STORM AND SILENCE : CHAPTER - 41

Episode kal lai dah luhna

Moderator: writers

MoonPie
Posts: 60
Joined: August 17th, 2021, 10:12 am

STORM AND SILENCE : CHAPTER - 41

Unread post by MoonPie » October 14th, 2021, 9:31 pm

CHAPTER-41




Rei tak ka thiana nen chuan kan inbia a, a hnuah banga vawkte lam ka en leh mai mai. Russian lama an lam laiin ka aw hriat than tak maiin min koh ka hre ta a. 




"Mr. Linton! Mr. Linton!"




"Ah" Ka zu inpui chu enin, "Hnain min ko tlat."




Min nuih a. "Dim la aw,thiana"




"Kei hian maw? Ka chunga mi alawm a nih, a let zawng niloin."




"Ni chiah e."




Thei leh theiloin kawngkhar lamah ka kat phei nawk nawk a. Room pangngai zawkah chuan Mr. Ambrose'n lawm hmel vakloin min nghak ran. 




"Kan kal a ngai." A ti hmuk a. "Gurney chuan a hmui a chip tlat! Engmah ka zawtchhuak thei lo. Hun khawhralna mai a ni, tihdan tur dang kan ngaihtuah a ngai."




"Tak tak maw?"




"Aw, tak tak e!"




"Engmah i zawt chhuak lo maw, ni  em?"




"Aw"




"Eng thil tereuh tetakte themte mah i zawt chhuaklo maw?"




"Ka sawi ngai sawn nawn reng mi ka nilo, Mr. Linton. Kal  ang."




"Tut-tut…" Tiin ka khi var var a. Ka hnehna chan lantirnan vawkte ho pawh ka hmaah an rawn lam siau siau mai. "Ni mai lo e, S-Sir. I hriatduh deuh tur sawitur ka nei ania…."




"… Hei.. Ih… Pa rui tawk hi a awm a maw…a ruih..a ruih  zia mai chuh..a tawng dan atang ka hre thei. . . ."




Mr. Ambrose  chuan ka tawng chu a ngaithla a. Mr. Ambrose pahnihte chuan a ni mah zawk, a chang phei chuan pathum an ni. Mahse pahnih an nih chang a tam zawk a, ka hmu phe vek lehnghal. 




"… Ka zawt chhuak ta a! Khatiang  khan! A tawng ta bawrh bawrh a. ..eng nge kan sawi kha? Barman? Vawk hmui nge….mit ami…. ? Ah..a pawimawhlo. Tichuan a tawng a…"




Mr. Ambrose chu pahnihah a chang leh tawh, a tu zawk mah chu an lungawi hmel loh a. Mr. Ambrose lungawilo pahnih phei chu a tawrhhlelhawm awm mang e. Mahse tunah rih chuan keimahah hian nuam tih veng vengna a awm a, engmah  ka hlaulo. 




"…a zui ru atia. A hmu a, a chhan chu hmu tura a zui miau vangin. Min hrilh a, chuvanga hre thei chu ka nia. Thiante hek a ching reuh i ti ve em, thiana? Awh…Sir ka tihna. Kan hriatduh chhan pawh ka hre leh tawhlo! Khawvel hi ka awp beh hunah chuan kala hrechhuak leh mahna. Spain  atangin ka tan duh angem, nge France?"




"Mr. Linton?" A ti hmuk a. 




"Aw Sir!"




"I mi sawi chu khawiah chiah nge a kal i sawi lo."




"Ni maw? A va mak ve. Aaa.. Nia.."




"Aw?"




Ka ngaihtuahna nu bulh mai atanga an inhmuhna hriatchhuah tum chu a har phian mai...mahse ka hre chhuak! 




"Duck Road!" Ka ti hluai a. "Duck Road, number  97 ah a kal!"




"Mr. Linton, London  ah  hian Duck Road tih hming..hmun a awmlo."




"A awm chiang emai aw! Chhak lamah niin ka hria." Ka kutzungchal ka lek va a, kutzungchal sawmhnih pasarih vel ka neiin ka hria. "East India Duck Road! Tah chuan an kal. East India Duck Road, number 97 ah a kal!"




Min en vang vang a. "Mr. Linton, East India Dock Road i sawi tumna a ni em, Duck Road niloin?"




