Instagram lama min lo follow ve theuh dawn nia aw☺@Ms_yellow_27
Chapter_7
Theo Malsawmtluanga POV.
Ka pu khuma mu engmah hre tawh lo tih hriat lutuk a,zawi vek chu ka thlir ngawt ngawt a,ka ngaihtuahna hi achawl dukin ka hria,chutih lai chuan room kawngkhar arawn inhawng a,ka pu enkawl tu pi biaki chu tray chawi chungin arawn pen lut nghal a.
Mahse,thil awmdan arawn hmuh chuan atray chawi lai athlauh nghal chuai bawk,"eng nge awmzia" tihpahin arawn tlan phei nghal a,ka pu mar vel chu acheck nghal bawk,mahse awmzia a awm tawh lo.
Darkar reilo te hnu ah,mi an rawn thlengkhawm a,ka pa pawh arawn thleng vat bawk,biak pawh ka be lova,melh pawh ka melh heklo,ka bulah chuan annie a awm deuh reng a,ani hnawt bo tur pawh hian ka tawng peih meihlo.
Ka pu ka neihchhun ngawih ngawih ka engkim ka chan ani.Atuk lamah ka pu kan vui a,athlanah chuan ka ding renga,thil tamtak ka ngaihtuah bawk.
Ka pu ka thil zawh duh ber a awm ta silova ava harsa dawn ve,ka pa thil sawi ringawt hi chu ka ring thei lovang,min hrilh thin kha ka pu pawn,"i pa hian kawngtam takin nang hi neih let leh che ala tum ngei ang,tunah chuan ihosa tawh a,mi thil ti thei tak ini bawk,ipa hian ahmangaih lo che chu ka tilo,mahse alet tamtakin sum ahmangaih zawk athu sawi reng reng rin tur leh rin loh tur chin thliar hrang thiam thin ang che" hethu hi thil ka hriatthiam tirh ata tawh min hrilh hnem ber ani thin.
Heivang tak a,ka pu thil zawh chian tum ka nia,mahse hetiang hi kan ni leh si.
Vanlam ka hawi chho a,"ka nu ka pu,min thlir reng ang tiraw,aharsa ve lutuk asin,mite ngaihah chuan duh duh,thing thei duh duh a awm mihosa fa duatsual chu tiang chu min ngaihdan ani,mahse maw ka chhungril hi ahlim lo,hlim na tak tak ka neih theih nan,hnawhkhat thei tu lah an awm heklo" ka phunchhuak sep a.
Ka chhakah marcus ading reng bawk,ani hi ni,ka rinawm chhun chu,khua arawn dur a,thli arawn thaw heuh heuh bawk a,ruah asur dawn tih ka hrethei bawk.
Thil hriatchhuah keimaha ka neih tak chu,thil thleng tur ka hrelawk thin hi ani,mahse awlsam tak chuan anilo,ka ngaihtuah nghut nghut changte,keimah ah danglam bik riau a awm changte hian,leh thil lian tham athleng dawn te hian,ka ngaihtuahna hian alo hrelawk thin.
Ruahhmi atla tan a.
"boss,kan kal tawh mai dawn em ni ruah asur dawn sia" marcus chuan arawn ti a,engtiklaiin nge ka bul arawn thlen ka hrelo.
"marcus,iduh chuan ihaw thei"
"ai,boss kan"
"marcus min hnial tihna em ni" ka ti chang rawt a.
"ka tihpalh boss" akun zeuha akalsawn nghal bawk.
Reilo teah ruah chu arawn baw nghal hawk a,
ka pu thlan hmaah tak chuan ka ding char char bawk,marcus pawh anan huhvek tawh tih ka hria.Ka kalsawn hma chu akalsawn dawnlo tih ka hrechiang hle bawk.
Min kohtu an awm avang chuan,ka sir lam chu ka en vata,tereuhtei maw,engtin nge arawn kal theih a,ka bulah chuan arawn ding nghal a.
"haw ang"ka ngawi reng a,ka chhang lemlo,ani hi ka mamawh,nilo ka mamawh lo mamawh chhan tur ka neilo,mahse ka bula arawn din chiah khan keimahah hian ka sawifiah thiam siloh,mak tak a awm ani.
Vawi leh khatah arawn tap chhuak thut a,keimah zawk pawh chu ka hamhaih lek lek alawm,atap lah chu alung ala chhe em em zuia,atap lai ka vawikhat hmuhna,engvanga tap ngawt nge anih a.
