Joshua Lalhruaitluanga Chapter- 7

Episode kal lai dah luhna

Moderator: writers

nunpuii ralte
Posts: 27
Joined: October 2nd, 2021, 2:18 pm

Joshua Lalhruaitluanga Chapter- 7

Unread post by nunpuii ralte » October 15th, 2021, 7:52 pm

Joshua Lalhruaitluanga by Nunpuii ralte



Chapter - 7
.
.
.
.

Chapter - 7




“ Enga tinge a, kha i chal tang thisen a chhuak nasa lutuk nia, Anu te kan kaitho ang aw" tih pahin inchung lama hruai ka tum a, mahse min pawt ding tlat, eng hetia a thisen te a chhuah chhan a insual a mawnle ti dawn ila insual bur bur mi a ni silo.


“ tinge i chal a thi nasa si ka han kaitho ang" ka ti leh vat a. “ Ngailo pemthar damdawi vel in neih chuan han la la, i chhungte chu kaitho kher duh suh a na lo a nia" a rawn tih chuan ka awihlo ber awm e a na ngawt ang a thi bawk si.Mipa hi chu an tuar a lo fei ngawt mai.


“ Engtia i tih nat nge, tu in nge hetia ti che" a bula kal hnai pah chuan ka ti a, nichin a kan khawkhar lo kik tu kha ni thei mai ngem le lo sawisa tu chu.
“ Chiai lo la ka duh a, chuan i fimkhur zual theih nan thil ka hrilh ang che" a rawn tih chuan ka bu nghat nghat a, thil hlauhawm deuh a sawi dawn chiang lutuk.



“ Ramhuai a mi " ka lo tih chuan a nuih a za khawpmai,mahse a nuih zawng chuan a hmui kak chu na a ti deuh a niang, a then nghal sak a.
“ Keimah ka nia" a rawn ti leh a.
“ Engmaw nangmah" ka tih leh chuan
Nuihza insum deuh hian “ lo kik tu kha keimah ka nia, ka rawn tih thaih che nih kha" a tih chuan ka van han ngei mai mai tak. A hnungah ka beng chawrh a, mi mah hlauh ve nak laiin.
“ A nih chuan ka lo phone che khan i lo awm daih tawh maw, i tawngri engmah ka hre silo a" ka tih chuan min chhang tawh miahlo.
“ A nih leh tinge i insual" ka ti leh a, a ngawi tlat tawh. A hunah tawng leh duh tlatlo buaithlak, a jacket a hlim mawlh mawlh a, a t-shirt hlih leh a tum.
“ hey enge....tinge i in hlih inha leh nghal rawh" ka lo ti chul a, min rawn nuih suk duh chauh mawle.


“ Ka thawmhnaw a balh vek hi , hetiang te chuan i bulah ka mu thei nang" a rawn ti nih chu. Ti rapthlak lutuk mai.
“ I haw loh ten, haw rawh apa in a hmuh che chuan ka thi nimai. Chubakah thil tih chi a ni re re lo" ka tih chuan zangthal duai hian ka khumah a let thla hmak a nih chu, a duhna ah hi chuan a luhlul ve si buaithlak.
“Hma tawkah haw ang che, khaw var hma in" ka tih chuan a rawn tho chhuak phut a, a hlim ni ngei tur a ni a khi vur vur mai.
“ Va inbual fai rawh i thawmhnaw hak tur ka lo zawng ang, i pem te kha damdawi hnawih vat ang" ka ti chuan bathroom lamah chuan a kal ve vat a, a thawmhnaw hak tur ka zawn zawh hnu chuan chuatah ka khum bulah mutna ka siamsak leh thlap a, mut dun chu thil tih chi nilo.



Bathroom atang chuan towel veng chungin a rawn chhuak a , ka lo inhup rang teh e. A nui ri pawh ka hre reng, a thawmhnaw tur a ka laksak chu ka vawm phei vat a mahse a phun hluk.


