*MY DENTIST* CH-2 BY DENNA PACHUAU

Episode kal lai dah luhna

Moderator: writers

Denna_pachuau
Posts: 60
Joined: May 30th, 2021, 3:07 pm

*MY DENTIST* CH-2 BY DENNA PACHUAU

Unread post by Denna_pachuau » September 18th, 2021, 10:43 pm

CHAPTERS -2




"Kimi i thiannu nen in ni tho a tih tur dang ka la ngah lutuk ka hawng san mai ang che u" ka nu'n a tih chuan ka lawm ru teh e, a awm reng chuan kan leng thei dawn si lo a, "imm kan tithei tawh lawm, mahse I awm ve khan a nuam a sin" kan tider kual vel a "a buaithlak in lian tawh mahni a tithei rual in ni tawh kha pawisa ka lo va hawng mai ang"
tiin a tho thurh a, a kal zui thuai..






"Tikha chuan rei tawk kan leng thei"
nui tut tut chuan ka ti a, "nia mahse mi an tam sia an au leh har awm che sia kan leng rei lo palh ang tih ka hlau"
a tih chuan nia ka ti ve sep a, ka ngaihtuahnaah kha doctor chimawm zet hmel kha a rawn lang a ka zak thar leh hmuhnawh...






"Awii nimin a ice cream ka lei tir pa kha maw" a lam hawi a ka tih chuan min lo melh ve ran, a lo bu nghut nghut "Dentist pa saw ania" ka tih chuan a rawn meng phawk nghal hra, "Saw pa saw maw nimin a mi kha awii.." tiin min nuih nghal vur vur, "I va han chawh tak" a tih chuan ka melh nghek mahni lo mah a zah tawh tehreng nen he nu ve hi chu hnem leh fuih chu khawi lam mi hi a la nuih ang vur vur a, "a zahthlak loh a ho lutuk ti tur zawk hian min nuih vur vur a" lawm fahran lo chuan ka ti a,
"a zahthlak zia chiang takin nang leh keiin kan hria inhnem vak a theih loh"
ti pah chuan min nuih leh nghal zat a,
"Chhepawng" ka ti nghek chu min rawn en thup doctor-a pawh a rawn chhuak ve chiah bawk nen min en duh ngang mai, vawin hian engvanga lo chhuak nge maw ka nih leh inah khan lo tawm rih mai mai ilang chuan heti em em hian ka che chhe lo tur, ka zak lutuk chu hnuai lam ka melh ngawt ngawt ringawt, nichin te kha chuan an ri ve nuai nuai a ka tawng ve chiah a, an reh leh duak a che chhe tur a piang ka nih te ka ring rum rum tawh...







ka zak lutuk chu Lala-i ka sik neuh neuh a, a nih lah a lo teu hlar mai, doctor-a pawh a rawn pen hnai tial tial a, a pheikhawk bak ka hmu thei lo, a hmel en chu kahase a ni mai ka hawi chho ngam tawh lo hrim hrim, min pel chiah chu hnar a hlit phawi ang huai mai a lawm, ka thaw nghal hawk hawk, ka zawn a rawn thleng khan ka thaw pawn ka hre lo...







"Khawiah nge a kal a" a beng bulah chuan zawi te chuan ka tisep a, "ka hrelo bathroom ah a niang" a rawn ti ve mai bawk a, "enteh hmeichhia lo awm ve kha a bialnu a niang a"
a rawn tih leh chuan hmeichhia lo awm ve kha ka hrechhuak nghal zat, ni tak enge a tih ve le nurse a ni bawk si lo a bialnu chu a ni hrim hrim a vanneih ngawt mai, doctor chhe zek zawk a ni lo a mahse kan intawn dan a fu vak lo nge star en ah pawh ka en lo reng reng,tunah tak phei chuan a hmel hmuh hi thih hreh in ka hreh....







