TRUTH - 11

Episode kal lai dah luhna

Moderator: writers

Abella Ralte
Posts: 179
Joined: October 27th, 2019, 1:10 pm

TRUTH - 11

Unread post by Abella Ralte » August 3rd, 2021, 7:48 pm

Bung - 11





“Ka hrilh lo ang che ka ti zet na a , mahse hre ve hrim hrim la ka duha , ka sawiloh chuan ka inthiam lo ang tih ka hlau a, Rinpuii leh Joela chu an la inzui reng an tia” min en chiang em em bawk sia, awm dan ka thiam lo zawk, ka lai hu a






“Ka va awih lo ve, tunlai phei chu hna ah a buai riau a sin” ka ti ve a, ka rilru chuan kiltin chu a dap a, ka thiannu ngei hma ah pawh thudik chu ka sawi ngam lo a ni.






“Keipawhin an sawi ringawt anih ka ring a, mahse thlalak ka hmu nual a, tin diktak chuan in in zui rei lo sia, ka hlauthawng a ni, i hrethiam ti raw?” min ti a







“Hrethiam lutuk, keipawh in i chungah tiang tho chuan ka ti ang, ni e kan inzui rei lo a, mahse kan inmil phian ania aw, min ngaihtuah miah suh”







“A that chu, thlalak vel chu kalo thawn ve ang che, diktak chuan Rinpuii a heps ve a, a nihna nen a in millo hian a nia a awm ve thin ni” a ti a, a nui zui hak hak a, inleng ka nei tih ka nauten min rawn hrilh chuan ka thaw huai a, diktak chuan ti ti dun kha nuam ka ti tawhlo, thil hriat nuam tak kan sawi si lo a, ka ngaihtuahna buai nuaih leh ka rilru na deuhte chu hreawm ka ti tlat.






“lo thu lawk rawh, ka va chhuak lawk a nge” ka ti a, ka tho zui ve nghal a.Inleng minhmu bik riau emaw, pawimawh a awm anih loh chuan min ko ngai lo a, keimah kher min hmu duh hi an awm veleh thin a, heihi Lindai pawh hian a hre ve tho a, ka inthlahrunglo hrim hrima.





Ka va chhuah chuan ka rin loh deuh ka va hmu a, “E he Rempui teh tlat chuan eng nge nit eh mial a” ka ti a, Rempuia, Mapuii cousin kha alo ni a.








“Ka quarter tharah ka insawn dawn a, min chei sak la emaw, eng nge maw han siksawi ngai a tam riau mai a” alo ti a








“keini khawihte i duh dawn em ni a, hamnni khan i fiamthu mai mai emaw ka lo ti a sin” ka ti a,







“Mai mai a..” ti in a nui hawk hawk a







“ka office lamah kan lut dawn mi” ka tia , kan inzui lut a, Rempuia a hmuh chuan Lindai chu a lo meng phawk deuh a, mahse a lo nui var var a.






“lo thu rawh, hei ka thiannu chu hmanni khan kan in hmuh tawh kha ila hria ti raw” ka tia , ani pawhin a la hriat ve thu in min lo chhang a, Lindai pawh chu a chhuak zui ve nghal a mai a.






Ka rin ai takin a awm rei reuh a, a in siam dan tur tak phei chu kan sawi rei lo a, bakah a drawing vel engmah a awm bawk si loa, quarter lian tak leh ruak tak kha ani deuh mai a, en phawt loh chuan sawi mai thiam a har deuh a, thil dang dang sawiin kan ti ti reng a, kawm a nuam phian a, mipa dang bula ka awm ang ni miah lovin inthlahdul takin ka awm ve thei a.






Thingpui te kan indun leh te te a, chumi hnu ah chuan a haw ta chauh a. Mahse a zia tho, ka nu nen kan chhuhdun hun a ni tep tawh tho a, ka hun min paihsak nual a, chute ni lo se thil eng eng emaw ka ngaihtuah a nga, hna ka thawk thei vak awm si lo a.








Ka nu pawhin a thlen tawh thu min rawn hrilh a,keipawh ka chhuak ve nghal a.