“ Kha kha ka mutna tur a mi" a rawn tih chuan chhuat chu a kawk va a, ka lu ka lo bu nghat. “ i va strict ve a" a ti leh a.
“ i mut duhloh chuan haw leh mai la " ka tih chuan min rawn pan vat a, thawmhnaw engmah a la in bel silo.
“ hei hi ka ha dawn maw" tih pahin ka tshirt var leh kekawr bul chu a lek va a, hmeichhe kekawr a ni bawk sia a hreh ve niang ka nuih a ti za lutuk ringawt. A pem velah chuan damdawi ka hnawihsak a, a sam ka chhemro sak bawk a. Hetia ka laka a pangchan ve te hian nuam ka ti ngawih ngawih a, ka duat thei hi ka lawm .




Kan mu ta ran mai, a bul hnaiah chuan ka va tawlh phei a , minlo en ve vat. Ka kut a lo hum vang vang a, a mitmeng mawi zet chuan min melh vang vang a, a hmui pem te chu a in hmeh ngawih ngawih a ti lang pa lehzual. Ka kut chu a fawp vang vang a, a sam chu ka chul sak hliau hliau a, hepa hi ka duh tak zet a ni. Tuman min laksak ka phallo ka ta chauh ni turin Pathian khi ka dil ziah.


“ Min ngai lo e " a rawn tih chuan a inla pangchang ve vel a mawni.
“ Ka ngai che , chuvang chuan lawm hetah ka riah tir che" ka tih chuan “ ka hnungte hi a na reuh lutuk mahse a ruh chung chung hian ka mu mai ang, i bula awm ka duh bawk sia" a rawn tih phei chuan ka nuih a ti za lutuk , inla khawngaihthlak kual vel lutuk a.
“ Lo mut chhoh i duh mi" ka tih chuan sawm pawh ngai lo in a rawn lawn chho nghal tharh, hepa tak hi chu aw.....



“ I bula awm reng mai hi ka duh, engtik lai pawh a kuah che a, i hmui te, i biang te i englai pawh hi ka taksa si reng hian awmthei se ka duh" a rawn tih chuan ka nui chhuak hawk,
“ em em a che aw" ka tih chuan min rawn kiss a, keipawn ka lo chhanglet ve vat, ka awmdan hi ka sawithiamlo ka thlawk delh delh hi a ni ber mai. Ka kawr chhung chu rawn zen lut a h* ute a rawn khawih pah a, mahse ka hnar ta biklo Zuatei khan min hrilhfiah tawh a, hnute khawih chin piahlam kalpui ka tumlo bur thung.




“ I mut kawr hi i in hmeh" a rawn ti deuh dut a, ka zak ve deuh reuh ka mut kawr hi a pan ve deuh bawk sia a bul dun bawk si.
“ Ka hmangaih che" ka tih chuan a aia nghetin min kuah a, “ Keipawn ka hmangaih che, ka nupui ni tawh mai la , ka nupui ni chungin class kan kal dun thin a nga" a tih chuan keipawn ka chak mahse hna neih a ka chhungte chawm let ve phawt ka duh a ni.
“ I hmanhmawh nih kha, kei chuan engtikah mah kalsan che ka tumlo a, kan pahnih kar hi a lo hla deuh a nih pawn ka rinawm dawn tih hre reng rawh, kum 4 chhungkha i tan ka lo rinawm char char a, a kum dang leh pawh i tan ka la rinawm char char thei" ka tih chuan a lu bulah min pawt hnai a.



“ Awm hrang tur ang maiin i tawng a" a rawn tih chuan naupangchhia hi kan ti khawpah.
“ A thlengthut thei tih thil thu ah mawle" tih pah chuan a biangah ka fawp vang vang a. A taksa chungah min mut tir a ka chal chu a khat tawkin a rawn fawp leh zeuh thin a.




“ Engtikah mah ka kalsan dawn lo che tih hre reng rawh aw, keimah ka inhmangaihna ai a nasa in ka hmangaih che." a rawn ti leh a, a biangah ka chul sak a. Kan pahnih inkarah hian induhna leh hmangaihna a awm a ni tih ka hria, kan hun kal tur ka hre lawklo mahse tun ang reng hian in duhin in hmangaih ila , awmdun reng thei ila tih hi ka duhthusam a ni.



“ Mutthla tawh la, a ruh viau chuan kan phah belh dawn mi" ka ti leh ta a, ka thlahlello a ni miahlo mahse khum khat a awmdun hi thil mawi leh tha a la ni hrihlo tlat a ni. Mahse phah belh a ngai lo a ti tlat a, ka kut a la vuan reng tho a mutthilh kan tum ta a. Ka mumang lam thlengin Joshua-a hian hmun zawng zawng a nei vek.



