NIGHTLIGHT CHAPTER-05 By: Sangpuii

Episode kal lai dah luhna

Moderator: writers

C Lawmsangi
Posts: 66
Joined: February 1st, 2021, 7:58 pm

NIGHTLIGHT CHAPTER-05 By: Sangpuii

Unread post by C Lawmsangi » September 23rd, 2021, 2:48 pm

Chapter-05



"Baby, trip chu a nuam em?" Phone ka chhan rual chuan ka ti a, mahse, ka beisei loh deuh in Chami zawk a lo ni.

"Baby, sangi hi a awmna ka hre miah lo. Zan tir atang khan ka zawng tawh a, a phone a keng bawk silo" mangan hmel fe chuan a rawn ti a, ka chiai ve nghal vek.

"Maw? A kalna tur a sawi silo ami?" Thin phu dep dep chuan ka ti a.

Sangi hi kan thian ho ah chuan a in kiltawih theih em avang leh depression te a neih thin avangin kan dim dawi em em a, tawng pawh a tawng tam em em lo bawk. Mi pawi a sawi mang lova, mahse, keini min tan erawh a pe na ngang mai, kan tan chuan insual pawh a cho zak zel thin. Engkim ah a hlauthawng hma a, care a mamawh zia hria in kan theih tawp in kan care a, kan duat viau bawk.

Chami thung hi chu thil eng emaw hlek a rilru hah nghal tun ang chi hi a ni ve lova, a awm ang ang hian a awm a, vawk var a ngaina em em ringawt a a nimai. Chutia ani meuh a rilru a nawm tawh loh chuan eng emaw a awm a nih ka ring hmiah!

"Baby, marcus-a a awm ve asin!" Thawk hak pah chuan ka ti a, leh lam ami pawh a thaw hawk tih ka hre thei.

"A hre lawk emaw ni hial le" a rawn ti chhuak hram. Marcus-a hi Sangi bialpa hlui a ni a, an inthen hnu thlengin kan thian ho nen chuan kan inkawm vek tho. Keimah nen hian kan in pawh zual a, sangi a la duh zia a sawi chamchi bawk thin, mahse,kan thiannu hian tu mipa ah mah hian a rilru a pe lova, marcus-a erawh a ngai thin hle tih a chezia atangin kan hriat pui. An inkar siam that tumin bei nasa viau mah ila sangi rilru a in hawng lo em a, tih ngaihna kan hre lo.

"Eng nge a?" call ka dah rual chuan marcus-a chuan a ti a, ka hmel serious lutuk vang nge ni min ngaihtuah hmel zet chuan min kuah rawk rawk a.

"Ih, marcus, eng lo... Sangbaby-i awmna an hre lo a nih chu! Chambaby-i pawn a awmna a hre lo" mittui luang ngiai ngiai chung chuan ka ti a, ka rilru a hah takzet!


"Tap suh, aw, tap suh. Kan hmu leh em em ang" a ti a, min kuah chungin ka hnung ah a chul hauh hauh bawk.

Zan tir atang a chhuak a nih chuan ke a kal pawh nise a awmna a hla viau tawh thei a, trip kan neihna, kan riahna tur hi hman ah marcus a te ho nen a kan kalna a ni a, a lung a leng te pawh a ni thei tho bawk. A nih loh pawh in tawh sual te lo tawk ni ta ang se, a chungah thil tha lo tak a thleng te pawh a ni thei. Second reilote chhung chuan thil thleng thei zawng zawng ka ngaihtuah kim hman vek!


"Trip ah chuan kal ang" marcus-a chuan a rawn ti chhuak hak, a rilru a hah hle tih ka hre thei, mahse, hmeichhe awm nem zawk min thlamuan a duh avang chauhin a inthup hram hram te pawh a ni mahna!

"Eng nge thleng?" Rawn ti nghut tu chu marcus-a chuan chanchin a hrilh mawlh mawlh a, mahse, a rilru a pekna erawh marcus-a min kuahna daih ani.

"Zual, lo han inthlak la, i thawmhnaw kan la phei nghal ang a, kan kal dawn nia" marcus a bawk chuan a tih zawm mawlh mawlh a, ka lu bu nghat in inchhung ah ka tlan lut nghal.

Room a ka tlan chho chu hlutei te ho chuan min en zui vang vang a, urindika leh rinhlui ten min lo zui chho nghal.

"Au Rin, ih, marcus-a nen kan lo va kal hmasa mai ang a. Rinhlui chu nakinah rawn thlah mai la tiraw?" ka ti a, a ni pawh chuan min hrethiam zetin a lu a lo bu zauh bawk.

