LUNA ILENA CHAPTER - 23

Episode kal lai dah luhna

Moderator: writers

Lalnunmawii manuntei
Posts: 109
Joined: November 26th, 2020, 10:46 pm

LUNA ILENA CHAPTER - 23

Unread post by Lalnunmawii manuntei » September 19th, 2021, 7:55 pm

LUNA ILENA


BY


Lalnunmawii Manuntei



"Kan veng nula fel ve tak mai, hmelah nise rualpui te khum tu, a nungchang a mawi em vanga vawi tam Miss Chapchar kut lo ni hial tawh ,lu zo veh vawh tak" tia an sawi ṭhin U Hlutei a lo ni reng a , engtin nge ani ang mifel lutuk chuan a rukin min phone a lo khawih sak theih ang?




Ama hriat tawk lek chuan aphun niah niah a , ka hritlan deuh vang nge ka hrefiah hleithei der lo leh nghal , " chu nu mai mai chu le ( h ) engtin nge a ngam zawk le? Ka hau lo ang , a thiltih pawi zia erawh chiang kelh kawlhin ka hrilh ang" a ti deuh hmuk.




Sawi ve tur ka hre lo, mak ka tiin awih harsa ka la ti fan, chutih rualin ani ngei mai bawk si,rilru a buai leh ta nuai mai.




"Engtin mah tih a ngai lo, ti khan kan pahnihin thu dik kan hre tawh a a tawk mai lo em ni?" Hau se , chuang takin kan inkara thu awm pawh hi hrilh se ka ti lutuk; mahse ,misual ber ang maia lan erawh ka duh bik der lo.




"Ka ṭhian a nia ka ngam loh nachhan tur ka hre lo, bakah mi phone khawih te chu thil dik pawh ni nghal lo chuan a" ati leh hmak, a ṭawngkam chhuak tinah chuan a thinrim ve hle tih ka hrethiam nghal, chutih rualin ka rinhlelhna kha chawp leh chilhin a reh nghal duak.




" Engtik laiin nge ka iptea ka ah lai reng chu a lo lak hman le? A mak ngawt mai" thaw hawk chuan a ti leh hluai ṭhin, awih harsa chu a ti ve hle a ni ngei ang.




Nichin mai kha chuan ka ril a ṭam viau khan ka hria a, tunah lem a kiangah ka awm a ka thinrim em vang leh thudik ka hriat takah chuan ka rilṭam na zawng zawng te kha vawilehkhatah a la kiang vek a ni ta ve ang.




Ka ṭhiante lam ka ngaihtuah erawh chuan min haw hle dawn tih ka hre ru kar, insawifiah ngai leh tur chu ka huphurh, thiamthu sawi ka peih ngai lo ang bawkin thil nihna pawh ni se ka ngawih bo pui mai zel.



" Engtin mah ti suh aw"ka ti leh hram, kal mai tumin ka pen pawk a , "kal mai lo la " tih leh min pawh din a rual nghal.




Ka hmaa a din chang hi chuan ka zam chhe lek lek ṭhin, hmangaihna vang a ni em tih lah ka hre der mai si lo, ni se ka ti mahse, he mahse hi ni ka sawifiah thiam loh lai tak chu ...





Thu pawi mawh tak a sawi dawn e maw tia, a hmui a liak zeuh a ,beisei a nei tih ka chiang hle.




"Ka ṭhianten min nghak reng a nia, min hau sa ngawt ang" ka tih pawh chuan min thlah a tum mai bik lo, eng ang pawn ṭang ve mahila tha kan in ngah hleih lutuk.




" I kal daih ten i awm tawh nang, he i hmui hi zantin ka lo dream ṭhin a" ka hmui chu a kut ṭangin a thai thla riai riai a, a lo tih fo tawh mah nise ka lai ru tak zet.



Che chang miah lo chuan ka ding ren rawn a , chance kan neih leh hmasak na ber a ni tih hre mahila kan awmna hian a zir tlat si lo a , ka phur vak lem lo.



Kan school canteen hnuai hi canteen nghaktu te hian an luah mai zel a, an awm tam lem loh vang hian student tak tak hi chuan chance neih nan an hmang tlangpui.




Ka ngawih tak vung vungah chuan, "mi an lo kal ang tih i hlau em ni?" A rawn ti khauh mai le, ka rilru a awm hi a hrethei a ni chek ang , mak ti lutuk chuan ka en vung vung a , a mitko a rawn san uk thung.



A palianin a fresh bawk si chu ka lo lai leh em em ringawt a , lo kun hniamin ka hmuiah dim te chuan a lo fawp dek dek a, keimaha huphurhna awm zawng zawng kha vawilehkhatah a ti kiang vek thei nia.




