Chapter - 6
Kan haw dawn lamah chuan Nancy phone te tak mai chuan kan selfie ve a,Phakstea lan phak chiah chiah hian a angle te chu kan han sik sa vel a,
Ka la hre reng mai Phakstea chuan kawrlum sen a haa,a lukhum chuan a inhliah vel a,a va chhe tak !
Kan thiante star hi tha kan tihpui tawh loh vek vek chuan rilru zawng zawngin chhia kan ti thin. Thiante star sawi chhiat tluka nuam hi a awm dawn em maw ni le..?
Haw kawngahte chuan Nancy mit meng atang reng reng chuan Phakstea a ngaihtuah tih a hriat theih hluah hluah,kan ti ti pawh chu min zawm ve lem lova,a suangtuahna ramah a cheng tih a hriat hle a ni.
Lehlamah Timtimy ve thung chuan Phakstea thianpa Dumtea ,a ngo lem loh em avanga Dumtea lo nita chu a lo star tawh lo hmana,Nancy erawh phakstea-ah kan tang ta rih a ni.
Timtimy chuan star thar a neia,a hming kan hre lo chuan 'Lalswaga' kan ti leh hmiah.
Lalswaga chu a hming tak chu Mawizuala a ni a,Mza tiin kan sawi mai thin.
Mza chu kan junior a ni a,Timtimy pheikhawk var ser sawr a rah luih avanga inhria an ni.
Hemi ni vek hian Timtimy chuan pheikhawk var em em mai alo buna,Mza chuan a rawn rah sak palha,ngaihdam te indilin tha takin an inkal tir maia.
Timtimy tan erawh kha minute khat pawh tling lo,tawite kha Mza a star nan chuan a lo tawk em em mai hi a ni a,a sawi haw chel chula,a biak rei deuh loh avang te chuan a inchhir thute chu a sawi a.
Keich Timtimy ai mahin Nancy chuan ka mit a la em ema,Nancy hetianga ka hmuh vawi khatna a nih vangte pawh a ni mahna.
Hmangaihna leh inngaihzawnna sawi tawh chuan Nancy chungchang bikah chuan natna bak ka hmu ngai lo. Thil a paltlang hnem zia hi a thil thlir dan atang hian sawi kher ngai loin ka hrethiam nghal mai thin.
Chhungkaw duhthusam tia sawi tur nei lo mahse a chhungkaw tan erawh theihtawp chhuahin a bei tih a hriat theih.
A nu leh pate an awm dun tawh lova,apa nen an awmdun maia,a pa hian khulh ve zeuh zeuh a chinga,Nancy hian a enkawl let a ni mai.
Nancy pa hi kan ngaina em ema,kei phei chuan ka pasal te ka timai thin. A rilru hi a zau em ema,Fathera nen pawh tum hnih tum thum lai an khulh dun tawha,a tirah hlim ha ha ha viau mah ila a tawpah chuan insual an tum leh nge ngea,a hnu rei loteah an inkawm leh mai thin. An in hlirah hian thil kan tikhawm thin ti ila ka sawisual tam pui lovang.
Û hmeichhe pakhat leh nau mipa a neia,a ü hian pasal a nei tawh avang te pawh a ni mahna Nancy hian chhungkaw nu chan a chang maia,hei vang te pawh a ni mahna Nancy hi ka nu ang maia ka en.
Hun te a ral zela,kar tawp kan lo thleng leh ta reng mai,tum dang ang bawkin maubawk mawng tawpah Nancy te in ah chuan noodles chhum turin kan chhuk thla leh ta dial diala.
Kan chhum laklawh em em lai chuan,kawngkhar an rawn kik dat data,ka va hawnsaka,vai pakhat leh mizo pahnih hi an lo dinga,lut tura ka tih chuan an rawn lut maia.
Vai pa chu a thu duh ve lem lo a,eng company hming emaw ni chu a sawia,chumi hming chuan lekhabu an rawn zuara,a va han dakthei par par tak em!!