Naktuk hi kan zin ni a ni ta, ka helhhawlh a niang tlaiah chuan chaw pawh ka ei tha thei tawhlo, kan reporters pahnih pawh an phur ngang mai an thawmhnaw pawh nimin khan an siam zo vek tawh. Ka thawmhnaw vel pawh Nunui'n min siam pui a, Zualtei pawh rawn lawr phei sek mai kan phur tlang a ni.




Lalchhana pa car in kan kal a, Zualtei leh Sangpuia chu bike in an kal a , car ah kan leng dawn lo hrim hrim a, Mami a hmaah a thu a, Kan unau leh Joshua-a a hnungah kan in hnawh a. Ka naute pahnih chu an tawng duh barh barh bawk a, nuih na tur an ti tam khawpmai.



Kan tlan tluang bawk a, ka rin aiin kan thleng hma. Tourist lodge ah chuan kan in nghat a, ka naute chu Api te in lamah kan va drop leh a,api ten minlo hmu chu kan ri chul hlawm mai, kan inhmu khat bawk a kan inngai khawpmai. Zanriah ei turin min ti tak nang a han in tih fel phawt te kan duh vangin kan awmna lamah kan let leh phawt a,ka thiante pawn mut zal an duh zawk ang, an chau ve ngawtin ka ring.




Chaw vel te kan ei zawh chuan api te in lama phei turin ka insiam a, Mami lah motor a rui deuh si a ka sawm duh ta lo. a, Zualtei lah bike a kal an nih vang in a chau dawn si a keimah a phei ka tum ta a. Mipa ho chu kan piah chiah roomah an awm ve thung a.




“ Khawnge i kal dawn" Joshua-a lo chhuak ve chiah chuan a rawn ti a, ka pi te in a ka kal tur thu ka hrilh chuan min rawn zui ve nghal a.
“ Zana hmeichhia mahni chauh a chhuah a tha lo" rawn tih pahin min rawn kai nghal thak a, a rawn lan hun hi a hun thei chat chat a nia.


Putea fa te leh ka naute chu an lo bengchheng khawpmai, an in hmu khat bawk a a awm ve tho.
“ Bawihi hei i thianpa mi" api in a tih chuan Nunui pek chuan ‘ a bialpa nih kha' a lo ti pek a Joshua-a nen chuan kan lai dun ngang mai.



Dar 10 velah kan awmna ah kan let phei leh a, api leh apu pawh an lo tar tawh khawpmai. Thingtlang hi chu kum upa ve tak tak te pawh hi hnathawklo chuan an awm thiam meuhlo.



“ In hmu ru lawk ang" nui suk hian Joshua-a chuan a ti a, inchungah kan chho tlang a, boruak pawh a thiang nuam kher mai. Arsi te pawh an lang uarh mai a, thla lah chu Full moon zan pawh ni silo in a eng em em lehnghal a romantic tawp.



Ka hnunglam atang chuan min kuah hlu hlu a, a pangtilum chuan min ur lum hem hem a, ka nghawngah a khabe a lo nghah chuan ka lo nui uarh uarh zel a, ngaihna hriatloh hmel zet hian min en leh thin a, a za lutuk chuan ka nuih a ti za ni ber.



“ tinge i nuih zel a" a rawn ti ta nge nge a, a rawn nghat leh kher, a za lutuk chu a hrehawm zawk.
“ a za lawm a, ka nghawngah chuan nghat tawhlo la" ka ti let vat a, “ Tia nghah hian a romantic a lawm" a rawn ti nghut a, a ho kan ti mai mai khawp a, keiin a za ka lo ti ropui si a.
“ Khawi a nih keiman hnunglam atang ka rawn kuah che nga, ka lo nghat ve zawk ang" tih pah chuan a hnungah ka kal a, ka kuah ta thlawpa. Mahse a nghawngah ka khabe ka nghat pha ve ta lo tlat, buaithlak thin ka khabe chuan a hnung ka rawt sak hrep a, rawn inher in ‘ a za ' a rawn ti vut a. A ni pawn sa huat a nei ve tho sia.
“ A romantic a lawm" tih pah chuan a zakah kan dek ta vat a, a za ti chu a tal vak vak a.
“ ilo van lam thiam em em ve a, video in ka lo la ang aw" ka tih chuan, a ner nung a , a tum ta bar mai.




