*EDWARD LALPEKHLUA* CH-9 BY DENNA PACHUAU

Episode kal lai dah luhna

Moderator: writers

Denna_pachuau
Posts: 60
Joined: May 30th, 2021, 3:07 pm

*EDWARD LALPEKHLUA* CH-9 BY DENNA PACHUAU

Unread post by Denna_pachuau » July 29th, 2021, 2:55 am

CHAPTER-9



EDWARD LALPEKHLUA POV



Bawihi ka biak zawh chuan kawngka chu ka kik a "I lo kal chu kan lawm hle mai"
nu Ruati(Lydia-i nu) chuan a rawn ti vat a,
"Enge a an tawh a" ka tih ve sup, kar khat dawn lai a hna a chawl tawh a, hmangaih lo mah ila, kum 5 dawn lai kan inzui ve tawh a, ka lainat ve tak zet, mahse ka thinlungah midang awm reng chungin engtin nge ka hmangaih theih ang, a mah pawh hainq hrethiam se ka ti hle bawk, kan inkar a tawp vang a na a nilo ti mahse en reng reng pawh hian a tuar a ni tih ka hria...





Kawng a kan in tawh chang pawn hnuailam melhin rang takin a kal nghal vat zel,
"Engmah a la ei lo em ni" ka tih chuan a bu ve zeuh, room lamah chuan ka va lut a,
"engmah I la ei loh thu an sawi a, enge maw tal ei la a tha ang" a bul ah ding chuan ka ti nghut...





"Min khawngaih vang in em ni I lo kal"
chauh hmel zet chuan a phun sep, "Chu tiang ngaihtuah a hun lo" ka ti hmuk,
"A nih chuan engvanga rawn kal nge I nih min ti na leh turin em ni, a hma atang tawh khan min lo hmangaih ngai miah lo a ni tiraw, I tan engkim ka inhuamna te kha hetiang leh mai mai tur hian maw ni a, mi tenawm tak I ni" tiin a tap zui nghal hlawp hlawp....






"Hun kal tawh sawi chhuah a tul tawh lo, hmeichhe fing tak I nih kha kei ai tha midang I tawng leh em em ang"
ka tih chuan lukham a min rawn vawm chu ka lo man chawt, "Nang lo chu hmangaih ka neih lo tih I hriat kha"
a rawn ti nghek, hetiang hian a awm ang tih rin ngaihna pawh ka hrelo, hmeichhe nunnem tak kha a ni thin sia...







"Bul tan tha leh ang aw Christina-i pawn a hrethiam em em ang, in la inkawp rei chuang loh kha, a hma ang khan awm leh ang" ka kut vuan chuan a rawn ti a, ka thing tla hnawk, "Hriatthiam tum rawh, ka hmangaih lo che ka kiangah I hlim dawn chuang lo" ka ti leh hrâwk..






"Pawi ka ti lo ka kiangah I awm dawn phawt chuan min hmangaih lo mah ka pawi tihna ka nei lo" a ti leh ngat ngat, hahthlak ti zet chuan ka thaw leh hrâwk thin, "I nu'n kan inkara thil thleng hi a la hre lo em ni" dam deuh zawk chuan ka ti a, "ka la hrilh lo, hrilh kher a tulna ka hre lo, bul kan tan tha leh vat dawn tho alawm" a tih chuan ka kut ka hum ruh nghek, hetiang ang hmeichhia hi a ni tih lo hriat tawh tur a nia, kut ka thawh mai loh nan ka insum tang tang...






"Edward chaw ei ve nghal mai la" ka tawng leh tur chiah nu Ruati rawn tawng vang chuan ka ngawi leh rih, "ei lo ang ka kal phawt mai ange" tiin ka chhuak nghal vat, "sir Pu Rammuana kha ahna a tang a bang a, Pu Vincent-a hnenah thawh a tum a ni awm e" driver in a rawn tih chuan ka thaw hrâwk,






"tunah hotel ah a la awm mek"
a tih chuan hotel lam pan vat tur chuan ka ti a...Mi te chuan ka driver satliah ve mai mai turah an ngai a, ka secretary a ni tel bawk engkim a hre ve vek a, a rinawm in a fing em em bawk. Sumdawnna mai bakah mimal zawng pawh a min haw tu hi an tam em em a, Hei vang hain fimkhur ka ngai tak zet..Kha Vincent-a khan min paih thlak a tum ngat ngat tih pawh ka hmuh hmaih hauh lo...






