LITTLE ANGEL

Episode kal lai dah luhna

Moderator: writers

Areas aineh
Posts: 33
Joined: August 17th, 2021, 8:59 am

LITTLE ANGEL

Unread post by Areas aineh » October 14th, 2021, 9:41 pm

Sir Samu-a a awm loh a vang in a class ah kan off a,off period te hi tamtak hian an thlahlel in nuam an ti viau a,nuam tihna leh thlakhlelh chhan emem tur pawh ka nei ve lo.College kan thlen hlim a tangin Henry-a chu ka zawng ru ngatngat a,a hmel hmuh tur rengreng a awm lo,a tlan chhuah hnu deuh lawk khan kan tlan ve nghal a,a bike thawm tak ngial pawh kan hre hman lo.College thleng lo in khawikhawi ah emaw a vakkuak leh maimai anih ka ring ta rumrum.


Zing lam boruak a vang khan ka rilru a nuam thei hauh lo.Raymon-a han dem ngawt dawn ila,a mah a tak pawh a in thiam loh hmel in nuam a ti bik chiah lo ani tih a hmel ah a hriat theih a.Kan inphurh chhung zawng biak pawh kan in be lo.College kan thlen hnu ah pawh a thian te ho bul ah a kal ve nghal mai a.


Henry-a ka hmuh ve mial in beisei in ka melh kual pah deuh reng a,College Campus tho ni si hmun fianrial deuh a mah nen a kan thut na thin ah chuan keimahin ka thu reng a.Ka tih tur hre lo chuan ka phone thlalak ho ka en kual vel maimai a, Faith-i te nen a farmhouse kan kal tum a kan thlalak ka hmu chiah chu ka rilru ah A mah Faith-i a rawn lang nghal a.Tunah te hian engtak ti ve reuh ang maw.Ka ngai reuh vengveng mai.Hun rei lo te chiah la in hre mah ila keichuan ka fanu ah ka ngai hmiah tawh.


Thisen inzawm na nei lo mah ila kan thinlung inzawm na hian nufa taktak te ai a in nufa zawk ah min siam a,ngai in inthlahlel tawn viau mah ila kan in hmuh ve reng a rem si lo.



Chutia ka rilru ka kawm melh melh lai chuan ka aw hriat tawh hnu nisi a mah tunge a nih ka hriat theih mai siloh hmeichhe aw tliang tak hian ka hnung lam a tangin ka hming a
rawn lam sap.Ka va hawiphei chuan Miss Nunpuii in nuisang chung hian min rawn pan a.Ka awm dan ka lo siam rem ve vat,a mizia hi ngainat awm deuh tawng duh deuh si mahse zahawm ru leh deuh hi a ni reuh a.A bul a ka awm hi chuan ka zam titih der zel.Sir Samu-a nen a kan inkar min hriat puitu anih vang te pawh a ni mahma le.


"Tinge nangmah te hian i awm chawtchawt zel a,thian te i kawm ve ngai lo mi?" Ka bulah chuan a rawn thuthla ve nghal a.

"A nuam ka ti zawk a"

"I danglam reuh ngawt mai"

Chhan mai dan tur pawh hre lo chuan ka nuih liam ve ta ringawt a.

"I lung a leng tawh em?" A mah zawk chu a tawng zawm leh a.

"Leng lo e"

"A zin san daih che sia,ani pawn a ngai ngawt ang che"

"Min ngaih ve pawh ka ring lo e a,a buai dawn sia" a hmelah tak pawh ka en tha ngam lo.Kan professor anih na hrimhrim hi keichuan ka zah emem zawk ani.


"A teuh lo,a ngaih thin zia che hi hria la e i intithei zawk ngawt ang" a nui pah arar a.

"Zorin Samu-a hi i duh ve taktak em?" Thu tak deuh zawk chuan min zawt leh nghal a.

