ARABELLA PART-4

Episode kal lai dah luhna

Moderator: writers

Rosy Lalhriatpuii
Posts: 25
Joined: August 31st, 2020, 8:36 am

ARABELLA PART-4

Unread post by Rosy Lalhriatpuii » July 28th, 2021, 7:07 pm

PART 4


Remruati chu reply lem lo hian Zomuanawmi chu ka call nghal…a ring ral ṭhak a,ka ti nawn leh ngat…a tawp dawn ah ala ta hram… “aw ” a rawn ti sep, a aw chu ka ngaihbel vang nge a ṭi dâk hian ka hria.


“Vawiin ah khawnge I kal?”


“in sûm hram hram rawh” ka rilru in ka sawi char char….ka ngaih ang hi a nih loh chuan ṭul lo ah ka ti thinrim ang tih ka hlau.


“Ka leng a” chu zawng chu.


“Min hrilh lo in maw….tu nen??” Min chhâng lo.


“Tu phiangsen nen nge in len Zomuanawm?” ka ti hrawk a…ka in sum hman lo.


“Alex…” a rawn ti ringawt a.

“Tu nen nge in len..sawi..rawh..Ari” ka in thunun angai.

“In ṭhen ang”

“Eng maw?” ka hriat loh vanga zawt ka nilo.

“In ṭhen ang”

In ṭhen a duh anih chuh!!

“I duh a maw?”

“Aw”

“A ṭhat chu” tih pahin ka off nghal hmak.
.
.
ka um zui ang maw??nilo ee….duh hle mah ila,Hmeichhia min ṭhen hmasa tu um zui duh tur khawpa nêp ka nilo, bàkah mi rinawm lo hi ka hua….ka ten bawk,ka umzui lo ang, engtikah mah.



Hmeichhe dang ang ani lo ah ka ngai ṭhin a,danglam bik niin ka ngai ṭhin. Mahse, midang aiin a tenawm zawk..thianghlim taka lang, chhungril tenawm si…chutianga ka ngaihtuah chuan ka chuap a so bawrh bawrh nia ka han hriat chu!



Ka in bengdaih deuh hnu ah ka ngaihtuah chiang a Mipa dang vanga min then duh thut chu ka ring thiam thei lo, ka ring duh lo ani mah zâwk. Min hmangaih a lâwm, chu chu ka Chiang. Thil engemaw min hrilh ngam loh buaina a nei a nih rinna ka nei thut, ka phone call a chhan duh loh vangin Laltei ka va bia a.



A ni chuan Zomuanawmi awmdan a hriatthiam bik loh thu leh theihnghilh mai turin min lo hrilh. A tawk e!


Ni a liam a,kar aliam….ka duhthlanna chu nise theihngilh hmak ka duh….mahse,a nui hmel,a aw, a engkim ka ngai ngawih ngawih thung si. Hmeichhe pakhat vanga hetia awm chu a tlâwm thlák ka ti a, mahse..ka duh ngawt chuan ka awm thei Chuang hauh si lo.


.
.
Ka ṭhianpa, ka thawhpui tho Rajesh-a a bialnu birthday ania…min sawm nasa si a,ka kal loh a hlau in a bialnu chenin min rawn call tir. Ka kal ve hrâm a,In-a awma in ngaihtuah ngut ngut ka peih lo vang ani pakhat.


Rajesh-a bialnu Shruti hi Chandigarh lam mi ania…Hotel-a thawk,ṭhian ho a in luah an nia, a birthday pawh an Apartment luah ah an lawm ani.


Kan vaiin mi 10 kan nia, Rajesh tih loh mipa dang pahnih an telve a,abâk chu hmeichhia vek an ni. An apartment luah chu ka apartment luah lakah chuan zau hem hem tak ani.


Rajesh-a te chhungkua hi Gujarati hnam an nia, an hausa hle bawk. A bialnu Shruti te hi Bengali an ni thung a,middle class pangai ve tak an ni.


Rajesh-a te chhungkua hian an chhungkaw ṭhian hausa zet fanu Rajesh-a tan hian an hual sak daih tawh a, Chu chu a bialnu Shruti pawh hian a hre ve vek tho. Mahse, an la in hmangaih em em reng tho chu mâk hi ka ti thin.


An awm dan ber chu Inneih lam leh hmalam hun ngaihtuah an duh lo a,an tun hun, an hun neih zawng zawng hi âm taka hman an duh dun ni ber hian ka hre thin.


