ZORINPUIA

Episode kal lai dah luhna

Moderator: writers

Sawmi Sailo
Posts: 12
Joined: September 29th, 2021, 11:45 am

ZORINPUIA

Unread post by Sawmi Sailo » October 14th, 2021, 11:51 pm

CHAPTER - 4

Khawngaih in midang hrilh suh aw : ka tih zui leh pawh chuan min chhang lo in akal zui hmiah hmiah.... Ka ding reng a, let leh maite ka duh rum rum hman, Mahse kawngpui reh zet kha ka ngaihtuah lo thei silo a, mahni a haw ka ngam miau loh avang in class pan chuan ka kal hnak hnak a..


Class room ka luh lai chuan min enreng tu hre mah ila ka mit sir pawn ka melh eih lo...Class kan ṭan a apawimawh tura ka rin ho chu ka note ah chhinchhiah in, ka thutpui nu ber pawn ka routine thlak lo chu ahre bik lo...


Lunch break kan thleng a, ka hlauhthawngna azual ting mai, thu kun lap in / toilet chungchang kha, midang ahrilh loh nan ka rilru in ka ṭawngṭai pah bawk..


Thawm ri dawp ah chuan ka hawi chhuak a, tiffinliana chhuak tur ka hmu hman vuai...ka thaw halh a, ka ngei dan chu nasa tak ani...

Siamawia te thian ho ahrilh dawn ani ngei ang

Ka hlauhthawngna nasa lutuk avang chuan ka bag ak in ka ding uai hman a..Kawngkhar atanga siammawia te thianho rawn lut ka hmuh chuan ka thu leh nghal. Min rawn pan chat dan ah engkim an hre vek tawh tih ka hrethiam mai, Engtin tak min chhaih ang maw/ thinphu dep dep a ka en chu lo hnai zel in ka hma thutna ah chuan an ṭhu zui a...Min ena annuih vur vur phei chuan ka sa chhuak pup in ka hria..

"Hepa hian aduh che" ahnaih bera ding mipa a kawk chu, ka rinloh lutuk asawi avang chuan ka meng bial kawk aa.. Akawh pa ka en chuan, Ring rek lil lel, lu lian ve deuh, sambuk chhap mai leh hmui zum deuh hi ani a, acher si kelpa chal ka tehkhin ber, amitmu che zawk zawk in minla enve leh nghal.. Ka nui chhuak teuh lutuk chu ka pum ana ṭhum mai, "chhuak ang u" Siammawia bawk chuan ati leh a, ka awmdan ah rindan anei ani mahna...

Anchhuah hnu chuan Tiffinliana chu alo awmve tih ka hre chiah, alo lut lai ka hmu lo a Siammawia mi biak lai vel kha ani ngei ang, toilet chungchang pawh ala sawilo ah ka ngai..
NOTE :THIAN THA CHUAN I BULAH LEMCHANG IN ANUI NGAI LO ANG..

Tiffin pawh ka ei hman lo, lunch break azo a rawn lut apiangin Lehkhabu an phawr diat diat tak ah chuan Madam Nunpuii period ani dawn tih ka hre nghal, Ani chu teacher dangte ang ani velo, anui ngailo ang bawk in athu pawh palzam theih a nilo. A subject ah erawh ani aia tha an awm ka ring lo..

Ka bag chu ka zen ve ngei a min hrem ngei chu ka ring tho, Achang chuan kan lehkhabu te hi acheck thlap thlap thin a, vawin ah pawh acheck leh ngei ang..ka bag chhunga lehkhabu chhah ber chu ka phawrh nawlh a, ka enchiang chu ka nui nghal ver ver..

Mahse engtin nge ?? Aphek hmasa ber ka keu a 'ZORINPUIA ' tih lo inziak kalh ka hmuh chuan, ka meng phawk viau aniag, Siami(a thutpui nu) chuan mi rawn nghawk sawk a..mahse ka en chuang lo ' Ani khuan aduh thû a adah nge ?? A hriat sual palh vang, abag emaw tiin ka bag ah alo dah palh pawh ani thei a, zuk pek chu atha ber ang / Madam in ahrem chuan keimah vang ani ngei dawn si a..