"Tinge min zawh a miss"

"Tikhawp a atchilh tu che hi i duh ve taktak lo anih chuan ka khawngaih dawn e mai"

"Ti zahthlak e miss"

"Ka fiamthu miah lo,Nangpawn i hre vek anga, Faith-i nu boral hnu khan ka unaupa hian a nun zawngzawng a hlauh vek a,a mah hi kan chan ta emaw kan ti hman hial a sin hlim hmel tak a nui hi hmuh tur a awm ngai lo hmeichhia hi a melh in a melh duh lo tawp ani mai,nang a nun ah i rawn lang a,a nun inthlak danglam zia te hi,,,a chhungril a hlimna rawn lang ve ta te hi i hre thiam ve kher lo ang"


"Mahse,ka hlauthawng ani Miss keichu ti mai hi ka nia,Zorini ai kha ka awh zo ve ngai pawn ka ring lo" ka rilru taktak ani.


"I awh zo lutuk zawk hi ka sawithiam lo.Tun ang a a hlim hmel hi Zorini nen a an in neih chhung zawng pawh khan a la pu ngai hauh lo zawk a sin"

"Mahse Miss ani nen hi chuan kan gap hi a zau em a sin" heihi ka rilru hrehawmna leh hlauhawnna ber zawk chu ani.


Miss rawn tawng leh tur a ka a au zuai hman tih ah chuan kan piah a thawm rawn ri hluk a vang chuan kan hawi phei rual nghal zawk a.Tu te emaw in ti buai an lo awm ni ngei tur ani,mi an lo awmkhawm deuh laih a.Thawm kan hriat ruak deuhthaw chuan kan tlan phei ve nghal zat bawk.


An lo awmkhawm na hmun kan va thlenphei chuan mi pakhat palian tak mai hian tu maw ni mi pakhat a hma a ding chu thinrim hmel lutuk hian a hnek thal tawp a,ka tre nghal that,lei a mu zawi ngiai chu a hnek zui leh nghal sawksawk a,mipa insual ka la hmuh ngai loh a vangin mi rap hle a,tute nge an nih ka hre thei bawk silo.Miss nunpuii chu hmanhmawh deuh hian mi kar ah chuan a lut a,,,

"Tawp nghal vat rawh u,in tawp nghal lo a nih chuan in tan a pawi viau ang" a tih vinthawt rual chuan lei a mu hnek leh tum a a kut a lek kang zawk chu chu pa chuan a dahthla riairiai a, Miss aw chu a ring tha lenglawng bawk a.Boruak chu a reh zui nghal duk.


"In pahnih khan min rawn zui nghal bawk rawh u tunah" Office lam chu a pan nghal nalnal a.


Lei a mu zawi hniang chung a thu run pa pawh chu a rawn tho chhuak ve nghal a,mi an tam a vangin a taksa chu chiang tak pawn ka hmu thei lo.Kan awmna lam hawi a a rawn in her chiah chu ka kâ ka hup nghal chawih.Tudang ni lo in Henry-a chu kam sir vel thi hnuang hian a rawn pen phei hlawkhlawk a,mi kan tam a vangin min hmu ang pawn a awm lo.Ka rilru a hrehawm takzet.


Henry-a hi misual a ni lo a,mi in tihbuaipui a neih pawh ka hre ngai hauh lo.Amah hi mipa zaidam leh midangte care thiam tak,tumah ve bechhe hmasa chi a ni lo bawk.Heti tak a a thinrim chhan hi eng thil nge ni ta ang le.A mah um zui ve nghal tumin ka in her vut a, principal office lam a pan a vangin zui chi ah ka ngai leh ta lo.


Chutia Henry-a ringawt ka lo ngaihtuah lai chuan ka hnunglam chu ka hawi zawk a,ka mi hmuh chuan min thawng takzet.Raymon-a chu hmai thi hnuang hian a lo dingchhuak ve a,ka hmel a hmuh rual chuan a khisuk a,a mitmeng chu chhiar sak theih ni miah lo hian nidang ai in a danglam emem bawk,awmkhawmuang lovin office lam a pan zui ve mai bawk a.