"Theih tho mai"




"Ni dawn tak!" Mr. Ambrose chuan a ti thut a, amah leh amah a inbia a ang mah zawk. "East India Dock Road! East India Company!"




"Duck a nih ka la ring zawk tho." Ka ti a, hria ang pawhin a awm lo. 




"Aw, East India Company, an shareholder lian ber chu Dalgliesh a ni bawk."




"Khawvel hneh tur chuan min pui tawh dawn em, Sir?"




Min rawn en a. "Mr. Linton?"




"Aw Sir! Ka awm e, Sir!"




"Zawhna ka nei."




"Han phuh chhuak leh ta che!"




"Mr.Linton,zu i in belh em ni?"




"Teuh lutuk. H--Hnathawh laiin ka in ngailo aw..." Ka irh uk a, ka hmui ka hup nghal vat. "Thawnthua sipaiho chuan in reng mahse tikhan an sawi thin."




"I in belh ngei a ni!"




"Engtin nge i hriat? In belh lo ka tihkha, sipai rinawm ka nih hi aw!"




A rawn pen hnai a. "Tinge zu i in belh a? Tilo turin thu ka pek che kha!"




Ka bu lauh lauh. "Aw, Sir! Mahse i thupek zawmloh hi nuam ka ti ve hrim hrim." Ka nui sang a. "Sipai chu ka nilo mai ang, thupek zawm ka thiam vak silo a...."




"Aw, i thiamlo."




"Ho lutuk! Khawvel ka la hneh dawn tho tho, min pui dawn ta em?"




"Aih.." Min puih chu a tumloh hmel teh e. A mak hle mai..... 




"Tuna ka tih duh chu Mr. Linton, East India Dock Road a kal a, va phin darh vek a ni. Mahse i dinhmun enin nghah deuh a ngai hmel. Kal ang."




Ka kiuah vuanin min kai sawn a, tui taka la lam vawkte eng ho chu ka mangtha mai a ngaih hmel. Hawi letin ka kut ka vai a. "Nih phawt u! In lam thiam lutuk ania!"




"Ngawi rawh." Mr. Ambrose chuan a ti hlar. 




Ka lu ka thing a. "Ka  duhlo."




Zu dawr chu chhuahsan tawhin kawtthlerah chuan kan kal a. Mahse kal chak har tak a ni, kawng chu a insawi nawk nawk nimaiin ka hria, kawng sira in dingte lah chu an che ang dul dul a. 




"I hria em?" In ho chu ka en a. "Hei  vang hi alawm khawvel hi ka ta ni tura ka duhna chhan. Awm hle hle turin thu ka pe anga, an che tawp thap mai tur a nia."




"Ni e ni e, Mr. Linton, kal tha rawh."




"Bakah, mipa leh hmeichhe dinhmun inthlau lutuk hi ka ti danglam vek anga, mi hnuaichhiah ching ho hi hmeichhe naupang pheikhawk hrui ka suihtir thin ang, ekin an tifai bawk ang."




"A that hmel hle mai, Mr. Linton, mahse tunah chuan kal chak deuh....."




Min hneh hle mai. Mr. Ambrose hian min pawmpui ania. Pahnih anga ka hmuh tlat avangin tu zawkin nge min thlawp ka hrelo, mahse tu zawk pawh ni se, pawi ka tilo. Khawvel kan awp dun anga, mahse thuneitu diktak chu hmeichhia zawk a ni tur a ni. 




"Min thlawp hi ka van lawm tak!" Tiin a kawngah ka kuah bet a. A awmdan danglam leh a pen dan inthlak chu ka hre thei. "Khawvela misuaksual turu buru, uikawm, thuduh leh nelawm loh ber ni mahla, a chang hi chuan...entirnan tun angah te hian, i duh chuan mifel tak i ni theiin ka hre thin."




"Ka...i ti lawmawm e. Mr.Linton" 




Kawng chu a rawn insawi leh avangin ka kuah nghet sauh a. "Aw, a nuam."







Mr. Ambrose chu pen sualin a tlu thelh a, kawng insawi vang hi a nih ka ring. 




"N--Ni maw?"




A rui ve emaw ni le? A dang a awk tein ka hria. 




"Aw, nuam...thluak nei i ang ve tawp! 




