SCARLET LOVER_chapter-5_Duati Tochhawg

[Thelma x ivy]

SCARLET LOVER









ZIAKTU: DUATI TOCHHAWNG







CHAPTER_5











Italy ka thlen chuan ka inah haw nghal lo in hotel lam ka pan thung a, ka innghat ta zawk a ni.





Zan lamah chuan insiam mawlh mawlh in hotel chu ka chhuahsan a, ka in lam panin ka kal zui ta nghal a ni.







Ka in chu hnunglamah ka hel a, ka room khawngkhar ruk, Lorence hriatloh a ka siamtir ah chuan ka lut a, room thuruk ah chuan ka lut zui leh nghal zak bawk.









Banga dangthla lang lian zet, ka room chhung lankim theih deuhtho naah chuan ka ding a, ka room chhung aṭang erawh chuan in en na satliah mai ani, mahse chiang zawk a bih chuan ka awmna room alang thei thung, tun a ka room awmna aṭang eraawh duh ang thalin a fiah thung.









Lorence leh Marina chuan mihring engmah hrelo tih hriat hriat zet hi room chhungah hian an rawn zawn lut a, chair a ṭhu chungin ka lo thlir reng a.









Marina chuan achemte ken chuan chu hmeichhia an rawn hruailuh chu a vun a zai kak a, thisen rawn chhuak chu alo liak nasa ngang mai, heti taka mihring thisen leh taksa ei chakna anei ta mai chu mai mak ka ti ngei mai, Lorence pawh a bang heklo.









An duhtawk an tih tak hnu ah in tifai lemlo chuanin ka khum ngeiah chuan nupa nun an hmang zawm leh nghal zat, mak ka tihna pawh chuan min hneh tawhlo, ka ten ani mah zawk. Marina nuam ti rak thawm lah hriat tur awm reng bawk si.







An duhtawk an ngah ta aniang chu zawi zetin khum ah an mu dun a, Marina chu a nui zui deuh awr awr bawk.







"Jedina hi that mai rawh, ka ngaih angam theilo, ka chan che ka hlau" Marina zawk chuan a rawn ti hmasa a.









"Antonio bei turin kan hma theh angai, hepa hi athih phawt loh chuan kan him thei biklo, min veh reng tih i hriat kha, Jedina pawh hi ilo thlem angai dawn ania, Antonio hi athah vat angai" Lorence chuan alo ti. An pahnih ruahmannah ah hian maw ka lo tluk luh ni.









An mutthilh zui nghal mai avangin ka chhuahsana, hotel lam chu ka pan leh vat, dar 3 a ri deuh thuak tawh bawk.









Hotel chhung ka luh dawn chuan Antonio leh Anges rawn inzui chhuak tur nen kan in tawk chiah. Antonio chuan min en uluk viau, Anges erawh in min nuih sang thung.









Hrelo ang hmakin ka kal pel a, ka ngaihtuah zuilo bawk, ka room chhung ka luh hnu deuh lawk ah kawngka kik ri ka hriatchhun zawm nghal zat, tun ang zingkar nge zan ka ti zawk dawn, tun ang hunah rawn kal an awm chu mak ka ti viau, kawngka chu ka hawngzui nghal bawk.







Antonio hmel ka hmu zui nghal zat, engmah pawh sawilo chuan a rawn lut zui nghal hmiah mai bawk si.







"Enge i rawn tih dawn" ka lo ti tawp, ka aw aṭang chuan ka lawm vaklo tih a hriatthiam ka ring. Mahse min chhang duh hleklo, ṭhutthlengah chuan ṭhu rawh pawh ka ti ni miahlo in a ṭhu zui nghal hmiah mai bawk.







"Enge i rawn tih dawn" ka ti vin leh deuh ṭhak.







"Ka rawn riak ve dawn" a lo ti tawi deuh tak.







"Eng vang chuanin" ka lo ti leh, min chhang zui tawh lem chuang hlei lo. Ka pa in "an hmelma kan ni tih hrechungin kan nunna achhanhim" atih kha ka hrechhuak leh a, ka thinrim pawh ka insum leh viau.







