REMRUATSANGI# CHAPTER 9#

Episode kal lai dah luhna

Moderator: writers

Becky khiangte
Posts: 69
Joined: April 30th, 2021, 12:12 pm

REMRUATSANGI# CHAPTER 9#

Unread post by Becky khiangte » July 28th, 2021, 6:24 pm

Remruatsangi chu sitting roomah mittui tling kiau in a lo thu a, a pa lo lut chu a lo melh zawk a.
"Engtinnge , ani kher kha i lo kawp theih, pa ,ka hrethiam thei lo, mawh ,min chhang rawh,"tiin a lo hrawk tawn tawn a.

Apa pawh in engmah sawi tur a hre lo. A ngawi ngul a, a khap fuk fuk ringawt.

"Naute, ka"

"min ko tawh suh, i fanu nih pawh hi ka zak lutuk."
A tap pur a, a hmai a hup tlawk tlawk. Vawikhat mah hetiang hian apa hi a la tawngkhum ngai lo.
Mahse, tunah hi chuan a thinrim em a, a pa pawh hi a hlau zo tawh lo ani.

"kha ramhuainu avang khan ,kei i fanu hi min dahbo ani tih hi i ka in i sawi hma in ka hre daih tawh.i tan hian ka lo hnawk hle ani maw?"


Pu Hmahruaia chu a inthiamlo ve takzet, a fanu hi thinrim a chhang ngam miah lo.


"Bawihi, ka naute, min en teh, ka thiamloh ani.ka lung hi a leng ve em a, bakah" Remi chuan a lo pawtchat leh a.

"Pa, thui tak chu ka hrethiam che alawm, mi pangngai, kei pawhin nu anga ka en ve theih tur te chu ni se, ka pawm vek ang, mahse, kha nu kher kha chu ka pawm thei lo hulhual ani." a ti ta a.

Pu Hmahruaia chuan, "Ni e, a lo zei ve hrep si a, ka lunglen min hnem thiam bawk si a, ka thiamloh ani" a ti ve ta thlawt a.


Mapuia a lo lut ve bawk.Apa hmel ti deuh dui chu a en a, a nau hmel a en leh.

"engnge,"zawite a tiin a va signal zeuh.

Remi lah chuan a lo thup buai duh tawh lo. "u, ka pa bialnu ka hmu a, Lalhmaa nupui hual kha a lo nia, Mawizuali"
Inkuahkuah atin a lo ti a.


Mapuia hmel chu a dang nghal zar mai."Ka pa, engkim han sawifiah teh le, ka zak hle mai" a lo ti ve a.

Pu Hmahruaia chuan,"Ka fate u, ni e, kei hian ,kha Mawizuali kha nula emaw tiin ka lo kawp a, mahse, vawiinah khan ka mualpho zo ta anih kha , ka tihpalh lutuk, ka tizak che u a, ka inthiamlo ngawih ngawih ani, min ngaidam rawh u"tiin a fate hmaah chuan a thingthi ta tawp a, a tap tlawk tlawk mai.

Asst proffessor, mite zah kai em em, a fate hma a inchhira a tap tlawk tlawk mai chu a fahrinte pawh chuan en har an ti hle aniang chu.

"Pa, tho rawh, kan ngaidam vek che, nangmah vang chauha he dinhmun hi thleng thei kan nia, min hmangaihna leh min enkawlna ah hian kan lawm asin.tunah chuan,nang pawh nuntharin i nung tawh ang a" Remi chuan a ti a.

Apa chu an unau chuan an kaitho a, an inkuah a,
"ka lawm e, ka fate u, in pa nih hi ka lo tling lo em ani, Ni e, kan chhungkua hian inhmangaih dial dial ila, tawk mai." a ti ve a.

An inchhungah chuan lawmna in par a chhuang leh ta.Engmah thuruk leh inthup awmlo a an han awm chu an zang huai hlawm mai.An hlim ta takzet ani.

Mahse, an hlimna chuan engchen nge a daih ang le?
Mawizuali te nufa an che ve ngei ang le!!

Lalhmaa haw ta chu a thinrim bawk a, in a thleng hma hle mai.

A hmel ngun taka lo entu pi Zami chuan," Bawiha , thil diklo a awm ami"?"a lo ti vat a
Lalhmaa chuan dawhkan chum burin a chalsam a tuai thur zauh a, meng rum ul in," In chak ta e, ka nu, kei hi bumin ka lo awm reng ani."a ti a, a thaw hak a.

Anu chuan,"thudik chu i hre ta maw?" a alo ti zuai raih a.A fapa chu lainat takin a melh tlawk tlawk a.

Hmaa chuan," J a khan min hrilh tawh a, ka mit ngei a ka fiah loh chuan ka awih lo, ka ti a, vawiinah khan ka va fiah ta ani." a ti a.


Thutthleng seiah a thu a, a hmai a tuai puat a, a tukhah a kut suihin van lam a hawi a, a chhing vang vang a,"Ka va han tlawm em, ka zak bawk si. Heti te chuan Remi pawhin min hmusit vek tawh ang" a ti leh a, a khawngaihthlak zawk.

Pu Laihnuna chu a nupui leh a fapa thawmah chuan room atangin a lo chhuak ve a.

"in va ri nasa teh hluai ve,nangni nufa chu , engnge ni ta hluai, mama?" a lo ti ve a.

Lalhmaa chuan,"Ka pa, ka tlawm e, in thu hmu lovin nupai hual ka lo nei ringawt a, tunah a rah ka seng mek anih hi"a lo ti thlawt a.

