ALLORA✨ Chapter -1 by Ailee Âwitei Hmar

Episode kal lai dah luhna

Moderator: writers

Ailee Awitei Hmar
Posts: 19
Joined: July 23rd, 2021, 12:49 pm

ALLORA✨ Chapter -1 by Ailee Âwitei Hmar

Unread post by Ailee Awitei Hmar » July 28th, 2021, 11:05 pm


6:30 am
Kawnpui hmarveng

Alarm vawithum vel ri nawn tawh chu banin off pah chuan kan khum bula drawer te chungah chuan ka nghat dawt , chutah ka thawh peihloh êm avang chuan khumah chuan vawihnih vel ka inlet leh hram bawk a, mahse mut reng theih ni heklo a tawpah chuan ka thu chhuak ve ta a. "Khawnge F-i pawh hi nizanah a utopia lalfapa chuam R-a a ngaihtuah rei leh awm nen nen,min lo thawh khalh ve khanglang😂" ring vaklo a tiin khuma la thut reng pah chuan keimah in ka khi suk suk a, chumi zawhah chuan tui um banin thut mar pah chuan kan in leh te te a, hmalam en vung vungin ka ngaihtuahnaah vawiin ni ang bawka mi thar ni tura Bangalore Higher secondary school- Bangalore,karnataka-a ka pen luh lai kha a lo lang a, chutah ka ngaihtuahna pawh chu dan tum lem lovin ka chhunzawm ta zel a

FLASHBACK
"Hi! My name is Lalvenpuii from Mizoram" tiin introduction chu ka tan a; ka zam vang nge an phun nghal sûr sûr hian ka hria mahse mahni infuih ru chungin nui sângin ka thilsawi tum chu ka sawi zo ve mai bawka , Kan teacher in ka thutna a kal tura min tih hnuah chuan stage atanga chhukin ka bench tur chu ka melh kual ve a,an vai mai chuan thilthar danglam hmu ang maiin an meng ker vek a,huiha🤦🏼‍♀hetia an men hian mak ka ti ve tho tih an inhre lo aniang nge ,ka danglam bik na em em pawh kan hriatloh nen Mizo hmeichhe tleirawl ft 5'6 vel niin a cher lam ka pawl lo hrim hrima ,min fak thiam deuh chuan "I nulian I zahawm khup mai" min ti thin ve ngei ,tin ka vun hi var(white ) ngo hlung lovin mizo vun eng(yellow) lam pâwl mah niin ka hang lemlo a, ka mit ,hnar ,hmui ah engmah a tê chhelo bawk khaikhawm chuan Mizo hmeichhe tleirawl hmel pangngai ve tawp hi ka ni. Kei ai sang leh meng zîm ,menglian ,tawi , thau etc etc inpawlh nuaihin an thu ve tho si nge min en vak vak bik ka thinthawk a chhuak ve tep tawh.
A tawpah chuan mipa pakhat vai mitmeng lampang mizo an na nei tho si hian a kut min lo vai a ,kal hnaiin a hmaah chuan ka va thu ve ta a.

A hmaah chuan ngawi rengin ka thu ve a, ani lah chuan min biak a tum tawhloh hmel em em mai a,thian ka la nei silo biak leh chu tumin ka va hawi thina, aman pui rauh lah chuan mimawl ang maiin min lo nuih vur vur ringawt zel a Ninawm! A hmelin pawi an sawiloh nen mawl vervur lutuk😪
Bell a rawn ri ta ral ral a,first day chu ka tluan ta! va nuam teh buai lo tak ,ngawi rengin kan hostel lam chu ka pan a,ka thlen veleh inthlakin ka inbual harh nghal bawka ka lung chu a leng lo mahse thian neih ka duh Hmun thara Mithar nih hi ka thil nin ber a ni ve tlat. Zanah chuan thawnthu ka chhiar leh fê hnûin ka tawngtai a ka muhil ta bawrh bawrh a.

