MR.BOSS CHAPTER - 10

Episode kal lai dah luhna

Moderator: writers

mawitei bawihtlung
Posts: 754
Joined: November 18th, 2020, 12:53 pm

MR.BOSS CHAPTER - 10

Unread post by mawitei bawihtlung » June 24th, 2021, 9:40 pm

IMG_20210624_214021.jpg


MR.BOSS




CHAPTER 10








JESSICA LALNUNKIMI POV.....







Ka kal angai min thlah rawh " ka ti chhuak leh halh a ,beiseina mitmenga min en ngawih ngawih chu ka hmu lo a ni lo ,mahse tunah mai chuan ka let thei lo ,heng ka rilru buai zet te hi rei lo te pawh nise a tihreh nan hun ka mamawh tak zet ,keimaha awma in ngaihtuahna hun ka mamawh .







Muangchangin min thlah riai riai a ,ka kalsawn nghal vat ,ka na lutuk ka ngaihzawng hmasa ber mipa ka hnaih hmasak ber ani a ,chuan mal ngawih ngawiha ka inhriatlaia min ngaihsak tu awm chhun a ni bawk ,taxi chu pharin ka chuang lut nghal zat a ,ka inluah lam chu kan pan nghal vang vang bawk .










Tuna engkim siamtha tur chuan ka la inpeih lo ,nitin ka hna ngai ka thawk a kan in be ngai lo tluk tih theih a ni ,a ngawi ngul renga chian a thiannu pawh a rawn kal ziah ,ka rinai a awm rei phian leh nghal ,an chhuak dun ziah a ,hlim hmel takin an nui thin kei erawh ka tawt up up reng thung .








Hotel a tang chuan chhuakin ahma a kan lendunna ah ka kal a ,pangpar vel te chu an lo la ngai vek ,kal bo daih ka chak ut ut bawk ka rilru ah lah chuan “ kal bo rawh " tih hlir hi a awm in ka hria ,ka lu chu ka dawm vang vang a ,ni e kal bo ka duh buaina ka hriat phak lohna ah tuma min hriat lohna hmunah .







Chu chu ka rilru siam fel nan a tha ber ang ,reilo te tal pawh nise awm bo ka duh ber ,Remsangpuia lakah hian ka awm bo rei thei Dawn lo ,mahse ka rilru ka siam fel chhung chauh chu min nghak thei ngei ang ,van lam chu ka en vang vang a ,engtikah emaw chuan kan la in tawng leh ngei ang.








Chutih hunah chuan i tan hmeichhe tha tak ka ni thei tawh ngei ang ,Remsangpui min lo nghak rawh aw ,min lo nghak reng rawh aw ,ka phone chu ka phawrh a ticket ka la nghal vat ,in lam panin ka hawnga Feli engkim hrilh ve vat angai a ni ,an inlam ka pan leh phawt a ,ka lo nghak char char .







Ka u pawh ka call a buai viau mahse a rawn kal tur thu a sawi a ,ka thaw huai mai inchhungah chuan ka thu reng a ,pawnlama thawm a awm rualin Feli a rawn lang a ,a hnu deuhah ka u pawh a rawn kal a “ mate enge I sawi duh a " tiin ka u chuan a rawn ti lut nghal a ,ka thaw hak ringawt .








Ka thusawi a vang hian an lawm lo viau dawn tih ka Chiang a ni “ nia Kim enge i sawi duh i rawn sawi danah a pawimawh hmel sia ,nang hi thiltha lo tih te I tum a ni lo maw " a rawn ti nghal zat a ,an pahnih chuan ka en ran a “ Fel ,u reilote zinbo ka duh a ni " ka tihchuan an phu deuh zawk a .






“ In lungawi lo viau ang tih ka hria mahse helaia thawk harsa zet a awm te hi ka tuar duh rihlo a ni ,reilo te tal in tih thawven ka chak takzet " tiin ka mit ka chhing a , Feli chuan min rawn kuah zat a “ ka hrethiam che i lo let leh vat dawn tih min tiam rawh " mittui parawl teuhin a rawn tihchuan ka bu nghat a ,ka tah nuih hak ,ka u chuan min rawn pan a ,ka darah a beng nghal thuk thuk a .