Raymon-a ka hmuh rual khan ka rilru ah thil pakhat a rawn awm nghal.An ni pahnih hi keimah a vang a insual an ni thei mai angem?Zing lam boruak vang a he thil hi thleng ani a ngem? Ka rilru chu a buai,mahni inthiam lohna lian tak ka nei bawk.
Ka dinna ngai ah chuan ka ding tlawktlawk a,keimah vang a hetiang thilthleng hi ani tih Raymon-a hmelah khan chiang takin ka hre bawk,mahse tukin boruak maimai kha chu heti tak a bawraw a chet nan chuan a tlakin ka hre bawk si lo.


English class ah pawh chuan an rawn lang lo veve a, zirlai pawh rilru ah a awm thei meuh lo chu ani.Engpawh nise Henry-a hmuh hmasak phawt ka ngai a ni.Class kan lak zawh chuan ka call ngatngat a,a swich off hmak mai bawk si.



A awmna tur awm ang a ka rin ah chuan ka en kim vek tawh ka beidawng tawh takzet.A bike a la awm leh awm loh hre tur in pawn lam ah chuan ka tlan chhuak nghal vat a, Henry-a bike lo la ding va ka hmuh rual chuan ka lawm takzet.Ka nui suk a,mahse khawi ah nge a awm tak ang le?A mah Raymon-a pawg ka hmu leh tawh miah lo,in hliam na zawk leh kut tuar hnem zawk ani na chung ka rilru ah chuan ka thianpa Henry-a bak a awm thei lo.


A mah hlir ka ngaihtuah na lamah class tan a hun tawh tih reng ka hre lo,ka sana ka han en chuan minute sawmhnih laiin ka lo tlai tawh a,luh loh lawlaw chu ka tum bawk.A tawp a ka beidawng chuan library ka pan leh ta ngenge a,class lak lai anih a vangin a lo reh ang reng hle a.Ka rilru ipik ber lai pawh hian helai hmun a ka kal tawh hi chuan ka hahdam sawngsawng zel.A hmun rehruih dai ruih bawk si te hian thinlung tawt lutuk te hi a tireh hawk thin.


Zawi deuhin chair ah ka thu ta hnawk a,ka hma a desk chu thatchhe lutuk hian ka bawh zui nghal chat bawk.Nizan lam ka mut tlem a vang in ka muitthilh a chhuak takzet bawk.Tumah an awm lo bawk a,venthawn nei hauh lovin ka ham baibai a.


"Khatin ham baibai zel suh Pitar" rawn ti sup tu lam chu ka hawiphei nghal a,min ti phu chiang hle.Tudang ni lo in, Henry-a chu lehkhabu inrem ngheng chung chuan thatchhe zet hian chhuat ah a lo thu hnuang a,ka luh hlim khan ka hawi emem lo hrimhrim a,engtia rei nge a lo awm tawg pawh ka hre lo.Nichin a a hliam angang khan a hmui bul a kamsir vel te chu a lo la thi deuh hnuang bwk.




"Nang hi ka zawn nasat zia che i hria em"

"Hre lo"

"Min ti mangan hman lutuk,tinge khatiang khan i khawsak rengreng enge ani nen khan buaina in neih?" Ka sawi zawh rual chuan a kiai nghal suk a.Ka lam chu a rawn pan zui truamtruam bawk.Desk aah chuan min hmachhawn zawngin a thu zui nghal a,ka dar rawntawn ah chuan a kut rawn nghatin ngunthluk lutuk hian min en chhuk run a,a chetdan teh thut chu mak ka ti hle,a mitmeng te chu ka chhiar thiam theih phak bak ani.Enge a ngaihtuah a,enge a rilru ah awm tih pawh eng mah ka hre thei lo.


"Zorin in chhir in min sian hauh suh" a ti zawi sup a,tawng ring lo mahse min rawn hnaih chikh em a vangin a fiah emem tho.

