Montagues and Capulets ch-3 ~ Kumtluang Par

Episode kal lai dah luhna

Moderator: writers

Kumtluang Par
Posts: 23
Joined: June 24th, 2021, 4:56 pm

Montagues and Capulets ch-3 ~ Kumtluang Par

Unread post by Kumtluang Par » July 27th, 2021, 11:26 pm

Montagues and Capulets
Chapter 3 🔭🌃
By. Kumtluang Par 🍁







Hmalam panin kei hian LalHruaimawia ka neih theih nan hian tan ka la tawh ngei ngei ang, a tu a mah kei hian ka Kian tawh bik lovang, ka room banga a thlalak ka tar tamtak chu ka en a, " Lo in ring rawh aw Rome, i thinlung na kha ka lo thawi dam em em ang," thlalak â a hmai a chul pah chuan ka ti chhuak sup a,








Ka room chhûnga ni zung lo lut chuan ka hmai chu a rawn chhun ser ser a, nizàn khan tukverh ka khâr lo tih reng ka hrelo, ka khum bula ka sana dah chu ka en vat a, 8:15 chiah chiah ani.






Ka tho chhuak nghal vat a, in ti fai sawk sawiin in hnuai lamah ka chhuk thla nghal a, ka Pa leh ka nu nên chauh kan nih avang hian kan in chhung hi chu a reh ve thei khawp mai, ka pà zing 'work' pawh alo haw chiah aniang , " Kha, i muttui thei maw," kawngka a lo luh pah chuan a ti nghal vat a, " muttui lutuk, " tihpahin ka lo nuih nghal var var a,







" Nizan lam kha chuan i dik chiah loh kha maw, i bialpa nen in in then aniang chu inu nen kan lo ti hman a lawm," nui huah huah chung chuan a ti leh nghal zat a, " Pa; i ninawm, min ti ve ziah suh aw, ngaihzawng ka neilo tih te chu i hriatve tho kha," Choka-a luhpah chuan ka ti nang nang a, a fanu hian ka neilo tih a hre Chiang lutuk a, ngaihzawng ka neihtheih nan min tawngtai pui hial zawk ang chu mawle ,



" Pa, vawiin hi i van tlai em em," ka pa bulah chuan ka ti leh hnu hnawh a, tuk dang chuan 7:00 ah in a rawn thleng leh hman tawh thin, " nia, thawh ka haive deuh alawm mawle, naktuk atang chuan nangpawn min rawn tlanpui ve tawh la atha ang," tuiin paha a tih chuan ka peih loh thuin ka lo chhangvat a, zing thawh hma te zawng hnàa neih chíah ka ngaive tlat ,






"Bible pawn engtin nge a sawi kha 'misual chu um lohin an tlan thin' a tih kha maw, ka tlan dawn lo hrim hrim," uang deuh tak chuan ka lo tih khum a , ani lah chuan " ni ve tho mai" min la tihsak ang khut a, ka pá hi chu ka pa ve liau liau ka ti lo thei lo, a fanu min tih dan vel hi chu ê thiam tak ani thiam tak, ka nu te hi a bulah chuan a thinrim rei thei ngai reng reng hlei nem, a tlangval lai pawha a zei ngawt ania ka rin ni.






College kal tura ka in peih vek hnu chuan ka room chu ka chhuahsan vat a, ka pa pawh rei vak lovah an room atang hian a lo chhuakve nghal a, " ka fanu tê hi mipa ho chuan chhelo an va ti leh dawn em," ka pàin min hmuh chuan a ti nghala ,






" Ninawm pa," tihpahin ka pan phei nghal a, a bul ka thlen chuan a darah kuahin kan chhuak ta nghal a, motorah chuan ka lut nghal vata kan tlan chhuah dawn chuan ka nu chu ka bye bye leh phawta, ani pawh chuan bàn vai lauh lauh chungin min lo bye bye let a, ka nu hi a khua har ve thei ngawt ania ka rin ni, ti hian a mah te chauh hian a lo awm rek rek zel bawk sia,






Ka pain ' Rome-a te in lamah pên lawk ka ngai' a tih avangin College lam pan hmasa lovin Nutei te in lam chu kan pan hmasa leh phawt a, nimin tlaia an in a ka thlah bak kha nizan lamah ka be leh lova , engtin nge alo awm chhunzawm ang tih tak ngial pawh ka hrelo,






In chhung kan luh chuan Nutei bulah Rome-a awm na ka zawt nghal vat a, " a la tho lo a ni awm e, han kai tho nghal mai teh," Rome-a room lam chu ka pan nghal a, tun thleng thleng a la thawh loh mai college kal te pawh a tum lo a mawni reng reng ni.








