna ramah hian keini ang tan chuan hmun a awm velo chu a nih hi...




"Matthias-a vangin maw" a tih leh chuan ka mit sir vat.... "Enge I sawi awmzia" ka melh ngai melh reng chung chuan ka ti a, "I thup hlen theih I ring a mi" a ti leh sup..... "I hriatna I hlauh lo tih ka hria lawm" ka ngawih reng takah chuan a rawn ti leh a...."I sawi awmzia engmah ka hrelo" ka ti leh hmak..."chhan tha tak a awm ngei ang" tiin khumah chuan a thu nghal zat...




"Midang in an hria em" a lam hawi chuan ka ti a, lu a thing dat dat takah chuan ka thaw huai...Matt-a phei chuan a hre tur anilo...doctor in ka hriatna ka hlauh tih a sawi laia a hrilhhai hmel mawlh kha ka theihnghilh theilo...mahse a lawm daih zawk ang chu a kawng daltu ka awm tawh dawn lova Emily nen pawn an duh tawkin an awmdun thei tawh ang chu...



Kha mi ni a thil thleng kha reh chu sawi loh nitin hian ka mitthla ah hian a lang fiah telh telh..engtin nge ka chungah tiang khan a tih theih, kha thil a tih dawn khan vawikhat tal min ngaihtuah ve miah lo nge min lo ngaihtuah ngai lo zawk hrim hrim...




Ka mittui luang thla ngiai ngiai chu duhlo zetin ka hru tawk a, van lam chu en in thawk ka han la vang vang a...."I hna atang I bang dawn tihna" kan ngawih vang vang hnu chuan a rawn ti leh sep.... "Ka bang mai chu angaih hmel" amah zawk pawn min ban lo ang tih tu nge hria, an kawng dal tu ka ni miau a, Emily nena an inkawp tih thup reh nen kei hi min lo hmang mai mai a, kei ang fahrah neih neilo hi min lo duh ve emaw ka ti a, ka lo â takzet ani...



Min hmangaih thu a sawi a hah engtin nge awlsam taka a sawi thei zawk... "Engtin nge awm zel I tum" rawn titu avang chuan ka harh chhuak zawk "ka hre mai bik lo, kawng chu a awm chawp leh mai ang" ka ti ve sep..khang kar kal ta chhung khan ka rilru ah Matt-a hlir a awm, hospitalah pawh thla khat dawn lai ka awm tawh, vanneih thlak takin ka lu tih loh chu han sawh nat em em ka neilo...min su tu pawh kha an man tawh bawk a rui chungin motor a khalh a kei lah engmah ngaihtuah loin ka lo kal phawk phawk bawk nen ka thiam lohna a awm ve tho avangin pawisa an chawi tir ringawt a, Matt-a erawh a thinrim ngang mai, thi law kaw se min ti zawk mah ang chu...Matt pawh ka hmu duh lo chungin rawn kal a thulh chuang lo, achangin Sofia-i pawh a rawn hruai zeuh zeuh zel...Sofia-i pawh ka ngai tak zet..insum a har tak zet ani..




Thlamuang taka min kuah hlu hlu laite "ka veng him tlat ang che" tih a sawi te kha dawt mah nise ka lo thlamuan pui ve hluah hluah thin a nih kha... Tunah pawh hian a kianga awm tluka chak ka nei lo...ka huat rual rualin ka hmangaih in ka la thlahlelh em em tho chu nia...



"Ka in ah lo cheng rih mai rawh awmna tur I hriat hma chu" ka va melh chu min lo en ve chiah bawk.... "A ngai lo mai ka lawm lutuk tho e a inthlahrun awm tawh lutuk.." ka inthlahrun tawh teh reng nen, chhungte belh tur tu mah ka nei lo tih hre ber tu a ni a, amah leh Adiki hian min buaipui chawt a ni ber mai...



Ka inenkawlna sen so Matt-an a tum vek a ka duh lo chung pawn a lo pe lui vek bawk, fahrah ka nih vang hian min khawngaih ve deuh nge..Gracy leh Dindini pawh a khat tawkin min rawn kan ve thin... Ka hriatna hlauh ah min ngai vek a, Dindini phei kha chu a lawm hmel hliah hliah kha..tenawm lutuk mahni unaupa han ngaihzawng tlat mai chu a tha ve hrim hrim e...