A tukah chuan midangte thawh hmain ka inbual fela chaw kan ei zawhin school kal tur chuan ka insiam leh ta a ,ka sam chu a sirah bari tawité siamin ka beng hnuai ka tukhum zawnah felfai deuhin ka bawk khawm leh thlap,heihi ka own hairstyle ve liau liau ani,inhmeh ka inti a,a felfai ka tih bakah ka sam ang sam tam lam leh ngil vaklo tan chuan solution tha ber niin ka hria. Ka room chu ka kalh fela single room ka luah naa tawk ka ti viau,double chu hmelhriat sa kan luahpui dawn a nihloh chuan thilneih inlakpawlh lamah intihbuai te a hlauhawm tiin Mizorama ka unaunu (cousins) te leh thianten min hrilh.
Hostel ka chhuahsan chiaha ka mi hmuh chu ka en vung vunga ehe nimina mi kha a ni Chiang lutuk ka ti rilru nghal,chutah inring hmanlo in "thianpa hey ,lo ding teh! " kan ti thla rawka ka tlan hnaih nghal a bul ka thlen chuan a lo nui leh vur vur tawh "ka thusawi chu a bo ve deuh a ni maw?" Tia ka ngaihtuah laiin "venpui, thiannu a la tlai lo inbengdai rawh" nui thaw chunga an rawn ti mai chuh ka tlansan zawk lo chauh, at hmel lutuka ka en char char hnuah"ih Miz...." Ka ti leh chiah chu nui chung bawkin a Sana a en zeuhaaaaaaaaa "mahse a hma tawh chuang lo, kal ang" a ti leh ta a,ka hamhaih chuan kan zui ve mai bawk a.
Kan hostel hi Vijaya college piaha awm a ni a,Tin a kawi piahlam saw kan school a ni bawk, chawhrualin minute 15-20 kal vel a niin ka hria.Class ah chuan kan lut duna inbe lo bawk chuan kan thu leh ta ngar ngar a.
Break dar a lo ri chiah chu ka darah kut lian lam hian a rawn khawiha ka hawi let rualin a ha var zet bawk ka hmu leh nghal ,engtak chu kan hria ni maw "I va mawl tak ka phu tep alawm" kan ti hrama , ka hnunga mipa chuan hnuai lam bih zeuha nui tawh lo chuan "tiffin ei ila" ka lo tia a rawn ti ta zawka, an nui lo chiah mai chu a nuih Khan a lo tha lehzual zawk tih ka hrechhuak chawpchilh nghal "Lawks aw,kan inkhung fell ve phawt" ka tih leh takah chuan a nui hmel chu a rang a rangin a rawn comeback nghala, chutah ka nuih ta vak vak a" hepa hi a nuilo rei ve theilo a nih hii" tih ringawt ka ngaihtuah leh ta tlat peka a 😂 ngaih a that vakloh hmel chuan lu a hiata ,chutiang te chuan ka nuih a ti za telh telh bawk si a va hreawm tak,nuih duh lutuk pawh hi a buaithlak aniiii! "Nang hi I nulen len nen I mawl reuh a nih hi" min han ti ngawta a nu I ve tho, minute 1 vel ka nui leha ka insum thei ta chauh a nih kha. Chumi hnu chuan tiffin phawrhin kan ei a ,kan Chanchin te inhrilh in kan ti ti dun ve thei ta a
Amah hi Jasper Zorempuia a nia ,jasper emaw Zorem tiin an ko mai thin, kan hostel M&M girls and boys Hostel neitu te fapa a lo ni a,tin a nu hi Nepali niin apa mizo, thlahpawlh(hybrid) a lo ni ngei bak.Chuta tang chuan kan pahnih chauh chuan kan inkawm ta char char a ,school kan kal dunin ka haw ruala,chhun zanin phone ah kan inbe bawk thin. A hnu reilo tê atang deuh chuan kan pahnih chuan inkawm reng ni siin kan inhmuh hian kan lâi dun thei ta viau a, keiphei chuan biak hmasak dan tur ka hre hlawl tawh ngailo ,ani pawh chutiang chu a ni ve thin tih ka hria min hmuh hian a ngawi vung vung phawta thawk te a la ve huk huk zel mahse a tawpah chuan mipa zawk na na na chuan "heih" tihtalin min be hmasa leh thin. A changchuan "ani hian min duh a mawnlee" tih ngaihbel rum rum tura phone-a min rawn text te hi a chinga mipa ka biak ho pawh min zawt thlap thlap thin, mahse a takah kan inhmuh chuan engmah a sawi zui leh ngai chuang lo. Chutianga awm dun reng reng chuan class 11 chu kan pass-a ,class-12 kum chanve kan lo thleng ta reng mai.Mahse kha kum chanve chhung kha mahni insit reng reng leh rilru na chunga ka hman kum hriatreng tur, tuna Mizorama ka zirna ka chhunzawm tura ka awm tak nachhan hi a ni ang tih rin ngaihna ka hrelo.

