THINLUNG - 25 BY 27 SENORIA

Episode kal lai dah luhna

Moderator: writers

27 SENORIA
Posts: 230
Joined: September 1st, 2020, 10:24 am

THINLUNG - 25 BY 27 SENORIA

Unread post by 27 SENORIA » July 28th, 2021, 7:48 pm

[attachment=0]FB_IMG_1626879368720.jpg[/attachment]


Bawihpuia pov.


"Bawiha i phone hi a ri nasa lutuk, kha pickup vat teh" Ti phahin ka u mama chuan min rawn sawi thova, thawh phan pawh nei lo chuan ka pickup ve nghal a. "Hello Bawihpui, Doctor Siamtea ka nia, eng emaw buaina a awm chuan min rawn call rawh iti sia zingkar pawh sawi lovin ka rawn call tawp che anih hi" Tia Lily nau enkawl tu Doctorin min rawn biak chuan ka harh zawkin ka hria. "Aw enge nita doctor thil diklo a awm em ni? " Tiin ka tho chhuak phah phaha. "Aa hei a dinhmun hi chiang zawkin ka en chianga, Malaria PF alo ni renga, nizan zan khua khan kan buaipui char char alawm, ithiannu khan rawn phone chea, rawn tihbuai che aduh tlat lova, ka rawn call dawn che pawn min dang char chara, heia rukin ka rawn hrilh che anihhi, kan nau i hi a dinhmun a hniam khawp mai, chu chu ka rawn hrilh che anih chu aw, itheih chuan i rawn kal vat dawn nia, anihle"tiin a hang-up nghala. Ava han buaithlak zo zai tak em! Nimin chhun lamah te kha chuan apangai viau asin male'ti rilru noh nohvin ka che vata, in phih faia in siam nghalin zingkar karah Hospital lam pan chuan ka tlan chhuak nghala.



Civil ka va thlen chuan Doctor Siamtea chuan min lo nghak reng tawha, "ka lo nghak ru deuh che a, kal ila check ka ngai hrim hrima" Ti phahin Lilyi te awmna cabin lamah chuan kan in zui pheia. Room kan lut chu ala hma bawka, Lily chu a nau mutna khum bawhin alo muhil bama, Rintei pawh a lo muhil ve bawrh bawrh tho. Doctor chuan a han en kual vela, kei erawh thawm pawh chhuah ngam lovin ka lo ding tlawn zuara, Doctor chuan pawnah min hruai chhuak leh nghalin, "a thawk lak a muang lutuk, tlang deuhvin kan sawi ange, ka beisei kan phak tawh ka ring lo ani, Pathian kutah ka in nghat tawh mai, a lo nasa hman tawh lutuka, " Arawn tih deuh sur sura, ahmelah pawh a beidawn zia ka hmu. "Mahse doctor theihtawp han chhuah hram teh, Lily tan hian a chhungkaw neih chhun ve liau liau ania, atuar thei lovang" Ka ti let nghala. Doctor pawh chuan min hrethiam takin, "ni e, kan theihtawp bak hi chu Pathian kut ani tawha, mahse ka theihtawp tak meuh chu ka hmang ve tawh ani, heibak hi chu tihtheih dang ka neilo. Nizan zankhua khan a buai char chara mahse i thiannu sawn rawn tihbuai che kha aduh tlat lova, a meng tleivar ve tih theih khawp ani, " Tiin ka darah chuan min rawn beng thak thaka.




"Awle ka hrethiam e, hethu hi Lilyi saw hrilh suh aw, abeidawn na kan tizual mai mai ang , atheih phawt chuan beiseina nen sawn la awm rawh se, atuar na lo deuh ang" Ka ti a, min hrethiam ve khawp mai. A kalsawn hnu chuan zawi te in roomah chuan ka lut leha, Lilyi pawh alo la muhil ve reng a, anau dinhmun diktak hi hre ta se engtin nge a awm ang le'tih ka han ngaihtuaha, atawrh theih pawh ka ringlo, heti em em a fahrah hian engtin nge pathian hian asiam theih zawk le. Achhungte neih ve chhun lah an tan mi hlauhawm anni bawk si. Ka thinlung takin ka khawngaih ani. Arawn rum deuh tiah tiaha, rawnzi mar er er phaha amit arawn men chuan min rawn hmu thut ni ngei tur ani a er deuh awra, amengphar nasa khawp mai. "Morning" Tiin ka nuih vur vura, laizeta min nuih letin, "morning, ivan lo kal hmave, tinge? " Tiin a in chul phah phaha, "nia ka morning work ka rawn peng mai mai, Bakah ka thianpa Doctor a awm ve a" Ka tih chuan a lu min buk khum phah chuan"anih chu, lo thu rawh ka inphihfai lawk ang, bawihtei pawh a tha tawh lutuk"tiin batrokom lamah chuan min luhsan nghal.




