ELDORADO__2021 chapter 12 By: Bibatei

Episode kal lai dah luhna

Moderator: writers

Bibatei
Posts: 54
Joined: April 28th, 2021, 11:29 am

ELDORADO__2021 chapter 12 By: Bibatei

Unread post by Bibatei » July 28th, 2021, 9:06 pm

ELDORADO__2021


By: Bibatei

Chapter 12


Remruatpuii P.O.V




Zing ka harh chuan Zomuanawma'n min lo la kuah chial a, ka kawngna pawh a awm tawh lo. A awmzawn atang chuan ahmeltha lutuk chu hmuhnawm ti zetin ka thlir dauh dauh a, nizan khan min enkawl danah sawisel tur engmah ka hre lo. Ani hian alo ti thang tawh viau ang a tih chu ka ngaihtuah leh ta daih a, hmeichhe dang ho in kha tianga angaihsak na leh enkawlna an dawng ve tur ka ngaihtuah ringawt pawh hian ka thin a rim.





A hmel tha zet chu rum deuhin kan en leh a, ahre ve der si lo. Ani pui hian hmeichhe period engzat tak lo buaipui tawh ang maw. A rawn chet deuh chuan a awmah hmai ka phum nghal vat a. Nghet zeta min kuah in a thaw chhuak suai suai. Muangchangin a awmzawn atang chuan ka han en chho leh a, min lo en kur anih chu!! Rang zetin ka hmai ka phum leh nghal a.A rawn nui nghawr dat.





" I thawhna arei tawh em?" A rawn tih phak chuap chuan ka nui ri nghal hak. A inhmeh reuh lutuk.



" Ka la thawh loh hi" ka tih chuan ka zakah arawn dek anih chu!! Za ka ti lutuk chu rak tuarin ka tal nghal nghek.



" Thawm kan siam hma mah mah lo maw " ka hmui rawn hupin a ti sup a. Ka meng nghal kawk.. kan in ani lo tak e.



" Muhil leh rawh ka lo veng ve thung ang che " zahzelah ka ti ta daih a. Min la nuih suk zui, awm kang deuhin ka kuah a ka tangnemah abei hle hle. Chutia ngawi renga kan awm takah chuan nimina ka nu thusawi mawlh mai khan ka rilru arawn luah khat leh tawh.




U Dinpuia hian kei hi min duh anga maw!! Ani theiin ka hre hlawl lo, unau dik tak ni lo mah ila anau ang chiahin min duat a min ngaihsak em em reng anih kha. Leh lamah erawh ngaihzawng ka neih kha aphal ngai hauh lo kha nia, tunah avawi khat nan ka nei a kan inkarah khi a awm nghal zat a. Mahse hei chu Zomuanawma nungchang vang niin ka hre bawk si. Ka hrethiam nei nuai lo ve a, ngaihtuah loh tum pawh hian a theihin ka hre si lo ka thaw chhuak leh hluai thin. Chhungril hi apik ru tlat ani.




" Rawn sep rawn sep suh " ka awm rawn nawr tawkin Zomuanawma chuan a rawn ti sup a, anui tel deuh bawk. He pa zet hi chuh!! Ka hlau lek lek thin tak tak ani.



" I rilru hi chu sukfai angai ani " Ka tih chuan arawn nui lum huk a. Ka nui nghawr ve dat.




" Min suk fai pui la atha ang" arawn tih ve chuan a samah ka tham nghek, a rawn rum kher leh nghal. Ngeiawm hian.




" Ka ril atam e " ka sawi zawh rualin ka pum arawn ri rawk rawk a. Zahthlak thei eee, ka zak lutuk chu ka hmaiin lukham ka nawr nghek. Zomuanawma lah arawn nui ang hawk a





" Keipawh " a rawn ti sup. Nizan khan engmah a ei bik miah lo tak e. Mahse, keipawh ti siin min kuah tha deuh deuh leh nghal.




" A tlai tawh ang, tho ila chaw ei a lo hun der tawh a nge" ka tih chuan aban la kang vutin meng zim sun hian asana chu a en zauh a. Min rawn en leh nghal kiau, a mipa zawk hi ain la naute tih em ni!?.