“ Ber bur a che, mipa zawk ti tau daih a, hmeichhia zawk an titau a ni ngai a" ka tih chuan ka kawngah min rawn kuah vut a, ka zakah a dek ve ta vak a nih chu ka za ti lutuk chu ka beng vak vak a, nghal leh lutuk mai mittui tla phungin kan nui a lawm le.




Kan room ve ve a kan luh hma chuan min han kiss leh te te a, min luh hmasak tir a. Whatsapp ah kan in be leh char char, I duh leh hmangaih em em kha i kham thei dawn bik em ni?




Tlangah te chuan kan kal a, phul lah a lo hringmawi bawk si nen thlalak pawh a nalh duh khawpmai. A couple te te ten kan han la a, Mami leh Chhana pawh kawppui neilo ve ve an ni bawk a an pahnih in an in kawp ta chawt a.



Mahni kal duhna theuhah kan kal darh a .Tlai ni tla tur thlirin kan thu dun vang vang a, kan hringnun chu tunah chuan harsatna aiin,hlimna in hmun a chang nasa zawk rih a, he kan damchhung reilo te ah hian Joshua-a nen a, damchhung hun hman ka duh a, a nupui nih ka hniallo mahse a la hun hrihlo tlat a ni.



“ Hmâna ka hla thin chu maw I like you so much you'll know it tih kha a nia. Ka ngaithla reng zel a mahse kan inthen hnu khan Hmangaih hmasa ber K.Hminga hla kha nia zantin ka ngaithla thin" ka tih chuan a nui che dawt a. Khang hunlai khan hemi hla pahnih hi ka ngaithla tlut tlut zel a nih kha.
“ A nih tunah eng hla nge i ngaihthlak tak" a rawn tih chuan ka en vat a.
“ Ka la hre hrihlo eng hla nge niang aw" tiin ka ngaihtuah nghal vung vung a.
“ Ka hmangaih che tih ka sawi lai hi i bengah cham tir reng la lo ngaithla reng zel rawh" thu tak deuh hian a rawn ti a. Ka lo nuih ver ver a, a biangah ka chuk pha silo a, a nghawngah ka chuk zeuh a.Ka awmdan chuan mak a ti deuh a niang a meng phawk deuh hra mai.




“ Kan inthen leh mai hi ka hlau thin" a rawn ti deuh dut a, a ni pawn ka ngaihtuah ang chiah a lo ngaihtuah ve ni. Tun tum chu then ka tum tawhlo lutuk tlat.
“ Kei chuan ka then dawnlo che tunah hrih hi chuan mahse, kan hma hun hi engmah kan hre silo a, buaina te pawh a lo awm palh thut thei a." ka ti let ve a, kan hma hunah enge thleng dawn kan hrelo tlat a ni.



Zan riah chu kan eikham a, inchungah kan thu ho thap a, kan hlim tlang khawpmai. Thawveng nih hi a thatna lai a tam a nia aw, thawvenna chuan hlimna tam tak a kengtel a, rilru chhungril a vei ngah deuh te hi an hlim vaklo tlangpui. Mahse keini pawh hi kan thawveng reng thei dawnlo hrim hrim.



Joshua-a phone chu ka en vel mai mai a, whatsapp ah te ka lut a mahse rinhlelh vang nilo in ka lut vel mai mai a, tu vak mah biak a neilo kei leh anu leh Remruatfeli leh hmeichhe dang pakhat chu a ni. Chuan midang pawh hmeichhia be tu ngah mahse keini ho chiah chu min chhanglet a, Mahse ka lawm miahlo. Tumah belo tur chuan ka ti thei lo, a duh duh be turin dikna a nei mahse khang hmeichhe pahnih a chhanglet ve kha ka lawmlo, ka ti dawn nge engtin emaw takin ka awm thinrim nan chuan a ho tham lutuk em le.




“ Tinge i va cool ta ve a," ka beng bula rawn phun sur sur pah chuan Joshua-a chuan a rawn ti a, mahse ka chhanglet lo ka rilru a mang vek, engmah ka ngaihtuah theilo.
Joshua-a kap kar ah chuan ka la thu reng a, midang ho chu thil sawiin an nui leh dar dar zel a, mahse ka nui ve theilo. Joshua-a chu phone ka pe let a, bathroom a kal chhuanlamin ka tho ta daih a, inhnuai lamah chuan ka chhuk ta daih a, ka thikthu te lah hi ka thunun thei bawk silo.




