Mimawl Pa

Episode kal lai dah luhna

Moderator: writers

Venpuii Chhakchhuak
Posts: 22
Joined: May 29th, 2021, 8:25 pm

Mimawl Pa

Unread post by Venpuii Chhakchhuak » August 2nd, 2021, 10:00 pm

#updated chapter 14


Ka room ka chhoh lai pawh chuan ka vai mup mai hian ka hria a,ka rilru no a lo chhuak a,ka nu chu thi mai tur ang te in ka ngaihtuah a ka mittui chu stepah chuan a rawn far keuh a,ka he chu ka pet fan fan bawk!!

Ka room ka thlen chuan ka khumah chuan ka mu nghal thlawp a! Nu zawng zawng a mi pawisawi hlau leh fa te ngaihtuah a,mi zawng zawng angkhat veka en thin tu damlo thut mai te,a damloh dan lah rilru lam khawih chi a ni te chu ka tuar thiam hlawllo a!! Ka mittui chu alo hnam leh triam triam tawh!!

Ka phone chu a rawn ri zawm vat a,ka en chuan Zothana alo ni a " Boss,chaw i ei tawh em?" thawveng zet a a rawn tih te chuan ka lo ngei hlur ringawt!! Ka lungngaihna te hi a hre ve dér silo!! Ka aw chu tihlan loh hram tumin vawikhat ka thian kharh phawt a " ka ei peihlo a,ka mu daih! Kinah ka peih hunah ka inbual anga ka mu leh ang" nui lui sak paha ka tih chuan a rawn chet tlak tlak a " I trap animaw?" A rawn ti nghal zat mai!! He mihring nen hian thla 3 em pawh kan la ni tling lo a,mahse min van hrechiang tak em!!

Ka mood hi a fuhlo mai mai ngailo a,nitin dawr min rawn nghahpui thin a, customer nula chhelo deuh ka neih changin ka lo thik der vel thin a,Ani lah in ka thik thin tih hria in midang lo chhawn vak ngailo kha nula customer kan neih chuan a lo be luam thin!! Chuchu ka run tawk a tling em em a,ka lo tum bar bar a! Min rawn thlem leh chiam thin!! Chuchu nuam ka ti tlat alawm!!

"Tinge ka trah ringawt anga?" Ka sawi zawh rual rualin " chuchu lawm zawh che ka tum" alo ti nghal thrawt "ka trap lo e a" ka lo ti leh ringawt a!!
" Vawiin a ka zu in vang anihchuan ka tihpalh lutuk,ka thiamlo sawitur dang ka neilo.. mahse,i trap dawn tih hria ila ka in miahlo ang ka insum hram hram tur aniah" a rawn ti deuh duah a,chungte chuan mak deuhin min ti lungchhe thar ni berin ka hria!!

"Nangmah vang anilo" ka lo ti leh ta nge nge a!

"Nihchuan tu vang nge? Keilo mipa dang rilru natna tur an awm tihna mi?" A rawn ti leh sup a a aw chu a lungawilo lek lek tawh bawk

"Nilo.. naktukah hmaichhanah ka hrilh zawk ang che phone a sawi chi pawh nilo" ka lo ti daih a,hrilh Dan pawh ka hrechuaglo hrim hrim!! Ka nu hi a chhul a thra lo a,a nungchang leh awmdan te a mak lutuk ka ti dawn emni????? Nilo,chu em chu ka nu chanchin sawi nan chuan ka phallo!!

"Puii,bialpa inei tiraw?" A rawn ti leh fak a,Puii ti a min koh tawh chuan a lungawi lo ve hle tawh tihna ani bawk!! A thikthu lah hi chhe thei bawk si! Mahse,ka boruak a rawn thlak a,ka lawm letling phian zawk!!

"Nei e" ka lo ti vat a
Rang lutuk in "Tunge?" A rawn ti nghal vak!!

