*EDWARD LALPEKHLUA* CH-8 BY DENNA PACHUAU

Episode kal lai dah luhna

Moderator: writers

Denna_pachuau
Posts: 60
Joined: May 30th, 2021, 3:07 pm

*EDWARD LALPEKHLUA* CH-8 BY DENNA PACHUAU

Unread post by Denna_pachuau » July 27th, 2021, 10:09 pm

CHAPTER-8



CHRISTINA LALTLANMAWII POV



"Naktuk a rawn haw tur kha I ni sia"
ka tih chuan a nui suk, "ka naute leh a nu hi ka ngai tawh lutuk a" tiin ka dul chu a chul nghal zat, "Min rawn zui rawh hruai duhna che ka nei" a tih chuan 'boss ka va hrilh lawk ang' ka ti chu a phun hluk..."A tul lo a kiangah khan I thawk tawh lo ang" a ti bul hmuk, "mahse ka hna ka..."





"Hna I thawh chak viau chuan ka kiangah pawh I thawk thei, Bawihi mipa dang kianga I awm ka rem ti lo" a hma ai a dam zawk chuan a ti a, engmah ka sawi tawh bik lo, "Tu in nge a" ka hma a concrete in lian leh mawi zet chu en vung vung in ka ti a, in chu a sen leh var rawng a hnawih a ni a, a awmna hmun in a a zir bawk nen a mawi takzet...





Tlang lamah a awm a, a bulah a sen leh var tho a hnawih in te a awm leh bawk a, a ground pawh duhthusam in a zau, "kan intur" a tih chuan ka melh haw, "Tak Tak maw" awih loh hmel fê chuan ka ti a, a bu nghut, door bell chu a hmet a, nu upa lam deuh tawh hian kawngkhar chu a rawn hawng a, "In rawn thleng tawh maw" a ti nghal vat...





"Bawihi a nih hi ka nupui la ni mai tur chuan Bawihi a ni hi nu Afeli" Ed'n a tih chuan ka bu zeuh, "In rawn thleng tawh tho a, ka va phei tawh ange, a nih leh aw, nuam I tih ngei ka beisei"
min nui suk pah a tiin a chhuak zui vat...





"Ka awm loh changin an nupa in an lo enkawl thin a a bula in saw an luah bawk"
a tih zawm zat, en mai pawh khan a fel hmel takzet, "I ril a tam tawh em"
a tih chuan ka bu nghut nghut chu a nui suk thil kan ei dawn lai takin min kalsawn pui daih a nih kha ka riltam zia mai chu ka zep buai vel paih tawh lo...




"lo thu la" tiin ka thutna tur chair chu a pawt chhuak a ka thu ve vat, "eirawng I bawl ve thiam em ni" ka tih chuan a kiai suk, "thiam thil ka ngah a lawm" nuih za insum zet a a tih chuan ka lo ner nawng, ei tur a siam mawlh mawlh lai chuan a sirah lo thu in ka thlir vung vung a, a pian inphut mawi tawk Tak mai te sawn min hip ngawih ngawih....





"Hei hi kan room tur" a kut pakhatin ka kawngah a vuan chawt a, room chhung chu mipa room tih hriat zetin engkim mai chu dark grey leh dark blue deuh vek a ni, "kan inneih hunah chuan I duh loh lai I thlak mai dawn nia" ka hnungah kuahin ka kawngah ban a rawn suih zawm zat bawk, "I duh zawng a ni em" zawi sup a tiin ka nghawng ah te chuan a rawn thaw lum ham ham a....




🔞

"imm" tiin ka bu nghut, "Tihian kan in ru a ni mai" a tih chuan ka nui ve suk, ka nghawng chu si chiah si lo hian a hmui chuan a rawn tawk leh de de thin, ka thawk lak dan a mumang hlei thei lo,
"Min hrem rei mah mah" tiin min pawm kang nawlh, khum a min nghah rual chuan ka hmui a rawn bawhthuah nghal zat..


duhthawh zet chuan ka hmui ah chuan a rawn fawp nghal buan buan, keipawn ka chhang let vat, ka kawr leh kawr hnuai hak lai chu ka lu lamah a pâwt chhuak nghal thuai, a che reng reng chu a hmanhmawh hi a ni tawp..




