TRUTH - 7 (18 +)

[Abella Ralte]

Bung – 7






Ka hlim nge hlimlo pawh ka hrethiam tawhlo, mahse ka pa hlim hmel erawh chuan min ti thlamuang em em a, hmuhnuam pawh ka ti a, tun a ka hmuh danah hi chuan damlo hmel pawh a pu lo a, mahse amah ka en hian ka tah a chhuak ngawih ngawih zel a, dik tak chuan he inneihna a bul tumtu chu keimah ka ni chiang a lawm.







Kha ngaihdan atthlak leh mawl zet kha ka ngaihtuah lai chuan fing kha ka inti viau a, mahse ka rinloh lamah daih min hruai ta daih si a, thudik engkim sawi tai la, ka pa natdan tur chu ka ngaihtuah ngamlo zawk a, mahse hman atanga pasal nei tur a min duhpui tawh tu hi chuan tun a ka pasal nei tur a lawm dan tur chu ka ngaihtuah thiamlo zawk a, chuvangin hetia kal tlangpui mai hi tha ka ti zawk a.








Ka thiannu tur ah ka naupan lai atang a ka kawm thin, Lindai ka hmang dawn a, vawiin a Lindai thusawi kha ngaihtuah duhloh pawh tum ila, ka rilru kil khatah chuan a riak reng a, Joela zawhte ka chak viau a, mahse tlawm thlak ka ti ve bawk si a.







Lindai pawhin mi sawi a hriat chhawn veleh tho a ni a, min hrilh tirh kha chuan keimah ah phu det a awm , mahse ka muapho lo hlauh zawk a, na zawk kha a rawn awm a, kei pawhin mak ka ti a, a lakah eng feeling mah neih ka duh lo a, ka nei bawk lo a, chuvangin engmah hian min ti na tur a ni lo.







Kan inneihna tur pawh kar khat chiahin a dang tawh a, rilru thlakna hun pawh a awm tawh lo, Joela nu Nu Malawmi an ti mai a, ani kha a bula awm a nuam ka ti a, nu fel tak a nih ka ring a, kei nu nei ngai talo chuan ka ngaina nghal em em a, chubakah ka dawrah a lo kal ve tawh fo avangin ka hre ve deuh a.








Min dawrtu te hi chu hriatreng loh an har a, mi nawlpuiin min dawr lem lo bawk a, chuvangin ka customerte hi pawnlamah pawh hmu ila ka hre nghal thei deuh chawk a.








Ka chapona a vang pawhin mi in, inrunluihnan min neih chu ka phal bik miah lo a, mahse keipawh eng nge ka nih chuang, han duhtui thei viau chu ka n i lo, kei leh Joela khan kan hrechiang nasa mai si a, in mamawh tawn innei tur kan ni mai a, mahse a thusawi “Nupui vawikhat chauh neih ka tum a, he inneihna hi a tak a ni bawk” a tih kha ka bengah a rawn ri a, kha khan min thlamuan lutuk a nih kha, a sawilai pawhin keipawhin uluk zet khan ka ngaithla a nih kha, eng nge maw chenah kha thu khan min thlamuan riau a.









Ka ngaihtuahna chuan hmuntin a fang kual a, ngaihzawng ka nei a zeng pawh ani lo a, keipawhin pasal neih loh hi ka tum a ni ngai miah lo.







Ka ngaihdan hi tum tlang ve deuh an i a, hmeichhia hi engangin an career ah pawh hlawhtling se, Pasal a n neih loh chuan an hlu rei tak tak ngailo tih hi ka ngaihdan ani ve tlat a, chubakah zahawmna pawh a awmlo nulat rei lutuk hi, mahse kum 32 velah chauh pasal neih chu ka duhdan a thung si.








Ngaihzawng neih hi neih loh lak lawh tawh chuan a lo chakawm miah lova, single life hi a lo nuam em a ni, a nei thang ho chuan an hre ngai chuang lo ang.







Kan inneihna lamah chuan ngaihtuah ngai em em ka nei lo a, ka chhungte ho in engkim an ti vek a, ka ngaihtuah ve chu kawr hak tur a ni mai, chupawh ni hnih hnuah chuan alam theih tawh anga, Joela sawi ang khan han chhawm luh bur bur tur kha a awm lo bawk a, a thawven thlak phian a.






Puan sem tur lah chu ka ni in a order fel vek tawh bawk a, midang an buai em em laiin, kei erawh ka hna ah ka la kal a, ka la in ti buai ve em em zui a.




Ka mu theilo chu ka in let sek a, ka hlauthawng pawh a nilo, engemawni chuan min mawlh ve deuh chu a ni.