Anu in chanchin vel min rawn zawh vang chuan chho leh lawk lo in, roomah lutin ka be ta daih a, kan inbiak zawh hnu pawh chuan chho ta mai lo in, pawn lamah hawi thawveng turin ka kal ta daih a, thinrim lo tur a insum phawt ka ngaih vang a ni.




“ Hey tinge tahkhan i lo awm daih a, diklo a awm a mi" Joshua-a chuan a rawn ti a, minlo zawng ni ngei tur a ni, ka bul a rawn thlen chuan a thaw hlawp hlawp mai.A zawhna pawh ka chhang duh chuanglo, ka tawng a nih chuan ka vin hrep dawn bawk si.
“ Enge diklo ka tih chu" a lawm ta vak biklo a niang, a vin ve deuh, ka lo melh rum vak ringawt min vin hrep zawk a , kei zawk hian vin tur ka ni reng sia.
“ Ka hmangaih enge diklo ka tih chu, ngawi renglo in min chhang la, i kal daih a ka rilru hah hman a lawm" dam deuh zawk hian a rawn ti leh a. Min thlem ti tih a thil a sawi hian ka rilru a ti no zual ziah.




“ Kei leh inu nilo i hmeichhe biak thin te kha be tawh suh, midang pawh tumah i chhang let lo a, an ni pahnih pawh kha chhanglet tawh suh." ka ti vin tuarh a, vin pawh ka tum lutuk lo mahse ka inrin hma in ka lo vin leh tawh. “ Chu chu maw i thinrim chhan" a rawn tih chuan chhan en ah pawh ka en lo, kaawm danah a chiangreng a lawm.



“ Remruatfeli te kha chu assignment vel min rawn zawt thin a lawm, lo hrilh loh kha a nuam silo a, chuan pakhat zawk kha chu kan thenawmnu nia , Lalchhana a ngaizawng a" kan thenawmnu a tih chu hmanni a a phurhnu kha nimaw , “a bialpa nen an inthenna a la rei loh tehreng nen a va lerh ve, chubakah a zahtheihloh hmel em kha nangma tang kherlo pawn a duh chuan a bem thei reng" ka ti ve hlak hlak a, a ni reng lawm a hmelah leh khawsak dan te, inchei dan en chuan a zahtheihloh hmel em a lawm.




“ Mi chanchin a chhe zawng a sawi ngawt loh tur," a rawn ti hluk a nih chuan, khanu kha a tan zawk a nimaw.
“ Chu i va tan ve , a nihna ang a ka rin ka sawi ve a nimai a" ka ti ve ngat a, diktak chuan thawvengin tawngduh ve viau mahila, mi chanchin hi kan sawi tamlo viau ang, kan sawi ngailo chu ka tilo, mahse kan sawi khat khawpmai. A bulah ka thinrimna ka hrithla ve nimai a, min la hau zawk a nia. Ka thinrim lutuk chu a sam a keh hrep mai ka duh a, mahse ka kalsan ta zawk a.



Ka hnunglam atang chuan min rawn kuai her ta nawk a, “ Ka tan lam a nilo mi chanchin sawi ngawtloh tur ka ti ringawt a lawm, thinrim vak thin suh" a rawn ti ve a, mahse a tan ka ti tho tho, ni e an thenawm nu nia a tan ang chu le.
“ aw ka lo sawi tawh dawnlo nia" tih pah chuan a kut ka beng thla pawp a. Min rawn um zui leh a, min man bet a min rawn kiss zui nghal hmiah a, ka tal nawk nawk a, tunah tak hi chuan ka thinrim em a ni. Ka la tal chhuak thei chuanglo min pawm bet ta daih a. Ka inthlahdul hnu chuan dam min rawn kiss leh a, tlemin ka thinrim a zia deuh.



“ Nanglo hmeichhe dang ka tan ngai a mi, nanglo midang ka duhlo nangmah chiah hi ka duh che, i thinchhe ve lutuk a, i thikthu lah a chhe si. Mahse maw ka lak a i thikthu a chhiat hian ka hlim thin" a rawn ti leh a, ni e ka thikthu hi chu a chhe ve thlawt mahse ka duh leh hmangaih vang zawk niin ka hria.