Chutia rei ngial min fawh hnu chuan a hma ai zawngin a uar tawh a , kei pawn ka thiam dan tawkin ka lo chhanglet rang hle.




A hma ang bawkin ka thluak a fim lo tial tial a , eng dangmah ka ngaihtuahna ah a leng meuh tawh lo, rilṭam lai a infawh hian rilṭam a reh duh emaw ni dawn ni, ka rilṭamna zawng zawng te chu chawplehchilhin a reh nghal vek .




Thawchham lo chauha kan infawh meuh chuan a lung a awi deuh nge ka hmui nul thuakin a nui suk a, a tawp mai dawn emaw tia bul a lo ṭan ṭha leh te te a, in fawh hi chu a lo nuam dangdai ve bawk em a tin ni.




"Lehkha zir chiah i rilruah dah rawh aw, i failed chuan ka zak dawn lutuk a nia, hmeichhe lamah min rinhlelhna nei lo la ka duh bawk, kei chu i mipa lo tawn tawh te ang ka ni ve hauh lo ang, nangmahah hian ka lungawina khawp ka hmu tawh a, a tawk" ka mitah enin a rawn ti chang fak a , min hrilh ni loin thu min pe a ang zawk mahin ka hria, ka tan a ṭha lo tur a ni lo bawk a , zawm ngei pawh ka tum bawk.




" Ka kal phawt ang, ka ṭhiante an rilṭam lutuk tawh ang" nuam lo ti tak chung chuan ka ti a , min hrethiam takin min kaltir a , he mipa laka ka rilru hi keimah ngei pawh hian ka hrethiam bik tawp lo mai.




Mi tam tak chuan " mipa dang rilrua vei reng chung a ngaihzawng nei ang hialin min sawi ka ring, ṭhenkhat lahin rilru nghet lo" min ti tawk an awm leh ngei ang, an sawi hi a dik na chen pawh a awm thei, hmangaih hmasa ber chu theihnghilh theih an ni ngai lo reng a ni.




Chow leh rice ka ken lai chu rit lo mahse ka bawr em vang chuan ka thlauh teuh kher mai, min su tu lah kha a kal tlang nul nul leh nghal, hnung lam aṭang rum lutukin ka melh a , chubak tih theih awm hek lo le.





Class ka lut chiah chu ka ṭhiante pahnih lah chuan min melh no lo nasa, "eng em em nge i tih a ? Rilṭamin kan thi hman lo chauh a lawm" an ang tawn tawn a, kei ngawi rengin ka ei mial mial thung.




" In inhmu a ni chiang mai, i ṭhiante aiin i ngai pawimawh tlat, i duh thlang rawh" thu tak zet a Matei'n a tih meuh chuan ka ei lai ka tawp hmak.




In ngaihtuah buai loin " nangni le, ani chu hmanni lawk a ka tawn a nia, nangni chu hman ata tawk ka ṭhian rinawm em em te in nia, ka nunah hian ka chhungkua tih lohah chuan ka ṭhiante hi ka dah chungnung ber che u" uar deuha ka tih chuan , " a ṭha , kha ti tur reng kha ni, ani kha ngaihthah rawh kan ti lo che a, i ṭhiante aiin i ngaihven bik tur a ni lo kan tihna mai chauh a nia" Zualbawihi pawh chuan a lo ti ve siam siam a , ka duhthlanna hi an lawm nan mai a sawi ka ni lo , ka rilru tak tak a ni ka sawi ni.





"En teh u, U Hlutei khan nizanah Samuela phone khawihin min lo call a, a mak ka ti tak tak a ni" thil dang an sawi leh hma chuan ka ṭawng khalh zung zung a , anni pawh chuan mak an tih ve hmel hle.




" Engtin nge midang phone an phalna la lo a a khawih ngam le, Samuela chuan engtin nge a hriat tehreng a " Matei chuan chek hlak hlak in a rawn ti a, thil awm zia ka sawi chuan an ngaihnep phah vekin ka hre tawh.




Mifel, kohhran a in hmang tak, mi na zawngin an el phak loh , kan chung en, khawtlangin a an fak rawn luai luai te chanchin ṭha lo lam kan hriat tawh chuan kan chung enna te kha vuak ṭhiahin a awm fo ṭhin reng a ni.




"Kei chu ka hmuh hniamna a rei tawh lutuk, ka sam ka parmanent e a tia, midang bulah chuan ka pianpui sam ngil sa a nih hi a ti leh daih ṭhin, inchhungkhur fel fai lo a mahni hmai fai vuk ringawt hi hmeichhe tih tur a ni lo tiin chapchar kut miss a an thlan khan a sawi ve a , an inah hian engmah a ti ngai tawp si lo, anu vekin engkim a ti ṭhin, eirawngbawlah pawh a laktlak loh an tih sup sup kha, nula ve si dawt sawi a hmang reuh zek a nia, mi hlauhawm anih saw hnaih chi ṭhak lo, den strongi a nih sawi aw" Zualbawihi'n uar taka a sawi takah chuan Matei nen chuan mak kan tih em vangin kan mitmu a perchhuak lo chauh, min hnu tu tan phei chu thla hmu te pawh kan an ka ring hial.





