SAVE YOUR TEARS~ Chapter-22(Last)

Episode kal lai dah luhna

Moderator: writers

Muani_21
Posts: 23
Joined: June 5th, 2021, 10:54 am

SAVE YOUR TEARS~ Chapter-22(Last)

Unread post by Muani_21 » October 14th, 2021, 10:33 pm

Save Your Tears

Last Chapter


Chapter-22

By; Muani

Ka ennawn lo, ka awmna hmun hi story type-na hmun hlawl lo a ni e. Min ngaidam mawlh mawlh ru aw.

.
.

Oliviai thusawi vang nge ka harh kawkin ka hria. Lawngah khan kan la awm reng khan ka hre si a,engtin nge California-ah chuan kan awm daih theih? ani hian min fiam mai mai anih ka ring. Mahse ka awmna hi Lawng chhung a ni in ka hre bawk si lo.


" Olivia, Lawng kha engtin nge a awm?" ka thut dan siam rem pah chuan ka ti sap. Ka hriat hnuhnun ber kha chuan a insawi nasa hle a nih kha.


" A tha, a lo in balance tawk lo a ni awm e. Kha tui hi tlem in rawh" tui min rawn pek pah chuan ati a. Ka lo ban ve mai bawk. Tui chu ka in deuh khawlh khawlh ka dang a lo ro viau a ni mahna.


" Anih naupang kha engtin nge a awm?" ka ngawih deuh vang vang hnu chuan ka ti leh vat.


" Atha, midang ngaihtuah thei i nih rih loh hi Des, kha naupang vang khan i nunna i chan thelh tih hre ta che. Tunah ni thum dawn hnuah i rawn harhchhuak chauh a, kha naupang bawk kha i ngaihven leh a" Oliviai'n lungawiloh hmel fahrana min melh run chung chuan a ti hlak. Enge a sawi awmzia hi kei hi nikhawhreloin ni eng zat maw ka awm a?


" Olivia, hetah hian ni thum kan awm tawh i tihna em ni?" ka lo tih chuan thaw deuh hawkin ka bulah chuan a rawn thu thla deuh hnawk.


" Aw, i lu kha i sawhna kha a lo serious viau aniang. Doctor te pawn i harh mai dawn emaw an ti a, mahse i harh ta mai si lo a, Austina mangan zia kha i hmu lo mai mai anih kha. Emergency rooma a hmu ve lo che mah a mangan tawh nak alai a, kha lai hmuna i tlu tur a rawn hmu che phei kha chu a phili vek alawm" min rawn en deuh vang vanga atih chuan ka lo ngawi kar ringawt. Ka hriat ve danah chuan ka tlu kha reilote hnuah ka harh leh nghal maiah ka lo inngai kha ania.



" Chu nang chu i mangang ve lo a ni maw?" ka lo tih zauh chuan min rawn melh deuh hrawk.


" Ka sawi peih lo, kha naupang kha ka lainat bawk si, a nu leh pa ka ngei bawk si. Austina'n a hau hrep pawh kha ka dem hran lo e a" a rawn tih chuan ka nui lai ka tawp chawt.

" Tu maw Austina chuan a hauh a?" ka lo tih chuan Olivia-i chuan, " kha naupang nu leh pa kha mawle, naupang kalsan mai mai lo tur leh a bialnu a chan tep thuin a hau nek mai" pawi tih loh hmel loh fahran chuan a lo ti hlak anih chu Ava han buaithlak tak. A nu leh pa thiam loh pawh a ni hlei nem, khatiang kha a thleng dawn tih hre lawk nise an fapa kha amahin kha balcony-ah khan an infiam tir bik nang maw le a.


" Naupang chu a tha tawh tak tak em ?" ka lo tih chuan a lu a bu liam ringawt. Naupang dinhmun a ngaihtuah loh vang ni lo in, keimah min chan a hlau lutuk thinrim vel mai mai in, a ngai pawimawh vak lo tih ka hrethiam mahse a nu leh apa kha dem lo se tih chu ka duh dan a ni.


Eng mah sawi tawh lem lo chuan ka mutnaah chuan ka mu thla leh riai riai. Ka nu leh pa te pawh ka chanchin ka hrilh lo mai ang. Kha tiang kha a thleng tih an hriat chuan an mang a ang ve dawn tih ka hria, chutiang bawkin Ruthii pawh. Chuvang chuan he thil thleng hi chu tu mahin hre ve lo se a tha zawk ang. Nakinah sawichhuah hunte chu a la awm ve mahna, mahse tunah ni lo.Ka ti chiai mai mai hlawm dawn tlat a tin ni. Eng mah ka chungah a thleng lo hi a lawmawmah ngai ila a ni mai.