Pu Hnuna chuan," Bawiha, lo kal teh, thutlukna chu i kutah a awm e, Then rawh tih ringawt ai chuan khatia thudik i mit leh beng ngei a i hriat khan i tan thutlukna siam a awlsam zawk alawm. Tunah chuan puitling i ni ve tawh a, thutlukna siam thei tur i ni tawh" a lo ti dap dap a.


Hmangaiha chuan,"A dik alawm, ka pa, thudik chu ka hria e, keima thiamloh vek ani.Englo ania.... Kan chesual a vawikhat, chu vang chuan ka inhualpui ringawt alawm." a ti ta nge nge.

"Bawiha, kan thiamloh ani e, i mal em a, kan lo duat luatah che thil awmzia kan lo hrilh lo che ani.tunah chuan i harhchhuak ta bawk a, i thil lo tihsual te chu Pathian hnenah ngaihdam dil la, anin a lo ngaidam dawn si che a.nun fimkhur nan i hmang tawh dawn nia," a pa chuan a ti ve bawk a.


A room panin a chho va, a rilru ah Remi a awm reng a, mahse a be ngam tawh lo.
Eng rilru nge a chungah hian a put tak ang hre pha tawh lo ani.

***********************


Zuali chu taxi la in thinrim leh zak takin a haw a, a thiannu Siami te in ah a lut a," Ka thin a rim lutuk, phuba chu ka la la khawp ang" a ti tawn tawn a.

Siami chuan,"relax, relax , enge ni ta hluai a, nang meuh khatia i han an tak hluai" tiin a thiannu thinrim beng daih tum chuan a lo kuah thu a.

Zuali chu a thu ve mai bawk a, " A vawikhat nan ka tlawm ve tlat, mahse, engnge ka tih theih lo en rawh u, in pafa khan, in nuamsa rei hauh lovang" a ti leh a.

Siami chuan, " Min han hrilhfiah deuh teh, ka bo hle mai" a lo ti leh a.

"A fanu in min manchhuak anih chu, chuan kha kan proffessor, mi nep lutuk khan an inchhung ka luh pawh phal lovin min haw tir,ka va han tlawm tlawk2 em!" a ti a..

Siami chu a chek tlak tlak a, "i pasal hual a la awm alawm, lungngai mah ta che" a ti a..

Zuali chuan a kut pharchhuak hluaiin ," kha mi laktlakloh khan kan inhualna a chhu chat nghal vek alawm, a lo awm ve a, kan proffessora fanu thianpa a nia, an pahnihin min manchhuak alawm" a ti a. A kut thlek vung vungin," a zungbun pawh ka pe let, a mah vawm hman nan ka hman tak kha. " a ti leh a.


Siami chuan a kut zungpui lo ti pir vah in," ka tan lutuk che, I titha e, Nangte chu tlawm ve ngailo i nih kha, tlawm thu sawi reng reng suh" a lo ti ve a.


A thinrim zualpui a in hrikthlak hnu chuan an in lam chu a pan ve ta mai a, zankhua in pu Hmahruaia laka phuba lakdan tur chu a ngaihtuah ta char char a.

A tawpah chuan a hrechhuak ta aniang chu . Lawm takin a khi ver ver a.



Remi leh Mapuia chu christmas bazar turin an chhuak a, inchhung cheina tur leh anu thlan a pangpar dah tur leh Remi thawmhnaw lei turin israel point ah an chhukthla dun a.

Bazar a tawt tawhin, kawngsira thawmhnaw sale leh sim card nung sa zuar pawh an bengchheng leh chuah2 tawh khawp mai.

An thil lei tur an lei nual hnu chuan Remi chuan,
"Ka ril a tam e, dawrah chawl ang" a tih avangin sanpiau dawrah bawk chuan an chawl leh ta.

Mapuia chuan," sanpiaulian, he dawr hi chu i ta ni tawh awm tak ani" tiin a nau chu a fiam a..
" engnge, a tui em alawm, bakah hemi te hian an siam tui bik a, nang pawn tui i tih ve tho kha" a ti ve mai a.

A phone chu a khawih neuh neuh a.No hriatloh atangin msg a dawng a, video a lo ni.
A download ve mai a, a phu zawk mai,a pause a, a khur der der.

A nau awmdan a hmuh chuan Mapuia chuan phone chu a chhuhsak vat a, a en ve nghal .A thil hmuh chu hmuh duh ngai reng reng loh ani.

Apa, Asst Proffessor chuan sex video a lo nei a maw??

A send tu dp a en a, vaki lem ringawt a lo dah. Mahse, rin chu a nei ve tho..

An unau chuan an inbe tawh lo, rin dan an nei ve ve, mahse, kha video kha a lo leakout tawh ang em?.

Msg a lo thleng leh.
"He video hi a darh i duh loh chuan i pa nunna chhan turin hotel Ahimsa ah zan dar 11 ah room no 102 ah cheng nuaikhat kengin nangmahin lo kal ang che police i hrilh tur ani lo, i hrilh chuan ipa nunna in tuar ang"

Mapuia chuan a phone ah msg chu a forward nghal a.

An eitur chah a lo thlen avangin ngawi rengin an ei nghal a, an lo lut lam lo hmu a, lo en duh em em tu an awm tih an hre miah lo.

Tawk phawt se, dahloh aiah ka lo dah.min hrethiam ru.
Vawiin hian ka thianpa ka sun a, ka engtih mah a tui lo..Amah thlahna ah ka kal pha si lo a, group a video leh a zai ngaithla in ka lo sun ve keuh keuh a.ka chau tlat.

Zirtawp zanah ka rawn up chhunzawm leh ang.
Chuan, ka thianpa, c.puian a boralsan tak a nupui leh fapa tan in lo tawngtaipui ve theuh dawn nia🙏.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)