"a bialnu a niang" a rawn ti ve sup a, ka bu liam ta vel mai mai ka ngaihven zawng a ni lem lo, a bialnu emaw a nupui pawh nise pawi ka ti lo kan sawi tel hram a nge a bialnu saw keiai a te tih hi, a te khal ve reuh a makeup a uar ve hle bawk, eyeshadow phei chu a hnawih chhah ngang mai, makeup inhnawih nasa deuh hi ka dem hran lo an duh a an inhnawih a ni ve mai a, keini lo ngaitheih loh tur a ni pawn ka hrelo kan ngaitheih loh chuan mahni hian inhnawih lo mai ila mi hmai a va intithu vel thei kan ni lo hrim hrim an thatpui leh an tan an chhiatpui leh an tan tho a nia ram changkang a piangin makeup hi an uar mah tawh zawk...






Doctor rawn pen phei mek chu ka mitsirin ka en zeuh a, rang takin hnuai lam ka bih leh nghal daih a hmel hmuh pawh zah tawh nak alaiin ka ha a la phawi dawn chu a ni sia ka taksa mah nise ka khawngaih ngawih ngawih...







"Naktuk inkhawm ka chak tawh dan hi"
a rawn tih chuan ka lo ner sak, "i chak chhan pawh ka hre vek" ka lo tih khum nghek a, a starpa vang bak a ni leh lo ang, "inkhawm hi chu i taima ve maw le" ka tih chuan a ner nawng, "inkhawm thulh ngai lo mi fel lutuk mahse lehkha zir duh miah lo" kan ti deuh kher chu a nui ve suk suk dik hi a ti lutuk a....






"Denna Malsawmkimi" rei ngial kan thut hnu chuan an rawn ti a, "ka va kal leh lawk ang aw nangmah a awm i ning lo tiraw" ka tih chian a bu ve zeuh, ka thiannu mah ni se ka chhuang ve a nia khawiah pawh kal dawn ila buai chung chung pawn min kalpui ziah a , thiante tan a inpe zo hle bawk, class 9 a tang kan inkawm tan a an chhungkua pawh hi an khawsa ve thei hle a, a mah hi a taima hle bawk kei lo ang takin, kan inhriat tirh chuan kan inngei dun hle a tunah chuan a mah nen hian kan inkawm deuh chawt tawh...






Huhphurh ru tak chuan ka lut a, a bialnu chuan min lo melh nasa mai, "hetah hian lo thu la" doctor in a tih chuan a sawina ah chuan ka lawn a, ka zam leh der tawh a phawi nat vaih chuan a chaklo ngawt ang ka rilru chuan ka ti nghal mawlh mawlh....







Kum 5-10 vel ka nih atang ka hapui pahnih ngawt hi a khuar a, dinglam a mi hi a hma in kan phawi tir tawh a, ka ha vang hian damdawinah pawh kan kal ngun tawh hle bawk achangin damdawi min chawh leh ringawt zel a, phawi hun a la ni lo a chang lah in an ti a, a hma chuan hmeichhe doctor a awm thin a, a thiam lo chu ka ti lo mahse kah hikna an hmang chung pawn a na thei lutuk, a kut a dam lem lo a, doctor-a hi enge a an ve dawn a hma ai in a lo na mai anga...







"ice cream pawh i ei tawh ngai lo a"
a tih chuan ka melh vat, "im ka ei tawh ngai lo" ka ti ve hmiah chu a nui deuh suk, engmah a sawi zawm tawh lem lo mahse min melh zeuh in a nui leh suk thin, a nuih hian ka zep lo a lang tha takzet....






"I tarmit hi phelh leh lawk ang" tiin ka tarmit vuah lai chu a rawn la thla a, "I sam pawh" ti leh in ka sam tha hnem tak chu ka hnunglamah a hui kiang leh vek a, a bialnu niawm tak chu kan lamah chuan a rawn phei a doctor-a chezia chu duh hmel zetin a en reng bawk...






ka sana bun lai chu ka melh zeuh a dar 1 a ri va tawh nia a van lo tlai chak tak kan leng hman dawn a maw ni le, ka hmaah tak light chu a rawn dah a, a eng bawk si ka mit ka chhing ngawt ngawt, ka dinglamah doctor'n ka ha a khawih a ka vei lamah a meiin, a hmuh loh hlana kan lo inmelh no deuh a hlau teh pawh a nia nge, ang zau a ngai si a phawi lawk thei bawk si lo ka biang te hi a kham vek, ka lang chhe ngawt ang chu ka hmui te hi a rep vek maiin ka hria...







