LALRINPUIA -16 by fagys da blackers

Episode kal lai dah luhna

Moderator: writers

Fagys da blackers
Posts: 43
Joined: August 12th, 2021, 9:05 am

LALRINPUIA -16 by fagys da blackers

Unread post by Fagys da blackers » September 24th, 2021, 6:31 am

LALRINPUIA-16 by _fagys da blackers





Ka piah lawka nu madini nui heu mai chu ka melh kawk ringawt.
"I lehkha zir theihnan theihtawp kan chhuaha hei hi maw min chhanletna chu " thinrim fe chuan ka pa chuan alo ti leh hlaka ,
Ka mittui a tling pur tawh.
"A mak thin ee....insum ve deuh thin la.." ka nu chuan ka thlavang hauh tih hriat zet chuan ka pa chu a lo ti ve siam siam bawk.






"In fanu thiam lo a nia ka fapa in a chhiatpui ka phal hleklo" nu madini chuan a lo ti ve hlak bawk ;
Tawng chak viau mah ila ka tah chhuak lutuk chuan min hnawh tlata ,ka ang zau zet tawh chu ka ngawi leh rih a.
"Eeee...rinte nu chuti ringawt a ni dawn em ni chutia ka fanu i puh vek ringawt ten a tuartu zawk chu ka fanu hi a sin" dam hlup chuan ka nun a lo ti ve tak na nu madini erawh alawmlo nasa mai bawk.






"Naute hi tithla rawh se" ka pa chuan alo ti chhum hmuk chu ka nghing deuh nghut thei.
"Pa a...." Ka nu chuan ka pa dar a khawih chuan a lo ti ve vat bawk.
"Ni e sawn man chu kan lo pe ang chuan senso vel pawh a hautaklo" nu madini chuan alo ti ve nghat bawk
Ni e ,damdawi lam chu a hriat chi tak a ni miau a lawm.





"Chutiang ringawt te chu a dik thei dawn em ni?..." Ka nu in meng dur khaiha alo tih chuan ka rilru no chuan a tuarta biklo ka tap pur chu a ni ta der,
"I hetih thin vang hian lawm tun dinhmun hi kan thlen lo tanin lo zeppui thin lo la chuan tiang chen chen kan thleng nang" ka pa chuan ka nu chu a ti zui nghek a ka nu tan han tawng ngamna chi ni tawh heklo.






"Naktuk lamah kan ....."
" Ka naute hi tuman engtin mah inti lo ang" ka pa in a sawi zawh hma chuan ka ti tham tiau chu ka lam an rawn dawi deuh vek bawk.
"Pa mihring a ni ve tawh a sin"....mittui hui pap pap chung chuan ka pa rilru hmin tum zet chuan ka va ti leh thawra a tawp lam chu a zawi viau thung.
"A nih tur ang ang chu kan ni tawha in siam rem dan a awm mai ang chu" ka nu in nu madini hnenah atih chuan a lo meng rum kalha .








" Ka monu atan in fanu hi ka duh reng reng lo" a lo ti chang fak chu ka pa chuan a tuar ta lo a ni ngei ang;
" Keini pawh hian in chhungkua nena inzawmna neih hi kan duh reng reng lo ,chuan I fate thlah chhawng zel pawhin" ka pa chuan alo ti chang faka
Ka dul chu dawm meuhin ka mittui a luang renga 'ka naute lungngai suh aw' ka ti rilru mawlh mawlh bawk.





Kan tun boruak chu a rit hian a rit luiha ka lu te chu ana ngut ngut mai ,ka pa leh nu madini te lah mahni tawka thuduh ve tak an ni bawk nen an intawng khum nasa viau bawk
'In fatak pawh ni hleilo hi eng ah nge ilo tan vak' nu madini'n alo tih leh erawh chuan ka sa phat a,sawitur ber lah ka hre leh lawi silo
" He ka inchhung a tang hian chhuak rawh" kawngkhar lam kawk meuhin ka pa chuan nu madini chu a ti hlarh ta nghe nghe .






"Ka chhuak khawp ang chuan inchhung kua hian inzawmna kan Siam ngai bawk lo ang" ti leh hlakin nu madini chu a chhuak ve ta nghe nghe;
"Tap hlek suh nangmah vanga kan mualpho tur zia hi I hria em" ka tah Lai chuan ka pa chuan Alo ti leh ngata ban a hnekin ka tah chu a chhuak zual sauh bawk ,
'tinge rinpuia a lo kallo eng vanga lo kallo nge anih kan inhnaih viau tho sia' ka ti rilru mawlh mawlha Kan inhnaih teh reng nena kan thawm hreawm pawha Lang lo in a ni erawh areh vang vang bawk si.