“ I tana a tha tur zel ka duh a ,chutia hrehawm iti viau a nih chuan ka phalsak ang che mahse hei hi hre reng rawh rei tak i awm bo tur a ni lo ,chuti lo chu ka lungawi lo viau ang " a rawn ti chhuak sup a “ ka lawm e " tiin ka nui nghal var var ,khawvela ka tan a hlu ber te an nih hi ,“ a rei lo thei ang ber awm ka tum ang a hma anga chak tak khan ka awm leh a ngai alawm tiru" ka ti chhuak halh a .








A tukah chuan ka insiam mawlh mawlh a ,dar 12 chhuah hun a ni a ,ka kal hma in vawikhat tal Remsangpuia hmuh ka duh ,a office lam ka pan hnak hnak a,ka luh chuan a pangngai ang bawkin Sophia nen an lo awm dun leh a ,mahse thutthleng hranah ve ve ,ka hmuh laiin an in pawmin an infawp leh tawh miah lo bawk .








“ Biak che ka duh" tiin a hma ah ka va ding a ,ka tawng hre lo ang hmakin ala awmzui “ Remsangpui " ka ti chhuak tuar a ,min rawn melh nghal run “ I boss zahna chang hre rawh " a rawn ti deuh hluk a ,a tha e biak a duh loh leh ka kal mai ang ka in her nghal hlak a ,a duh lo chung chu biak luih ka tum bik reng reng lo ,kawngka ka thleng tep tih chuan “ ding rawh" a rawn ti thum sup a.








Ka thaw chhuak nghal ham ham ,I thei in inhmu leh tawh rih dawn lo a chuvang chuan hun nuam tak hmanpui tum rawh ,tiin keimah leh keimah chu ka infuih sauh sauh a ,ka kutah a rawn kai a pawnlamah chuan kan chhuak zui nghal dat dat a “ enge min hrilh duh kalsan tur che khan min ti si a " a rawn ti hluk a ,nakinah chiah sawi ka tum amah nen kan awm fal hunah.









“ A hma a kan lenna ah khan min hruai rawh aw " ka tihchuan min en vut a ,mahse engmah sawilo chuan a car lam kan pan a ,ka thaw huai ,kawnga kan tlan lai te chuan a kutah ka va vuan deuh chawt a ,min hnar bik lo “ hetiang anga I awm hian awmdan tur ka hre lo sweetish min ngaidam tihna em ni " a rawn ti a ,a aw ah chuan chianlohna a lo lang ka lu ka bu nghat a .








A thaw nghal huaiin ka hria “ dik tak chuan hmeichhe dang I hnaih hlek pawhin ka thik " tiin ka en kar a ,a rawn nui suk “ka hrilhfiah ang che ka tihkha sophia kha ka best friend a ni a ,a rawn kal tirh pawh Khan ka girlfriend ini tih a hre vek tawh min pui turin a rawn kal mai a ni ,chubakah hmuh che a duh a ,nanglahin I lo thik bawk a " tiin a kiai suk a .







“ Enge i fawh vel ni " ka lo ti hluk ,ka kut chu a rawn hum let salh a ,tlanna tur a en pah zauh
bawk “ a chhan chu min rawn hmu dawn tih ka hria a ,enge ka lakah hian i rilru ni chiah hi ka hriat duh vang a ni " a rawn tihleh chuan a kutah chuan ka sik vat a “ mawla leh" ka ti chhuak tuar ,infiamah pawh hian a chin tawk a awm ,thudik chu ka hre ta phawt a ,mahse ka kalna tur hi ka thulh thei lo thung.







A hmun kan thleng a ka chhuk nghal vat “ Data lo bo ta thut ila min zawng a ngem" tiin ka en kar a ,min rawn en ve nghal vut “ enge I sawi awmzia kal bo lampang sawisuh ka zawng char char ang che " a rawn tihchuan ka nui hak a ,tunah hian hmun hla takah ka kal Dawn a sin ka rilru chuan ka ti mawlh mawlh a ,a lamah chuan ka kal hnai a ,a nghawngah chuan nidanga ka tihthin danin ka ban da da a .










A ni pawhin lo hrethiamin a rawn kun hniama ,min pawm kang nghal nawlh “ ka hmangaih che " ka tihchuan a hmel.chu a eng sawt sawt a “ sawi nawn leh rawh " a rawn ti vat reng a “ Alex Remsangpui ka hmangaih lutuk che " ka tihleh rual chuan min rawn fawp nghal vawng vawng a ,ka mit chhingin ka chhang let ve nghal zat duhthawh zetin kan che dun a,kan hun tawp ni rih ah hian hlim taka thlah ka duh.