"Inthlahrunna tur a awm lo I thian ka nihna anga ka tih theih a nih chu" a ti deuh hmuk...Hmanni a thil sawi vang khan ka inthiam loh tak zet "ka chungah I thinrim hle tih ka hria kha mi ni khan kalsan lo tur che ka ni tih pawh ka hria, mahse khang thil kha I tan a ti ka ni a sin, pawisa tam tak hlawh chhuah a nuam sa taka ka siam theih nan che a kha thil kha ti ka ni, ka la hmangaih reng che tih hi hria la ka duh, tunah thawt thawt min chhang tur pawn ka ti lo che ka nghak thei lutuk che nia" tiin min hrilh a nih kha... Engtia han chhang tur nge pawh ka hrelo...



Ka chungah tha in fel viau mahse ka hmangaih tawh tlat lo, ka hmangaih ngai lo mah zawk... Ka duh thin lutuk tih chu ka hria...mahse tunah chuan thil a danglam tawh ka thinlungah hian mi pakhat chauhin hmun a chang tawh mahse a ni thinlung ah chuan hmun ka chang ve der silo..



Thinlungah seng luh a awlsam ang bawkin paih chhuah leh pawh awlsam se tha tur.."hmangaih neih pawh rilru natna mai mai"
a tih khan lo hrethiam daih tawh tur ka ni a sin...a nupui tih loh kha chu tumah a hmangaih thei tawh lo an tih a nih kha..kei teh lul hi eng vangin nge min hmangaih ngawt ang ni... Time pass nan mai mai bak in min duh hlei nem...



"I ngaihtuahna kha kawm ngut ngut suh" ka dar rawn vawn pah chuan a ti a, ka bu ve zeuh ni e ngaihtuahna kawm ngut ngut hi ka sim a ngai ani...kan ngaihtuah ngun pauh leh kan rilru a na thar a, mahse ngaituah loh chu thil harsa tak a ni...kawngka ri rek rekah chuan Adiki a rawn lut a....."u Tluangte I lo awm der tawh a law" a ti nghal zat.....a hmel chu ka sawi thiam chiah lo a lawm vak lo nge..



"Adiki a lo thleng tawh tho a ka va haw phawt mai nge" tih leh thawh a rual nghal.... "La awm ve rih la ka lo thlen tawh vang maiin"
pangchang aw deuh chuan a ti a, tunlai henu mizia hi a mak riau.... "Nakinah ka rawn kal leh dawn nia, Puipui lo in enkawl tha la aw ka sawi kha hre reng rawh aw" a tih zawm zat....Adiki pawn enge a sawi a tih melh in min melh...keipawn ka hre bik tawp silo a, "Eng chu maw" ka ti haw...."hman ni a mi kha" tiin a chhuak zui nghal....




"Enge a sawi a" khum a rawn thu ve pah chuan a ti a, "Eng ni lo e" a thil lei ho phawrh mawlh mawlh pah chuan ka ti a, "hmm a awm a lawm min hrilh ve duh lo bawk a" tiin a hawi tau hmak...ka nui a ti za reuh lutuk...ka hrilh ve duh angem ka thian tha ber a ni a, engkim ah min pui bawk a, ti mawlh mawlh chung chuan a bul ah chuan ka tawlh hnai a, a ni titau a lo tawlh sawn ve zel bawk nen ka nui chhuak hawk....




"Nui suh" ti hmakin a tho zui nghal.... "Lo kal rawn ka hrilh dawn che lawm" nui tut tut pah chuan ka ti a, ka lam pan chuan a rawn in sawh tau nghawng nghawng...."khi vur reng lo khan sawi rawh" min melh duh thak lo..."tumah bulah sawi suh aw" kan ti te te phawt a, a bu ve nghut nghut....


"Ih imm"


"Kha tia tih kual duah kha a ngai lo" a ti vin nghek.... "Aw ka hrilh lo tawp ang che"
tiin ka tho hmak... Ka sawi tawh em titau hi ka thlem thiam thlawt lo a tawpah keimah zawk ka titau leh ngei ngei....