"E le.. nangmah" ka tihchuan a thaw chhuak ham ham te chu ka hre pha reng!!

"Nihleh,zanin a itrah hi chhan hi thildang daih tiraw?" A rawn ti leh hram a
" Umm.. naktukah ka hrilh dawn che chu mak eeee " ka lo ti let hlar a!

"Nihchuan.. trap tawh miah suh,chaw chu ei bawk la i chaw eikham ah minlo call ang che" a tih chuan ka fiam chak leh tlat pek!!

" I rui bawk sia,I muhil daih duhlo mi" ka lo ti hram a

"Ka rui lo alawm! Chulo ah rui viau pawh ni ila ka be duh tho che lawm" alo ti leh vat a,a trawngkam thiam lutuk te hi aw!!! Ka lo nui chhuak hawk a " zu in tawhlo la nih mai chu" tih pahin ka off zui daih a!!

Chaw ei erawh ka tum chuang lo a,ka ei peihlo hrim hrim bawk! Zothana ka be zo chu ka zia huai tho mai! A hma ai chuan.. ka inbual ta vat a, inhnuai ah tui la turin ka chhuk zui a, sitting roomah chuan ka nu leh Bawihpuia chu an lo awmdun a,ka pa erawh a hnathawh na roomah a awm anih ka ring!!

Ka nu ka hmu chiah chu ka khawngaih thar riau a,mahse chutiang tihlan ka duhloh avangin panggai thei ang berin ka be zui mawlh mawlh a..

" Tinge in va mu har ve Bawihpui" ka tih chuan " Api in ka muhil lai minlo kaitho a,min ngai a" Alo tih chuan ka lo in sehruh treuh! Awmzia awm hauhlo in Bawihpuia muhil lai a kaitho ngawt lo ang!! " Khawnge Ânu?" Ka lo ti leh vat a " bathroom ah" Bawihpuia bawk chuan alo ti leh a!

"Ka muhil thei lo a,ilo la haw lo maw ka tia Bawihpuia nen lo nghah che kan tum anihhi" ka nu chuan alo ti ta daih a! Ka awih miahlo bawk! Ka u in ka haw thu chu a hrilh daih tawh ang! Room ah darkar khat Lai ka awm tawh lehnghal a!! Mahse,a hriat laia mak tih vel ka duhloh avangin " nihchu ka lo haw na rei tawh alawm! Ka mutchhuak lutuk tawh!! tui ka lo kengchho theihnghilh a,ka lo fill lawk dawn nihhi" ham bai bai Chung chuan ka lo ti a choka lamah ka lut zui daih bawk! Choka ka lut chu ka u bathroom atangin alo chhuak ve chiah a,ka mitmei zeuh a,a hrethiam anih ka ring! Ngui deuh bar chung hian a lu a thing nar nar a, sitting room lam a melh zui nghal vat a! Tunah sawi chi anilo atihna anih ka lo ring thiam ve nghal bawk! Fridge atrangin tui bottle ka la chhuak a,ka phei lehnghal vat a "Bawihpui,muttui u aw" ka tih chuan min chhang lem hleilo a " I room kha kalh kher lo la" ka nu in a tihchuan ka lo bu zeuh a ka chho tlang nghal daih!

Ka mut hmunah pawh chuan ka in let ka inlet a,ka ngaih a thralo takzet bawk! Ka nu chu khawngaih na in ka khat a,engtia tih chi nge pawh ka hrethiam silo! Zuali ka call ta tawp a,engkim chu ka hrilh nghal zung zung a! A khát tawkin a lo "awi" leh ringawt thin a! Ka sawi zawh chuan " Lalthian,mak ka ti eee ka awihlo zawk!Nu Zari te chu a hrisel tehreng nen.."Alo ti nghal vat a. Keichuan chhan ngaihna pawh ka hre lo! Chhungkua ah ka naupang rei bawk a,ka nu leh pa in min naute chei rei bawk nen!! Ka rilru no Zia pawh a hrechiang ber tu ani tih ka hria!