Amal chungah ka thu a ,a awmah beiin a lung phu dawt dawt chu ka ngaithla reng ,heng te hi ka hre khat tawh dawn lutuk ,a pang tilum te ,a aw dam thlup aduhlohna ah chuan rum leh zet si te hi ka nghengin ka kuah khat tawh dawn em a sin “ sweetish ka lawm e aw " tiin ka chhipah chuan a rawn fawp vang vang a ,ka kuah nghet ve sauh “ khawiah mah ka kal.tir tawh lo ang che " a rawn tisup sup a .






Tuna ka tihtum hi hria se chuan a thinrim ngawt ang le ,mahse ka tih angai rei lo te pawh hawi thawvena ka nunhlui kalsan a nunthar nena bul tan ka duh tawh “ haw tawh ang hmiang 11 :30 a ri tep tawh " tihpahin ka dingchhuak a “ a ngai kher a mi heti hian awm ang " naupang chhia zet chuan a rawn ti a ,kei erawh ka insum fan fan a ni .





Data ka kal bo tawh dawn chuan ka lo let hunah pawh min lo nghak reng la tunang chiah hian awm leh ang aw " ka rilru chuan ka ti mawlh mawlh a ,kalsan ka hreha mahse ka thutlukna sawhsawnn thei ka ni tawh lo ,engkim ka hmachhawn theihnan ka kal angai a ni “ tho la haw ang hnathawh I ngaihkha " tiin ka tur a .






Muang changin a rawn tho tual tual a ,ka hmanhmawh tawh bawk si “ Remsangpui hmanhmawh rawh ka tih chu " ka ti hlak hlak a “ ka lo tho ka lo tho nge I hmanhmawh viau a ,reilo te chiah kan la awm dun hi ka rualin lo let ve mai rawh " a rawn ti niah niah a ,naupang thil ngen hi a ang “ zanah I lo lenh zawk dawn ania " ka tihchuan a nui nghal vur vur a .







Kei erawh ka tah a chhuak ru ut ut ,tunah ka bulah hlim takin a awm a mahse ka kalbo hunah chuan he mipa hi engtin nge a awm ang ,a na dawn lutuk mahse tilo thei ka nilo ka nuhrawn te chunga phuba ka lak leh theih nan hian chak taka awm ka mamawh ,Data reilo te min lo nghak rawh aw chutih hunah chuan ka ta chauh inih theih nan hma ka la tawh ngei ang ka hmangaih che " tiin ka hma a hlim hmel zeta kal chu natna nen ka melh tlawk tlawk .









Ka inluah thleng min thlah a ,min fawp leh hram ka lo nui hak thung ,inchhung a rawn luh ka hlau nen ka tur sek a ,a tlanliam hnu chuan ka insiam nghal mawlh mawlh ,airport lam chu ka u leh Feli nen kan pathumin kan pan a ,thlawhna a ka luh thleng chuan min vai lauh lauh a ,khawnge ka kal ang pawh ka chiang lo mahse ka thleng anga ka hre mai ang tiin ka lut ve tawpa.








ALEX REMSANGPUIA POV..
.






Sweetish in min ngaidam a ni tih ka hriat hian ka hlim takzet ,office chhung ka luh chuan Sophia pawh a lo la awm “ I va hlim hmel ve engkim in siam tha maw " a rawn tihchuan ka bu nghut a “ ka ring rengah a mah kha te viau mahse a hmel kha a tha tawp chuan i vannei takzet I mizo pui ngei i nei dawn ania " tiin a nui var var a .






Ka thian a ni lo ang tih hi ka hlau thin ,zan lam hun tur ngaihtuahin ka nui suk suk thin ,hmuh ka chak takzet tawh bawk ,call mai te ka duh a mahse ka insum hram hram ani ,ana hmel ka hmuh te khan ka na ve ngawih ngawih ,dik tak chuan nupui neih hun lo pawh ka ni tawh lo a .






Ka nu leh pa pawh hian tu hmel an hmuh chak tawh thu an sawi ziah ,chuvanga sweetish I pawh kha nawr ka ni ,mahse a la inpeih lo a nih hmel,ban rualin ka inlamah ka tlang a ka inbual fai nghal mawlh mawlh ,tunah hi chuan sweetishi kuah ai baka chak ka nei lo ka thlahlel em em reng te hi a mak .







