PROMISE

Episode kal lai dah luhna

Moderator: writers

SumMer Ralte
Posts: 104
Joined: September 6th, 2021, 11:35 pm

PROMISE

Unread post by SumMer Ralte » October 15th, 2021, 10:17 pm

CHAPTER-13




Mahse hma lam pan se ka duh, hetianga nun a hman reng pawh hi a tha ber chuang lova; a nunhluiah khan a la cheng reng a chu chuan hma lam pan a ti harsa niin ka hria. Mi hlim thei tak ni thin kha zanin chuan hmuh tur a awm lo, mi khawhar leh lungngaihna tam taka khat bak hmuh tur a awm lo






Eng eng emaw sawi a kan ti ti leh teuh hnuah kan mu ve thei hram. Ka harh leh meuh chuan a tlai tawh ang reng khawp mai, hmanhmawh lutuk a tho in hna kal turin ka insiam sawk sawk a; nizan kan mu thei lo kan titi rei bawk a tuk thuan pawh ka ei hman dawn lo nih hi Dinmawii phei chu thawh pawh a la thochhuak lo hrim hrim zawk






Office ka thlen chuan vanneih thlak lutuk in ka tlai lo hlauh, ka thaw huai theiin ka hria. Luca pawh a rawn thleng ve chiah a, ka nuih ngai hauh lovin min hmuh veleh a nui suk a; a inthlak tawh tak zet "Ka room ah min rawn hmu lawk ta che" ka bul a lo thlen rual chuan a rawn ti sa sa a, ka zui ve nghal




A room a ka luh rualin kawngkhar a kalh hmak a, min pawm nghal nawlh bawk "A mak, miin min hmu nge a zahthlak a nia" a dar a chum taih taih paha ka tih chuan a kiai suk a "Tumah min hmu tur an awm lo" hahdam hmel zet hian a ti a, kei ka hlauthawng a tuna kan awm dan hi midangin min rawn hmu vaih se la chuan keimah zawk thiam loh min chantir ngei ang





"Kawngkhar ka kalh hlauthawng vak duh suh" a tih pawh chuan ka hlau tho, tawng leh tum a ka ang zuau chu min rawn fawp nghal a; ka ngawi chiang khawp mai. Min fawp uar telh telh a keipawhin rei dawh lovin ka chhang let ve vat, a nui suk a a dawhkanah chuan min thut tira,a kut pahnih chu dawhkana in bengkhalhin a rawn kun bawk a, ka chal leh a chal a dik tir nghal zat bawk






Kan duhtawk chen kan in fawh hnuah kan inthlah ve thei ta hram, a chal a ka chal la sik tir reng chung chuan "Zanah chaw kan ei chhuak dawn nia" a ti sup a, "Khawiah?" Ka lo ti vat. "Hmun nuam deuhah zanin thil ka eichhuah pui ang che" a ti a, ka phur nghal khawp mai





Luca nen thil ei hian kan la chhuak lova, chhun lama thil kan ei tih loh chu zan lamah chuan kan ei chhuak lo; chuvang chuan ka phur a ka chak tawh tak zet. Ka lo nui leh ver ver thin a ni ngei ang "Eng emaw thil nuam tak kan tawng em ni" nuih pat pat pahin U Siampuii chuan a ti a, ka ka ka chip chiang ngang mai "Tinge?" Hrelo der hmak a ka tih chuan a hmui a pet sawi zeuh a "I rawn chhuah atangin i nui reng, hrethiam lo rual chu ka ni tawh bik lo a nia aw" mit ko san ak a a tih chuan ka zak lutuk chuan ka nuih tlawn ta ringawt






"Ti tehhh... Zep duh suh, nangmah vang hian Luca pawh hi a hlim thin teh a nia in pahnih hlim dun lai hmuh phei chu nuam ka ti" a ti leh a, ka rilruah thil pakhat a rawn lang zawk "U Siampui, Luca leh a u te hi an in pawh vak lo a mi?" Ti a ka zawh chuan a ngawi zui rauh rauh a, min chhang tawh dawn lo emaw ka tih hnuah fe ah min rawn chhang ta hram






