Ⓑ︎Ⓘ︎Ⓖ︎ Ⓜ︎Ⓔ︎Ⓜ︎Ⓘ︎Ⓡ︎Ⓘ︎Ⓔ︎Ⓢ︎ Chapter - 4

Episode kal lai dah luhna

Moderator: writers

Ęlèøs Vanchhawng
Posts: 111
Joined: October 6th, 2020, 8:53 pm

Ⓑ︎Ⓘ︎Ⓖ︎ Ⓜ︎Ⓔ︎Ⓜ︎Ⓘ︎Ⓡ︎Ⓘ︎Ⓔ︎Ⓢ︎ Chapter - 4

Unread post by Ęlèøs Vanchhawng » August 3rd, 2021, 5:23 pm

Chapter - 4





Zing lam dar thum rik hma hlekin aizawl kan lut a, U hriata adress minlo thawn lam chu panin aizawl khaw chhungah chuan kan tlanlut zel a.





Ka dang a thip hlur a, ka hnar a ping tup bawk. Ka mit chu a bui tih chiang takin ka hrethei a. A khat tawkin ka in hnit leh feih feih thin.



Ka pa a haw leh nghal dawn a, mahse rei vaklo mu a khawvarah chhuak law law tura ka tih chuan rem alo ti ve mai bawk a.



Car a din dat ruala ka hma lama in lian zet ding luah chu ka thlir a, Motor a in tlar tuar a, Car atanga chhuak them them in ka hmaa in lian tak lam chu ka pan a.




Tunah hian eng ber nge ka tih ka in zawt leh hnuhnawh, chiang takin a bialnu ka nilo tih ka in hria, mahse Min hmangaih thu a sawi a, sawilo mah ila ka hmangaih ve tho chuan ka inhre si.



Ka sling bag ah lai ka pa in rawn dap rawk rawk in ka purse chu a la chhuak a, "Heihi i cham chhung a i hman atan, i indiahlo a nih chuan min rawn hrilh la i account-ah ka rawn thun leh mai dawn nia." ti pah sup sup chung chuan ka purse ah chuan 5000(Sangnga) chu a dah lut a.




"Pa heihi a ngailo, Thla hmasa a ka hlawh lak atanga a dil che kha ka la nei alawm"




"A tlem tham emai, i thianpa chu han call la, keipawhin a hmel ka rawn hmu ve lawk ang nga, tichuan i nî te in lam ka pan tawh rih ang." Ti leh in keipawh chuan ka phone phawrin U hriata chu ka call zui zat a.




"U hriat, kan lo thleng tawh a"

"E.. a ni maw ka rawn chhuak dawn nia" call off in an gate bulah chuan ka pa nen kan lo ding ran a.





Pa lian leh sang zet rawn phei chu ka lo en reng a, street light in a hmel a chhun hnuah U hriata a ni tih ka hre chiah.




A ni erawh chuan min lo hre nghal thuai a "Melory, Inlo thleng tluang maw? In chau em?"




"Aw, kan rawn tlanchak thei vaklo a, Chuan heihi ka pa a nih hi 'Pa Dik' i ti thei ang" ka ti leh nghat a, a lu bu zauhin kan in chibai hnu chuan an in lam chu kan pan phei a.




An inchhung kan luh rual chuan ka lu, nilo ka mit ko a na sawk thei, Pawn kan awmna a thin ve si, an inchhung a eng leh viau nen chuan men a har deuh.




Kan hma lama Nu pakhat leh a pasal ni awm tak kan lam pana rawn in zui phei te chuan min lo nuih suk a, ka lo nui ve mai bawk.



"Ka nu, heihi Bawiha sawi fo thin a thiannu Melory kha a nih hi" U hriata chuan felfai deuh hian a ti a.




Chu Nu lian leh hmeltha zet chuan a kut rawn phar pahin " Nu Zir min ti mai dawn nia. " a nui leh suk a




A bula Pa lian leh sang lam deuh a upa tawh tih hriat zet chuan a kut rawn phar leh in "Pa Sang min ti mai dawn nia, Martina pa ka ni e" A ti leh sup ka lu bu ngatin ka pa chu ka en zauh a.



