THE END OF THE STORY ch-6

Episode kal lai dah luhna

Moderator: writers

Puipuii hmar
Posts: 7
Joined: October 2nd, 2021, 3:25 pm

THE END OF THE STORY ch-6

Unread post by Puipuii hmar » October 15th, 2021, 10:09 pm

The End Of The Story- Zorinpuii~Puipuii hmar




Chapter-6




Enge mo ri leh rek rek thin leh ka ban na thip zawk te, kha ó dam dap mai te kha ka hre nawn leh a. Mahse ka meng lo. Thawk ka la vang vang a, Felisa kha!!!




Meng chhuak nghal zawk in ka thu chhuak nghal hlawl. Ka mi hmuh hmasak ber chu Doctor Liam ani. A thi lo anih chuan midang pawh kha an thi lo ang!




"Doctor Liam, khawiah nge midang? Felisa a tha em? Engtin nge kan chhuah?" Zawhna hlir in ka khat. Chutia ka zawh lai chuan ka sir ah hian thu an awm ani ngei ang. Ka banah a rawn vuan nghal a, thaw dep dep in en ka tum a. Daryl anih ka rin vang ani. Mahse, min vuantu kut hi ama kut ani in ka hre silo a. Ani lo ngei bawk ang. A thih ka hlauh em avangin ka ban a vuan tu chu ka en lawk duhlo.




Ka ban vuan tu chu zawi muang in ka en a, hrilh nawn ka ngai tawhlo! Ka nu ani! "Nu" ti chhuak hliai in ka kuah nghal chung chung. Ani chu chet ngaihna ala hrelo. A hmahaih hle tih chiah ka hria! Kan inhmu ta! Kha ó dam dap neitu kha ka nu ngei ani! Ka hriatna ka hlauh emaw hlauh lo emaw, ka nu hi chu ka hai theilo.




Rei ngial kan inkuah hnu chuan, "I harh, Amelia, I harh!" A rawn ti chhuak tha leh. Doctor Liam chu ka en a, a hlim hmel te chuan thil thleng duhawm lo pakhat mah a awmlo anih min rin tir.




"Liam, Felisa chu...?" Ka tih chuan a meng buai zawk a, ka thin a phu nghal dup dup mai! "Liam! Khawiah nge midang?" Ka tih leh chuan ka nu bawkin ka kut a rawn vuan bet leh.




Kawngkhar chu a rawn inhawng a, mi tam tak, ti ila, chhungkaw hung deuh ang tur hi an lo lut a. Kalo en reng ringawt. Mithar an awm leh dawn em moni tih ka ngaihtuah laiin Amy ka hmu a! Engtin nge ka hriat chat chat theih ka hrelo! Mahse, an hmel chu hmu ila ka hria ang ka tih tawh kha. Hei ka hre nghal chat chat thei!




Min rawn kuah ve nghal rawk rawk a, tu hmel mah chu ka en chiang hran lo. Amy chu nghet takin kalo kuah ve ringawt.




"Ka ngaih zia che hi I hria em" tap ti tih hian a rawn ti a. Kei pawh hian ka ngai lutuk tho! Ka theihnghilh kha ka inthiam lo zawk.




Midang pawh chuan min rawn kuah ve liam liam hlawm a, hetia kan inbiak ho leh inhmuh takah chuan ka hrechhuak leh deuh vek hlawm. New York khawpui ah na na na hi chuan kapa hi hrelo an awmlo. Ka nu pawh designer hlawhtling tawpkhawk ani!




Chuan,Amy hi kapa unau nu neih chhun fanu ani. Midang zawng pawh hi kan chhung hnai vai tak tak vek an ni.




Doctor Liam alo luh leh chuan rang takin ka en a, midang an lo luh ve ka rin vang ani. Mahse, tumah lo luh an tum silo a. Ani dawnlo. Daryl te, Duncan te, thi thei an ni lo. An chak zia ka hria alom.




A rin ai a ka that tawh vang leh hetianga ka harh that reng chuan ni 3 bak ka awm a ngai tawhlo tih min hrilh. Mahse ka û,chuan alo duh tawhlo nasa. Tlai lamah kan chhuak ang a ti mauh mai a. Tlai lam khaw thim hun ni tawh in ka hre si a, khua ala var lo zawk tihna em moni le...?