"Sawi la Im" mi rawn tlawn leh hnuhnawh... "A tir khan ngaithla tha ve hle hle mai ta che"
ka ti vin nghek...."nangpawh sawi tha ve hle hle mai ta che" a ti ve hmak... Kan zaidam dun a nia aw..."imm anih lo tawng tawh miah suh ang che" ka tih chuan a bu ve zeuh...
"Ka hriatna ka hlauh lo" ka ti tawl...."maw engtin.....enge i sawi awmzia...a nih chuan"
Bah nuai chuan a rawn ti a...."ka sawi awmzia chu ka hriatna ka hlauh lo...a chiang tawk em" fiah fai tak chuan ka ti a.... "Anih chuan Matthias-a kha I hrelo der tihna a mi, ehe in inngaizawng tak tak ani tih sawi miah suh"
a tih chuan ka lu ka bu zeuh..




"Tak tak maw" a ti leh ngat... "Inngaizawng tih ah kan inngaizawng der mah zawk a nih chu" thaw hak chuan ka ti a..."min va hrilh har ve Eki" tiin ka darah a beng chawrh..."sawi chhuak miah suh aw e chuan inluah tur min lo zawnpui teh" ka chhuah hma ngei hian inluah tur hmuh vat vat ka ngai.... "Imm ka lo zawng dawn nia" a ti ve mai bawk...




Pawnah chuan intiharh turin kan chhuak a, civil atangin Nazareth ah kan insawn a, sen so chu a tam ve duh khawp mai, ka awmna hi chhawng thum a ni a(a hnuai ber hi an chhiar tel thin em le, ka hre miah lo😁) a chung hi an la zawh loh avangin han vaivah na vak tur pawh a awm lo...




"Awi taka ka haw lawk angai ka rawn kal leh vat ang, nangmahin I awm hreh em?" A bag dap rawk rawk chung chuan a ti a...."I va hmanhmawh ve enge I tih dawn reng reng a"
Melh kiau pah chuan ka ti a, "nakinah ka hrilh ang che ka kal" scooty chu start in antlan chhuak zui nghal... Eng tak chu hria ni maw.....




Ka cabin lamah chuan ka phei leh a, "kha...I va dam that tawh hmel ve" uluk zeta min thlek kual chung chuan a ti a, "nia hei ka dam tha ve tawh lutuk" ka ti ve mai....naupang doctor a ni a civil lamah a thawk in ka hria, achangin hetah a rawn kal zeuh zeuh enge a tih thin erawh ka hre miah lo... Kan in be ve zeuh zeuh a fiamthu a duh mai bakah a mah hi a nel awm hrim hrim a nui sang reng a naupang doctor tih takah hlim hmel a pu sar reng bawk...



"Chhuah an la phal bawk silo a ven ngun I ngai I lo tlan chhuak daih palh ang" a tih chuan ka ner nang...ka chhuak chak tawh lutuk hi doctor leh nurse te pawh hian min fiam pah nan an hmang fo...."tlan chhuak paih hmel ka pu a mi" ka tih chuan a nui chhuak hawk.. .."mi pawh ru bo duh tur hmel I pu" kiai suk chuan a ti a, ka hmui ka tipawrh khum vak ringawt... Sual thiam leh lutuk mai...



"Chu tiang ka tih duh huh hunah chuan ka ru bo hmasa ber ang che" ka tih khum nghek... "Ka lo nghak reng dawn nia" ka sama tuai zeuh pah chuan a ti a, ka ngei tawk a tling leh em em tawh...sam khawih hi ka ngai thei thak lo... A kal liam chu ka melh nghek ringawt... Naupang enaw min la ti a maw ni ke..Tun thleng in a hming ka la hre miah lo...a palian in a hmel pawh a naupang chhe zawk zawk tawh lo...