Marcus-a nen chuan urindika te in chu kan chhuah san a, awmtea te ho chuan min en zui a. A mitmeng a thikna kha ka hmuh hmaih miah lo bawk, mahse, chutiang ngaihtuah hman ka ni tawh lo!

Kan in chu kan thleng phei rang viau, ka room a ka thawmhnaw te chu hmanhmawh zetin ka lakhawm a. Chutih laiin marcus-a chuan ka chhungte hnen ah chanchin a lo sawi ve zung zung bawk.

A bike bawk chuan kan kal mai dawn emaw ka tih laiin pawn kan va chhuah chuan kan in kawt ah chuan a thiante ni awm tak mi pathum vel hi car pawn ah lo ding thap in ngawi reng chuan zial an lo zu khu luih luih a, a bulah marcus-a bike a in hung ve bawk.

Tim deuh chuan marcus-a chu ka zui ve dat dat a, min nuih suk.

"Drive theih ka in beisei vak lova, ka thiante ka ko ta mai" inthlahrun hmel zet hian a ti a, ka lu ka lo bu zauh. A rilru fim loh tur zia ka hriatthiam pui miau.


A thiante bul kan thlen chuan kan kal dan tur vel chu an rel leh hnuhnawh a, marcus-a bike chu ken tel ve a ngaih dawn avangin a thianpa Timothy-a chuan a khalh dawn a, peter-a leh Rinpuia te chu marcus-a nen an pathum in car-in an lokal ang a, kei erawh timothy an min phur thung ang.

Peter-a leh Rinpuia mizia hi a thawven em avang leh an tawng duh dan zawng hi ka ngaina lo tih marcus-an a hrethiam a ni ngei ang a tawng tlem ber leh cool ber Timothy-a bulah "Rinzuali hi rawn phur mai rawh aw" a ti a, a lu a bu nghut bawk.

An thian ho hi mifel lutuk ti a sawi tur an awm miah lo, nutling thenkhat a tawng thei leh tawng duh zual te phei chu misual lutuk ang in a chhe thei ang ber in an sawi thin a, mahse, a hrechiang tu te zing ah ngaina lo kan awm ka la hre lo. A ngaina lo ber tu keimah takngial pawn Peter-a leh Rinpuia te tawng duh dan tih loh chu ngainat loh ka nei lo.

Timothy-a erawh a mizia a dang leh deuh a, a tawng tam em em lova. Zu a in leh zauh thin tih mai loh chu pawi a sawi em em ka hre lo, mizoram a a awmna a la rei lo tih erawh an tawng dan kalhmang ah ka hrethiam.

"Kan thleng.." Ka ngaihtuahna ka kawm nasat luat ah engmah pawh ka lo hre leh pek lo, hmanhmawh zetin bike atang chuan ka chhuk a, ka in kuangkuah nghal than!

Kan riah na tur chu a vawt lutuk! A boruak a nawm viau rualin kawr lum ha ila a nawm lehzual ka ring. Ka kut chu hum khawm in ka khur dar dar reng bawk.

"A vawt i ti a nih kha" ti sup in Timothy-a chuan a leather jacket hak lai chuan min rawn khuh hlun a, phawk zetin jacket kar atang chuan ka melh zawk.

'Tun ang khaw vawt ah te chuan eng ang a gentleman pawn an kawrlum midang an hak tir daih lovang' ti rilru nauh nauh chung chuan lawmthu ka hrilh leh lawi a.

"Baby" chami aw ka hriat rual chuan ka hawi kual nghal zak zak, va pan nghal chung chung in kan inkuah thlawp. A eng lai a kan din avang chuan a hmel ka h.u thei riai riai, a mit bui deuh luk atang chuan a tap nasa tih ka hre thei.

"Baby, tap tawh suh aw. Inthen darh in zawng ila, kan hmu em em ang" amah hnem pah chuan ka ti mawlh mawlh a, a lu a bu zauh bawk.

Marcus-a zawng chuan ka hawi deuh ruai a, mahse hmuh tur a awm lo. Ka ngaihtuahna hria ang hrim in petera chuan 'sangi zawng a a chhuah thu' leh 'ngaihtuahawm a nih loh thu' a lo sawi nghal vat.

Chami leh peter-a te chu an inzui chhuak a, kei leh Timothy-a chu kan inzui chhuak ve leh a, Rinpuia erawh amah in a kal hrang thung.