Dar 6 velah a inah ka kala mahse a lo inkalh ,hrilhhai zetin kawngka chu ka en a ,ka nghak leh thin ,mahse dar 9 a rik dawn thleng pawhin a lo hawng lo ,a ni hi a pa inlamah a let amile ? a u phone number chu hmetchhuakin ka call a ,sweetishi chungchang chu ka zawt a .






A rawn thaw hak a eng emaw a awm Chiang mai “ engmah a hrilh lo che em ni " a rawn tihchuan ka bo takzet ,“ enge I sawi awmzia duattei chungah enge thleng " ka ti nghal hmuk a “ vawiin ah khan ramdangah a kal tawh a lawm " a rawn tihchuan ka nghing dawt .







“ Dawt sawi suh zana leng tur pawhin min hrilh khawnge I thuhruk rawn haw tir rawh ka nghak reng dawn " ka ti chhuak tuar a “ min ngaithla rawh matei khan nghak turin a duh che keipawhin a kal kha ka phal reng reng lo ,mahse amah khan hawi thawvena a rilru tih hahdam a mamawha ka hriat pui a vangin ka kal tir mai ani.







A kal kha ka phal bik reng reng lo mahse ka nau hi ka hrechianga a tih tawh vek vek ah chuan a rilru a sawhsawn mai mai ngai lo , hun a mamawh a nangpawhin I nghah theih leh theihloh chu i thu a ni e haw tawh rawh khalai hmunah Khan a rawn let tawh rih dawn lo " tiin phone chu a off a .






Kei erawh ka din ngai rengin ka ding tlawk tlawk ,nilo a lo haw dawn a lawm hetah hian ka lo nghak anga a lo haw dawn ,Lalnunkimin thu min tiam a lawm ,zing thlengin ka nghaka mahse a la rawn haw chuang lo ,kawngpui lam chu a lo haw palh takin tiin ka en reng a mahse a reh tlawk tlawk .








“ Lalnunkim min fiam suh bihrukna hun a nih loh hi " tiin ka au chhuak tuar a ,mahse a reg ngawih ngawih ,ka tho chhuak vut a a pa te inlam panin ka inkhalh chhuak nghal vut ,an in ka thlen rualin kawngka chu ka chum ribur a ,Remruatfelin a rawn hawn rual chuan ka lut nghal vat “ khawiah nge duattei indah " ka ti nghal hluk a .






“ Enga an rawn ti nghal vat ka insum thei lo anuhrawn chu ka pan hnai a ,ka rek nghal chawt “ nangmah vang hian tiraw ka diattei kha hrehawm ti em em a a kal bo ,rawn chhuah rawh khawiah phiangsen nge nang hian I tirh bo a awmna min hrilh rawh " tiin ka rek na sauh a ,a pa ten min lo dan an tum chu ka vai dawn dawrh a .








“ Nangnu vang hian ka naute kha a tap ngun takzet I hria em ,a nu inih ve miau a vangin ka enliam cheu a ,mahse in huang chin in pel mah mah a ni " tiin ka thlah hnawk a ,a thaw nghal kawk kawk a a fanu chuan a buaipui vat “ pu Alex enge i sawi awmzia matei chu a kal bo itihna em ni " a pa chuan a rawn ti a .






He mihring pawh hi nep lutuk “ engah nge chu chu I ngaih ven I fanu I thisen zawmpui aia I thlante kha buaipui rawh ,hre rawh u nangmahni vanga duattei ka hmu lo anih vaih chuan ka tichhe vek ang cheu " tiin ka kal chhuahsan a ,ka hotel lam ka pan a,a thiannu Khan a hre ngei ang .






Counter lama duty chu ka pan mawp mawp a “ Khawnge Lalnunkimi " ka ti nghal hmuk ,min rawn en a a thaw deuh hak a “ ka hre lo " a rawn tihchuan ka thinrim tawh nen a dawhkan chu ka chum ribur a ,midang ho chuan min lo en thap bawk“ in hna thawk rawh u " ka ti hrawk a , a thiannu bawk chu ka en leh .






“ Nang hian I hre chiang khawp ang ,a thiantha ber inih na angin engkim a hrilh ngei ang che " tiin a mitah chuan ka melh ngur a “ ka hre lo ka tihchu ni e a kalbo tur thu chu ka hre ngei mahse. a kalna tur ka hre bik hauh lo " a rawn tileh a,ka inhum ruh ngawt ngawt khawnge a kal ang .