Vodka chu Glass no ah vûr tlang dah in no khat par in ka thli chhuak a,ka tlak nghal pawp…no hnih…no thum…ka dose a san tehreng nen,ka lu a rawn hai nghal cham cham mai…ka in khât ve bawk êm a tinni. Zanin chu kha hmeichhia, Zomuanawmi kha theihngilh ka duh.


“Bro….ti teh,sawng ho zing ah sawn Shruti tih loh ah I duh duh thlang rawh I ta a ni nghal,” Rajesh-a chuan ka bula rawn ṭhut thlak pah chuan a rawn ti a,midang lâm lai chu ka thlir kual a.



“I Shruti kher hi thlang ta si ila,” ka lo ti fiam a.



Phâwk zet hian min rawn en a, “Hey….i ti tak tak maw?” a rawn ti haw mai...hepa hi chu a mawl deuh hrim hrim,fiamthu hre hrang thei lo lutuk mai.



“Geezz…ka fiamthu nihkha” nui huk huk a ka tih chuan thawven huai hmel a pu…hepa hi chuan ka tan ui a nei ngai miah lo.



Shruti chuan lâm turin a rawn ko phei a,zei lo zet hian ka ṭhianpa pui roh chu a lam ve nghut nghut a,ka thil in lai in chungin ka nuih chur chur.



“Alex…tinge I ṭhut bik renga?” ka bulah min si chêt hian a rawn ṭhu a,a hming kha tunge khah?...Shruti in min in hmelhriat tir tawh kha mawle.



Ni tak ‘Reena’ a ni tak e,henu hot hmel zet-I hian zan ṭantirh aṭang khan min mit mei reng tih ka hria…ka hrelo der mai mai alawm.


“I lâm kha ka lo thlir che lawm…tinge I chawlh daih a…Ree”? ka lo ti let a,ka meng si sap tawh in ka ring.


Hlim zet hian a nui a, “Ree…maw?”


“I duhlo maw?”


“Aih…duh..duh lutuk” tih pah hian anui hak hak a…anui chuan thil..nilo..min ṭhentu kha min ngaihtuah tir..ka duh lo hulhual.


In ngaihtuah nawn duh lo in Hnaih thut in ka fawp a,a ring sa réng emaw tih tu turin min rawn fawp let ve nghal mawlh mawlh…a thil in rim hiar chem chem chuan min ti phur..ka thil in vang zawk nge?


Midang ho chuan min rawn ngaihven lem lo…a sama ka kut rawlh lut in ka fâwp ngawng ngawng a, thaw deuh hak chung hian “Room-a kal I duh em?” a rawn ti tham ṭiam a…ka Yes chiang hle. Zanin hian eng mah ngaihtuah ka duhlo,engmah!!



A champagne inlai tlak leh pawp in ka kutah min rawn kai a,ka ding chhuak chu ka pai chawn chawn mai,nui hak hakin ka kawngah a rawn kuah a,a dar ah kuah let ve in a beng bul ah ka kun hniam deuh a, “Min nuih em ni Ree?” ka zuk ti a..a za ti awm tak hian a dar a ti chhing zauh a… “Aih” tih pah hian anui ar ar a.



Kan in fawp ngawr ngawr a,ka jacket hak lai min rawn hlih saka,ahnuaia ka shirt hak lai nen…kei chuan a rem lai lai ah ka lo fawp ringawt a…khum ah ka bawh bet a,a kawrfual hak chhing zet chu hlim sak in a mal var haih chu ka chul kual vel ruai a…




Kun hniam a ka fawp leh tur chiah chu Ringtone ka hriat ṭhan em em mai “Do I wanna know?” tih Zomuanawmi’n min dah sak chu a rawn ri…ka ngaihsak lo lui tlat,a tawp ve mai ang.




Châkna vanga meng si sap chu ka fawp leh a mahse…chu hla phiangsen chu a tawp theilo! Reena chuan aning ve a niang “Damnn…Alex,phone chu..” nin hmel zet hian a rawn thaw hak a..



Phun hluk in ka tho a..pai deuh dawt dawt chungin ka jacket ip te a ka phone chu ka la chhuak a, phone screen a lo lang chu...’Arabella’.



Ka luhai zet chu…ka in thing nàwk a…engvanga min rawn be duh leh si nge a nih ang?karkhat lai kha ka nghak a…tunah min rawn biak a tum leh si a maw..?



“Alex…I rei..” Reena chuan no zet hian a rawn ti a…kan thil tih mêk kan la zo lo tih ka hrechhuak. Mahse…a mood ah ka cheng tawh lo,phiangsen chuan.



