FAREWELL by RAMDINI JAHAU (Completed)

Episode nei ho a hlawm a dahkhawmna
Ramdini Jahau
Posts: 57
Joined: April 9th, 2021, 8:00 am

FAREWELL by RAMDINI JAHAU (Completed)

Unread post by Ramdini Jahau » November 22nd, 2021, 4:54 am

Thusawi anga awm thei reng reng lo i ka inti mai :lol: ka rawn zo nghal ang ka ti ve zawt zawt a, mahse then ala ngai cheu. Nghah rei man ka awm viau pawn ka inringlo, ahar reuh tuk maw :|
chuvang chuanin ka hawrawp te chu lo en lo ula, first na nia a story mood ah pawh ala chen theihin ka ring lo mahse, ads clivk leh comment kha min lo tihsak ula. Zankhat danah ka dah anga, link ngaiah zel ka zawm bawk ang aw



FAREWELL THEN KHATNA
by RAMDINI JAHAU

images.jpeg



Tu emaw ka hmelhriat pawh nilo ina min vawnbeh tlatna chu talchhuah tumin ka che ve phat phat a, awmzia erawh a nei tamlo khawp mai.



Engmah chu fiah takin ka hmu thei lo a, fiah taka hmuh inbeisei in han chhing leh sawk sawk thin teh mah ila engmah chu ka hmu fiah thei chuang reng reng lo.



Ka theihtawp chuan ka'n tal leh chiam a, ka harh hlawl mai! Thaw kawk kawk in ceiling chu ka melh ran a, ka tang lutuk chuan ka bedsheet te chu ka lo tham vak niin. 'Eng mumang tehhrep nge ?' ti rilru chungin ka tho a, khum bul dawhkan a ka tui dah chu in mai tumin ka ban a, a lo zo daih tawh chu niin. Phun hlukin ka tho chhuak a, ka phone rawn ti tet chu ka en a, ngaihsak lo chuan tui in tur chuan ka room chu ka chhuahsan a.



Mutthilh leh tum viau mah ila ka thei tawh der lo. Sana ka en a, zing dar thum chauh a ni a thawh nan chuan a la hma viau lawi bawk si. A zangthal zawnga mu in ka meng kar a, ka pasal neih ni tur ka hriatchhuah rualin zan lama mang maksak zet ka mang thin chu ka hrechhuak zawm ve nghal a. Tun maia pawh khan chu mumang chuan min ti harh anih kha!



Nimin chhun lama Doctor Saunder thu sawi kha ka ngaihtuah a, achang in Doctor thusawi ah khan ka âwn leh dawn thin a, mahse ka Christian na hian piannawm lehna tih vel ringlo turin min ti tlat bawk si.



Ngaihtuah tawhloh tum chuan ka mit ka'n chhing a, ka mit ka chhin rual lah chuan "Thi sâwn rawh!!" tia chem rawn vai fua tu hmel ngawt kha ka hmu a, lo theihloh in ka meng leh thin. A tawp a tawpah chuan ka tho chhuak ta thlawt a, ka bag chu va hai rawk rawk in doctor address min pek chu ka en vang vang a, sana ka en leh bawk.



Address-ah chuan Pantin MCDG Robert House no. 257 Dr. Martin Crowe tiin a ziak thlap a, Pantin chu ka awmna atanga darkar chanve tlan bak anih loh avang chuan khumah bawk chuan ka let leh a, ka mumang bawkah chuan ka ngaihtuahna alet leh.



Pian nawn lehna maw? Piannawn lehna chu ka hre ve alawm. Ka lehkhabu chhiar pakhatah hetiang hi ka chhiar tawh. Mahse chuta inziah dan leh tuna pian nawn lehna tih hi a in ang tlat lo.



Ka lehkhabu chhiarah kha chuan naupang kha atet lai atangin a nun hmasaa a thil tawn a rawn sawi thin a, ka chhiar fuh pakhat ah phei kha chuan, "ka nun hmasa ah chuan nupui ka nei a, mahse ka nupui chuan ka hriatlohin ngaihzawng dang alo nei a kei leh kan fate chu min tlanbosan ta a ni" tiin a sawi thin a. Naupang mai thusawi chu a chhungte chuan engah vak an ngailo. Mahse, vawi tam a thih dan asawi tak fo avang chuan anu chuan a zawt chiang a, naupang chuan buai eihlo in a thih dan a sawi a, anu chuan afapa chu "mihring pawh ini lo" a tih phah hial anih kha!



