KA DUH BER CH-6

Episode kal lai dah luhna

Moderator: writers

Ramdini Jahau
Posts: 57
Joined: April 9th, 2021, 8:00 am

KA DUH BER CH-6

Unread post by Ramdini Jahau » September 23rd, 2021, 8:56 pm

||KA DUH BER CH-6 BY RAMDINI JAHAU||



Ka sam chul hliau hliau chu ka harh a ka hriat hmasak ber ani.



Ka mit ka men a a thim phui mup avang chuan ka meng buai deuh nak a, min pawmtu awm a in nam kang in ka hawi kual a.



"Khawnge ka awm ?" Ka ti tham chhal a.



"Hahdam rawh".........ka bek zawn rawn lum deuh hak avang chuan keimah chauh a awm ka nih loh zia a ti chiang a.



Ngaihtuah buai hman eih loh in thil thleng chu ka rilru ah rawn lian nghal hle a. Ka ke chu ka tawm deuh chawih a, min pawmtu awm ah chuan ka hmai phum nghal kak in ka insut ri nghal faih.



"Shhh" tihpahin dim zet chuan ka hnung a rawn chul nghal hliau hliau a.



"U Hmingmuan..." Ka ti tiau ringawt a, engmah sawi zui lo chuan ka in sut leh faih faih.



Pawngsual ka ni! Hmeichhia tu pawhin kan chung a thleng lo tur a kan duh ber thil, vanduai vang nge khuanu'n ka tawrh tur a adah reng zawk pawh hriat loh thil chu ka rilru ah a rawn lian zel a. Ka hmel emaw, ka pian hmang emaw, ka nungchang vang nilo in he thil hi mi in keimah min chhinchhiah nan an hmang tawh anga. Kei hmeichhe der dep lutuk, mi sawi nih hlau leh keh thei dawm tak meuh a dawm ngai hian engtin nge chutiang chu ka tuar theih ang.



U Hmingmuana pawh hian engtin nge min ngaih ang? Min rawn hmu tu ani a, ani phei hi chuan ka saruak kha a hmu vek!!! Amah ka hria ani mai a, ka bulah mipa tawng duh tak ani hran lo a mahse midang bul ah erawh engtiang taka tawng duh nge anih ka hrelo.



U Mapuia kha engtin nge a awm chhunzawm ka hrelo a, ani pawh khan mi bulah chuan 'ka theih hnu' ti a min sawi duh hial ka ring. Mipa insawi theihna ani miau!



Darkar khat vel zet ka tah chuan ka hul phak a. Thlamuang zetin U Hmingmuana awm ah chuan ka bei a. Ka tah chhung zawng in engmah a sawi lo a, tunah pawh dawhthei zet in min awi ti tih hian ka hnung a beng thek thek a.



"U Hmingmuan" ka ti sup chuan a 'imm' deuh nghut a.



"Haw ang" ka tih chuan min chhang tawh lo.



A thu ngil deuh ut a, thawh san tum chuanglo chuan a zak ah zen lut in ka kuah fel then a.



Kan tlan lai chuan kan ngawi reng a, ngaihtuah pawh ka nei thei lo.



"Min ten em ?!" Ka ti deuh sap a. A hriat phak pawh ka ring lo a, min chhang ta lo reng.



In kan thleng mai dawn emaw ka tih laiin kan tlan rei viau a.



Motor a tih thi deuh duk chuan kan thleng tawh emaw tiin ka hawi chhuak nghal vat.



"Tinge kan din a ?" Ka tih chuan motor steering ngheng tur chuan min nawr hla a. Ka en zawk a, min en chian em avangin en pawh en tha ngam lo chuan ka kun nghal ngal a.



"Hruaii" a tih sup chuan, "Haw ang" ka ti nghal pur.



"Hlauthawng suh aw, i pa te ka be tawh a in ah min nghak aw" a tih chuan ka en hra a.



Ka thawmhnaw siamthat mawlh mawlh pah chuan, "I bula ka awm dawn a, hlauh tur an awm dawn lo. Kha mihring i hmuh angai leh dawn erawh pawi ka ti lutuk" tihpah chuan ka biang a rawn khuap a.