Kan nufa chuan kan thlang malh malh a, keipawh kekawr lam ka en a, kawrfual ka duh chi deuh deuh a awm nual bawk a, rin aiin ka lei tam dawn tlat, ka nu pawh a thlang ve nasa ngang mai a, a changing decision va siampui a ngai thul, kan buai nufa ve hle a. Ka phone alo rik chuan ka bag ka hai rak rak a, Joela a lo nia, tun ang hunah minlo be ngai si lo a, mak ka ti deuh a, kapick up vat a







“I buai em?”





“Buai lo a, ka nu nen cave ah kan bazaar lawk a”






“A nih chu, nizan khan kalo sawi theihnghilh daih a, zaninah hian chaw ei chhuahna tur kan nei dawn a, lo inring rawh aw, inah ka lo haw tlang mai ang” a ti a, zawh zui hman miah lo chuan a dah leh daih bawk a, ka hawi hai ang reng phian a.





Kan rei zek a, chhuahna tur kan neih bawk si avang chuan dawrlamah pawh ka let tawhlo law law a, ka nu nen chuan kan haw rual ta daih a.








Joela chuan “Chaw ei kham khan programme a awm dawn a, kan rei ve deuh mai thei” a ti a, keimah pawh min en hranpa chuang lo a, ka hmai ka chei mawlh mawlh a, a ni chu a inpeih leh zuih tawh a, ka kawfual lei thar senduk nalh zet mai chu ka ha nghal daih a, min ti confi hle a, keimah pawhin nalh ka in ti hle a, a hakna tur avang awm tic hung chung khan ka lei a, mahse hei a remchang hlauh e.







Ka nu chuan kan kal dawn thleng chuan min lo vai liam a, chungte chu kei chuan nuam ka ti a, ka ngaihlu bawk a. Mahse Melody kha chuan vawikhat an lo len in, an haw dawnah khan ka nu hriat loh tur si khan “Ninawm min in la ngaihtuah tak khan min thlah leh thlap thlap a nga” ti khan a ang hlak hlak a, mak kha ka ti khawp a, khatiang a ngaihsaktu leh nagihlu tu nu a la nei chu lawm hle awm kha a nia, mihring hi kan in ang lo teh a.








Ngawi rengin kan tlan mawp mawp a, Joela chu thil ngaihtuah ding tak hmel a pu a, va biak pawh chu thil hupohurh awm tak a ni, keipawh ka ngawi rauh rauh a, chutah hrechuak thut ni awm tak hian a lu a thing nak a, “kan kalna tur kalo sawimiah lo a, DGP a nia, a fapa in hmanni deuh khan nupui a nei a, an lo zin a, vai a nia” a ti a








“Mi an tam ang em?” ka lo ti vat a.








“Ka hre lo le, an tlem vak chu ka ring lo, vaiho hi chu inneihna hi an ngaihlu em a” a tih chuan kan ngawi dun leh rauh rauh a.








Ka ngaihbel nge ni, thil engemaw worry deuh hmel a pu a, lo biak ve sek emaw lo tawng ve sek emaw pawh a in thlahrun awm, new capital complex ah an awm a, a hla lo bawk a kan thleng thuai a.







Kawtah chuan mi an lo awm nauh nauh bawk a, chuvangin min an tlem dawnlo tih chu a hriat reng a, ka ning leh nghal hle dawn tih chu ka hre reng a.





Ka hmelhriat mang an awm lo a, an smart hlawm hle bawk a tin hnamdang an tam hle a, chibai kan sem pah zel bawk a, DGP nupui nen chuan kan in be thei phian a, an mothar pawh a chhelo e, vai hmeltha hi chu an hmeltha chiang bawk a, tin a ngo em em bawk jyoti a ni a. Pi Reena i chuan min be bawrh bawrh a





Dinner kan peih tep, an lo thleng kim thawkhat tawh hetah chuan hma deuh a kan ei ve thin a nia" a ti bawrh bawrh a






" hei ala hma lawm i monu pawh a hmeltha hle mai" ka tih chuan a nui var var a.






"Brahmin tho a nia, mahse in tan chuan a in ang vek, a pa hi IAS a nia" a ti a.





"Congrats mo tha tak i nei a" ka ti a, a nui ve var var a.