Ka ding uai tawh, Mahse madam chu kawngka ah arawn lut hman: Engtin nge ka tih ang !! Hlauh ang ngei in lehkhabu chu acheck leh ṭan a.. ka veilam line acheck chu ka enngar a, ka kut te chu ka hum na lam ah athlan vek tawh, Tiffinliana acheck zo chu kalo thaw huai, zirlai kan tan a, mak deuh mai in Tiffinliana chuan vawikhat pawh min entur in arawn hawi chho lo anih chu..


Madam achhuak a, period dang ah pawh chuan minrawn en chuang lo, Nuam lo ka ti dawn dawn mai..
Last perioda Headmaster lo lut in " Monday(Thawhtanni)a sport kan neih tur thu asawi chuan" kut beng ri in azui a, Hmeichhe ho kha haw ula, mipa erawh play ground lam ah min lo zui ru" tia achhuak chu mipa ho chuan anzui dial..

Ka bag ak vat in, Tiffinliana lehkhabu ka pawm ṭai chu athutna zawn ah ka dah a, kal mai ka tum chu ka awm anuam chuang lo, lehkhabu chu la let in ka thutna ah ka kir leh a, pen leh note la chhuak in :
I lehkhabu min hawh tir avang in ka awm e
I tiffin min eitir ve avang pawn ka lawm e
Nimina ka bag min ah sak avang pawn ka lawm a
Toilet chungchang isawi loh avang pawn ka lawm e..
Tih te mai chu ziak in, ka veng huai a, ahming ziahna bul te- ah dah in, ahming bula THLA LEH ARSI lem chu ka en leh vang vang a, ala nalh phian zui..Ngaihtha deuh in athutna zawn ah ka dah leh aa..


Ala hma a driver rawn kal, ka la rin loh avang in school bus ah ka haw a,.....In ka thleng chuan Nukimi pawh alo la haw bik lo, kan kawt zaupui a kapa nena kan pangpar phun la dam awm chhun te chu tui kan pe dun aa..

Nukimi haw hnu chuan khua pawh athim zui nghal. Sitting room ah thu -in Tv hnung bang a Ka Pa thlalak kan tar chu ka en a, tun ah chuan kum 16 kani ve tawh pa..

Ka hmuh tawp ber ni kha ka mitthla ah arawn lang a , Ataksa hit leh dang bei te kha, Ka Pa taksa leh hmel pawh a anglo...Doctor in lung lam fello ati anih kha, mahse keichuan ka ring lo a, chutiang natna aneih reng ka hre lo a, Vawikhat pawh na tuar hmel pu in ka hmu ngailo a..chungvang te chu aniag doctor te thusawi pawh ka awih loh.....Mahse ka U -in ṭap meuh a, min hrilh tak ah chuan ka awih lo theilo/ Kapa chuan lung natna reitak alo nei tawh a, achhungkua tumah hriattir aduh lo, Mahse kanu in ahrechhuak a, kanu in min ngaihtuah vang in, keichu Ka Pa natna min hrilh lo'" tiin ka U in min hrilh anih kha..chumi hnu ah Ka hrethiam in / ka pawm thiam ve chauh anih kha..


Tinge Ka Pa khan anatna azep kher ..
Restaurant liantak leh, pawisa tamtak anei a tinge anatna enkawl nan ahman mai loh le , ka rilru ah zawhna tamtak alo lut in, ka ngaihtuahna avah kual ruai lai chuan khawgka arawn inhawng rawp a, Kava hawi phei rual chuan Kanu alo pen lut ve chiah bawk... min bello in an room ah alut tlang leh mai a, alo chhuah hun a chaw ei theih nghal tur in choka ka pan aa...ka nghak deuh reng a, Ko tur - in ka phei leh a, an room kawngkar kik dat dat in ' NU chaw ei ila' kati vat aa....'Ka ei chak lo ' ati leh hmarh...


Ka zing tho chu ka rit luk a, ka hnute te chuan min tham et et in ka hria, ka insiam zung zung a, Inhnuai ka chhuk chuan driver pawh alo hman tawh, chaw ei ka chak loh em avang chuan Nukimi pawn min nawr lui bik lo, driver nen chhuak in Bus stand ah ka chhuk leh a, reilo ah school bus pawh alo theng a...Ka ṭhutna ngai ah ṭhu leh in midang chuang ve ho chu ka enkual a, a then antiti laih laih a, athen erawh an beng a ear-phone vuah in an phun sep sep a, Ṭhu ngawireng pawh an awmve tho...