"Lungngai lutuk suh aw.. hetiang te chu a tihdam theih alawm! A intran chauh phei chuan engmah anilo ang. Tunlaiah depression chi khat pawh ani ve thei tho a, doctor rawn innei tawh bawk a,phai lama a refer cheu phei chuan beiseina ala awm tihna nihchu" alo ti leh zung zung a! A trawngkam chuan min ti thawveng nghal em em ringawt bawk!! Mahse,ka khawchhung ah chuan thil dik chiahlo a awm tih erawh ka hria!

"Ni e.. Han beisei phawt ila tiraw? Naktukah air ticket pawh min lakpui angai dawnnia" ka lo ti vat a

"Tehreng mai. Ka hman velah ka lo phei ang. Ka inthiamlo hrim hrim ka Zin haw hnu hian ka nu te hna thilah an Zin ve char char a,Kan awmpui nu chawlh a la sia ka buai lutuk a,in damlo tih pawh ka lo hrelo ania.. nanglah bialpa i nei si" a ti ta daih a.

" Awiawmloh emai.. iinduh em anihhi naktukah chuan dawrah lo tlang mai la ihman hunah aw" ka tih chuan Kan inbiakna chu ka ti tawp zui vat a! Darkar 1 lai kan lo inbia anihchu!!!


Ka sana ka en a,dar 11 lo ri thuak tawh a,Zuali nen kan inbiak lai khan Zothana'n vawi 5 Lai Alo call hman chu ni in. Ka lo hrelo reng reng kan titi tui em ani. Ka inthiam chiahlo a,mahse tunah chuan a muthilh tawh ka ring a,data ka on a WhatsApp ah ka lut zuai a, message a rawn thleng nghal truk truk a, Zothana pawh message pawh 5 Lai Alo awm leh tawh!!

I chaw eichhung ava rei ve.
Min lo call dawn lo mi?
Tunge ibiak em em a?
Lalmuanpui
Ka mu. Heng ho zawng hi!! Ka nui suk a,a last seen alo hide daih zui ah!!
Ka hrechhuak thut !! Ka chaw eikham a be turin min ti Tak!! A thinrim viau ang!

Mahse,a muthilh tawh ka ring a, keilah ka mut a chhuak silo! Ka room balcony ah chuan ka chhuak a,thla lah chu a eng phian! Kan in hi kawngpui ân a awm anih vangin zanrei pawh hi a hriat vakloh!! Ka hawikual a,ka ngaihtuahna ah chuan ka nu bawk a rawn lut leh a,ka rilru ana thar leh viau lehnghal a!!!

Engtik atrangin nge ka nu natna hi a in tran Ang? Tih chu ka ngaihtuah ngial pawhin ka hre theilo! High school kan kal Lai hian ka pa hna vangin Lunglei lamah kan awm zuai tawh a,mahse Kum 1 bak kan awm hma in transfer kan Dil leh a,tun thlengin a nghet in a thawk ve tawh a,khatih hun Lai te kha ka ngaihtuah a,ka nu chu in sawisel na neuh neuh kha chu a nei thin ngei mai a,mahse a lu na ber kha ani thin! Luna benvawn a nei a,mahse chupawh in checkup turin kan tih ngun em avang in a reh ta hmak a,lu na vangin a buai ta meuhlo chu ania! Mahse,ka u pasal neih hnu U Mapuia boral a trang khan ani ta mah ang chu!! Amah kha chaw a ei theilo a,a buai em em a,ngaihthrat lohna erawh ka neilo! Achhanchu fate ngaihtuah em em mi anih avangin ka u a khawngaih vang leh kan bula awm silo kha a ngaihtuah em em vang tih ka hria! A muhil theilo a, karkhat chhung kha manganthlak khawpin a awm a,chupawh duhtawk lo in ka u pasal te khua ah khan thla 1 chhung a zuk cham ve ta ringawt kha Nia!! Chungte chu ka ngaihtuah neuh neuh a,kha vang kha anih ka ring ta deuh bur bawk!! Ka pa hi zawhchian ala ngai dawn anihhi ti rilru chungin ka roo ah chuan ka let a,ka khum chunga ka phone dah chu a lo thim chiah chu ka va hmu a,ka ban nghal vat a! Zothana alo Ni a! Ava mak e aw!! A thinrim viau tawh Ang!! Ka call back nghal vat a,a la rang chiang kher Mai!!