Henu hian phone call vang lekin ka mood zawng zawng a la chawk buai hneh chu nih hi. Reena chu chhang lem lo hian room balcony ah chuan ka chhuak a. Ka la tur chiah zu han tawp a…hrep chuan..ka call back nghal zat. Vawithum a ring hnuah a rawn la hrâm…teh hrep a!



“Hello” a rawn ti sep a,a aw ringawt pawh ka thlakhleh zia chu ka ngaihtuah duhlo lui.


“Enge min rawn call?”


“Umm..ahh…ka hrelo” a ti nawi nak a.


“Hun nuam tak ka hmang tur min rawn ti buai tih I hria em?”ka rui bawk si chu ka seh chilh deuh nawk a….a ngawi reng.


“I hria em?” ka ti leh hrawk a.


“Ka tihpalh” a rawn ti. Khanglang chuan.


“I tihpalh amaw? Hah…a englaiah chuan nge I tih palh?..min bum vang nge,ka hun hman lai min tih buai vang?..mawhhh?”


“Alex…tunge I biak a?”


Reena-I chuan ka hnung lamin min rawn kuah a,ka Ari…nilo Zomuani thikthu chhiat zia ka hria,kan in ngaihzawn lai khan hmeichhe dang lakah ka inveng nasa ṭhin anih kha…a thinrim ka hlauh ṭhin vangin.


Phone leh lama mi chu a thaw deuh hak a. “Ka tihpalh Alex…hlim ang che” tiin a dah nghal daih. Ka ding khawng reng ringawt…in sawi fiah se ka la ti fan a sin.


Min rawn zut sek tu chu a kut ka paih thlak sak pawp, ka sual zia hi!


“Alex…tinge a?” rilru nat hmel deuh hian a rawn ti sep a.


“Tihpalh…Reena,ka haw a ngai…hmeichhe ṭha tak i nia,ka bulah hun khawhral suh” tih pahin ka thawmhnaw ka ha sawk sawk. Haw a mut vang vang ka duh.



Kawngkhar ka pawh hawn dawn chuan ka hnungah min rawn kuah a,ṭap aw ṭiau hian, “Alex…zanin chauh chu ka bulah I riak thei lawm ni?ka ti buai tawh lo ang che” a ti reuh a…ka khawngaih ṭep,mahse…ka thinlunga hmeichhe awm reng hian min tihtir thei lo.



In-a ka haw hnu chuan ka mu thlawp…a aw ka hriat leh chiah khan hmeichhe dang ka kal liam tir tàk te nen a in ang lo tih ka hre chhuak,ka ngai ngawih ngawih ni berin ka hria...chu chu ka duh dan a ni lo hulhual. Beer chauh ina ka kawl vangin ka in belh leh a,a tawp nan…a tawp nan tak tak ka va call a,a tan chuan tlâwm ka pawi ti hlei nêm…ka pawi tilo maw?



A ring char char a,a la duhlo….Mahse, min block bik lo.Vawi 12 ka ring hnu in ka duhtawk! Ala tlem inti maw?tumah rêng vawi 3 aia tam biak tum ka la nei ngai lo a sin.



🎶’m a puppet on a string.
Tracing Island, Time travelling, Diamond cutter shaped Heartaches.
Come to find you four in some velvet morning. Years too late, he’s silver lining
Lone ranger riding through an open space. In my mind, when he’s not right there beside me
I go crazy cause here isn’t where I wanna be… and satisfaction feels like a distant memory, And I can’t help myself…
All I wanna hear his say is “ARE YOU MINE?”


Thiam lo zetin a zai lang lang a atawp dawn ah “Chuan…Alex..Ka ta I ni em?” tiin min rawn zawh zawm zat a…nui khur chur chur chungin ka lo “Aw” vat anih kha.



Bangalore a ka chhuk khan phone aṭangin min zai sak turin ka tih tlat avangin hreh zet in he hla hi min sak sak a,ka nui nasa hle.



Mahse khami ṭuma ka nui kha chuan a thin ka tirim lo,nui nasa sa ah a ṭang a…zai hi chu thiam lo a inti ve thlawt..mahse,chu a zai ka dahṭhat chu a hunlai khan khawvela ka thil neih zinga ka roh ber tur anih tih ka hre lo…auto repeat ah ka daha, ka ngaithla zawm zat… ka hriat loh in ka lo muhil zui daih a, ka mut theih loh changa min ti muhil ṭhin reng tu ani miau alawm.




Kristmas ah pawh ka haw lo, February thla ah ka haw ve chauh ka nu in min rawn ngen nasat êm vang in. Zorinpuia chuan hmeichhia in min ṭhen hmasa chu min nuihzat ka rin tehreng nen.