Tawhsual te a tawk palh thei a sin ,ka office ah lutin hmung hrang hrang a ka michhawr ho chu be kualin sweetish I chungchang ka hrilh a ,an zawng hmu ngei tur a ni ringawf ,mahse a reh tlawk tlawk si ,ka zawngkual a ,mahse Delhi a chhuk hnu a tangin khawilam nge a pan tuman an hre lo .







Ni a kal Liam ve zela,mahse kei erawh amah zawn ka la chawlh san thei lo ,nitin zantin a lo haw tawh em tiin a inluah lam ka pan fo a ,mahse rawn haw tur reng a awm silo ,van lam chu hawiin ka thaw chhuak ham ham a “ khawiah nge i awm min ngai ve miah lo em ni ,tinge I reh vung vung a .







Lalnunkim I reh vung vung hian awmdan tur ka hrelo ka â vek mai dawnin ka hria ,lo haw har suh aw ,I tello chuan he nun hi a khawhar lutuk ,nuihna tur a hmu hek lo khawiah nge I bihruk ni lo haw tawh rawh hei ka rawn leng dawn ania ,kawngka a tang hian nghakhlel takin min lo thlir dawn lo em ni .







Keimah I data ka lo leng a nia ,thingpui te min lumin ka awmah te I bei leh chak lo em ni,lo haw tawh rawh I leng rei lutuk ka ngai tawh che a nia I rimtui zet pawh kha ka ngai tawh " ka tichhuak sup a ,ka mittui chuan ka biang a tilum thla pap bawk .



(zawmna ala awm.aw a hnuaiah)

Kumtluang runhmun lengdun turin,
Lam ang let zai rel leh la e ;
Bang hian ka ring nang ngaih vanga tah,
Kir zai rel leh hram rawh aw .



Karah dawt thu hran vangin maw,
Thenzai I rel tak mai le ;
Mahse hei chauh hi ka ngen a che,
Lamang let zai rel leh la .(cut daih🤣)







Bawihi ka lo nghak reng ang che i Data hian ka lo nghak reng ang che ,lo haw vat vat rawh aw ,khawilai mai pawh hi a reh vekin ka hria ,a tello chuan nun hi a ruaka hlimna tur a awm hek lo ,hmangaih taka min kuahtu kha ka ngai a .






Hmangaih neihdan min hriattir tu kha hmuh leh ka chak ,ka kham lo ,englai pawhin ka kut vuan thei se min kalsan ngai lo se tih hi ka duhber a ni reng .



Hmangaihna hian thil tam tak a lo keng tel reng,hlimna ,thikna ,natna ,lungngaihna ,beidawnna , chubakah hriatthiamna tamtak a awm lo thei lo ,anat hlau em em rengin hringnun i hmang fo anga ,mahse iti na fo thung si ang .





Mipa luhlul tak pawh min tinem zo a ,mahni tawka inti pa ve tak pawh kha ka pa zo tawh hek lo ,nun a tihlima ,a changing hrehawm khawpin a siam bawk ,mipa ka ni a lawm" ti a intih paukhauh theih a nilo ,hmangaihna chuan engpawh a tithei ,tualhial pawh a thah tir thei che a ,nangmah ngei pawh a intihhlum tir thei che .





Chuvang chuan hmangaihna kawngah hian fimkhur a ngai thin chawk reng a,ka thu ngawi reng a engtikah nge a lo let leh ang ,mipa dang a tawng anga min theihnghilh mai angem ,tihte thlengin ka ngaihtuah a,mahse a tawpah erawh ani kha ka ngai a ,kha hmeichhe tereuhte kha ka thlahlel ngawih ngawih bawk .







Tunah te hian min ngaiin a tap ve angem ,ka hming lamin min beisei zetin a hawi kual mai lawng maw tihte chu ka ngaihtuah thul ,khawiah tak ka hmangaihi kha awm ang maw .


Ads click tur khu in lo click ve hram hram dawn nia aw, in fel kha


( Tluang2i jathang kha phivawk neiru min ti sia ,Alexa nen hian kan nei mai dawn mi 🤣🤣comment tang2 thintute in zarah type ka phur a like min peksak tute pawh ka lawm em em chuan ads click kha aw )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)