"I sawi awmzia ka hre lo"

"I hlimna tur leh i tan a tha tur zawk ni a ka rin a vang a,ka kal tir che kha min in chhir tir hauh suh ka ti che anih chu" a thusawi chu a awmzia ka hre lo tulhtulh.

"Hen,ka hriatthiam theih turin sawi rawh"

" Shhs Theihnghilh rawh,i damchhung a i hriatthiam ve loh tur thil anih chu"

"Sawi la ka hrethiam mai dawn lawm"

"I hriat ka duh miau lo ani"

"I sual hle mai" ti pahin a ban puam lai ah ka chum taih a.

"Chuan kha mihring phiangsen kha vawikhat mah hmu tawh suh,i tan mi tha ani lo a nia"

"Tu?" A misawi chu hre tho mah ila han runluih kual vel hi a nuam laklawh tlat thin.

"Kha ZawngRaymon-a kha mawle hnaih tawh hauh suh i tan mi hlauhawm anih kha hre rawh"

"Timaw mi hlauhawm a nih,a man ka thian nih a duhthu a sawi a,min kawm duh tutu nanana lo hnar thu a awm hleinem"


"A thian angin a en hauh lo che a en ngai bawk lo ang che Zorin" a thusawi chu ka bo tulhtulh, Raymon-a nen hian enge maw tak in huat na emaw in tih thiam lohna an lo nei tawh te pawh anih ka ring rumrum.Keichuan rei lo te chauh la hre mahila a mah hi misual anih ka ring hauh lo.Bakah a mah Raymon-a hrimhrim hian a der mai ni lo in min ngaina ve taktak tih ka chiang viau bawk.


"Hen,zinglam in boruak vang kha em ni tia i thinrim vak Raymon-a chungah,misual chu ani lo a sin"

"I luhlul ve ngilngel reuh mange,ka thusawi hi i awih lo anih chuan i tan a la pawi thui hle ang aw" a aw a tang chuan a lawm tehchiam lo tih pawh ka hria.


" Ka awih lo pawh ka tih loh kha,chuan zing a vang khan ka tihpalh lutuk aw,a rawn kal dawn tih ka lo hre lawk miah lo a,i rawn tlanna a thui ropui sia ka inthiam lo takzet min ngaihdam theih hram chuan please" ti pahin ka kut chu ka suih mawlhmawlh a.A hmel aj erawh eng danglamna mah ka hmu lo.


"Kha a chiang mai lo ami,i nun a a rawn lan rualin keipawn ka chang lo nghal phat che chu a nia,tuna i thian chhar thar tak vang maiin kei i thian neihchhun a ka lo ngaih ve hi i theihnghilh hmak thei ania"


"Tiang khan ngai lo hram la please nang chu i fel kha,nangte chu ka thian tha ber ka unaupa ang mai a ka en,engkim ka hrikh ngam khawp a ka pawh i nia,ani kha chu thik duh suh bro"


"Kei aiin i hnaih tawh zawk miau a" a rawn thawchhuak lum hamham a.


"Ka hnaih lo bawk nangchu thil i la kawi thei e,ninawm" ka ner nungnung a,chu chu remchang ah la in a kut phah hlaihlup chuan nazet hian ka biang chu a piai sawk a,ka tre nghak that bawk.

"Hen diktakin, Raymon-a a nen a in insual chhan kha keimah hi ni em"


"I ring em?" Zawhna zawh a zawh na vek a min chhan let leh hi a ching viau zel lehnghal.

"Anyway bialpa nei lai i ni tih hi theihnghilh ngai suh, Raymon-a vang emaw tu vang pawh nise number one ah chuan nang Pitar a kar a hmangaih emem tu che hi i dah tur ani i hrethiam em" a thusawi chu kan in hriat hnu a chhakchhuah fuh ve ber ani hial in ka ring.Mahse han chhaih kual vel hi ka chak deuh tlat thin.