“Bawiha…Muanawmi saw chu i ta tur a ni lo alawm….in inṭhen hi a ṭha zawk” ati.


Awih lo zet hian ka melh a, “Engvang chuan maw….ka tan a ṭhat lutuk vang maw?” ka ti hul hak,ka lungawi vak lo hle.


“Hey…hey…chutiang ani lo,heii nang hi….”

“Enge keichu?”

“In ti em?”

“Eng chu maw?” ngaihsam hmel fê chuan ka lo ti a.


“In ti lo ang,in ti em ka tih chuuu… Fela?” nge maw a au chiam chiam ni.


“Ti lo…ti lo,lo ti pawh ni ila,buai suh” nuih suk pah chuan ka ti a.


“umm..nia, Muanawmi chu chutiang mi ani lo alawm” a ti sup. Zomuanawmi chu a hmingchhiat na tur ah ka la hum ṭang ṭang anih chu…ani’n engah min ngaih loh nen.



.
Ka pa hi zunthlum nei a nia, a in check up a hun leh tawh a,kan driver an khuaah a haw hlan a ni bawk si…. Ka nu leh ka farnu Miriami nen kan hruaia, Hospital chhunga luhve kher ka peih loh vangin pawnah ka lo nghak hlawm a.



Smoking zone ah meizu pah hian Mipui zi nuai nuai kâr ah chuan Nupakhat leh hmeichhe pakhat ka awmna lam pana rawn kal hi ka han hmu a…a mah kha ani.



Ani lo emaw ka ti hial…a chêr ta lutuk chu,thla nga vel chauh kan in hmu lo kha ni si a…a chanchin ngaihven ka duh lo a,ka hrelo rêng bawka, khapa nen khan an in zui reng em tih pawh ka hre chuang lo.



Ka bul an rawn thlen chuan Nu Kimi,Zomuanawmi nu chuan, “Aw haw…Alex-a chu I lo haw nimaw?” tiin min rawn bia a,ka Ari…Niloo Zomuanawmi nen kan in zui lai khan a chhungte nen kan in nel hman hle a,mi ṭha tak an ni miau a.



Zomuanawmi chuan hnuai lam a a melh char char..min duhlo tu zawk ni si chu engvangin nge min hmuh ngam loh kher ang? A nghawng a silver ṭhi rawn tle vat vat chu ka hmu a,ka pek kha ani tih ka hria…engvangin nge a la kawl reng ni?



“aww..karkhat lai ka awm ve tawh…enge in tih dawna?” Ka ngaihtuah na ti lang lem lo hian ka ti a



“Hei…kan incheck up lawk dawn anih hi…lo la leng rawh aw” ati ve maia.


“Nia…rawn la leng ang…I dam maw Muanawm?” ka ti kher a…chutiang chuan ka ko ngai lo tih a la hreve niang chiang zet hian min rawn melh chho a, “um..Dam lawm” tih pah hian min rawn nuih seih a, a nui chuan a mit a thleng lo tih ka hmu thei, a nui tak tak leh tak tak lo pawh a mit meng aṭanga ka lo la chhiar thei chu ka duh dan ani lo hul hual.



An kal liam chu ka thlir a,hetiang khawp hian engtin nge a cher hman tih ka ngaihtuah a,ka khawngaih thut…chu chu duh lo in ka lu ka thing nawk.
.

.
Zorinpuia nu leh pa an inneih kum 40 na an lawm dawn vangin…ka chhuk tur ni ka sawn tlai phah. Bâkah a hmanhmawh thlak lem lo bawka…ka chhungte phei chuan chhuk tawh lo turin min duh, an fapa neih chhun ka ni tawh si a.



Mu thei lo in ka let ka let a,Whatsapp ka hawng chu message ka check peih loh ho a in dawt thla zut…Contact ah ARABELLA tia ka save chu ka search a,a lo online ve vang mai…hmeichhia han block vel chu tlâwm thlâk ka ti a,ka ti ngai hauh lo. Ani pawn min block bik lo.



“Meng rei ve…” ka va ti a..ka zak awm hleilo e.


Minute 2 hnu ah “Nangpawh” a rawn ti let ve.


“A ni khan i kham khawp a pe che em?” ka thinlunga riak reng ka sawi chhuah loh chuan ka à thei mai ang.


“???” a rawn dah ringawt a.


“Sex” ka va han sual kher kher tak!
A off line nghal…min block lo chu mak ka la ti fan.
.
.
“I dawr chu a lûn ve fû nih hi”


“A neitu pa hi chhelo an tih vang ania” ati…a bân puam ah ka hnek pawp.