" Dar 6 apel chiah " ti supin min kuah tha leh nghal. Mahse kei chuan atlai tawh ka ti viau.





" Tho ang inthlak te ka duh dawn, ka rei leh awm si" tih pah chuan a dar ah ka nem a, a nur nung nung anih chu mawle.




" Hey, naupang ini lo kal sawn tawh rawh" ka kut pahnih tang kawp meuh a tiin ka nem leh vak a, ka nem aia na in min kuah nghet. Ava han buaithlak thin.




" Zomuanawm " ka ti hlar a, pawisawi lo zet hian min rawn en leh tho. A hmeltha bawk si, ka lai lek lek ani





" Tho tawh ang " Ka ti leh sep. Tha deuh chuan min thlah ve mai a, ka tho nghal vat ani erawh amu pharh leh duai. Tho tur chuan ka nawr lui lem lo nizanah a ka ti buai nasa emai.




Bathroom ah lutin ka inphih harh a, ka chhuah pawh chuan alo la mu. Ka phone ka en chuan U Dinpuia miss call alo tam ngang mai, thaw chhuak hawkin ka phone chu ka bagah ka dah a. U Dinpuia hnaih loh hi ka tan ahim ber rihin ka hre tawh, ahlauhawm ta riau a ka hriat!





Zomuanawma chu ko tawh lem lo in inhnuai ah ka chhuk a Chami leh Hruaii pawh an rawn tho chhuak ve nghal. Min la nuih ang vur vur a, ka lai chhe thei teh asin.





Chaw ei khamah Zomuanawma'n min thlaha, Chami'n scooty aken tho avangin collegeah chuan ka indah tir ta em lo, an lo buai ve viau thei tlat.




" Chami lo va chhuak lawk ta che Matei hi kan be lawk" u Dinpuia chuan rooma rawn lut pah chuan ati sup a, Chami lah chuan kan inkar hre hek lo le eng mah sawi buai loin min chhuahsan ta daih a. Ka hun tawn chu hmachhawn ka phur lo ngei mai.




" Nizana ka rawn call zo zai che kha eng vanga chhang lo nge inih" A rawn ti chhum hmuk a. Chhang lo chuan ka ngawi ta reng.





" Remruatpui" zawi fiah taka arawn tih chuan u Dinpuia lam chu muangchangin ka inher a, chiang zetin min lo en run.





" Thu pawimawh tur a awm dawn chuang lo a " ngai pawimawh lo ang tak chuan ka ti zang vah a, ka sam ka tawn zui leh nghal.




" Zomuanawma vang hian min nam nul phah hauh suh " arawn tih hrawk chuan ka phu deuh dawrh. Chhang lo a kalsan mai ka tum chu ka banah rawn man in min kuai her nawk a, ka rak nghal that.





" Eng nge maw i hriat le " ka ti hlar, ka nu thusawi ka hriat chhuah zawk avang chuan sawi leh tur mai pawh ka hrelo. Tunah tak hian ka hriat awm chhun chu u Dinpuia hi ka hlau!.




" Ahma ang khan awm leh ang " a rawn ti sup a. Sawi tur hre lo lutukin ka ngawi ngul.





" Mate, ahma ang khan awm leh ang umm keimah min rinchhan leh la, thu min rawn leh la inngeih takin awm dun leh ang" a rawn ti leh sup.




" Zomuanawma i pawm duh hleinem " ka sawi zawng ringawt pawhin ka thin a rim. Ani hian Zomuanawma min pawm pui ni se tiang dinhmun hi kan thleng lo vang.




" A ni kha sawi tei vet suh " ka kut hmer ngawt ngawt chung chuan arawn ti kha hrawih a, nichina atawngkam hman dam thlup nen kha chuan in ang lo tak ani.





" Nga ti nge ani pawh chu i duh loh em em a, eng nge duh loh chhan ineih? han sawi teh chhan tha tak a awm anih chuan ka then em em ang!! Sawi tur inei lo anih chuan then tumna ka nei lo " ka ti ve ta nghek. Ka kut chu ahmer ngawt ngawt a ana lutuk chu amu chum chum thei.





" Hmeichhia.."