A dak par par lai chuan Nancy chuan dawnfawh a rawn chhawpa,
"kha ei ve ru ei ve ru" rawn tiin a tawng lai chu a rawn tih tawp saka.
Vai pa chuan a ei hman loh thu chu a sawia,mizo pahnihte erawh chuan an eia,Nancy chuan thut tir tal an tum leha,a thu duh bawk si lo. Thingpuite a lo siam saka.
Nancy che zia ka en chuan vaipa chu tihbuai a duh a ni tih ka hrethiam maia,a chhan erawh ka hre lo mahse vaipa lehkhabu hrah duh,in chei smart bawk si,dakthei bawk si chu tihbuai ve ka chak em em ta tlat mai a ni.
Vaipa hmelah chuan a duh aia rei an awm tawh tih a lang theia,Nancy lah chuan a la tibuai mai si a,ka pui ve e ka tia,vaipa chu zawhna leh topic tul lo pui pui ka zawt chiama.
Vai pa chuan chhuah a tuma Nancy chuan a pawt dinga thingpui in luih tir a tuma,vai pa chuan a la duh lo fan.
Nancy chuan a thluak a vawrh vir taa
"In thiltih hi eng maw?" tiin an zawta,vaipa chu a phur ngei mai,company hmingte chu rawn sawi lehin hlawh an hmuh dan leh smart taka lehkhabu an zawrh dan te chu an sawi lej thuak thuakq,a va han dakthei uchuak tak.
Chutih lai tak chuan Nancy chuan mizo pahnih thute chu a zu en a,
"In luhna a rei tawh em?" tiin a zu zawta,
"La rei lo" tiin tha takin an chhang ve maia,
Vaipa chu a en leh a, "Sir Michael kha a la thawk em?" tiin an zawt leha,kan meng phawk nasa hlawm hle.
Vaipa chuan chhuah a tum nghala mizo pahnihte chu a zawt leh ngata,
"La thawk e,engtin nge i hriata?" tiin an zawt leta, Nancy chuan a thawh thin tawh thu leh thluak sukna mai a nih thute a sawi thawi fuaa,tih rei chi a ni loa,hlawh a awm mang loh thu a sawi lang zeuh bawk.
Vaipa chu a chhuak nal nala,mipa pahnihte chu an chhuah dawn chuan Nancy chuan
"In thawhna hi hrechiang leh hle phawt rawh u" tiin a chah hram.
An chhuah fel hnu chuan Nancy chuan khatianga a thawh ve tawh thin thu leh a hlawk loa,inbumna chi khat mai a nih zia leh advertisement ang engmah a ni lo tih min hrilhfiaha.
An tan chuan hun a pawimawh em ema,smart deuha incheiin lehkhabu an zuar kuala,hralh loh phei chuan hlawh a awm loa,hralh pawhin hlawh an hmu direct lo a lo ni awm a,hun an ren em avangin a tam thei ang ber an hun lo lak hek sak a tum a lo nia,vaipa khan a melh rum ka ti deuh renga,mizo pahnihte kha ka khawngaiha chhui chiang se ban nachang an hriat ka beisei tiin a sawi tlang nghal.
He nu em em hi chu dai te hi a va dai zau tawh tak.
Noodles chu kan han ei dawna,thil kan eikhawm apiang hian inchan loh thil pakhat kan nei ziah a chu chu fiante emaw fork, min daih thei lo.
Ei tuma kan inruahman lai chuan Steffi thu mai mai chu a meng hrek hrek hian ka hriaa,a kut kan en na chuan fork a lo kenga,Timtimy pawhin a lo keng ve bawk.
Stefuaini chuan a mit ko kan zeuh zeuh hian min lo nuiha,ka man nghal fork kan inchuh leh dawn tih,a rukin ka va la lawk ve ta de de a, rin ang ngei ngeiin ei dawn meuh chuan midang chuan an inchuh nasa hle.