Liam chuan hnial a tum viau nang in a tilui thei dawnlo tih a hria ani ngei ang. A ngawi leh ta zawk a. Mahse ni 3 chhung chu kal ziah turin min chah tho. Khawvel hi a pangngai leh tawh tihna em ni?




Engmah hi a awmzia ka hre lo. Liam hian min chhan a tum bawk silo a. Ka zawt nawn leh. "Liam, Anna a tha em? Naupangte kha engtin nge an awm. An tha vek em?" Tia ka zawh leh chuan min melh kawk kawk ni mai hian ka hria.




"Anna I hria mo? Naupang ho, Felisa leh Hayden nen?" A tih chuan lu ka bu nghat. Mahse hetia a awm thut hi ka hrethiam lo hle. Amy chuan, "I hre ngai ami?" A rawn ti chhuak phawng. Liam chu ka en leh a, lu ka bu nghal vat.




Liam chuan mak min tih hmel lutukin min en a, "Ala chau deuh anih dawn hi" kanu chuan alo ti vat. Liam hmela mak tihna erawh a bo theilo. Keipawh hian mak ka ti ve tho. Engvanga hetia awm tlat nge anih ka hrelo. Midang an thih vek tawh vang zawk te hi ani angem?




Ka harh leh chuan ni pawh alo tang tha tawh hle. Ka nu, Ka û leh Amy chiah an awm tawh a, Kapa chu tunah alo thlawk haw mek tih min hrilh tawh. Min buaipui viau na in, tun hi chu a pawimawh em a, a kal tak chhungin kalo harh chhuak a ti ka nu in. Mak ka ti lutuk chu sawi vak ngaihna ka hrelo. Tawng nachang ka hre tawhlo zawk. Engtin nge tun angah hna te ala buaipui theih zawk tih ka ngaihtuah.




Nurse 1 hi Liam nen an lo in zui lut a, nurse chuan tray ah eitur lo chawi lut in a rawn nui var var. Liam chu ka û nen an inbia. Nurse chuan eitur alo chawi luh chu Amy in a la vat. Thei tam tak, hrisel tak tak tur hlir ani. Chumi zingah chuan green apple chuan ka mit a la hmasa ber.




Ka la nalh a, ala thar em em mai lehnghal! Daryl rawn ken luh tir ani ngei ngei ang! Ka keih nghal siah ah chuan Amy leh ka nu in minlo en reng a, ka û pawh a tawng lai chawl meuhin minlo en.




*Enge* tih nan ka mit chu ka ti che a, Amy chuan, "A.. kan tet lai atang thei zei lep sa nilo kan ei thiamlo tlat thin a, I ei nghal ringawt sia, mak kan ti mai mai" ti chungin a chem ken chuan green apple chu a zei a.




Khumah chuan mu silo hian ka thu awn diai a, lukham chu ka tukhum a nawr pah hian mit chhing chungin green apple rim chu ka hnim vang vang. Daryl min pek anga thlum kha ani ve lo. Mahse, a tui tho. Daryl ka ngaihtuah ringawt pawh chuan ka ngai lutuk!




"Liam" ka tih leh chuan ka û nen chuan min rawn en ha, "Daryl khawiah nge?" Inthlahrung deuh tak chuan ka zawt a. "Daryl" a ti ve sup. A chhanna kalo nghak ran a, "Ka hming I hria pawh kha thil mak ani tawh a, chu ai mak leh chhawng chu kan chhungkaw hming I hria kha ani" a tih chuan sawi tur ber pawh ka hrelo. "In chhungkua, I tih awmzia chu, Anna, Felisa, Hayden leh Katey mo?" Ka tih phei chuan thlarau hmu hi a ang mah tawh zawk.




Ka nu chuan, "Amelia, kum 1 chuang tawh coma in I awm a, tukin khan ilo harh chiah alom" a ti ta mai! Anih chuan, khang thil zawng zawng kha a lem vek tihna mo? Aih. Ani lo! Ani dawnlo. Silai a min kah thleh deuh fua avang khan kum khat chuang coma in ka awm phah zawk aniang. Ka nui hak ringawt.