" lo kal rawh inchhung lamah ka fapa pawh ila hmulo" a ti leh zung zung a , hmeichhia an tam vaklo bawk a min nel a niang chu ka ti mai a








A fapa nen chuan kan in chibai a, chutah bangkil lama lo thu reng pakhat ka hmuh chuan ka phu nasa ngang mai a, ka hai a nih Takin tiin ka en nawn leh ngat a, mahse ka hai lo amah ngei kha a ni khanu kha, chhelo zet mai kha Joela nen lodge a ka hmu dun nu ngei kha a ni chiang lutuk.








Ka en reng tih a hria ang tih ka hlau a, ka hawisawn vat a, ka bing chu a sa nghal deuh hat hat bawk a.







Joela pawh ka hmu mai lo, pawn lamah dinner an lo serve tawh pi Reenai lah chuan min buaipui deuh chawt a, "Rose keini chu nakin deuh ah aw" alo ti a, ka nui tawp. Mahse han kalsan daih kha chu ka tum biklo a, hmelhriat em em ka nei chuanglo bawk a.






Joela a rawn lut a, min rawnnuih var var a, “Kan ei ve tawh mai dawn em ni?” a ti a “Pi Reenai hian nakin deuhah a ti a” tiin ka lo chang ve mai a, a bu nghat a. Chutah ka enlo emaw ati nge, sofa thlanglama thu chu a melh zauh a, ka lo en chik nagng mai a, mahse a awmdanah chuan a hmelhriat angin a lang miah lo, a thiam lutuk chu mak ka ti zawk a






Chaw ei tur a kan chhuah chuan mi pawh anlo awm mang lo a, dawhkan an lo kil deuh fur hlawm a kan va dawh ve nghal a, chaw lo dawh mek chu Rempuia a ang ka ti hle a, kei aiin Joela a kal hmasak zawk avangin ka duh angin ka hmu chiang thei lo a, a dawhzo in hertur chu kan in melh chiah a, minhmuh chuan a nui nghal var var a






“ Ehe Rose i kal ve ni maw, Joel pawh...” a nui var var a.





“Ka nupui nen in in hria tih ka lo hre miah lo a” Joela chuan a lo ti daih a, kei chu chutia an in biak buai lai chuan nui sangin thleng ka lo la daih a, Joela tawng kam chang mah mah chu mak ka ti deuh a.





“i hria lawm Small world, I nupui tih ka lo hre miah lo a nih chu” Rempuia chuan pangngai takin a ti a.






“Ka dawh dawn a nia “ hrilh bik pawh nei lem lo chuan ka ti a.






Rempuia pawh chu kal bik ta nge ti chuanglo chuan a lo ding ve reng a, Joela hmel inthlak danglam daih chu ka hai hauh lo, a hmel chu a lang chang rut a, han biak buai vel pawh huphurh awm tak a ni a.






Cha wka dawh zo tawh si, a ni a la dawh mek baw si, lai deuhin ka lo ding ve tawp a, a tawp a tawpah chuan kan pathum chuan kan thu ho dial a, an ni pahnih chu an in hre tha aniang, an in be bawrh bawrh a, kei erawh ngawi rengin ka lo ei mawlh mawlh a, a khat tawkin Rempuia chuan min lo be ve zeuh a, Joela erawh chuan ka awm ve tih a hre miahlo ni in a lang, chaw eikhamah programme te ala awm dawn bawk sia, kan boruak chu a huphurh awm mang e ka lo ti rilru a.






Ka eikham tawh a, mahse kalo la nghak a, Joela phone chu a rawn ri a, a ipte atang chuan a phawrh,a mengbuai deuh nak a, mahse a la ta tho a. A ding deuh hluai bawk a. Kei erawh chuan ngai pawimawh awm lo deuh hian Rempuia ka lo be ve thung a.






“Bawihi Emergencu ka nei tlat mai a, kal chhuah lawk ka ngai a, engtin nge niang, inah ka va dah phawt dawn che nge, driver kan phone mai dawn le” a tia ,a aw ah chuan ahmanhmawh tih a lang reng a, han chhan maid an tur ka hrelo a.