Rintei muhil bàm chu ka thlira, nunna la nei tih hriat takin a hmel chu a nung sara, mahse a nunna hi a derthawn zia lah a hre awm silo, tunah ala dam tih hriaiin kan thinlung a hlim a, mahse nunna nei tawh lova kan hma a amut hunah meuh chuan tu te pawh min ti hrilhhai vek dawn si a, eng vangin nge thihna hi he khawvelah hian alo awm ve kher kher le. Kan hmangaih ber te kan channa khawvel ah hian hlimna kan hmu zo ve silo, engtikah nge, khawilai khawvelah nge kan tan hlimna hi a awm ve ang'. Tia ka ngaihtuah lai chuan Lilyi chuan "Thu ta che UBawihpui,ala hma hle maia" Tiin a phone chu abih zeuh phaha, Rintei mutna sira thut thlak phah chuan. "Nizan lamah in tha vaklo tih ka lo hria a, tinge min rawn call loh" Tiin ka hmazawna ding chu ka en renga. Min nuih sakin, "chutia tha lo lutuk kan nilo, bakah khang hunah kha chuan i muhil daih tawh ang, keimah pawha a tihtheih chu engvangin nge ka lo biak che atulna, anep thlak e mai" A rawn ti leta, ahmelah erawh arilru lo pui asawi chhuak tih alang reng, alungngai tih ka hrethei tlat ani.




"Lily kum engzat nge inih? " Ka tih deuh thut chuan min en zeuhvin, "19 tinge min zawh deuh thuta" Arawn ti zawm leh nghala. "Ti vak mah ka rinai ila naupang, chuan i puitling em em bawk, ihmel en chuan 24 tur vel ini" Tiin ka fiam zeuhva, tih nuih ka duh ani. Awilo hmel lutukin ahmui a ti pawrh tan tan a, "min va hmu senior ve, taktakin midang pawh hian min tiziah alawm, fa nei tawh emaw te min ti thina" Arawn ti let leh a. "Anih chu , anih hetiang hian i tawng tlem reng thin ami? Engtin nge i theih zawk a" Ka tih leh chuan min chhan tumin a ang zuai zuaia, atawp atawpah chuan" Ka tawng tam alawm"arawn ti deuh tawpa, in nel tir tum pawh hian angaihna hi a awm hlawl lo, enpawh min en tha ngam lo tu ka be vak vak chu ani si a. "Hei dar 7 apel tawh sia ka va haw phawt ange aw, mamawh in neih chuan min lo call mai dawn nia, vawin chu ka nu in arawn awmpui ang che, " Tiin ka chhuahsana, inlam chu kan ping leh ta ngar ngara. In ka thlen chuan chan chin min lo zawt liam liama, Doctor Siamtea'n min hrilh ang ang chuan ka sawi ta veka, kanu nu azawnga rilru tha leh rilru no tak chuan alainat thu a sermon leh chiam nghala.



"Anih Bawiha ithiannu hian chhungte dang hrim hrim hi a nei tawhlo tihna em ni? " Tiin Umama chuan min rawn zawta. "Ka hre bik chiahlo, mahse anu nau mipa chu ka hria a, mahse Lily te unau tan hi chuan ahlauhawm zawk, hnaihlo se ka duh" Ti lehin an putea chanchin leh Lily te unau a tihdan thin chu ka sawi leh mawp mawpa, mak an tiin, ka hriat tirh ang chiah khan an thu hriat chuan a thawng vek mai ani. "Mama anih chuan Lily hi in ah hian hruailut ve mai ang u, kan rawngbawlna tura pathianin min pek pawh ani maithei asin, " Tiin Ka nu chuan ka pa chu ahan bia a, chutiang em em alo ngaihtuah chu ka ringlo hrim hrim. Kapa chu angawi deuh renga, chutiang bawkin ka u te nupa pawh chu an ngawi dun ve reng bawka. "Amah hian a duh dawn em ni? Pawisa pawh kha ala duhlo ania" Tiin ka pa chuan a rawn sawi chhuak leha. Kalo rindan vel chiah ani, Lily hian kan in a chen hi a duh ka rinhlo hrim hrim, bakah tul ka ti lutuk lo, hanin chen chilh em em tur chuan in hre tha leh in zawmna nei pawh kan ni lova chu ai chuan tanpui reng pawh ka duh deuh zawk. "Nu a duh ka ringlo, chu ai chuan kan store room khu tiruak ila amah chauh pawhin awm zawk se nuam ati daih zawk ang, " Tiin ka lo sawi vata, anpawm tlang leh dial dial khawp mai, mahse ka nu ber chuan, "atha tho, anih chuan nangin lo tihfai sak la, mahse kan bula a chen duhloh chauhvin kan luah tir dawn nia, hetah kan bula a awm ve duh erawh chuan luah kher angai lovang, tiraw pa a a pawi iti em? " Tiin ka pa chu zahder thiam takin ahan rawn leh te te a., kapa pawh chuan alo remti ve mai bawka.