Ka phone arawn ri a, caller id ka en chuan ka nu hming a rawn lang a, rang zet chuan ka pick up a. Ka nu chuan ring leng lawng hian, "Bawihte, hei anutei" tiin ka u fapa chu a au lawng lawng a, kan chhungkaw naute ve pawh chu a rawn lang ve vat.



"Anute, naktukah kan lo kal dawn" intithei zetin a rawn ti a, a phûr lutuk leh intithei lutuk chu han fiam ka chak tlat a, "Bawihte, i nu in a hrilh lo che em ni ?" zuai deuh raih hian ka'n ti a. "Aih hrilh lo" alo ti vat a, pawi tih hmel fe hian, "A va pawi ve, inlo kalna tur kha a theih leh dawn lo a" ka tih chuan "Bleee, min tihder tih ka hre vek" tiin a lei min chhuah khum a, ka nu nen chuan kan nui dun hak hak.



Rei fe kan inbiak hnu chuan kan dah hram a, khua pawh rawn var tan dawn tawh.



Mu leh tawh lo chuan ka tho chhuak a, room lehlama ka unau te pahnih Sangsangi leh Mawitei chu ka va en a, anlo la mutui ngang mai. Anni pahnih hi ka pasal nei tur vanga rawn kal anni a, mahse duh aiin an rawn hma mah mah, vawiin hi an karhnih awm na chiah a ni tawh.



Ka room lamah let lehin shower ka nei a, bathroom atanga ka chhuah hnuin choka lam ka pan a, coffee siamin ka roomah bawk ka phei leh a, closet hawng in ka thawmhnaw hak tur chu ka lachhuak a, helai hmun chu engtik lai pawh hian nipui lai tihloh chuan avawt em em zel a, thlasik lai phei hi chuan vawt vin têk tâwk thin tak a ni.



In ka chhuahsan chuan nau te pahnih chu anla mu a, ti harh duh lem lo chuan ka chhuahsan.



He in hi ka pasal ni mai tur, Lucas York Xander (a hming amak tiin nui su) hnen atanga thilpek ka dawn a ni a, ka vanneih ka ti dawn nge ka pasal tur hi mi hausa tak a ni a, mi tamtak chuan Gold Digger ti te pawn min sawi hial mai. Mizoram lamah nise ahma zawnga ram danga hnathawka awm satliah mi ngaihven em em loh kha khawi atanga anhriat nge maw Hnamdang pa hausa pasala ka'n neih dawn meuh chuan tha lo na fal leh ka chanchin ka hriat veloh thleng thleng a lo hre bik anlo awm nuk lehnghal a, thawk khat laia fb group/page leh instagram page vela ka thlalak awm chhuai chhuai reng kha inlo hre ve hlawm emaw



Minute 28 lai ka inkhalh hnuah Pantin Robert Street chu ka thleng a, House no. 257 zawng chuan kawrthler ah chuan ka vei kual a, chenna in inang pet put hlawm chuan lu an ti hai dawn dawn ten ka hria.



A tawp a tawpah chuan ka hmu ta hram a, ka thaw huai. Door bell chu ka hmet ri khep a, rei loah nu la valai tak hian kawng min rawn hawn a, nui deuh sâng in "Puih theihna che ka nei em ?" ati dam thluam a, amit erawh khap eih lo in min en thung.



"Aaa, min hrethiam la Dr.Crowe..." tih chiah ka sawi hman a kut rawn phar chhuakin, "Oh! Cindy ini'ang maw ?" atih chuan mak ti zetin ka lu ka bu nghat a, nui suk in "A nghak reng tawh che lawm" tiin luhna tur chu min kian a, engmah sawi chuanglo chuan ka lut ve mai a. In chhung chu ka en kual a, te fel ren rawn tak mahse engkim chu a hmun tur diktaka awm si aniin ka hria. Hma hruaiin inchung lam panna kailawnah chuan a kal a, a hnungah chuan ka zui ve zel bawk a.