"Enge awmzia a?" A rawn ti deuh tawl a,nidang chu nise ka fiam zui ngei ngei ang mahse,a thinrim hle tih ka hre thei!

"I la muhil nange a?" Ka ti let ta ringawt a

"Ka zawhna che chu" a rawn ti chang leh run a

"Aww ka lo mangnghilh daih alawm! Kan inbe zo kha Zuali nen kan inbia a,duh aiin kan lo rei a,tihpalh lutuk" ka lo ti vat a

"Ka message pawh i chhang lo a" a ti leh hmuk a

"I muthilh tawh ka ring a" ka ti leh sap a

"Chupawh nise,rawn sawi hmasak tur che lawm. Vawikhat tal pawh minlo call ve la,ka muthilh tawh leh ka lo chhanglo mai dawn a" lungawilo lutuk chuan a rawn ti leh vat a!

"Diktak chuan . Ka mood a fuhlo lutuk a, tihpalh lutuk" ka tih chuan rang lutuk hian "I mizia hi ka duhlo tawp vawiin hi" a rawn tih chuan ka nui chhuak hak hák a

"Keichu i mizia hi ka duh chi" ka lo tisup a, "ka uang lo" a rawn tih leh chuan "ka uang biklo.. muhil tawh ang" ka lo ti leh vat.

Zothana nen hian thla khat chu kan inzui tawh! Duh pawh ka duh a,a ni pawn a theihtawp in min ngaihsak a,a thikthu pawh a chhe em em bawk! Mahse,thian dang vak ka neilo a, Zothana pawh hi a thian te vak hriat pui ka nei lemlo! Mahse,Kan inkawp hnu hi chuan midang vak a kawm ngai biklo tihchu nitin dawr a alo kal avangin ka hre thei! Nitin Kan awmdun tawh hnu pawhin zanah minlo call a,ka call hmasak hi chu a awm meuhlo zawk! Ka ringtawk em em a,ka thikthu tihchhiat ve pawh hi thik tur em em ka hriat vang anilo a,ka fiam chak a,min thlem vel hi nuam ka ti thin!!


" Naktukah ka lo Kal Ang.. muttui ka hmangaih che" Alo ti vat a.. Kan inbiak zawh chuan 12 alo pel tawh a.. keipawh ka muhil zui nghal a.


Atuk zing chaw eina ah chuan kan boruak hi engemaw riau hian a rit a,a hma a chaw eina ah pawh hlim em em thin kha chaw eilai te chuan a tu a te pawh chu kan ngui bur mai hian ka hria a.. kan ngawih thrap lai chuan ka pa chuan 'Bawihi,vawiin chuan ticket chu ila hman Ang maw?" Min rawn ti a
"Aw hman e, chawhma ah reilo te ka inhawng anga,chawhnu ah Zualin min lakpui Ang" ka tih chuan " Athrat nasat chu" a ti leh mai a. Ka pa hi chu a trawng tam lo a,mi nghet churh mai chi hi ani a,mahse tu te pawh hian an ngaina em em vek thung!!