Cabin ah chuan lut in khumah chuan ka lawn nghal zat...tih tur a awm lo bawk nen IG ah ka lut a, kuzma thlalak en thla leh nghal char char, a bialnu bawng(cow) ang zet nena an inkawp atang hian ka duh na a tla hniam vek....tinge maw hmeltha deuh deuh ho hian chhe deuh deuh hi an neih zel mai le, kei ai an tha ka tihna lam nilo in...kan lo duh ve ngawih ngawih phei chuan a thinrim thlak duh thin mang e...Nick Bateman te, Bill Scargarh te an tam mai....ka Hero-a hi chuan a nei lo hlauh....



*zantin mangtha* Lalnunzama phuah Rachel-i sak zawk chu ka play a...


*Ka hmangaihna biahthu han hlan ta ila
Engtin min chhang ang maw tlei tir lenmawii
Min hmangaih hian kei zawng ka ring silo
Len thiam a har ka di mawi hmeltha*




Mu chung chuan ka sak pui rat rat a, lenmawii ai ah lenmawia ka ti leh zeuh zel...ka tana phuah ni awm tak ani...ka lo muthlu nge ka hmai zut riai riai tu an awm avang chuan ka harh zawk ka mit erawh ka la meng chuanglo..."min nghah rei tir tawh mah mah lo maw, engtikah nge min hriat chhuah ve theih ang" ril ruih chuan a ti a...a pang ti lum te chuan min ur ham ham...ka tah mai loh nan ka in hum ruh ngawt ngawt...




"Keimah vang liau liau a ni" thaw hawk chuan a ti leh sup...ka ngaihbel zawk nge a aw ri ah chuan inthiam lohna ka hre thei... Ka chalah a hmui chuan a rawn nawr leh vang vang thin...ni e he a pang ti lum te leh a rim pa hrak mai te hi ka la khan theilo...ka kut chu vuan in a thaw chhuak leh ham ham thin...




Ka meng de de a ka hmai bul chetah Matthias-a chuan min lo melh run...ka melh phawk nghal hrâ...."hetah enge I rawn tih a" ka kut a vawnna la sawn pah chuan ka ti nghal vat... "Bawihi min hre tawh lo tak tak ami" beidawng hmel zet chuan a ti sup.."bawihi min ti tur khan tunge I nih a, a hma in kan inhre tawh thin a mi" hrilh hai hmel zet chuan ka ti a...."ka mitah tak en chung hian min hriat tawh lo thu han sawi teh" ka dar tawn tawn a vuan chung chuan a ti a...




Ka chil ka lem khalh chhan har tak chu a ni, Ramnunpui I thei hrim hrim ang a ni chuan a hmangaih ve lo che...ka rilru chuan ka ti mawlh mawlh... "Ka pu tu nge I nih ka hre miah lo che khawngaih in min chhuahsan thei tawh angem" a mita melh ve ker chung chuan ka ti a....ka aw pawh a pangai viau ..



"A tha e" tiin melh khat pawh min melh tawh lo chuan a chhuak nghal vut....I duh thlanna a nih kha inchhir suh a hmangaih ve lo che phatsan tu che a nih kha... Ka thin zawn dawm chung chuan ka ti mawlh mawlh...ka mittui chu dan tum mah ila ka dang zo lo...tinge ka chak loh tak em em...mahni in thunun thei tak leh tuarchhel tak ka nih thin kha mipa khat vang mai mai in I mittui ti tla suh.. Mahni leh mahni chu ka in hnem chawp mawlh mawlh....




"Kha in chhuak ve thei tawh dawn a ni maw...Eng tikah nge min ruk bo chu I tum a"
nui tut tu paha titu chu kan melh thap...Adiki pawn min sik leh reuh reuh tawh..."ka hman hun hunah ka rawn ru bo ang che lo insiam lawk la" ka tih chuan ka bula mite pahnih chuan mi en duh ngang mai... "Ken teuh a ngai a lo ang tiraw" tiin a nui zui nghal hawk hawk...



Kar khat kan awm leh hnu chuan ka chhuah an rem ti ve hram, in luah tur chu kan hmu tawh na in tunah thawt thawt in suan luh kha chu Adiki hian a phal tlat loh avangin an inah awm rih tur chuan min ti a, u Tluangtea pawh chuan a in ah duh duh hunah ka awm theih tur thu min hrilh luam bawk...