" Des, Austina tihder ang hmiang, i harh tih hi ka hrilh dawn lo a, a lo haw hunah chuan i room-ah hian a rawn lut leh hmasa ber dawn tih ka hria. Chutah chuan i lo muhil der tlat anga, nikhawhrelo ang khan i lo awm tlat anga. I bulah hian eng emaw sawiin a phun sup sup zela, enge a sawi ka hre chak tlat. I lo ngaithla ru anga, chuan a chhuah dawnah i rawn harh anga, mak ati hmel turte pawh ka hmu chak alawm" ka mit ka chhing diar diar tihah Olivia-i chuan phur hmel zet hian a rawn ti siam siam. A hmelah a phur tihlah hai rual a ni lo. Engthil tak chu a hria ni maw?


" Enge maw i sawi le? naupang chhia emai a, ka muhil der thiam lo hrim hrim" ka lo tih chuan a ner deuh nawk.


" maimit chhin kha ni mai lawm, a hrim hrimah i rawn harh tawh bawk a, kan in lamah ka let tawh ang, kha thil thleng hrep vang khan ka chhungten ka hnaah let an phal tawh bawk si lo" a ti deuh nui nui.


" Kha tiang reng renga ka hlauh kha ka la hre lo, khalai hmunah khan ka tih loh reng ka ring tawh lo" ka lo ti ve sap. Ka mitthla zawng ringawt pawhin ka la hlau thei nia maw le.
.
.

" Sweetheart, lo harh tawh la, i mit meng pawisawi lo zet kha ka hmu leh chak tawh ania" ka kut vuan chunga phun sup sup ri chu ka ngaithla ran. Olivia-i duhdan angin Austina chu fiam ka remti ta kha ania. Engtin tak ngai ang maw?
A kut lum thur thurin ka kut chu a hum lum vung vunga, min en pah a ni mahna, ka hmaite chu an za mar mar mai. Ka hlauh ber chu ka nui chhuak ang tih ber a ni ka hlauh ni. Mahse ka la insum ve zel chu ania hei, ka la insum ve nachhan pawh Oliviai'n Austina'n eng emaw a sawi thin a tih kha ka hriat ve chak vang a ni pakhat.


" Lo harh vat vat la, min nei rawh aw. Min neih duh loh pawhin hetah hian ka khung reng mai ang che. Khawiah mah min kalsan suh aw" tih leh sup pah chuan ka kut chu a hmui chuan a fawp deuh vang vang. Ka lo tang deuh tung thung. A chhan pawh a thu rawn sawi vang kha a ni. Kha thu kha em ni Oliviai'n a lo hriat chak em em thin chu ni ang? nge thil dang a la awm zawk?He pa hian min neih a duh amaw? ka beisei loh lam daih a ni. Chutiang lam ka lo la ngaihtuah ngai hauh lo mai!


" Ka va inthlak phawt ange aw, ka rawn kal leh ang. Ka hmangaih che" ka hmuia rawn fawh zauh paha a rawn ti leh chiah chu ka insum thei tawh lo. Ka meng chhuak hlawl. Ani hian tunah khan min hmangaih tih a sawi em? nge ni a, ka beng chheri mai mai zawk?


" Austin" zawi tham chhalha ka tih chuan a kal lai chu ding chawtin a rawn leh hawi vut. Min hmu chiah chu a hamhaih ve a ni mahna, ngawi reng chuan min en deuh vang vang ringawt. Ka lo nuih sak thung.


" Hey, thlarau ka ni lo ania" nuih var var pah chuan ka ti sap. Khum atang chuan thawh tumin ka insiam rem nghal zat bawk.


" Sweetheart, i lo harh tawh amaw?" ka bula rawn kal phei pah chuan a ti sup. A aw atang chuan ka harh chu a awih hmel chiah loh in ka hria.


" A awmzia chu ka thusawi kha i hre vek tihna em ni?" ka lu ka lo buk nghat chuan a rawn ti leh sup. Ka bulah chuan rawn thu thlain ka mitah tak chuan min en deuh ran bawk.


" Dik tak chuan aw" inthlahrun hmel zeta ka lo tih chuan a rawn thaw deuh hawk. Chutah a awmah min kuah bet nghal thlawp.