Alam ka hawi vat a,"tereuhte,hey engvanga tap ngawt nge inih a,i â deuh em ni" ka ti nghal tawl a.
Tap hliam hliam chung chuan,"ka hrelo,palianthluakthawlpa ngati nge ka tah ka hre biklo" tap pur chung chuan ati tiau a.
Chunu mai mai chuh,min koh dan te chu leh,"ka hrelo tak tak,ka rilru hi ana ve tawp,ka hrethiamlo tahchhan tur pawh ka nei tawp silova,ngati nge ka tah a,mahse ka rilru hi ana em ani" atih zawm leh nghal zuah zuah a.
Ava han mak mai mai tak e aw,ka pu vanga ka rilru natsa nen ani leh zel,"engvangin maw irilru anat a
"ka hre biklo ka tih chu,ibula ka rawn dinchiah khan ka rilru ana nghal ringawt a,ka sawifiah thiam siloh chhungrilah hian na veng veng a awm" ati leh sup a.
Ka kuah nghal chawt a,ka hahdam nghal sawng sawng bawk,hei ngei hi lawm ka mamawh ber chu,ruah lah chu abang dawn amaw tihlaiin lungawilo ang mai hian asur tam tual tual bawk a.
Reife ngawirenga kan inkuah hnu chuan,a in la hrang a,akun char char bawk,ruah asur bang tan a,azak tih ka hria amah chu ka en char char a,ka nuih ati za tlat pek anih chu mahse ka nuih vaih chuan,athin tertek achhuak leh anga.
Kan kal tawh dawn em ni itah zawh tawh chuan,nuihza insum zet chuan ka ti a,arawn hawi chhuak nghal vata,atahna amit asen vek bawk.
Rum lutuk chuan min melha.
"nangmah vang vek" ati nghal a.
Ka dar ka chhin ak a,"keimah vang vek" asawi ang chiah chuan ka sawi ve nghal a,min ngei hmel tawh lutuk.
Khawnge ka rilru natna zawng zawngte kha an awm tak ni,ka rilru natna te kha an rehvek chu ka ti miahlo,mahse ka bula tereuhtei,arawn awmve chiah khan nasa takin keimahah nghawng aneia,ka natna te kha arawn la kiang vek ka ti mai,amah ka kuah khan ka dam nghal sawng sawng niberin ka hria.
"aw nangmah vang anih hi,helai hmunah hian dingkhawng renglo la chuan,ka rawn kal kher angailo tur ania" thinrim tak chuan ative hlak hlak a.Hlikhleknu hi a.
"Tunge rawn kal rawh ti che"ngaihpawimawh loh hmel tawk chuan ka ti a.
" tumah,ihmelchhia,palianthluakthawl" akal nghal nal nal a.
"khati khan min koh reng reng suh,tereuhte" ka au zui ve nghal a,mahse hrelo ang takin akalzawm nghal hmiah hmiah bawk.
Car awmna ka thlen chhoh chuan,marcus leh tereuhtei chu,an lo ding duna thil an lo sawi ani mahna,keimah ah thikna a awm leh ta,keihi hetiang tur anilo,marcus pawh ka thik amaw.
Ngati em em nge,ka thikthu hi achhiat em em,mipa dang hrim hrim bula,a awm ka hmuh hian ka thin hi arim nghal em em ringawt mai ni,ka bialnu pawh anilova,ka duh pawh ani heklo.
Ni e,mabel lalrinzuali hi ka duhlo,ka duh tur ani bawk heklo.Atheih loh bur animai.
Tumbur chungin an lam ka pan phei a.
"marcus haw ahun,tih tur pawimawh ka la ngah"ka ti nghal a.Tereuhtei ka melh chuan hmundang ahawi daih bawk.
" nangkha" arawn hawi nghal vat a.
Mak tih hmel tawkin min en bawk.
"aw nangmah" ka ti leh nghal a.Amah leh amah chu a inkawk nghal bawk.Kan awmdan chu marcus chuan chik tawkin alo en reng bawk a.Anuih aza tih ka hria.
"nangkha ka nilo hming ka nei"
"anih leh tereuh" a aia rumin min melh a,ka mit hmul ka san ak thung.
"Kan rualin irawn haw dawn em?"
"nang nga rualin ka haw lovang"
Kan car dahna hnunglamah aphei a,ka en zui reng bawk,bike alo keng reng chu ni in.Bike hi khalh tawh loh tura tih angai ani,ahlauhawm tlat akhal chak thei si,accident atam si mahse tinge ka ngaihtuah em em a,ani hi ka haw tur ani sin ka thil tih tum nen pawh a inmil lo hetiang anih reng chuan ka lu thing nghut nghut chungin car chhungah ka lut zui nghal a.