"Hmpp tu in maw kei i pitartei hi lo hmangaih ve a,ka va hre ve lo ve Bahadur" Bahadur tih hian ka ko zeuhzeuh thin a, a duh lo thei hle.Thinrim duh chiah si lo,lungawi chiah si lo hian a awm leh ngenge thin.


"Uang viau lo maiteh" ti pahin ka chalah a pen fawk a,ka ner khum sak a,na tih hmel deuh hian ka chal chu ka tuai vutvut a,engah vak a ngai leh ta chuang lo a.


"Ka uang lo a mak,min hmangaih tu an awm ve taktk ami sawi la"

"I pathlawi-a khan mawle Zorinsang nangma Sir bik emem mai khan mawle hmangaih che chuvang chuan a rilru tih na suh ka ti che"


"Ka ti na phal teuh lo mai ah", ti pahin lei ka chhuah khum zawk a,a lak ah hi chuan kan inkar engkim hi ka hrilg hreh hauh lo.


" I hmui hi damdawi hnawi ila" ti pahin a kamsir kak lau vek chu ka deh sak nene a.

"A tul lo,i hnawih ka mamawh hauh lo ka bialnu in a hnawih ve thei" A in la bialnu nei ta vel lutuk chuan ka nuih a ti za ang reng,mahse a hma ah chuan thinrim hmel deuh hian ka tum hmuk a.


"Hmp lerha leh,i duh te chuan va in hnawih tir nghal rawh leplerh ropui si" ti pahin ka tho chhuak tharh a.


"Khawnge i kal dawn"

"Class ah,i lut dawn lo mi"

"No ka peih lo ka haw dawn"

"Enteh Bro, attendance hi ngaipawimawh ve deuh teh i exam thei lo mai tur a sin"

"Thei e a, don't worry bro" ti pahin ka dar ah a beng thekthek a,mi a chhuahsan zui nghal thurh bawk.Nichin khan principal in engtin nge an chung thu a rel tih vel engmah zawhna chang ka lo hre lo a,engtin tak ti ang maw.Hremna enge maw tak chu a pek ngei ka ring.




Ka pa damdawi thawn tur lei kawi lawk a ngaih a vangin, Chanmari kawn a bus a din rual chuan ka chhukthla ve tharh a,,hmanni a rawn in entir khan doctor khan a pumpui ulcer nasat tawh deuh vang a pum lam in sawisel thin anih thu a sawi a,damdawi ei ve reng hi a ngai thin.Khilam sum thawhchhuah na a van deuh a vangin keipawh min rawn thawn tur an nei zenzen ngai lo a.


Ka pawisa kawlsa tlem te,ka pa-i. A chhoh dawn a min pek tchuan a pa damdawi tur pawh ka lei ve a,pawisa nei miah lo a ka awm chang lah a tam.Hrehawm ti lo chu ka ni bik hauh lo,mahse a tihngaihna tak a la awm miau loh a vangin ka palzam ve mai thei thin bawk.Mahse ka nu leh pa an hrisel lo sawt emem mai bawk si.


Damdawitha an taksa ti chak thei tur a ka rin angang chu ka neihchhun pawhin ka lei maithin.An hrisel that na tur anih phawt chuan kei helai ah lo hrehawm deuh mah ila pawi tihna ka nei lo.


Ka zirlaipui dangte ang hian hun awl nei ve ngat ila chuan class ban vel ah te pawh in hlawhna tur engeng emaw kan thawh phak tawk tete tur a tam vei thin nen.Ka dinhmun en hian class ban a inhlawh leh chu thil tih theih loh tawp ani miau si.
.

Damdawi dawr a tang a ka chhuak chiah chu ka hnunglam a tangin tu emaw hian aw ring tha lenglawng hian "Anu" a rawn ti vak a,ka hawi let rual chuan Faith-i lo nui sensen hmel hi ka hmu a,ka thawchhuak hawk,ka nuih let ve sensen a a mah te hian a lo ding reng a dawr chhunglamah mi tu emaw a mah kalpuite a nghak ni ngei tur ani.