Kawngkhar pahnih a awm a, dinglam zawk ah chuan lut turin min ti a. Room ka luh chuan putar hmuh ka inrin nen pa la vai tak, a hmel en chuan kum 40 bel awrh tur chauh hian chair a thu in min lo en run a. Min ti hamhaih lek lek zawk.



"Miss hetah hian rawn thu rawh" tiin nelawm thei ang ber chuan anui leh ang lawi a, "Min hrethiam dawn nia" tiin a hma lama chairah chuan ka thu thla a, ka pan chhan tak chu sawi nghal mai ka duh a, mahse han sawi tan dan tur ka bo duak mai.



"Aa Doctor ka...." ka ti fan raih a, ka thu sawi tur ngaichang niawm tak chuan min en run a, engmah pawh sawi ta lo chuan dawhkana tui inchawp chu ka in phawt a.



"Doctor ka rawn kal chhan chu Dr. Saunder..." ka sawi zawh hma chuan "Ka hria alawm, engtia pui tur che in nge min beisei ?" atih zawm zat a.



"Ka duhlo, he'ng mumang maksak leh rapthlak zet zet hi ka ning lutuk! Min tih bo sak rawh" ka ti thlawt a. A chair hnung chu a ngheng deuh rawk a, "Eng ang mumang chiah nge ni ?" atih chuan, " 'Rapthlak' rapthlak tih hian asawi fiah zo lo, tual that lai ka hmu a, chuan ka mihring hmuh apiang leh keimah ngei chu hmanlai thuam kan inbel vek thin" ka ti a. A nghawng leh a khabe ti chip run in min en a, "Khawi atanga lo kal nge inih ?" atih chuan "Asia... Oh! Nilo India atangin.." ka ti deuh nawk nawk a, "India eng States atangin ?" ala ti lehzel.



"Doctor ka rawn kalna chu enge a tangkaina ?" tiin ka zawt a, "Ka zawhna tha taka min chhan thlap thlap dawnloh chuan puih che ahar viau dawn ania" alo ti daih thung.



"Aw le, Mizo...... Mizoram states atangin" ka ti hnual raih a, ka kâ atang hian Mizoram tih hi engtia rei nge arik chhuah tawhloh ka hrelo! Kum sawm chuang dawn ka awmbo ve ta a, mahse khang kum chhung zawng khan Mizoram han hriatchhuah a, ka pianna ram ngei han ngai veng veng chang ka nei ngai meuh lo.



Doctor chuan kan hnam leh ka sakhaw vawn thleng chuan min zawt ta zel a, mak ka ti ang reng viau mai. Mahse phunnawi lo chuan ka sawi ve zel bawk a, ka mumang zawng zawng a ka thil hmuh dan thleng thleng chuan ka hrilh fai vek.



Single sofa-ah chuan thu turin min ti a, a sawi apiang chuan ka awm ani mai.



Ka thu mu deuh a, ka mit chhing tur chuan min ti a. Ka mumang ka hrilh vek tawh chu min zawt nawn leh a, ka sawi a, thu ka sawi reng chung chuan ka beng hi a ngawng deuh chhulh a, ka mit a vai em em bawk.



Ka meng deuh hlawl a, "Mampui, i harh maw ?" tih ri a rawn awm nghal a, tunge chu thu sawitu lah chu ka hmu thei lo a, hmeichhia a ni tih erawh a âw atang chuan ka chiang viau. A thim em em a, ka mit chu ka chhing sawk a, ka men leh chuan eng chu alo awm ve tawh ngei a mahse a sen paw deuh ram mai.



Tui min rawn tulh a, thil awmdan chu ka va han bo mep mep tak. Nichin mai khan Doctor Crowe sofa ah khan ka mu a ni si a, tunah hian khawilai hmunah nge ka awm?



Tui chu duh aia min rawn tulh tam avang chuan ka khuh zui khek khek a, chutihlai chuan kan piah deuhbaah hian mei eng ka hmu a, mei eng bulah chuan thu an awm deuh nual bawk a, mak chu ka ti tawlh tawlh mai.