Hotel kawt kan thleng chiah Pu Rammuana te pawh an rawn chhuak ve chiah bawk, "In haw mai dawn em ni inbe lawk ang hmiang" ka ti nghal vat, kan hotel tan hian a tang kai em em a, engtin nge Vincent-a khan a thlem ka hre lo, a thamna pawh a tlem hauhlo ang..







"A tha lawm" a ti ve mai bawk, ka office ah chuan kan inzui lut a, "engzah nge a pek che a" ka tih chuan a nui suk, "I sawi awmzia ka hre hauh lo mai ka ban chhan zawk chu chawlh hahdam ka duh vang mai mai ani" a tih chuan za lo zet ka nui hawk, kei ai a upa daih a, nupui fanau pawh a nei tawh nghe nghe..







"I bang duh chuan ka dang lo ang che amaherawh chu min do zawng a chet I lak chuan ka tih theih I hriat kha" kiai suk chuan a ti a, "E...eng e I sawi awmzia"
hlauthawng zet chuan a ti a, "ngaihzawng I neih thu kha ka hriat lo I ring em ni, sawi chhuah kher chu ka tum lo mahse min do zawng a I chet chuan I nupui thinrim I tuar zo lo hlauh ange"
tiin ka hma a file vel chu ka en a...







"Hna dang khawih tur ka la ngah bawk sia min chhuahsan tawh mai dawn em ni"
ka tih chuan rang takin a chhuak nghal,
"nep lutuk" tiin ka phun hluk, ka pa khan khaw li ah ngawt hotel a din a, leh lamah min tihchhiat tum an awm ve zel bawk nen, hna khawih tur leh tih fel tur a tam thei ngang mai..






Hna rawn dil ho file vel chu ka en mial mial a, ka zawh meuh chuan dar 9:30 a lo ri va tawh, ka kawng pawh a kham ngei mai, Bawihi phone ka tum chu phone ka ak lo tih ka hre zawm zat, Ipte vel chu ka dap rawk rawk ka ak hauh lo, Lydia-i te inah ka theihnghilh tih ka hre chhuak zat..






"Sir khawnge I kal dawn" Zira chuan a rawn ti vat, "Ka phone ka va lam lawk ang, rawn kal ve duh kher suh va haw tawh zawk rawh keimah in ka va kal lawk mai ang" tiin min chhan hma chuan ka tlan chhuak vat, hotel bulah lawk hian an in a awm a, a zia phian, Bawihi kiangah awm ka chak tawh takzet, Lydia-i nen kan inkawp lai khan nupui neih lam ka ngaihtuah ngai lo,Mahse Bawihi ka tawn hnu atang hi chuan ka ngaihdan pawh a inthlak danglam vek.. ka nu sawi kha a dik a takzet hmangaihna hi rin loh lam daih a tanga rawn kal a ni a tih kha...





"Tun ang hunah enge ni ta nichin lah khan I haw daih bawk sia, kan buai hman lutuk a, I kal hnu khan Matei hi a tal buai chiam a" rilru hah hmel zet chuan nu Ruati chuan a ti a, "ka phone theihnghilh ka rawn lam lawk dawn" ka ti sup, "lo lut la" a tih chuan ka lut ve vat, thil tla keh chuai ri ah chuan Lydia-i room a nih tih ka hre zawm zat...






kan tlan lut vat, "Mate ti nge I tha em"
tiin a nu chuan a rawn kuah vat, a pa'n a boral san tawh a, a nu leh a u nen an cheng a, a u hian min paih thlak a tum ngawt ngawt ka tih kha, "Ed min kalsan suh I tel lo chuan ka dam zo lo ang, min kalsan suh aw" mittui tla zawih zawih chuan a rawn ti a, nu Ruati pawn hrilhhai hmel zet chuan min melh ngawt ngawt..





"Hetiang mi hi I nih loh kha"
hahthlak ti zet chuan ka ti a, "lo in be ru ka va chhuak lawk a nge" tiin a tho zui vat...."Hriatthiam tum rawh hmeichhe fing tak I nih kha keimah vang mai mai in I nun ti chhe suh" chang fak chuan ka ti a,
"Ka hria lawm ka tum ve zel a lawm Mahse ka hmangaih tawh lutuk che ka thei lo" a ti ngat ngat...