“Keimah pawn Rosei chu kalo thlah thei reng a nia Joela, i hmanhmawh chuan” Rempuia chuan Polite zet hian a lo ti a, Joela mitmeng rum deuh ul chu ka hmu hman a, “Driver kohl eh ai chuana remchang zawk tho a lawm, Rempuian pawi a tih loh chuan” ka lo ti ve vat a








“A ho lutuk, engmah tih tur a awm chuang lo a” Rempuia chuan alo ti ve leh sawk sawk a, Joela chuan kan pahnih chuan min en a, engmah pawh sawi tawh chuanglo chuan a kal nghal vut a, a chaw ei lai a la laklawh nen, a thleng chu ka melh vung vung a, Rempuia chuan min hrethiam tak hian ti ti dang a lo vawrh daih a.






DIG nen chuan an ding dun reng a, eng nge maw sawiin an phun sap sap a, mi hriat an hlauh hmel em em mai lehnghal a, mahse ka en rei duh ta lo a.







“hmanhmawh lutuk bik lo la, programme awm ve zuai ila “ a ti a, keipawhin kalo pawmpui ve mai a.






Dar 8 a rik dawn chuan Rempuia chuan “programme hi a boring tan, ka quarter lo en zuai chu i duh em, a rem dawn em a sin” ati a, keipawhin kalo aw rang ngang mai a, dik tak chuan an programme chu mizo nuam han tih chi a ni em em lo bawk a,hnamdang an tam tho bawka, han chhuah daih pawh ni ila a awmlo hran tawh bik lo ang chu.






Rempuia sawi ang chiahin a quarter chu a zau a, a ruak hle a, tin a nung lo hle bawkin ka hria a, a rawng te chu a uk khuk mai a, thla ka la kual a, a zau tha bawk a han chei vel chu chakawm tak a ni.






“Ka la awm rei dawn sia, chhungte an lo chho ve leh reng a nga, homely deuhin awm se ka duh a” a ti a.







“ta thei ang berin kan ti dawn nia” ka lo ti ve vat a






“in duh hun hunah a khawih tan theih ang aw, min rawn vak duh suh, tha i tih ang ang khan i ti mai dawn nia” a ti a.







Dar 10 dawnah in ka thleng a, Joela chu alo la haw lo a ni ngei ang, a motor pawh a awm lo, ka thaw halh a, ngawi rengin kan room lam ka pan a.







Ka mu meng kar a, ka tah a chhuak ut ut a, ka thinrim tun leh nghal a, khatia Joelan min kalsan kha ka hua a ni ber a, ka tilang leh thiam dawn si lo a, ka puakkeh mai ang tih ka hlau. A chhan pawh min hrilh chuanglo a, an hna ah bungrua lo thleng tur ni se chu a sawi mai awm si a, zan reiah pawh bungraw lo thleng enpui chang a nei tho a, hepa hi ka rin ang a ni dawnlo tawp mai.






Ka ngaihtuahna kal ding tur chu ka duhlo ka phone chu ka en a, kan dawr groupa fiamthu an post ho chu enin ka nui hak hak a.






Lindai message chu kalo hmu lawk lo a, a mawng lamaha lo awm daih tawh a, ka zu hawng a, dar 8 vela minlo thawn tawh daih kha a ni a





Rinpuii thlalak, a damlo ningei tur ani chu ka hmu hmasa ber a, a captionah chuan ka cousinin a lo status a, ka eiloh dan chu hei nichin mai khan scooty in a accident ani awm a, anat loh hmel rapthlak nen ti hian a lo status kur luai a nih chu tih hi alo ni a, emoji thinrim lai lem hi alo dah tuarh bawk a.






Nidang chu nise ngatanmah ka ngailo ang, mahse Joelan pawimawh a tih chu hei ngeihi alo nih dawn hi ka ti a, ka sa nghal pup pup a, ka thin a rim thar leh kher mai, tunah pawh alo la kirlo a ni a, ka ngaihtuah thui peih lo a.






Ka tho lawk a, blanket thar ka va la a, ka sin nghal daih, blanket zawn pawh ka duh lo e, insin tawm pui atan pawh ka ten tawh zawk.






**************************


End of 11

Ads click kha chhiartu lam tih ve tur a nih kha aw, in lo click vek dawn nia



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)