Kan tlanchhuah hma chuan,chak lutuk maiin tereuhtei chu aving chhuak nghal a.
"marcus chak thei ang berin um ve nghal rawh" ka ti ve nghal a.
Engvanga min ngai changlo nge anih,ka body guard ania,duhai chuan min hlau lo mah mah tlat.
Kan um pha ve thuai a,nichin ang em em kha chuan akhalh chak tawh lo,kan hma ah zel chuan min ngaichang deuh nge atlan ve a,thui pawh kan tlan hma chuan,kan hma lam kawngah chuan.
Car panga leh bike pasarih vel an lo ding thup mai a,"eng nge thil awmzia hi ni leh ta"tereuhtei chu abreak ri tuar a,kan ding ve nghal bawk.
Car atang chuan ka chhuk thla vat a,tereuhtei erawhin a helmet ala phelh lo thung."Tu te nge in nih a?"Ka ti kha hrawk a,marcus ka bulah arawn ding zawm nghal a.
Car chhung atang mipa pakhat hi arawn chhuak a,ka rin dan chuan an hotu ber anih hmel kei ai chuan a upa dawn sa a,mahse kum 2 emaw vel bak anih ka ringlo.
Marcus chuan ka beng bulah,"boss sawpa lo chhuak chiah nen sawn in mitmeng a in ang ania"ati zawi sup a.Chupa mit meng ka en chian chuan asawi dik kan mit meng a in ang chiah ka mitmeng hi adum ani lova,apawl paw lampang ani.
Midang ho pawh an lo chhuak sup sup a,mipa vek an ni bawk.Chutah chupa an boss ber ni ngei tur chuan,akhabe atuai neuh neuh a,car hma ah chuan athu chho nghal a.
"nanghi maw kan hmelma pa,fapa chu" ati nghal a.
"i sawi awmzia ka hre hauh lo mai" a awki ang chiah chuan ka ti let ve a.
"ka sawi chuan i hriat ngei ka ring,ka pa leh ipa te kha thian an ni thin a"
Ka hrethiam nghal asawi zawh hma chuan ka pawt chat vat a,tereuhtei a awm ve tlat,
"ngawi hmak rawh,i ka i ang leh anih chuan apawi viau ang" ka ti hrawk a,engah mah min ngailo tih hriat lutukin anui nghal vak vak bawk.
"A tawk e,helai hmunah hian nang nga nui bal deuh ri ngaithla reng tura din ka peih reng reng hleinem" tereuhtei chuan ahelmet phelh pah chuan ati nghal a.
A tawng ring bawk a,chupa nui pawh chu atawp nghal hmak bawk.Tereuhtei kawh pah chuan"nang hi,ka hria che" atih zawm leh nghal a.
"Haha,inlo inkawm thin reng a,chuan keichu induh loh inkalsan ,intana tawphnawk mai maw ka nih,hreawm ka tawrh lai khan,nangni chu hlim takin in lo awm a,chuan inla inkawm zawm zel bawk a"
Anui leh nghal vak vak a,mahse anuihzat vanga nui ani lo tih ka hria,rilru na nui a ang mah zawk.Athusawi chu tereuhtei chuan hriatthiam loh hmel tawkin min rawn en a,ka dar ka lo san ak ringawt.
Keipawn athusawi awmzia kha ka hre miau lo alawm.A sawi dan hmangah kha chuan inhre tawh te pawh kan ang alawm le,mahse ka vawikhat hriatna ni.
"min hrethiam teu,,kan hmanhmawh a,helai hmun atang hian in motor hi inla sawn thei tawh angem,i nui zawh tawh chuan" tereuhtei bawk chuan ati leh a.
Chupa chuan thinrim tih hriat lutukin kan lam arawn hawi leh nghal a,"hmeichhia hi man bet ula,mipa pahnih hi sawi sa rawh u" ati nghal that a.
Ka lo nuisuk thung,"tan ila nimai lawm"tereuhtei ka melh zeuh a,alo bu nghauh thung,pahnih an rawn tlanphei a,tereuhtei lam an pan nghal bawk.
Mahse awlsam lutukin ake pahnih chuan alo khik nghal nghal thuai a,an tlu nghal ve ve bawk,midang an rawn tlanphei zawm nghal a.
Kan insual chu ani nghal der,ka insual loh na arei tawh bawk a,anuam ka ti takzet heihi ka mamawh lai tak ani,ka thisen lum lai tak.An hotu ber chuan ka lam arawn pan a,min rawn hnek nghal sawk bawk.