Ka pa chuan "Melory, Pa hi ka ni e" tih pahin an in chibai leh luam a ka rileu erawh a hmanhmawh viau thung.




"U hriat ka hmu thei tawh angem? " Inthlahrung lek lek a ti pah chuan ka en a.



"Ni dawn tak e, lo kal rawh helamah hian Pa Dik nangawh rawn kal ve la" Ka pa lam en a ti chuan a kal nghal a, a sang si a, a hnungah chuan ka kal hraih hriah a, Tunah chuan ka tah a chhuak pawh a nilo Beiseina sang tak nena Martina hmel ka hmuh hunah Video call mai mai ni tawhlo in a tak ngeiin amah hmu turin ka kal thu hrilh ka duh a, mahse ani chuan a la hre pha angem ka hre silo.




Inchung step kual raihah chuan kan chho a, corridoor thlengin chu corridoor chu kual phei ruah in room kawngkhar a awm phei thliah thliah bawk.





Kawngkhar pahnihna ah chuan lutin Mi an awm nial tih a hrait a, Thil mak deuh erawh Khawhar zai te chawl thiap chu ani.



Ka mit men a fiah lova, ka mittui paral per chuan ka mit a ti vai riai a, Kuang chhunga mu ka hmuh meuh chuan ka mittui chu auh chhuah chawp ngai hauhlo in a sur zung zung a.



Kuang bula thu te chu an chhuak deuh sang sang hlawm a. U hriata chuan min rawn kuah in Martina hnaih lamah chuan min hruai a.




Kei erawh in a hmel chu ka en ngamlo, eng tiang takin nge ka nat ang ka hrelo ani.



Ka pa in ka ipte a rawmawl rawn dah pahin "Bawihi ka kal ang e, in enkawl tha rawh aw" a tih chuan ka lu bu nghat in u hriata chuan mitmeiin a thlah tih ka hre thei bawk.





Ka hmai ka hupna ka kut chu la thla riai riai in ka hma a kuang chhungah an muttir chu a ke lam atanga en chho in a hmui zawnah chuan ka tawp chat a.





Ka mittui a tla zui leh nghal a, kan in video call lai te ka ngaihtuah a, khatih hunlai kha kan in hnaih lai ber ani.


A hmui a sen siah a, a laih changa a pet leh zeuh thin kha hmuhnawm ka ti em em thin kha a nia.




An chhuah then tak sap sapah chuan zah chi pawh ni tawha ka hriat loh avangin Martina kut sin sang leh Vak pap chu vawn sak in
"Hey, Mawla ka lo thleng ania, Video call a nih tawh loh hi aw.
Min chhawn pawh i tum miah lo."




A hmai dang lap chu enin a biang chu ka khawih sak a, a daih vawt thlar mai. Ka rilru ti na em em tu chu engvanga hetianga min kalsan daih nge a nih tih hi ani.





"I a khawp mai, A takah min hmuh hunah chuan min kuah te i tum ve a, ka tet avangin i zakhnuaiah te kal tir min tum kha. Rawn tho vat teh. "




'Tunah chuan i bulab ngei ka awm tawh ania, ka hmu che a, i hmeltha hle mai, ka phulo takzet che tih ka hria e, i hlimna ber i kalsan lh daih si a.' ka rilru in thil tamtak ka sawi a.





Ka mittui luang zung zung chu dan ngaihna ka hrelo . "Melory " Kawngkhar lam atamga min rawn au tu chu tu nge a nih ka hrelo , mahse min hriat hmel em em lawi si.




"Umm" ka lo ti tham tiak a,


"Heihi i ta tur a nih ngei ka ring" tiin present box anga tuam lian ve deuh tak hi a rawn keng lut a, envlope a tel bawk a. U hriata chu ka en a, a lu lo buk nghut avangin box chu ka han hawng a.