"Pawh e mahse an ni chu tiang vel hi a sawipui ve theih lova, Mami lahin pasal a nei tawh a Ziktei lah Bangalore ah doctor in awm daih bawk sia Luca tan chuan a u ang tak tak ka ni ve a, a unau dik tak te ai pawhin kan inpawh zawk mai thei a ni" a nui suk a keipawhin ka lo nuih let ve seih. A nih ka ring reng a chhan chu ka hriatah a u te chungchang sawi lan tur hi a awm lo ve em a, U Siampuii chuan eng eng emaw min hrilh ve thin nual lo se chuan Luca tang chuan engmah ka hrelo tawp ang






Tumah hi engmah a hrilh ngai lo nge, hrilh tlak a ti lo ve deuh pawh ka hrethiam lo. Mahse tul a tih hunah chuan keipawh min hrilh ve mai ka ring "Engnge kan ei ang, vawiin chu ka lo pek kep ang che" chhun chawlhah chuan U Siampuii chuan a ti hluai a, ka pawisa neih loh lai taka chutiang thu a rawn sawi chu ka lawm hi a ni tawp "Egg roll leh soup a nimai" ka tih chuan a ner nawk a "Ei tlem i va tum ve, ka pe dawn ka tih vangin i inthlahrung a mi" a ti leh nghal zat a, lu ka lo thin khum vat






Tlaiah chaw kan ei chhuak dawn a, tam deuh ka ei chuan ka puar rei thei thin si a chuvang chuan ka ei thei lo mai ang tih ka hlauh vang zawk a ni; "Ni lo, ka inthlahrung lo mahse vawiin chu ka ei chak tlat a" ka chhuanlam siam chu hrethiamin eitur chah belh tawh turin min ti lo hram se ka ti tak zet, a bu ta nghauh nghauh a a hrethiam a nih ka ring nghal hmiah





"Tiang kha a awm ve tlat thin alawm, thil ho lam deuh ei chak tlat lai te hi" a ti a, ka lawm tak tak. Mi thil chik mi tak chu nise ka sawi leh dap a ngai awm sia Dinmawii ang lo takin thil a chik ve vak lova, a zia phian mai; kan eikhamah kan let leh nghal a, Luca thil sawi vang nge maw ni ka helhhawlh riau pek a, kan bang har ka ti tawh tak zet






"Nghah i nei a mi, i ke i va chet nasa dat dat ve" U Siampuii chuan a rawn ti leh a "Nei lo, engmah a ni lo" chhan pawh ka chhang tha thei tawh lo. Ka helhhawlh a, ka phur bawk a, engkim chu ka ning vel vek tawh ni maiin ka hria; a nui hak a "Eng emaw hi chu zep ve i tum thin a i awmdan in a sawichhuak leh tho si" U Siampuii bawk chuan a ti leh a, a nih ka ring ka phur zawng tak thil a nih chuan ka inthunun hlei thei thlawt thin lo







"Chutianga lian tham a ni lo, thil ho te ni mah se ka phur lutuk" nui seih paha ka tih chuan a bu nghat a "I awmdan atang khan a nawm ka ring, i nghahhlelh tawh hmel emai" a ti a, ka nui ringawt thung. Kan ban meuh chuan ka petek chhuak a tih theih thaw thang ang, U Siampuii rawn nui hak ri pawh ka hria mahse pawn thlen vat vat chu ka chak a ni ber






Nghah ngai tho mahse pawn thlen vat vat kha engvanga chak tlat nge ka nih pawh ka inhrethiam teh teuh lo, ka duh ai ka nghak rei; mi pawh an rawn chhuah vek tawh hnuah pawh a la rawn lan ve loh avangin a thulh leh a nih ka ring a, ka hnual nghal vekin ka hria; ka inher ka kal tur chiah chu "Min lo nghak rei em?" Ti thum dut tu an awm avang chuan ka hawi let rang chiang khawp mai






Ka tum khum bar a "I rei lutuk" ka bak hlar chu a nui suk a "Department dang hotu lam te nen kan inhmu khawm leh lawk a, i hman chuan kan kal dawn a mi?" Dar chhin uk paha tiin ka darah a kuahin a motor lam chu min pan pui nghal. Motor chhunga kan luh hnuah "Kal ila" ti leh supin ka kut chu a kutin a rawn hum hnan a, a tlan chhuak nghal zat bawk