Ka awmah chuan hmai a phum vang vang phawt a, a hmui chuan ka nghawng bul vel te chu a nul leh thuak thin..."Ed naute tan a tha dawn mi" ka tih chuan a nui suk, "lungnhai suh Bawihi engtin mah a awm lo ang" a tih chuan ka bu ve nghut, a kekawr hak lak chu phelh sawk sawk in ka chhung ah a rawn luh chuan ka rak nghal thak, ngaiah neih har tak a ni...


skip......




"ka tina che em" tiin a lamah chuan min pawt hnai a, lu ka thing dat dat, "ka hmangaih che" tiin ka lu ah chuan a fawp tawk a, ka bu nghut chu a nui chhuak hawk,
"mu hahdam rawh I chau a nih kha"
nuih za aw zet chuan a ti a, ni e ka chau Tak zet, ka in ei puar zo chiah bawk nen, ka thawh hunah ka inti fai tawh mai ang ti rilru chung chuan ka mumang lamah ka lut nghal riai riai....





Ka mang rapthlak zet atang chuan ka harh chhuak hlawl, ka bul ka dap rak rak chu a ruak vek, Ed-a a tho a maw ni le, tiin ka thu chhuak vat..
ka hawi kual a a hmel hmuh tur a awm miah lo, shower ri ka hriat chuan ka thaw huai mai, enge maw ka lo hlauhthawn ngawt ni, khawi ah mah min kalsan lo ang...Sana ka melh chuan dar 5 a lo ri va tawh...ka mut tawh hi chuan thawh leh hi ka harsat tawh lutuk a buaithlak...





"I harh tawh maw I mutui lutuk a ka kai tho duh lo che a nih kha" min hmuh chuan a ti nghal vat, ka nui suk ringawt, towel chiah a veng a, a tihrawl inphiar tha zet mai te a six pack chiang taka lang kulh mai te chu hmu hmaih harsa tak ani...





"Va in tifai la ka thlah dawn che nia"
a tih chuan hmui ka lo tihpawrh khum vak chu a nui hawk, "I la awm duh chuan zan khua pawn kan awmdun thei tho a nia"
mit siai zeuh chuan a ti a, rang takin bathroom ah ka tlan lut nghal vat, a nui zui hawk hawk, ka van ngei mai mai chiang tak, ka hmangaih tho bawk sia...





"Aw engtin maw I tih" bathroom atang a ka chhuak fel chiah chu a ti nghal hrâwk, tunge maw a biak ni, "tunah maw"
tiin min rawn melh zeuh a, mak tih hmel zet chuan ka lo melh ve kar, "tunah chuan ka hman lo" a ti leh hmuk, rilru buai hmel zet chuan a nghawng chu a tuai leh vut vut thin...





"Aw le ka rawn kal ang" tiin phone chu a dah nghal vut, "tu nge ni a" ka bulah a rawn ding chuan ka lo ti vat, "Lydia-i nu a nia" a tih chuan ka thinphu hi a rang leh nghal dut dut tawh, "Lydia-i a damlo a ni awm e" a ti leh sup chu 'chuan' ka lo ti vat, "chuan va kal turin min duh a"
thaw hawk chuan a ti a...




An lo inngaizawng thin a, a lainat hle ang tih pawh ka hria mahse a hnena va kal tir chu ka ngaih a ngam zan lo, "I kal dawn em" a hmel pawn en lem chuan ka ti a,
"I rem ti lo tih ka hria lawm Bawihi" tiin ka hnungah chuan a rawn kuah a, "Mahse I kal tur thu I hrilh tawh kha"
ka ti leh ngat, "engah mah ngai duh suh"
a ti liam puat...




"Va kal rawh" ka ti sep, "Bawihi I rem tih loh chuan kal kher a tul na a awm lo"
a ti nghut, a lam hawi zawng chuan ka inher a, "a pawilo va kal rawh"
ka ti ve mai bawk..