Ka intung tho thut a, ka bul ami chu a 'awii' deuh hluai. Ka sam ka dar leh awm vela rawn tla nuaiah chuan ka ngaihtuahna chu adik ngeiin ka hria. Eng thawmhnaw mah ka inbel lo a, ahma ang chiah khan puan ka hnubih a, mahse puan rang nei nuai nilo in puan var tawp ani thung.



"Mampui, i va mak ut ut ve ?" ka bul a mi chuan a rawn ti a, min be chhen tu hmel chu hmuh tumin a lam chu ka hawi a, mei eng hnuaiah chauh chuan ka hmu chiang thei lo, mahse nu tar lam tawh a ni tih chu ka hre thei thung.



Kan piah atang chuan, "Kan lalfanu chu a tho nuam thei tawh amaw ?" an rawn ti a, chulam chu ka hawi leh vut. "a hei a rawn tha vut vut khawp mai" min be tu khan ati a. Midang aia thu sang lang lurh bik leh a kâ ah eng emaw daha a kut a dawm chuan, a kâ a a thil dah tih khuk hlut hlut pahin, "Lianpuia nu, Rampuii chu eng chiah maw a an a ?" a rawn ti a, kei erawh chuan an thusawi leh an awmdan hrethiam lo zetin tawng apiang lam chu ka lo hawikual zawk zawk ringawt.



"Ka nu Rang, Mampui enge a an tawh ?" tiin mei bula thu te awmna piah deuh atang chuan a rawn ri lut rawt rawt a, enge a rawn pen apianga ri tel chu hriat ahar hrep lehnghal.




Ka bul a nu chuan "Zampui i thiannu pawh a harh ve tawh e" tiin alo chhawn a. 'Thiannu' maw? Anih chuan tun a rawn kal ri tet tet nu hi ka thiannu tihna mi?



Ngaihna hrelo lutuk chuan ka hawi kual vual vual a, ka mu thla leh tawp. Ka mit ka chhing zui hmak a, muhil leh ila he hmun maksak lutuk leh mi maksak hlawm lutuk hi an bo ngei ang.



Doctor in a min muttirna sofa bawka mut leh inbeisei tak chuan ka mu lui ta ngat ngat a, ka duh ang ngeiin mutchhuak a rawn kal riai riai a, mi thawm hre lo in ka muhil ta hmak.
.
.
A ngai te bawkin ka harh leh a, mahse eng sofa-ah mah ka la mu ta lo fo.



Ka thu chhuak leh a, ka hawikual a bang kar vel atang chuan eng rawn lut a, ka awmna vel chu a eng ut tawh. Ka chhak bangah chuan mau nge thing ka hre lo a inkham zuahah chuan puan vel awm ve zur in mu pawh an awm ngei. Ka ding a, kawngkhar lam nia ka hriat chu ka pan a, chhuat bang leh inchung thleng chuan cement chu sawiloh avai chuan mau vek nimaiin ka hria, thing tlem atel ve tih chu a lai taka ban ding avang chuan ka hre thei. Mau chhuat chu rap ri phei rawp rawp in pawn êngah chuan ka va ding a, Lalpa!! helai hmun hi ka mumang ami ang chiah kha ni!



Ka inher a, ka dinna hmun atanga ka hmuh theih lam apiang chu ka hawi a, ka mihring hmuh leh ka in hmuh te chu Paris khawpuia building sang tak tak ding hnuaia mihring zi nuai nuai ang kha a ni hauh lo.



Chulai hmuna chenna in awm ho chu a chung, a bang leh a pianzia thlengin a in ang a, a len zawng erawh adang hret hret thung ta ve ang ka ring.



Casual leh Formal tak tak a inchei mihring aiah thuam ngai leh an hmel tihloh a angkhat veka lang mihring bak ka hmu lo a, kawngpui lirthei hrang hrang manto tak tak tlan aiah tuallaia vawk leh ar leng kual vel bawk chu ka thil hmuh theih an ni.