He mi ni hian kan thiannu pakhat ve tho Simrani chu kan zingah a lo tel ve a ,ani hi chu a fel piah lamah hian a manners em ema,a politein midangte dan pawimawha,engpawh tise a tui pui ve em em zel.
Amah vang hi a nia kristian te chauh lo,sakhaw dang (pathian dang nei) pawh an lo da ve thei hle a ni tih ka hriat phah tak kha ni.
A harh em em hi a ni ringawt,ka mi hriat tawhah lerh lo ber pawl a ni ang. Kum thum chhung khan star a neih vawi khat chiah ka hria.Fork an inchan loh avang chuan Simrani ber chuan fian pui lian ber bur mai hian a ei a,a hawp pah te chuan a hmai a hliah veka,mawi taka ei lam a lang thei tawh lo.
Simrani hian Phakstea a hre vea,Nancy chu a chhaih a chhaih ve thin. Chutia an chhaih an chhaih lai chuan Nancy chezia leh mit meng atang chuan Phakstea hi a duh hle tawh a ni tih hi a hriat hliah hliaha,midang chuan an hre lem lo,an chhaih liam satliah ve leh ringawt a ni.
Haw a lo hun ve leh ta reng mai,bus stand ah chuan bus nghakin kan ding thapa,kan ding hle hle thei lo kan che seka,kan nui uar uar reng bawk.
Simrani kan zinga a tel ve hi chuan taxi anih loh pawhin bus kan hmang ngei ngeia,a mah hi kal thang lo lutuk a nih vangte pawh a ni mahna,kan fair lah hi min tum sak a tum ngai miah lo lehnghala.
Bus a lo thlen chuan kan chuang chho diala,tihian kawng lakah Simi a chhuka,kei,Pci,Thartei leh Stefuaini te khatla thleng kan chuanga,Timtimy hi bungkawn a nih avangin maubawk kawm atang a peng phei mai thin.
Traffic a jam ve khanglang avang chuan midang chuang an awm ve bawk lo nen kan in selfie chiam chiama,Simrani bula thlalak hreawmna deuh chu a lang te thei lutuk hi ania.
Simranite chhung zing a mi hian thingpui dawr an neia,khatla kawna 'Fuzic (Fuzik)' restaurant hi a ni a,amah Simrani hian a nghah chang chuan chawlh hi a man hla thei em ema,ei man hi 50% min lo discount thin vang a ni a,an thil siam hi tui kan ti sia,dawr hi nghak reng thin se kan ti khawp mai.
Ri nak nak chung hian kan inthen ve leh mai hlawm zela, in ka thlen chuan kawtah an lo inkhel luai luai a,kan colony leh in luahte an ni maiin a lang,kan monu chuan kukar keng pahin goal a lo venga,a chaw chhum tur siam lai an lo koh chhuak a ni awm e.
Inthlak pawh inthlak lo chuan ka inkhel ve leh nghal mai bawka,ka phakar luatah Putea ngal chu ka pet palha,a cher rel rawl anga en chi a lo ni hauh lo,ka ke a vung nghal,a va han chang ngar ngar tak. Putea chu na ik pawh a nei lo,ka ngal erawh a pawng bar,melh rumin awmzia a awm lo ka phakar vang ka tuar a ni mai.
In la na tak chuan ka bai lut vela,ka inthlak fel tih ah chuan Putea roomah ka zu luta,Vena a lo awm ve,ka dimg deuh deta min lo nuih ver ver lehnghala,a rim mawlh mai chu a tui leh pek hle a ni.
Ka nuih let ve seka,ka ngal chu a rawn ena,a rawn ding hluai,awm ve tho pawng lian ve bawk em a ni. Ka that leh that loh min zawta,ka tih nat dante chu kan hrilh zuai zuaia,a nui leh maia,fimkhur tur chuan min zilh leh ta zek tho a. Ka rilru te te chuan 'Ka pa emaw a inti emaw ni' tiin ka inngaihtuaha,ka mamawh ho chu ka lakhawma,ka chhuak leh maia.
