JIMMY CH-7&8 BY SAMMY

Episode kal lai dah luhna

Moderator: writers

Sammy R
Posts: 146
Joined: October 7th, 2021, 8:38 pm

JIMMY CH-7&8 BY SAMMY

Unread post by Sammy R » October 15th, 2021, 4:37 am

Jimmy>>>by Sammy


Chapter Seven √



A ipte zenin zungbun a rawn la chhuak a, che chang lo in ka lo en reng ringawt. A nui hak a, a thil tum chuan ati zam ve ani mahna. "My dear, kan inzui na la reilo tih ka hria mahse ka nghak thei tawhlo; ka ta siam che a ka nupui atan ka duh che. Min nei duh ngem ?" Min en chung chuan arawn ti a. Chhan mai dan tur la hrelo, aw ka ti anih chuan ka hmangaih em tih pawh ka hrelo ani a, aih ti tur chuan tihhnual a, a rilru tihnat sak ka duh silo. "I ngaihtuah chu ka hria lawm, min hmangaih lo mah la ka hmangaihna che hi kan pahnih tan a tawk ang! Kan la inzui reilo iti anih pawn inneih hnu a inngaizawng ṭha leh kan ni mai dawn nia" a rawn ti a. Ka nui hak a, ka lu ka bu lap lap. Hetiang khawpa min neih duh tu chu ka hnar dawn teuh lo, eng nge beisei tur dang ka neih chuan? Jimmy takngial pawn nupui anei dawn lawm mawle!!




"Aw i ti tihna em ni ?" Hlim hmel zet chuan arawn ti a. A hma ai uar in ka lu ka bu leh nghat nghat. Rawn ding chhuakin min rawn kuah a, inla hrang leh hlek in zungbun chu min bun tir a, ka kut fawp zeuhin min rawn kuah lehnghal a. Min kuah ngheh viau danah a hlim viau ani ngai ang. "Ka... ril a ṭam ania" ka tih chuan a nui deuh hak a, "ka hlim lutuk a thil kan ei tih ka hre tawh lo a" tihpah chuan a inla hrang a. Chair ah kan ṭhut thlak leh pawn ka kut chu avuan reng.





Kan zan mutna ah pawh chuan ka kut chu a chul a chul a, a chang leh la kangin a fawp leh ṭhin. A zungbun bun tu ai pawh hian ahlim zawk in ka hria. Ka zungbun ka hmuh chuan thil ka hrechhuak a, Jimmy an nupui anei dawn a, mahse ka haw hunah tiin alo la khap ve hlawm amaw!! Ka va han awihlo ber em. Ka awmloh duhtu chu amah ani a, Ruatfeli vanga inhmuh tawhlo sawitu hian a nupui neihna kei vanga a khawtlai tir hi ka ring hlawl lo. "Enge i ngaihtuah?" A rawn tih hmuk chuan "Maw?" Ka ti hau a. A mi biakna reng reng ka lo hrelo. "Naktuk ah min haw san dawna ka lung a leng dawn" tihpahin a lu chuan ka nghawng a rawn nawr a. "Aww tihfel ngai iti zo vat anga i rawn haw ve vat dawn lawm" ka tih chuan "Ka ngai dawn tho tho che" ala rawn ti hram a. A inti naute vel lutuk chuan ka nuih ati za. Mahse nui huk ta lo chuan a sam chu ka khawih nauh nauh a.





"Min han lerh san suh aw" a tih chuan a samah ka ṭham vak a, "Tu in nge hmeichhia inhualna zungbun bun tawh melh tai peih ang" ka tih chuan a kut ka kut ṭang kara rawlh luh pahin, "Tunlai mi nu leh mi pa pawh ngaizawng hrehlo an tam laia, nanga nula hnahkhat ngat, zungbun bun mai mai kha an melh tai nasa ang che" a rawn ti hmuk a. "Anih chutia zungbun bun pawn awmzia awm dawnloh chuan phelh daih ila" tihpahin phelh ka'n tum a. "Angailo" tihpahin ka kut chu a hum bet a. "Mu tawh ang, a tlai tawh" tihpahin min mut rem tir a, a lukham tur a siamṭhat mawlh mawlh lai chuan, "aii tun aṭangin ka thaibawih ania" a rawn ti a, ka nui nasa ngang mai.