Laptop a awm a, a hnuaiah chuan puan nge eng nge ka hrelo a awm tel bawk, u hriatpuia chu melh leh in kan awmna hmun hian a zirlo tih hriain a ni pawh chuan chhuak turin min ti nghal a kan in zui chhua nghal bawk.




Inchung lamah inkawm na tur atana an siam a ni ngei ang chumi room lam pan chuan kan kal a.



"Heihi engvanga ka tana dah nge a nih i hria em?"


"A zawng zawng chuan ka hrelo, mahse kha laptop kha a dairy tluk zet ani, engkim record in a dah thlep thin" u hriatpuian a sawi zawh rual chuan Box a laptop chu ka phawrh chhuak a, a hnuaia puan ang tak ka tih kha T-shirt a ni ka phawrh a, "Mars-Melo" tih a hmaah lian vaklo a in print chu an in ka nuk suk a.





"Martin-Melory tihna em ni?"
" Um... "




Laptop chu hawngin password a da h a eng nge ka hre hauhlo "U hriat heihi engnge ka hre miahlo" tiin




ka sawi zawh rualin u hriata chuan a rawn thlek ve vat a, "Envlope kha en lawk teh. " envlope chu la kang in a chhunga thil awm chu ka en a .





Lehkha chu la chhuakin ka ka en thuak thuak a, "P.w i pianni leh thla " tih te reuh te a inziak chu chhiarin ka pianni leh thla chu ka chhu lut nghal a.





U hriata chuan " Vawiin hi i birthday tihna maw?" min en ha a, at hmel deuh chuan u hriata chu ka en a, Laptop a date lo lang ka en chuan



"Ni e, ka pianni chu a lo ni ngei e. " ka ti sap.




Laptop wallpaper chu keimah tho ka ni. Ka mittui ka hru leh fap fap thin a.
Tih hmasak tur ber ka hrelo ani .




"Video kha han en chhin teh" U hriatan a tih chuan ka en vat a.


"Aw Lalpa"
ka tap chhuak nghal hak a, he pa hian eng chiah nge a tih hi, ka thin tawt lutuk chu chum dat dat in ka rilru in matina chu ka hau mawlh mawlh a.





Kan in hriat tirh atanga kan in video call na zawng zawng a screen record em ni ka hrelo, alo awm vek a date leh 'A vawikhat na' 'vawihnihna' tih te a a chhinchhiah thlap thlap te chu min tina tu te an ni.




Pakhat chu ka play chhin a, Kan thusawi zawng zawng erawh a hriat theih loh, a ha var sar lang a a nui leh san san thin chu hmuhnawm ti zetin ka en a.


A hnuah video tih ringawt a awm chu hawng leh in 'Birthday gift' tiin a dah a ka hawng a, amah a lo lang leh a.





"Vawiin hi ni 10 a ni a June thla a ni bawk, Chuan vawiin hria video hi ka record nachhan chu nakinah tu emaw in heihi ala en dawn tih ka hriat vang a nia.
A hmasa ber in Happy Birthday Ka Happy pills"

" Sawi tur ka ngah lutuk, min haw maithei he video ka record hma avang hian chuan engpawh alo thleng a nih chuan ka thiamloh vek ani min ngaidam turin ka ti theilo che mahse khawngaih takin min hrethiam ang che.


KA hmangaih lutuk che tih i hriat ka beisei a, mahse ka hmangaihna che hian rei tak min dam tir thei chualo a nih hi. Emgmah i thiamloh a awmlo tih hre rawh aw.




He laptopah hian i hriat duh engkim a awm vek ang, chuan i mi tawngtai sakna te leh i mi fuihna te khan awmzia nasa tak a nei ngei a ni tih i hriat ka duh bawk ania.





Melory hringnun chu heti mai hi a nih hi aw, Nun thlahlel lo ka nilo mahse ka dam ve chhunga hlim taka min siam avangin ka lawm a, hlim taka ka siam let ve hmalo che erawh min ngaidam dawn nia.