"Khawngaih in zanin chauh chu ka kiangah awm la, ka tibuai tawh lo ang che zanin chauh" a tih chuan thaw hawk in ka bu ve zeuh, a nui nghal vur vur, Bawihi ka phone a ngai ni, ka chhuak tur chu nu Ruati bawk a rawn lut ve chiah bawk,
"I rawn kal a Hei a hma ai pawn a zia deuh tawh inneih lam te hi ti vat ula a tha ang"
a tih a chhan tum a ka ang zeuh chu Lydia-i chuan min au a ka hawi vat...




"Ed haw lo mai la" a rawn ti a, ka haw loh tur thu ka sawi zo chiah sia "lungngai suh ka awmpui dawn che lawm"
ka ti ve mai bawk, zanin chiah a ni dawn lawm Bawihi pawn a hrethiam em em ang tiin ka inhrilh mawlh mawlh...call ka tum lai tak chuan Vincent-a a rawn haw ve chiah bawk, Lydia-i leh Vincent-a hi unau an ni tih hria an awm vak lo, Vincent-a pawh hi sumdawnna thilah a zin chhuak ngun a, a mah hi a inthup mah zawk...






"Zanin chu I rim lo ka ti reng a helam a I lo awm vang zawk a ni maw" a tih chuan ka melh vut, "enge I sawi tum" ka ti hmuk "thik thu pe chhe viau teh suh ka u I nei tho a, Christina-i chu min pe mai rawh"
a tih chuan a awm ah ka tham vat,
"Eng thu maw I sawi kha Bawihi hi I kut hmawr pawn lo tawk hlek suh ang che"
tiin ka chhuak nghal vat....






Lydia-i au zui vak vak pawh ka ngaihven zui tawh lo, hmanhmawh zet chuan Bawihi te in lam ka pan a, a thim thiap tawh dar 11 a ri tep tawh miau a, ka call pawn a rejeck hmak hmak, a la mu lo a nih ngei dawn hi, ka thiam loh a ni engmah chanchin ka hrilh lo a...





CHRISTINA LALTLANMAWII POV


Ka phone nghawr chur chur chu a mah bawk ani vawi engzah chuang nge a rawn call tawh ka reject hmak hmak, ka switch off dawn lai tak chuan message a rawn thleng a ka en vat..


*Inbe lawk ang*

*Bawihi I la mu lo tih ka hria a nia lo chhuak lawk la*

*call kha chhang rawh*

*I rawn chhuah hma loh chu ka nghak reng dawn che nia* tih vel te ka chhiar zo peih lo, duh leh a bialnu bulah kal mai se, mipa ho hi tinge maw an indaih bik em em le, hmeichhia hi chu pakhat kan neih pawn kan buai em em a, mipa ho hi chu an lo inang vek a nih hi pakhat ah an lungawi thei lo...




Light off in ka mu nghal hmak, muttui chu a har talh talh khawp mai, a la awm angem le, enge maw a la awm ngawt ang Lydia-i bulah a kal daih tawh ang chu, tiin ka thinlung chuan min hrilh mawlh mawlh
khum khatah an awmdun tur ka suangtuah ringawt pawn ka na nghal ut ut..






Naute papa hian ngaihdam min dil ta se kan ngaidam duh a ngem, tiin ka dul chu ka chul heuh heuh a, Lydia-i hi lo rai ta se Ed-a hian min kalsan mai angem, ka Naute vang chauh a ka kianga awm a nih chuan Naute ka neih hnu ah ka Naute min lak sakin min kalsan daih mai lo'ng maw..
"ngaihtuah tawh suh" tiin mahni chu ka inhrilh mawlh mawlh, ka mumang rapthlak tak kha a thleng chho dawn em maw ni le..





Ka alarm ri chur chur ah chuan chiang lo zet in ka meng a, nizan khan ka tap tlaivar thak ti ila ka sawi sual lo ang, ka mit pawh a na ut ut, "Mambawih I tho tawh em"
ka nu'n a rawn ti lang lang a, ka tho tawh thu ka hrilh chuan a rawn lut vat, kawngkhar hi ka kalh ngai lo a, a chhan pawh ka thawh tlai theih em vang hian min rawn kaitho turin ka duh a, alarm hi chu a rawn ri chiah a off hmakin ka mu leh thin...nitin ka set ziah a a rawn Rik apiang in off hmakin ka mu leh nge nge zel....ka chhungte pawh hian I set peih mai mai min tih phah ziah..