Puansin tur pan te ka pe a, khumah chuan ka mu zui hmak, ka muhil ruai ruah tih ah chuan Antonio chu ka bulah a rawn mu leh ngat, chu em chu ka dawh thei ta biklo. Thawh thut ka tum chu min lo kuah bet nghal a, ka thinrim ṭun mai.









"Mu mai mai rawh" ka beng bulah chuan a rawn ti zawi thawp deuh sup mai. Mahse ka chelui leh fat mai.







"Engtin mah ka ti dawnlo che" a rawn ti leh phei chuan ka beidawng tak zet, ngawi rengin ka mu ta ringawt.





ka chau ve bawk nen khawvar dawn ruaiah chuan ka muhil leh hnuhnawh.









"I va mutui ve" ka bengbul lum deuh ham ham vang chuan ka meng nghal kawk mai, thawh phan pawh nei leklo chuan ka ṭhu chhuak nghal hlawl bawk.







Antonio ka en lah chuan min lo en deuh run a, a nui hlek bawk silo, thil awmzia chu ka bo takzet.









Dar zat ka en a, dar 10 alo pel daih tawh chu niin, hmanhmawh zetin ka tho a, ka insiam nghal zung zung.







Ka insiam chhung zawngin Anotinio chuan ngawi rengin min lo en thung, ka insiam zawh velah kawngka lam ka pan a, ka chhuak dawn chiah tih ah thil hriatchhuah thut ka nei, ka ding leh deuh dat.









"Ka inah min hruai thei angem" Antonio lam hawi pah chuan ka ti a, a nui lo deuh suk mai.







A kawrlum chu a la a, kan inzui chhuak leh hna hna, ka luggage pawh min kensak deuh thlap.









Ka in lam kan pan a, kan thlen vel chuan doorbell ka hmet ri deuh tlang tlang. An rawn hawng thei mai silo nen ka hmet nawn deuh ngat ngat.









Chutia ka hmeh tak ngat ngat ah chuan Marina chuan kawngka chu a rawn hawng a, min en lemlo hian " enge i duh" phak zet hian a rawn ti.









"Ka in ah hian ka haw duh mai ania" ka lo tih chuan ramhuai hmu ang maiin a mengzau kawk kawk mai.









A taksa ah lah thisen a kai nuaih zui, ka hnung a ding pawh hian a en duh viau,vawitam thisen hmu leh dawt ṭhin a nihna chuan hrilhhaiin a siamlo a ni mai zawk pawh a.









"Marina, amak tinge i din khawng reng a, ka lo haw thut sia ka lo haw tur thu ka sawi lawklo a tihpalh" nui var var chuan ka ti a, Marina erawh in Antonio a en reng thung.









"Marina, i va lolet har ve" Lorence in a rawn tih chuan Marina chuan min rawn en nghal zawk mai.









Kawngka ah chuan engmah sawi zuilo in ka lut a, an thawm aṭang Marina te pawhin min rawn zui tih ka hrethei.







"Ka thawmhnaw hi room ah ka dah fel anga Anotinio nen hian hna thawk turin kan inzui chhuak leh nghal mai ang" tih pahin room lam chu pan ka tum nghal a.







"Angailo, kal nghal rawh u in tlai palh ang" tih leh ka luggage min rawn chuh chu a rual nghal a.







"Lorence aw te kha ka hria a, Manila kal kha atum amaw ka tia, a kal loh chhan zawh ka duh hrim hrim a" tih pahin ka che leh hrut.









"Harsatna a awm vang mai mai alawm, engmah hrilh tur che a neilo ang, kal tawh zawk rawh u in tlai palh ang" ti chungin kawngka lamah min nawrphei leh dat dat, Antonio erawh a rum nghut thung.









"kal mai ila, kan kalna turah khan kan tlai ange" Antonio chu ka sawm ta nge nge, mit ti zim deun sun in min lo en a, ka lo buk zeuh hnu chuan kan inzui chhuak ta a.