"Khawi hmunah nge kan kal dawn" ka lo ti ha a, min rawn en zukin a kiai suk a "Kan thlen hunah i hre mai ang" tih chauhin min chhang, min chhan dan chu duhkhawp viau lo mah ila thilsawi lawk duh lo mi a ni tih ka hriat avangin ka zawt lui zel duhna ta bik lo. Mahse hun nuam tak kan hman ka beisei tlat thung







Kan eina tur hmun kan thlen chuan hotel hman ni lawk a an hawn thar kha a ni tih ka hre nghal mai, a to dawn si a ka inthlahrung lawk; thil pawh ka duh ang tawkin ka ei ngam dawn a maw ni le tih tur hial a ni, hetiang restaurant pangngai pawh ni lo changkang lutuk tawh ang chi chu an engkim a to nghal vek thin bawk sia







Lut mai lovin a kawtah chuan dingin ka hma mi chu ngawi rengin ka thlir dauh dauh a, a chhunga luh te ka zak hial nia mawle hahthlak zawk hian! Ka kut a a rawn kai chat a "Lut ila" min en pahin a nui suk a, chil ka lo lem khalh thung "Aaa... A to hmel si" ka ti nang nang a, a nui hawk ri ka hriat rualin ka en chho nghal vat. Nuih la insum hmel zetin min en a, keiin ka lo melhrum hrawk thung, hetiang ang a changkangah ka la chawl ngai lova an thil to tur zia ka ngaihtuah hian ka ngam lo te pawh a ni ve ang a chutianga lo in nuih chu ka duh hauh lo






"Engnge mi nuih nang angin hetiang ang a changkangah hian ka chawl ve ngai lova, ka zak ve a nimai lawm" ka tih hlak hlak laiin ka biangah a rawn piai zeuh a, min nuih suk pahin "Ka nuih miah lo che, kan kal dawn mi" a ti leh a, ka hmelah ka hreh tih hre tho mahse kan ei dawn tho avangin ka hnial ta bik em lo mahse min vawnna a kut chu ka vuan nghet hle thung





Table a lo hauh lawk tawh tih hriat lutukin waiter chuan kan thutna tur min kawh hmuh nghal a, kan thut fel hnuah eitur te kan chah a; a chhung chu a zau mai bakah a reh ruih a, light awmdan leh an music play ri nguai nguai chuan chulai hmun chu a eng emaw tih nawm riau pek leh nghal. Kan eitur chah nghah laiin eng eng emaw te sawiin kan titi luam a, a changin kan nui leh bak bak thin bawk





Tuna kan awmdan hi ka ngaihtuahnaah bak ka chan ngai lo, a taka a thlen ka ring ngai lo hrim hrim mahse chu ka ngaihtuahna chauh tura ka rin a taka a thleng chu ka hlim tak zet; "Nuam i ti em?" Ti a min zawh chuan ka bu nghat a "Ka rin phak bakin nuam ka ti" ka tih chuan a khi suk a "Ka ring" tih zawngin min chhang thung





A chang hi chuan tawngkam te hi a nei tawi angreng viau zel, min chhang peih lo emaw tih mai turin a bung thei em em zel leh nghal; kan inzuina a rei tawh nafam chu ka Luca mizia hi ka la hrethiam thei lo ta cheu chu a nih ber mai hi! "Tam deuh ei la, inthlahrung miah suh" min ngaihtuah hmel fe a a tih chuan ka nuih a za leh tlat tawh






Rum tak leh nelawm loh deuha a awm hian a nuam ka ti zawk, min ngaihsak tih hriat taka tawngkam a hman thin te hian inhmeh lo ka ti a, ka nuih an ti za tlat zel; engvang nge phei zawng ka hrelo mahse ka nuih a za tawp a nimai. "Tehreng mai ka ei teuh dawn, chhunah ka inhrek rei bawk a" ka tih chuan a nui ve hak hak mai






Kan eitur chah alo thlen chuan a tui hmel hlawm tak zet, dawhkana an rawn chhawp lai te chuan riltam vangin ka pum a ri nghal rawih rawih theiin ka hria, a rimtui lutuk tlat a ni. Waiter kal hnuah eitur chu ka ei nghal mawlh mawlh a, nui hak ri ka hriat chuan ka hawi chhuak vat Luca chuan min lo en reng a, eitur la hmuam tun pah chuan zawhna mitmengin ka lo en vat "I ril a tam tak tak a nih dawn kha" a ti sup a, ka zak leh hnuhnawh angreng khawp mai