"A har ang tih ka hria, mahse zanin a ral hunah chuan engkim hi theihnghilh tur aw. I nat dan tur ka hrethiam lo a mahse tawrh pui tur che erawh chuan ka inpeih thlap ania. Mahni inhrem zawnga engmah ngaihtuah lo tur. I tenawm lo a, khawvel hmeichhia ka hriat tawh zawng zawng a thianghlim leh mawi ber ini" tiin ka chalah chuan a fawp a. A awm a min kuah bei leh than chuan kan tlan chhuak leh nghal.



A thusawi kha engtia dawn sawn tur nge ka hrelo. Ka pa te a lo hrilh tawh anih chu(h)! Engtik khan nge? Ka pa chuan engtin nge min lo tih ang. U Mapuia ka hmuh ala ngai dawn cheu bawk a, thih daih ka va han chak em!



In kan thlen chuan min pawm lut a, tuma hmel ka hmuh ngam loh vangin a awm ah bawk ka hmai ka phum leh kak a.



"Hruaii" tih tiau pahin Sawmi leh Zorini chu ka khumah an rawn inthawlh a, kawngkhar bulah U Hmingmuana a dung tut bawk.



Nizan khan mutna damdawi bawk kha min pek leh vangin ka muhil nghal a, engmah hriat ka neilo.



Zingah ka harh a, ngaihtuah loh duh teh mah ila ka ngaihtuah lo thei bik bawk silo. Ka zawi ngawih ngawih a, inkhawm chu sawiloh ka khum pawh ka thawhsan theilo.



Ka pa te chuan nizan ah engthu nge an rel ang ka hrelo a, eng thu pawh rel se ka hnial dawn lo tih arawh ka inchiang hle thung.



Ka pa in inkhawm lo in min awmpui a, zingah ka room ah a rawn lut a lainat hmel zeta min en bak kha chu a rawn lut leh tawh miah lo.



Tunah chawhma inkhawm hun ala ni a, Sawmi leh Zorini rawn lang hlawl pawh hi ka beisei vak lo piahlamah kawngkhar bula ding phei saw chu a rawn kal ka ring tawh lo bur.



"Ting in inkhawm loh ?" zawi zet chuan ka ti a.



"A vawt lutuk a" Sawmi chuan aha khawng beuh beuh in a rawn ti a. Ni dang chu nise 'i hmel' tihpahin ka nam bu lawp ngei ang mahse tunah erawh hun in azir rih ngang lo ani.



"Hruaii a hunlo tih ka hria mahse ka sawi lo theilo....." Sawmi chuan a rawn ti phut a, sawi zo ta lo chuan Zorini nen chuan an in mitmei nghal a.



"U Mapuia'n palai a rawn tir a, mahse lo duh miah suh, a....." A sawi zawh hma chuan "Sawmte in thiannu kha ka lo be ve lawk ang chu" ka pa in a kawngkhar lam atangin a rawn ti a. Sawmi leh Zorini chu an chhuak nghal a.



Ka khum lu ah chuan a rawn thu a, ka kut chu la in a chul deuh thuak a.



"Pa, a hreawm emai" ka lo ti nghal tuau.


"Bawihte, engkim hi kan tan a thalo turin a ruat ngailo ania. Mahni inti hreawm zawngin engmah ngaihtuah lo la, i nu ang ini a i chak tih ka hria" a rawn ti dap dap a.



"Mapuia khan palai a rawn tir a, mahse rawn kal nawn pawh ngai lo tiin ka hnar haw nghal...... Bawihte i tawrhna hi ka hrelo ni lo a, hma ka lak loh vang hian ka hmangaih lo ang che in ngai lo la, ngaidamna thil tih ropui zia chu i hriat kha. Ka zawt che a, hremna a tawh loh chuan i hahdam thei dawnlo ni a i inhriat chuan hremna chu kan pe ngei ang. Mahse ngaihtuah chiang la, tupawn tihsual kan nei a, insiamthat nan hun kan mamawh bawk" a rawn ti dap dap a.