Ka natna a lo chhuah changa i mit a natna leh min lainatna kha ka hmu thin a, mahse ka luhlul em ani.




Heihi ka dahthat nachhan chu engtikah nge ka thih dawn ka in hre lova i birthday hi ka dam thlenglo a ni pawhin emaw ka dam thkeng a nih pawhin nakum lam chu ka beisei ngam tawh loh avangin ti hian ka lo record mai ani.




He video i hmu a nih chuan kuang chhungah emaw lei hnuaiah ka awm tawh in ka ring, mahse i hriat reng tur chu, I tan zan lamah ka lo eng thin anga, Ka lo thlir reng thin dawn che ani. Van pawh khian i tello chuan ka hlim theih ka inring chuanglo a chuvangin ka lo thlir thin dawn che a ni.




Keimah vangin i thinlung duhzawng hnawl ngailo la, I thinlung in a a thlan tak chu keipawhin lawm takin ka pawmpui che tih i hriat ka duh ani. I mittui kha far tir fo turin ka duhlo che a, mahse ka thu neih phak a awm silo. Hlim takin i nun hmang ang che.




Mangtha aw, Ka hmangaih che" a nui sang a , a hmelthatna te chuan ka mittui bawk a ko chhuak leh thin.



U hriata pawh chuan a mittui lo hru zauh in, "Kan phei dawn em ni? "



A rawn tih chuan ka lu ka lo bu nghat a, "i pa khan i bungrua kha i ni te bulah ka dah a ti bawk ania aw" a ti leh chuan ka bu leh nghat a.





U hriata'n Martina awmna lam panin min hruai phei leh a, ka sam chu trawn tha thuak thuak in "U hriat, T-Shirt kha pakhat chauh bawmah a dah sia a ta tur pawh a siamtir ve ngeiin ka ring, khawngaihin a kuangah hian i dah tel thei angem?" Ka tih chuan a bu nghat a.




A lu buklo tak mipa hrek hrawk tak mai chu ka melh leh a, ka beidawnna ti zualtu mai ani.' Ka hmu tawh dawn lo che tih tichiang tu a ni sia tiro?' ka ti leh sap


Tu nge ka nuih pui anga, tu nge ka hauh a ka chhiah vel tak ang, ka school bang in biak hun thlahlel taka minlo nghaktu i awm tawh lo ang a, zanreiah groupa nawi pui tur i awm tawh dawn heklo, i hmun ruak hi a zau ka ti a, kei, kei ve mai nunah pawh heti khawp hian i awmlo hi a ruak ania, In inchhungah phei hi chuan i hmun ruak hi ava zau zual dawn tak.




"Ka hmangaih che, Thlamuang takin chawl rawh aw" Phun sep sep pah chuan a chalah chuan ka fawp zauh a, a kut chu vawn sak leh in ka tawngtai a, chham tur ka hrelo, Pathian te chu ka han dem dawn dawn thin a a nih chiahin ka hre silo.




Thinlung taka thlahliam i har zia hi i hre ve awm silo , nangchu ti hian hahdam takin i mu a, mahse keini kan hahdam ve silo, natna a awm tawh dawnlo tih hre mah ila , i nat ai zawng zawng tuar huamin lo kir rawh pawh ti engang che mah ila ilo kir tawh dawn silo.



🍇🍇
Chapter -4 kan zo leh ta, reader ten min lo chhiar sak ve hram hram thin avangin ka lawm a, in tum angin story a kallo tih ka hria min hrethiam dawn nia.


Chuan naktuk post ka siam locanga naktuk tuklehah ka siam leh ang, online class kan kal regular avangin hun awl a vang viau ani.
Chu mai bakah ka phone a nuar ve zeuh zeuh zel bawk si nen, rilru hi a hah thei viau ani.

Engpawh ni se, God bless you


In rit phurhte chu inchhâwk tawn rawh u; chutichuan, Krista dân thu chu in zâwm a ni ang.
Galatia 6:2



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)