Chawhnu lamah chuan airport ah min thlah a, kan thlawh chhuah dawn hma chu a awm ve reng. Min ngaih tur thu mawlh leh a lo haw ve vat tur thu mawlh a sawi char char a. Ka kal tue te chu ṭap chungin min thlah ti tih. Ka khawngaih bawk sia ka haw rihlo mai dawn maw ka ti rilru hman hial a, mahse aman "lo han haw phawt la keipawh karthar ah chuan ka rawn chho ve hman tawh ang" a tih vangin ka ṭhulh leh ta lo.
.
.
.
.
Nithum zet ka thang hnu ah Mizoram chu ka ṭum thleng ve ta a. Airport ah chuan Timothy leh Grace ka hmu a, an bulah Jimmy ka hmu bawk. Kan inhmu lo rei a, hmuh ṭhat ka tum tehreng nen ka hmu chhe fu a. A cherin a sam a buk a, hmuihmul leh khabe hmul a awm ve fur erawh chuan ati lang puitlingin a ti lang pa sawtin ka hria.




"Woww.... i kut a mi kha ka hmuhhmaih hauh lo" Grace-i chuan alo ti nghal zat a. An vaia hmuh theih tur chuan nui sangin ka kut chu ka lekkang a, Jimmy tihloh chu kan nui vek. Ka u leh Grace-i chuan min kuah thuak thuak a, ka bungrua ho chu car lam an pan pui nghal. Jimmy nen chuan kan inhmachhawn ran a, min en deuh ren rawn a, aṭawng dawn emaw ka ti a aṭawng mai loh vang chuan ka kut phar chhuakin, "Heyy" ka ti sap a. Ka kut chu rawn vuan ve maiin a let a, ka kuta zungbun chu melh in za lo tih hriat zet hian akhi suk a. Ka mita min en in, "Hetiang a hmuah atan che hian ka lo inruahman lo asin" a ti sap a. Min pawt thutin a awmah chuan nghet zetin min kuah nghal thlawp a. Ka bianga a fawh tawk hnuah Timothy te lam pan chuan min kai phei nawk nawk.




Min lo hmuah ve chu sawiloh amah hi hmuh pawh ka in beiseilo ani a, chutiang anih lai kara min kuah leh ka kut avuan te chuan ka awm ati nuamlo ka ti dawn nge ka awmdan hi chu a dik zan lo lawm.




Timothy nen kan chuang haw dun a, Grace-i leh Jimmy an chuang dun thung. Jimmy ka hmuh tak vang nge ka rilru natna te chu arawn thar a, a nupui neih tur chu ka rilru ah arawn lang zawt a ka tawt nghal ṭun in ka hria. "Tim, Jimmy an nupui anei dawn em ni ?" Harsa ti zet chuan Jimmy chu ka zawt ta ngawt a. Min en zawka hma lam hawi leh vutin, "Amah zawt la" a rawn ti a. Timothy an vawikhatna ah a sawi loh chuan asawi zawm dawnlo tih ka chian avangin ka zawt zui lem lo. Nakin deuhah amah chuan, "Chuan... pasal neih i tum ngawt em ni ?" Fiamthu tak deuh ang reng chuan arawn ti a. Ka en chuan ka zungbun lam chu a melh zauh. Ka zungbun chu ka tuai nghal hauh hauh a, "ka hrelo" ka ti sap.





"Tu emaw ber chu a inhlan angai dawn anih hmel" a rawn tih chuan ka kun a. Ka kut chu sik neuh neuh in, "ka theihnghilh a, ka haider luih theih ka inring a" ka ti sap. Ni e, Jimmy hmel ka hmuh hunah heti em em hian ka la buai ang tih ka inringlo. Kei hian ka lo hmangaih viau nge khang thlakaw chhung kha amah theihnghilh nan ala tlem viau zawk pawh ka hrethiam lo. A kut lehlama ka hnung rawn chulin, "A ṭha vek mai ang. Hma i sawn tawh lutuk ania" arawn ti dap dap a.




In kan thlen chuan ka nu leh pa'n min lo lawm hle a, mami'n ka mit a hmuh chuan, "Timothy, i nau hi i hau em ni ?" Ngaih ṭhatloh hmel zeta Timothy en pah in a ti a. Timothy erawh in a lu a thing mut mut. Kan ri nak nak a, Jimmy erawh kan thlen tirh a ka hmu zawk bak ka hmu lo.




Naupang zin han haw min lo lawm fal viau tur awm hek lo, roomah ka chho vat a. Grace-i erawh a la ṭawng duh barh barh viau. "Ka la hre chiang chak" ka kuta zungbun en pah chuan ati a. Thaw hak chuan, "Sammy ania, miṭha tak ani. Doctor ani bawk a" ka tih chuan a lukham pawm chu pawm ṭha sauh sauh in, "Mahse Sang, a chhukthlak hnuah chauh ani lawm ni in inkawp" a rawn ti ta chiah a. Lu bu lap lap chungin, "Aw, mahse mi fel tak ani lawm, chuan min hmangaih em em bawk a" ka tih chuan min en vang vang in, "Mahse i hmangaih velo" a rawn ti a. Kei chu ka mittui a tling pam tawh, "Mahse kan pahnih tana a hmangaihna tawk tur thu asawi a, i hria em Jimmy aiin min hmangaih a, Jimmy chuan natna min siam a, Sammy chuan min ti nui reng" ka ti tham chhel a, "awii lehh!!" Tihpahin min rawn kuah tawp. Engvanga Jimmy leh Sammy tehkhin nge ka nih ka hrelo a, ka landan ang ai hian Jimmy ka lo la thlahlel viau pawh ani mahna.