Ka nu bawk chuan, "I room balcony atang I tla a, khata tang khan kum 1 a liam tawh" a tih leh pawh chuan ka awih tawhlo. Ka awih dawnlo hrim hrim! Engkim, Engkim kha a tak ngei vek ani! Ka feel vek thei miau alom. Engkim kha ka hre vek!




Mumal pawh nei thei tawh lek loin hospital atanga kan chhuah hnu, in kan thlen thlengin tumah in min be tawng zo tawhlo. Hospital chhung te kha, chuan, Floor 3 C-7 te, ka hmu vek. Elevator a kan luh hnu te, first floor a kan chhuk thlak te. Engkim, Daryl nen a kan tih zawng zawng kha. A lem ani theilo!




Khumah chuan ka mu reng a, lukham ngheng in ka thu ani mah zawk. Amy chu ka bulah a mu a, phone a khawih a, min biak a tum reng bawk. Ka chhang lo a, a tawng a thulh chuanglo. Mahse, darkar chanve vel hnu ah chuan amah zawk chu a chau aniang. A muhil daih. Kan chhung hnai te leh, kapa hausak vak mai mai a rawn tlawn hiam hiam a, fel famkim hmel bik tak tak te pawh in min rawn kan a, inleng kan nei reng.




Mahse, room ah an awm rei ngailo a, an chhuak leh vat thin. An vai a an chhuah tak vek hnu ah chuan ka room zau pui ah chuan Amy nen chiah in ka awm a, kan maid pakhat in thil hrisel tak tak, thlai hring te, thei tam tak nen a rawn inchawi lut a.




Nu upa tawh lam ani a, fa pawh 3 lai a nei. A fate nen pawh chuan kan inkawm ve thin, kan inrual deuh reng.





Green apple bawk chu ka ban lehnghal a, Amy pawh in kan tih than dan bawk in kan ngaihsan em em, kan nu leh pa pawh in dinner ei ho tura chief guest anga min sawm sak phah ringawt tawh, a lo kalna tur ticket man tur zawng zawng te kan tum sak vek khawpa kan inhuam chhan,zaithiam kan tih a kan lo luan liam ve na em em, Mehro hla bawk chu a play leh.

Heels over head in the bedroom
You smell so good, don't need perfume
I'm a tulip, you're the spring bloom
I'd be a fool not to love you


Green apple ei chung chuan peppermint rim a sir atanga rawn nam chek chek te chu mit chhing chung hian ka hnim vang vang a. *You smell so good,don't need perfume* tih lai tak chuan Daryl.Amah bawk kha. Engkim hian min hriatchhuah tir vek mai si chu anih hi! Mehro ó, cool zawi hniang te, lunglenna thuk hmel tak mai a ó a ri chhuak te, a hla sak mood a a cheng lutuk te hian Daryl min hriatchhuah tir! Engkim mai kha a lem ani tih hi ka awih thei lo a, ka awih ngai dawnlo bawk. *I'd be a fool not to love you* Daryl kha ka lo duh zia a awmloh hnu hian ka hrechhuak. *Let her go*


*You only need the light when it's burning low
Only miss the sun when it starts to snow
Only know you love her when you let her go
Only know you've been high when you're feeling low
Only hate the road when you're missing home
Only know you love her when you let her go*


A sak ang chiah hi ka ni. Ka hmangaih em ka hrelo a, mahse, hmangaihna ani lo ka ti dawnlo. Ani em tih ka hriat loh rual hian, hetiang bak chu hmangaihna anih chuan ka ring lo. Ka sawifiah thiamlo. Keimah ah hian a awm tawp.




Amy min rawn sawi dat vang chuan ka meng chhuak a, "Ka sawi chu I hria em?" A rawn tih chuan mit hmul ka kan ak ringawt. Engmah ka hre miau hlei nem. "Balcony saw I hlau em?" A ti leh daih. Lu ka thing ringawt. Thaw huai hmel te a pu in ka hria.




"A that chu! Nuam I ti sia, I hlauh phah ka hlau a, boruak dang hip nan, va chhuak daih rih ila," ti pah chuan maid pakhat a ko a, couch chu hung chhuak turin a hrilh zui zat bawk.