" Lalpa! ka manganzia kha i hre thiam phak lo ang. Nang hi khami ni khan chan ngat che ila chuan kha naupang nu leh pa kha ka that duh hial ang mawle" nghet zeta min kuah chung chuan a ti deuh hrawk. Ka lo ip chawih thung.Kha thil thlen chhan kha ani hian naupang nu leh pa thiamlohah khan a ngai tihna em ni?


" Austin, an thiam loh a ni hlei nem, i hria em? khami ni khan ka duh anih chuan kha naupang kha ka kalsan thei alawm, mahse ka ti lo, ka duhthlanna ngeiin a ni kha naupang chhan tur khan ka let leh ni. A nu leh pa thiam loh pawh a ni chuang lo, khatiang thil kha a thleng dawn tih an hre bik hlei nem. Khalai hmunah khan lo thi ta pawh ni ila lawm takin ka thi ngei ang. A chhan chu kha naupang nunna kha ka chhanhim tal a " a awma ka hmai phum kak chung chuan ka lo sap. Austina erawh ngaihdan nih loh hmel zetin a lo rum hawk thung.


" Anih kei hi engtin nge awm se min tih? Sweetheart, khalai hmunah khan lo thi ta la, kei hi engtin nge ka awm ang tih i ngaihtuah ve miah lo em ni?" min kuahna tih ngheh sauh pah chuan ati deuh hrawk. A aw chu a rit deuh churh mai in ka hria.


" Austin "

" Sweetheart, ka chan mai ang che tih ka hlauhzia hi i hre thiam phak ngai lo ang. Ka hmangaih che tih i hria tiraw, kha tiang anga hlauthawng khan ka awm duh tawh lo" ka sawitur ka sawi hma hma chuan min lo tih khalh vat. Ani hian min hmangaih thu a sawi leh tawh, nichina a sawi kha ka hresual emaw ka ti kha ania, ka lo hresual miah lo tihna em ni? tunah khan min hmangaih tih a sawi leh anih kha. Min kuahna atang chuan tal chhuakin a mitah tak chuan ka en deuh vang vang. A thusawi chu ati tak tak em tih hriat ka tum a ni ber ang chu. A hmelah chuan tider hmel reng reng a lang hauh si lo.


" Austin, i thusawi kha ka hresual mai mai a ni tiraw? nang hian min duhthu tak ngial pawh i sawi ngai hauh si lo a?" ringhlel deuh taka ka tih chuan a ngawi reng.


" Ka hria alawm Sweetheart, ka mawl ngawt mai tiraw?" a lu tuai deuh puat pah chuan ati sup. A thutna atang chuan ding chhuakin chhuat laiah chuan a vei tawn chhen bawk.


" Vawi tam hrilh che ka tum thin a lawm, mahse ka chapona vangin ka thulh leh thin thung. Khami ni pawh khan hrilh che ka tum alawm, mahse, khatiang thil kha a thleng ta si a, ka hmu mai si lo che ka mangang zia kha aw! Lawng insawi a reh deuh hnua rawn zawn ka tum che khan i tlu tur kha ka rawn hmu che anih kha. I chal atanga thi rawn chhuak ka hmu leh chiah phei kha chu ka chiai a ni ber. Tih tur ber pawh ka hre lo, midangte lah kha an buai nuaih nuaih mai bawk si, kha naupang pawh kha ka ngaihtuah thei hlawl lo a ni" khuma rawn thut thlak leh pah chuan a ti sup. A kut pahnih chuan ka hmaiah rawn dawmin min en deuh vang vang phawt a. Chutah rawn tawng chhunzawm leh in," khatah chiah khan nang hi ka lo hmangaih lutuk che tih ka hrechhuak bawk a. Ahma pawh khan ka hmangaih che tih ka hre ngei mai, mahse, kha tiang dinhmuna i ding ka hmuh chiah che khan ka hmangaih satliah che ni loin nang hi, ka damchhunga ka hmeichhe hmangaih awm chhun tur i ni tih ka hria a ni. Sweetheart, min nei ta che" ril ruiha a rawn tih chuan chhan mai ngaihna ka hriat loh vangin ka lo ngawi reng thung. Engtin nge ka tih ang. Austina hi ka hmangaih ngei mai, mahse inneih chungchang reng reng ka lo ngaihtuah ngai lo. Chhan mai dan tur ka hre tlat lo a ni. Chhang ta ila, ka nu leh pa in engtin nge an ngaih ang? Ka thuthlukna hi an lo pawm lo mai thei. Lo pawm lo ta se, engtin nge ka tih ang? ka hmangaih ber hi ka chhungte phal lo chung chuan ka nei lui dawn tho nge, an thu zawmin ka hmangaih hi ka kalsan zawk dawn ? lo nei lui ta ila ka tluang kher angem? ka rilru chu a insual buaih nuaih mai. Austina lah chuan ka chhanna nghakin min en reng bawk si. Chutah thaw deuh halh chung chuan ka biang a vawnna kut chu ka vawn hnana ka hum deuh vang vang.