"Ti thla rang ang che zah pawh a zahthlak lutuk" ka pa chuan alo ti leh zat chu ka insum thei ta biklo;
"Tuna i thusawi kha rila I fa hrin ka nih loh vang tiraw" ka tih takah chuan ngawi rengin min en ringawt.
Ka nu chuan ka darah a kut lo nghat vatin min bengdai tak na ka pa lam chu ka pan hnai salh a
" I fanu rilru ngaihtuah lo in I mualpho na tur chiah I ngaihtuah a ,he naute hian maw nunna a nei ve a sin chuan mihring a ni ve tawh a sin...." Tap Chung chuan ka pa chu ka va ti leh ngata
Pa luhlul tih takah danglam hmel a pu hauhlo.





A rum nghutah a room lamah min luhsan zui a ,ka nu erawh in min rawn kuah vawng vawngin
"Nu ka nihna angin nu in a fate chunga a Rilru put hmang chu ka hria alawm" alo dam dapa;
Ka tah chhuak lutuk rilru no chuan ka tap zawih zawih mai.
Ka nu erawhin ka hnungah a lo chûl hiau hiau bawk,
'tinge ka nu ang hian tumah hian min hriatthiam ve leh numadini pawh nu tho a nia tinge a hriatthiam veloh' to rilru mawlh mawlh chung chuan nghet taka min kuah tu ka nu darah chuan ka khabe nghatin ka tap chiam ringawt.








"Zanah ka lo kal ang" ti chunga min melh ngar tu lam chu ka lo melh kawk ringawt;
"Mahse....." A mit chu khap zawkin a bu nghata
"Min ring tawp rawh I chhungten an rem tih lo a naute ti thla tura an tih leh che chuan kan tihthei hnunhnung ber kan ti tawh a ni mai ang chu",
Ka sam ka benga dah chho pah chuan alo ti leh dap a.





Ka pa in a phal dawnlo tih chu a ni hian a hrechiang thawkhat viau chutiang bawkin a nu pawn a remti dawnlo tihpawh;
Mahse, mipa taka nupui atana min dil chu a tum ve miau hek, naupang viau e tilo hian a ngaihtuahna hi a puitling hi ka ti rilru thin.
Hetiang vang te pawh a ni ang in luah tur te kha alo biak lawk ni ,keiin engmah tih na chang ka hriat loh laia a nin alo buaipui fel vek sia.






Zanah rinpuia'n lo kal a tum vang chuan ka awm a nuam thei zânlo ka pa lah chuan min zilh chhunzawm mawlh mawlh bawk a ;
Ram danga awm te kha ala sawi tak deuh deuh a chhanlet duh viau mah ila rinpuia chu ka nghak hriha ,a lo kal huna kan boruak a zira he in hi chhuahsan thei renga ka awm vang chuan ka thuamhnaw vel pawh tlem ka siam peih diam bawk.





Zanriah eikham chu ka room lama phei Mai lo chuan sitting room lamah ka thu ve ran a; ka nu ka hrilh lawk vek avang in anin pawh a awm ve bawk.
Ka pa chuan phone hmangin an room lamah a tawng mual mual bawk.
"Nu min lo sawipui rawh aw"ka tih chuan a lo bu ve nghat bawk.



Dar 8 bawr vela kawngka a rawn rik dat dat takah chuan rang zetin ka tho a ,ka pa pawh a thu ve run tawh ,thawk la haka ka hawn chuan ka hmaah nui sanga min lo en in a lo ding mar eta a hmelah chuan a zam hmel viau bawk.





"Lo lut rawh" nuih sen sena ka tih chuan bu nghata rawn nui zeuhin a rawn pen lut ve nghal bawk.
Sitting room lam kan phei chuan ka pa chuan a melh no lo viaua chutih rualin ngaihsak lek loin tv a en san hmak bawk;
Ka lo inthiam lo ru lutuk chu ka kekawr ka tham khawm vak ringawt.






"E lo thu rawh "nui sanga ka nun alo tih takah chuan ka pa ep chiahah a thu ve nghal mai a;
Keipawh ka nu bulah ka thu nghal bawk.
"Mate thingpui va lum la kan lo in a nge" ka nun a tih vang chuan ngaih thalo zet chuan choka lam ka pansan chu ka melh zawka min lo nuih sak chu ka huphurh pui lutuk chuan min ti nui ve theilo tlat.





