Elias Hmingthanzuala. Chapter - 7

Episode kal lai dah luhna

Moderator: writers

Taylor-i Vangchhia
Posts: 16
Joined: July 15th, 2021, 10:13 pm

Elias Hmingthanzuala. Chapter - 7

Unread post by Taylor-i Vangchhia » July 28th, 2021, 10:03 pm

Welcome leh vek u aw❤️. Comment vek ang u, Comment kan dawn tam chuan naktuk zanah dah leh kan tum dawn nia 😊❤️❤️


ka bul tanna ah Elias ang chu ka duh lo a, tiin ka tan mahse atawp ah chuan Elias ang thawh chhuah tha hnem tak nei in.nghahna tlak chhelo bawk si hi chu an tha ang, tiin ka tawp leh thin.




"Merilyn, i ngui riau in ka hria" in thlak zawh ah Arinin a rawn ti deuh teh thut a, ka meng phawk hman deuh na in, ka in siam tha leh vat. "Ngatinge ka ngui ve rikngawt ang" tiin ka nui lui a, mahse chu chu thil harsa tak a ni.




Kan in thlak zawh hnuah La-la-i leh Himhimi, an rawn thleng a, an in thlak ve nghal zung zung.


"Merilyn hi bialpa zawn sak ang u, Lalvenhimi chuan midang a nei leh daih tawh a nia" Pawn kan chhuah lai chuan Lala-in a rawn rawn ti a, ka lo nui mai mai, Arini erawh pawn lam ah kan la nghak thung


"Merilyn te chuan Elias Hmingthanzuala a lawm a duh" ka thian te pa hnih chu an nui vak vak a, " In zak lo e a, saw tiang mihring in ngai hlu lutuk saw Mosia'n tui pui a vuak chah atang khan an la piang leh pawn ka ring lo e a, a hming te saw Hmingthanzuala in ti lo sawn, Vanlalvaluea in ti law law se a mah pawh sawn nuam a ti daih zawk ang," ka ti bawrh bawrh a, ka tawng tam lutuk a, ka thaw a chham hman tep lehnghal

"Elias te chu a hmeltha a, a pa em saw" Lalai chu rum eltiang a bak a rum leh tur chuang awm lo tur khawp a rumin ka melh a, " Ka sawi awmzia chu a chhe lemlo ka tihna a nia" a rawn ti tha leh a, "Lala, keichu Merilyn in a huat em em chhan ka hria a sin, kha a chawn hmul a ziat lai kher a va hmuh vang kha" an nui leh vak vak a, keichu ka lo tûm hmuk thung.



"In zak silo a e, khatiang mihring kha ka duh ngailo ang, khawvelah hian a mah chauh mipa a awm pawh a nilo," Ramtea te lo awm khawm na lam ah chuan ka kal daih a, Colve Course a Wedding shooting neih chu a nuam dawn phian lehnghal.



"Merilyn hian pasal neih a chak tawh a" Phillip a ni, "Ngawi hmak rawh Phillip" ka lo ti bul hmuk a, Ramtea thianpa min melh dan hraw hraw lah hi, Doctor a ni a, mipa tha tak leh hmel pangngai tak chu a ni mawle, mahse ka duh chi a nilo.



Ka kut a ka phone ken lai a rawn rik chuan ka en vat a, No. lawng a ni, lak loh ka tum zet nang in khaw pawn ah kan awm sia, thil pawihmawh a nih rin thut na ka nei a, a ring ral hma deuh in ka la ta hram, "Hello" ngaihtuah mang lo a ka tih hnu a ka aw hriat vang chuan ka meng nur nasa hle, khawi atangin nge ka no. a neih ni.



"Khawnge i awm" a rawn ti nawn leh hmuk a, "Wrong no." ka tih hnuah ka off hmak, minute 5 hnu velah ka phone a rawn ri leh a, Elias bawk a nih ka ring a, mahse ka en chuan no. dang a ni "Hello" ringhlel ru deuh chuan phone chu ka chhang a, "Elohim.thu hrilh che kha ka hre vek a nia" a rawn ti leh hmuk.



Keiin phone ka off leh hmak a, Ka phone a rawn ri leh nghal a, ka van ning tak e aw, ka en a, no. hran hlak bawk "Sim engzat nge i Phone ah khan leng bik em em a," Ka ti tuarh, "Nangmah vang hian Sim eng zat nge ka lei ngai dawn zawk" a rawn ri ve hrawk a, "Khawnge i awm," a hma ai a nem deuh zawk in a rawn ti leh a, "Khawnge awm vak se min tih, in ah ka awm in ah" ak lo vin leh hlar, "In in atangin ka chhuak chiah" a rawn ti chhum leh hmuk a, kanun a hrilh lo tih na em maw ni le "Ninawm lutuk, vawiin ah kan rawn haw dawn lo," Ka lo ti leh hlak hlak a, "Tu te nen nge in nih, khawnge i awm ka tih chu" a rawn ti bul leh hmuk "Ka bialpa te nen kan awm, engnge" ka tih leh vak chuan a mah zawk in phone a off hmak a, ka thin a tawt nghal up up, "Merilyn lo kal la, kan tan dawn a nia" Ramtea thianpa Robert a ni, Doctor a kha.