"Ka rawn bia ang che" inkawt ah dingin ka chalah fawp tawk pah chuan a ti a, bu zeuh in ka lut zui nghal, mak tak maiin keimah ah hian hlauhthawn rukna a awm, ka kal tir hi ka inchhir mai angem...




"Chhekeh nu naktuk chu rawn kal ngei ngei ang che" phone ka lak rual chuan a rawn ti nghal chiam, "ka chhiat tawh tawh nen ka la keh tel zui sia ka van chhe awm" ka tih chuan a rawn nui leh rih, chhiat tawh dawn tehreng nen kan han keh leh phei chuan kan va han chhe dawn tak....





"Tak tak in rawn kal ngei ngei rawh aw"
a rawn ti leh ngat, "aw aw aw ka rawn kal ang a reng reng thu ah enge hmun danga zir chu I tih tal a" ka ti nghek u James-a pawh tih tawh nak a laiin, a nih leh zel te chuan ka nu leh pa te chu awmpui tur a nia...





"A ngai lawm e taka kan mi hausa pa nen chuan enge in chanchin" a tih chuan ka nui tawk tak, "a pangai" ka ti mai, sawi tak ah chuan min rawn phone a, Lydia-i te in a thlen tawh thu kha a rawn sawi a, ka haw veleh ka rawn call leh ang a ti a, tun thleng in min la rawn call miah lo darkar li lai a liam tawh, a la haw lo a maw ni le... enge a la tih chen chen ni, ngaihtuah thui duh lo chuan lu ka thing dat dat...."A that hlauh chu englo ih ka dah phawt" tiin ka chhan let hma hma chuan a dah hmak enge maw a hriat reuh le..





"Mambawih I thianpa a lo leng rawn chhuk la" ka pi chuan a rawn ti a, Ed-a a nih ka rin avang chuan phur takin ka tlan thla vat,
"nangmaw engtin nge kan in I hriat a"
vawin chhun lah khan engmah sawi lo in ka haw daih bawk sia, hmuh leh pawh a inthlahrun awm, "ka chhui che ka tih kha"
uang zet chuan a ti a ka nui ve suk...





"Tak tak ah vawin khan engmah sawi lo in haw daih sia ka rawn ngaihven che maw le, kawng laiah I lo tlu thlawp duai ang tih te a hlauhawm ve a, nge ni a inpa'n rawn kal a phal tawh lo zawk nge"
a va han tawng hlawk mai mai tak..
"Vawin vang kha ka tihpalh takzet" ka ti ve sup...




"thingpui min lum la ka ngaidam ang che" a tih chuan ka pi pawh a lo nui ve hawk, ka pu hi a hrisel vak tawh loh avangin khum ah hian a mu deuh chawt a, ka pi hi chu a la hrisel ve ang reng tar phunchiar ang chi kha a kal pel deuh tawh a, a zia phian.....





"lo thu rawh ka va lum lawk ang"
tiin choka lamah chuan ka lut a, "Mambawih tu nge a saw pa saw a chhiat loh reuh saw" nutei chuan a rawn ti lut a,
"ka hnathawhna a kan hotupa a nia"
ka ti liam puat, "achangtupa chuan a thik ngei dawn e" nui tut tut chuan a ti a, a sawi lan takah chuan ka thin a rim hlur tawh...




"Nge in intithiam lo zawk" a tih chuan 'thiam lo lo e' ka ti ve mai bawk, "Naktuk zan atang ka night tan tawh dawn sia ka va mu lawk teuh ange" tiin room lam apan zui thuai, a thusawi vang chuan ka tum loh deuhin ka nuih hawk phah...





"tikhan lo inkawm ru mut zai kan rel tawh mai a nge" ka pi chuan tiin a tho thurh a,
"khawnge midang hi" a tih chuan an room lamah an mut tawh thu ka sawi a,
"ka rawn leng tlai deuh anih dawn hi nidangah chuan chaw ei tlang nghal turin ka rawn leng ang" fiamthu zet chuan a ti a, a tawng duh in fiamthu a uar a, kan hotupa mah nise keipawn pawn lamah hi chuan ka ngam ve viau...