"Mahse pa, pawngsual ka nih hi!!" Ka ti tiau a, ka pa thusawi chu ka pawm thei tlat lo.



"Shhh.... chutin an sawi ngailo" a thusawi hrethiam se min tih hmel zet chuan min en a, mahse huatna rilru ka pu a, ka kut chu pawt letin ka inlukhup hmak.



Puan hnuai ah chuan ka tap kerh kerh a, a fanu neihchhun, a fanu neihchhun tak meuh meuh in thil rapthlak tak ka tawng ani a, ngaihdamna rilru ka pu theilo. Thil rapthlak satliah mai nilo ka zahawmna laksak ka ni! Engtin nge ka ngaihdam theih ang??


______________________



"Api te bula zin ka duh" ka pa chaw ei lai chu a tawp chawt.



Ka pa hmel ka hmuh hian ka thin a rim a, ka nu (nu tak) ka ngai thar in ka pa chu ka haw ngawih ngawih a, hmangaih ve loh ni te hian ka in hria.



Ka pa mah nise ka hmuh te hian ka thla a muang hleithei tawh lo.



"Engtik ah? Eng in nge i kal ang ?" a chaw bar leh mawlh mawlh pa chuan a ti a.



"Ka hrelo, U Hmingmuana pawn min thlah thei tho a" ka ti mai a.



"Midang tihbuai ngailo, i putea kan be dawn nia" ka nu chuan alo ti a.



"Putea ai chuan U Hmingmuana thlah ka duh zawk, amah pawh ka zawt a min thlah a hreh miah lo" Ka ti a.



"Vanlalhruai i chunga thleng kan hria, i duh dan ang in engkim hi a kal vek theilo. I pa tum khum bur bur lo hian awm pangngai in awm ta che, i pa rilru hi hah lo leh na lo bik tur ah i ngai ami !?" Ka nu chuan a rawn ti hmawk hmawk a. Engmah sawi zui lo chuan ka thawh san a. Ka thawmhnaw siam turin pindan ah ka lut hmak.



Ka chhungte lakah hian ka sual ta thut nge ka hel a chhuak laklawh zawk pawh ka hrelo.



"Mahni chauh inngaihtuah, thil hi eng zawng in thlir ta che. In dawm kun ngawih ngawih reng mai" ka nu chuan arawn ti zui a. Engtin mah pawh chuan ka chhang let chuang lo.




A rilru hi tu rilru mah a ni lo a, ka pum hian keima ta chauh ka ni. Ka ngaihtuah na zawng zawng min control sak an tum hi ka ngaithei lo, ka pa rilru tur dawnpui maw? Keimah leh keimah pawh ka in ngaihtuah fim theih loh laiin engtin nge midang rilru tur chu ka lo va care tehchiam ang. Tun ka dinhmun ang ah hi chuan min hrethiam leh kehthei dawm a min dawm zawk tur an ni asin.



Ka ngaihtuahna vang chuan ka inrin hma in ka biang a rawn lum thla pap a, ka pa hi ka pa ani ta lo emaw ka ti hial dawn. Hetiang em em a min ngaihsak lo a a awm hi ka hre ngailo, ngaihsakna leh hmangaihna dawn mamawh ngawih ngawih a ka awm lai in min hawisan ni maiin ka in hria.



"Eng nge i lo an ?" rawn ti lut var tu chu tawi te in ka nuih a.



"E Hmingmuan ilo leng a" ka nu chuan alo ti ve luam a a tawng zui lem lo.



"Vawiin i awm a nuam em ?" Ka bul a rawn thut thlak pah chuan a ti dam dap a, ka kut chu la in a khal nghal niap niap.



"Immm, ka tha vek" ka lo ti let var a.



"Naupang fel lutuk" a tih chuan ka nui tawi leh tak a. "Anih nang vawiin eng nge i tih ?" Ka ti let veleh.



"In sak vel ka en fel a" a rawn ti a.