Mi chanchin a ṭha lam emaw a chhe lam pawh ni se , kan sawi tawh chuan kan rel tihna chu a ni teh meuh mai, relah pawh kan in ngai hlei lo, ka pawi tlem a zawng a lo sawi ve vanga thung rulna leh bihchianna kan neiah ka ngai ve tawp.




Kan ṭhian zinga ti emaw ber lo ti buai an awm chuan min hmer tel ve lo mahse kan lo thinrim pui ve em em a , a tuartu ber aiin kan thimrim zawk ziah, hei hi kan nih ve dan reng a ni.




Kan ti ti na lamah class ah midang an awm ve lo tih hre map lo chuan kan ti ti tui em em hlawm a, kan hriat meuh chuan chokidar a lo thleng fel der tawh, tlem a tlemah min kalh hnan lo chauh mawle.




Kawng tluan chuan kan ti ti barh barh hlawm a , ṭawngna kan inchan meuh lo, kan thupui thlan khan kan beng a verh laklawh nge a hria hria chhanah kan ti zawk ni kan sawi tawp hlei thei lo.





Kawng cross kan ngai bawk nen auto lah school naupang ban hun tih takah an tam em em zui, kan pathuma inkai rialin kawng kan kan a, kawngpui lai tak kan kal lai chuan kan ding lam leh vei lamah an lo tlan ve ve ta mai si, tih ngaihna ka hre lo lutuk chuan ban phar hluaiin kawng ka kan a , auto khalhtu te pawh an ding ṭhuap mai, chutah Samuela'n min la hmu zui, zah luatah hnar te pawh kan hmu lian rawih rawih mai.


Zak engang mahila min lo hui zeuh tih kan pathumin kan chiang mai sia, min kai phe dawrh dawrh mai.




Ka ṭhu lut chiah chu a nui suk a , hai derin thu tak zetin ka lo awm ve thung, tunah tak hi chuan khuk chem chem a khuk ral daih tluk a chak ka nei lo.





"In ṭhian ho bula ka awm tawh hi chuan ka khi leh nge nge ṭhin, vitamin in pai tam bik riau, inbulah ngawt ka awm dawn" a ṭawngchhuah hmasak ber a ni, a la nui suk zui, ka maimit chhing ta ringawt tawh.




Ka hnunga ṭhu te nui kur kur pawh chu ka hrelo der hmak, theih phei se chuan ka beng ka hup chawt ngei ang.




"Traffic police nih a inhmeh ngawt ang" nui pat pat chung a Zualbawihi'n a lo tih leh lek phei chuan Car hi ding se chuan a rang a rangin ka per chhuak nawlh duh ang.




Kan inbulah mai chuan kan chhuk leh diah diah a , mite angin mawihnai tak pawn ka thlah ve ngai lo, zanah nise ka biak peih loh chhuanlamin "lehkha ka zir" ka ti leh ngawt zela, mipa dawhthei tak chu a ni ve chiang a lawm.




Thawm nei miah lo chuan inchhungah ka lut a , ka rin loh deuhin a lo reh duak mai, nidangah te chuan ka U birthdayah te chuan kan ri laih laih zel kha nia, an chawhmeh siam te chu a liam leh nghal, gas off in ka nu te room lam ka pan nghal zat.




Kawngkhar chu hawn nghal mai ka tum a , chhunglam aṭanga lo inkalh chu niin, ka nu leh pa room hi sound proof a nih vangin an ṭawng engmah ka hre thei lo.




Beidawng zet chuan ka room ka pan san a, inthlak sawk sawkin inhnuai lam bawk ka pan nghal a," enge an awm zia le? Min ti hlauthawng zo vek" ti niah niah chung chuan room kawngkhar chu ka beng leh dawt dawt a , tumah lah chuan hawn an tum der lo.




Inchhung dungah chuan ka vei tawn sek a , Duattea a dam lo a nih ka ring deuh tawp bawk .





Rei ngial an lo chhuah hun ka nghak a, tumah hmuh tur an awm lo, ka hrilh haiin a ngaihna reng ka hre lo, engtia awm tur nge tih pawh ka hrethiam lo.




Thil hrechhuakin ka nu ka call a, a chhang thei hauh lo leh nghal, in kalh lo a an chhuah lah ka ring hek lo, ka phili ruai tawh mai.


( Dam chuan naktuk zanah lo dah leh ka tum ang, hna kan thawk ta thut a nih leh ka dah lo ang)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)