Tukthuan chu chhungkim biaiin kan kila, heng hun te hi ala in thlak danglam leh vek anga, chhungkua a kan nuihho dar dar laite hi thihna nu rawngin min man hun ala awm ngei ang, tuma dan theih erawh ani awm si lova. Chaw eikham chuan College lam panin ka inkhalh chhuak leha, Miss Sangsangi sawm ka tum rilru viau nan tlemin ka rilru a kalsual deuh va, ka tel lo pawha a hlim tih ka hriatna hian min ti luhlul ve ani. Dinpawh ding lawk eihlo chuan ka tlan tlanga, hnunglam erawh hawilet ka chak ngawih ngawih. College ka thlen chuan thiante chuan min lo bawr nghal luih luiha, an thusawi ber pawh ka hrethei lo. "Ngawi ula pakhat khan sawi rawh u, " Tia ka au deuh thawt chuan an reh diaka. Hmingthana chuan min rawn kuah phah chuan, "Bialnu i nei em, hmeichhe pakhat hmelhriat tir che kan lo tuma" Arawn tih chuan an thu lo chai chu aho ka ti a, chhan tlakah pawh ka ngai hrep lo.




"Chutiang thu ho mai mai.. Ka tih lai tak chuan Sangsangin kan lam arawn pan lai chu ka hmu a, eng rilru kalsual nge ka put hman pawh ka hrelo. Tihluih ka chak deuh tlata, engtin emaw tak keimah avang hian awm ve se ka duh ani" Aw bialnu ka nei, kal sawn teh u"tiin Sangsangin min rawn pawh hman hma deuh chuan kalsawn ka ruala. Rooma ka lut hman tep tih chuan ka hminga min rawn auvin min rawn pawt ding dawta, alandan chuan min ti phu dawr thei. Amit asen veka, tap zo hlim ang chiahin a mit vel chu ahnawm chhap bawk, ahmui apet fan fan bawka, beisei nei taka min en rengin a hmui apet fan fan mai ani. "Hey tinge a? " Tia ka zawh chuan a mittui arawn luang chhuak ngiai ngiai a, min en tu an tam em avang chuan ka kalsawn pui nghal vata. "Awle hetah hi chuan tumah an awm lo enge nita , ngati nge i taha? " Tia ka zawh chuan a in pet fan fana, min chhang vat vat se ka duh ngawih ngawih. Min rawn kuah thlawpa, atap ri ta hawk hawk mai ani. Angaihna ka hrelo chu ka ding tlawn zuara, Sangsangi awm dan teh thut chuan min ti mangang takzet ani.




"Hey hey hey tap tawh lo la enge thleng chu min han hrilh teh" Tiin a mittui chu ka hrukfai saka, in sut faih faih phah chuan, "UJenny in min kalsan a, keimah chauhvin ka awm tawh" Arawn ti zawi sapa, eng thil nge ni ngai, engthu nge asawi hi. "Eng maw? Jennya kal bo itih chu enge awmzia nimin ah pawh ala awm reng kha" Ka ti let vata, engmah ka hrethiam lo. "Nimin kan lo haw khan in ah alo awm tawh lova, kan awm loh lai khan eng emaw achungah alo thleng palh te hi ani thei angem , bawihpui vawi khat tal ilo va leng em? " Arawn tih chuan ka lu bu phahin, "aw nimin piah khan aruih em avangin ka awmpuia atukah ka haw ve chiah alawm tlailama in rawn haw tur thu pawh kha min hrilh vek a, lengturin min sawm nan ka hman loh thu in ka chhanga, anih chuan tlaiah alo chhuak tihna ani em? " Ka han tih chuan alu bu in. "Anih ngei dawn chu, engmah sawi hmasa lova hetia akalbo thut hi ka hrethiam lo, " Tiin a tah chhuak lutuk chu ain pet fan fana. "A mak hle mai a, ka hriatpui miah lo engmah min hrilh lova, nangmah zawk hi a rawn be lo che ami, ava ti makve a, khawiah emaw akal lawk te ani lo maw, " Ka tih chuan amittui chu rawn luang chhuakin alu athing a. "Engmah chutiang lam a sawi ngailo, keima thiam loh ani, ka puihna amamawh lai berin ka kalsan daiha, khawnge a awm ang le.. " Arawn ti zawi raiha, engkim mai chuan min thawng em em mai ani. "Bawihpui , ka thian tha ber ka chan ani, " Tiin a in sut faih faiha, ka chhang let theilo ka kuah ta tawpa, Sangsangi mihlim thei tak leh rilru natna pawh nei ngai lem lo ni thin kha tunah erawh khawvela hmeichhe derdep ber ni hial awmin a rilru no zia ka hrechhuak ve chiah ani.