END OF FLASHBACK

"Aihah!!! Lalfakawm a nâ! vawi engzat nge bottle in ka lu ah min khawng tawh suh ka tih" tiin F-i nui vak vak chu ka melhrum a ,mi thawhphan mood fuhloh nen henu hi chu tihngaihna hi a awm thlawtlo. "Khawn I duhloh chuan khati khan khum pawh siam lovin thu vung vung ziah mah ta cheee anu pawn I tlai angee vawi engzat nge a rawn tih tawh" a rawn ti vei âwt âwt a ,Lukham hian ka vawm khuang zawt dawn a mawnleee, mahse chutia ti ta lo chuan a aia a huat turin fiam ka chak ta tlata "a nih chu Saron" kan ti zui zeuha a lo hawi let rang teh eeee "lalvenpui min tluklo" tih pahin a bur ken lai chu a rawn vawma, lo inbumin room atanga a chhuak tau nghawng nghawng chu ka nuih ta vak vak ringawt; Saron-i hi a duh em em R-a bialnu hlun a nia a haw ve em em mai a,ani hi chu a buaithlak Chiang a nia a chang chuan kum 20 kai tawh nula in a thil la buaipui ka ngaihtuah hian ka nau zawk hi a ang ka ti lek lek thin. Engpawh chu nise a tha e, amah vangin zingah ka nui leh tâk vak theih phaha
R-a hlir rakpui thin mahse min tihlim tura ka u a a lo piang hi a lawmawm ve hrim hrim e ti rilru chungin khum chu ka thawnsan ta pauh a.

Bathroom ah lutin ka inbuala, bathrobe nena ka chhuah leh meuh chuan muanchang lutuk chi ka ni tawhlo tih ka hre chawpchilh nghal. Darthlalang hmaah dingin ka sam ka chhem ro zung zung a,ka hmaiah sunscreen leh compact ka hnawih leh tawp; chumi zawhah lipstick nude colour la chhuakin ka hmuiah ka hnawih lehnghal a, tichuan makeup routine chu a zo dêr. Keichu heti deuh tawp hi ka ni mai ka mithmul (eyebrows) te hi chei an ngai ve lo an dum Chiang em em sa ,ka vanneih naah ka ngai mai zel.
Wardrobe lam ka panin kamiz var thianghlim zet nizan lama ka nawh mar sa thlap chu khai chhuakin ka ha a,chutah jeans kekawr dum dak tha zet ka pian tilang tawk chiah tura tight chu lachhuak lehin ka kawr chu ka beng luh leh zung zung hnuah a kawng chu tlem tlem kan pawt chhuak leha ka duhtawk leh ta viau, thawmhnaw lam pawh hi ka duh simple in inhak duah duah ang chi hi ka thiam ve meuhlo.
Keima pual shoerack lam chu ka en vung vunga chutah Vans dum nalh zet mai ka cousin leh ka u ni bawk Au damin Mizoram ka haw puala a dawra mi ngei min pek chu nui suk chungin ka la chhuaka ka bun ta thlap "mission complete" ti rilru a lungawi taka darthlalang kan in en leh chiah chu "awiii, asambuka ka lo theihngilh hmin tep che lawm; mahse lungngai suh a style ngai te te in kan in bâwk fel leh thlap dawn nia" ka sam chu kan be leh vel a "huizzz ka zo ta" tiin vawikhat dang darthlalang ah ka in en leh phawt "smart kha ni lawm ni ka tum ka dik ve viau e"


ka bag dar ah chu ka la lawk a ka chhuak thei ta "ka kal, a hma tawhlo" tia kawngka ka chhuak chu ka nuin ring lêng lâwngin "Nanau!!! Chaw te ei la mawleee" a rawn ti leh hram; van zahthlak thin tak college kal nula intih ve tawh nak a laia 'Nanau,Naupui' la intih hi chu mahse amah chauhlo pawh hi kan colony a kan chhungkaw Cheng zawng zawng min koh dan a ni miau ka dem seng tawh bik lo 🤦🏼‍♀. "Nu a puilo canteen ah ka ei mai ang" ka tih lai chuan "'a puilo' a nilo 'a pawilo' alawm venpui ngatinge I sawidik theih miahloh, vawi engzat nge an hrilh tawh che" tiin ka rilru in ka inhau nghal mawlh mawlh bawk a,he thil kher hi chu tupawh hian hemi tawngkam ka hman apiangin min correct sak ziah mahse ka inveng hman thlawt thin lo. Anu in "mahse..." A rawn ti leh chu ka lo tawng khalh nghal zat "Nu VL-i nen ei kan lo tum lâwk hrim hrim a ,a tlai zel ka kal bye bye" tiin ka kalsan nghal hlawk hlawk. VL-i hi kan cousin zinga upa ber fanu naupang zawk a nia ,mahse kum 2in kei ai a upa leh tho ,chuvangin ani chu kan college hi tunkum tawpah a chhuahsan thei bik tawh ang.
















Ka vawikhat ziahna , RL blood flows cousin nau Lian pui 27 august birthday lo thleng tur puala ka ziah
I lo chhiar a nih chuan ,I lo chhiar hrim hrim avang pawn ka lawm e 💙


Chuan a hnuaia advertisement khu click zeuh tur aw👇🏻😊



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)