Pawn ka thlen chuan ring leng lawngin kan monu chuan dawra kal turin min tira,ka aw ve mai bawka.
Vena a rawn tlan chhuak ve nghala,
"I ke a na sia ka lo kalpui ang che" a rawn ti sepa, hnar pawh ka hnar hman lo,a kal nghal daiha,amah vuan tura min tih avangin ka vuan ve maia,step chhukah chuan a tangkai hle a ni.
Step tawp kan thlen chuan Vena chu a ding deuh deta,kan hmaa hmeichhe ding nen chuan an inmelh renga, a bialnu lo ni rengin,ka kaihna laiah chuan a rawn kal tlang sawka,ka leng dawrah ka thu hnawk,min va nek na tak.
Thinrim tih hriat deuh hian a bialnu chu a kal nghawng nghawnga,Vena chuan ka tlu pawh chu min ngaihsak lem lo chuan a bialnu chu a umzui daiha,an in ah a kai lut ta daih bawka. Ka thin chu a rim ve ang reng hlea,ka tlukna lai lah chu tui a lo tlinga ka huh vek.
Ka thinrim lutuk tih ngaihna awm bawk si lo chuan ka tlukna tui tling chu ka beng vaka,a per chuan ka hmai a ti huh leh si a, ka tap lo chauh tawh.
Ka bulah chuan mipa pakhat hi a lo dinga,ngawi rengin min en a,thinrim tawkin "Eng nge?" ka han ti ringawta,ka tho a,ka kal vel nghawng nghawnga,ka thinrim lutuk chuan Vena bialnu tawng dan te chu zir pah chuan a kal dan chiah chuan ka kal vel nghawng nghawnga,dawr ka thlen chuan ka lei tur ka leia,huh pur chuan ka haw ta hnu hnua.
Vena te in kawt ka thlen chuan kawta an scooty lo ding chu rum thei ang berin ka melh a,scooty chu ka hriat tawk lekin ka ankhum deuh chiama,ka kal ter tera ka va beng ta chiam nghe nghe.
Mipa pakhat hi a lo chhuaka,
"Tinge khatia kan scooty kut i rawn thlak?" min rawn tia,
"I scooty maw,Vena scooty maw ka tia" tiin ka chhanga,
"Ka nau a nia" a ti chiah chu ka chil ka lem hrawk.
A mask hren an lak thlak na chuan nichina mipa pakhat ka hrawk kha a lo nia,
"I thinchhe ve hle mai maw,tui i beng hrepa,scooty i ankhumin i beng leh chiama,dawr thlengin i kal sawi nghawng nghawng bawka,i ngal a la vung zui" tiin aw zaidam zet,muang fiah tak leh nui sen sen pah hian min han tia.
"Nia" ti ringawtin ka chhanga,rang takin ka kalsan nghal nal nal,ka va hawi let zeuha min lo la bye bye zui,a aia chakin ka kal nal nal. Chet chhiat a va kal tluang tak,ngat ngat maiin.
A tuk Pci ka hmu chiah chu hrilh tuma phur lutuka ka pan phei na lamah ka ke ka bilha,ka thu hnawk,Pci chu rang mangkhengin a lo tlan pheia,na ka ti lutuk chu ka tap tep.
Engtin tin emaw college chu kan thleng ve thei maia,kan class panna stepah chuan ka tawlh thlu leh zawt mai,a thlang lamah mi an tam si a,ka insawh na deuh nge zun te kha ka cheh lek lek,tah zet hi chuan tah hawm hawm ka chak ber tawh.
Nancy leh Stefuaini'n min lo pui vata,classah mim daha,ke bilh thang ka nih avangin a tuamna ka ak renga,ka tuam zuai zuaia,ka tuar thei leh mai.