Ka zia deuh hnu chuan kan ṭhu pangngai dun a, ka zungbun bawk chu min khalh sak leh nauh nauh pahin, "Pasal neih chu ila inpeih lo deuh ani" a rawn ti a. Amah pawh en chuanglo chuan, "Thla tamtak..... thla tamtak liam hnu a achanchin ka hriat leh hmasak ber chu anupui neih tur thu ani. Achanchin ka hriat ngailoh avang khan ka theihnghilh ta emaw ka lo inti a, mahse ka hriat leh meuh chuan angai te bawkin amah chiahin rilru na leh thinglung kehchhia in min siam a. Chuan Sammy an a nupui atan min sawm a, ala reilo ka hria; mahse a thusawi i hre duh em? 'Min hmangaih lo mahla ka hmangaihna che hi kan pahnih tan atawk, kan la inzui reilo iti anih pawn inneih hnu a inngaizawng awmchhun kan ni mai' a ti a. Kan pahnih tana a hmangaihna hlan tawp theih chu, min hmangaihna thuk leh san tur zia hi ka ngaihtuah thiamlo. Ka ring a, keimah ka pelhe hmasa zawk anih ngawt loh chuan Sammy hi chuan engtik ah mah Jimmy ang hian rilru na in min dah lovang" ka ti dap chhuak tluan parh a. Grace-i chu a ṭap ringawt emaw ni min kuahin a hmai a phum bo daih a, min kuahna te chu aṭang ṭung zui.




"Inbual rawh, keipawh ka haw dawn. Zanah ka lo phei leh ang" tiin a chhuak nul nul a. Keipawh tho kangin bathroom lam ka pan zui zat. Ka inbual kham chuan Sammy ka bia a, phur zetin nithum hnu a arawn haw ve theih tawh tur thu asawi a. A hlim lutuk chuan min ti hlim ve viauin ka hria. Kan inbiak chhung chuan ka ngai che tih vawi 100 chuang asawi hman ngei ang. Eng eng emaw sawia kan inbiak hnuah kan dah hram a, Sammy ka bia chu ka thawl hawkin ka hria. Jimmy ka ngaihtuahnaa rawn luh tum dek dek chu duhlo zetin inhnuai lamah ka tlan thla puat a, ka nu chu an room a luh pahin, "Biangtai lo lut lawk teh aw, i pa in a be duh che" a rawn ti a. Ka lut ve nghal vat. Ka pa chu tukverh bul long chair ah a ṭhu a, kei erawh ka nu puan thleh ṭhatna bulah ka lo mu ar ar.




"Biangtai, pasal neih i duh em ni ?" Ka pa chuan a ti a, "aihh" ka lo ti vat. Ka nu'n ka kut a zungbun a rawn en vut chuan, "Ee aw, duh e. Mahse karthar lamah Mizoram arawn haw dawn a, alo leng anga. Induh zawng anihloh chuan neih ka tum chuanglo. Amah te pawh inhmu ve phawt anga" ka ti leh hliai a. Tlem a tlemah ka insawi buai vek ṭep anih kha. "Lo duhlo ta si ila min um san daih angem ?" Ka pa in nui vur vur a arawn tih chuan, "paa" ka ti vak a. Pangngai deuh zawk chuan, "Nupui pasal inneih hi phur thut thil tih chi ani lova, tu tan pawh kan damchhung hun hmandan tur hril tu ani tawh a. Hmeichhe tan leh lek phei chuan pasal thlan fimkhur angai a, khaw hran daih a inlo nei te anih phei chuan i pasal ringawt in hmangaih che mahse a chhungten an pawm ve siloh che a, misual tak annih phei chuan hremhmunah in kal ani ringawt dawn a. Kan tlum ber ini a, kawng engkima keh thei dawm a kan dawm ini a. I mi duhzawng chu lo duhpui che pawh ni ila tun maia pasal neih erawh kan la phal lo che tih hre phawt la. I duhtak i thlangah ngai ila i thlang sual lo turah kan ngai thlap ania" a rawn ti dap dap a. Ka nu puan thleh sa hmawr chu khal kualin ka lo ngaithla ve kar. Ka nu pek chuan, "Ngahnge maw khatia ilo tih ilo tih, i pa sawi chu ngaithla ta che" arawn ti a. "I thusawi kha ka hre vek, anu hian ngaithla lo anga min chhuah atum" ka ti nui nui a. Ka pa chuan, "Mi thutak lai lai a, in hahthlak nufa emai. Biangtai thingpui min va siam teh" a ti daih a. 'Mi thutak lai lai a' arawn ti kher chu ka nuih aza a, nui uar uar chungin ka chhuak zui mai.