Ka lam pan chuan chak lutuk hian a rawn tlan phei tartar a.

"Anu" rawn ti phei pahin mi a rawn kuah chial a.

"Bawihte i damtha em,kan va in hmu khat ve tiraw" a sam kir bam chu ka chul sak hliauhliau a.


"Eimah tu a dam ta a,Anu nangmah zawk kha i dam tha em chuan ka nai thei latak che a" a tawngfiah vak lo chu ngainawm ti deuh hian ka ngaithla kar a.


"Keideuh hian a sin ngai che" ka tih zawh rual deuhthaw chuan nu pakhat hian Faith-i chu a rawn au deuh tuar a, Faith-i chuan a pan phei ve mai dawn emaw ka tih laiin a hma aiin min kuah nghet sauh a.

"Bawihte lo au tu che saw tunge ni a" a beng bulah chuan ka phun ru sup a.

"Api anih saw,anu api bulah ka haw duh lo i bulah ka awm duh" a men pur a.Ka lainat angreng hle.Mahse ka piah mai a awm zawk sawn ani min ti zam emem chu.Tu dang nilovin Faith-i pi,Sir Samu-a nu ngei ka hmachhawn a ngai dawn ta chu a nia.


Kan awmna lam chu a rawn pan phei hlawkhlawk a,a hmel ah chuan min lawm lo ani tih mi â ber pawn a hrethiam ngei ang.A mah a nulianin a aw a ring tha bawk a a zahawm ru sa eemem bawk Ralkhat a tang a en mai pawhin mi hausa nu tih a hriat ngawingawih.


"Faith hawn a hun tawh e lo kal rawh le haw ang le" kan Bul a rawn thlen rual chuan Faith-i chu a be nghal sup a,a melh pawh min melh eih lo.


"Faith-i chuan a lu thing pahin ka mal ah a hmai a rawn phum tlat a,ka venhim theih ring ni awm ang hrim nghet emem hian mi a kuah chial bawk.

"Lo kal rawh le a tlai dawn" api chuan a kut a kai thutin kalpui a tum chu ka taksa ah nghet lutukin a lo in chelhbet ve tangtang reuh a.Ka va han lainat tak em,ka lainat lutuk hi awmngaihna pawh ka hre lo.Api ka zah emem bawk si.


"Anu bulah ka awm duh" a thusawi zawh rual chuan api chu inthlahrung deuhin ka en a,a hmel a lungawi lohna leh thinrimna rawn lang chu haitheih rual ani lo.

"I nu ani lo,Faith i nu ani lo tih vawi engzat nge ka hrilh tawh che rawn kal vat rawh" ti pahin a rawn phih sawk a,rang lutuk hian a pawm bet nghal zat bawk.Hmanhmawh lutuk in api chuan a kalpui nghal hlawphlawp bawk.


"Anu anu anu,i bulah min hruai ve rawh Anu Anu min lo hruai rawh" tap chung a ka lam lo melh tawktawk tu hmeichhe naupang chu mittui tla chungin tih theih nei hauh si lovin ka thlir tlawktlawk a.


Khati kha chuan Sir Samu-a chhungten ka lak a an rilru puthmang chu ka hre chiang ve tawh chuan ka hria.Tlawm ka in ti ngawih2 mai.Ka chhungril na vengveng te chu tuman min hriatthiam ve hian ka ring lo.Heng thil hi a mah Sir Samu-a hian hre ve se,a nu-in min duh loh zia te hi hre ve sia min beidawn san mai duh angem?Nge ni a engkim hi a tir a tangkhan a hre sa vek tawh zawk.


Ads i la click ve miah lo, a hnuaia milem khu lo click ve zeuh la, chu zawng chu a ni mai ads click kan tih chu, a bak engmah a ngai lo a nia



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)