He hmeichhia, a ruk a a duh em em hi ka thik! In ngaizawng lem lo mahse neih a tum nghet bur tih a hriat a, 'kan inneih huna kan awmna tur hi ka sak zawh hunah amah ka hrilh chauh ang' a ti mai zel a, kan sawi a piang a a mitmeng danglam thin hi eng nge anih ka hrethiam lo na, a hrethiam lo tan pawh heti khawpa vei awm anih vang hian a hrethiam leh a mitmeng atanga thil chhiar thiam tan chuan a zun ngaihna leh vei zui ngawih ngawih na anih te pawh ka ring.



"Vawiin ah lo leng an awm em ?" Ka ngawih tak reng vang chuan nge amah chuan arawn ti leh a. Ka lo en reng tih ka inhre ve leh chiah.



"Aaa aww, Zorini te an rawn leng a" ka ti niai a. Khami ni atang khan zantin a rawn leng a, a chang chuan chhun ah te pawh a rawn leng. A hma anga hlat hriau hriau ang kha chu ka tum tawh lem lo.



A bul a ka awm hian ka thla a muang riau a, ka ngaihzawng ani lo a, ka u emaw ka pa ani lo leh ka thian ani lo chung hian a bula ka awm hian ka thlamuang em em ringawt a, a tawngkam dam dap a min ngaihtuahna ri tel zel vang hian ka ngai tlat thin bawk a. A lo len te hian char beh daih mai te hi ka duh thin a, mahse chutiang ngawt a tih theih ani bik silo.



"Chuan...?" A rawn tih chuan a ngaihna hrelo zet in, "Ka hre lo" ka lo ti ringawt a, a nui deuh hawk.



"Eng nge i hriat loh chu ?" Nuihzat hmel deuh hian a rawn ti a.



"Ka hrelo" ka ti leh tawp a, za zetin a nui ta hawk hawk.




"I pa in a hau che em ?" a tih chuan ka lu ka thing nar nar a.



"Anih i nu in ?" A tih leh chuan ka lu ka thing leh nar nar, he thu hi engtik lai pawn min zawt ti ila ka sawi sual lo ang.



A duh ang chhanna a dawng nge hma lam en in a ngawi ta reng a. A tawng loh chuan han sawi tur hre lo ta chu kan ngawi ta reng.



"Tinge min ngaihtuah em em a ?" ka tih chuan a nui ringawt a. A ngawih reng danah min chhang dawn lo aniang.



"Hruaii, ka insiam vek tawh" tiin Sawmi a rawn lut hlawl a. A hnu lawk ah, "Sawmi i nu'n rawn haw leh lawk teh ti" tihpahin Zorini a rawn inkhai bawr lut teuh a.




"In va bawr ve, khawnge kal in tum ?" U Hmingmuana chuan a rawn ti a.



"Hruaii pi te khuaah kan zin dawn lawm" Sawmi chuan intithei zet hian a rawn ti a, a eitur rawn ken chu a rawn lek lar lar bawk. Vawiin an rawn len in ka sawm ve a, mahni chauha kal ai chuan tiin an peih pawh ring lo zetin ka sawi chhuak a, a phur phur ah an lo tang. Naktuk a kal an ti nghal vut vut a, hei zanin pawh riah ho an ti leh pek tlat anih hi.



Aw a thian kharh in a mal a beng thak thak a, "Anih chu" a ti deuh ringawt.



"Lo zin ve la, Hruaii a lung leng dawn sia" Zorini chuan alo ti a.



"Leng lo ang, hei in awm lawm" a ti mai a. A chhanna vang chuan ka hnual rawih thei.



"Bakah lo lungleng pawh ni se a buaipui hman lo, a nupui hual kha nei tura a buaipui a ngai" Sawmi chuan a rawn ti bawrh bawrh a. U Hmingmuana len lai pawh chu eng sawi set set in chhuat chu a phiat fai a, mutna a phah nan hmak.



"Tinge kha tah i phah, Hruaii room ah lawm kan mut dawn" Zorini chuan alo ti a. An inhnial chhunzawm leh nghal der.



"Tinge i zin dawn tih i sawi loh a ?" U Hmingmuana chuan a rawn ti sar sar a.



"Sawi na hman pawh awm hleinem" ka ti ve mai a.



"Kal lo mai rawh u" a rawn ti phawng a, ka en deuh kal ringawt.