"Min en reng lo khan ei rawh, a tui hlawm teh mai a nia" ka tih chuan a bu nghat a, a ei ve mai. Nuih seihin ka ei chhunzawm veleh nghal zat bawk; hotel hawn thar tih takah an eitur siam a changkangin a tui bawk a, to lo chi zia zang a nih pawhin ka hrelo. A hnuah ka ei dan chu thlakin muang changin ka ei a, kan titi pah zeuh zeuh bawk






Vawilehkhatah ka hmai chu a hit sawk a, ka phu nasa lutuk chu ka te nghal thawt; ka hawi chhuah ruala thip zeta min en lo tu chu hmuh a nuam fahran lo khawp mai "Hetiang mi hnuai hnung lutuk, vawkpui ang maia thil ei thin i duh vang hi a mi min kalsan a" keimah min la en reng chung chuan a biak zawk chu Luca a ni, ka bula mi lah chuan chhan a chak vak lo tih hriat takin a thawchhuak nghal hawk a, ka bag a ka rawmawl chu la chhuakin ka hmai huh hnuang mai chu ngawi rengin ka hru nghal mawlh mawlh






Luca chu ka bula rawn pheiin min kai nghal chat a "Lalchhanchhuah i thil tih hi i hria em? Ngaihdam dil nghal rawh" a tih chuan ka hma maia ding mitmeng thip hlara min en rengtu chuan ngaihdam chu min dil loh hmel khawp mai "Hetiang mi hnuai hnung laka ngaihdam dil tur khawpin tihsual ka neih awm ka hrelo" ngeiawm lutuk a tiin a nui sak bawk. Min tihdan chu ka nihna ni tho mahse mi hnuaihnung chu ka ni em em bik lo asin mawle






Luca chuan khawih a chak tih hriat lutukin a hmel landan a inthlak nghal vek a, a thinrim tih hriat takin a inseh ruh teuh bawka, min kaihna chu a ti nghet sauh bawk. Amah ka en chhoh chuan a bek pawng talh talh te chu ka hmu thei nghal mahse chunu erawh chuan enga tan mah a ngaih loh bik kher mai "Luca henu ai chuan ka tha zawk, ka duat zawk bawk ang che ka bulah rawn let leh rawh" min en tawh lovin Luca chu a en tawh zawk






A tawng no duam te chu ka lo ti thei lo tak zet "I pawi ka sawi awm ka hriat loh ang bawkin ka hmaia tui theh tur khawpa i chungah thil tih ka neih awm ka hrelo, chuvang chuan ngaihdam min dil rawh" a awm dan teh hrep vang chuan ka thinrim a kai chhuak ni maiin ka hria, a nui hak a a za lo tih a hriat hle bawk; rum lutuk a min en lehin ka hmaiah a rawn beng nghal sawk. Ka inring lo bawk nen ka phu chiang hle chutiang bawkin Luca pawh a che dawt mai






"Lalchhanchhuah" a ti nghal hrawk a, min vawnna chu thlah tum nghal mahse ka lo vuan let vat thung; Luca thinrim insum zo lovin a khawih duh mai ang tih ka hlau, min rawn en chhuk nghal run a chil ka lem deuh khalh. Tiang em em hian a thinrim ka ring lo, ka la hmuh ngai loh Luca hmelah chuan thinrimna leh chunu khawih dun mai duhna hmel ka hmuh bakah a mit pawh a sen ram mai, ka nuih seih a lo insum turin leh keiman ka tih tur thu ka mitmei nghal vat a, a hrethiam a ni chek ang chu a thaw chhuak nghal halh mai






"Rapthlaknu engvangin nge ka mipa hi min chuh, tunge ka ni tih i hria em? I thil tih pawi lutuk vang hian i la tuar ve ngei ang" a ti leh nghal hlak hlak a, a thin a rim tawh hmel tak zet. Ka nuih khum sak a, Luca ka vawnna chu thlahin chunu lamah chuan ka pen hnai salh bawk, cho ar a enin "Tunge i nih ka pawisa lo, ka chunga i duh duh dana che tur lahin ka engmah i ni bik lo" ka ti let ve salh a, min rawn ben leh mai tum a a kut a lek kang uai tawh chu lo man beh sakin na zetin ka thlak thla nghal mawp bawk