Ka zui ve mai bawk a, "I unaunu chu i ngai dawn em" tlangnel zetin a rawn ti a, "Ngai ngawt ang" ka lo ti tha ve mai, mahse a bak sawi belh ka tum lem lo, "In in ngainat hmel sia, i ngai ngawt ang" a rawn ti leh a, "Ka ngai ang" ka ti hmak, ka tawng tam peih tawh lo, Elias khan ka mood a rawn ti uih vek.


"I tawng peih vak lo a ni maw" a rawn ti leh a, ka á dawn in ka hria, ka ning lutuk, "Aw" ka ti leh tawp a, Arini te bul kan thleng ta hram.



Thla kan la hrep a, nuam ka ti chho viau a, mahse a chauh thlak hle, "Ehe, Saw saw Elias a ni lawm ni" Himhimi a ni, "Maw" tiin a kawh na lam chu ngaihtuah nei miah lovin ka hawi ve ringawt a, Elias dur over a meng chung in a rawn kal phei a nih chu, a hmel ka hnuh chuan ka ip chawih thei.


ka lo tlu tep pek a niang, Robert in ka kawng ah a lo dawm vat a, ka nin teh lul nen ka tlu tur lo dang tu a nih Vang in 10% ka pe e.


Mahse ka mit ka chhin laiin tu emaw hian ka ban ah a rawn pawt sawk a, ka men leh meuh chuan Robert a lo thal tawp tawh, "I kut i dah na kha en uluk tawh rawh" Elias in a ti hrawk a, a rawn kalna lam pan khan min kal pui leh hlawk hlawk a, ka ban a vawn na na nen, a mah ka hlau nen awm ngaih na pawh ka hrelo.



"Elias ka, ka ban kha a na a nia" ka aw khur chu ka ngei takzet, aka aw khur a hriat chuan a ding chat a, "Engvang a in awm na kha min hrilh tha mai lo nge i nih" a rawn ti leh hrawk a, a mah a midang ka hriat belh leh ta, in sum theihna a neilo.



"I hriat chhan tur a awm hleinem " Ti dekin ka lo ti leh a, "Engvangin, chuan khapa kha i bialpa a nia maw, ka rin ring hauh suh, keimah bak i ngaihtuah theih miah loh kha" a rawn nui sak a, engnge maw a hriat le, hepa hian a awm dan a thlak thut thut thiam a nih hi.


"Hah, engvangin nge nangmah lo midang" sawi pawh ka sawi zawh hma hma in ka hmui chu a rawn chilh hmiah, a car bulah kan ding a, miin min hmu teuh lehngal.


Duh thawh zetin min fawp tawn tawn a, ka hnar thei bik lo, tha takin ka lo chhang let ve a, rei fe hnuah ka in thlah a, kan thaw dun hlawi hlawi, "Engtikah mah min hnar lo ang tih ka hria" ka beng bul ah a rawn ti sup a, Passenger seat lam kawngka chu ka luh na tur in a rawn hawng a, thu awih deuh chuan ka lut ve ta mai.



"Khawnge kan kal dawn" a rawn luh ve lai chuan ka lo ti vat, "khaw pawn a ka resort ah" a tih chuan ka meng phawk ngang mai, a raqn hawi chuan a nui suk a, "Lungngai suh, mi tenawm ka nilo" nui sak chungin a rawn ti a, ka nui ve tawp, mi rilru a chhiar thei bawk em maw ni.



"En teh, ihh hmeltha deuh hian mihring rilru hi an chhiar thei em maw ni ka tia, mahse chung chu lo ni ta se chhiar thei ve tur hi chu ka nia" kan tlan chhuah hnu a ka tih a, ka hawi chhuah leh chuan a lo nui suk suk tawh, "Nge khati vak a ilo nuih" ka tih chuan a lu a thing nak a, mahse ka tum bur, "I kum phu lo hian i á a" a rawn ti sup a, mi á nih chu khawvel a ka thil duh loh ber a ni.



"Ka á lo awwwww, Hmingthanzuala, nilo nilo Puvalue," ka tih lai chuan a lu in min rawn hnaih nghal rawk a, a tlan muang deuh bawk, "Ezra bulah Puvalue-a min lo ti tih ka hre vek a nia" ti sup in ka hmui ah a rawn fawp leh zauh a.