"Entir ka ngailo asin le.. ka thrat tehlul nen!" Ka nu chuan alo ti nghal vat a

"I thrat loh vang ani hleinem.. doctor in min duhsak a,a ngai an tilo Chung ka in refer tir anihhi" ka pa chuan dam thluam hian alo ti leh vata .. A mitmeng ah erawh a zâm hle thung! Chuchu ka va hmuh chian em avangin ka thin a phu nghal dup dup bawk!

"Ani ngawt mai. Chulo ah helam ah chuan treatment lak Dan vak a awm lo a,hmunpui lam nge nge chu a thlamuan thlak zawk hrim hrim. Engmah in sawiselna inei lo a,nakina damloh vak kha a hlauhawm zawk a" ka u chuan alo ti vat a

" Chulo ah,zin khawthawn nan pawh a thra in inkhung chawrh chawrh a,in tar hma lutuk dawn" nuih var var pah chuan ka lo ti ve a . Min hnial ta biklo a.

Chaw eikham chuan ka insiam zung zung a,ka u chu ka roomah a rawn lut a, " Bawihi,ka pa hi ka khawngaih angreng deuha Bawihpuia hi vawiinah school chawlh ka dilsak anga,ka pa nen Bawihpuia nen kan 3 in kan zuk hruai mai dawn mi? Mahse,,Nangmah in i awm hreh awm bawk si" a rawn ti lut zung zung a

" A thra ngawt ang.. chulo ah doctor thusawi te pawh ka pa hriat vakloh chi te pawh ani thei a,an trawngtam lo dun si Bawihpuia nen in tel ve chuan an khawhar lo deuh bawk anga. Keichu Zuali a awm alawm ka hlau teuhlo" ka lo ti let ve vat a

" Nihchuan ticket pawh chu minlo lak kep mai rawh aw.. Zuali a remchan loh leh iu Sawmi pawh ka be hrehlo ania an in lamah pawh ilo va riak anga," a tih chuan ka thin alo phu dup dup!! A chiloh nasa lutuk!!! Zothana nen kan chanchin a hre der silo!!

"Teuhlo a" ka lo tihvak chuan a meng buai deuh nak a

" A inthlahrun awm alawm.. Zuali a hman lutuk chulo ah mi hrang in a awm ai chuan ka duh zawk" ka lo ti leh vat a.. thil dang a sawi zui hma in ka bag ka la a,ka chhuak zui daiha..


Dawr ka thlen chuan nimin lama bungraw lo thleng ho bawm hnawk ho chu bawlhhlawh bawmah ka khung mawlh mawlh a,ka nu in a nghah thin lai khan hnathawk 2 Kan la tel thin a,chupawh kan khawngaih vang ania a hah lutuk kha kan hlau thin a,achang hi chuan keipawh hi ka hah ve thin! Bungraw rawn thlen tam trum phei chuan mahni chuan a hahthlak thin em em a,hnawk a tam thin bawk si!!

Fela lah a chhungte bul lamah Kar hmasa khan a chhuk thla leh tawh a,thla 3 vel a awm leh lawk a trul thu min hrilh bawk!! Zothana nen kan inkawp hnu phei chuan alo Kal thra vak duhlo hrim hrim a,biak erawh kan inbe chhe ngailo thung!! An boruak alo diklo tawh bawk nen kan 3 a awm chu nuam ka ti chiah bik lo bawk.

Darkar 1 hnu ah Zothana pawh a rawn thleng phei a, bawlhhlawh paih in pawnah ka lo awm mek a,a dress te hi avan inhmeh thin tak. A dum hi a ngaina em em a,t shirt dum ahak loh chuan a pants tal a dum a thlang ngei ngei thin. Chu chuan a tilang pa em em bawk!

"Induh nu,ka lo thleng e" tih pahin hnunglam atrangin min rawn kuah a..

"Mawl viau suh aw.. mi Tam Lai Lai a" ka lo ti nghal hlar a,a kut chu ka lo beng thla nghal vat bawk

Dawr chhungah chuan kan lut a,min melh nghal ngur ngur a,kei erawh thawmhnaw ho ka khai thra mawlh mawlh thung!

