Untold Love

Episode kal lai dah luhna

Moderator: writers

Ruati_t
Posts: 4
Joined: September 19th, 2021, 11:48 am

Untold Love

Unread post by Ruati_t » September 19th, 2021, 12:54 pm

Prologue""""

"Kan school kal chhung pawh khan ka duh thin che.

Ka bem ngam thlawt lo che a, thian ang a awm tawp mai kha pawi ka ti lo,min hnawl a, kan inthian thatna a chhiat ai chuan.,

Mahse a hnu khan min hre duh tawh lo a, min be duh bawk si lo min avoid char char a nih kha.

Tiang na na na chu ka lo be duh tawh bik lo che lawm, a tlawm thlak lutuk a ka tan , a na sin."

Phone a off hmak.






Chapter- 1


Kum 2015 april thla chawhma lam a ni a,Nipui chawlh kan hmang zo a,Lunglei lamah ka patea te in atanga school kal tur in ka in ruahman a,hostel lam a awm ai chuan an kianga awm chu ka duh zawk ,eng dang vang ni lovin ka patea fanu nen chuan inkawmngaih tak mai hi kan ni a

Naupan lai a tang a unau piang hmun ang mai a in close kan ni.

Awmna hmun ngai a awm reng thei lo mi ka nih vang nge zawhte no nei an sawi ang mai hian, ka school kalna hi kum tin deuh thaw ka sawn a, hemi kum pawh hian pawl10 zir tur in ka in sawn leh a ni.

School tan ni a lo in her a,ka cousin nen chuan tanni a kal loh chu kan inthurual leh ta pang mai le,nileng chuan eng mah ti lem lo in kan inkawm vel mai mai a.

Tlai Dar 2 bawr vel a ka cousin thiante school bang haw lam chu an rawn ri lut chul a,school naupang thar chhelo zet a awm thu chu an sawi cham chi bawk,

An che zia leh nunphung chu mak ka ti ru hle mai.

Mahse an ngainat awm phian.

A tukah chuan school kal phur fahran chuan ka insiam sawk sawk a, tun hma a tang a ka school kal chak em em na ngeia kan lut ve thei tur chu ka lawm ru hle a.Dar 7 leh a chanve a lo rik chuan kan chhuak a,a hlat deuh a vang in bus in kan tlan ta vang vang a.

Bus a tanga kan han chhuk chu ka thaw deuh hak a,kan hma ah chuan gate lian em em hi a lo awm ruah a,a chhung leh a chheh velah chuan school naupang chu an zi mur mur bawk nen ka zam ru ngei mai.

Ka hnung lam a tang chuan ‘’ Kimi min lo nghak rawh “ ti pah chuan ka cousin leh a thiante chuan min rawn zui ve a.

Chumi ni chuan thil danglam em em thleng lovin ni kan hmang liam a.

Ni rei fe a ral hnu pawh chuan,naupangte ka nih lai a ka classmate thin, school danga ka lo kal rual pui tawh,(ka in sawn zing ka tih kha) ,tuna ka school kalna lama lo kal sa bak thian reng reng ka siam lo,mi han biak hmasak emaw han ti ti siam siam hi ka mi sa hlawl lo a ni.
Ka cousin nen kan section a lo in ang lo leh zel nen mi chuan lonely min ti ang mahse mal nia in hriatna ka nei ngai lo thung.

Morning devotion kan neih hma lawk chuan ka cousin bulah chuan ‘’U,khawnge kan junior hmeltha deuh an sawi huai huai chu min hmuh teh, ka hmu ve chak” ka ti chhuak phawng a,

Ani chuan min sih sawk pah chuan min han signal zeuh a,kan hnung lawk ah chuan mipa cher sang tak, mit meng fiah kek kawk ,hmel chhe lo tak, kei ni mizo ten a hang ngaihno bei kan tih tur ang chi hi a lo ding zuar mai a.

Ka beng bulah chuan “ mawli a hre pha maithei a ni , sawww! a lo en che, Isaak a nih saw” tih pah chuan mi nghawk sawk a.

Kei lah ,ka hmuh tum loh ang tak a ka hmuh avang chuan,”an sawi ang em a tha chu a nih loh tawp saw” tih pah chuan ka en haw a.

Ka lo tawng ring deuh nge ni dawn, NER nawk pah chuan a dinna hmun a tang chuan a kal ta nal nal a.

Class kan kal zel a,thian thar pawh ka char ve ta nual .Amaherawhchu,thian kawm a in zui chawt ang hi ka thiam thei hlawl lo.Short break leh lunch break te hian thian kawm lova library vel a hun hman mai mai hi ka nuam tih zawng a ni a.

Thiante bula lunch han ei mai ai chuan mahnitê a library hnung a khaw thlir pah a ei te hi nuam ka ti zawk tlat pek a.

Kha mi ni kher kha ka van a duai nge ni library hnung a ka lunch ei chu ,ka chung zawn a tukverh rawn tla chuan,ka luah chuan mi rawn deng ta fawk mai ,perek a lo awm nge ni dawn,ka mawza chu a kaih san duai bawk a,library a awm ho nen chuan kan au rual tuar hlawm.

Mipa 1 lo dak chhuak chuan “kan tihpa” a ti hman chauh a,”fimkhur ta che ” vin zet chuan ka lo ti pawr hlar a.

Zirtirtu te chu lo dak vat in “ I na em,I tha maw” an ti tliar tliar a,

“Tunge ti tla?” an tih rual a an en thap pa chu chiang fahran hian ka han melh chho pawk a,AWWWw hawww! Chersanga lek kha lo ni in.

Ka rilru te te chuan “na ang chu mawle,ka mawza te hi san vek lawm hei”ti rilru pah chuan
“Na love,kan kal ange”,tih pah chuan ka kal nghal nal nal,ka zak ru hle bawk.