"I hming in ka ko peih hleinem che" ka tih chuan a nui leh vak a, kawng a en ve leh hram, "Chuan kei aiin a let in i naupang tih hria la, Ka hming pum in min ko tawh suh" a la nui tho, a thinrim lo tih chu ka hre thiam ve e, "I Capital letter a koh che chu i huat ve tho kha, Lalhriatpui min tih ve tho kha" awlsam.zetin ka ti ve leh a.



"Keichu a dan a dang" a rawn ti ve vat, "Kan ram a lo changkan nan chuan hmeichhia leh mipa, a in ang reng a hma kan sawn a ngai a lawm" ka tih ve leh chuan a nui leh hak a, "Kan in kar thu hi sawi fel ang" teh daih chuan "Eng kan in kar" Kan chuanna Car chu a ding nghal dawt a, a ri tuarh bawk, ka lu ka tauh tur chu Elias in a kut in a lo dang hman hram a ni.


"I va han mawl thei tak" ka tih tuarh chuan min rawn hnaih sawt a, "Ka thu sawi tur hi hre lo der tawh hlek suh, ka hua a nia" a tanwg zawi viau na in a thusawi erawh ka hre chiang hle.



"Nupui hual nei i nih kha" ka ti sep, "Tunge ti, ka bul a hmeichhe awm ho hi ka nupui hual angin an ngai vek dawn tihna em mi," a nui leh suk suk a, "Mahse Elo khannn" ka tih leh chuan "Engtik lai mah in ka nupui hual a nih tur thu ka la sawi ngai hauhlo" a rawn ti leh hmuk a, ngatinge ti em em hian a tawngkam hi a bulh le mahse a thusawi zawng zawng chuan min ti lawm em em si a.



"ka sawi kha, kan in kar kan sawi fel ang" a ti leh a, ka ngawi ve tawh mai, ka sawi belh peih tawh lo, Resort kan thlen chuan a lo reh thuap a, Elias chu ka en ha, tun ang hun ah te chuan la reh hun a la ni lo "Ngatinge tu mah an awm loh a" ka tih chuan min rawn melh zawk a, "Zing atang khan ka khar tir daih tawh, zawng hrep lo phei che ila, darkar tam fe he lai hmun ah hian hahdam tak in ka awm tawh ang" ve teh duah chuan a.



"Ka ngei che a lawm" hnuailam en ngur chung a ka tih chuan a ngawi deuh vang vang a, "Eng vang chuan maw" zawi sup in a rawn ti a, "Sinthia nen in chungchang kha Elo in tlem min hrilh a" ka ti leh a, "Thil dang a hrilh tel che em," a rawn tih chuan a mah chu ka en ha "Eng ang maw" ka tih chuan a lu a thing nak a, "Thil pawimawh lo pui pui vak a sawi lo ang" a ti leh sup a, ka lo nui hak a thusawi hi a dik chiah thil ho mai mai a sawi a, a bul a awm a nuam takzet bawk.



Elias P.O.V


Elohim ka unaupa hi khawngaih ve viau mah ila he nula hi chu ka pe thei lo tlat.


kum thum liam ta tawh khan a bialnu Sinthia u hi a nia, Hanah Doctor zir tur a Elo ram dang a a kal tirh a nia, Hannah kha a damlo thut a, a thluak ah Khawsikpui a lut an tia, a boral nghal deuh mai a, Elo hmanhmawh tak a lo haw kha a Hannah chhungte khan an nghak lo a, Hannah hmel chu vawi khat mah a hmuh leh tawh loh tur in a lo thlen hma chiah in an phum a, chuvang chuan Sinthia te chhungkua an thisen kai hrim hrim chu a haw vek.


"Eng maw kan sawi tur kha" Restuarant ah kan thu dun a, thil a ei leh char char tawh, "Ka bialnu ni rawh" ka tih phawng chuan a thil ei lai a rawn hak ti tih a, a khuh bawrh bawrh a, tui ka lo pe vat rei fe a in buaipui hnu ah a rawn hawi chhuak a, ka mit ah tak a en kar.


"Engteh Hmingthanzuala eng ang pawh a Value pawh chu lo ni la, Mihring mipa pangngai tih dan ang deuh tal hian mi i bem thei lo em mi," a tih chuan ka khi sak.


"Pangngai tak a bem i duh a maw" ka tih chuan a bu nghat nghat a, "Hmaichhia ka nih hi, duh tehreng e, khating a, in rin loh lai a, ka duh che i tih ringawt" a tih lai chuan ka insum hman lo in ka kiss ta tawp.



To be continue.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)