Doctora lah chuan a bei nasa mai sia hapui nghet a nih tawh avangin phawi chhung pawh a rei duh ngang mai, a hah deuh nge an ding mar leh vut thin a, a phawi lo zawk pawh hi ka hah a nia a ni phei hi chu a ding char char bawk sia a hah ngawt ang, fan te chu an on tir leh hnuhnawh a, a bialnu lah chuan hmuhnawm ti zetin a chezia chu a en reng bawk, a duh ve hle a nih dawn hi...







ka hma zawnah tak a rawn kun bawk sia a mitah pawh ka en ngam lo vei lam ka lo melh leh thin chu 'helam lo hawi la' tiin a lam hawi zawng chuan min kuai phei leh thin chutiang chuan vawi thum ngawt a ti a, a mitah tak lo en chu ka zak ve bawk si chiang mangkhengin kan inmelh fu thin nen ka mit ka chhing ta ringawt a, "a rei bawk sia naktuka phawi atan kan lo ti lo a ni" nurse chuan a ti a, engtin mah a chhang chuang lo, "I ning tawh em" tiin ka lu chu a rawn sawi vel a, ka lu ai mah chuan ka tui in a hal tawh takzet ka dang a ro vek tawh..







"I ha ang hi chu nei ila ice cream hi melh pawh ka melh tawh lo ang" nuihza insum zeta titu chu ka melh nghal rawm rawm, "I nei ve lo chu lawm hle rawh"
tih khum nghek ka chak zia mai chu, a nih lah chu chuan min la nuih ang suk a, hmeltha hle lo phei se lang chuan ka kuttin duat em em hian a hmaiah khian ka ham hrep tawh ang maw le...rei tawk fan a beih hnu chuan a phawi ve thei hram mak.tak maiin na ka ti lo reng reng, "darkar chanve hma engmah ei lo la" lapua min pek pah chuan a ti a ka bu nghut, "tui chu ka in thei ang tiraw" ka tih chuan nui sukin a bu ve zeuh a...chhuah ka tum kawngkhar bula ka ding chu min rawn au leh a enge ni leh ta ti rilru chung chuan ka hawi let leh a, ka tarmit ka lo theihnghilh chu niin van hahthlak thin tak....





"I ha a tha bawk si lo chutiang bawkin i mit pawh" tiin tarmit chu min pe a,
"ka hmel a tha tal lawm" ti ve hmak in ka chhuahsan nghal daih a a nui zui hawk ri pawh ka hre thei doctor ka hriatah chuan a la chimawm ber ang, midang awm ve ho pawh chu an nui zui ve vek tih pawh ka hria hei bak chu kan inhmu leh tawh dawn chuang lo...






"Kan haw thei a mi" Lala-i chuan a lo ti vat a, ka bu zeuh sana ka en chuan dar 2 a ri tep tawh kan van awm rei chiang tak midang la phawi turte pawh hi ka khawngaih lawk a rei tawh mai sia, nileng hna a tling dawn a lawm le,
"ka ril a tam tawh lutuk dawrah chawl teh ang" tiin kan inzui chhuak a,
"doctor khan darkar chanve hnuah chiah ei a phal a, ka ril a tam tawh bawk sia" Lala-i nen phei hi chuan zing kar chaw ei loh kan hrat dun bawk si, "riltam a thih ai chuan a tha zawk ei tawp rawh a rawn hmu tawh lo ang che"
a tih chuan ka pawmpui ve mai bawk,
"awi ngawi lawk tui in tur lei lawk teh ang ka dang a ro tawh lutuk, darkar khat dawn ka ang char char a, ka hmelte hi a chhe tawh ngawt ang"
pawisa lak chhuah pah chuan ka ti a, kan sir a dawr ah chuan tui chu ka lei nghal zat...





"awi kha dentist pa chimawm dan kha"
kal pah chuan ka ti zui mawlh mawlh a,
"a chhelo reuh ka ti" a tih chuan ka ner nawng, "I chang tawh lo vengtu a nei tha teh mai ania" ka ti a kan nui zui leh nghal hawk hawk, lo star ve ngam chi pawh a ni lo a hauh hneh emaii...