"I thingpui siam chu chini in ngah deuh a ni maw" a tih chuan ka melh nghek tawngkam lah a thiam mai sia, "hna hi ka rawn thawh chhunzawm theih ka ring tawh lo" inthlahrun zet chuan ka ti a,
"Ka hria lawm inpa'n a phal kha ka ring tawh lo hrim hrim a" thawveng zet chuan a ti a, en mai hi chuan mi hausa fapa chapo ve tawk tak a ang a, Mahse kawm chian chuan fiamthu duh tak leh tawng duh tak a nih leh ang lawi a....




"Thian chu kan la ni thei tho ang tiraw"
a tih chuan ka bu zeuh, "A that chu, mamawh I neih chuan min dil hreh lo la I nu a dam tha lo tih ka hria a, inenkawl na tur sum I mamawh pawn ka pui thei reng che a nia I hlawh pawh naktukah rawn lam la" a tih zawm zat, Pathianin ka tan Angel a rawn tirh te hi a ni mai lo maw le, ka rilru chuan ka lo ti nghal mawlh mawlh...





"Ka va haw tawh mai ange, ka len rei lutuk chuan inpa a thinrim lutuk ang" tiin a tho thurh a, kawr thleng chu thlah in keipawh ka lut zui vat......"Enge a tih chen chen ni" tiin phone chu ka melh leh nghek thin dar sawm a ri tawh a, tun thleng hian a chanchin pawh mi la rawn hrilh eih lo...





Bathroom ka lut tur chu ka message tone rawn ri khep ah chuan ka ban vat ka thil hmuh vang chuan ka meng phawk nghal hrâ, a tak a ni thei lo ang an inthen tawh ani lawm ni, ka mittui a hnam nghal sawk, "kan thil tih chu I hrethiam nghal mai em, I zei lo thu a sawi bawk a,a kham khawp I pe lo ani ngei ang, zanin chu ka lo kawl ve mai a nge"
a hnuaiah chuan a rawn thawn a, awih tur nge tur loh pawh ka hre lo...





Lydia-i chuan camera chu kengin mut kawr pante hi a ha a, a hn*te pawh a lang tep tep, kawr ha lo in a kawngah Ed-a chuan a kuah run bawk, "A hma a mi pawh a ni thei a" tiin ka va thawn let a, ka thinlung Chan ve hian a awih a, a chanve a hian a awih lo bawk...





"I duh chuan a awih lo la,darkar 2 liam ta a mi kha ania, tunah enge a tih I hre duh em" ka chhiar zawh rual chuan a rawn video call nghal zat, "I rawn kal a kan lawm khawp mai hei a hma ai pawn a tha deuh tawh a, inneih lam te hi ti vat ula a tha ang" Lydia-i nu ni ngei tur chuan a ti a, Ed-a tawngbleh tum chiah chu "Ed zanin chu haw lo mai la" in la no fahran in Lydia-i chuan a ti a, "Lungawi suh ka awmpui dawn che lawm" dam thlup chuan a ti a, ka off nghal hmak..."min theihnghilh tak tak thei lo tih chu I hre chiang tawh viau lo maw" a rawn thawn chu ka chhang buai tawh lo, chhan dan tur ka hre miau lo a...





Vawikhat tal chanchin min rawn hrilh pawh chu a harsa viau em ni, ka mittui chu a far fep fep, kum 5 teh meuh an inngaizawng a a theihnghilh thei nghal mai kha mak ka ti reng a ni, a theihnghilh tak tak thei lo chu thil chu Lydia-i ngei pawn a sawi kha, ka naute vang chauh hian em ni ka kiangah a lo awm tak tak....




(zantin dah kan tum tawh anga amaherawh chu a sei reng thei dawn bik lo tih kha min lo hriat sak leh hram dawn nia....comment lo lo ka vua ang😂)


fakna hmet keuh



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)