“Anaaah…Lalruatfel” a ti tuar a..a mawl siah…a bialnu mawng lian zet a hlau hepa hian.


“Zo-a,Hman ni ah Zomuani kha ka hmu sin, a chêr ta lutuk kha mak ka ti” Cigarette zu pahin kawnga lirthei tlan zut zut chu lam chu ka thlir a.


A rawn thâwk deuh hak chuan ka va melh a, “Fela…” a rawn ti ringawt a, thutak zet hian min rawn melh reng leh ta nghal.


“Heyy…nge a?..ka duh let leh vanga sawi ka nilo,ka hrechhuak a kaa..”


“Muanawmi hian AIDS a vei lawm” a ti nih chu!



"Zorinpui!!!!" Ka ti tuar ringawt.


Engmah sawi tawh lo chuan thutak tak zet hian min melh ta reng ringawt. Engthil maw a sawi kha?…Muanawmi’n engmaw? Engmah sawi tawh lo chuan Zorinpuia chu ka melh let ve ngur ringawt.


“ A dik alawm Bawih-a…Muanawmi’n AIDS a vei lawm” a ti leh a,a sawi zawi hle…mahse chu chu ṭek na tak rawn tla ang maiin ka beng ah chuan a ring thung.


“Dawt I sawi?” ka ti chhuak thei tâwk.


A lu a thing a, “Bawiha…hrilh che ka tum alawm, vawitam tak..mahse,Muanawmi hlim zia ka hmu a,chu ai mah chuan i hlim zia ka hmu, hmeichhe dang bula I awm dan nen a dang lutuk chuvangin ka…”


A sawi zawh hma in ka tho chhuak vut, “Khawnge I kal dawn?” a rawn ding chhuak ve nghal a. Ka bek ka tuai puat a, ka vei kual thuak thuak ringawt. Ka bîng mup mup mai…Zomuanawmi’n AIDS a vei anih chu!!



“Enteh Zo-a,I fiamthu anih chuan I fiamthu tih sawi rawh...” Ka ti chhuak thei tâwk. Beidawn hmel zet hian min melh a,chu chu tuna ka mamawh ber anilo… 'Ka fiamthu anih kha' ti se ka duh.


“Kan ti…” ka ti chhuak thut a.


“Engmaw??”


“Kan ti..” ka ti leh ringawt.


A hrethiam a niang, a sam tuai thuak pah hian “khai leh!!Lalruatfel….in venna I hmang em?” a rawn ti hlûk a.


“A pawi mawh ber lo,” ka lo ti tawp…ka awm dan chu ka in hre thiam lo….ka buai..niloo ka â ruai in ka hria…


“Ka in peih thlap emaw ka ti a,thih ka la duhlo Alex,” atih lai te,kan accident ṭum a,a hliam ka khawih a phalloh te kha ka mitthla ah a rawn lang chuai chuai a.


“Mâwla….pawimawh…Lalpa leh hey…Fela harh chhuak rawh” tih pahin min rawn sawi nawk nawk a.


“A la virgin a lawm….” Ka ti tham ṭuak ringawt.


“Ka hria lawm….mahse, Bawiha in venna chu I hmang tih min hrilh hrâm teh”


“Hmang turin min tia lawm..amah khan”


“Chuan…i hmang em?”


Ka bu ringawt….thaw hawk chungin a bula ṭhut na ah chuan a ṭhu thla hnawk a….kei chu ka la ding khawng reng ringawt…ka lu chu a vir muai muai te hian ka hria.


Ka duhlo chung Zorinpuia chuan min hruai a, a tih ang ang in ka awm ani zawk mah…In venna zawng zawng hi a himvek lo a tih tlat vangin. Ka ṭhianpa hian HIV ka kai a hlau hle niang…tunah tak hi chuan hlauh ka neih pawh ka hrelo e.


Vanneih thlâk takin ti mai ang…ka lo negative hlauh…Zorinpuia lawm zia chu…a Graduate result a hriat ai khan a nêpin ka ring lo.


“Engtin nge I hriat?”


“Interview tura I chhuk kha ila hria em? Kha lai vel khan…Muanawmi a dam loh kha.. khatah khan Laltei nen kan va kan a, tihpalh thil thu in….” a ti zawi sup a. Engmah ka sawi tawh lo. Sawi leh chuan tur pawh ka hre hek lo.




(In duh ang in a kal lo ang tih pawh ka hria 😂 mahse...he story ka phuahchhan kha ni ve bawk sia... khawngaih in min lo la chhiar sak chhunzawm hram hram dawn nia aw...an la hlim dawn chauh 😂 I Lo chhiar avangin ka LAWM lutuk e.)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)