" Aw eng nge hmeichhia? Hmeichhia alawm ka hria keipawh ka bang chuang em ni? Mipa ka lawm ve tho vang ani lawm ni amah pawh ka duh! Kha lo kha sawi tur i nei hlawl lo anih chuan ka awm ang ang hian min en mai rawh " asawi zawh hma chuan ka ti leh nghek ka kut chu pawt nawkin ka tuai nghal vut vut asen kulh thei, u Dinpuia ka en chuan min lo en tlawk tlawk.




Keipawh in khatiang khan ka tawngkhum ka in ring pha bik lo, mi hnial zawt zawt te hi ka ngam ngaiin ka hre lo bawk. Mahse tun tum kha chu sawi tur kha ain dawt thla zut zut a ni ber. Inchhirna ka nei hauh lo leh nghal!.





" I u ai hian Zomuanawma i thlang ta zawk a " atawngkam chhuakah chuan anat zia ka hriat sak thei.



" Ni lo e u nangmah hian min hlat zawk anih hi. Ka la danglam reng reng lo, nang erawh chu zanah zu i rawn in haw a min thinrim khum reng a engtin nge tiang te chuan ka thlan reng theih ang che " pangngai tak chuan ka ti a.





" Ka hrethiam lo" ti a thawchhuak hawkin ahmai atuai pawk a, a awmdan chu ka en ta reng. Helhkam lian tak nei hi a ang ngawih ngawih.




" Ngaihzawng nei lo tur khan ka ti thin si che a " a rawn ti leh hawlh a. Min en dan ah chuan min dem ni ta berin ka hria.




" U puitling ka nih ve tawh hi..." Ka ti fan ruih a. Min rawn pan hnaih chuan ka tawlh hnung nghal hrut hrut.





" Keiin naupangte ang chauha ka en lai chein puitling i lo in ti der a" a tawng chu a sehchilh nak mai. A mitmeng asen rum a ka taksa a en kual dun dun chuan hlauhna in ka khat.




" Zomuanawma lakah khan puitling inih na i lo in hre ta viau em ni" a rawn ti leh hrawk a. Phawk lutuk in u Dinpuia chu ka en reng ringawt, engtin nge chutiang te asawi theih zawk.




" Remruatpuii hmanni zana in awm dan kha ka hmuh loh che u i ring em ni" A rawn tih leh thawt chuan ka hamhaih leh mak ti lutuk chu ka lungphu a in a in thum chhawk nghal dawt dawt. Zomuanawma nen kan khawsak dan khan min lo hmu amaw! Ka duh thei lo.




" Ti khawpa hmeichhe awlsam inih ka lo ring pha ngain hauh hleinem" ngeiawm lutuk hian arawn ati a. Sawi tur reng ka hre lo.




" Tunah te khan afa ilo pai reng lo maw" a rawn tih leh zet zawngin ka kut a thip nghal zawk. A ni pawh athle sawk mai, vawi khat nan tak meuh ka u kut ka thlak. Mahse ka inchhir hauh lo, Min lo ngai chhe lutuk chu ka haw ngawih ngawih.




" Nang hian kut min thlak amaw" ti vin thawt in min rawn hnaih a tlan chhiat ka tum chuan ka darah a rawn hmer chawt.





" Ruatpui kan tlai dawn ania" Chami'n a rawn tih lang lang chuan u Dinpuia min vawnna chu phih sak hlawk in ka nem dawrha chak zetin ka tlan chhuah san nghal. Ka chhungril vawt vur leh tiril khur der der chu u Dinpuia ka hlauh vang kha ani tih phat rual lohin ka hria.




" In va rei em em ve, kan tlai anga sin" pawn kan chhuah rual chuan Chami chuan ati hlak hlak. Chhan pawh ka chhang let lo, U Dinpuia khan min lo hmu anih chuan Zomuanawma nen a kan awmdan kha! Ka zak lutuk chu ka sa pup pup. Engtin nge u Dinpuia ka hma chhawn ngam tawh ang, ka kut hmawr lam hit thler chu ka hum kawp a achang leh ka in pet ruh leh teuh thin, ka rilru kal ding lutuk te hian min ti chau.