Zanah Rintluanga leh Grace-i anlo leng a, Jimmy lo lan ka rin ve tehlul nen ka hmu ve hauh lo thung.Ka ngaihtuahna chu atthlak ka ti viau a, nupui anei hnai tawh a anupui tur a rim ve ang chu le. Rintluanga chuan uang tak hian, "Sangi chu awww, ilo haw hunah kan innei ve thei tawh ang tih nak laia" a ti hlut a, kan nui deuh hak hak hlawm. Mami chuan "mawina, i ṭhiante pahnih khan tih huk annei ṭep tawh ang" a rawn ti a. Rintluanga a lai ngei ah!!




"Huii, Jimmy te pawh an inhmu thiam hleithei lo" Timothy rawn lut chuan arawn ti lut hlawl a. Kan lo en ṭhap. "A hmeichhia te saw anikhualo reuh ang. A hma ṭang khan ka rin zawng hi anni lo khawp ah.... khawnge Jimmy chu awm a, helamah te pawh rawn inti thawveng ve se" ka nu chuan alo ti bawrh bawrh a, Timothy chuan "a chauh deuh a, bakah mahni a awm aduh rih ang" a rawn ti a. Aroom lam apan chho ve vut. An thusawi awmzia chu ka hrelo viau a, mahse hrechiang turin tumah erawh zawh ka tum lemlo.




Dar 10 veleh an haw a, mut turin ka chho ve nghal vat bawk a. Ka khum bul dawhkanah chuan Lili hi alo awm a, chutiang pangpar ka dah lai reng reng ka hre lova, pakhat chauh chu nise ka hrethiam mahse dawhkanah a khat a, leiah te pawh a awm nual. Ka ngaihtuah vang vang a, tukverh chu panin parda ka keu a, ka rindan ang chiahin Jimmy chu a bike nghengin alo ding kawisawi bawm a. Ka room lam hawiin ban alo vai lauh lauh. Parda chu ka hlim pawp a, tukverh chu hawngin ka dak chhuak a. Hla mahse min en ve vang vang tih chu ka hrethei. Enge ka hriat pawh ka hrelo, rawn kal tur chuan hui lauh lauh a, hui rei angai viau lo a rawn pen phei vut a. Reilo ah tukverh aṭang chuan room arawn lut chho nghal. Kan in en ren rawn hnuah min rawn kuah a, min kuah ai chuan min pawm a ang mah zawk. A lian si ka te bawk si min kuah hneh lutuk chu ka thaw chham lek lek hial ani. Inla hrangin a pheikhawk bun chu a tlawhphelh nawk nawk a, khum lam pana min kai pheiin min mut tir a, a ban min luhkham tirin a awmah min kuah bet hlun a, kan inngai..... ani mai ang chu keipawn ka kuah ve than.





Zingah chuan Jimmy ka hmu tawhlo a, pangpar pawh chu a inkhawi thlap vek tawh. Ka phone ri chu ka ban zat a, ka 'hello' ban deuh chuap. "Ka ti harh che em ni My dear" lehlam ami in zangkhai vahah arawn tih chuan ka lu ka thing nghek a, ka mawlzia hrechhuak in ka chal la beng ri thlerh. "Ohh! Engthil nge ni. Khum aṭangin i tla chu ni em lo maw ?" A rawn tih chuan, "Morning, ti harh lo e. Ka chal ka beng anih kha" a zawhna ka chhang kim vek. "Immm, anih chuan i aw aṭang khan i tho chiah tih ka hre thei. Vawiinah neuh neuh ka ti fel anga ka rawn haw thei ṭep ania. Oh i tho chiah tak e, inti fai la fresh tawkin ka rawn be dawn che nia" a ti nui huah huah a, ka ṭawng hmain call a cut zui daih.
.
.
.
.
Timothy leh Mami nen hotel lamah kan kal a, kan hotel ground floor hi restaurant ani bawk a, an lo zi hut hut ani mai. Enge an buaipui pawh hriat loh hian mahni buai buai in an buai ani mai. Receiptionist bulah chuan Jimmy ka va hmu a, Mami'n a biak chuan a bula ding nen chuan an rawn hawi phei a. Ka thil hmuh vang chuan ka ang pam lo chauh. Ruatfeli chu dul puar luahin alo ding a, naute pa chu tu dang nilo in a bula ding pa chu ani tih a hriat hle bawk a. Tisawn a bialnu a rai a, tichung chuan nizan te khan ka bulah a rawn mu vei ham ham ania, tenawm hian. Ruatfeli chuan intihmelhriat fahran hian min bia a, hrelo ang hmaka awm in chhawng chunglam panin ka kalpel hmak.