" Austin" zawi sap chuan ka ti sap.


" Sawi rawh Sweetheart" a kutzungpuia ka biang tuai hauh hauh pah chuan a lo ti thuai.


" A pawi ka ti, chhanna pek mai tur che ka hre tlat lo atin ni" inthlahrung deuh taka ka tih chuan mak tih hmel fe hian min en deuh vang vang.


" Enge i sawi awmzia chu. Nang hian min hmangaih ve lo i tihna em ni? min hmangaih ve lo anih pawhin a pawi lo Sweetheart, min duhna kha ka bula i awmna tur anih phawt chuan a tawk em em, min hmangaih turin ka phut kher lo che, ka bulah awm la, ka hmuh phakah awm la tih hi ka duh a a ni mai" chik zeta min en vung vung pah chuan a ti zawi deuh sup.


" Ni lo, chutiang a ni hlei nem Austin" ka lo ti vat. Ani hian ka hmangaih lutuk tih hi a hre lo em ni? hmangaih lo ila,a bula ka awm thin ang hian ka awm a ring reng reng emaw ni?


" Anih eng lam nge? min neih duh lohna chhan tur i nei em ni?" chik leh zuala min en pah chuan a ti leh sup. A aw chu ahma ai zawngin a zawi bawk.


" Ka hmangaih che tih hi i hre lo a maw Austin Miller, ka hmangaih lutuk che alawm, mahse keini chuan dan kan nei thin a, ka nu leh pa phalna lo chuan eng mah chhanna ka pe thei lo che a ni. An phalna ka hmu hmasa anih zet loh chuan duhin hmangaih viau che mah ila , ka nei thei dawn lo che a ni" a ban reka vuan chung chuan ka ti sap. A mit a lo kan deuh awk thung. Ni e, mak ti awm reng a ni, anni sap ho chuan an mi duh leh hmangaih anih phawt chuan an nu leh pa phalna tih vel khan awmzia a nei lem tlat lo atin ni.



" Anih, i chhungte chuan lo phal lo ta se, min nei lo ang i tihna maw ni a?" a rawn ti hluk.


" Maithei, achhan chu, kan hnam a in ang lo a, kan duh dan leh ngaihdan tawng dan thlengin a in ang lo vek a, chungte chu kan in hre chho zel anga, buainate pawh kan la nei mai thei. Chung hunah chuan tuna min hmangaih ang reng hian min hmangaih reng kher lo maithei, min thlauhthlain min kalsan duh mai thei bawk a,chung hun a lo thlen hunah chuan hmangaih taka min enkawl leh tur chu ka nu leh ka pa te bawk an nih avangin an thu ka zawm angai alawm" ka tih chuan ka thusawi chu hriatthiamloh hmel zetin a chal a chuar deuh tap.


" Nang hi ka ning che in ka thlauhthla ang che maw, a thleng ngai lo ang. Thlauhthla leh mai mai tur chein khang hmunah khan ka umzui reng lo tawp ang che" a tih chuan ka lo meng deuh kawk. Ani hian min umzui reng atihna em ni?


" i ngaihtuahnaa thil awm kha a dik chiah alawm Sweetheart, eng mah sawi lo a i haw daih tum phei kha chuan America ramah hian zawn lohna hmun che ka neih pawh ka hre hrep lo e, nanglah chu in ram lamah i lo haw daih chu ni in" tih pah chuan a nui deuh suk. Ka lo nui ve tawp ringawt. Kan nuih chhan erawh a dang mai thei. Kei chu ka hlim avanga nui ka ni, achhan chu khang hunlai daih tawh khan Austina hian min lo hmangaih daih tawh tih ka hre miau alawm.


" Ka lawm e Austin," lawm bawk si, lungchhe deuh bawk si chuan ka lo ti deuh tiau.


" Engah ngawt maw?" hriatthiam loh hmel zeta a rawn tih chuan a ban ka humna chu tinghet sauhin, " Min hmangaih ve avangin" ka lo ti sap. Chutah rawn nui sukin ka hmuiah a rawn fawp zauh.