Engmah sawi ta chuanglo chuan ka chhuak ve mai a, kan thut chhuah tawh hnu chuan Amy chuan, "Coma a I awm lai khan engthil chiah mo I mumangah I hmuh?" Min zawt har tawh ka ti reng ani.




"Ka mumang ani lo!" Ka ti chhuak thawt. A phu deuh zawk in ka hria. Ka mumang mai mai ani lo! Engkim kha ka hre vek a, a chiang mah mah bawk! "Anih I thil tawn" tiin a rawn thlak leh.




Mi à angah min ngai vek maiin ka hria. Psychiatrist min panpui tur thu an sawi chu ka hria. Mahse ka la na hran lo, min be tawng zo dawn miau hlei nem! Ka lak nat zawk chu, thil tlemte chiah ka sawi vanga hetia mi à, suangtuahna ram kha a tak emaw ti tlat thin mi ang maia min cheibawl ta hi ka duhlo.




Ka pa lo thlen lai chu ka hrelo. Couch ah khan Mehro hla ngaithla char char chungin Amy nen kan lo muthlu daih.




Ka sam a chul hliau hliau tu an awm avang chuan ka mumang ram atang ka harh chhuak a. Ka hma a lo kun reng chu ka kuah nghal chawt! "Ka ngai lutuk che" ka tih chuan, "Keipawh hian ka ngai lutuk che" "Ketz" a rawn tih chuan ka kuah nghet sauh. Ka mittui a hnai leh kuar tawh.




Daryl khan *Ketz* tiin min koh thin vang ani. Kapa chu ka en leh a, ka ngai tak zet. Ka ngaih em em chhan phei chu ka hrelo.




Dinner ei lai pawh chuan ka tawng lo. Tlem te ka ei a, ka puar zui daih. Amy, ka thian tha ber leh unau nu ni bawk chuan min zui nghal daih a, a la puar loh pawn ka room ah khan fridge lian vak lo kan hung a, chuta mi chu a ei leh mai ang.
.
.



Balcony ah kan thu leh a, zanlai a hnai tawh em em bawk. "Sawi tawh rawh le" a tih chuan ka ngawi deuh vang vang a, Amy nen hi chuan zep nei loin engkim kan in hrilh thin. Ka thaw hak a, hospital atang ka harh chhuah rual atanga ka thil tawn leh thil thleng zawng zawng te chu hmaih awm miah loin ka hrilh vek.




Ka hrilh chhan pakhat ni bawk chu, thil mak deuh, mak deuh tih ah, thil awm theilo tur ang ngaihtuah hi kan ching a.Hmanah pawh chawlh hmangin kan pi bulah kar 1 chhung kan awm a, farm ah. Inchunga ka awm laiin ka thlang dil ah enge mo che zek zek hi ka hmu a, ka en reng a, sava anih ka ring a, tui chungah a tlan phei a, hmanhmawh deuh in. Ke 2 chiah a nei tih ding meuh a ka en chuan ka hmu. Mahse a hlat deuh em vangin a taksa te kha chu ka hmu chiang theilo. Thawk lehkhatah a zuang thut a, kopang ah chuan a bei deuh chat a, a vawi hnih nan a zuang leh zek a. A pil bo zui daih. Mak ka ti em em a, a chhan chu room, tuma hman loh chhung kha ka en chak tlat vangin ka lut a,thuthleng hniam te lo awmah ka thut hnu reilote ah ka mut a chhuak a, enge ka melh ber pawh hrelo a ka en ngai ka en reng laiin ka hma zawnah tak hian enge mo hi a rawn tlan zawk a, ka meng kawk a, ka zawn zui pawh in ka hmu tawhlo.




Ka zawng zui lo hrim hrim zawk. Ka tihnat a hlau anih ka ring a. Chumi ka mak ti lutuk tih vak ngaihna hre bawk silo chu inchungah ka chho a, thil mak dang bawk ka hmuh leh nghal vang ani. Amy ka hrilh a, chhun atang kan thu a, zankhua in ka pi hriatloh in camera nen, pen leh paper nen inchungah chuan kan chang. Mahse kan hmulo. Chu lo pawh thil, miin a awm an rin ngai loh hi khawiah emaw a awm kan ring tlat a. Khatiang ring tlat tu ve ve ni na na na chu, kan ngaihtuah dan te a inang a, ho mai mai leh mi à ah min ngaih ve loh hram ka beisei vang ani.