Venglaiah chuan kan chhuk thla zel a, chawlh bikna hi kan nei a, an ni pawn min hre hneh tawh hle bawk, reiloteah kan thleng ve vat a mi an tam ngang mai he dawr hi chu a lun lutuk a innghah a ngai ve ziah, vanneih thlak takin pakhat chu an lo kham chiah a kan lut nghal thuai, "Mahse a tha dawn maw ni le doctor-a khan ei a phal bawk si lo a ka hlauthawng mahse ka ril a tam tawh sia" ti niah niah chung chuan tui chu ka in nghal khawlh khawlh, tui hal tawk a han in chiah hian ka dam sawng sawng maiin ka hria..






"nangni pahnih kha" ring leng lawnga rawn au tu chu kan melh nghal vat,
"in kal chhuah dawn te chuan tinge min sawm ve loh a, ka u ka sawm lui ngawng ngawng a ka rawn chhuahpui thei hram" tiin tui chu an ban ve nghal zat a, a thawveng ngaiin a la thawveng reng a nih hi..."mi buai kha i nia sawm ngam pawh i ni hlei nem" ka tih chuan a ner nasa mai, "Buai thlawt lo taka kan fapa duat sual-a chu i duh lo a mi a"
a rawn tih chuan ka lo meng kual raih a,
"sawi tawh suh a mood a off dawn"
min hrethiam zetin lala-i chuan a lo ti vat a, "okhay mahse a chhiat loh em kha chu loah a hausa si hna nei lo pawh nise a pa sum ringawt pawh sawn a chawm hneh ang che maw le" a ti niah niah a, "Pa te chawm nih reng te chu a zahthlak emai" ka ti nghal hlur,
"a mah a nih vang mai mai a nih kha midang chu nise i um dawr dawr tho ang" fiamthu zet chuan a ti a, a nih pawh a ni mahna kan fapa duat sual-a kher kher hi chu ka hmu tha thei thlawt lo, a cher sang a ka thiante ho hian in inhmeh an ti deuh tlat pek a chuan duhthusamin a hausa bawk mahse ka duh thei chuang lo hi keipawn mak ka inti, a hmel hi a tha lo ve em a tin ni...






"awi saw min au leh tawh ka va phei ange" a ti a, "aw lo thu phei daih ula" ka tih chuan 'a zak a' nui suka tiin a kal leh nghal vat, "a unaupa pawh saw a chhelo mawle mahse thiante u han star hi chu tlawm ah ka.la ve tlat"
a tih chuan ka nuih zui hawk hawk, chhelo melhin a mit hi a len kual a buaithlak a ni...






"ka kam kan thuah lawk" tiin ka tho thurh a, tukverh bulah chuan ka va thuah a, ka let leh chu tu emaw nen kan inhmachhawn nghal siah, "a....doctor"
bah deuh chuan ka ti a, min nuih leh suk tawh, ka zah zel ah Lala-i bulah chuan ka thu thla ringawt a, "darkar chanve hma engmah ei lo la" a sawi kha ka hrechhuak thut, awi min hmu leh bawk sia dawhthei lo min ti ve ngawt ang, tunah minute 15 a ral ve chauh a nia... vawin hi ka ni(day) a ni ve thlawt lo a ni lucky day kha ka lo awih ve vel a ka va han chawh tak....





"A.....ka thiannu ka chawlhpui lawk a"
min melh run vang chuan ka ti a, a awih pawn ka hre lo, a hnungah a meiin a rawn zui leh zat bawk, "kan doctor te nupa chu in rawn chawl dawn em ni"
pi Hmingi(dawr neitu) chuan a ti a, a hmeichhia zawk chu a nui nghal vur vur a, a hmel hi chu a upa zawk zawk lo keiai kum 3 vel bakin a upat ka ring lo, doctor-a hi chu 25-27 vel a nih ka ring...






"Kan rawn kal zual Mami thil tur kha kan rawn pe a" nelawm zet chuan a ti a, an kal dawn chiah tih ah kan thil chah pawh chu a rawn thleng ve nghal.chiah bawk, a van rawn thleng fu lo chiang tak doctor te saw chhuak vat vat se, "hei aw" ka hmaah tak chuan a rawn dah a, doctor lam.ka va hawi chuan min lo melh ve run chu niin rang takin lala-i hmaah chuan ka dah phei vek a, a nih lah chuan tinge a tih melh in min lo melh...