" Kei hi alawm lawm tur chu Sweetheart" a rawn ti sup. In en in kan nui dun var var.
.
.
.

" Desi, naktuk ka rawn chhuk tur ka phur tawh zia hi aw, naute i neih hunah chuan ka thu ve tawh ang" Ruthii chuan a rawn ti lang lang. Thla leh mai hian naute ka nei tawh dawn a, ka pum pawh a puar tawh khawp mai. Austina lah a sumdawnnaah a buai lai tak a lo ni bawk nen, Ruthii kan chah ta tawp. Ani lah a lo chak nasa mai chu ni in, hei tunah pawh a awm hle hle thei lo chu anih tawh hi maw.


" Aw, i thu ber dawn nia, i lo kal hunah chuan ka mu hman dawn si lo a, ka lo mu lawk teh ang. Anih phawt aw" tih leh phone hangup ka rual daih. Ka dah vat loh chuan sawitur a hre tam leh dawn tlat atin ni.


Khumah chuan mu in keimah chuan ka nui deuh var var. Ka hun kal tawh te ka ngaihtuaha tuna ka hun hman mek nen hi chuan dang tawh tak a ni. Tunah chuan min hmangaih em em tu pasal ka nei a, in lian leh nuam takah, ka tet lai ata tawh ka awm chak em em na ramah ka pasal nen kan awm ve ta ran chu ania, chutah thla leh mai hian fa ka la nei dawn zui. Ka tetlaia lungngaihna leh hreawmna zawng zawng ka ta vek emaw tih mai tur kha tunah chuan hlimna zawng zawng neitu ka ni ta thung a, Pathian hian min lo hmangaihin ka tana a malsawmna dah hai baw tur hian khang harsatna zawng zawng kha min lo paltlang tir a lo ni reng zawk si. Austina nena kan chungchang ka nu leh pa ka hrilh tuma mak an tih zia te, mak tak maia kan inneih an phal maite kha tunhnu hian Pathian remruat anih ka ring ta vek mai. Ka kawnga kut lum thar tharin min rawn kuah chuan ka thil ngaihtuah lai chu tawpin ka awm dan ka siam rem sat sat.

" Sweetheart, i mut achhuak tawh em?" ka hmuia rawn fawh zeuh pah chuan a rawn ti sup.


" Imm, chhuak tawh e, nang pawh i chau ang mu tawh ang aw" a bianga hmul to siar siar tawh zeuh pah chuan ka ti sap. A biang chuan ka kut chu a rawn nul let zauh thung.


" Aw le, ka hmangaih che, chuan hei pawh hi" tih pah chuan ka dul chu a rawn fawp zauh bawk" ka lo nui hak thung.


" Keipawn ka hmangaih che" tih sap pahin Austina chu ka kuah sat sat a, ham bai bai chungin ka mit ka chhing ta diar diar.

THE END

**************

A pawi ka ti Story hi ka duh ai hma leh ka tum loh dan deuhin ka ti tawpa induhthu a sam lo ang tih ka hria, mahse a bul atanga a tawp thlenga min chhiar saka rawn comment tute ka lawma ka tan hian inhlu lutuk ania aw, nangmah ni vang liau liaua story hi ziak thei ka ni chauh tih hria ula, chutih rualin chhiar ve thoa rawn comment ngai lem lote pawh inchungah ka lawm em em vek. Ka lawm dan a nep bik chuang hauh lo. Chumiah chuan ka lo dah ang ka tih hunah pawh ka lo dah thei thin lo a, chutu chung pawh chuan in phun nawi ngai lo a, dawhthei taka minlo nghak hram hram thinte hi ka lawm a, ka thuziak ve mai mai felfai, chhiar nuam, leh dangdai mintihsaktu chhungah khan ka va han lawm thin tak em! in tan chuan eng ual a ni lo maithei, mahse ka tan chuan in mi fak derna kha khawizu aia thlum, min chawk phurtu a ni tih hi inhre der mai si lo a😅 Thawnthu dang ka ziak ve leh te anih phawt chuan ka duh dan leh tum dan takin ka ti tawp ve tawh ngei turah beisei ila, mahse chutiang thleng tur chuan nangni min duhsaka ka thu ziak hote min lo ngaihhlut der saktute hi in pawimawh tih kha inhria ula aw. Story dang nen kan inhmuh leh hma chu invaiin inlo dam tha theuh dawn unia. KA LAWM E💙💙

#zanin ch ADS CLICK theuh ang u aw



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)