In chung lamah hian Room pali a awm a, Pahnih chu mikhual room a niang, Rome-a room bul chiah hi a nau room a nia; mahse, hetah a awm lo, Rome-a pa hian hmeichhe dang laka a neih a nia, Nutei nen an la in neih hma tho ni mahse Rome aiin kum hnihin a naupang, kan in rual chiah a nih chu,







Rome pian hian Nutei leh Papuia hi an ka in nei mai lova, Rome kumli a tlin na ah chiah an in nei, hmeichhe dang laka a fa neih pawhin a tibuai vaklo ni tur ani, a fanu chu Ramdangah lehkha zirin a awm ve thova , hri vel avang hian ani pawh rawn chhoh a tum vein ka hria,







Room kawngkhar chu ka kik kharh kharh a, min chhan loh avang chuan kawngkhar chu kan nem chhina a lo in kalh lo hlauh e, a roomah chuan ka lut nghal a, Hmmmmmm ka rindan chiah , ka pan hnai nghal vat a, kawisawi zet hian a lo mu chu niin, " Rome, tho teh," tihpahin ka sawi nghal vak vak a,






Chutah a mit chu a lo meng siar siar a, min hmuh chuan mak a ti deuh nge a meng nghal awk a, chutah min pawt nghal sawkin a âwmah chuan ka bei a ni nghal der , a khabe chu ka luah a nghat a, min kuahbet nghal hlu hlu a, chet pawh ka che ngam tawh lo, thil thlendan rang thei lutuk hian min ti hrilh hai lam mah thin chu ani .







" Nang te reuh hi i ngaihawm ve thin ngawt mai ," dak chhovin ka en nghal vata, a lo kiai suk a, a zing tho phang hmel te nen lam hian a tha mah mah ani, " Rome, nuthlawi vang kha chuan min ngaih kher angai lo aw," ka lo ti deuh hmuk a, nuthlawi vang mai mai a, min ngai turin ka duh teuh lo mai,








" Nuthlawi maw," tihpahin za lo zet hian a nui chhuak hawk a,a nuihzawng chuan nizana a zu thing rim kha a nam chhuak hawk a, ka lo ner nang thung a, a ni pawh chuan akutin a hmui a hup nghal vat a,







" Nuthlawi vang mai maiin LalHruaimawia hi a talbuai thin ami," hmui hup chunga a tih chuan ka lu ka lo thing nar nar a,a chhan pawh Rome hi chutiang mai mai laka talbuai tur khawp a nepah ka ngaive thei meuh lo, Nutein a sawi kha chuan ka ring ve deuh kha ania; mahse, mut hmuna ka hán ngaihtuah chian khan ni thei ngangin ka hrelo ani,








" Nuthlawi lo pawh an tam khawp a ni lawm ni, chuvang chuan nuthlawi vang mai mai chuan ngaitawh su aw," tihpahin ka biangah min piai zeuh kher a, min kuai herin a sirah chuan min mut thlak tira, " ka va in tifai a nge, ti khan lo mu rawh," tihpahin a tho nghal vut a,







" che ve tawh bawk la," bathroom a luh dawn chuan lo hawi let lehin chimawm zet hian a ti leh khera, nichina tang khan ka la che miah lo tih ka hre chiah, min tih ang ang khan ka hrilhhai lutuk avangin ka lo awm ngawt a,






Kan awmdan teh thut chu ka ngaihtuah leh a, nuam ka ti thar riau peka, khatia in hnaih taka in kuah chial te kha anuam takzet, chuan Nuthlawi vangin zu a in lo bawk a, hei tluka thu lawmawm a awm kher nang, Nutei ka hrilhve ngei chu a ngai ang,







Khumah te hian zuan vak vak mai ka duh ania, Rome room hi ka room aiin a zau zawk a, ka room pawh a zau viau kha ania, a room-ah hian mamawh tur ang hi chu a awm kim deuh vek, nuam tak ani, kei ngeipawh hian ka room atan ka awt ania,







Bathroom ri khepah chuan ka hawi nghal vata, Sam hnawp chhapa lo chhuak chu a chethla ka lo en reng a, ,a bathroom-ah te sawn thawmhnaw dahna a awm thlapa , nichin pawn a ken luh miah loh kha, ha fel thlapin a lo chhuah hi, he room ka duh zia hi chu aw, ka naupan lai a tang reng a ka duh tawh kha ania,








" Kha, hei hi lo ak teh," a bag khai kang va chung chuan ati a, " eng atan" ka lo ti heu a, lehkhabu ken a tum nge, keipawn ka Keng lo hrim hrim , " i lo kal ta rau rau, hei tal chu i ah ngei ngei angai, " nuisuka tiin a bula lehkhabu chu a khung nghal mawlh mawlh a, a la khung hnem em em zui, a chhah hlawm si,