"khawnge kan kal tak ang" car bul kan thlen chuan ka ti a, "hna ah" tih zawngin min lo chhang.









Kan inzui chhuak leh a, a office ah chuan kan ṭhu reng ringawt, tihtur a awm hlawllo.









Chhun laiah Anges a rawn lawr leh nalh mai, a dan ngai te bawkin a chhelo leh em em.







"Babe, min chhuahpui la" Anges chuan Antonio mal chung a ṭhut pah chuan a ti vel hawr hawr, ka mit a lo tikham ve em em ringawt.







"Ahhh, ka lo va haw mai ang" nuamlo ka tih tak em avang chuan ka ti ta nge nge.









"Angailo" tih zawngin Antonio in min lo chhang, ka ner khum nawng ringawt, an ni inlem kual vel kara lo ṭhut reng hi ka hne em bawk a tin ni.









"Babe, haw mahse enge pawi, min chhuahpui dawn tho chuan Amah in tihtur a nei hleihnem" Anges chuan alo ti, ka hriat tirh avang a thusawi ṭhat ve ber aniang.











"Ka chhuak hmanlo, tih tur kan nei, vawin ah Jee nen hian kan hotel tlawh kan ngai" Antonio chuan alo ti.







"Engvangin, kei nen pawh kan kal thei reng, Ani hruai lo hian" Anges chuan min melh deuh rulh hian a rawn ti.







"Ka hnuai a hnathawk anihna angin kan pahnih in kan kal ang, hna thawh hunah min rawn tibuai tawh suh" Antonio lah in alo ti chang fak mai si, Anges nen chuan kan hawihai dun tak zet.









"Kal ang" tih pahin Anges chu a malchung a ṭang a thawh tir a, a ding nghal nulh, a che te thut bawk nen ka tih ngaihna hrelo chu ka la ṭhu reng.









"Ka ṭawng i hre theilo em ni?" A rawn tih leh chiah chuan ka tho ve nghal nalh, amah zawk chu ka chhuahsan deuh hmak









A car bulah tum vuau chung a ka lo ding min hmuh lah chuan a rawn nui suk leh nghal, chu mai mai pawh chuan ka thin ati rin hlur tawh.





Car ah alut zui a, ka lut ve dawn chiah tih a Anges chuan min rawn luhkhalh hmak, engtik laiin nge min lo zui ni.







Thinrim ṭun chungin ka chuanglut ve a, ka ngawi hmai bawk, Anges erawh a ṭawng char char thung. Antonio in darthlalang aṭang a min rawn en leh zeuh ṭhin pawh chu ka hmu reng, a inthlahrung ve pawh ani mahna le.









Hotel Merita kan thleng chu ka kã deuh hau mai, he hotel hi Antonio te te maw, anih chuan Lorence bumah ka awm tih ka hriatchhuah belh leh ta, hepa hian dawt engzat chiah nge maw min fah atum ni.







"Hetiang a hawi mai mai tur hi hnathawk a i lak ka ringlo ania" Anges chuan a rawn ti, min sawichhan tih pawh a chiang viau.









"Nang aiin thiamna ah a sang" tih zawngin Antonio in alo chhang, Anges hi ngei viau mah ila Antonio tihdan ah hi chuan ka khawngaih ve reng, an inzui nasa si.





"Sang nise at hmel takin a awm ka ringlo" Anges chuan ala rawn ti hram.





"I buaina tur a ni love" tih zawngin ka lo chhang, a mengrum ngang mai.





Antonio kal takah chuan kan zui ve a, Anges phei chuan a banah a kuah deuh ṭai mai.





A intih tlangnel danah he hmunah hian a mikhual vak tawhlo tih a hriat theih mai, a nui sang reng mai.





Hotel chhung kan luh chuan Valentina alo awm ve reng mai, mak ti zetin min lo en deuh reng. A mitmengah chuan zawhna tamtak anei tih ka hria.





"Enge in rawn tih ve teh mial a" Valentina in a u te pahnih en tawn zak zak pah chuan a rawn ti a.