Ka mipa duhloh lakah ka thikthu a chhe ngailo, tumah thik chhan tur ka neilo.Mahse Joshua-a hi chu ka ta keima ta chiah nise ka duh vang leh, min kalsan ka hlauh vang zawkin ka thikthu a chhia niin ka hria.



“ Remruatfeli leh khanu kha be tawh suh ang che" ka ti hmuk a, ka la thik deuh tho tlat a lawm. “ Awle i tih tlat chuan, a number kan delete nghal mai dawn mi" nui thaw chung hian a rawn ti ve a. Ka lo bu nghat nghat a, ka duh ka neih theih nan chuan hmasial ve zuai te pawh a pawilo an ti lawm le. Chubakah an no delete chu hmasialna a ni vak pawn ka hrelo.




“ Nangpawn Sawma kha be tawh suh" a rawn ti leh a, ka lo melh vat. “ A bulah pawh nui tawhlo la, melh pawh melh tawhlo la, harsatna i neih chuan min hrilh la keimah kaltlang zelin thil ti tawh ang che" a rawn ti deuh duah a, a ni pawh hi a thikthu a chhe ve tho sia.



“ Chu khuahkhirh ka ni ta nimaw, " ka hmui ti pawrh tarh chung hian ka ti a, ka hmui a rawn fawp leh ta zawk a. Kan han in kiss leh hnu hnawh thin a, kan sawi hleithei meuhlo.



“ Inkiss nuam tipa" ka ti zeuh a, a lo nui ve suk.
“ Keipawn ka ta chiah ni turin ka duh che a, zalen taka nung turin ka duh che a, mahse mipa dang hi ka thik leh zel tho bawk sia, khuahkhirh tlat che ka duhlo a, ka hmeichhia chu a duh dan leh ka duh dan a nung tel turin ka duh bawk si a. Mahse mipa dang bula i awm hmuh hrehawm ka ti leh tho bawk si a, thian chu an hriat mahse kan thian nilo ,ngaihzawng melh a an melh che ka hmuh te hian, min kalsan daih ka hlau thin." a rawn ti leh a, min duh ve zia leh min hmangaih ve tak tak niin ka hria, lawk hmangaihna a ni em? mahse min hmangaih tih a sawi a ka ring ngam a ni .




“Kan in hmangaih ve ve tiraw" ka tih chuan a lo bu nghat a, hla ah pawh ‘ Di zawng zingah pawh, a hmasa ber chuan thinlung an luah, an ral ve ngailo' a tih kha. Joshua-a pawh hi ka tan a hmasa ber a ni a, a ni tan pawh ka ni.




A tirin kan thinrim teh reng nen tunah chuan thinrim chu khawilam hi a ni ringawt tawh.Kan thiante chuan kan kalna minlo zawt sap sap a, inchungah rei fe kan awm leh hnu chuan mu turin kan chhuk ta dial a, hmeichhe hlang awm kan ni bawk a, kan han ti ti leh ta phawt a.




“ Mam Lalchhana hi i duhlo mi, a duh hmel che em hi" Zualtei'n a tih chuan Mami nen chuan phawk hra hian kan en a. “ Enge a ni lawm Chhana'n Mami a en dan hi i hrethiamlo mi, tlaw leh lutuk mai. Kan awmho te hian Mami hi a en leh vung vung zela , Mami bulah ngawt a nih hi a tal" Zualtei'n a tih chuan hmu thiam deuh tan, thian kan nih vang khan ka lo chik vak ngailo a , mahse thian inkarah pawh induhna a piang thei a lawm.



“ A nangni te chuan kawppui in nei vek a, keini pahnih in kan nei ve lo a, chuvang lawm kan inzui deuh tawp ni" Mami chuan a lo ti ve vat a, heipawh a dik thei tho , mahse an pahnih hian chik deuh chu an ngai a ni .


“ Mawl viau suh....aaaa, in mawl e mai. Kawppui in nei lo ve ve a, inkawp turin kawppui in neilo ve ve tihna nimai" Zualtei bawk chuan a ti leh a, Lalchhana hi mi fel a nia Mami tan pawh a thatlohna ka hrelo.



