ZOREMSANGA CHAPTER 2 BY Mawitei bawitlung

Episode kal lai dah luhna

Moderator: writers

mawitei bawihtlung
Posts: 753
Joined: November 18th, 2020, 12:53 pm

ZOREMSANGA CHAPTER 2 BY Mawitei bawitlung

Unread post by mawitei bawihtlung » July 27th, 2021, 9:15 pm

ZOREMSANGA




CHAPTER 2








ELIZABETH ZOTHANZUALI POV.....









Nilengin ka rilru ah a awm char char a ,zirlai pawh ka ngaihtuah theilo ,tunah hian enge a tih anga damlo a kan kual ang nge tih te thlengin ka ngaihtuah ,kan duh tak tak te hi chu an bulah awm kher lo mah ila ngaihtuahna zawng zawng an luah thei vek tho a nih hi .








An kianga kan awm in kan lungphu a ranga,kan zamin kan zak hma bawk ,tawngtur kan haihchham phah fo a ,kan chesual ngun hle thin mipa pawh an ni ve tho ang tih ka Chiang ,kan duhte hi chuan min control hneh em a sin “ El......Eli" ring lutuka Lalrinpuia rawn tihna a vang chuan ka phu zawk a “ mawla enge I au vak kher " ka ti hlak a .










“ Enge i ngaihtuah biak pawh hrelo khawpin mi a emaw tiin ka vaw thlu tep che ani" nui vur vur pah a a tihchuan ka beng nghal pawp “ ka hre reng min han vawthlu vaih teh i chak lo ang " tiin hmalam chu ka melh leh nghal daih ,Rinhlui nen chuan an in nuih kur kur a ,an ngeiawm thin sia a .









Ban rualin ka haw a Puia lah a lengkawi leh dawn anihkha ,lerh lutuk mai a bialnu ve deuh lah kha a zakzum tih a hriat lutuk ,in ka luh rualin ka zai lut rat rat a ,mahse ka mi hmuh te a vang chuan ka ngawi daih U zorema leh a thiante ho chuan min lo en thap a ,ka zak e a “ ehe ilo bang tawh a law " Chhana chuan a rawn ti a ,ka lo bu nghat .









Kaltlang ka tum chu U Nuni thusawi a vang chuan ka ding chawt a “ Zo awmpuite chu school an kal tir ngai ami in va fel zawk ve " a rawn tihchuan ka inhum ruh ngat ngat “ Nuni " Chhana leh Sangtea chuan an tirual thawt a ,U Zorema erawh ala ngawi reng ,ani hian awmpui angin min lo sawi thin a ni ngei ang ,ka mittui chu ka khap persak a .







Ka roomah ka tlanchho nghal nal nal ,kawngka kalh in ka mittui chu a luang nghal zawih zawih ,fahrah nih hi ka duh bik vang reng a nilo a sin ,U Zorema hian min lo hmu theilo viau a ni ngei ang ,a bialnu bulah awmpui anga min lo sawi chuan ka rilru a tina ,ka tap char char a ka hnar leh mit a te chu a bui luk tawh ,ka khumah ka mu reng chhuah chakna pawh ka neilo .








“ Bawihte kan lo haw ania tinge i nuam lo em ni" tihri ah chuan ka thuchhuak a ,hetianga min hmuh ka duh hauh lo “ aih nu ka tha ka chau deuh mai ania ,mut lawk ka duh a " tiin ka au zui a ,ngaihtha taka a kalsawn ri ka hriat chuan ka thaw huai ,pawnlam chu ka thlir vang vang a .








Ka tette a tang a ka nun ka chhui kir a ,tunhun hi ka hlim ve tum ber a ni a sin ,mahse an fapa erawhin min lawmlo hle a ni si a ,chaw pawh ka zuk ei duhlo ka roomah ka inkhung char char a ,Puian min ngaihtuaha min rawn kohna pawh chu ka lo chhanga ,ka kalsawn tir hnu ah tho chhuakin ka inphih fai a .







Ka kawngka rawn rileh a vang chuan ka thaw chhuak nghal hak “ tunge " ka tihleh chuan a reh deuh vung vung a “ keimah " rawn ti thum bul tu a vang chuan ka ding ngil zawt enge a rawn tih dawn ni “ inbia ang kawngka lo hawng la " a rawn tihchuan ka pan ve mai a ,ni e sawitur ka nei ve miau a .