Chhun chawlh a lo nih chuan Timtimy chuan a pheikhawh rah saktu bawk kha a rawn sawi chhuaka, swag a tih lutuk avang chuan a luangliam ngawih ngawih hi a ni ber.
Kan tiffin pai te kan han ei zawh chuan junior roomah chuan hawkdak vangin kan lut vel mai maia,chutih lai tak chuan mipa rual panga vel chuan an thianpa hi an rawn neka,Timtimy pheikhawk chu a rawn rah sak leha,chupa chuan ngaihdam a dil nghal zuai zuaia min kalsan leh maia.
Nancy nen erawh an tilui tih kan hriat avangin kan en zui deuh renga,Timy kan han melh chiah chu a lo au lo chauh
"Awiiii Pumaa anih kha" a lo ti,
"Enga?" tiin kan chhawn deuh diala,
"Tunge puma" chu tia kan han zawh chuan a hmaa lo rap tawhtu a star ruk em em mai kha a lo ni a.
A hma pawhin a lo rap tawha,tunah a lo rap leha,Timtimy a luangliam em em bawk.Nancy nen erawh a ti lui niin kan ngaia,khapa khan a star ve tih kan hre thei nghal.
Pumaa kan tih chhan hi chu Puma bag a ah thin vang mai a nia,a hming kan hriat loh avangin Puma tiin kan koh ta mai a ni.
College banah chuan Puma bawk chu kan hmu leh a,Timtimy chu a rawn biaa
"I pheikhawk chu a var sia,tih fai a har ngem?" a rawn ti se se a, Timtimy chuan a chhang thei lo tep,a lai vel.
Suk a hahthlak lutuk loh thu chu a hrilha,inbe zui em em lo chuan kan kalsan taa,Nancy pawh tih tawh nak laiin Timtimy pawh a rawn luangliam ve leh ta.
Lehlamah Stefuaini te chuan buaina tlem an lo nei vea,Arona chuan Stefuaini meizial zuk thin chu a lo duh lo.hle hi a lo nia,an lo inhau deuh a ni awma,Arona chuan morning ti pawhin a lo wish lo aniang chu,Stefuaini mood a off ve em em ringawta.
Stefuaini tih lohah Nancy mood a kim thei lo bawk Phakstea college a lo kal loh avangin,a nghak rilru renga,a hawi kual sek bawk.
Ka thiante chu kan en vela,ho ka va ti tak. Mi pakhat vangin an buai hi a ni deuh tawpa,ho ka ti hluah hluah,alu papawr ka eisan ta vel mai maiin ka hria.
Nancy chu ka en hian Phakstea vang chauh hi ni theiin ka hre ta tlat lova,hun tha neih ve leh ti ti pui ka tum ruh hle mai a ni.
Nancy ang te hi chu thil zawt pawh ni ila ho em mai tih leh nuih ruala zo vek thin hi a ni a.
Nancy hi chu buaina a neiha sawi chhuak mi a ni lova,a inlak eng emaw vang ni lovin a peih loh vang a ni. Awmzia a awm tak tak lo,mahniin tuar ila kan thihpui lo ti tlat mi a ni vea,ka hrethiam hle a ni. A sawi ve vak vak ngai lo.
A chang chuan khawhar thlak viau mahse mahni a tawrh mai hi a awlsam zawk tawh thin.
Kar dawn a liam chuan hun tha chu ka nei taa,khatla chho,yma hall bula thutna an siamah chuan kan thu dun ta ran maia,ka zawt ta neuh neuha.A tirah chuan a sawi tha duh lem loa,sawi pawh a tum lem lo mahse han zawh han zawh takah chuan min hrilh ve ta a.
Kan hriatpui lem loh chuan Nancy chuan bialpa a lo neia,inlaichinna duhthusam tia sawi theih a ni lo,a aia upa daih anih bakah duh ai an inhnaih mah mah.