“ Mam a dik chiah Chhana hi i duh lo mi a fel a, a chhelo bawk a, chubakah thian ni sa in nia in inhrechiang a nga, a tha zawk daih ang chu" ka lo ti ve vat a, ka ngaihdan dik tak a ni.


“ In mawl dun e mai, min duhlo chiangsa" Mami chuan a ti leh a, a inngaitlawm thei a nia aw kan lal Mami hi chu.
“ I duh ve em" ka tih chuan a lai ringawt mawle, a duh ve deuh chiang mai.
“ Mu tawh ang u in ninawm, thian bak kan nilo" a tih deuh tlat avang chuan phun nung nung chungin kan mu tha ve ta a.



“ Hmangaihi kha i ni em" ka sir lam atang chuan mipa sang lampang ngo ve deuh hlek chuan a rawn ti a.
“ Aw ni e, min hria mi" ka tih chuan min rawn pan hnai a. “ min hre tawhlo mi, ipi te thenawm ah sawm kan awm kha" a rawn tih chuan ka la hre chuanglo.
“ E a nih chu" ka ti ta ringawt a.
“ Kawlbahra um hmin kan tum kha" a rawn ti leh a ka ngaihtuah vung vung a,
“ E Bahra-a kha maw, awi i lo van sang tawh em" ka ti ta hluai a, Bahra-a nen hian kan tetlai a ka zin chhoh apiangin kan in kawm thina, mahse tunah chuan a lo dang tawh lutuk a, ka hai a lawm le.


Ka thiante ho nen chuan an in chibai luam a, Bahra-a chu kan bulah a rawn kal ve a, kan ti ti char char lai chuan Joshua-a chuan ka kut a kaihna chu a hmer vak a, ka melh vat a minlo melh ngur mai a lungawilo ni ngei tur a ni. Bahra-a bulah chuan Joshua-a chu ka bialpa a nih thu ka hrilh leh hnu hnawh a. Tlem chuan kan zia ta deuh.



Api te inah chuan kan thianho in chaw kan ei a, mahse ka thiante rualin ka haw ve thei dawnlo, chawlh kan la nei tho a, cham rih turin min ti a ni. Keipawn ka hnial vaklo, ka zin ve chhunah an bulah pawh ka awm hleitheilo a, ka inthlahrung ve deuh.



Zanah chuan Joshua-a chuan chamlo turin min ti ta tlat a, a tir a phal khan a phallo ta thut a. “ Tinge a hma pawn i phal kha, ka cham rei dawn chuanglo a" ka ti ta nge nge a.
“ I lerh palh ang a ngailo" a ti deuh hmuk a, lerh viau turah minlo ngai nimaw.
“ Lerh min va ti awm ve " ka ti ta hmuk a, ka lerhlo ka ti lo mahse ka lerh vak pawh ka hre hran lo.
“ Lerh ka ti lo che" a rawn ti leh a,
“ I lerh palh ang i tih zo chiah kha" ka ti ve hmak a.
“ Chu chu lerh ka ti che tihna mi, palh ang tih ringawt a lawm. " a rawn ti let ve a, kan lungawilo ve ve niin a lang.



“ Bahra-a i tih kha, a hnaih ah awm suh ang che" a rawn ti hmuk a, a lo thik leh pek a nimaw.
“ Kha te chu thianpa a lawm, a ni pawn thian enin min en a lawm" zaidam deuh zawk hian ka ti leh a.
“ A en lo che, a duh hmel che. Kan haw hnuah hnaih suh ang che" a ti leh hmuk a, han hnial vak chi ni pawn ka hrelo, a thusawi awih a tha rih a lungawi nan.
“ Awle , ka bula mipa mu chiah hi ka duh" ka tih chuan min kuah leh vawng vawng a. A chungah chuan bawkin ka kiss a, a lo duhthawh nasa mai. Kan thian dangte chu dawrah kalin an hawi thawveng pah a ni.



“ Min ngai a ngem" a rawn ti a, “ Min ngaih chuan ka ngai ang che" ka ti vel a, min kuai thut a min bawh bet ran mai, “ nghal viau suh aw, min ngai dawnlo mi" a rawn ti leh a .
“ Nangmah zawkin min ngai dawnlo nih hmel, min ngaih chuan ka ngai ang che ka tih kha" a sam tuai sak niap niap pah chuan ka ti a .
“ Ka ngai dawn lutuk che hi cham rih ve mai ka duh, mahse tih tur dang ka nei si a." a tih chuan cham ve pawh nise pawi ka ti miahlo.