Ka hawn rualin ka hmaah a rawn ding thim nghal khup a “enge i sawi duh lo lut la " tiin a mah pawh en duhlo chuan khum lam ka pan a “ vawiin kha I tha em" a rawn tihchuan ka thinrim takzet ,a hma pawha ka thlavang hauh duhlo Khan tunah ka tha nge tha lo min zawt amaw “ ka tha mah mah " ka tikha fak a ,a mitah ka melh nghal kalh .








“ Min lo ngaithei miahlo tih ka hria a ,chuvang chuan engmah ka sawilo ang mahse hei erawh ka ngen duh che ka college kal chhung kum khat chhung hi chu hetah ka awm phal rawh chumi hnuah chuan I duh ang ngeiin ka chhuak ang ka tiam a che u Zorem ka kal bo ang " tiin hnuai lam ka melh ngar a ,ka tap leh mai Dawn a ka hriat vang ani .









“ Khawiah maw i kal ang " a rawn tileh a ,ka thaw hak “ hla takah min hmuh phakloh na turah " tiin ka mit ka chhing vang vang a ,ka hmui rawn lum vung vung chuan min tiharh chhuak zawk ,ka nam dat a ka kawngah a rawn man bet nghal hmiah ,duhthawh zetin min fawp a ka chhang let lo ka dawh mawl tawp bawk .










“ Ka hnen a tang in khawiah mah I kal hauh lo ang " a rawn ti nghet churh ,ka nam dawrh “ min khawih tawh hauh suh" tiin kalsawn ka tum a min pawt let nghal dawrh chu khumah chuan ka bawhthlu rawk a ,thawh ka tum chu min man bet nghal hmak “ nang hian ka rilru ang chiah hi I puve unau kan ni tihkha chhuanlamah hman tum hauh suh" a rawn ti bur a ,ka en nghal kawk










“ I hresual a nihchu " ka titham chala ,a awih hauh lo ang ni e keingei pawh hian ka awih bik chuanglo ,he thil hi chu nichin a mi vang kha a ni tih ka chiang bawk em ani “ anihchuan ka mitah hian rawn en rawh " a rawn ti hmuk a ,ka en duhlo ka hmalam chu ka melh lui ngar a “ Zothanzual min en rawh ka tihchu " tiin min kuaiher nghal sawk a .







A mitnen chuan chiang zetin kan inmelh tawn a ,a mitmeng rum lam lek lek chu ka en reng ringawt “ ka hua che " tiin hawisawn ka tum a ,ka khabe ah a rawn vuan bet a “ ka nau angah ka ngaitheilo che " a rawn tihleh chuan rilru na zetin ka en kar ringawt “ ka duh reng vang a ni bik lo a sin ,ka duh vang renga fahrah hi ka ni biklo a inchhungkua a rawn luh hi ka tum Dan a ni biklo a sin.








Ka tihpalh min hmu thei lo viau tih ka hria mahse ka ngen a che reilo te chauh ka awm rem ti hram rawh " ka tichhuak hlawp hlawpa ,a awmah min kuah betin ka chalah a rawn fawp a ,ka hamhaih lutuk chu ka tap lai pawh ka bang nghal hmak “ nau anga ka en theihloh chhan che I hria em a chhan chu keihian ka duh che a .







Ka hmeichhia nitur in ka duh che Zothanzual " a rawn ti thum bul a ,ka en reng ringawt ani hian min duh ve tak tak tihna ami le ? “ chu chu I hre Chiang em? ka nau ang nilo in ka bialnu anga awm tur a ka duh vang che ani " a rawn tihzawm leh zat a ,ka ngawi reng ka hmuiah chuan a rawn fawp leh a .







Ka hnarlo ka thiam ang tawkin ka chhang let ve mial mial a ,a taksa ah chuan min pawm bet chawih a ,thlamuang zetin ka bei hle hle thung “ ka lungphu tirang a pangngai lo taka min awm tir thei tu chu nangmah chiah hi ini Eli ka hmuh hmasak ber a tang khan ka duh nghal em em che a ,ka nau tur ka nu in min kawhhmuh khan naupang tetakte .