Ka hawi â vek a, kei hian eng thilsual nge ka tih? Helaia hmuna ka awm chhan hi hremna ka tawk tihna mi? Ka tah a chhuak tun a, hetiang hmunah hian engtin nge ka awm theih ang, mihring leh ran pawh hriathranloh khawpa an chen khawvel hi ka pawm thei lo. Ka thei lo, eng thilsual nge ka tih. He hmun hremhmun nen danglamna a awm dawn hian ka hrelo.



Ka hun tawn mek vanga rilruna chuan ka mittui arawn sur ta zung zung a, luhkaah tak chuan thingthi hnawkin hmai ka hup a ka tap ta zawih zawih a.



Inchhung lam atang chuan thawm arawn awm a, "Mampui tinge khatia luhka ah tak i va tah chiam mai" tiin nizan a mi nu âw bawk khan a rawn ti a, engtin mah ka chhanglo. Inchhungah min kuah lut a, ka la tap bang thei lo. Ka chunga thil thleng chuan ka lung hi ati awi hlawl lo a ni ber e.



Kaiten a rawn ri tawt tawt a, "Chu i nau a rawn hawng dawn, bang rawh, khatia a hmuh che zawngin zawhna a ngah leh dawn emai" tiin min thlem a. Kei erawh ka lung achhe zual sauh emaw tih turin ka la insut faih faih.



Nau maw!? Anih chuan he nu min be reng tu hi ka nu tihna em ni ni ang? Nizan khan 'Lalfanu' tih thu kha an sawi em ni kha!



Ka ngaihtuahna ringhel zet chuan ka hawi chhuak a, "Ka nu" tiin chunu chu ka'n melh a, chutih lai chuan inchungah tu emaw a rawn lut a, "Eee, ka u chu ilo harh tawh maw ?" a rawn ti hlut mai.



'Û' hming chhala min ko tu chu ka en a, mipa sang tha tak, dar hlai lam leh kawng fek rat mai, a pian leh hmel atang chuan tlangval la tuaitir tak a ni tih a hriat theih.



"Ka nu, ka û hi ilo hau em ni ?" atih zawm a. Ka nu (ka nu tiin kan sawi zel tawh ang aw) chuan "A eng aiah chuan nge ka'n hauh ngawt ang, a khawsik la sang deuh avang khan ka kaitho duhlo a, ka thawh hnu reilote a rawn tho in luhka ah khan ava tap ringawt pek a" ati a, a sawi dan lah chu thu awihawmloh deuh sawi ang mai a ni.



Chu tlangval ka nau ni ngei mai chuan min melh run run a, nui hui in, "Ka û chu kan pasaltha Hmingmawia i ngai a ni lo maw ?" ati a. Chhan ngaihna hrelo chuan ka en tawp.



Enge an sawi a, eng lam hawiin nge thu an sawi ka hre lo. Nichina mau nge thing inkham zuah atang khan thawm a rawn awm a. La putar vak lo, mizo te hmanlai hun a mi tih hriat ngawih ngawih hi a rawn phei ruang ruang a, uluk zetin ka lo en. Ka rilruah chuan ka bula thu hi ka nu anih a, nichina rawn lut kha ka nau anih bawk chuan hei hi ka pa a ni ngei ang ka ti a.



Ka nu bul tap a ka lo thu ve min hmuh chuan aphu ang zuk a, "Mampui, i va tho nuam tawh awm ve ?" ati a, chhan dan ka hre lo chuan ka nu lam chu ka hawi ngawt pek.



Ka nu chuan, "ULuai kan fanu hian eng tawhsual nge maw atawh bik ni, a hawi a hawi mai" ati a. Awlsam leh hriatthiam mai theih tura thu an sawi thinlo hian min ti buai. Tunah pawh ka nu thusawi hi awmzia pakhatmah hriat ka neilo.