Ka hawinghal sawk a,ka chil ka chhak a,alo thi bawk,ka hnek letve nghal thuai a,kan insual zawm nghal bawk,ka rin aiin insual chu athiam mahse min hneh tur chuan a inzir ve fe ala ngai ang.
Tereuhtei ang chuan blackbail ka nilo pawh ani thei,mahse min hneh tur hi chuan insual thiam tak an nih angai ve tlat.
Vawikhat abiangah risawk khawpin ka hnek leh nghal thuai a,lei charah chuan atlu bawk khup nghal thuai bawk,ka hawi chhuah chuan marcus leh tereuhtei chuan an lo sawisa hlawm deuh vek tawh alo nia.
Bawn dun hle mai,"nidangah min bei leh dawn anih chuan heti zat chauh lo kal tawh suh ang cheu,anuam tan dawn chauh a,in bawk khup nghal fur a" tereuhtei chuan chimawm lutuk chuan ati a.
Marcus pawh anui nghal hak mai,ruah sur lai nibawk nen,kan huh vek a,atir atang khan kan huhsa bawk nen.
"boss kal vat teh ang u,intih hul vat kan ngai ania,hetiang chuan,kan damlo mai ang" ati a.
Car lam ka pan nghal a,ka hnungah marcus chuan minzui a,tereuhtei chu abike bawkin.
Car ka thleng tep tawh tih chuan,ring lutukin "theo" tereuhtei chuan ati that a,ka hawi chiah a,min lo kuah nghal chat bawk,ka pum athip nghal zawk a.
Tereuhtei hnungah chuan khapa kha alo ding reng bawk,khawnge marcus hi,"itha em,palian engtin nge i awm ana em" ati nghal chung chung a.
Marcus chuan chupa chu arawn tlawh thal leh thuai bawk,ka pum chu ka dawm vang vang a,tereuhtei pum lam ka en chuan alo thi nasa tawh hle a,thei leh thei lo chuan "i pum kha" ka ti chhuak sep a.
Hlauthawng lutukin marcus ako nghal a,"marcus,ka hliam hi hospital kan pan pui vat loh chuan,boss hi atha lo tan ania" atih ri chu ka hre riai riai a.
Apum atanga thi chhuak chu adawm bet tlat bawk,marcus chuan car chhungah min kuah lut vat a,duhaiin ana tawh mah mah ani,mahse tereuhtei in atuar lova,keiman ka la tuar zawk tal a,azia alawm,atawrh ve ka phal lo.
Mahse car chhungah min thut luh fel tir chiah tihin,tereuhtei chu leiah chuan nikhawhrelo in atlu nghal tawp a,ka hlauthawng lutuk chhuah leh nghal mai ka tum a,marcus chuan min lo dang vat a.
"keiman ka va pawm lut ange,i chet theih loh kha" ni e asawi dik thikthu chhe thei dinhmun ah pawh ka dinglo.
Ka pumah hian hliam engmah ka nei miah lo,mahse vih anih tih chu chiang takin ahriat a,avihna hnu hma erawh tereuhtei ah vek a awm a,amah chuan na ahrelo mai chauh ani.
A awmzia chu na hrelo mahse avihna khan apumchhungah nghawng aneih miau avangin na nei miah chuang silo khan nikhawhrelo in a tlu tihna,ka pum na areh thei bik silo tereuhtei ka ngaihtuah bawk nen ka rilru ahman hmawh tawh hle bawk.
Marcus in car chhunga arawn dah veleh chak thei ang berin kan tlanchhuak nghal a,"marcus chak thei ang berin tlan rawh,kan enkawl vat angai"
Ka pum chu ana leh zawk a,ka vuan nghal vat bawk,"ka hrethiam e,boss lo tawng tawh suh,vih itawk mek a,i tawng vak chuan ana zel ang"
"marcus kei nilo in,mabel in alawm vih tawk" ka phun hluk a.
"mahse na tuar zawk chu nangmah ini"
~~~skip skip~~~
Damdawiin kan thlenga hmanhmawh tawkin tereuhtei chu marcus chuan apawm chhuak a,thei leh thei lovin ka chhuak ve nghal bawk,ana tawh takzet a,tereuhtei engtin emaw a awm ang tih ka hlau takzet.