"Sawitur i neih kha" a rawn ti nghal leh tawp a

"Engchu maw?" Ka lo ti let vat thung

"Nizanah i trap a,chuan minlo be lo in ithiannu ibe bawk a" Alo ti leh a

"Ka tihder che nihkha' ka tih chuan a meng nur nasa lutuk chu ka nui chhuak trep!!!

"Ka thin tirim miah suh aw" a rawn ti leh sup a.. a thrutna a va thrut thlak pahin "Tak takin maw, ka nu damlo a" ka lo ti sep a " chuvang mai mai chuan maw" a rawn tih chuan ka na nghal zawk!! Ka nu damloh thu ka hrilh a,chuchu mai mai a ti amaw?

"Ka tan chuan mai mai ani ve lo a" thawh pahin ka ti nghal hlar a,ka thinrim nghal trun bawk! Ka ngaihdan anilo ve em ani. A chhungte damloh thu sawi se, mai mai ka lo ti bik hauhlo ang!

A rawn tho ve hluai a "khatiang ka sawi tum anilo. Mai Mai ka tihchhan chu a damlo a,a serious viau emni?"bah deuh nak hian Inthiamlo deuh chung hian a rawn ti leh sup a! Mahse,ka lung a awi chuanglo!

"Serious.. ka hrilh tawh dawnlo che mai mai itih chu i ngai ho viau tho ang"ka lo ti leh sep a, customer pakhat a rawn lut zui nghal a,naute thawmhnaw chu ka enpui nghal zung zung a,a duh zawng pahnih chu ala a,pawisa kan intih fel hnu chuan a chhuak leh nghal mai a! Zothana chu ka zuk en a, thruthlegah chuan a phone alo bih ngur ngur a,a inthiamlo miahlo ah ka ngai hmak! Ka rilru ana ve deuh det!!

Kan customer chhuah hnu chuan ka bulah chuan a rawn phei leh vat a, "Bawihi,inu chu engtin maw a awm a? Sawi teh le" tihpahin ka darah chuan a rawn vuan a,ka lo thinrim laklawh ve leh tlat tawh!! "Engtinmah a damlo mai mai alawm,a thra" ka lo tih chuan
"Ka trawngsual ah ngai la,min ngaidam rawh.. min hrilh teh itah phah nachhan chu enge le?" Dam thluam hian min hmachhawn a ding Chung hian a rawn ti leh sup a! A inthiamlo tih ka hria,a trawngkamah chuan min ngaihsakna ka hre tel bawk! Ka hnuk a ulh tlat pek anihchu!

"Aw. A damlo a,phai lamah an refer a,a chhúl lam a chianglo a, tunlai phei chu a mah a che nawlmang thei lutuk a" ka trawng tawp lam phei chu a lawi rat a,ka trah a chhuak em em bawk! Min rawn kuah nghal thlawp a,ka hnung ah chuan a beng thek thek a rei erawh min kuah lo inkuahna chi ani miau lo a,.. "chuvang chuan maw ka naute hi a trah a,inu chu phai lamah chuan an lo enkawl dam daih dawn nihchu lungngai miahlo la" a rawn ti leh sep a,ka trah a chhuak ut ut a,a hreawm ka ti em em bawk.

"Mahse,lo damlo zual zelin lo atphah ta se" ka tih chuan ka hmui ah chuan a kut zungtrang chuan a rawn hup a

" Chutiang an sawi ngailo. A chhe zawnga thil ngaihtuah chu a thra lo" a rawn tih chuan ka mittui alo far ringawt lehnghal!! Engmah ngaihtuah na dang ka pu thei tlat lo ani! Ka awm awl deuh chuan ka nu ka ngaihtuah na ah alo lut a,a tello a awm ka thei lo tih ka hria! A at chuan ka aá ve thei hial ang!!