Khatiang kha ka mamawh lo, fa nei mai maithei dinhhmun ah a ding tawh a, tichung chuan ka bulah ala rawn kal ngam ania. Ka rap zawk ta hial mai. Engti kawng pawha Jimmy aia Sammy thlan lohna chhan tur ka hre tawh hlawl lo. Amah hian beiseiawm a awm tawh lo.




Note: teh u, zanah ai chuan zingah ka lo up zel tawh mai ang aw, chhunah leh zanah class kan la sia. Mahse zingah hian an approve har ve deuh thin a, min lo nghak leh hram zel mai niang chu......chuan tawi viau mahse ads click leh comment kha min lo tihsak leh hram hram ru aw 🌻🌻🌻 vawiin ni hman nuam vek u 💫



Jimmy >>> by Sammy [16.10. 21]

Chapter Eight √



Jimmy pov.



Nitin Sangi ngaiin ka awm a, Timothy an "theihnghilh tum rawh, ani pawn hmalam a pan a, intheihnghilh lo tura thil tihdun innei lova Ruatfeli ah hian rilru pek tum la a zia mai ang" a tih chuan ka chhungril zawng zawng hian ka beidawng. Zantin deuhthaw a pang

ti si a ka ku ṭhin kha ani tan chuan hriatreng tur ani lo mahna mahse ka tan erawh ka nuna thil thleng duhawm ber hriatreng tur ani tlat. A u ber hnen aṭanga bansan na tur thu ka dawng ani a, ka mit sulh mai. Grace leh Rintluanga ka be awl lova, Sangi chungchang emaw eng emaw amah biak pawh theihna tur anneih ka ring tlat ani. Mahse an hrelo tak tak nge pawh ka hrelo tun thleng hian an ngawi thei rih viau a.
.
.
.
.
Grace-i'n min rawn call a, peihlo zet in ka pick up. "Jimmy ka video rawn thawn che hi en teh" a rawn ti lawng lawng a, a dah zui hmak. A video rawn thawn chu ka en zat a, tute emaw sex hmang lai ani. "I hre tawh em ?" Tih message arawn lut zat a. Ka hriat loh thu in ka reply mai. Timothy call arawn lut zawm ve a, "Hey, video kha..." amah bawk chuan arawn ti ve zat. "Ka hmu a, mahse hei eng nge a ṭangkaia tute emaw sex hmang lai video mai anih hi" ka tih hluai a. Photo album chu en tumin ka la chhuak pah a. "Jim i en chiang lo em ni? Ruatfeli anih kha!" thum ṭha chhel chhul chuan arawn ti a. "Lawks" tihpahin video chu ka en nawn leh a, chiang leh chik zeta ka en chuan Ruatfeli ni ve ngei chuan ka hria. "Tihtur ka nei" tihpahin Timothy call chu ka cut a, Ruatfeli ka call zawm zat. A lak rual chuan, "Tunah kan inah rawn kal rawh" ka ti hmuk a. Ka dah leh hmak.





Hmangaih lo mah ila ka bialnu ani a, tunge mahni bialnu te mipa dang nena sex hmang video en tur awm chu lawm viau ang. Ka khum bulah chuan ka vei ngut ngut a, tun hi tawpna siam hun ṭha tak ani bawkin ka hria. Kawngkhar chu a rawn ri rak a, Ruatfeli chu nui var var in arawn lut. Ka lo melh run a, khuma ka dah album chu a melh zauh a, "Oh! Thlalak hlui ilo en em ni ?" Arawn ti a. Min nuih sen sen, ahma kha chu nise a nui hmel vang ngawt pawh hian ka luangliam leh viau ang chu mahse a hma ani tlat tawh lova.





