The Other Side Of Heaven chapter - 9

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

The Other Side Of Heaven chapter - 9

Unread post by Hluhlutei » August 13th, 2021, 8:14 pm

IMG_20210813_194636.jpg

A tûk zîngah chuan eirawng te bâwl in kan hlim dûn hlê a, mahse engemaw hi a awm tlat, ka sawithiam lo, ka chhûngrilah hian hlauhthawnna lian tak engemaw hi a awm ṭhin,

"I thil ei kha a tui vak nange?" Arawn tih takah chuan ka ngaihtuahna aṭangin ka harh zawk, ka ngaihtuahna ka lo kâwm nasa deuh nge, ka thil ei pawh a tui thei meuh lo.

"Min chhân kher angai lo, enge i ngaihtuah ka hre tho ania" arawn tih chuan thâwk ka la hak, "Engtinnge kan awm zêl ang?" Dawhkân enkar pah chuan ka ti chhuak sap, "Ka hre lo, ruahman lâwk engmah ka nei lo" arawn ti deuh sup a, maimitchhing vang vangin ka inhûm ruh ṭeuh mai, kan awm dun chhûng reilotê hi hlim taka hman ka duh teh lûl nen, ka chhûngrila min kam tu vâng vek hi a ni.


"Hetah hian kan tâwp ang, kumkhuain kan tlânchhe reng thei lo, helai hmun hi kan tâwp na tûr a ni" a rawn tih chuan ka mittui arawn luang thla nghâl zâwih thei, "Chuan, kan in ṭhen anga?" Ṭap aw lek leka ka tih chuan, "Aw" alo ti tâw tup mai, ka insûm thei tawh lo chu ka inhnît chhuak nghâl hlawp hlawp a, ka ṭap lai chu ngawireng hian min en vawng vawng reng ringawt, min thlêm ngaihna a hre lo tih ka hria, engtin nge hetiang mi hi ka hmangaih theih zawk le?


"Inṭhen ka duh lo"

Ṭap ṭiau chuan ka ti a,


"Keipaw'n, mahse Ka in pe a nih chuan Ka tâng rei dawn sia" inthlahrun hmêl zet hian arawn ti zâwi sup a, "Ka pa hi I rin ang kha A ni lo, i inpe anih chuan kei hi pasal dang min neih tîr loh pawhin ramdangah min thawn bo vang vang ang" ṭap ṭiau chuan ka lo ti a, a rilru a buai ve hlê ni ngei tûr a ni.



Reifê ka ṭah hnû chuan kan thlang lawka lui kamah inkai rialin kan kal dûn a, rin ai takin A vawt lehnghâl, "I lo tâng anih pawhin ka lo nghâk ang che, Dandelions pâr hi i hre tawh ngai em?" Ka tih chuan min rawn en deuh hû a, "Helai velah a awm lo a ni maw?" Ka tih chuan "Aniang, pangpar lampang engmah ka hre velo" a tih chuan ka nui hawk, Ni e, ani tehlul hian engtin nge chutiang pangpar vâng lutuk te a hriat ang le? "Tinge chu chu min zawh a? Rose par chiah ka hria" a rawn tih phei chuan ka nui nasa ngang mai, "Pangpar te tak tê lian lo tak, vâng tak ania, i hmuh hunah min hrechhuak ṭhin dâwn nia, a lem pawh ni se" ka tih chuan ding meuhin min en vung vung a, "Tinge?" A rawn tih chuan "I tân daih techuan khawi ah emaw hmun hla takah thawn bo ka ni dawn sia, engtikah nge kan in hmuh leh dawn ka hre si lo a, chû pangpar aṭang chuan min rawn zawng chhuak dawn nia, ka lo boral ta a nih leh, engti kawng zâwng paw'n ka thlân ah ilo dah dâwn nia" mittui tlingkiau a ka tih chuan ka biang tawn tawna rawn vuan chungin, "Chutiang sawi suh, i dam dâwn alâwm, engti kawng zâwng paw'n ka rawn zawng chhuak ang che" nghet charh a tihpah chuan min rawn fâwp vang vang a, kan han inkuah leh ṭhin, ka lungngai takzet a ni, engtikah mah kan awmna hi rawn hre lo se ka ti takzet bawk, a in pêk loh chu kawng dang awm tawh hek lo le, hreh tak chunga kan inthlah liam angai tho si a.