Thawm rawn ri ka hriat chuan ka awmsawn vata, Zothana pawh a lo ding sawn nghal vat! Zuali rawn lut chuan Zothana nen chuan min en tawn zak Zak a,a la zak ve deuhin ka hria!

"Lalthian,idam maw?" A rawn tih chuan ka nuih alo za tlat pek! Nizan lawk pawhin kan inbe reng sia..

" Ka lo thleng har em? Iin peih tawh em?" A rawn tih zawm leh zat a,

"Peih tho e. Zo,heihi Zuali ka thiannu ka sawi ziah kha" ka lo tih zawm zat a. A kut a rawn phar chhuak a,an in chibai zui nghal mawlh2 a

"Khawnge in kal dawn a?" Zothana chuan ka lam hawi pahin a rawn ti leh sup a ! Air ticket kan lak tur thu pawh ka la hrilh lo,Zuali kha tun ai tlai in lo thleng se chuan ticket kan lak tur thu pawh ka hrilh tawh ngei ang!

"Aw ka la hrilh lo tak che.. naktuk ka nu te ticket laksak an ngai a,ilo kal ve hman em?" Ka tih chuan Zuali chu a melh zawk a, "kalpui tur inei tho a,vawiin chu ka lo zui lo mai ang che a pawi em?" A rawn ti leh a,pawi ka lo ti lo zawk daih! A chhanchu Zuali nen kan awmdun khat sia sawidun tur kan ngah tawh lutuk! Ka nu te awmloh hlana min awmpui tur pawhin sawm ka duh Zothana hriat kher loh in!!

"Pawilo e.. mahse haw tlang la aw" ka lo tilet hram a

Min chhang let lo in a ner deuh suk ringawt! Zuali awmlaia chutiang khera ka ti chu a duhlo pawh ani maithei! Mahse,Zuali ala hriatchian loh vang mai mai ania . A thiante awm lai nise ka ti kher biklo thung ang!

Kan inkhar zui nghal a,kei aiin Zothana hi alo star hmasa tawh tlat sia chuvang nih ka ring Zuali pawh nidang ang em em in a trawng tam lo a,a rilru tak chuan Zothana chu haw vat se a ti tih ka lo hrethiam nghal vat bawk!

Ka dawr kawtah a bike dah chu a tinung nghal a,"I haw velah minlo bia la aw. Reilo ula" a rawn ti leh sup a! "Awle, nangpawh fimkhur deuhin khalh haw la aw" ka tihchuan a lo nui suk duh chauh!! Ka ngeiawm thiam ve em ani.

A tlan chhuak chiah tih chuan Zuali chuan "awii ininhmeh zia hi rapthlakkkk zawk" a rawn ti hluai a ka lo nuichhuak hawk hawk! "Takzet maw? Mahse,ihmuh khan ila lai deuh tlat in ka hria" ka tih chuan "I Zak lo emai aw Lalmuanpui,ibialpa kha chhelo viau mahse ka bialpa ka hmangaih tlat" Alo ti nghal hlar a! Kan nui zui hawk hawk a.

A scooty a rawn ken avangin kan inphur chhuak a, kalkawngah chuan trawng kan inchuh hi ani ber mai! Ka nu te awm loh hlana awmpui a ka sawm chuan alo aw ve nghal vat a,min hnial buai ngai miahlo hi mak ka ti zawk! Ka mamawh hun ah chuan alo inpeih at reng mai ni!

"Mahse,I chhungte an lo haw tawh mi" ka tih chuan " nizanah an lo haw a,naktuk trangin kan nula pawh a rawn kal leh tawh dawn lawm." A lo ti sam et a.