Uluk lutuk hian alo ngaithla a, ka sawi lai chuan ka thusawi ah ka cheng veng veng thei. Daryl hmel ka ngaihtuah a, Felix te, Olivia, Ava, Charlotte, Liam, Flinn, Anna, Hayden leh Felisa. Chuan Teresa, Beth leh Duncan te... Ka lung a leng ngawih ngawih. Ka ngawih vang vang pawh in lo tawng a tum bik lo a, ka sawi zel hun tur alo nghak tawp. Parallel world ah ka awm em moni le... Tih te chu ka ngaihtuah. A chhan chu engkim kha ka feel vek thei miau si ani. An chiang em em vek!




Emaw, coma a ka awm chhan kha balcony atanga ka tlak vang niloin silai mu vang kha anih ka ring. Daryl te kha... An vanduai anga, an damchhuak ve lo a, ka ngaih dawn lutuk vangin dawt min hrilh aniang a!! Aih.. nilo.. aih. Daryl a thi thei lo!




"Khawvel khawi laiah emaw a awm tur ani! Daryl kha awlsam taka bo ve thei ani lo. Amah pawh in 'Ka hmu leh tho ang che!' a ti silai mu in min per hnu lawkah khan. Keimah min hrilh lo ni talo pawh nise, keipawh hian ka hmu leh tho ang!"




Mit la chhing reng chung chuan ka ti leh. Ka hmai lum thla pap pawh chu ka hre vek. Ka men chuan hei ai hian ka mittui a tla nasa dawn.




Rei ngial chutia ngawi renga kan awm hnu chuan room chhungah chuan Bruno alo lut a, ka mittui ka tuai hul sawk sawk. Bruno, Bruno Mars ani. Ka unaupa, ka pa fa hmasa ani a, mahse mi hrang, nu hrang nei bik angin kan awm ngailo. Mahse, tumah in unau kan ni tih erawh an hrelo. Ka pa hian fa dang anei tih hi tuman an hrelo ka tihna.




"Kan hla phuah kha ka sa tep tawh ania, a nalh viau ang" a tih chuan kalo nui hak. Ka kum 13 birthday ah hla kan phuah dun ve ngei tawh tak alom.




"Aih hla thar ka phuah leh dawn" ka tih chuan a nui hawk hawk. "Naktuk atang hna I nei tihna anih chu. Thla tharah chuan ka let leh tawh dawn. Ka awm chhunga I tih vat vat a ngai" a tih chuan lu ka bu liam vel mai mai. Mahse, ka phuah tak tak ang.




Darkar 1 vel kan bulah chuan a awm a, kan nui kan nui ve mai. A chhuah dawnah chuan in enkawl tha turin min chah a, hla phuah tur mawlh chu a sawi nawn leh.




A chhuah hnu lawkah Amy chuan, "Naktukah hna khawih tur ila nei hman lo. Tihtur kan nei" a tih chuan ka en deuh hu. "Crossbow-man I ti ani lawmni?" A tih chuan lu ka bu nghat. Eng thil chiah nge a ngaihtuah leh tawh ang tih ka hrechak viau.




"Naktukah khaw chhung ah hian Crossbow siamna zawng zawng leh a mu siamna zawng zawng kan dap chhuak vek ang! Ni khatah chuan kan zo dawnlo nasa aa... Ni enge mo zat pawh sen ngai dawn se, kan zawng ang! Chuan,kan hmuhloh chuan Atlanta lamah chawlh hmang tur angin kan kal bawk ang" a tih chuan ka nui ro hak ringawt. Mahse a ruahman na chu tha ka ti! Hla phuah chu ka hman chang chang in ka ngaihtuah zel mai ang. A sa tak tak ngai chuang lo.




"Mahse, kan pahnih chiah thuruk ni rawh se aw" a tih chuan mit min siai kher. "Tehreng mai!" Phur lutuk chuan ka ti ve leh.



Daryl Dixon, ka rawn zawng dawn che!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)