" Lo kal rawh le," rum deuh hian ka lo melh a, hepa han sual thiam dan em em hi chu, " Lalhruaimawi , suala ," tihpahin bag chu ka va ak a, awi! Ka bag ah tawh zawng zawngah a la rit ber, a la puar luk zui a , ah pawh a hreawm zawk ,







" I in hmeh kha," nuisuk chunga tiin ka darah min kuah nghal thak in min chhuahpui ta nghal a," i ninawm min ti duh dah," ka lo ti teu hlara, Rome min kuahna chu phelhin Nutei bulah chuan ka tlan phei nghal vat a, Rome chu va en leh phawtin ," A zuin na chhan kha nuthlawi vang a lo ni hlei nem," a beng bulah chuan ka ti sar sar a, Nutei pawh chu a nui nghal uar uar a,







Rome lah chu ngaihna hriatloh hmelzet hian kan pahnih chuan min en a, keini lah kan nui lui emaw tih theih tur khawpin kan lo nui nasa , " nute, kan kal mai ang aw," nuih insum tak chuan ka ti a, Rome hmela hrilhhai hmel saw hmuh a nuam lutuk ,






" Ngati lek luk nge i bag chu," Nutein a tih chuan " hepa hi lawm Nute," Rome kawh pah chuan ka lo ti nghal vata, " e, taka Nute, khawnge ka pa," ka hawikual nghala, ka lo theihnghilh daih a lawm le," i Papuia nen an la in bia a nih kha, ka lo hrilh mai ang," keini pawh chu kan chhuakve nghal a,








" Rome, bike khalh min zirtir teh a," a bike a lawn pah chuan ka ti a, " zirtir tir i ngai ami, i pa tho alawm ," a tih chuan a hnunglam atang ka lo melh vak a, darthlalang atang chuan a nuih tih pawh ka zuk hmu thei, " kan zir dawn nia," tlan chhuah pah chuan a ti a, keipawh chu a kawngah kuahin ka thu rem sauh sauh a, a hnungah chuan ka bei nghal daih a,








College thara luh ka peih loh na ber pawh hmelhriat ka neilo tur kha a nia, Rome nen kan in pawh leh tawh hlauhva a zia, ni lose chuan a hreawm leh ngawt ang, thiansiam thiam zawk zawk ka lo nilo bawk nen,







College chhunga luh hmain Rome chu thil ei hmasa turin ka ti tlat a, zingah a la ei lo miau a, " a ngailo sin," ti nung nungin Canteen-ah kan lut leh ta thova ,







Thil a ei chhungzawng chuan a bulah ka lo thuve a, midang awmve ho lah chuan min en duh hlawm khawp, hmeichhe thenkhat kilkhata lo phun ser ser tawk lah bo lo, hethil hi chu mizoram mai pawh ani lo, khuta ka zuk awmna ah pawh khan an hratve lutuk ,








Ka bagah puar lutuk vang nge, kan tawh apiang te chuan min nuih ni mai hian ka hria a , chutah Rome chuan ka bag-ah lai chu la thlain a man a ak daih a, ka darah min kuah chungin College chhung chu min luhpui ta nghal a, hmeichhe thenkhat min ei loh hmelzeta lo ner nawng nawng te chu ka hmulo der hmiah ,








" Office lamah heihi dah angai a," a hnung en zeuh pah chuan a tia , min kalsan nghala keipawh chu nimin lama ka thutna ah Khan ka thu leh a, Rome lah chu a rei zek mai leh nghal a, a ninawm lam mah ani,







" Tunge ka thutna hmunah lo thu hi," ti tu a vang chuan ka hawichho nghal vata, ka hmaah chuan hmeichhe pathum hi an lo ding reng chu niin, ka lo hre reng reng lova ," nimin ka kal loh chhung lek khan ilo thu hmana," nui ro halh chung hian a lai a mi chuan a ti khera,







" Awh!ka lo thu tawh sia," tihpahin ka melh let kal a, hetiang inbiak that hmasak pawh awm lova min ti nghal pawng pawng thin ho hi ka ngaina lo, chutiang bawkin a hmel inno hmelzet phena, a rum theiang bera min melhna te nen lam hian ,







" Hruaia lo kalpui kha ani in ka hria," a bula ding pakhatin a tih sar sar chuan ngaihsak duh tawh lem lovin ka hawisawn daiha, Rome duhtu te bak va ni suh, tianghi chu a bula ka awm dawn chuan ka tawng leh reng dawn tih ka hrenghal mai,