Kal thei hlim emaw tiin ka lungawilo viau a ,mahse kha kan kawngka a tanga I rawn luh a ,i mitmeng pawisawilo zet a min en a tang khan he ka lungphu hi a rangin ka vei ta em em che a ,ka nau ini tiin ka insum nasa lutuk mahse ani telin ilamah I zun chuan min hip khawm a sin .






Nangpawh ini tiraw min hmuh a piang hian I danglam thin" a rawn tihchuan “ um" tihzawngin ka chhang a ,ka tawngchak hlawl lo a kuah te hi ka thlahlel em em si a ,a lehlam zawngah chuan kan nu leh pa te hi ka zah a ni ,he thil an hriat hunah chuan engtin tak min ngai ang maw .








An fanu a tana an lakluh hian an fapa upa zawk chu a ngaizawng a ni tih hria se min haw ngawt ang “ engmah ngaihtuah suh ,kan induh tawn a ,engkim kan pahniha kan beih chuan kan hneh ngei ang " a rawn tileh sup sup a ,ka thaw huai huai thung .








Ka nu te an rawn kal a hlauhawm nen , keini pawh kan inthlah vat ,a room lama a phei hnu chuan ka in ngaihtuah vang vang a ,ni e hmalam hun chu dawn thui duh lo in tun hun a pawimawh lai ber hi hlim taka hman ka tum mai tur ani ,inhnuai lamah ka chhuk thla a ka nute chuan min lo be sawk sawk a .







An fanu tak tak anga min en thei te hi ka lawm takzet ,chu nilo se chuan kha home hrehawm takah khan ka la awm in hmuhsitna tinreng ka tuar leh awm sia ,chaw chu tlem ka bar a ,inchung lamah ka chho leh nghal vat ,lehkha zir in ka thu reng a.






Dar 10 vela ka room kawngka a rawn rik rak chuan ka hawi phei vat a ,U zorema chu boxer nen chauh a rawn lut a ,kawngka chu a kalh nghal.daih bawk ,ka lo en reng ringawt “ enge i rawn tih dawn " ka lo ti chhuak sap a ,ka lam a rawn pan zel leh nghal “ i bulah ka rawn mu dawn mawle naute " a rawn ti a .








A nui pah hak bawk ,ka chil ka lem khalh ringawt ka lehkhabu chu a rawn la a,khum lamah min pawm phei nghal chu ka ang pam ringawt min zo em em mai leh nghal ,min mutthlak tirin a mah pawh a rawn mu a ,a kut chu min kham tir in puan chu min sintir nghal thlap a “ muhil ang i chauh hmel lutuk " tiin a mit a chhing nghal daih a .










A muhil hmel chu ka en a,a chau viau in ka ring doctor nihchu a hahthlak dawn em a sin ,nitin damlo an awm ziah ang a nileh nghal ,a chhip sam buk lai chu ka tham sak neuh neuh a , a hmui chhah deuh tap leh sen no chek chu ka khawihsak dan dan a ,kan infawh Dan ka ngaihtuah chuan ka sen nghal tawn tawnin ka hria .









Ka zeilo awmsia engtin nge min fawh peih le ,ka nui chhuak hak a ka ngaihtuahna chu a mak mai mai e a ,tunge infawh thiamsa vek bik ang ni ,ka en reng a a hmai vel te chu ka khawih den den a ,mutchhuakin min rawn zem nghal chiai chiai a ,ka mit ka chhing nghal riai riai bawk .










“ Good morning ka duatnu " tihri ah chuan ka mit chu ka meng siar siar a u Zorema chuan min lo en reng a ,a zing tho hlim pawh hi a sexy zual pui sauhin ka hria “ morning " tiin ka nui sen sen a ,ka hmuia a rawn fawh chuan ka lo inhup vat ,ha pawh kan la nawt der silo .








“Ih ha pawh kan la nawt lo " tiin ka tho chhuak a,bathroom lamah chuan lutin ka intifai mawlh mawlh a ,ka chhuah leh pawhin a lo la awm reng “i room lamah phei tawh la "ka tihchuan hrelo ang hmakin a awm reuh leh nghal.





(Lehkha zir nen ka kal chau bawk nen mut. a chhuak duh bawk sia lo zawm leh vat ka tum ang min hrethiam hram2 dawn nja )

Ads in click hian writer ten hlawh an neih ve phah a, writer te tan a phurawm ve thin a nia, lo click sak hram rawh u



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)