"Kan hmanhmawh deuh sia kan kal tawh mai ange" u Tluangte an a tih takah chuan in mangtha in kan chhuak thuai..."tunge ni reng reng a kha pa kha" car a kan thut luh hnu chuan Adiki chuan a ti vat... "A hming ka hre bik lo naupang doctor a nia a fel reuh khawp mai" ka ti ve mai....front glass atang chuan u Tluangtea chuan min rawn melh leh zeuh thin...




"Chhuah lawm nan in ei puar lawk ang u" Adiki chuan a tih deuh chhen avang chuan veng lai thingpui dawr kawtah chuan car chu a ding tir ta nge nge.... "U Tluangte engtikah nge khi lamah I chho leh dawn" Adiki chuan a tih chuan ka melh vat, "kar thar lamah a niang, Puipui rawn chho vela" min melh pah chuan a tih zawm nghal zat..."Puipuii chauh maw" Adiki chuan inla khawngaih thlak awm fê chuan a ti a....ka nuih tet tet...an bula awm hi chu a nuam tak zet... An ni ang thian hi ka nei lo ang tih ka hlau ngawih ngawih...



Kan eitur chah chu an rawn dah vat a, keini pawh ei pah chuan kan titi mawlh mawlh ti ila Adiki a tawng char char mah zawk...ei man ka lo pe ve tawh ang ka tih pawn an phal tlat lo....u Tluangtea chuan a pe ta nge nge, a chang hi chuan a hmel hmuh ringawt pawh hi ka inthlahrung thin...ka chhang thei bawk silo..




"Pui saw saw Matthias-a a ni tiraw" dawr atanga kan chhuak chiah chu Adiki chuan a ti a, a kawhna lam chu ka melh ve vat...Matt-a leh hmeichhe pakhat ka la hmu ngai lo a bialnu thar te pawh a ni mahna, kha mi ni ka hriat loh thu ka hrilh ni bak kha chu kan inhmu leh tawh lo....ka zep lo an inhmeh tak zet kawng kal apiang te chuan an en zui vawng vawng.... Hmeichhia zawk chu a tawng siam siam a duh hmel zetin Matt-a pawh chhan a en a, a nui ve suk zel...Ka thin zawn hi ana ngut ngut.... Ni e ka zep lo ka thik takzet a ni...




Mahse thik ngam tur pawh ka nilo keimah duhthlanna ngei a ni, "I tha em" u Tluangtea chuan min ngaihtuah hmel zet chuan a rawn ti a...ka bu ve zeuh.... "Kal ila"
ka hrawk na ut ut nen ka tawng chhuak hlei thei lo...."lawk aw hmeichhia saw ka hria"
Adiki chuan a rawn ti leh zeuh.... "Kal vat zawk ila a tha ang" u Tluangtea chuan a ti bul hmuk.... "Lalnundik" car a kan lut tur chu Matt-a kal puinu chuan a rawn ti vak a...




"Awiii Lalhminghlu" Adiki pawh chuan a ti ve nghek... Kan bulah chuan an rawn thleng chawp chilh nghal..., Hminghlui chuan Matt-a banah chuan a vuan chawt bawk...ka lo inhum ruh nghek..."I va vang ve I dam thin maw" no fahran chuan a ti a, min rawn melh ve zeuh bawk, Matt-a erawh chuan vawikhat te mah min melh eih lo, ka thawk te hi a chham mai dawn in ka hria...ka lo hmangaih tawh takzet a nih dawn hi..




"Puipui hi chawlh hahdam a mamawh bawk sia kan kal phawt mai dawn mi" u Tluangtea chuan ka awmdan chu a hrethiam deuh nge a rawn ti vat..Min auh dan vang chuan Matt-a pawh chu a ner sak... "Nia kan kal mai ang aw" Adiki pawh chuan a ti ve zeuh.... "Aw anih u, e taka u Matt-a nen hian kan inneih tep tawh a nia rawn kal ve ngei ngei ang che u" a tih chuan Matt-a chu ka melh nghal vat, Hminghlui thil sawi lai chu duh hmel zetin a en a, ka thinlung hi vih sawk ang maiin a na ngut ngut...