Lunghnur zet in ni ka hmang ral a,school ban chuan ka nutei a nawm sam loh deuh avang chuan ka cousin nen store room tifai tur in inhnuaiah kan chhuk a,

ANAAAAAAH!!! Tih pah a ka kut ka han en chu step leh bang in kar awng a an sazu nghal zet awh na tur a an kam thir thang chu ka lo va khawih ni in.

HEI HAH!HUI HAH!!! “Eng vang a vawin hi che chhe em em nge maw i nih tih pah chuan ka cousin chuan ka kut chu min tuam sak mawlh mawlh a.

Kan in en a, kan nui leh rih thin ka tah a chuak bawk si.

Anat deuh avang leh a vun nasat em a vang chuan school kal ka hreh narawh e,mahse school chawlh mai mai hi ka duh miah lo ,khum bet a kan na anih ngawt loh chuan.

Na chung chuan ka kal leh ta nge nge,lunch break a ka canteen kal tur chu Chersanga nen chuan kan in tawk leh ta thut,

phawk hra hian ka kut tuam bur chu a en vang vang a.
Muang chang a ka kut ,hnung lama thukru zal zal pah chuan ka kal pel fua hi ni ber
(he pa ka hmuh thut hian sawi fiah thiam si loh hian ka awmdan hi a dik lo vek zel)

Hun rei pawh a la ral lo tih ah chuan Isaaka leh a thiante chu an rawn lang leh hlawl ,eng eng emawni an lei hnu chuan ka bulah chuan lo kal in “ Hey! kutna I cheng 10 kan lo puk kan nei daih lo a,kan rul leh ang che ”tih pah chuan min nuih ver ver a.

Anui hmel chu tha viau mahse “Kutna” min han ti kher kha chu ka lawm lem lo a sawi loh pawn a na sa,
mahse a thiante chuan zahngai lul rawh tih mit meng a min lo thlir dauh dauh a vang chuan “kha” tih pah in ka pe ve mai bawk a.

Nipui a ral a, fur a lo inher chhuak a,school erawh a nawm dan a ngai reng ,nitin mai chu a hlimawm em em reng mai ni,surprise test kan neih ni tih loh.

Ruahsur cherh cherh karah chuan school naupang pa1, ke ruh tliak ni awm taka plaster bur chu apa ni ngei tur hian school office a tang a kai chhuak lai chu kan thlir reng a.

Ka thian nu chuan”Eheeee!! Isaak chu tige le a ti vawng vawng a.

Nileng mai chuan ka thil hmuh khan ka rilru a kap run mai a,attendance an lak lai tak ngial pawh chu ka lo hre chang lo ni in ,min han hrem leh rih.

Ka va in hmeh lo tak e aw tiang ngaihtuah,ka buaina tur ni tawp si lo ti rilru rauh rauh chung chuan Chersanga ke nat chhan hre chak chuan ka rilru a buai ru hle thung si.(dil chhut ta na na na chu)

A classmate te han zawh mai te chu ka nap a,mahse ka hriat chakna ai chuan ka zahna chu a lian zawk a ni mahna le, hre lo chuan ka haw ta nge nge a.

Ka zan mu thei lo chu ka let ka let a,dar 10 rik dawn tep hian ka phone ah chuan message a lo thleng nawlh mai.
Ka thiannu sangpuii civil hospital a thawk lek chu ni in ,rang mang kheng in message kan en chu “ in school ah Isaak tih hming I hria em” a rawn ti nawlh mai le.

Kei lah sual thiam ta ve chuan ‘Isaak an tam e’ ka lo ti thên a,tu Isaak nge a sawi chu ka hre chiang ve khawp mai.

“kha sang deuh,hmel tha deuh,baby face nei kha” a han ti zawm zat.

(aw ka hri, ka hria) ka rilru chuan ka lo chhang a.

‘Aw tige a’,kan ti sam et a.

“Nurse ho in an star hlawm lutuk a,an lo kal a vawin khan, a ke ruh a khi a,a ball pet na lamah a in ti sual a ni awm e, ka zawt mai mai che” ti daih

(a man a star tih ka chiang sak,mahse star pawh nise a awm tho mai ,school ah pawh star ru lo chu an vang ngawt ang, mak ve deuh chu HMEICHHIA IN AN BEM HMASAK PAWN “NGAIHZAWNG KA LA NEI DUH RIH LO” A TI DAIH ZEL TIH AN SAWI THAWM KA HRIA,A TUAI RU NIH KA RING ZAWK MAH).

“Ani maw zia lo ve” ti pah chuan phn ka dah a ka muhil ve mai bawk

Term exam a hnaih tawh avang in extra class kan kal deuh reng a,classah lah thiam chak lo bik nih a hreawm thei si.a bang har pawlah ka tel ve thei deuh reng mai bawk nen rilru chak loh hreawm zia hre tu chu a rilu chak lo te bawk hi kan ni leh thin.

Kan school ah chuan higher lam kal pawh na tur bridge nuam deuh mai hi a awm a,break lai hian chhelo kawng kal thlir tur in kan ding thap zel.



Chumi ni chuan keimah chauh in ka ding a, bai auh auh hian Isaaka chu ka lam pan in a lo kal phei ,ka zawn a rawn then chuan a hmel a laih leh zamna tel map lo chuan, nuih sei pah hian kha “KUTNA” i pawisa ka hman kha tih pah in ka kamis ipte ah chuan sawm hnih hi a lo dah zauh a,

kal leh mai tum a a in her chu,

‘Ding rawh KENA’,tih pah chuan a kawrlum ah ka pawt

’KHa change ’ tih leh cheng 10 pek ka rual



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)