Tuilum awmsa a awm avang in lumchhung a rei lem lo a ,ka chhuangso leh te te a chutih chhung chuan an thusawi ka ngai chang reng bawk ;
Exam chungchang vel ka nu chuan a lo sawipui luam a chhanna awmtawk lek lekin a lo chhang ve bawk a ,ka pa erawhin engmah a sawi zui lo.
Thingpui ka ken phei chuan min lo nuih ve takna a , a mitmeng a zamna ka hmuh hmaih lo tlat.





"I pass dawn a nih chu" ka nu in a lo tih chuan a nui liam ve mai a;
Ka pa erawh in a tarmit ti hniam meuhin a lo melh kawk thung,
Inthenawm hnaite mah ni ila kan inkar thilthleng leh nu madini tawng vel avang te pawh a tih thei ang chu,ka pa mahni tawka thuduh ve tak nen an thu in hmu miau heklo chu thenawm in ngaihlo kan lo nih phaha; rinpuia tak ngail pawn kan in a rawn rap khat khawp.






"Engtak chu maw i rawn len chhan" ka nu in a tih chuan a thingpui no chu dahthla in a thu rem nghal zat bawk;
" Englo a nia....Cathy nen kan inkar engkim in hre tawh a ,...."thawk a la leh rih a ka pa meuh pawn a lo en ve kar bawk.
"In fanu hi nupuiah min nei tirturin ka lo dil che u a ni" a lo tih chuan rang zetin ka pa a tho chhuak vuta ka lung phu rang lutuk chu a lo zuang chhuak dawn ti tih hial ,a rawn pawng zawt zawtin a nia ka hriat ni.







"I va ngam zawk ve ....he in atang hian chhuak nghal rawh"ka pa chuan kawngkhar lam kawk meuhin a lo nghal fak bawk.
"Mate pa insum teh" ka nu chuan a lo khap vat a ,ka pa erawh chhuatah a tai kual a taikual thung;
Rinpuia erawh ngawi ngulin a thutna ngaiah a thu rûn a , kal tum hmel pawh a pu lo,kei in ka lo hlau thawng lutuk chu ka thu hleitheilo ka mawng te hi a za mer mer in ania ka hriat ni.






"Chhuak rawh ka tih chu I hria em!" Ka pa in a ti leh nghut.
Ka tah te hlei hlei a chhuak tawh,
"I fanu hi nupuiah mi neih tir rawh"pakhat zawk lah chuan a lo ti ngat bawk.
Ka rilru hah lutuk chu ka thawk a sak vek thei,
"Saw inah sawn ka fanu hi a lawi hlek lo ang" ka pa in akawng dawm meuh chuan alo ti ve bawk.






" Amak bawrh bawrh thin thazai pawn a sawi thei a" zaidam Fe a ka nun a lo tih chuan a thaw chhuak hawk a ;
" Naupang mai ila ni ,I zirlai chiah ngaihtuah rawh,.....a hrim hrim in chhungkaw chawm thei turin enghna mah ila neih loh hi!" Deuhsaw taka ka pa in a tih chuan mittui hnam tiaiin ka pa lo melh kalh bawk.
A ni erawh a luhlul zual sauh emaw tih mai tur hian a thutna ngaiah a thu ngawi hmak bawk.






"Ka pu naupang chhia zekzawk chu ka ni tawh lo tih chu nang leh kei in kan chiang....I fanu hi ka mawhphurhna anihna chin a awm ,mipa mahni mawhphurhna la zolo mi ka nilo tih hi hria la ka duh" a rawn ti chang fak chuan ka pa lung akhaih deuh te pawh a ni ang ,rum nghutin a kawng a dawm vat chu pakhat zawk lah in ringtawk hmel fahranin a lo khi suk bawk.





"I nu in a phal reng em ni" ka nu in alo tih chuan rinpuia lam chu ka va hawi ve vat bawk;
"Ka dil mai ang ...chumi hma chuan inphalna ka mamawh hmasa a ni" ngenngawl zet chuan a lo ti ve sak bawk.
"In in neih hi ka remti ngai lo ang" a lo tih chuan ka khawngaih lutuk chu ka mittui a tla reng bawk.
"Lalmuansang hrerawh hepa hi I zui dawn a nih chuan nang nen inzawmna kan nei tawh lo ang" ti leh zatin min rawn melh kawk bawk .