Khuma a ṭhu chu a hmaah ka ding kak teu a, melh chhuk run in, "Kan inkar hi atawp loh nachhan tur pakhat tal han sawi teh?" Ka tih chuan mak tih hmel zetin min en a, "Enge i sawi awmzia ?" arawn ti ve vat a. Kei erawh in, "Sawitur i hrelo anih chuan ti hian kan inkar hi a tawp" ka ti a. Hamhaih hmel ang reng tak hian, "Eng, engthil nge? Enge awmzia Jimmy engmah hi ka hrethiam lo ania. Ka hmangaih che a, min hmangaih bawk a buaina lah kan nei lo" a rawn ti vei zat zat a. Za vak lo hian ka nui suk a, ka kekawr ipte zen zat chungin ka melh chhun ran a. Ka mit ko san zeuhin, "An hmangaih te chu an cousin tu emaw te hnenah an phatsan ṭhin em ni ?" Ka tih chuan a meng kawk kawk a. "Jim, Jimmy awmzia ka hrelo ania" ala rawn ti cheu. "Mualpho taka siam kher che hi ka duh lo, ka thusawi awihla ti hian kan tawp nirawhse" ka ti fak a. Min en deuh kal hian, "Kan tawp anih chuan ka pum chhunga i fa hi engtin nge ni dawn ?" arawn ti a. Za lo lutuk chuan ka ṭhen chak, "Khatianga midang i khawsak pui hnuah ka fa angin i chhal ngam amaw. Hre rawh vawikhat chiah ani i taksa hi ka khawih ni, khang mipa te lakah kha chuan nep te. Tu fa ber nge i pai pawh i hre dawn em ni ?" Hmusit rawngkai tak chuan ka ti a. "Jim, i fa ngei ani ka pai ni. Test neih pawh ka ngam" a rawn ti a.





"Tumaw nau pai a!!" Ka room kawngkhar aṭanga ka nu aw in fiak ṭhaka arawn tih chuan ka hawi dawrh.





"Lalthamuan, tu maw naupai ?" arawn tih leh chuan Ruatfeli chu ka kawk a, Ruatfeli chu a ding kimki chawih mai. Ka fa ani tih hi ka chiang em a, thup buai ka tumlo. "Nu buaina a awm lo, test kan nei anga aṭha vek mai ang" ka ti puat a. Ka jacket chu lain ka chhuak zui daih. Kawng reh deuh laiah chuan ka ding a, meizial phawrh in ka hip deuh vang vang. Ka meizial ken chu en in ka nui suk a, englai aṭangin nge meizial hi ka zuk ka hre reng reng lo. Leiah paihin ka rap nawk nawk a, ka inkhalh chhuak leh nghal vung vung. Rintluanga phone in bar ah kan kal a, ka tihdan ngai bawkin no dawmin ka thle bak bak a, a khat tawkin Sangi hming ka lam chhen bawk. Rintluanga chu Sangi phone turin ka ti chhen a, a ning viau nge ni ṭha taka ka zawh lai pawha biak pawhna hre ngailo khan a phone a phawrh a, hmet nuap nuap in a bengah a nawr zui nghal a. "Hello, Sangi...." a tih lai mek mek chuan ka laksak a, ka mi biak chu Sangi ani ngei em tih pawh hrelo in ka ngaih thu ka hrilh a. Rintluanga bawkin min rawn chhuh leh a, phun hlukin ka no a zu awm sa chu ka tlak nghal pawp.





"Jimmy an nupui anei dawn ?" A tih chuan ṭullo hi ka lo ti viau a. Mahse a lo haw mah kan inneih dawnloh thu a sawi erawh chuan fing hi ka ti hnuhnawh leh khawp ah..!!





Tlak hlau zetin Sangi roomah ka lawn chho a, ka insut ri hraih hraih bawk. Tukverh handle chu herh nawk nawk in ka inbin lut tawp a. Hmeichhe ṭe ṭhat riin a zui. "Sangi" tiin khumlam ka pan hnai ruak a, mahse "Timothy" ti a au chulin kawngkhar lam a pan daih. "Sangi, keimah Jimmy ka nih hi" bu lap lap chung leh lungawilo deuh a keimah inkawk chung chuan ka ti a. "Engthil nge thleng a ?" Timothy an arawn tih luh chuan pawr fahran hian, "Timothy, Sangi lo haw thu tinge mi hrilh loh? Ka ngai em em a, ka ṭhianṭha pawh ilo nilo anih hi" ka ti chhuak piar piar a. Ka biang te chu a huh hnawp a, ka ṭap emaw ni!!




"kan va buaithlak em! Hlauh tur a awmlo ka ṭhianpa anih hi" Timothy chuan a hmeichhe kuah en pah chuan a ti sap a. A hmel ka en chian chuan Sangi anilo tih ka hre ve chiah. "Timothy, zanin chu hetah ka riak ang. Sangi lo haw ka nghak dawn" tihpahin khumah chuan ka let thla tawp a. "I theihnghilh tawh ani lawm ni?" arawn tih chuan tho chhuakin ka lu ka dawm a, thing mat mat in, "Ka theilo, min en teh Tim; Sangi hi ka duh, atello chuan ka ruak vek. Min koh haw sak rawh" ban vai chiam in ka ti a, "Muhil rawh, i rui anih kha" tiin min chhuahsan dun daih zui. Keipawh khumah chuan ka let thla leh tawp a, ka muhil ve aniang eng thawm mah ka hre zui biklo.
.
.
.
.
Vawiinah Sangi arawn haw dawn a, a chhungte ai mah hian ka hlim mah mah maithei ni. Tim leh Grace nen airport lam kan pan a, ka hlim lutuk hi sawi ngaihna ka hrelo. Ka hmu chak a, eng ang hmel pu nge anih tawh ang? Min hmuh hun a ahmel awmdan tur te ka hmu chak lutuk.