" Thu sawn nghal rawh , ka thudawn," chunu pawh chuan a ti teu hlâr reng a, keilah thut sawn ka tum lo hrim hrim, thutna bik pawh a awm hleinem ka tive tlat,







Rome lo lut chu ka thutna atang chuan ka lo hmu thei, ka hma ami te erawhin an hnung chhawn avangin an hmuthei lo mai mai ani, chunu inno hmelzet , thinchhedeuhi chuan min an khum bawrh bawrh a, chhan enah pawh ka en lo








" Buaina a awm a mi," Rome chuan min en chungjn a ti sup a, " Hruai, henu hi engvangin nge ka thutnaah a lo thutve ringawt ," Hmmmmmm, 'flimstar' kan College-in kan lo kawl reng ani tih ka hre thar bawk e, tunah chuan mittui nen a nih hi Rome a en leh daih tak ni,







" Chuvang chiah chu maw,"a tih chuan a lo 'aw' nghal vata, " i thuchak viau ami," Rome chuan chunu enpah chuan a ti leh kher a, chunu lah chuan a thutchak thu a lo sawi ve mial mial bawk a,






" Nih chuan thu ta che," tihpahin Rome chu a thle buka, chunu lah chuan in ti theife hian min lo melh nghal a, " a sawi chu i hria maw," tihpahin tho turin min ti nghal a, ka van ngei mai mai tak e aw,







Henu hmaah hian tlawm ka tum lo hrim hrim hi ani tawp mai ani, ka la thurenga midang awmve ho lah chu kan chungah an mit a fu thup ani mai, chunu pawh chuan luhlul min tih hmelzet hian min melh a, Rome thleng hian ka ngei zo vek tawh,






Ka hmaa dingve reng mipa chu thinrim zet hian ka melh a, henu hi hmundanga thuturin hrilh mai sela chu a felvek ni mai tur, mi hmaah ka tlawm lo bawk anga, tlawm nih hi ka duh lo hrim hrim bawk ,







Rome chu min en chungin a kiaisuka , chutah lo kunhniamin min tungtho nghal zawta, keilah chu ka lo tang ve hlar a, " le, Bawihi tang tang mah ta che, helai chiah hi kan pahnih thutdunna tur hmun a awm hlei nem, a duh chu lo thu rawhse," nuihzat hmelzeta min melh pah chuan a ti sup a,







Keipawh chu ka in thlahdul ve chawp chilh nghal a, ka sira dingnu chu enin kan nuih letve sak kha, engvanga vawiin taka Rome hi ka chunga tha ta viau nge anih ka hre lova, engpawh chu lo nise a mi duat nih hi a nuam takzet,








Ramhmangaihi POV






" Nangnu hi maw, kan Hero chu," Hostel thlen hmaa hmun reh deuh laiah chuan hmeichhe pakhat hian mizo tawng ngei mai hian ngeiawm rawng kai lek lek hian a lo ti a,






" Hero tur chuan eng ka ni love ," ka lo tive nghal zat a, a vai thian te nge a bulah chuan hmeichhe pathum an awmve bawka, an vai chuan ka sawithiam dan berin 'tlereuh fakna' tih hian a fun kim ber ang,






" Ohhh, kan senior te pawh kha ilo sawp zero a ni awm a," thil tenawm tak sawi ni awm hian a ner nghal nang a, " chuan Tradis kha ka ta tur anih kha," a tih leh hrawk chuan kei leh Isakina chu kan lo meng buai nak thing, Tradis hrelo miau hekin ,







" Travis zawk ania," a bula miin in thlahrung taka a lo tih dek dek chuan ka hmaa mizo dingnu chu a teu leh ngal hlara, Travis hming mai mai pâwh chutiang anga hauh chunga a sawi dik lo chu nuihza duh tak ani ringawt ,







" In buai lohna turah inbuai niin alang," tihpahin ka kal tlang nghal a, ngaihtuahna erawh a ti thui duh khawp mai , mizorama awmve dang te nena in ngaihtaka awm ka lo in rin ve na te kha chu khutak khutah ani mai,








Ka mizo pui ngei maiin vai ho hmaah kha ti khan min ti ania, English a hman loh hram ka beisei, Travis a sawi chhuah takah chuan vawiin lama a khawsak dan vel mit thlaah a lang lo thei lova,







A chezia nuih zathlak reuh tak te kha, amah ai pawhin a thianpa kha a la jocker zawk nia mawle,






Ka mut a chhuak, pangai takin kal kan tum tawh dawn ania aw, chhiartu an tam lo tih pawh ka hriaa, mahse taima taka hlawhtling taka complete hram kan tum dawn nia, muttui u😘



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)