Zingah chuan phak tawkin ka tho a, mut leh chu chak hle mah ila, ka mut leh chuan ka muttui dawn lutuk a, chuvangin peihlo zet chuan ka tho a, dan pangngaiin inhnuai ka chhuk chuan ka pa chu a lo thu fell eh at tawh a, tuilum in pah chuan ka pa bulah chuan ka thu ve nghal a.







“Bawihi i huphurh em?” a tih chuan ka en vat a,a hmelah chuan min ngaihtuahna chu a lang reng a






“Huphurh ve tho e, bakah nangmah ka ngaihtuah che”






“Kei chu in ngaihtuah suh, i pasal neih ni ka hmu lo ang tih hlau in ka awm thin a, mahse hei pathian zarah i pasal neih dawn vangin kan buai chho ve ta a nih hi” a nui zui hak hak a.







“Nge maw ka pasal neih pawh chu i duh em em le” ka ti chhuak hak a







“Mihring lo piang chhan ani miau a, bakah chhungkua kan din hian nunbul a in tan chiah a, chu chu i hrelo ang tih ka hlau a ni” a ti dap dap a





“ka hlau deuh a sin kei chu”






“Hlauh tur i nei lo, i mi hrawn tur te hi mi tha chhung an nia, i pasall tur lah chu a fel em em a, ka mi rin zawng tak ani reuh a, ka thla amuang ani, ka lawm lutuk e” a tih chuan keipawh ka nui sak a, ka hlauhthawnna leh keimah a zawhna awm te chu chhan a ni in ka hria a, ka lawm hle nghe nghe a.








Dawr ka thleng a, Muanpuia chuan min lo thlen khalh ve teh mial a, kei pawh keima room lam pan lo chuan dawr lamah chuan thuthmun ka rem ve ta rih a.







“Sis, In pa tur hi maw nula ho in an atchilh zia hi i hria em, nizan fb ah pawh in inneih tur an post kha ka hmu a, hmeichhe ho in an ui thu an sawi nasa” a tih chuan ka ner sak a....ka hme a hmuh chuan a nui hawk hawk a






“Nangpawh i chhelo an tih thu te an sawi ve tho a nia” a tih chuan ka chum awk a “Khatia sawi kher kha a ngai lo aw”




“a nia lawm, en ve la i duh leh”






“ka en peih mai mai lo”






“Hmanah Joelan i chanchin min zawh khan mak ka ti deuh reng a”





“Engtikah , ka van awihlo”






“A nia lawm nikum nge kum hamsa daih tawhah khan a nia, ka thianpa Ramlawma te inneihna a ka kalna ah khan ani, a rei tawh mai” a tih chuan ka nui ringawt a, rawn kun hniamin zawi deuh hlek hian







“Engtin nge maw nang hian Mizorama tlangval manto ber hi i bum thluk le, i zei loh loh nen” a tih chuan ka thawh san daih a, “I chhelutuk” tih pah chuan ka room lam chu ka pansan ta daih a






Kan ti nek nek a, naktuk mai hi kan inneih ni a ni tawh a, zanlamah counselling kal kan ngaih avangin keipawh ka in peih hma a, nimin atang khan hna ah pawh ka kal tawh lo a, tih tur phei chu a awm ani lo naute ho in chawl tawh rawh min ti ve sek bawk nen, a nuamlo ka ti ve deuh a.







Dik tak chuan buaina em em kan nei lo a, engkim ei tur ni se order vek a ni a, han buaina tur em em a awm lo a, ka pa lah ni se chawlh alak lai a lo ni bawk nen, buaina tur em em a awm lo.







Mahse in a han awm takah chuan ka thawmhnaw ken tur tlem a zawng chu vawiin ah kan pack ve a, lindai pawh chaw a rawn ei nghal a, thawmhnaw pawh ken tam ka tum em em lo a, helaika room ruak huau tur hi ka phalo lo deuh tlat, keimah ah hian pasal nei tur ka ni tih hi la in rinlohna a la awm tlat a, a lem riauva hriat chang pawh ka nei a.







Mi nghah nih ka duh lo hang bawkin keipawh in mi nghah hi ka ning a, hun tiam a awm hi chuan ahunah engkim tihmai hi ka duh thin a, chuvang chuan keini thiandun pawh kan inpei vang tawh a, Jonathana chauh a lo luh chuan mak ka ti deuh a.