"A neitu in a thil neih a enfiah chu thil thianglo ani em ni, zawhna awm hre rawh" Anges chuan alo ti, Valentina erawh in alo ner khum nang mai.





"Jee, i lo telve elaw" tiin ṭha deuhin min rawn be leh daih thung.





"i u hi chu i ngaihtuah lo ve ngawt mai" tiin Anges chu alo phun leh sup, mahse kan hre chiang viau thung, Antonio chu hmeichhe in erna a tel chu a ti ve deuh aniang chu, engmah sawilo in alo ding ve reng.





"Ka ngaihtuah chu i hlau viau ani lawm ni" tiin Anges in Antonio kut a a vawnna chu a melh zeuh.







"Rilru hrisel lo zet hi pu te suh" Anges chuan alo ti hloh zawk mai.





"Ṭawngtam lutuk hi ka ngaithei vaklo ania, hetiang anih chuan i hnuai a thawk atan la law law zawk mai la" Antonio en pah chuan ka ti.







"Ngawi hmak rawh, bang mahla Antonio hian pawi ati hlek hleihnem, mawl ropui si" ring zet in Anges chuan alo ti deuh tawn tawn mai, hotel anih ang in mi an tam a, kan lam an rawn hawi deuh ṭhap mai.





"Mi mawl apiangin an kâ an veng senglo, i thutlukna ka nghak ania" Antonio en pah chuan ka tih zawm leh zat a.





"Anges haw tawh rawh, hna thawh kan ngai" Antonio chuan a rawn ti deuh sup, ka lo nui sak thung.





"Ka haw lo ang" pakhat lahin alo ti vin deuh ṭhat thung.





"Ka nawrchhuah kher i duh ka ringlo" Antonio chuan alo ti vawt deuh raih mai, Anges lah titau nghawng nghawngin a chhuak zui leh hna hna a, Valentina in a kutzungpui tipir vah in min rawn hmuh, a nui deuh suk mai.





"Kal ang" tihpah in Antonio chu akal zui daih, Vanlentina chuan min rawn hnaih pah in "i tih theih ka ring rengah" ka beng bulah chuan arawn ti deuh sa sa, ka lo nui deuh suk ringawt.





Antonio ka zui a, ani lah chuan a bulah ka kal tih pawh hria awm reng pawhin a awm lo, a kal deuh hmawk hmawk mai.







A kallai a rawn ding thut a, rawn hawi letin min rawn en deuh run, phun sup in akal zui leh daih bawk si, ka bangbo lek lek mai.





Room pakhat ah alut a,ka zui luh ve chuan alo ṭhu fel deuh chiah, Amah chiah a a awm avang chuan a bul lawk ah chuan ka ṭhu ve mai, min lo melh deuh run.







"Enge" ka lo ti deuh hlar, a la nui suk leh nghal, ka ngei lutuk chu ka phun zui deuh hluk a.





"Engmaw i sawi a" nuiza aw deuh chuan alo ti, "i hmelchhia" ka lo ti chuan "sawi ṭha leh teh, ka van hrechiang lo" a la rawn ti hram, a chhan pawh chhang talo chuan ka lo hawi sawn hmak.







Tu mihring in nge a boss te hetia ti ang le tih ka ngaihtuah chuan ka nuiza chu ka nui deuh hak.





"Enge" a rawn ti ve leh hluk thung, chu hlei hlei chuan ka nuih a tiza mah.





"Engnilo e, în min pe la, tuma hriatloh in" a hmel en chuan ka va ti. He thil hi ka sawi tur hrelo sawi mai mai a ni.





"Ka bulah khawsa mai rawh" a lo ti awlsam et mai.



"Mi hmaisen hmuh ka peihlo"



"Anih chuan kan ngaihtuah dawn nia" alo ti ve mai, rin ai tak chuan a thil phal phian, chenna tur in chu ka nei ve lutuk, mahse Lorence min hriatpui vek anih avangin Antonio bula ka lo sawifiam pawh pawi ka ti ta lemlo.