Ka dar a kuah in min pawt hnai deuh a, "Ka ngaihtuah che lawm" a rawn ti a.



"Aaa ka..." Ka sawi zawh hma hma chuan min rawn pawt chat leh a.



"I lung te a leng anga hreawm iti lutuk ang, bakah mipa te an lo leng anga" thil ngaihtuah thui hmel zet hian a rawn ti a. Ka rilru chuan eng nge a sawi awmzia hi ka ti rilru nghal mawlh mawlh a, ngaihtuahna aia thikna rawngkai a tel avang chuan ka lung a phu ri nghal dup dup bawk.



"Ka lung leng dawn hleinem, inti thawveng turin lawm kan kal dawn" ka ti ban chuap a.



"A hreawm iti lo ang maw ?" A rawn tih leh hram chuan ka bu nghat nghat a.



"Anih tuin nge hruai dawn cheu" a ti a, Sawmi chuan alo hre pa nge ni, "Buai suh, putea'n min hruai dawn" alo ti hlar a.



"Hlik hlek a che" U Hmingmuana chuan alo ti deuh hluk.



"Hruaii pawh kha kuah vel suh, ka ngei che nia" a ti leh hluk hluk a.



Choka lam pan pah chuan "Dawih ropui si" a ti phei nuah nuah.



"In kal dawn chuan ka thlah ang cheu aw" min melh deuh run pawh chuan a rawn ti a, hnial lo in ka lu ka bu nghat nghat.



"Bawihte kha" ka pa chu a rawn lang hlawl a, a kut ah chuan ka phone ama min leisak mahse ka lehkha zir a tihbuai a hlauh vanga min thuhruk sak leh tak ngei chu a rawn lek a.



"E Hmingmuan ilo leng a" ka phone min pek pah chuan ati chhunzawm a.



"I zin dawn si a, kawl tawh rawh" a ti mai a. Engmah sawi lo chuan ka la mai a, ka pa chu pindan ah a lut leh daih.



"Khaw maw, ka phone number ka save hmasa ber dawn" tihpah in Sawmi chuan min rawn chuh nghal a, Zorini nena an number chu a save nghal.



Thla ala chhunzawm nghal mawlh mawlh a, "La ho ang u, Hruaii tum bur suh nui ve rawh" a tih chuan ka nui ve sak a.



"Ka lang chhe e" ti nang nang chungin wallpaper ah min hman sak hram tho.



_______________________



Kan tum bawk a ka pi te khua ah chuan kan awm deuh vang tawh. Thla khat tha zet kan awm tawh a, Sawmi leh Zorini chu kar thar lama haw an tum tawh thung a, kei erawh ka la awm ve fe ang.




"Tunge 'FH🦁' hi ?" Ka phone ri mek en dauh dauh pah chuan Zorini chuan ati a.



"La ve phawt ta che" tih pahin Sawmi'n a tukkhum atang in a beng bu lawp a. Phone chu a chhuhsak chhunzawm nghal.



"Tunge ?" a'n ti nghal deuh tawp a. A ngawih vang vang hnu ah phone chu ka beng ah a rawn nawr bet a.



"Vawiin eng nge i an ?" Rawn ti tu chu tunge tih hrilh hran ka ngailo, U Hmingmuana ngei ani.



"Aw kan tha e" ka ti chuan, "Nangmah bik kha, i tha em? I lung te a leng em ?" A rawn ti a.



"Aih leng lo e, ka tha lawm" ka ti nui vur vur a, keimah te min rawn thur avang chuan ka lawm ve em em.



"A lung a leng lutuk a awm ngaihna a hrelo" Sawmi chuan ka beng bula rawn kunin a rawn ti a, lehlam ami a rawn nui hawk hawk.



"Engtik ah nge in lo haw ang ?"



"Sawmi te chu kar thar ah an rawn haw ang..."



"Anih nang ?"



"Ka hrelo le, vawiin eng nge i an ve thung ?"