Avawikhat nan tak tak,hmeichhia vanga ka hlauh vawikhatna ani,ka chan mai ang tih ka hlau a,min kalsan ve mai ka hlau bawk,ni e ka hrethiam ngailova mahse tunah hian ka hrechhuak ani,tereuhtei hi ka duh takzet tih hi ka pawm tur ani.
Ka pum nat em vang chuan ka kal tha hleithei tawh meuh lo,mahse ka rilruah tereuhtei chiah a awm thung,an awmna lai chu ka thlengphei ve hlawl a,marcus chu room atang arawn chhuak chiah a.
Min hmuh veleh min rawn pan nghal vat a,"car chhungah khan lo awm ta che"
"ngawiteh marcus" ka ti hluk a.Doctor room a lut tur chiah chu ka pawt ding nghal chawt a.
"ani saw,tun atanga darkar khat hnua ala harh chhuak lo anih chuan,he damdawiin chawp hian ka bomb darh vek ang" ka ti kha hrawk a,doctor chu ka melh ran bawk,hlauhthawn hmel lutukin abu nghauh nghauh a,ka thlah zui nghal bawk.
Min rawn bei tu te kha kan hriatchhuah vat angai ang,chuan kha pa khan eng nge asawi kha,inhre tawh te pawh kan ang alawm le,chuan mabel pawh kha hretawh ang maiin a awm anihkha.
Thil ka ngaihtuah nghut nghut a,hriatchhuah ka tum bawk,ka hmalam hun tur hriat aiin,hun kaltawh te hriat ka chak zawk ka naupan lai thil ka hriatthiam hma te,ka pian hma thil thleng te,hriatchhuah ka chak zawk.
Ka maimit chhing vang vanga,ka mitthla ah,tereuhtei arawn lang nghal a,ka nui nghal suk bawk,ka pum chu ka khawih leh nghal a,ana pawh areh tial tial e,an zei mek tih ka hrethei a,khumah an mut tir a,aka ah oxygen an vuah bawk,doctor pathum leh nurse pali an awm tel bawk,atha e atha vek ania,"tereuhte ka ngaihtuahna hi ihrethei em itha leh vat ang ikiangah ka awm reng dawn inat ka phal lo ania" ka rilru chuan ka ti mawlh mawlh a,ahrethei tih ka hriat vang ani.
Ka meng chhuak nghal zawk a,marcus chuan chik lutukin min lo en reng chu niin,aphone ah lai chu arik zawm nghal a,a indap nghal rawk rawk bawk.
Phone ala chhuak a,min rawn en zawk a,"chhangrawh" tih melhin ka melh a,achhang nghal vat bawk.
"hello franco"min rawn melh zawk a.
" aw awm e,ka bulah a awm alawm"
Phone chu min rawn pe a,"franco ania" ka ban nghal vut a.
Lehlam atang chuan"theo itha maw,i phone ah ka be thei lo che a"
"chutiang apawimawh lo,i sawi tur chu sawi vat mai rawh"
"ka hrilh lo tawp dawn che mawn le" aphun chhuak hak a.Amah bawk chuan
"ka thilchhuiah hian thil mak deuh hmuh chhuah ka nei a,nangpawn mak iti in rin harsa iti mai thei mahse thudik tak ani" arawn ti a.
Ka thaw hak a,"franco i sawi tumah lut rawh"
"aw le,ka sawitum tak chu" uluk takin athusawi chu ka ngaithla a.
Mahse leh lam atanga athu rawn sawi,mak ka ti lutuk chu ka dingchhuak nghal zawk a,"engmaw isawi kha" ka ti nghal hrawk a,ka pum ka dawm.Nghal vat bawk.
Nilo engthil nge ka tih hi tereuhtei an zei tih ka theihnghilh alawm,pawi lutuk,ka thu thla leh riai riai a,an zei sual ang tih ka hlauh zia chu,mahse franco thusawi kha eng nge awmzia
Lehlam ami bawk chuan,"theo rin harsa iti ang tih ka hria lawm mahse thudik tak ani e" amahni inring tawk tak chuan ati leh a,ani hi ka mi rintak te zing ami ani a,dawt asawi ka ringlo bawk.
Athusawi te hi adik si chuan keihi,
Chhunzawmna chapter 8 ah aw
Ahmasa in hemi story hi chu ka dah hun ala ni miah lova,pakhat ka ziah lai pawh ka la zo heklo mahse ka chawlh rei tawh em avangin ka inthlahrung ve bawk nen ka lo dah tawp ani e.
Comment leh ads click kha aw
Lo subcribe ve zuai bawk ula aw
https://youtube.com/channel/UCiyW3JZ1Wso9w0xBbzxwRFg