"Ka nu U Hmingmawia te inlamah ka zuk kal lawk nge" tiin ka nau chu achhuak leh zaih a, ka pa (heipawh ka pa kan ti nghal mawlh mawlh ang) chuan thutthmun a rem a, ka tahna vang chuan ka insut ri leh faih thin a, ka pa pawh chuan ka nu en in, "Lianpuia nu, Mampui kha i hau rauh em ni a ?" ati veleh a. Ka nu chu lehlam han hawi deuh pah hian, "A rawn lut apiang mai pawh chuan ka hauh leh hauh loh ngawt min zawh le, amah kha han zawt mai tawh" ati hmuk a. Ka pa chu ka lam rawn hawiin, " Mampui awm nuamin i la awm thei meuhlo em ni ?" ati dam thluam a. Chhang ta lo chuan ka nu leh pa chu ka en tawn ta zak zak a, an hmel ka lo enchiang lo a, ka nu leh pa hmel ngai ang chiah chiah khan an pu ve a, chu ngawt pawh chuan ka thla ati muang thei.
.
.
Chu hmunah chuan ni thum lai ka awm ve ta a, chhun leh zan hi nikhat anga an chhiar ve tho anih chuan nithum chiah chiah ka awm.



Duh loin han tah pui rawng rawng mah ila ka siamthat theih leh ka hnawl ngawt theih a ni silo.



Engkim an nun chezia te chu ka zir ve zel a, a har ka tih ber chu thu an sawi reng reng hian hriatthiam awlsam tak tur leh ngaihtuah buai ngai lo a an sawi ngai lo hian min ti buai a, middle school vela tawng upa leh mizo thufing ka zir bak kha mizotawng a hranpa a han bihchian ka nei ngai lo, mahni pianpui tawng a ni a, han zir leh han hriatzau belh bak tur awm hian ka lo hre ngai lo, mahse hriat belh ngai leh zir ngei ngai a ni tih he hmun ka awm atang hian ka chiang viau mai.



Thil engkim mai chu ka tan thil thar vek a ni a, mi biak te thleng chuan thil harsa lutuk a ni. Achhan chu maw kan thiante kawngkal kan hmuh a *zawngi khawnge i kal dawn* tih ang kha a awm ve thei lo. Hmeichhe tan phei chuan fimkhur angai bik em em a, kan mit kan meng kual dan tur thleng chuan fimkhur angai!



Mipa hmeltha kan hmuh a, en zui vung vung ang kha thiang a ni tawh lo. Mipa kan biakin biak dan tawk thiam angai bawk a, helai nunzia hian min ti chep, min phuar tlat nimai hian ka hria.



Zing tui chawi tih teh, thingphur leh lo a kal, a zavai hian a ngaihna ka hre lo hlawmin a hreawm ka ti thei viau a. Puan mai mai kan âwmah kan dah tang a, hnuailamah engmah inbel lo in thlamuang takin kan kal ve thei tho, mak tak a ni.



Paikawng ka phurh ve hmasak ber chuan maw ka kal tawi tawi hi a ni mai. Mau ka phur a, a awmzia takah chuan tui ka chawi anih chu. Ramhnuaiah thing leh mau, hnim hnah te an zam duai duaina ah ngei kelawng lenghal in.



Kawng engkimah leh thil reng reng ah helai ka kal hmaa ka awmna ka tehkhin lo thei thin silo. Pizza duhtawka ei thin khan maian bai, bawkbawn leh behlawi athen te phei chu ka hrelo.



Kan in ah chuan engtik lai pawn sâ kan nei reng a, sâ chiah chu ka ei duh. Achhan chu chawhmeh dang chuan hânna an nei ve tlatlo, sâ chu tui nena tih pawn ala hang pha a, chawhmeh thlai tih vel erawh chu ada luap zel.



Inthiar tumin pawnah ka ding chhuak ve ngawt a, mahse ek in awm reng reng hmuh ka nei lo. In hnung lamah deuh te chuan ka kal a, ka hmuh zawng chu inhnuai a vawk tlatna vel bak ka hmulo.



"Mampui enge khatia i vei vut vut" tiin Zampuii rawn kal mek chuan min rawn bia a, ngaihtuah miah lo chuan "Ka ek achhuak, khawnge ek in hi a awm a ?" ka ti phawng a, ek in hmuh in beisei chuan ka la hawi kual ruai.



"Enge maw i sawi le ?" a ti ha a, Zampui hmel ka en chuan ka thusawi a hrethiam lo a ni tih a chiang reng. "Ek in, ka ek achhuak lutuk" ka tih pawh chuan a hre miahlo.