"Thluak nei a?"




"Aw , Sir!" Ka bu lauh lauh a, a mawlzia hrilhfiahna hun ka nei tur chu ka phur hle. "Ka sawi awmzia chu Miss Hamilton thil vel kha mawle. Engtin nge i chhaw em em theih? Mi i thlang dawn anih chuan tinge maw a ni ang mi pawnlang leh ninawm i thlan...."




"Ka hmeichhe thlan thiamloh chungchang chu i duhtawkin sawi rawh, Mr. Linton. Insum a ngailo." A ti a, a aw chu a dang riauin ka hria. 




"Lungngai suh, insum ka tumlo. Hmeichhe fing deuhhlek te i hmang theilo em ni? Nilo, nilo. Hmeichhe hmeltha i hmuh hmasak ber i rawn hruai tawp a nih kha. I duhtui lo hle mai. Minti thinur takzet."




"Thinur a, Mr. Linton? Timaw?"




Ka thiltum bulpui berah ka lut leh ta zawk a. 




"Heivang hi alawm khawvel hneh ka duh. Hetiang thil a thlen nawn tawhlo nan!"




"Balla nula ka kalpui vangin maw? Chuvang chuan maw khawvel hneh i tum?"




"Aw! Hmeichhe dinhmun hnuaihnung tih tawp nan mawle! Chuan chocolate leh beer leh vawk beng duh tawka kan in theih nan. Ka siamtha vek ang!"




"A nih chu. Tlem han pen leh hram la, sawlai lawkah sawn tawlailir a awm a." Min hnuk kal ni tawh berin ka hria. "Karim kan hmuh hunah khawvel hneh i tumdan chu i hrilh dawnnia."




"Min puih duh i ring em?"




"Pui duh ang."




"Napoleon leh Alexander the Great te chuan min pui duh ang mawle, zu dawr chhungah khan vawkte te nen an lamin ka hria."




"Lam e. An pui em em ang che, tawlailir hruaithleng tur che pawn min pui anga, khawvel awp bet turin kan chhuak dawn nia."




"Tha lutuk!"




"Aw, Mr. Linton, tha lutuk."




Tawlailir chu kan thleng tep a, Karim pawh fiahlo ruaiin ka hmu. 




"I hlawhtling em, Sahib?"




Mr. Ambrose'n min vawnna chu a hmer nghet deuh a. "Aih." Min rawn en leh zeuhin, "Mahse kan kal lehna tur kan hria."




"Min ngaidam la, Sahib, ka hrethiam lo...."




"Ka sawifiah peih lo...kan chhuak nghal ang!"




"Aw le, i thu ang zelin le Sahib."




Thupe taka a tawngchhuah thin dan hi zir ka la ngai ang, ka tihtum ngaihtuahin. Nakinah a tihdan zawt ila a that ka ring. 




Karim inhera tawlailir lam a pan tur  chu a ding chut a, ban pharin a rawn tawlhhnung nghal hrut hrut. 




Mr. Ambrose  pawh a din thut avangin ka bawh nawk nawk a, a kawr nghawng ka hmuan teuh phah. 







"Mpf? Mppphhh ftif?"




"Ngawi rawh!" Karim chuan mi tihkhum hlak. 




Thim tham atang chuan mipa rual hi a kualin an rawn chhuak a, an kuta chemte tle var var pawh ka hmu thei. 




"Eng nge kan neih hi..." An zinga pakhat chuan a ti a, "Kanlo zawng mek che u asin, pute u."




Chupa chu a rawn pen hma a, pahnih nge pathum pawh ka hrelo, ka hmu phe vek. A kuta chem ka hmuh chuan ka harh uar maiin ka hria. Vawkte lampui tura lokal chu an nilo phawt anga. Eng ti tura lokal nge an nih ang? 




Mr. Ambrose chu enin a nuih a. "Hm..I danglam vakna ka hmuh awm ka hrelo. Ni em naute u?"




La chiangkuanglo viau mahila, tawng mek chu an boss ve ber a ni tih ka hre mai. Chem an keng vek si a, vawkte lamthiamho talh tura lo kal an ni thei angem? Chutiang a nih chuan ka thaw tawp thlengin ka venghim ang! 