Chutah doctor chu nui sukin an kal zui leh thuai a, eng vanduainaness nge ka chung a thleng hi le,ka chet chhiat pawn hetiang em em hian ka la che chhe ngai lo, "Kha an kal tawh kha ei rawh"
tiin ka lamah chuan a rawn dah phei a, ka lo ban leh vat ka chechhe ta sa sa puar tawkin thil ei tal ang ti rilru chung chuan ka hma eitur chu ka hmawm nghal mawlh mawlh a...






"kha tianga riltam si te chu ei nghal buan buan mai tur a nia i dinhmunah ding ve se darkar chanve chu sawi loh minute 5 pawh a nghak hman bik teuh lo" uar fe chuan a ti a tun tum min fuih derna chu ka lawm.teh chiam lo ka zak em em.mai ringawt a engthil dang mah pawh ka ngaihtuah hlei thei lo, a nuihza hmel chiah kha ka mitthlaah a rawn lang....






"Ka hmu tawh dawn chuang lo ka tih apiangin kan.intawng leh nawlh zel ka la che hmuar thei em em zui" ka zak.thar leh hnuhnawh chu ka ke.ka per leh vak vak thin, "tunah chuan in inhmu tawh lo tak tak ang, diakkawn daih a mi a nih ka ring chu loah a hmain ka hmu ngai lo a,an rawn sawn pawh a ni maithei lungngai suh in inhmu tawh lo ang tih hi ring tawp rawh" in ti hre zet chuan a ti a, han beisei phawt teh ang...




.......




"Kim tho rawh a tlai tawh inkhawm te i ngai lo em ni" min rawn sawi dat dat pah chuan ka nu chuan a ti a, "Chawlhni zing thawhhar tuk a nih hi"
ti niah niah chung chuan ka.inkhuh tha leh te te phawt a, "i thawh har theih theih nen thawh har tuk bik te i la nei a, i unaute dang pawh an tho vek tawh, i nula ve tawh a ni em em lo, nula dar 9 dawnah inkaihthawh reng ngai mai te hi a zahthlak" ti mawlh mawlhin a phun zui nghal a, peih lo.zet chuan ka in zi mar kual leh te te a, "kaithawh chhung rei bawk a tho tur in warm up chhung rei bawk" parda zar phei pah chuan a ti a, a phun rei hma bathroomah ka tlan lut nghal daih...






"Thawh har tuk ah hian i nu hi a tho hma ziah mai a" ka pa pawh tho ve deuh chiah tih hriat zet chuan an room atang a rawn chhuah pah chuan a ti a, ka nu'n a kai tho ve a ni chiang ang...







A tul ang ang ti ila hmun chu kan phiah ve kha,chaw ei kham ka intihfai zawh chuan ka thawmhnaw te nawtin ka in ha fel sawk sawk a, "lala-i ka sawm dawn ania" tiin ka tlan chhuak vat, kawr fual khup chen tlem a tight deuh chu ka ha pheikhawk sang em em lo ka bun leh tawp bawk, ka sam pawh ka.thlah mawl tawp bawk a, sunday dress hi ka duh ho angreng phian a,
"Omkebal ka rawn thleng i hman tawh em" an inchhung ka lut chu ka ti nghal a, "ka.hman a ni mai" a sam khuih tha sawk sawkin a rawn ti a, biakin lam.pan.chuan kan inzui phei leh nawk nawk a, chawhhma kan inkhawm zawh chuan haw pahin kawngkama pani puri an zawrh chu kan ei leh te te a...






A man pek tumin ka bag chu ka hai rak rak a, ka cheng thir ka la ti tla zui, kawngpuiah a ni bawk nen a lir thla a, ka chhar fu hlei thei lo, "awi ka lawm lutuk e" lo chhar tu an awm avang chuan ka ti a, ka ban tur a hmel ka hmu chiah chu ka thlawk chhuak tep a ni, a hma ang bawkin a chhelo leh hle tawh...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)