Darkar chanve vel hnuah an rawn chhuak deuh sap sap hlawm a. Ka mi zawn ruk ngei mai chu kan lam panin arawn kal a, engtin nge ka lo awm ang? Ka chibai tawp ang nge ka kuah anga ka ngaih zia thu ka hrilh ang? Ka ding pawh chu mawng a hawlh ang zawk zawk ka ni. Mahse Grace-in a "i kut ami kha ka hmuhhmaih lo ania" alo tih chuan ka mit sulh. Amah lah chuan kan vai hmuh theih turin ala rawn lek kang zui a. Inhualna zungbun ani chiang alawm, chuan chu chuan ka chhungril ah hian che dawt a awm tir a, ka beisei ang anilo nge nuih pawh ka nui ve the der lo.





"Hey" tihpahin akut arawn phar chhuak a, ka lo vuan ve mai. Her kualin akut a zungbun chu ka en a, "hetiang atan hian ka lo nghak lo che sin" ka tih chuan min melh deuh kal a, akut ah chuan pawtin ka kuah a. Ka mihring thlakhlelh ber leh duh ber chu inhualna zungbun nen arawn haw a, chuthil chuan min ti zam ani. Tunge he mipa hi ni anga? Tunge kei aia hlimna pe nasa zawk chu ni ang? Ani chuan a awmna ah khan min hre ngai miahlo ania nga, ka laka a rilru pawh a thlak tawh ngei ang!!





A biang a fawp tawkin motor lamah ka kai phei a, chuanpui chu chak viau mah ila insum theilo in ka vin emaw zawhna ka zawt chiam ang tih ka hlau a, Tim bulah ka ṭhuttir ta zawk.




Zanah Timothy nen kan chhuak a, Ruatfeli chungchang bawk ani. Test ah chuan ka fa angin a inziak ngei a, mahse ka fa anih hi ka ring chhete eih chuanglo. Inneih palai kan tir a, Ruatfeli berin inneih a duh bau lo. Min ṭhen hlaua a naupai thu auchhuahpui kha ani a, nau pa tak ni ila chuan min nei em em ang. Sàwn man tia pawisa pek tum pawn an duh chuanglo. An chhungkua hi mi maksak anni aniang. Kan palai te an bedawng ṭhak a, keimah ngeiin Ruatfeli pa biak ka duh vangin Tim nen zanhnih ngawt kan kal tawh a, mahse room ah min inkhungsan hmak zel.




Thinrim zet chuan kan let leh a, chutia a hnar a min hnar na na na chu vawikhat kal leh pawh hi ka tum tawhlo reng reng. Timothy chu in lamah a haw a, tihtur ka nei tiin kan inlam ka pan san thung. Ka rooma Lili chu amal te te in ka la a, Sangi a dah tumin ka pawm phei vei ṭawk. Tukverh aṭang chuan ka kai chho leh ṭawi ṭawi a. A khum bul dawhkanah chuan pangpar chu ka rem khawm vek a, a lenglo chin chu chhuatah te pawh ka dah phelh phung mai. Tukverh aṭang bawka chhuak lehin inah ka haw leh a. Shower nei zuaiin Sangi te inlamah ka phei leh a, Rintluanga leh Grace pawh an haw chiah. Ka bike hungṭha a ka ding kawi hman chiah tiin parda chu arawn keu dek dek a, ka ban ka lo vai zauh. A hma anga a pil leh zuk ka rin nen parda chu arawn kei pawp a tukverh chu hawngin min rawn hui a, hui rei ka va ngailo. Ka pen vut a, mitkhap karin Sangi room chu ka thleng chho lehnghal der. Kan in en renrawn hnuah kan inkuah chawt a. Engtiang fakoin nge ka ngaih tih hi a inhre lovang.