Mahse amah zawk chuan “Joela abuai thut a, hna hmanhmawh thlak a awm a, a lo be hman lo che a nih kha, pastor quarterah a rawn kal tlang mai dawn anih chu” a tih chuan ka hrethiam ve mai a, sumdawng mi nih chuan hun hi a pawimawhlo ve leh tlat thin a ni,





Kan pathum chuan kan inzui chhuak a, Chaltlang pasrtor quarter lamah chuan kan kal nghal a, kan thlen chuan pastir pawh a lo in peih thlap tawh a, ama office bikah chuan kan lut nghal a,






“Joelan min lo bia a, a rawn tlai hlek dawn a nih chu, mahse a rei lo ang” a lo ti nghal a,tlem chuan ka insangmar deuh a, ka lawm hran lo deuh, naktuk hi kan inneihni tur ani tawh a, atak nilo mahse mi ngaihah chuan a tak tho ani, ka duh aiin a ngai holam mah mah






Tin, kan in be khat em em a, min rawn be ngailo tluk a ni a, a tul bikah leh thil min hrilh tur a awm chauhin min bia a, ka pa nen engkim an sawi fel vek a, pawi kalo tilo nasa mai a, mahse tun thil erawh chu a chungah ka lawm vak lo a, ka thaw hak a, Jonathana chuan “Emergency hi an ni hna angah chuan a awm lo thei thin lo a” tiin min lo hnem vat a, ka chhan hma chuan Thingpui an rawn chawi lut ta hlauh a, chhan a ngailo chu ka lawm zawk, ka aw ah ka lawmlo tih te an hre palh ang,







Minute 45 teh meuh kan nghak a, kei phei chu ka lawmlo hle mai a, mahse engmah han sawi kha a rem teuh si lo a, thinri, teuhin ka awm a, nuih luih a lo n gai ve chhen bawk nen.






A lo thlen chuan a hmel en reng reng pawn a hahin a hmanhmawh tih a hriat reng a, ka ngei lutuk, ka bulah chuan rawn thu nghalin, ka hnial theilo tih a hriat chian em avangin ka kut chu la in,a hum nghal a





“sorry buaina a awm thut a lawm” tiin thupha a chawi a, pastor chuan alo hnem vat a, ti khan awm hahdam phawt la te chu ala ti tak deuh deuh a, an in hretha hle tih an inbiak danah chuan a hriat reng a, ka kut a human chu lak ka tum a, mahse a chelh nghet ngang mai si a, chutia kalo tang deuh chu hrelo ang hmakin a la zawm zui, Lindai bia in an ti ti zi daih leh nghal a.






A tawp a tawpah chuan a zo ve ta hram a, pawn kan thlen chuan ka thaw huai a




“Ka rin aiin in rei daih” Lindai chuan a ti a, anni pahnih hi chu rei vaklo an awm hnu in, pastor chuan a duh tawk a, kan pahnih chauhin min counselling dun leh a, a sawi chip chiar khawp mai a, a chang phei chuan kei chu kalo zak zawk a, Joela erawh chu a insum thei viau thung.





Lindai a lo riah leh dawn avangin kan in lamah kan tlang ho leh dial a, lo peng ula ka tih chuan naktuk lam atan in buatsaih in duh ang tiin an lo peng ta lo a, keipawh ka thaw huai a.







Kapa pawh a lo mu tawh a, ka room lamah kan chho nghal a, insiam leh chuan tur kan neih tawh em em loh avangin kan mu ve nghal deuh mai, rei vaklo kan ti ti dun hnu chuan Lindai chu a muhil nghal deuh mai, a chau deuh a niang, kei erawh eng nge maw ka hriat ni ka muhil tha thei derlo mai a.





Ka nu ka hrechhuak deuh reng a, ahma kha chuan kan inneih na tur hi a tak lo riau a hriatna ka neih avangin ka ngai thutak lem lo a, mahse tunah chuan naktuk mai a ni tawh bawk a, ka nu ka ngai ve rauh rauh a, kan innei hlen emaw hlenlo emaw ka vawikhat pasal neihna tur a ni a, ka nu ka ngai rauh rauh a, awm ve se tih ngawt chu ka ngaihtuah a. Ngaih holam tum viau mah ila, a lo thlen tak tak meuh chuan ngaih thutak loh chu a lo har viau a ni.









The Big Day



Thlalak hun chu a tawp thei dawn lo emaw ka ti tawh a, ka ke a kham ut ut tawh a, ngaihtuahna mumal pawh ka pu thei tawh lo, Joela rinchhan chuan ka ding ve ngawr ngawr a ni tawh maiin ka hria a.






Thutiam chham lai khan kei chu ka zam lutuk a, ka thinlung takin ka sawi lo thei si lo a, dawt sawi ang maiin ka in ngai a, hreawm ka ti deuh hlek a, mahse Joela erawh chuan pangngai takin a ti a, ka aw te kha zawi riauvin ka hria a, tin a tir phat a tang khan mipui ta lutuk chuan min ti zam a, thudik hre ngat se tupawhin min haw dawn a hriatna ka nei a, mahni inthiamlo zet hian ka awm bawk a.