"Ka lung a leng, in pawh ka sa zo tawh" a tih chuan, "A va tha ve" ka ti puat a, min ti hnual nghal rawih rawih. In a sak zawh tawh chuan a ngaihzawn ve em em nu kha a hel a hel kual a ngai ve tawh dawn sia, reilo viau mahse a mi ngaihsakna tawngkam te kha ngaiah ka nei tawh a, nupui a nei anga thian chu sawi loh inhre ngailo ang hmak a awm bak hmabak ani leh silo anga, ka huhphurh lawk nghal ngawih ngawih.



"Hma la tawh ila a pawi tawh lo ang ti raw ?" A rawn ti hniam sut a.



"Pawi tawh lo ang, mo lawm kan hnaih tihna ani mai" ka tih chuan a thaw ri deuh hawk a.



"Anih ka hriat zawng ani em ?" Ka ti leh a.



"Hre lutuk e, kinah nangman min tihpui dawn nia" a rawn ti a. A tawng zawi sawt ta lutuk min be peihlo emaw te ka ti hial.



"I chau viau ami, mu la nakinah kan in be dawn nia" ka tih chuan min mangtha a, ka mangtha ve hma hma in a cut nghal hmak.



Ka tum nghal hmuk a, min ngaih pawimawh loh hmel zeta a rawn chet avang chuan ka thin a rim hlur ringawt. A tan engmah nilo mah ila keimah a eng emaw ber ani h ve tawh miau avangin a awmdan chuan ka rilru te ati na in ka hria.



"Eng a sawi ?" Sawmi chuan a rawn ti sa sa a.




"Engmah" ka lo ti hmuk. Biak zui chi ah min ngai vak lo niang a kalsawn daih a, ka chhangban hmeh chu ka hmet nghek nghek ringawt.



__________________________



"Hruaii kan haw tep tawh sia i lung a leng dawn em ?" Zorini chuan a ti a.



"Leng dawn pawh ka hrelo" ka tih chuan ka pi chuan, "kha tun atang a leng tan anih kha, chaw pawh a ei theih loh kha" a lo ti a. Tunlai ka thil ei tui loh zia leh ka zawi zia ka inhre veleh chiah.




"Ani tak ang a, tunlai a zawi zia reng hi. Mamte damlohna i nei a mawni le? Ka pu chuan a rawn ti ve dap dap a..




"Aa thil ei tuilo satliah aniang" ka lo ti liam puat.



"I pa te pawh hi eng nge an an le, kan be khat riau mai a" ka pi chuan a rawn ti nuap nuap a.



"Biak biak ngailo, amah pawh a rawn be lo cheu" ka ti hmawk hmawk. Puan pho seng tur chuan ka chhuak nghal daih.



"Aha leeeeee Lalhruaii!!" a rawn ti deuh hluai a, en tum a ka inher lai tak chuan "Lalhruaiii!!" Tihpahin min rawn kuah nawk nawk.



"Sangkawiiii" tihpah in Sawmi a rawn tlan chhuak a keimah chawp chuan min rawn kuah nawk nawk.



"Engtik in nge in rawn zin ?" Lalrinsangi hlek hluak chuan tih nghal phawr phawr pahin ka puan pho seng lai chu a pawt thla nghal hlawk hlawk a.



"Au vak vak suh, min ti chau" ka lo ti hluk



Rinsangi te nen hian kan tet lai chuan kan inkawm nasa thei khawp a, khaw khat lo na na na chu duh angin a inkawm reng theih loh a, kan zin emaw a rawn zin chang hi chuan kan inkawm tlang vek tho zel a, tun tum kan zin hian khaw danga a Christmas hmang a lo la haw lo a, chuvanga min hmuh a phul hluai chu ani reng ani.



"Hruaii Zawngi!" a ti a. Hei hi chu ngaiah kan nei tawh, kan vai in ramsa hming emaw ber kan nei vek, Sawmi chu Ngau a nia, Zorini chu Samuang a ni thung.



Awii hun ka neilo lutuk hi ka story ziah pawh hi a plot ka duan sa ang diak diak pawn ka ti theilo (˘・_・˘). Ka regu thei trep tawh a, min phatsan lo in min lo nghak hram hram ru aw ( ◜‿◝ )♡



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)