A inchei nalh zer zuar bawk a, pheikhawk sang nen chuan a ding nghet vak bik lo a ni ngei ang a pei nghal khut khut mai; "I va zak theilo ve" ti lehin min rawn pan leh a, a inrin ve hma hauhin ka tha tawpin a hmaiah ka lo ben sak nghal thawt chu a rak nghal chel chul a, a hmai dawm pahin mittui tling mapin min melh kal bawk





"Zahna chang te hre ve ang che, i mipa a ni tawh lo tih pawh hre tel bawk ang che" ka tih chuan ka hnunga mi chu a lo nui hak, inherin Luca chu ka nuih seih a "Kal ang hetiang mihring nen a buaina siam ka peih lo" tiin kal mai ka tum chu ka hnung lam atang chuan ka samah a rawn kek a, tanna hman eih pawh a awm lo ka inring lo bawk nen ka pei nghal khut khut mai






Ka sama keh zel pah chuan min hnuk phei a "Zak theilo nu" tih pah chuan min kek a, tha lah chu a ngah zek leh nghal; ka inrin loh laia min khawih a nih miau avangin ka tan chet ve ngaihna a awmlo. Chutia kan inchei laih laih lai chuan tu emaw tha chak chet hian min pawm hrang nawlh a, ka sam a thlah rualin ka lu vun te chu a thip na nghal ngut ngutin ka hria





Chunu bawk chuan min rawn pan leh a tum a mahse ka hmaah Luca chu ding nghalin chunu bulah chuan "I kut hmawr pawha i khawih leh a nih chuan ka tih duh loh tawp tur ka ti mai ang" chang leh fiah fek fawk a a tih chuan chunu pawh chu a ding nghal chat, a hmelah chuan hlauhna ka hmu zuaih na in a rei lo a insiam tha leh nghat vat






Thawk leh khatah uar zetin a rawn nui chiam a, rapthlak ti zetin ka lo en ha; a kawchhungah ramhuai a lut ta emaw tih mai turin chunu mit chu a sen ram a, a nui lai te chu a rapawm tak zet bawk. "Kal ang" ka sam hnawk niaih chu chul mam pahin min kai zui nghal zat a, kal mai tuma kan inher leh zet tawh chu chunu bawk chuan "Luca khanu bulah khan i kal thei lovang, kal suh kal miah suh" a ti tuarh a, ka bula mipa luhlul leh ngawhngawl zet hian a ngaih pawimawh ve hmel teh chiam lo






Min rawn nuih suk a "Ngaihtuah duh suh, kal ang" a ti a, lu ka lo bu nghat. "Khanu bula i kal lui a nih chuan ka hmel i hmu leh tawh ngai lovang" a ti leh a, zakthei lo hi ka van ti tak; a tu ah vak nge maw a in ngaih a chutianga a awm chu ka hrethiam lo tak zet "Zoremsang kal suh ka tih che chu, i kal lui leh a nih chuan helai hmunah hian ka inthat ang" a ti leh tuarh a, kan ding dun nghal chawt





Thahah a vau a maw? Luca lam chu ka en chho nghal vat a, thinrim lutuk tih hriat takin a lo inhum ruh nghal teuh bawk; hahthlak tih hmel zetin a thaw zui nghal hawk bawk a, min vawnna chu thlahin chunu lam pan a tum chuan ka hlauthawng tak zet ka lo vuan ve nghal vat a, ka mit meia kal lo tura ka tih chuan ka hmai a rawn chulin a nui suk a "Hlau suh engmah a thleng lovang" tiin chunu lamah chuan a pen phei nghal pawk pawk





Ka dinna hmunah chuan dingin ka lo en reng a, ka tha te chu a khur nghal vek. Chunu chu ka hlau vang ni hauh lovin Luca chuan kei min kalsanin chunu bula a kal daih chu ka hlauh vang te pawh a ni ta ve ang, thaw dep depin ka lo thlir reng a; ka dinna hmun ngaia din renh chu harsa ka ti tak zet. An lam pan chuan ka phei ve nghal vat a, an zawn ka thlen chuan chunu chuan intihtheih hmel zetin min en a chu chu na ka ti tak zet