Chupa chuan a ngai pawimawh tawk lo in a hre tlata,a tan hun a insiam hlei thei lova,thil dang pawh tel lo mahse an inlaichinna hrim hrim pawh chu a hrisel lo sa hle a ni.
Chuta karah a belh turin a mipa chu mahni thu duh,ngaihdan hrang nei mi,buai em em,Nancy tana hun nei thei meuh lo mi a lo ni a. Nancy tan chuan a hahthlak takzet a ni.
An inlaichinna min han hrilh hriat chian chuan inthen turin thurawn ka pe nghal,an inlaichinna chu tha ka ti lo takzet,buaina dang nei lo mahse inlaichinna hrisel tak a ni lo sa hrim hrim a ni.
Tinge thiante hian awlsam takin then rawh an tih mai thin le tia i ngaihtuah a nih chuan,hmangaihna avanga i hmuh leh hriat fiah theih loh kha an hriata an hmuh vang a ni.
Hmangaihtu hian hmangaih na lai hmel hi an tana tha turte a nih ngawt loh chuan a en liam mai mai hauh lovang. I nat hlau tak siin an hlauh vang ringawtin thu tha an hrilh loh phah hauh loh ang che.
Nancy chuan then a tum tur thuin min chhanga,
"Tum ang ti suh,then ang che " ka la ti tal. Nancy chuan min nuih sek a,
"I sawi ang ngawta awl hi ni thin se aw" tiin min han chhang sap a.
Darkar dawn lai kan ti ti hnu chuan,kan chhak lam atang hian Simrani aw ni awm tak hi a rawn te thla vak vak mai a,Nancy nen chuan kan hming a rawn lam thla nawk nawk.
Kan han en na chuan Simrani hi chak fahranin a rawn tla thlaa,a hnungah chuan Pci ngal ling lek lekin a rawn tlan bawk,an hnungah chuan vawk lian tawk hian nguk ri hruah hruah pahin a rawn um a.
Vawk hnung lehah chuan kan mipa ho an rawn tlan thlaa vawk chu an lo um zawk a lang,mipa ho hnungah chuan nasa zeta nui hian Stefuaini leh Timy an rawn tlan kala.
Simrani leh Pci chuan chak fahran hian min rawn tlan pela,an rawn tap thla lo chauh,kan hming an lam rual chuan an liam nghal,a hnunga vawk chu a rawn liam ve puat bawka,fathera te ho chuan min pel fel awrh tihah Timtimy leh Stefuaini chu nui bawr bawr pah hian an rawn thleng ve a.
Nancy nen chuan thil awmzia kan lo zawt fiah vata,
Simrani harh lutuk chuan mi vawk thlun hle hle ,a in an sak that mek chu thla a lakpui hi a lo ni a,thla latuah Pci a lo hmang hi a ni awma,thlamuang taka thla an lak lai chuan vawk chu engtin tin emaw a lo tal chhuak thuta,a rawn um ta a ni.
Mipa ho chuan a thlunna hrui chu an man hman ngeia mahse an hneh lova,vawk chuan a lo hnuk hrep zawk a lo nia,chutia thil awmzia min hrilh lai chuan vawk neitute an lo thlenga,an tlanna lam min zawta,kan kawka,hmanhmawh deuh hian an tlan thla ve nghal.
Timy chuan a zahthlak atih tlat avangin kan umzui lem lova,thutnaah chuan nui bawk bawk pahin kan lo nghak tawp mai a ni.
Simrani leh Pci chu Fuzik restaurantah tlan lut hi a lo ni a,mipa lo awm thenkhat leh kan mipa te chuan vawk chu an lo pawt ding thei hlauh maia,hliam nei lem lovin an lo inchhuah thei.
Khatla kawna vawk um leh vawk umtu han nih mai chu a zahthlak dan a dang ve ngaih ngaih khawp ang le.
Darkar chanve dawn hnuah kan thiante ho chu an rawn lang taa,Simrani leh Pci phei chu hmuh tlak an awm lo,an sam sei dun bawka,an thur hle a ni. A hnungah kan mipa ho an rawn lang bawka.