"I hmel tihlohah chuan luikawr atanga rawn vakchhuak i ang alawm le. Aaa, helai vela thuneitu lung i ti awi vaklo a ni awm a, tunge thuneitu diktak hriattir i ngai dawn a nih hmel."




Mr. Ambrose chuan chukchu ang lekin a hmuhniam tih a mitmeng atang a hriat. Ha! Vawkteho that tura anlo kal chu a lawm biklo a nih dawn hi. Ka hlim veng veng a, mipa vangin hetianga ka awm theih ka ring ngailo. Vawkte lamthiamho min chhanhim sak dawn tih ka chiang! 




"A ni maw?" A aw chu dan pangngaiin a vawt raih a, "Thuneitu ber ka hriattur pawh chu tunge a nih ka zawt thei che angem?"




"I tawng huai hle mai. Ka hmuh dan chuan a hming i hriat a ngaih loh hmel, i thi vat dawn tho si a."




Chupa chu nui lehin a rawn pen hnai lehzual a. Hlauthawng tur ka ni tih ka hria. Mahse vawkte lamthiam ho chu kan epa in bangah chuan an dinhmun hlauhawm zia hrelo lekin an rawn lang a nih chu. Chutianga dinhmun hlauhawm an ding chu ka enliam mai mai thei hauhlo. Ka thin a rim ta hlur a. Mipa thenkhat chem keng mai mai chu eng nge an nih vak, pawisawilo vawkte nunna derthawngin an awm mek alawm le! 







Chupa chu a rawn pen hnai zel a. 




"Karim?"




Mr. Ambrose tawng zawi lutuk chu ka hrephalo tep. 




"Aw, sahib?"




"Ka thupek ngaichang rawh."




"Aw, Sahib."




Mr. Ambrose chuan amah pan hnai mektu chu a melh ngur . 




"Anih...chu i mi sawi chuan ka landan nilo ka chungchang dang hrilh che a nei em? A tirhna che hi tu chiah nge a nih a sawichiang em?"




A pen tawp chut a. 




"Aih, tinge?" A aw chu rinhlehnain a khat. 




"Ah. Chuvang a nih dawn chu."




"Eng chu maw?"




"I hote i rawn hruai tlem em em chhan. Tlem lutuk." Tiin Mr. Ambrose chuan a kut pahnih chu chunglamah pharin a beng a, kawtthler reh takah chuan a khawk ring hle. "Tunah!"




Thim tham atang chuan mipa rual an rawn lang belh a, a awmsa aia tam daih. Napoleon leh Alexander the Great te an ni dawn emaw ka tia, mahse an rawn langchiang chu an ni hauhlo. A thenin chem an ken laiin thenkhatin chem nilo hmaraw dang an keng a. Pakhatin boruaka lek kanga a hmeh puah pawp chuan eng nge a nih ka hre chiah. 




Yay! Vawkte chhanchhuaktu tur anlo thleng e! 




A en pup rual chuan ka kat nawk a, kutin ka kawngah dawmin min kuai her a. Silai chu a rik chhunzawm nghal mawlh mawlh. 




"Tu..."




"Warren-a ho te." Mr. Ambrose chuan ka beng bul chetah ti hlakin, "Bengchheng suh!"




Mr. Ambrose  maw min kuaiher tu kha? Tunah hian min venghim tihna em ni? Mahse kei aia puihna leh venhimna mamawh an awm ang chu. Hawikualin vawkteho chu ka zawng a, anlo awm tawhlo. Fing hlawm reuh lutuk. 




"Warren-a hote a?" Thil awmzia hriatchian tumin ka zawt a. Vawkte te tanpuitu tur emaw an nih ka tia. "Mahse  i  tirbo sia..."




"Warren alawm ka tirh bo, a hote niloin. Inring rawh!"







Tawlailir lam pan chuan min hnuk kal titih a, vawkte ho zawngin ka hawikual ruai. Tanpuina nghakten anlo awm reng palh ang. 




"Eng nge maw i tih le? Kan kal angai ania!"




"Vawkte engte kha ka zawng a. Ilo hmu em?"




"Eng a?"




Kan hmaah chuan tuemaw a rawn lang thut a, vawkte te zing ami emaw tiin ka lo hlim hman viau. Mahse misual silai keng zawk a lo ni. Awi karei! 

..................................... 



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)