Thlalak zualpui a reh ta a, ei eh in lam ah mitam zawk an kal a, a mimal ang leh thlalakpui tur lehkha a chuanglo ho ten min lak pui leh bawk a, Joela thiante ho an ni ngei ang chu, chumi te chuan min lakpui leh a, kan lak zawh chuan min chibai liam liam a, min fiam bawrh bawrh a, ka lo nui lui ve hram hram a.





Ka mitla deuhtu ka tawng ta tlat a, Nula pakhat chhelo zet mai. A in cheidan en reng reng pawhin a changkangin a nalhin a chhelo tawh tih a hriat mai a, a sang tha hle a, mahse ka bulhnai alo thlen chuan kei aiin a sang chuanglo a, mahse a zen nalh em avangin a lang sang zual bik a.






Joela a melh dan leh a chibai danah chuan hmelhriat satliah an ni lo tih hi ka thinung chuan chiang takin a hre nghal a, tah chiah chuan ka nei tih pawh ka hriat miah loh thikna nasa lutukin min tuam nghal a, kei pawhin he thikna hi ka la neih ngai a nih lo avangin mak ka ti hle bawk a.






Engnge maw sawiin Joela a bia a, mahse eng nge a sawi chu ka hre thei miah lo thung. Kei min rawn chibai a, nalh zet hian a nui sang a, min chibai tur chu ka lo ban let ve a, mahse ka kut chu a chelh hman mang lo, a nul thuak a, alandanah chuan min chibai chu thil tenawm takah a ngai emaw tih mai tur a ni. khatiang em em a inchibaina tenawm kha chu kal atawnngai loh a vangin a ngeiawm ka ti kher mai.





Mahse chulam ngaihtuah thei ka nilo, midangin min chibai leh bawk nen chunu pawh chu ka en zui hman lo a, mahse ka bula awm Lindai chuan engkim chiang takin alo hriat ngei ka beisei.





Lawi programme em em awmlo mahse lawina hunserh erawh a awm a, ka nite leh ka nutei te ho leh thiantha in min lawipui a, chu zawng chu a ni mai, ka nitei pasal Pa Thlenga chu lawichal a ni a, ka rilru a hria nge maw Joela nu chu ka nu tiin min koh tir a, tin Nu Malawmi pawhin “Eih ka fanu” alo ti ur a ni a, ka lai ang reng khawp mai a, mahse min en thup bawk nen ka han nu ve ta a, mahse ka veng hawk, dik tak chuan hmanni an in a chaw kan ei atang khan koh dan tur ah a buai a, han nu ringawt dawn chu a har dawn riau khan ka hria a, Pa thlenga chu rem a hria ka han ti khawp, nakinah ka la sawi ang ka ti rilru nauh nauh a.






After party Joela thianten an buatsaihna hmun Heritage ah chuan kan awm a, tianglam hi kei leh Lindai nuam tihzawng a ni lo a, mahse awmlo thei kan ni si lo a, dar 10 a rik dawn hnaihah Jonathana chuan a thlah ta a,kei erawh ka la awm a, an thiante ho chu an felin an puitling the thaw a, an hming pawh min hrilh hlawm mahse tumah chu ka hre reng rih tak tak lo, ka chau tawh nen ka ngaihtuahna a tawi tak mai a.






Zu chu a in hlawm na in, tumah chu rui chhia angin ka hmu lo bawk a, an pangngai hlawm viau aniang chu ruih pawh an thiam, band an ruai bawk a, an ni in hla chi hrang hrang an lo play a, a duh an lam a, an duh ang ang chuan an awm a, a then an lo ti ti lawng lawng bawk a, kan bula lo awm tawk pawh an awm reng a. Zan tir lamah kha chuan min han lamdun tir ve ngei a, ka zei tehchiam lo na in, hmun hrang hrang a lo awmkual ve tawh hrim chuan a basic hi ka hre ve nel nual a, zei lutuk chu nilo mah ila, ka zahpui awmloh tawk tih chu ka hre ve tho a.





Lehlam takah chuan ka nuih a za tlat , a bengchheng nen zu rim nen a ho ka ti tlat party tih vel hi, nge ka thiante ho an nih loh vang ka hre lo le, party girls hi ka ni vaklo hrim hrim a.







Joela chu an rawn koh avangin a kal sawn a, akal dawn chuan ka reilo ang a ti sup a,






Chulai remchang chu lain, thlang lam verandah ah chuan ka chhuk a, a pawn boruak thiang chu ka hip vang vang a, thawm a awm takah chuan ka hawi let vat a, kha nu special zet a min chibaitu nen ngei khan kan inhmachhawn ta ran a, a kut chuan beer cane akeng a, a nui sang bawk a, mahse a nuih dan chu a lemin, thinlung atanga nui a nilo tih chu alang reng a.






Beer Cane chu keng mahse, a hmelah chuan rui hmel erawh a awm miah lo a rui chi vak chu a ni lo a niang.







End of 7