"Hepa a nilo rinpuia a nih hi " ka ti zawi sap chu thinrim zeta a kut a hlan chu Rinpuia'n a lo dang vat bawk;
" A tawp nan ka dil leh a che I fanu hi nupui a tan ka duh a ni." Min hnung chhawn zawnga ka pa hma a thingthi hnawkin a lo ti a nih chu!.





Mipa mahni tawka kei ka ni inti ngam sak kha tunah hian hmeichhe pakhat vangin a thingthi a nih chu; rinpuia chu a in humruh teuh a ka pa erawh in a melh ngar bawk ,
"Tho rawh lalrinpui tho nghal rawh" tah aw tiaua kaihthawh ka tum pawn a awmna ngai rengah a la awm ngara ka pa te remtihna chu a hmuh tal a tum a ni ngei ang.






" A tawk e ka pa a tawk, he inah hian ka naute nena kan lenglo ta sa sa ,ka awm reng bik lo ang" chutia ka mipa hmangaih ber leh ka naute pa in a thingthi meuha min dil chu kei chuan ngawihsan reng ka theilo; ka lungin a tuar ta lo chu ka room lam pan nghal vatin ka thawmhnaw siam lawk sa te chu khai chhuak in
" He inah hian ka awm tawh lo a nga nimai lawm" ti let ve saka ka pa ka melh ngar chu a lo thaw hak bawk.






"Mami chutiang an sawi ngailo va dah let rawh" ka nun alo ti ve takna a ka engah a thawk pha tawhlo;
"Lalmuansang min va zah lo ve, ka enkawl seilen ka chawm ka hrai ini tih I hria em? I duh duh a I khawsak thei inring ngai suh!" Ka pa in a lo tih rual chuan ka bag chu a rawn la lawk a ka room lamah min kai nghal bawk.





Ka banah rinpuia'n a rawn kai ve chiah bawk ;
" I remtihna kan lo nghak ang" ti ve sakin a lamah min pawt let dawr a ,ka pan min lo thlah ve mai bawk.
Ka bag chu a nghat chawrh a ka lo khai leh vat chu ,pawn lamah min kai chhuak dawr dawr a ka nun min rawn umzui a tum tak na a chu " kal tirrawh " ka pan a lo ti nghut chu mittui tla pur chungin ka nun min thlir liam bawk.






Tihian kan inru tihna chu a ni tawh a ,inru a zawnga inruk dan dang ber a ni ngei ang;
Midang chuan an chhungte hriatloh theih dan bera a an inruk laiin
Keini erawh ka nu leh pa te mithmuhah ngei inru turin kan in zui chhuak chu a nia.
Eng harsatna nge kan hmachhawn dawn tih ka hrelo ;mahse, tuna ka kut vuana hmalam min panpui tu kut hi
Kei chuan hreawm leh harsatna zawng zawng tuarpui huamin leh rethei ngampui huamin ka zui a ni.







An in kan luh chuan an lo reh duaka
reilo teah nu madini a room a tanga rawn chhuakin phawk zet hian min rawn en ve bawk,
Second coming ang deuhin harsatn
thuahhnihna chu a ni leh chiang a
lawm.
"Mi awmherh nu eng vanga he ina rawn lut ngam nge inih" a eng amah hma chuan min lo ti nghal thawr in rinpuia'n ka kut a vawnna chu a melh nghal zat.







"Lalrinpui va dah let vat rawh!" a lo tih leh chuan a kut chu thlah tumin ka la sawn takna a , ahma aia ngheta min vuanin
"Dah let turin hetah ka lo hruai lo" pakhat zawk lah chuan alo ti ve nghat bawk,
" He inah hian a awm ve thei lo ang" a lo tih leh chuan haw leh mai ka duh a,
Mahse ka nu te kha ka duhthu ngeia chhuahsan ka ni bawk si .





Rinpuia chhanna avang erawh chuan ka lawm a ka lawmlo bawk;
"Ka nupui a ni tawh a ka nupui he ina a len loh chuan ka awm reng na chhan tur a awm biklo" alo ti ve nghat chu ka mittui a tling pam tawh.
" Eng nga ti mawlh mawlh nge" rinpuia pi chu a room a tanga rawn chhuah pah chuan a lo tih chuan Kan en deuh haw a,
"Kan rinpuia tehhrep hi maw le nupui ka ru e te chu a ti a ,a nupui lah nuleh pa diktak kara seilian pawh ni nghallo" a lo ti leh kher chu ka inhum ruh nasa ngang mai.