Zing thawh hma hi ngaia neih har tak a ni, thla li chhung boaed exam kan neih dawn khan zing tin dar 4-5 inkar ah kan tho a, kan camp zo atang zing 9 ah te ka tho nghal a, mut hi chu a nuam ve em a ni...



"nizan I Mu tha vak nange I mit pawh a bui vek a lawm nge ni a I tap zawk em ni"
a tih chuan lu ka thing dat dat, "tap lo e"
ka ti ve mai, "Nichin khan Edward-a a rawn kal a ti ila a awm sa zawk nge, hmuh a duh thu che a sawi a, a hmel pawh nizan a mu lo tih a hriat khawp mai" a tih chuan nizan Kha ka hrechhuak zawk mai..




A haw lo tak tak a maw ni le, "chuan a la awm em" ka ti nghal vat, "ka haw tir thei hram a nih kha, intih thiam lohna in nei a ni tiraw" a tih leh takah chuan ka bu ve nghut, "inngaizawng te ah chuan a awm ve thin a lawm Mahse a titau rei zawkah tan loh tur" a tih chuan ka ner nawng....
*
*
*
*
"engtikah maw I nu chu in admit dawn a"
ka pi in a tih chuan naktukah ka ti ve mai,
"in admit kher chu a tul ka ti lo a sin"
ka nu chuan a ti a, "A tul in enkawl uluk I ngai" ka lo ti nghal vat..




"ka kal dawn a tlai tawh Mimi-i a lo vui leh palh ang" tiin ka chhuak vat, ka thlen vat loh chuan a titau rei thei sia, chu bakah thil te te min hrilh dawn sia ka hre chak tawh, ka hmaa Scorpio var nalh zet a rawn din chuan ka melh nghek, polite lo lutuk mai...




A chhung atang a rawn chhuak chu rum zetin ka melh, ka kal pel tur chu ka ban rekah a rawn man chawt, "min thlah nghal rawh" ka ti nghek, "inbiak kan ngai" a tih chuan ka ner sak, "inbiak kan ngaihna ka hre ve hauh lo"
Ka lo ti chang fak chu a thaw hrâwk..





"Nizan vang khan ka tihpalh" a tih sep chuan za lo zetin ka nui chhuak hawk, duh tawk a nuam an Chen hnuah tihpalh a rawn ti leh a, ka luak te hi an ti chhuak zawk, "Chuan sawi duh I la nei em"
ka tih chu a meng buai nak, "I neih tawh loh chuan tih tur dang ka la nei ka kal phawt mai ang" tiin min vawnna chu ka thing tla hnawk...




"kha pa bulah bawk khan em ni kal leh I tum a" a tih chuan ka ding dat, "Ni pawh nise lo buai suh" ka ti hmak,
"Laltlanmawi ka pek theih loh enge a pek bik fa ko che a" a ti leh thawt, ka zâm mai mai dawn bik hauh lo, an duh duh a min tihkawi theih ka nih loh zia hi ka hmuh tir ve ngei bawk ang...





"tam tak" nui lui sak chuan ka ti a, hetianga ka hma a rawn inlan ngam leh tur pawh hi a ni lo, "ngawi hmak rawh"
a tih chuan kan bula kal ho te pawh chu an rawn hawi thup, "engtin nge min tih anga, ka rilru Tina in midang Min pansan dawn em ni" ka tih chuan rum mangkhengin in min melh run...






"Enge I sawi awmzia" a ti hmuk, "hre lo der reng reng suh min kalsan leh tur si tinge ka nunah I rawn luh, I theihnghilh theih loh chuan ka thinlungah hian eng vang a hmun rawn Chan kher nge I nih"
ka tih chuan hriat thiam loh hmel zet chuan min a, Hei pawh hi lem channa dang leh bawk em ni...







"Lydia-i chungchang a nih chuan nang mah ngeiin kal turin min ti ani lawm ni"
a tih chuan ka ner sak, "Ka tih vang che in I kal a, nuam tâwl turin" ka ti leh kher chu a phun hluk, "engthu chiah nge sawi I tum chu" a tih chuan ka phone chu ka phawrh nghal vat, "tihian I la pha dawn em" tiin an thlalak chu ka hmuh a...