School kan thleng a, Ka zawn ruk deuh chu ka hmu miah lo, reilo ah class kan tan a, an line chu ka thlek kual leh a, mahse ka zawn ruk deuh chu ka hmu chuang lo......... First period azo tep tih a 'kawngka lam a luh rawn diltu aw ka hriat chuan ka envat a...Amah ZORINPUIA ngei ani, ameng dur hle a, alungawi vak lo anih loh vek pawn adam sam lo ani ngei ang, Hawisawn miah lo in athutna apan a kalo thaw halh thung...


Mahse amah ngaihsak hman ka nilo, ka awm anuam lo a engti hian emaw ka awm, Achhan lah ka hre der silo.. Lunch break chuan ka tiffin leh tui bottle keng in ka chhuak thuai a, kha hmun ah khan kal leh ka duh, midan in min kal khalh hlau in ka hmanhmawh ru hle bawk....


Ka thleng chu ka rin ang chiah, ka hahdam veng veng a ka engti na pawh areh hmak...Thlifim lo thaw chu amzet in kal hip lut a, ka harh kawk thei...ka tiffin ka ei mawlh mawlh a kimlo riau awm hian ka hre leh nghal, ka sir ke pen ri ka hria a,Min kalpel a ka thutna sir leh lam athu chu kava en zawk a ZORINPUIA ngei alo ni..

Kava mit sir leh chuan atiffin lian leh hlai hlup kha alo keng run a, Mahse ral hlatak ngaw hring dup lam chu athlir daih thung...ka tiffin ka eizawm leh a ani erawh ala che eih lo, ka lawmthu sawina tawi avang khan athinrim anih te ka ring deuh a, Mahse han thinrim vak na chhan tur ziak in ka inhre silo...a awmdan avanga ka awmnuam lo lutuk chu ka thil ei pawh atui lo zo , ka tiffin chhin rawk rawk in ka kal nghal daih.. Alan theihna atanga dinga kava zuk en pawh chuan a awmdan ngai reng in ala awm..

(KA INTHLAHRUNG LUTUK, MAHSE ZIAH LANG NGEI KA DUH SIA) FIRST PERIOD
Class kan tan a, ka awmdan erawh ka hrethiam lo khawsik ang deuh hian ka awm a, mahse vawt kati silo ka tai ana em em a, hetianga ka awm ngai pawh kala hre lo, ka che sek a ka awm nuam lo chu azual ting hian ka hre mai a ka thaw leh halh halh thin, last period chiah a ngaih tawh avang in haw dil aicuan awmtlang chu athat zawk kala ring a, haw dawn pawh ni ila keimah chauh a haw chu ka ngam bau lo


Ka tai chu tla tur ang mai hian ana tawh ka thlanfim arawn chhuak a, chutah zet zawng haw chu atha ber in ka ring ta...Ka ding uai a, mahse ka *ap atanga thil rawn chhuak ka hriat chuan, ri dawt khawp in ka thu leh nghal, thil lum pup hi arawn chhuak leh hawk a, ka thlanfim bawl tiam tiam chu ka hru in, ka kut hmawr a dawhkan tlang vuan in ka kun nghal.. ka khur der der a, ka bawp chu chip thei ang ber in ka tawm bawk..

Ka chunga thil thleng chu ka hrethiam aa...mahse engtin nge ka tih chuang ang, ka taina te chu areh huai a/ ka thawk apik tung thung... Umami min hrilh dan-in engkim athleng vek a, mahse lo hmachhawn dan / inralring dan min hrilh tel hauh lo...Chutah zet chuan Ka tluk luh ngam na, engkim ka hrilh leh ka zawh ngam tur in KANU hi awm ve se ka ti ngawih ngawih..

CHHIAR HARSA DEUH TE A AWM DAWN A...KA LO INZIR PAH ZEL A..LEHPEK AH CHUAN CHHIAR PAWH A NUAM CHHO VE TELH TELH ANG,



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)