" Ruatpui" Chami'n mak tih hmel fe a min en chuan ka awmna ka haithelh. Ka hmaah scooty nen alo ding reng tawh. Nui sakin ka lawn a, Chami chuan tlan chhuak lawk lo in min en reng



" I tha em?" A rawn ti sap. Ka nuih chuan a ner nghal nang nang.




" Tlan chhuak rawh kan tlai ang " ti sepin a darah ka lu ka nghat a, ka thaw chhuak suai suai.


" Thil thleng a awm lo tak tak maw" a rawn tih leh chuan a awm loh thuin ka chhang. U Dinpuia nen hian kan intih thiam loh vel hi ka hrilh ve thin a,mahse tuna thil thleng hi chu sawi chi niin ka hre rih lo.




College kan thlenga Chami'n scooty apark that lai chuan asira lo dingin kawt a vei vak ho chu ka lo thlir dauh dauh a.




" Inhmuh ava khat ve " rawn ti tu avang chuan ka phu deuh zuk. A rawn nui ri suk a.



" Nia khat khawp mai" ka ti nawi niah.



" Kha kha kha" a sawi rualin alamah min pawt hnai dawrh a. Ka la phu chiam leh nghal.




" Ruatpui itha em?" Chami chuan hlauthawng lutuk hian arawn ti chul a, zirlai pakhatin chak zet in min rawn tlan pel anih chu mawle. Mi mah hlauthawn sa nen ka khur chhuak ti tih.



" Tlem tlemah kan invui thelh anih kha " Rinpuia'n a rawn tih sup chuan harh chhuak zawkin ka awm sawn nghal dawrh.



" Ka lawm lutuk" ka ti bah nawk a, a nui suk ringawt.



" Cham kal ang" tih pah chuan Chami chu kaiin ka kalsawn pui nghal hlawk hlawk. Tunah tak hi chuan tah chhuah vak mai ka duh.




" Class kan kal pel ania Ruatpui" Chami'n arawn tih chuan inher leh vutin class lam chu ka pan pui leh a kan luh hma chuan ka hmaah arawn ding tharh.




" Eng nge i chungah thleng " min en chung hian arawn ti a. Awm dan tur ka thiam loh lutuk avang chuan ka hnung chhawn leh ta tawp. In bun ruah chu ka duh lutuk mahse engtin nge ka sawi ngam teh lul ang, khatiang thil private lutuk kha engtin nge ka sawi chhuah theih ang.





" Zep nei hauh suh " ka hmaah bawk Chami chu arawn ding leh a, kalsawn ka tum chuan min pawt ta tlat.





" Cham mahni a awm ka duh min dang rih lo teh " Ka tih chuan muang changin min thlaha ka awm dan chu chiang zetin min en bawk. Ahma chuan engkim ka hrilh thin mahse tunah hi chuan ka thei lo! Ka thei lo hul hual!! Ka ring lo ani lo mahse ka zak ani.




Classah pawh lut loin college atangin ka chhuak a, pan tur ka hre leh si lo chu Zomuanawma te hotel ka pan ding leh ta tawp.




Ka nu dawrah alo awm avangin ka peng kawi leh rih a college kal lo a chuta ka kal chu mak alo ti ngang mai.




" I dam lo em ni? I dang vek alawm" ka chal rawn dek in arawn ti a. Ka that thu chauhin ka chhang.



Kan dawr bathroom ah chuan ka lut a, ka tih tur hre leh si lo chu bathroom ah chuan ka tei kual reng ringawt. Keimah hi ka awm mai mai thei lo, ka che sek a achang leh ka dinga achang leh ka thu thla leh hluai a. U Dinpuia khan sawi chhuak ta se? Ni lo ni lo a sawi chhuak lo ang. Mahse amah kha hre tur a ka hlauh ber ani si a. Ka ngaihtuah na chawl lo leh hlauthawng lutuk chu ka ning hluah hluah. Ka sam chu kek nawk nawkin ka au ta nghek.





" Ruatpui itha em?" Pawn lam atangin ka nu chuan arawn ti vat a. Ka chhang lawk lo, thawk la hawkin ka dinga ka sam tawn tha in ka chhuak ta chauh.





" Harsatna inei em ni?" A rawn tih leh chuan ka neih loh thu leh ka that thuin tha deuh chuan ka chhang ve mai.