"Ka thi dawn emaw ka tia" an han ti phei chu a nuih loh theih loh.
Kan bengchheng bawk aniang chu kan chheh vel a mi awm te mit chu kan la ngang maia,a thenin mak tiin min thlira,a thenin min nuih puia,a thenin min ei lo tih hriat zet hian min en bawk.
Mihring hi kan in ang lo thin teh e,kan rilru hian nasa takin kan thil thlir dan a la thunun zui.
A hnu lawkah vawk chu an rawn chhoa,a rawn nguk hruta Pci leh Simrani phei chu tlan tumin an in peih leh nghal hi a ni deuh tawp.
An hah lutuk chu khawlai pawh sawi loin foot pathah chuan an thu hnawka,an thaw hlawp hlawpa,tui te chu an han ina,an mahni leh an mahni chu an insawisaa kan nui bawk bawka,kan beng chheng hle a ni.
Chutia kan rik nak nak lai chuan Puma te thian ho chu an rawn lang hlawla,hemi te thian ho hi ka ngei ru riaua,an inla mipa vel lutuk leh an zei vel lutuk hi,ka ngei ru tlat.
Puma chuan Timtimy a lo mit sir zeuh chu ka hmua,Timy pawh chuan a lo nuih ve seiha,mi mawl awmkhawm tih takah kan te nasa hle,kan chhaih chiama,khang kara ka hmuh chian em em chu Drew a mit menga thikna awm kha.
Nancy nen kan ngaihdan hi a sual lo anih chuan Drew hi a insum thei lo vat anga,Timy hi a la bem vat ang. Timtimy kan hrilh lah hian a awih ngai lo,thian alawm a ti tlat.
Timtimy hi chu a mak ve hrim hrim Puma pawh hian a star ve tho tih kan hrilha,Nancy nena tangduna kan hrilh pawhin a nui liam mai mai zela,a nih nih ni ang kan tih san ta vel mai mai a ni.
Nancy chu ka ngaihtuahna atang chuan a chhuak hlei thei lo,in ka thlen hnu chuan ka va phone a a zan la la a then turin ka va ti leh hram. A tum tur thu chiahin min la chhanga,
Tinge an na chung chung pawh hian an vawn tang tang thin le,hmangaihna chuan hlimna a thlen turah ka la ngai fan.
Natna hian hmangaihna a hrilhfiah fova,nat leh lutuk erawh hmangaihna a ni tawh lo thin. Inlaichinna hrisel lo hian engmah rah tha hrin a nei love.
A tul hunah chuan thlah ngam la,i tana ruat anih chuan a lo kir leh em em ang.
Inrinni a lo thlen chuan tlai tawh takah hian Nancy in min lo call thuta,ngaih tha zan lo chung chuan kan pick a,
Aw zang tak,hahdam leh hriat nuam tak,
natna tam tak inphum ri si hian
"Ka then a vawiinah" a rawn ti heu mai.
Nancy bialpa then chu ka lawm em ema,Nancy nat phah erawh pawi ka ti hle thung. mahse a thatna tur a ni. Hma hun a neih pui loh tur avanga hma hun tha a neih loh ka phal thei ngang lo a ni ber e.
Nancy hnenah chuan sunday tlai lamah an in ah ka phei anga,kan ti ti dawn nia tiin ka thlaha,kan inbiak zawm lem lo.
Chawlni tlai a lo thlen chuan Nancy te in lama kal turin ka chhuak taa,kal kawngah chuan Vena leh a bialnu chu ka hmua,Vena chu hlim tak mai hian a lo nuia,ka thlir reng lai chuan ka rilruah chuan
"A nuih chhan ni lo mah ila a nui hmel chu a nalh ngaiin a nalh reng mai" tiin ka phun neuh neuha.