"Bawihi Hei te chu kan intawn hma thil a lawm" nuih za aw zet chuan a ti a,kei ka thinrim hlur tawh, "a kiang a I awm reng tur thu pawh I sawi a ni lawm ni"
ka tih chuan a meng buai nak, Mahse rei a ni lo a insiam tha leh nghal thuai...



"Bawihi hrethiam rawh a rilru a buai deuh a kha vang a kha tiang a sawi mai kha ka ni" a tih leh lek phei chuan ka ner nawng, "chanchin min rawn hrilh kha a har viau em ni, nge I phone I ti bo leh em ni" awih loh hmel fê chuan ka ti a,
"Bawihi a ni nen chuan kan inkar a tawp tawh nang mah chiah hi ka hmeichhe hmangaih awm chhun I ni" a tih chuan ka nui suk...





"a bulah pawh kha tiang chiah chiah khan I sawi ve lo maw" ka tih leh phei chuan a thinrim ngang mai, a bek a thisen zâm pawh a pawng talh talh mai lawm "Bawihi chutiang a ni lo,hriatthiam..."




"khawngaih in min kalsan zawk mai rawh kan inkar hi titawp vat zawk ang"
mittui tling pam chuan ka ti sep..."Kan inthen thei lo ka ti a ni lawm ni"
a ti hmuk, "aih kan thei a lawm inthen ang" ka ti leh ngat, "Laltlanmawi" a ti leh nghut, "ka naute vang chauhin ka bulah I awm tih ka hria tunah chuan lemchan a ngai tawh lo, I bialnu chauh kha va ngaihtuah rawh" ka ti a, ka mittui a tlak mai loh nan ka hmui ka pet fan fan..




An bum kual mai mai tur hian ka awm tawh hauh lo ang "kalna tur ka la nei sia ka hmanhmawh ka kal phawt ange"
ti a kal ka tum chu min pawt let leh dawr,
"ka sawi duh ka la sawi zo lo" a ti hmuk,
"sawi leh tur chuang a awm em ni, lemchan I thiam hle mai, I thlah theih dawn loh chuan ka hma ah hian rawn inlan tawh suh, hetiang thil hi ka hne tawh takzet" tiin min vawnna chu thing tla hnawkin ka kal zui nghal nal nal....




Min phatsan leh tur si chu engah nge ka nunah ah a rawn luh kher, min hmangaih tak tak emaw ka lo ti thin a ka a ngawt mai, bum nuam min ti ngawt ta ve ang...




"I va rawn thleng har ve kan chhuak tawh dawn a sin thil hrilh tur che ka ngah teh reng nen nakinah ni mai rawh se" an in ka thleng chu a lo ti nghal vat, ka nui tawi tak, "I hriat miah loh in hmangaih em em tu che I chhe velah hian an awm reng a nia tih te mai..ka kal bye ka rawn be thin ang in enkawl tha la" tiin car ah chuan a lut nghal vat.... "a nih aw tluang deuhin in thleng dawn nia" ka ti ve vat....





"ka va phei nghal mai nge tih tur dang ka la nei sia" ka pa bulah chuan ka ti a,
"tunlai I nu a tha maw" a tih chuan ka bu zeuh, "a kiangah a awm reng a lawm enge a that loh ngawt ang" ka nuhrawn Chuan ngeiawm rawng kai lek lek chuan a ti a, ka chhang buai peih tawh vel lo, a mize chhe lai chu a la thlak chuang lo a ni dawn hi....ti daih ila Mimi-i sawi kha enge a awmzia ka hre miah lo.




"I hriat miah lo in nangmah hmangaih em em tu che i chhe velah hian an awm reng a nia" a ti a, kei ang hi tu te lul in nge maw min hmangaih ve ngawt ang le...min hmangaih tu ve a ka lo rin lah in min lo bum mai mai a, an inkar tibuai tu ber ka awm tawh lo a an hlim ve ngawt ang chu..
ka mittui luang ngiai chu duh lo zetin ka hru leh tawk thin...



(type laklawh laiin ka lo muthlu daih a hmanhmawh tawkin ka type ngat ngat a, a ngaihnawm lo ngawt ang zanin chu, in ngaihdan te rawn sawi leh ula, ziah pawh min ti phur sawt thin)

fakna hmet keuh



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)