Ka inbual zo ka chhuak chu Benjamin-a aw rî chuan min ti ding chawt thei,

"Pa Sawma an dâwp amaw? Kan awmna a hria sin" a tih rî chuan ka kawchhûng hi a fan chhuak vek hian ka hria, bathroom kawngka zâwn ah chuan ka ding khawng ta reng a, chutah an in biakna chu ti tâwpin arawn leh hawi vut a, min hmu chu A phu deuh zawk nghe nghe, "Ka ṭawng kha I hre vek em?" Arawn tih chuan ngawirengin ka lo bu nghauh nghauh ringawt, khumah chuan ṭhu hnawkin maimitchhing vang vang chuan thâwk ka la hak a,

"Lo kal teh" tihpahin a âwmah chuan min bei tîr hlê hlê a, ni e, kum khua in kan tlânchhe thei lo, chuvângin huaisen takin ka awm angai tih ka hria,


"Ka nu biak ka duh, i phone kha min lo pe teh"

Tihpahin ka mittui chu ka hru sawk sawk a, hrilh hai hmêl zet hian min pe ve mai bawk a, "Ka nu chuan a hrethiam em em ang" tihpahin a number chu ka hmet chhuak sawk sawk a, ka call ka tum chu ka zâm kher mai, Hei chiah hi in nghahna ka neih awm chhun a ni bawk si, hreh zet chuan ka call ve ta nge nge a.


Chutah ka dial chiah chu A ring ral ral mai, ka lungphû techu a su dup dup a, mahni nu te ngei be tûrin tiang em em hian tumah an la zâm ka ring lo,

"Hello?" Chutah lehlam aṭang chuan ka nu âw ngei in arawn tih chuan ka nghîng dawt thei, ka chhâng maithei lo, ngawi vang vang chuan ka nu âw chu ka ngaithla vang vang phawt a, Benjamin-a paw'n min lo en ve kar mai,

"Emi Bawihte nangmah ini em?" Arawn tih veleh chuan ka ṭah chhuak insûm chu thaw chhuak hawk, "Nu" aw khûr dar dar chuan ka ti a, ka phone vawn lohna lamin Ben-a kut chu ka hûm tlawk tlawk ringawt, "Bawihte khawnge i awm? Awi LalPa ka van lawm tak, kan zawng nasa lutuk che khawnge i awm?" Arawn ti mawlh mawlh a, chutah insût hraihin "Nu....ka ṭha ania, ka ngaihtuah awm loh, Ben hian ṭha takin min rawn dah leh dawn a, nu lo mangang lo ula, ka pa pawh khân min lo zawng tawh suh se"

Ka tih chuan, "Enge i sawi awmzia tu Ben-a maw?" Arawn tih chuan "Ka rawn haw dawn, lo mangang lo ula, ka ṭha lutuk, min lo ngaihtuah duh suh u" ka off zui hmak a,


Ka tâwt lutuk tih thâwl ka thaw deuh halh ringawt, ka khûr vêl nia,

"Zan in ah ka dah ang che, huaisen deuhin awm la, i tân chuan engpawh ka ti mai ang, i phû tâwk ni turin ka theih tâwp ka chhuah ang"

Nghet charh hian arawn ti a, ka thâwl huai te hian ka hria, ka huphurh rual rualin beiseina sâng tak ka nei thung, Ben hi A tân loh nan engpawh ka ti ang, thilsual chu A ti ngei ṭhin a, mahse a châk vang emaw, nuam a tih vânga ti a ni lo tih ka mit ngeiin ka hmu a, ka bengin ka hre bawk, a âwmah chuan bei hle hle in kan in kuah chiâl a, ka rilru hah tâwt ut ut tepawh kha a reh tawh in ka hria.





Thingpui in paha a zungbun min pêk a khawih neuh neuh lai chuan "I zungbun hi phelh daih la, hei aia nalh hi ka la lei sak ang che, i chhûngte hmuh atân chuan ka zak deuh" arawn tih chuan ka nui hak a, a zak thei lo ka tihna ni miah lo in a zak ve thei tih ka hria chu mihring pangngai alo ni ve tak tak tih ka hre chiah, "Engvâng in maw? A nalh êm hi, ka phelh phal teuh lo" ka tih chuan A nui deuh suk, "Thil man to a ni hran lo a, ka zak ve deuh mai mai" thu tak zeta arawn tih techuan ka nuih aza ngang mai, "Ka phelh dâwn lo, tihian ka bun reng dawn, a dang pawh ka mamawh lo nia, thinlung hi A pawimawh ber zawk, hei chu kan inzawmna chhinchhiahna chauh alawm" ka tih chuan A hmûi tih pawrhin ka hnâr ah arawn piai zauh a, "A nih School kal ṭhat leh te i tum em?" A tih chuan, "Ka hre lo le, chawlh ngawt chu ka duh lo, lehkha ṭha taka zir a hna ṭha tak neih ka duh, mahse eng ber nge ka thawh duh pawh ka hre chuang lo" ka tih chuan A nui hawk, "Doctor ni la, chuan min châwm anga, keiin in lamah eirawng ka lo bâwl anga, ilo haw veleh thingpui pêk pah che in ka malis ṭhin che anga" a tih chuan ka nui hawk, "A nih kan fa te engtin nge niang?" Ka tih chuan, "Fa neih chu ka la ngaihtuah ngai miah lo" thutak zeta arawn tih chuan ka nui nasa mai, "I enkawl vek anga, phîr kan neih phei chuan hnunglam leh hmalamah i paw ṭhin anga" fiamthu ti tak deuh chuan ka han ti a, "Aaaa...Emi fa neih chu ti rih lo mai ang, ka thiam lo" thutak zet hian arawn ti nûng nûng a, ka nui nasa ngang mai.