Ka kawr chhung rawn zen luh a tum rual chuan ka lo khap vat, kan thiante an lo lut thut thei si a, a chi hrih loh tlat.
“ Chhuk teh tho chhuak ang, kan thiamte an lo let tep tawh ang." ka tih tlat a vang chuan kan tho chhuak ve a, in kiss bak thil hi chu a chi loh tlat a ni. Ka pasal a nih hunah chuan a chi chauh ang.



A tukah chuan ka thiante chu ka thlah liam ta a, ka ngai nghal veng veng ringawt. Ka naute nen chuan kan la cham hrih ta a. Huanah te kan kal a, hah ve viau mahila a nuam phianmai, zing boruak a thiang nuam si. Chawhmeh velah chuan intodelh tak an ni.



Ni thum dawn chu kan cham ve ta a, mahse Tukin atang khan Joshua-a'n min rawn la be miahlo, ka call tlang thei bawk silo ka rilru a kap run mai. Lalchhana ka call ta ringawt a, mahse a chhan engmah a hre biklo. Ka awm a ti nuamlo vek.



Mami'n min lo call a, mahse a thil sawi chu awih loh ka duh mahse Mahse Mami'n dawt a sawi lo ang.
“ Tukin ah Joshua-a leh Remruatfeli hotel pakhat atanga an lo chhuak dun lai ka hmu a, mak ka ti lutuk a. Chuan Remruatfeli'n Ig ah thlalak vel a post nual mai." a rawn tih chuan ka thinrim takzet. A biak tawhlo tur thu min hrilh sia, mahse ka awmloh hlanin hotel atang an inzui chhuak nghal thei a nia,tenawm lutuk.



Ig velah chuan Remruatfeli thil post vel chu ka en a, Birthday an lawm ni ngei tur a ni. Kan en chian chuan Remruatfeli birth day a lo ni reng a. Remruatfeli birthday party ah te a kal vel a , an lo van in pawh awm em em, nge ni a Joshua-a hian minlo kawp reng zawk. A hma pawh khan kan inngaizawn hma khan Remruatfeli nen ka hmu dun thin a nih kha , ka tawt up up mai, ka awmdan hi a hrehawm lutuk. Tah vak duh mahila ka tap thei bawk si lo, In sawi thawlna duh mah ila ka thiante Aizawlah an awm daih bawk si.




Joshua-a chuan min rawn la be miahlo,min ngaih tur thu a sawi ve a, mahse min ngailo chiang khawpmai. Lalhmangaihzual ka hmangaih che a tih kha ring ta che, tikn ka inngaihtuah buai leh thul , phone mai ka tum a mahse ka theilo min lo biak hun ka nghak tlat dawn.



Ka muhil thei thlawtlo, ka in let ka in let a, ka mittui a rawn luang leh zung zung tawh.Ka be hmasa nga engkim ka zawt chiang nga, chuan ka rilru pawh hahdam deuh ang tiin ka phone ta a, rei a rial hnu chuan a la ve thei ta hram, a awmna chu a bengchheng em em leh nghal. “ Hello" hmeichhe aw a ni. Tunge niang, tunah dar 11 a pel tawh lenghal, an party ni ngei tur a ni an ri nuaih nuaih mai.



“ Khawnge Joshua-a " ka ti nghal thawr a, ka thinrim tak zet, Joshua-a pawh ka haw takzet.
“ Khawnge a lo kal hman le, keimah hi min be mai rawh a pawimawh viau leh ka lo hrilh leh dawn nia" a rawn ti nih chu, a bulah awm ila chuan ka kek hrep duh hial ang. Phone chu ka off ta hmak a, ka rilru han nat dan em em hi. Ngaihzawngte vanga rilru na hi ka la tawng ngailo a, mahse tunah chuan ka hrethiam chiah.





( in beisei a phalo ang tih ka hlau tawp, mahse assignment tih tur ka ngah thei lutuk a maw, minlo hrethiam hram hram dawn nia......Saranghae vek u💜)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)