Damdawi Mumlian CH- 3

Episode kal lai dah luhna

Moderator: writers

Ellie Pachuau
Posts: 5
Joined: January 7th, 2021, 2:15 am

Damdawi Mumlian CH- 3

Unread post by Ellie Pachuau » August 2nd, 2021, 10:52 pm

Damdawi Mumlian by Ellie Pachuau

Chapter 3

A hnuaiah note ka dah a min lo chhiar sak hram dawn nia.
🦋🦋



Ruattluanga pov:

Damdawi In khuma mu mek hmeichhe hmeltha zet chu ka en ngur a, kei pawhin a chhan hre lo mah ila hmuhnawm ka ti ru viau. A hmel tha lutuk vang saw a ni ngei ang. Darkhat khat vel chu a muhil tawh ang, a chhungten doctor an be mek bawk.

A thiante ni ngei tur pawh a then pawnah an awm a hmeichhe thenkhat erawh cabin ah an awm ve thung. In tihlim a chhuak an ni ngei ang. Keipawh kan nula hmeltha-i a harh hunah ka haw ang, a su tu ka ni bawk nen nge min su zawk ni.

Nichin khan a lo lang thut a ka motor ka control hman silo nen tun dinhmun hi kan thlen phah a ni a. Vanneihthlak takin hliam ka neilo hlauh. Ani erawh a tlakna lamah a ban a sawh na deuh a, a tliak lo erawh ka thaw huai, khem neuh neuh tih loh chu hliam dang a neilo chuan ka hria a vannei takzet.



Ruattluanga ka nia, tunah hian Mzu ah Psychology final year ka zir mek bawk. College SU Leader niin kan class CR ka ni tel bawk. Vawiin pawh khan kan professor te inah lehkha pawimawh submit turin Bawngkawn ah ka va kal a. Ka haw tur he ti hi kan ni ta sia, ka chhungte pawh chanchin ka hrilh tawh a lo kal chu duh viau mahse Inkhawm banah a dinhmun a zirin inlo kal mai dawn nia ka tih avangin an Inkhawm ta zawk kha ania, keichu ka that thu ka hrilh bawk, min ngaihtuah hmel viau lehnghal.


Khumah mu bawk chu ka en leh thin, a hmeltha kher mai. Ka nau te college a ka kal pawh khan ka hmu nih kha, kha tah pawh khan ka tih than ni miahlo in ka lo en leh veng veng zel bawk. Ohh in lo hriatah nau hmeichhe pakhat ka nei a, mahse phaiah ka pi te bula a chen thin avangin midang chuan an hre lem lo. Heta college kal a duh avangin nikum khan a lo haw a, min ngai lutuk hi ka bulah a tap chawt ringawt.

....

A thiannu pakhat hian, "Kimi ka nia" a rawn tia.


Chu nu en pah chuan "Ruattluanga" ka ti sap a


"Ka hria che lawm" nui ver ver pah chuan a rawn tia.


"A ni maw, engtin?" Ka zawt let a.


"Nangte chu i lar alawm, SU leader i ni bawk sia" a la ti cheu. Henu hian min chhui ru zawk a mi. Amah hi ka hriat ngai ka hre hauh lo min hriat hmel hle si.


"Lar hleinem, i thiannu chunga thil thleng chu pawi ka ti khawp mai", ka ti a


"Nia, mahse kan thiamloh chu a ni ve tho alawm, kan fimkhur lo em a tin ni. Keima thiamloh a ni zawk mah" a rawn ti chuai raih a. Ka mithmul ka san zeuh.
Ka hmela zawhna awm chu a hmu ni mahna, "kan inbiak buai lai a nia, ka lam a lo hawi lai tak a nia in insut kha a thlen" a ti leh a. Ka hui hap.


"I thiamloh a ni bik vek hleinem, ka thiamloh liau liau a ni, ka lo fimkhur tawk lo a" ka ti nghut a. A lu a thing ringawt. A thiannu chu a khawngaih hmel kher mai.

A thiante dang pawh chu ti tho.
Minute 5 hnu ah chuan a chhungte an lo lut a doctor nen. An thiannu pakhat chuan "Doctor a van harh har tawh tinge le a thi mi?", A rawn ti phawng a. Kan nui hak.


Doctor chuan a en nawn leh a, "a lo harh trep tawh ang, a vannei khawp mai ruh tliak emaw hliam serious lutuk a nei lo a, a ban erawh karkhat vel in tuam dawn nia, hman har a ti deuh maithei a mahse a dam har lovang, in thiannu hi inlo enkawl tha dawn nia," nui deuh sang chuan a chhang a. An lo bu nghat nghat mai.