" Nu thenawm te ah hian ka kal lawk dawn" ka tih chuan hrethiam zet hian min nuih a, Zomuanawma te hotel lam chu ka pan nghal.




Hotel chhung ka luh chuan ka ding leh ren rawn a, an lo siam pui tawh khawp mai. Customer pawh an tam ang reng, receptionist bulah chuan Zomuanawma awm leh awm loh ka zawta a awm thua min chhan chuan min biak zui na pawh ngaihsak tawh loin elevator lam ka pan nghal daih. Ama bulah awm ila ka hahdam thei mahna.




A office luh hma chuan a assistant hmannia birthday kan lawmna nu khan min lo bia a, ka be zak deuh tlat. Hmanni ka chet dan ngaihtuah let phei chuan ka zak ngawih ngawih ani ber.




" Nichin khan hmeichhe pakhat arawn kala nichin ti ila arei ve tawh, an rawn chhuak tep ang. Anih loh pawhin nang ini bawk a va lut tawp rawh" nui sang chunga arawn tih chuan ka nghah zawk tur thu ka sawi a, hna ah alo buai viau ani thei a lo tih buai belh chhah chu ka duh lo.




Office kawngkhar arawn rik khep chuan rang zetin ka thutna atang chuan ka ding chhuak a luh va mai ka tum chu ka mihring hmuh avang chuan ka khawng nghal awt.




Ruati chuan min rawn panin hnehtu inti awm zia zang hian min nuih sak a, a hnunga Zomuanawma'n arawn zui leh phei chuan ka hawihai lutuk ringawt.




" Ruatpui ti nge college ah i awm loh a " Ruati chuan arawn ti ham ham a, Zomuanawma'n min rawn hmuh rual chuan a meng nghal kawk. Hemi te pahnih hi engtin nge an awm dun theih!?. Chu pawh tun ang hunah leh nghal.




" Muanawm ka kal ange, ka thusawi kha hre reng la " Ruati bawk chuan ti lehin Zomuanawma chu anuih a, ani erawh chuan min en reng. Tun ang hunah heta ka kal hi aring lo nasa ani mahna le. Ruati rawn phei chuan min nuih sawng a keh thluk tawp ka chak ngawih ngawih. A kal hnuah pawh Zomuanawma nen chuan kan dinna ngaiah kan la ding reng.




" Rawn lut la " a ti sup a, pangngai taka min bia te chu ka en ngawt ngawt. He pa hian min lo bum reng em ni? Tun ang khan college ka kal chhungin Ruati nen khan an lo in hmu reng thin tih na em ni ang? Kan aia hniam an la nih avang in Ruati te nen college ah hian kan inhmu vak ngai lo chu chu remchangah an lo la tihna nge? Nge keimah hi an ni pahnih hian min lo fiam kual mai mai zawk.




" Eng nge in tih " ka ti chang fak. Ani hian infiam nan chauha min lo hmang ani vaih chuan ka chan ava han chhe dawn chiang tak em.





" I ngaih ang kha ani lo ania" a rawn ti chuan ka nui chhuak nghal hak a. Thinrim lutuk vang hian alo nuih theih anih hi!.





" Eng nge ka ngaihtuah na chu ni a i hriat?" ka tih chuan min rawn pana min khawih atum chu duh lo in akut ka ben per sak lawp.





" Rawn lut ka kan sawi dun dawn nia" kei ang lo takin a tawngka chhuak adam thlup. Chung te hlei hlei chu ka hua.




" Ani nen inkhawsakna ah khan min hruai luh tum hlek suh " ka tih chuan " Remruatpuii" a rawn ti hrawk a. Ain thiam lo leh si nge ahmai tuai pawkin min rawn hnaih leh nghal.




" Ka sawi dik anih ka ring ila na emai" ti hmakin ka inher a min pawt vir nghal nawk. A assistant pawh a rawn ding nghal vut a, chu chu hriaiin Zomuanawma chuan a office ah min pawt lut nghal dawr dawr.




" I ngaihtuah na kha ring nghal ngawt suh " A office chhunga kan luh chuan ati nghut a.