Hmalam a pan chak bik ngawt mai, min lo hmangaih ve ngai miah lo tih ka chiang tawh takzet...."Adik" u Tluangtea chuan a ti chang bal... Adiki pawh chuan min rawn melh ve vat... In mangtha in kan tlan chhuak nghal... "I tha em, ka lo tawngtui thei lutuk a ka tihpalh" inthiam loh hmel zet chuan Adiki chuan a ti a..."a ho lutuk" ka ti tawi tek...




An inneih vat dawn a, I hlim ngei ka beisei ka hriat tawk lek chuan ka phun sep...



Bonus
(nizan ka rawn dah bawk silo a, chu mi ai ah chuan aw😄😊)



"A nawm reuh hi" inchhung chu ka thlek kual vel a, ka awmna tur atan chuang a tawk vel chuah... Bathroom a awm a pindan a awm bawk a, sitting room leh choka a awm bawk a , a tawk viau chuan ka hria...."mamawh I neih chuan inchung ah hian kan awm a, min rawn dil bawrh bawrh mai dawn nia" ka rual pui awm ang vel chuan a ti a, an inhnuai hi tlawm te a min luah tir an phal a, an fel tak tak ani....Adiki nen an inhre tha bawk a, a zia phian...




"E chuan Hlute-i ka nia nang" a tih leh sup..."Ramnunpuii (nunu)min ti mai dawn nia" ka ti ve sep... "Aw le a nih kan I rem fel tawh bawk a ka chhoh San phawt mai ang che aw" a tih chuan ka bu ve zeuh....




Hna ka zawng vat a ngai dawn anih hi....hna lah hi a vang mai bawk sia class 12 thleng chiah ka kal bawk si, hnaruak postna group ah min add ve hlauh a, a zia phian... Insiam in hna dil chuan ka chhuak a....thawmhnaw dawr pakhat ah hnathawk tu tur an duh thu an rawn post a ka awmna atang hla deuh hlek mahse hna ka hmuh na a nih dawn phawt chuan a tha vek a ni mai...



Kawngkhar chu lock in thawmhnaw dawr lam chu ka pan a, ka awm na lai hi project veng a ni a, a lun lo laiah tak ka awm bawk a, a nuam phian... Diakkawn lam pan chuan me in ka kal hnek hnek a...



"U nunu" Gracy-I leh a nu chu kan lam pan chuan an rawn pen phei a, "enge I an kan inhmu khat sia" Gracy-I chuan a ti nghak vat, a nu erawh chuan min lawm vak lo tih ka hre nghal mai..."ka tha tawh lutuk e" pangai tak chuan ka ti ve mai..



"Bawihi an a then chu I la na hle mai maw"
ngeiawm zat chuan a nu chuan a rawn ti a, ka melh nghal vat..."engmaw I sawi" a thusawi te kha hre lo ka nilo mak ka tih em vang zawk ani...



"Hmeichhe mawl tak chu I nih hi...ka fapa hian nang ang mai mai hi a duh che I ring mi, a hun khawih rak nan a hmang vek mai mai che a nih kha ngai thu takin intihhlum te kha I lo tum leh nge" min hmusit tih hriat zet chuan a ti leh a, a thusawi mal tin mai chuan min deng dawt dawt...min then avang a intihhlum tum ang in min lo sawi a, a lo ropui hle mai...



"Nu duh tawk rawh engmah I hrelo" Gracy chuan a ti ve nghek... A ni tal chuan thudik a hria lawm... "Hmeichhe mawl lutuk" tiin a kal nghal nal nal..."u nunu engah mah ngai duh duh aw, kan inhmu leh dawn nia a nih aw"
tiin a nu chu ava um zui nghal thuai...



Kal mai na chang pawh ka hrelo...engtin nge ka chungah hetiang hi a thlen reng bik... Nu leh pa ka thla vang hauh tu tur chu nei ve ila hetiang em em hian min hmusit bik lo ang mawl le...




Hmalam pan in me min pen san tawh a tinge ka theih ve loh...tinge haw ngawih ngawih tur ka nih laiin ka huat theih tlat loh... Engvanga min hmangaih lo chung pawh a la hmangaih reng bik nge ka nih.....


(c___ralte)

Like and comment

Fakna hmet keuh



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)