A u nge a bialpa zawk chuan "Samuel, nangni pawh va haw tawh rawh u, in chhungten an lo ngaihtuah lutuk ang che u, hei in thiannu pawh na lutuk a nih loh hi va haw tawh rawh u," a rawn tia. An thiannu hawsan chu an hreh hmel kher mai mahse midang pawhin an sawi takah chuan an thiannu en dauh dauh pahin an ding ta thup a.


Kimi khan," Nu Sawmpui, Tluangtluangi a lo harh veleh min lo call rawh aw, thil thleng a awm hrim hrim pawhin min lo hrilh ve vat rawh aw", a thiannu kut vuan chung chuan a ti siam siam a.


Nu Sawmpuii chuan," Aw lo lungngai lo ula, a rawn harh ve tep tawh ang, nang ni pawh va hahchawl ula chanchin ka rawn hrilh dawn che u nia," a ti sap a, nu fel tak a ni ngei ang.


An chhuah hnuah chuan pa ber chuan,"Ruattluanga tiraw khah?" A rawn tia.


"Aw ni e ka pu, a pawi ka ti takzet ani. Min ngaidam hram rawh u, mawhphurhna pawh ka la vek ang, min ngaidam rawh u" ka ti mawlh mawlh. Hreawm ka ti em a ni.


"E khai, chungtiang an sawi ngai love, thleng tur chu a thleng vek tawh a, kha a thiante sawi dan phei chuan kan fanu thiamloh ani zawk mah alawm. Keimahni zawk hi ngaihdam tur chu kan ni zawk alawm. Na i nei em?" A ti dam dup a, pa rilru tluang tak a ni.


"Aih neilo e ka pu, kei chu ka tha e" tiin ka chhang a.


"A lawmawm hle mai, i chhungten an lo ngaihtuah lutuk ang che, va haw tawh rawh khai, hei zanin chu a nu hian han riahpui phawt sela, hei hi mamtei u a nih hi," a ti dap dap a. A u a tih vang nge ka thaw huai, ka hrethiam lo kher mai.


"Mate, i harh em, min hre thei em, pa matei a harh a nia", a u chuan a rawn tia. Tluangtluangi pawh a rawn meng siar siar a, a u kha doctor ko turin a chhuak bawk. Tui a lam hmasa ber a , a nu in alo pe vat. Room chu a melh kual a kei mi melh chiah chu a meng phawk hru mai, zawi fahran hian thil a sawi sep 'Ruattluang' ti tlata ka hriat chu.




Lalhruaitluangi pov:


Tawng ri thum dut dut ah chuan ka harha, kei hi ka la thi lo. Nichin khan U Ruattluanga hmel hmu tlatin ka inhria, ka meng a deuh siar siar a, ka u chuan min lo hmu a ka pa te a hrilh nghal a, amah pawh doctor ko turin a chhuak nghal. Ka dang ro lutuk chu 'tui' ka ti sep a, ka nu in min in tir a ti chuan a zia tawh.Chutia room ka melh kual lai chuan ka pa sirah hian U Ruattluanga ka va hmu thut a, ka meng kawk thei. Eng nge hetah a tih. Lawk in amah ang deuh ka hmuh kha amah tak tak a mawnle.


Chutia ka in ngaihtuah melh melh lai chuan ka pa hian," Mamte, engtin nge i awm, na i nei em?" a rawn tia. Ka that thu in ka chhang a, ka rilruah erawh ka pa bula ding chauh saw a awm.


Ka u leh doctor pakhat hi an rawn inzui lut a, doctor chuan min en dik nghal zung zung a, ka ban tih loh ah na ka nei em tih min zawt a, ka that thu in ka lo chhang a, ka ban dim turin min chah a chuan zanin chu ka riah a ngaih hmel..


Doctor chhuah hnu chuan u Ruattluanga chuan," a pawi ka ti khawp mai, keimah vangin tiang hian i awm phah si a" ka mita en pah chuan a rawn tia, ka thin a phu rang kher mai. "Nilo e i thiamloh a nih loh kha keimahni zawk alawm thiamlo." Ka pa chuan a ti nghut a. Thil thlen dan hre ve heklo, Kimi ka en lai kha nia, ka thiamloh zawk a nih ka ring kawng en lo tu ka ni sia. Mahse u Ruattluanga kher alo ni hi ka zak takzet mahse nuam ka ti tho sia. 🤣🤣



U Ruattluanga chuan, "ka va haw phei phawt a nge, naktuk lamah ka lo kal leh ang Tluangtluang, lo dam thuai thuai rawh aw tui deuhin i mu dawn nia, a nih ka pu ka kal a nge muttui ule" a rawn tia, "Umm awle nangpawh tluang deuhin i haw dawn nia," lai deuh rut chuan ka chhang a, min nuih deuh sak mai. Ka pa nen chuan an inzui chhuak ta a.