Atap ri feih feiha, han hnem dan lah ka thiam der silo., "Bawihpui thian fello tak ka ni tiraw" Tiin thu awm anglo pui pui chu arawn sawi vak vaka, keiin ka lo hnial ve zel thung. "Nangtal chuan min kalsan tawh suh aw, thian tumah ka nei tawh dawnlo ania, " Tiin nghet tak chuan min kuah a, hetiang em em a rilru no ani tih ka lo hrelo chu mawl ka in ti a, athian nitlak ah pawh ka in ngailo, "awle tap tawh lo la, nula lianpui an tap vak vak ngailo ania, " Ka tih chuan arawn tah nuih deuh thuta. "UJennyi chu khawnge a akal ang, "arawn tih sup chuan ka nui lai chu ka tawp leh chiang khawp mai. " Ka hre hauhlo, nangpawhin i hriat loh chuan keia tana hriat ngaihna a awm lo, engpawh nise va lut tawh rawh, itlai lutuk emaw an lo ti ange"ka tih chuan alu a thing ner nera. "Hna kal turin ka lo kal lo, UJenny chungchang rawn zawt tur che in ka lo kala, " Arawn tih chuan lo hnial nghalin. "Chutiang in an i ngailo,hna thulh phah nan i hmang tur anilo Jennyi khan a hriat chuan a duh miah lovang, lo kal rawh ka lo hruai ang che, thiani" Ka tih chuan amittui kar atanga rawn nui deuh sukin min zui ve bap bapa, ka rilru ah Ruatpuia alo lang nghal, engtin tak nge atawrh ve ang'Nà tih tawngkam hian ahrilhfiah zawh ka ring lo ani. Sangsangi ka thlah zawh chuan kan class room lam ka panding leh nghala, ka boruak tawnin azirlo bawk nen nun ka nguai ruih thei, khawnge Jenny i chu a awm ang le?.



Ruatpuia pov.

"Nau kha thingpui ka lo ken che a, tukthuan i ei tawh bawk silo, chhang hi tlem tal ei tum rawh aw" Tia ka u in min biakna chu ka hre ruai ruaia, ka ngaihtuahna khawvel kal bing mup mup-ah chuan engdang mah ka ngaihtuah theilo. "Nau, thingpui hi " Tiiin umami chuan min rawn hrilh nawn leh a, "ka in chaklo la let leh mai rawh" Ka tihchuan thaw hluaiin, "khati te kha chuan engtin nge chakna i neih theih ang, Jenny zawng tur tal pawn chakna i mamawh alawm" Arawn ti a, achhang ken chu ka kaah chuan min rawn barh lui nghal zat bawk. "U min ti lui lo teh, khawngaihin keimahin min awmtir rawh" Ka tih vin deuh thawt chuan umami pawh chu ngawi rengin a kalsawna, ka vín chu nuam lo ka tih rual rualin ka dinhmun nen hi chuan min nawr lo se ka duh vang mai ani. Nakinah ngaihdam ka dil leh mai ang. 'Heng thil ka chunga itih hian i hlim tihna ani ngei awm sia tiraw ? I duhthu in min thena, duhtawk mai lovin ila kalbo zui bawka, engtiang chiaha hrilhhai hian nge min siam i tum tihhi ka hrethiam lo ani. Jenny khawihah nge maw i awm le? 'Ka ngaihtuahna ram ata min la peng turin ka phone chu arawn ri a, tu emaw anih beiseiin ka en vata, umami lek alo ni. Kawngkhara rawn dakin arawn nui vur vura, a che ho ka ti khawp mai. "I àtna tur lak atangin ka chhanhim che anih kha, " Arawn ti a,"enteh Nau, kan dam chhung hian hlimna lungngaihna leh tahna te chu mitin hian kan tawng vek thina,mahse chu tawrhna atanga chhuah tum tlat te chu mi huaisen ber tih an ni thin. Mahse hmalam pan tum lova,in dawm kun ngawih ngawih thin te erawh chuan a aia na an tuar belh zela, mi dawizep mahni thinlung tan pawha kawng sial ngam lo tih an ni thin ania,i hre reng dawn nia aw" Tiin min chhuahsan lehnghal a.