Ka peikhawk chu tlawhphelh nawk nawk in khumah ka hruai phei a, ka mutpui nghal than. Ka ban lukham tirin ka awmah ka buahbet a. He ataka ngaia zan engzat nge ka mut theihloh hi ahriat kher pawh ka ringlo. Engmah kan sawi lova inkuahin kan mu ani deuh tawp mai.
.
.
.
.
Ruatfeli'n min rawn phone a, ṭap pur chungin apa nen a an inhauh thu arawn sawi a. Tihvak ngaihna hrelo in ka lo um e vel mai mai. "Min pui teh, ka pa hi mangan tir ka duh. Hotel awmna tur min ngaihtuahsak rawh" a ti mauh mai a. Ngaihsak pumhlum lo tawp dawn ila raipuar anih bakah ka fa angin a chhal ve bawk sia, a awmna hmun te ka zawtin ka va hruai a, a eyebrow inhnawih a pherh nuan nen a va han chhe tak. Mahse ngawi reng chuan ka phur a, hmun dang ka hriat loh vangin Timothy te hotel lam ka pan pui ngawt. Recieptionist bula kan din laiin Sangi te unau thum chu an rawn lang hlawl hlawm a. Ruatfeli chuan Sangi chu inti tlangnel tak hian a bia a, Sangi thung chuan min en rum em em in a kal tlang hmak.




"Enge intih dawn ?" Mami chuan ngaihṭhatloh hmel zet hian min en a, "apa nen an inhau a, awmna tur ka pe dawn nih hi" ka ti liam puat. Timothy chuan, "i hman hunah rawn chho ve la aw" a tih chuan ka bu zauh a, anni pawh an kal ve nghal. "Chhe ve hle si inla ve khanglang" Ruatfeli chuan ati nuah nuah a, amah pawh en lem lo chuan, "Hmelchhiat hi aṭha niang, a hmelṭha apiangin sàwn in pai" ka ti a. "Heyy, i fa ani ka tih tawh kha" a rawn tih chiam chuan, "iti lo ka ti em ni? Kei chuan sàwn i pai thu mai ni ka sawi ni. Kha chahbi, min rawn tibuai tawh suh ang che" ka ti hmak a. Ka kalsan nul nul.




Nihnih chhung teh ngawt ka buai hlawm tawp a, ka pa hna ah chawl tawhin keimah ka ni vek tawh nen ka buai lai hi chuan ka buai mep mep thei viau mai. Sangi ka hmu ngailo a, hmuh loh hi aṭha zawk ten ka hre tawh. Ka hmuh chuan kuah ngawih ngawih hi ka chak ṭhin a. A bula mut leh tepawh ka chak. Mahse.... mahse a awm tawh hi chuan thil hi ṭha tak tak thei tawh lo.




Hna zualpui ka zawh chuan inah ka haw a, ka nu thu min hrilh chuan tlem in min ṭhawng ve deuh, "Ruatfeli chu an inru anih chu. Chupawh putea fapa nen" a ti a, na ka ti lova, naute pa chu a chiang hle zawkin ka hria. Mahse kan inkawp chhung zawnga rinhlelh awma a awm ngailo leh ka lo ring vek zel erawh kha chu keimah leh keimah hi nep ka inti takzet. Anni chanchin mai mai ngaihtuah zui peihlo chuan roomah ka lut a, shower nei zuaiin ka mu nghal hmak.




Min koh paha min sawi det det tu an awm avang chuan ka harh riai riai a, "Jimmy tho rawh, ka lo leng" arawn tih leh chuan a hmel chu ka enchiang a, "Sangi" ka ti tham deuh chhal a. A lu bu nghat nghat in, "Tho rawh, ka lo leng ka tih chu" ka hmai zawna arawn tih chuan a tukkhum ah vuanin ka kuai hniam a, ka fawp nghal chawt. He hmui tluka fawh chak hi ka nei ngailo. A duhlo viau nge ka awm ah in nem bet in a ṭang ṭung reuh a. A kawnga kuahin a ke chu ka ke chuan ka hnawl mar phei a, ka lehthal deuh thut.




Min en kiau chungin, "Jimmy" a ti deuh sap. A awm kan awk awk khawpin a thaw a, ka kut a kawng nghawng aṭanga a awm bawra chhukthla chu a melh thla ran. "Muhil lai inkaihthawh ka duhlo tih i hriat kha, eng hremna nge i duh" en deuh ran chuan ka ti a. Ka kut ngawt chu en en in, "Ka ka... theihnghilh alawm" arawn tih leh rual chuan ka fawp leh hmak a. Dam leh ngenngawl zet chuan ka fawp a, a tawpah min fawp let ve ta nge nge. Min chhanglet chiah chuan boruak hi aṭang at ani mai. Kan inkaih deuh tawn tawn a, a kawr hak chu ka pawt chhuak pawp a, in en in kan nui hak. Nasa takin kan inhip tawn ka ti mai. Tawp zai kan rel theilo. A bra hak chu ka hlim leh tawk a, a hmel chu en ren rawnin a hnute chu ka hmuam zui a, a thaw deuh hak.




Note: story hi a tawp ṭep tawh a, khawngaihin min lo chhiarsak hram hram zel dawn nia aw 🌻💖



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)