Ka hlim lutuk chu ka khi vur vur mai. Ka u chuan, "kan damlo chu a va hlim awm ve, khatia i khik vur vur mai a. Nang hi i tum lawk chiang mai," min fiam pah chuan a tia. Ka nu a lo nui hak bawk. Ka chhungte hian tunge a nih an hrechiang em alawm.😅 Lei ka chhuah khum vak ringawt. Ka pa pawh alo kir tawh a. A ni pawh chuan, "kan makpa tur chu a inthiamloh hmel khawp mai" min melh zeuh pah chuan a rawn tia. An nui hak hak a, ka tum bur thung. Zanin chu ka nu in min riahpui a nga, naktukah ka chhuak nghal thei bawk ang.




Time skip:

Vawiin ah ka chhuak dawn a, ka ban na tih loh na dang ka nei lo bawk a mahse nizanah erawh ja khua sik nasa hle a tunah erawh ka tha leh tawh. Min tur ut ut thin a mahse tuar har erawh a nilo. Ka thiante lo kal an tum a mahse inah minlo nghak turin ka tia. Class kal ru tih pawhin awmzia a awmlo, mahse min ngaihtuah vang a ni tih ka hria ka hlim bawk.


Ka nu in lehkha vel a va ti fel a, ka lo in tifai thung. Ka kawr hak phelh ka tum a ka thei miahlo, a zipper a tang nge mawni. Chutia ka in buaipui lai chuan kawngka ah mi an lo lut a, ka nu a nih ka rin avangin, "nu zipper hi minlo pawh thlak sak teh, a sak lutuk a" en lem lo chuan ka ti a. Mahse tuman min chhang lo. Nu tih paha ka va hawi chuan no ka duh theilo u Ruattluanga chuan min lo melh kar mai.


"Eng.. nge he...hetah i tih?" bah deuh nuai a tih pah chuan ka zawt a. Min chhan pawh a tum chuang lo min en ngur ringawt. "Khawnge ka nu a awm?" ka ti leh a, thaw hak pah hian, "bill a pe fel mek" a ti a. Bu nghut pah chuan thu turin ka tia, a thu ve mai bawk a.


"I ban chu eng nge a an?" A rawn tia, ka phu zawk nghe nghe.


"Umm a zia nimai min tur ut ut leh thin a mahse na lutuk a ni lo". Ka ti sep a


"Nizan i mu thei maw, pawi ka ti takzet a ni," inthiamloh hmel tak chuan a ti sup a.


"Aw mu thei e, i thiamloh a ni hleinem keima thiamloh zawk alawm. Nangman na i neilo chu a lawmawm hle mai" ka ti ve salh a. Ka lawm tak tak alawm lo na viau ta se ka inthiam thei ngai lovang.


"I nat ai khan lo na zawk ila ka rilru pawh a nuam zawk tur, i dam vat a ngai nia" nui hmel pu deuh hian a tia.


Ka lai lutuk chu chhang ngaihna pawh ka hrelo, amah ka va en chuan min lo en kur a ka hawisan reng kher asin. Ka zak lutuk!!


Chutia kan ngawih dun lai chuan ka nu leh ka u hi an lo lut a, ka u in u Ruattluanga nen chiah kan awm dun a hmuh chuan mit min siai kher a nih chu, ka melh vak ringawt a la khi vur vur zui. Ka nu chuan kan hman chuan kan chhuak nghal mai dawn mi a tia. Kan hman tawh tho avang chuan kan chhuak nghal a, u Ruattluanga pawh kan in thleng a lo kal dawn a nih hmel, ka zam ru kher mai.


🦋🦋




Note:
Current kan neilo char char a, signal a awm tha silo a ka lo dah hma theilo a. Tunah hei current kan nei chiah a, a ngaihnawm lo maithei aw🤧
Ih story hi eng nge in ngaihdan? A ngaihnawm loh viau em? Comment lamah te minlo hrilh ula tiraw😅



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)