" Rin loh theih pawh ania mi, tun ang hunah college kal reh lai tak leh ka biak buai loh lai tak che in ka hmu dun che u a eng rilru dang pu turin nge min beisei" ka ti that. Rum nghutin min rawn pana tlan chhiat ka tum chu ka kawnga rawn kuahin min pawt hnai nghal dawrh.





" Ani nen khan engmah kan ti lo, a rawn kal zawk ringawt anih kha" ka mita rawn enin ati sup a. Dawt sawi hmel apu hauh lo, mahse ka ring thei lo ka thei hlawl lo ahmaa alo khawsak dan nen ka ngaih bel lo thei lo Ruati lah in min en dan reng reng te kha, athusawi hi ka ring lo ani tawp.




" Ka ring thei lo che" tih leh tal ka rual min thlah duh lo in aia nghet leh zualin min kuah bet. Ka thinrim rilru na bawk si, che thei bawk si lo chu ka tah achhuak nghal tun mai.




" Zomuanawm " ka beidawng lutuk chuan ka ti leh that a. Min nuih rikngawt vang te chuan haw tak ka ni.




" I inti hah mai mai" arawn ti sup a, thinrim zetin ka thaw chhuak hawk.




" Kha ti daih tawh tur kha" tih leh min thlah arual a, office chhuah san ka tum chu ka hmaah min ding khalh hmiah.




" Awm sawn rawh " sehchilh zet hian ka ti a,



" Sawi fel phawt ang " a rawn tih chuan chunglamah ban ka vai nghal fua.



" Nichina ithil sawi kha insawi fiah nan i hman dawn chuan ka ring lo che, ka sawi tawh ang khan tun ang hunah ani college student ve tho nen a lo awm dun nachhan tur kha pakhat mah a awm lo, Zomuanawm nang hian infiam nan min hmang em?" Ka ti chhuak hlawl. Ka thusawi avang chuan ain sehruh nghal tawlh tawlh.




" I thusawi kha ngaihtuah pawh ngaihtuah suh " arawn ti hrawk a, ka nui hul hak. Keia pawh hian eng nge ka hriat pawh ka hre lo, Zomuanawma hi ka ring lo ngawih ngawih.





" Zomuan " ka ti chhuak hap a, min en nghal vung vung.




" Min ring lo tih ka hria ka nawr lui thei lo che, mahse thudik ka sawi kei hian ka fiam kual lo che " a rawn ti sup a. Ka thaw chhuak nghal hawk.





" Chu pawh ni se Ruati kha.."



" A rawn kal zawk anih kha a chhungte Delhi ami rawn haw tur an awm a, hetah room ruak a awm leh awm loh min zawt alawm" a awma min kuah thukin a ti leh sup.






" Chu pawh nise tinge tun ang hun ah kher bakah phone call pawhin atheih reng " lungawi lo zet hian ka ti leh a, a rawn nuih chuan ahnungah ka sik vak. A rawn la nui nasa ang deuh deuh a.





" I thikthu hi ka duh riau" arawn tih chuan ka tal nghal nawk nawk, chutiangah duh tur pakhat mah a awm lo.





" Ok ok, ti chuan kan tha em" nui chunga arawn tih chuan " tha lo" ka ti pawr hlar a, arawn rum nghut.




" Eng nge kan that lohna" a ti nghut.



" Ruati kha" ka tih chuan ka khabe ah min kuai dak a, chiang zetin kan in en nghal ran.



" Engmah a awm lo, chuan ka sawi ang bak kha engmah athleng lo " a rawn ti leh sup. A awmah chuan hmai phumin ka nawr vang vang a, rin ka duh umm rin ka duh ngawih ngawih. Keimaha hlauthawn na awm hi tih bo a akianga hlim taka awm ka duh.U Dinpuia thusawi ka hriat chhuah avang chuan ka in pet ruh leh teuh. Min hmuh dan tur lah kha!!




" Harsatna ala awm em?" Ka hnunga chul chung chuan a rawn ti a, a awma hmai phum reng chung chuan ka lu ka thing nar nar. Ka sawi ngam hlawl lo ani.




Closet Bible Verses


🌼 Vânte khian Pathian ropuizia an tilang a, Vân dumah khian a themthiamzia a lang.🌼

Sam 19:1



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)