"Bawiha nge awmzia Cathy nang a law" ka pi chuan min rawn pawh rual chuan a lo ti leh siam Siam a ,chhandan hre ta silo chu ka lo bu nghat ringawt.
"Lalrinpui ka sawi I hria em? Nang hi kan in nghahna tur awm chhun ini tawh a ,hetiang Mai Mai avang a I hmahun a chhiat ka remtilo " nu madini'n a lo ti leh nghat chu ,rinpuia chuan melh rum kawkin
" Kei chauh hi hmahun nei ka ni hleinem Cathy hmahun pawh hi a chhe ve tho a sin ,chuan min mamawh bawk chutiang bawkin keipawn" ka kut chu hum nghet sauhin alo ti nghut chu rilru no tih takah tappur chungin ka lo melh kawk kawk a ni ber.






"Chu ti a nih si chuan a tlai hma hian ti tla ula ti Nia" nu madini bawk a ni .
"An ni hi ka mawhphurhna an ni" tih leh a room lam a min kailuh a ruala ;
A thawmhnaw bawm leh a Bank account vel te leh pawisa a khawl bawm a mi te chu a dap rawk rawka ,a thawmhnaw tlem chu rock side ah khungin a ak nghal zat chu hawihai zetin ka lo thlir ringawt thung.







"Min ring a ni tiraw" ka biang tawn tawn a a kut pahniha lo dawm in a lo ti nghuta ka lo bu nghat bawk;
Min lo fawp zeuhin kan chal chu a in tawh tira " ka tihpalh lutuk tiang thil I paltlang a ngai hi" maimit chhing vang vanga a lo tih chuan
A awmah bei.thlawpin a hnunglamah ka kut ka suih nghat bawk.
" A pawilo ka tuar thei" nui sanga ka tih chuan min lo fawp leh rih a rei min fawp lo in a in la hrang thuai bawk.







"Reilo te chiah a ni ang" tiin ka kut chu lo vuan zata keiin lo vawn nghet salh pahin
Room atang kan inzui chhuak leh a,
Nu madini chuan rum Fe hian min lo melh a ,mahse ngah mAh ngai chuanglo chuan kawngkhar bula a bike chahbi chu la in ka thawmhnaw bag Lian vaklo khai chung chuan in chu Kan chhuah san dun chu a ni ta der.





An garage a tanga a bike rawn la chhuakin ka lawn kai ve nghala rei awm loin Kan khalh chhuak nghal zat.
"Khawnge kan kal ang?" Ka tih chuan a ngawi leh rih a ,zan a rei ve hret tawh a vangin motor vaivak pawh a tlem tawh viau
"Saidinga te inah zanin chu kan riak rih dawn a nia"a lo ti ve mai bawk.





Kawng sir deuha min dinpuiin saidinga chu a be hriha a nu pawh a lo la meng ni ngei tur a ni, lehlam atang chuan min lo nghah tur thu an rawn sawi ve bawk.
"Kan thleng tep" ti supin bike chu a ti nung zui a bu nghatin ahnungah ka bei zui zat.
Kan boruak tawh tehhrep a avang chuan ka lungchhe zual lutuk chu ka biang a rawn lum pap pap ka mittui luang pawh ka hru peih laklawh lo .






A dula ka kut ka suih chu rawn hum Vang vangin a thaw chhuak hawk a ,kei ka lo in hnit faih faih bawk;
'Tinge midang anga pangai taka Kan nun ve theih loh ,eng vanga kan inhmangaihna kawng hi bum boh bik em em nge a nih' chuthil ka ngaihtuah chuan ka mittui chu ahma aia nasa zawk mAh in a lo luang a .







"Lo lut ru in rilte a tam em ? Ka van Lainat tak che u em" ti mawlh mawlhin saidinga nu chuan min lo chhawn nghal mawlh mawlh a;
Chhuatah mutna an lo Siam lawk avang chuan muthlan ka nghakhlel viau .
Kan chanchin tlangpui vel Kan Han in hrilh hnu chuan saidinga nu pawh a mittui a Hui pap pap a ,huaisen min tihthu leh min Lainat thu chu a sawi awllo .





'mu hahdam ula naktuk lamah thutharin Kan sawi tha dawn a ni' tiin saidinga te nufa pawh mu Turin an inzui luta ;
Keini pawh mu turin kan insiam ve nghal a,
Kan awmna hi kan chhungte Kan hrilh loh avang in min rawn zawn hmuh Mai Kan ring lo bawk a ,hrilh pawh kan tum heklo.




End of chapter_16



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)