Vena nui hmel chu hla tak atangin nui ve chung si hlim miah loin ka thlir deuh renga,Nancy te in lam pan chuan ka kalsan ta a ni.
Nancy te in ka thlen chuan tumah an lo awm lova,titi nana hun leh hmun atan chuan a thain duhthusam a ni.
Eitur te a buatsaih lai chuan Vena chungchang chu ka hrilh ve mial miala,ka lung a chhiat lam mah chuan kan nuih a za zawk zela,thil hi a tirah han suangtuah ve vak thin mah ila a tawpna chu a ho thei hle thin a ni.
Nancy chuan a bialpa nen an inthen dan te chu min han hrilh tan ve niap niapa,
inhmuh puiah sawmin,nilengin hun a hman puia,a buai chung chung a lo nawr lui ve tlat hi a lo ni a,a bialpa chuan nidang ang thoin a buai thu hrilh mahse Nancy chuan alo nawr lui ve tlat hi a lo ni a.
Bus standah chuan Nancy chuan thenna thu sawiin,busah a luhsana,vawi khat te pawh hawi let lovin a liam ve ta vang vang a ni.
A nghaktu leh hrethiamtu a ni reng thina,chhuanlam a siam apiangin a lo hrethiam hram hram thina,an inkar pawh thil hlauhawm tak a nih sa laiin a tan tawrh a la huam zawk thin kha a ni a.
Nancy hian a hmangaih tih ka hria,a na tih ka hria mahse atana tha tur a ni. Nancy pawh hian natna tam tak a lo thup ve renga,min zilha min hnemtu ber ni mahse hmangaihtu leh hrethiamtu a lo mamawh ve tho a lo ni.
Eng ang mihring pawh nise a tawp khawkah chuan mihring an nihna mai a lo langa,an mittui an tihlan theihna hmum tur an duh ve ngawih ngawih thina,a zawn erawh an zawng ngai lo.
Kan ti ti muk tak tak chu kan zo fel ta tih velah chuan Simrani kan phone phei vea,in hnaih tak an nih avangin a lo thleng phei ve maia,eitur kan chah ang angte a lo keng bawka.
Nancy te tv leh phone chu kan han connect a,kan zai ta chiam chiam maia,chawlhni ni ah kan bengchheng chel chul hle,rilrua vei ruk neih lai erawh chuan intih thawven nan a tha takzet.
Eiturte kan ei zawh chuan tlai lam a lo ni der tawh maia,Simrani nen chuan haw zai kan rel ve ta a ni.
_Hmangaihtu-in a tihsual lian ber chu,
Hmangaihtu hriatthiamna leh dawhtheihna ngaia a lo nei thin hi.
A hmangaihna ni lova,
A lo pawm reng thinna zawk a hmu lian tlat leh
Hmangaihtu ngaia a nei thin hi a ni_
Sik leh sa a inthlak thin ang chiah hianin mihring rilru hian inthlak hun a nei thin,
a hmangaih vang ngawt che khan kalbo thei lo turah ngai lo la,hmangaihtu che zah thiam zir la,an hlutna hriatsak fo rawh. An hmangaih avang chein an mahni an nat phaha,an induhkhawp lova,an hmangaihna chiah i hmuhsak lai khan a lang lo lamah an mahni leh an mahni an inhloh tih hriatpui la.
An mahni aia an thlang che anih chuan hriatthiam sak hram hram ang che.
A/N : Ka story ziah hi true story anih avangin hming tih lan rem lo leh a kimchanga han tarlan ngam loh,mi zawng zawng hriat atana mawi lo,mualpho theihna tur thil a awm zeuh zeuh thina, a bialpa/bialnu etc ti anga ka address hi chu an mahni ka hmaizah vang a ni tih min hriatthiam sak hram hram dawn nia. Thawnthuah chiang lutuk loa ziah ka lo palh anih pawhin thup then ngai a awm a ni tih min lo hriatthiam sak hram hram dawn nia. Chhiar nuam le.