"A tawpah chuan ka bulah bawk a lo let leh ang, nang ang mi hnuai hnung lutuk bula Luca awmtir reng hi ka phal reng reng hleinem" a tih chuan tap lo turin ka inseh ruh nghal vat, "Kal suh, Luca khawngaihin kal suh, min kalsan suh khawngaihin khanu bulah khan kal lul suh" ka rilru in ka ti nghal mawlh mawlh a, mahse ka hmaa ding mipa lah chu a ngawi kar thung






Chunu intithei leh min hmuhsit zia tih lan nan a a nui uar uar te chu hriat hrehawm ka ti tak zet, inher in a chumi te pahnih kalsan mai ka tum chu "I duh duh chu ti rawh, i lo in that ta a nih leh min hmu tawh ngai lo zawk ang" a nui hawk a, ka lama lo kalin min rawn nuih suk a, ka kut a kaiin pawn lam panin min pen pui nghal pawk pawk "Zoremsang, engtin nge i tih theih? Ding rawh! Kal suh" ti tuar tuar ri chu hre mah ila, ka bula mi pah erawh chuan a ngaihsak vak lo tih a hriat theih






Motor a kan luh hnuah tlanchhuak mai lovin ngawi rengin kan thu dun reng a, kan thaw leh hak thin; ka ngaihtuah let a min tih dan chu ka pai dam thei thlawtlo. An ni angin kan hausa lo pawh a ni mai thei mahse mi hnuai hnung chu ka ni bik em lo asin mawle, ka nu leh pa te ka ngaihtuah chhuak a an theih ang ang a min enkawlna hi mi hnuai hnung in tih ka phallo






Ka tah rawn chhuak thutin ka inrin hma hauhin ka mittui a tla zawiha, hru nghal mah ila ka bula mi chuan min rawn hmu hman a ni ngei ang; a lamah chuan min kuai herin ka mittui chu a hru a "Shhh... Tap suh, i tah hian ka helai hi a na ve thin a nia" tiin a awm zawn chu a dawm vang vang a, chu chuan ka tah a tichhuak zual sauh leh nghal emaw tih mai turin ka mittui chu a luang leh nghal zung zung






Dim tea a lama min pawt hnaiin min kuah a, duat takin ka hnung a chul pah hliau hliau bawk; "Shhhh" min hnem dan tur a hre vak tawh bik lo a ni ngei ang, chhuak lutukin ka tap a; mi hmaah khanu khan ka nu leh pa te a hmusit angah ka ngai. Chu chuan min ti na tak zet a ni





Chutianga rei fe kan awm hnuah ka bang ve thei hram, min kuahna atang ka in la hrang nghal vat a mahse a lo nui huk. Ka melhrum nghal hrawk a "Ka sava note hian a cho loh val a tawng niin ka hria" nuih hawk hawk paha a tih chuan ka ngei angreng, min rawn pawt hrang lo se chu ka hneh lo bik miah lovang





Ka sawi tawh angin ka thinrim khat a, thinrim dan ka thiam vak lova; mahse ka thinrim an kai chhuak tawh a nih erawh chuan pawisak ka nei lova, ka thiamna tur a nih phawt chuan ngawi rengin ka dawh thei lo bawk. "Min rawn pawt then lo la chu ka hneh reng" ka ti kha kha a, nuih hawk hawk pahin "I thinrim kaltluan hmain haw vat ila a tha ang" tiin motor chu tinungin kan in lam pan chuan kan tlan ta nghal.





Kan awmdan nuihzathlak zet chu ngaihtuah letin ka nui leh kur kur thin a, thinrim viau e ti lo chuan ka nuih a za leh tlat tawh; mahni a ka nui leh kur kur a hmuh avang chuan a ngaihna hriat loh hmel zetin Luca chuan min rawn melh leh zuk thin a, a hmel ka hmuh apiang lahin ka nuih a za zual tulh tulh a a tawpah phei chuan insum zo lo lekin ka nui chhuak ta hak hak. Chutia ka nui a hmuh veleh chhawn avang chuan Luca pawh a nui veleh a, zanin zet zawng boruak dang kan tawng viau e tilo chuan haw lam erawh kan hlim leh ta phian






[Vawiin chu ka nuamsam lo ve ngei a, ka duh ang a thui ka rawn dah thei lova min hrethiam dawn nia. Chuan ads click, like leh comment kha in lo ti leh dawn nia🤗]



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)