Ka rilru ah chuan kalna tur a lang zawk zawk, Marcus-a nen a an kal dunna thin te chu ka ngaihtuah chhuak a, hmun dang zawng aia a hmun ngainat ni a ka hriat lam pan chuan ka kal mawp mawp, tawng miah lovin timothy-a pawh chuan min lo zui ve zel.

Chutah, rin loh tak maiin insut thawm ka hre ta tlat! Ka hriat chian theih loh avang erawh chuan ka hlau deuh reuh bawk, ramhuai a nih ka rin mai bakah ramhuai lampang hrim hrim hi ka hlauh em avangin. Timothy-a chuan chik zet hian min lo melh leh ringawt zel. Thawk leh khat ah vawt ka tih vang ni miah lovin ka khur ta dar dar a,ka biang te chu a sa hat hat mai. Ka inrin loh lai takin a rawn insut leh feih, mahse, aw chu ka lo hriat than tawh a nih avang chuan hmanhmawh takin ka tlan nghal hlawk hlawk.

"Baby, baby.. engtin nge i awm?" A awmna hmun ka thlen chuan sangi chu ka kuah nghal rawk rawk, thaw ri hawk ka hriat avang chuan ka hahdam huai huai bawk.

Sangi chu ka en a, na tak tuar ang hrim hian a then leh tlawk tlawk thin! Thei leh thei lo hian min rawn nuih sak a, a sam ka chul sak hauh hauh bawk.

"Baby, ka hlau ani, thih ka duh lo a nia.." a ti bah nawk nawk , a awmzia hre lo mah ila a then leh sak thin avang chuan natna eng emaw ni tak a nei a nih ka ring thei.

"Baby, tinge a?" A sak chul sak hauh hauh pah chuan ka ti a, a thlan rawn bawl tak tak te chu ka hruk sak vat.

"Khawngaih in ka thih min phal sak suh aw, khawngaihin!" A heh peh fan fan pah chuan a ti a, a mittui a luang ngiai ngiai bawk. A tan hian tih theih neih ka va han chak tak!

"Sangi, sangi"
"Baby"

Chami leh Marcus-a aw ka hriat meuh chuan ka tah chhuak lutuk chu ka in sang mar teuh tawh. Ka mittui chu a tlak mai loh nan thaw hak in van lam thlir chuan ka dak a, kan boruak tawn hrethiam ang hrim in van boruak te chu a thim hian a thim chhah mup mup mai bawk a!

Marcus-a chuan sangi chu rawn pawm lawkin kan piah a thutthleng ah chuan a phei pui nul nul a, zui ve tur in chakna pawh ka nei lo.

Timothy-a chuan min kaitho vatin piah deuh ah chuan min phei pui a, chami erawh chuan rinpuia lokal chu a lo pan ve vat.

"Engmah tihsak theih pawh ka nei lo a nia, thian lak tlak loh ber ka ni tiraw?" Timothy-a hnen ah chuan ka ti a, ka insum thei tawh lo. Ka mittui a luang ngiai ngiai a.

A awm a bei tur chuan min pawt hnai hrawk, tawng miah lovin nghet zetin min pawm a, ka hnungzang a chul heuh heuh.

Eng natna pawh nei se min hrilh tur a ni a, amah in a lo tuar bik khan min tina takzet! Tih theih nei dawn lo mah ila amah enkawl kha kan tih tur ani. A chhungte lak ah a beidawng tih hriatpui tu kan ni a, chuvang tak a hmamgaih em em pawh kan ni a, majse, a natna hrilh tlak loh a min ngai hian min tina takzet!

An lam chu ka va hawi a, marcus-a chuan a chal ah fawp zauh in a sam a chul hauh hauh a, sangi erawh chu sawi nei ang mai hian a phun sep sep a. Thawk leh khat ah marcus-a chu a meng kawk a!

Hmanhmawh zetin timothy-a min kuahna ata chu ka tal chhuak a. Sangi te awmna lam pan chuan ka tlan phei hlawk hlawk.

"Baby, baby" chami pawh a rawn thleng phei ve nghal.

Sangi chu zawi ngiai hian marcus-a chuan a lo pawm a, ka khaw hmuh a phe nghal vek! Engmah ka hre lo chhunzawm nghal!




< ❤ >


Ka active loh zia ka in hrechiang in, nuam lo ka ti hle bawk!
Ka phone chhiat vangin ka type zung zung thei lova, min hrethiam hram turin ka ngen a cheu❤
Chuan, in like a, in lo comment liam liam khan a nuam ka lo ti veng veng zel🤭



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)