Ticket chu kan la a,kan haw lamah chuan kan ril tram deuh vangin hotel hmasa berah chuan kan chawl kawi a,ka nu chanchin chu a sawi mawlh mawlh a,mak a tih thu te a sawi a,mahse min hnem mawlh mawlh thung! Zothana chanchin lah min zawt reng bawk! "Mak hi ka ti eeee.. I bialpa hi kei aiin ka i hre hnuhnung zawk ania. A lerh em?bialnu kha a nei sia Ngopa ah kha chuan.. a kawp che nilo maw? Ihrechiang hmasa em? A kawp che chuan a chaklo viau ang" a ti nghal zung zung a! Amak em em thin ania.. a trawng duh Zia hi chu aw a Zia hrechiang lo tan chuan trawngthei hi an ti dawn emai!!

"An inthren tawh aniang.." ka lo ti let ve mai a. Zuali sawi takah chuan ka pu boral zana thil thleng kha ka hrechhuak leh thut a,ka thin a phu nghal dup dup! Ka thaw chhuak nghal ham ham bawk.

"Aniang ringawt maw? Ka Rin aiin i mawl daih. Hriatchian phawt tur che lawm kha nu kha ka hria lawm. A nasa teh mai nia Zothana ka star lai, Ngopa a ka Zin Lai Khan a chanchin tlangpui chu ka chhui deuh hman alawm" atih zawm zat a.. Zualin a sawi vang nge ka ringhlel leh nghal ringawt tawh!

"Awi.. rilru hah lai laiin chutiang sawilo ang. Chutiang awm ang pawn a awmlo naaa ka ning buaithlak tunah chuan ka nu ber hi ani zawk" ka lo ti let daih a,thildang vanga rilru hah chu ka duh hrihlo takzet! Tun dinhmun ah hi chuan.

"Nia,I bialpa nia. Ihrechiang ber alawm. Lunggai lo phawt teh. I duh leh An in entir hunah an result a zirin ilunggai dawnnia. Nu Zari te chu ala naupang a chutia chhul thralo vanga a rual ala nilo" atih chuan ka lo nui hul hak ringawt!

Kan ei zawh meuh chuan kan titi chhung nen tlai dar 3 alo ri dér tawh. Kan haw lam chuan "ka thlah dawn che em? Kawi duhna inei em" a rawn ti lang lang a.

"Aw. Bazarah naktuka an thil ken tur threnkhat ka en lawk ang khulamah an Bazar hman vakloh takin. Bazar thleng min thlah mai rawh" ka lo ti let vat a

Bazar thleng min thlah a,a haw dawn te chuan "lo lungngai tawh lo la,ka rawn insawn hrih dawn Sia ka lo va insiam ange" nui vur vur pah hian a ti a. Ka van tluk lo tak em! Keimah ah ka inchan a,awmpui lo ngai ve ta se ka in ngaihtuah leh viau phawt maithei! Achhanchu midang in a riah hi ka hreh tawp! Chaw te chu ka ei fo a,mahse Zuali te in pawhnise hmundang a nih hrim hrim chuan ka muhil thei ngailo!hlim hmel pu sarh leh phúr hmel em em a alang te chuan min ti zangkhai vawng vawng bawk.

Bazarah ka chhuk a, November thla ahnai tawh a,Bazar pawh tlai lam a lun mahmah zawk! Ka nu kawrlum thar tur leh naktuka ka u leh Bawihpuia mamawh tur te,eng eng emaw chu ka lei deuh treuh a,ka bawr phian bawk! Ka haw lam chu taxi stand ah taxi hman mai tumin ka lo châng ran a,a la vang em em zui a,tlai dar 4 bawr vel hian taxi hi an chhuak zo diak zel lehnghal a!

Ka lo nghah reng lai chuan ka piah ka chu ka hawiphei a,ka thil hmuh vang chuan ka phu nghal dawrh!!!





(Boring inti em? Tunge Puiin ava hmuh hi niang le?? Comment ah ring liam liam chhin ila, comment tam a zirin ka lo dah leh ang naktuk ah🤭🙂🤗)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)