A sawi diklo chu ka tilo, mahse tunah kher hi chuan tha tho na leh phurna ka nei tlat lo ani. Rilru ah engmah a awm thei tawh tlat lo . Nikhua arawn tlai tial tiala, ka khawharna leh mal ka in tihna anasa telh telha, ni tla liam tur chuan ka mal zia a chiang lehzual ani. Ka rilru ipik lutuk chuan min tur ut uta, min hruaina lam lamah ka kal ve mawp mawp mai ani. Bike la chhuakin Zarkawt lam ka pan phei a, ka rilru chu dan sen lohvin a hmanhmawh em em bawk. Jennyi te in ka thlen chuan a reh thiap tawha, nidang nen chuan a boruak chu danglam tak ani. Muang changin kawngkhar chu ka pan thla a, mitthlaah Jenny talkualna vel a sulhnu chu a rawn lang chuai chuai nghal bawk. Sangsangi a awm ngei tih hriat takin light a eng uara, nidang zawng ai ka zamna chu anasa zual sauhva, ahma anga tlangnel turin huaisenna ka nei tawhlo. Kawngkhar chu ka kika, Sangsangi àw chuan nem tak hian, "ka lo hawng dawn e" Arawn ti zang vaha, apenri thlek thlek chu ka hre zawm nghal. "Lo lut rawh... " Ti phaha min rawn hawn chuan a mengphar zeuhva, alandan chu nasa taka tap zo hlim ang chiah ani. "Nang maw URuatpui, lo lut rawh" Tiin muangchang chuan kawng chu min kiana, thathona reng aneilo tih alang reng. Inchhung ka lut chiah chu Sofa chunga Bawihpuia lo thu nen chuan kan in hmachhawn nghala, engkim thil thleng zawng zawng ka ngaihtuah kim hman vek. "Aa ih URuatpui leng turin ka sawma" Tia Sangsangin nuam lo ka tih hlau thawng tak chunga arawn sawi chuan , ka thinrim tawlh tawlh zawk.




Ka thin thawk ka veng hman lo "Hmela" Tiin Bawihpuia chu ka hnek pawpa, akawr awma thamin ka hnek leh pawp nghal. "Eng vangin nge ka hnen atang khan min laksak, hrep tak che chuan venghim thei dawn silo, engvanga hetiang thil hi ti nge inih hrepa" Tiin ka rek a, ka thinrimzia chu engmah hian a sawifiah thei lovang, ngaihtuahna tinrengah kan hlimlai leh kan nunhlui zawng zawng arawn lang chuai chuaia,tunah kher hi chuan anunna laksa pawh ni ila thiam ka in chan hial ka ring ani. "URuatpui duhtawk rawh, ithat mai dawn asi , khawngaih takin" Ti phaha Sangsangin tap chunga min rawn auh lawm lawm pawh chu ka hre thei, mahse ka mangram hriat vek tawh mai ani. "Duhtawk rawh" Ti hrawka tuia min rawn theh chuan ka harh deuh zawkin ka hria, "kalsawn nghal rawh" Ti phahin Sangsangi chuan min rawn nemsawn dawra, tap chung chuan. "Bawihpuia hian thiam lohna aneilo, kan vaia kan thiam loh hi ani vek" Tiin a rawn tap hawm hawma. A sawi dik chiah tupawh hian thiam lohna kan nei vek ani. "Ka va haw tawh ange, mangtha u" Tiin Bawihpuia chu a kalchhuak nghala.



Sangsangi nen chauh chuan biak pawh in be lem lovin kan awm dun tlawk tlawka, haw leh tur pawhin chakna ka nei mumal tawh lo. "URuatpui ka mu duh tawha khawngaihin va haw tawh rawh" Tia Sangsangi arawn tawng chhuah chuan ka melh zeuhva chhang lovin kawngkhar lam chu ka pan ve mai bawka. "Mangtha le" Tiin ka chhuah rual chuan kawngkhar chu min khar khum nghala. Ka chet mawiloh zia ka in hria, mahse tih ngaihna dang a awm miau silo ani. Rilru na leh phurlo em em chung chuan kan in lam chu ka pan leh ta tawpa.


[attachment=1]FB_IMG_1626879760855.jpg[/attachment]
Attachments
FB_IMG_1626879368720.jpg
FB_IMG_1626879760855.jpg



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)