"Tak takah Doctor nih chu ka peih lo, ka theih chhûng chu lehkha zir ka duh, chuan hna ṭha tak ka la nei thei zawk ang" ka tih chuan A bu ve nghauh nghauh a, chutah min rawn en leh vutin "Nang hi i School kalna ah te mipa dang pawh be miah suh, min phatsan vaih chuan" tihpahin a hmui hnuai a pet a, "Engtin nge maw Nang ang mipa hmelṭha lutuk te ka chhuah phal ang che le" tihpah chuan ka nui ar ar a, kan hlim dûn takzet a ni, duhthusam dun hi alo nuam ber a nih hi, engtikah emaw chuan kan duhthusam hian a tak ram min thlen pui ka beisei tlat bawk,

"Nang hi I ngaihzawng hlui te chanchin engmah min hrilh ve ngai miah lo" lungawi lo zet chuan ka han ti leh hliai a, "Nia, ka sawi duh vak lo na in hre mahla a pawi tawh chuang lo" a ngawi leh dat a,
"Hmeichhe pakhat duh deuh mai hi ka nei ve a, college ah a nia, ani paw'n min lo duh ve hlauh a, khatih lai khân ka la upa hran lo a, ka âtchilh top ni maiin ka hria, kei aiin a upa a, a zei hlê bawk, min duat thiamin ka duhzawnga han awm vêl kha a thiam riau ṭhin a, kan chesual tawh nghe nghe, a thianghlim tawh lo tih ka hria a, mahse pawngsual a tawh thû a sawi a, kha tih lai khân ka duh êm vangin ka hrethiam vek a, mahse min lo bum reng a, a bialpa pakhat zâwk nen an chesual lai ka phâwk palh a, kha ta ṭang khân hmeichhia hi ka ring tawh lo a ni, Chuan a hnû ah ka nu hrawn fanu in min ngaihzâwn lai vêl khân hmeichhe pakhat ka tawng fuh hlauh a, in anna tam tak innei ṭhin, kan inrual vêl a, ani chu fahrah a ni a, i thil lei ziah na dâwr ah khân a thawk ṭhin a, ka duh lutuk mahse ka tilang ngam lo, a chhan chu bum ka ni leh ang tih ka hlauh êm vâng a nia, mahse ka hêl ru reng tho a, vawikhat ka ruih laiin ka lo fâwp ringawt a, min la bêng zui, mahse ngaihdam ka dîl a, ani paw'n min lo haw hran lo, kan inzui chho zêl a, an in ah khân zantin Ka riak ṭhin, ani pawh a thianghlim tawh lo, a chhan chu A pahrawn in alo khawih tawh vâng ania, ka hriat chian êm vângin ka ring ngam a, mahse ani kha pawngsual thah a ni a, ta ṭang khân ka nun kha a buai zo ta a ni"



A thusawi chu ngaihnawm ti zeta ka lo ngaihthlâk lai chuan thil ka hre chhuak zawk "I sawi chu, au Sawmtei kha ni em?" Ka tih chuan min rawn en hû a, "Engtin nge i hriat?" arawn tih chuan "Engtin nge ka hriat loh ang an dâwr ah hlîr khân lawm ka kal ṭhin, a fel lutuk asin, a hmelṭha bawk, kan School a mipa ho hian an duh thei lutuk a, School bân apiangin khâ dâwr ah khân ka rual in an rawn kal ve ṭhin" ka tih chuan A nui deuh vur vur a, "A in ti hlum amaw ka lo ti char char a, ka van khawngaih" ka tih chuan A chek deuh hluk, "La dam se chu nupui ah ka nei anga kan intawng nâng" arawn tih chuan "Nia" ka lo ti ringawt a, kan pahnih chuan kan nui kan nui ringawt,a thil tawn ngaihtuahin hmeichhia lo dîm lutuk tûr alo ni lo hrim hrim, a dem awm lutuk bîk loh, a bialnu an lo pawngsual tawh vâng aniang vawi hnih lai pawngsual tâwk tawh tûr kha min chhanhim zêl ni.





Zanriah kan ei mawlh mawlh lai chuan kan awmna bul velah chuan thâwm ka hre tlat in ka hria, ṭawng tuma ka ân zuau lai chuan Ben chuan bengchheng lo tûrin a hmui zâwnah a kut alo dah zauh a, a mit a lên kual nghâl ruai bawk, ka kutah chuan rawn vuan in thâwm dîm thei ang ber chuan room lamah kan phei ṭhem ṭhem a,


"Che tawh suh u, in awm tih kan hria a nia, hmeichhia kha rawn chhuah rawh" tih rî ah chuan ka nghîng dawt thei, phâwk zet chuan kan in en tlawk tlawk ringawt.

ads khu kan click theuh dawn nia aw, a hnuai chiaha milem khu a nih khu click tur chu



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)