"Ek in i hrelo...." Ka tih lai mek chuan ka thusawi awmze neilo lutuk chu la hrechhuak a, engtin nge ek in chu a hriat reng reng ang ni. Hmanlai khan an daikal thin, 'hmeichhia in pasal aneih dawn pawn a pasal tur chhungte tu emaw ber in a daikal tur an en zui a, an ek an en thin' kan tet deuh laia ka pu thusawi chu ka hrechhuak zawk a. Ava han hahthlak mai mai tak.



"Anih Zampui khawiah nge in daikal thin ?" ka ti leh ta ngawt pek a, Zampui pawh chuan a hrethiam ve tawh aniang "Dai ah" ati sam et a. Mahse khawiah nge dai chu ka la hre ve chuang hleinem mawle.



Ka ek achhuak tawh bawk si ka va han ngei tak. "Ka daikal thiam lo, min lo hruai teh" tiin ka hnuk dawr dawr a. "Ava mak thawt thawt, in daikal pui chi a ni ngai amaw ni." ati nuah nuah a, "In dai kal chuan engtin nge intih thin a ?" kal pah chuan ka ti a. "Nangpui hi eng huai tak hian nge man che ni? I rawn haw leh atang hian i mak vut vut thei riau mai" min ti daih. A thusawi chu ka ngaihtuah zawm hman lo. Kan in atang a hla fe kan kal hnu chuan, "Ding tawh ang, tah khuan zu dai kal la, chhak deuhah khian ka lo nghak ang che" ati a. 'Zu dai kal la' a tihna lai chu ka bih thla dak dak a, hmin buk tlem a awm a, a fai deuh lai chu ka zuk pan a, rem leh remlo chuan ka zuk thu ve tawp.



Zampui bula ka chho leh dawn lai chuan tu emaw ka su dawt a, ka let thla tur chu tu emaw bawkin min vuan bet a, min vuantu hmel ka en chuan ka meng awk. A hmel hi hmuh tawhna chu ka nei ngei in ka hria, mahse khawiah nge khawvel pakhat ah nge he khawvel ah zawk hian tih erawh ka hre theilo.



Kan in en deuh reng lai chuan "Hahhem" Zampuii chuan a rawn ti a, chupa pawh chuan min thlah vat.



"Lalfanu enge i an tawh a ?" tiin mipakhat ding ve chuan min bia a, "A a a,, ka tha e" ka ti tawi tak.



"I dam tawh bawk a, thian pa Hmingmawia pawh zan mu a rem tha ve thei tawh ang chu maw ?" ati a, a nui deuh seih zui.



Zampui chuan, "U Hmingmawi chu Mampui damlo chuan alo tibuai viau che ani maw ?" tiin a nui vei kar kar a, kei erawh an thusawi awmzia hrelo lutuk in an thusawi awmzia ka hriat theih nana min pui turin ka rilru in ka tawngtai mawlh mawlh mai.




"In ho mai mai emai, U Hmingmawi khawilamah nge in kal a ?" ka kâ atanga rawn chhuak ngei ani a, ka sawi lai awm reng reng ka inhre silo




U Hmingmawia chu ka en a, hmanni pawh khan ka nau khan 'Kan pasaltha U Hmingmawia i ngai a ni chiang' min tih tawh kha mawle. A nih chuan ka ngaihzawng tihna mawni dawn le?



Hmanlai hian nula tlangval an han inngaihzawn ve hian engtin nge an awm thin a? Hetia min melh run run dan lah hi ka ngaihzawng ni hmel a pu mawlh lo.




"Dai kan fang vel mai mai a ni e" tih zawngin min chhang a, ka nuih tawi tak ringawt.




Chulai hmun atang chuan khawchhungah kan inchhawm lut a, hre sa tih takah Zampui chu a tawng barh barh a, kei erawh a thusawi chu hriatthiam tumin ka ngaithla uluk hle thung.




Thui kal lo in anni chu zawlbuk lamah an kal daih a, Zampui nen chuan kan kal dun leh ta.




"Zampui anni kha tute nge ?" tiin ka zawt a, mak min tih hmel deuha min en in, "Mampui anni kha i hre lo maw?" ati a, ka lu ka bu nghut nghut.




"Pasaltha Hmingmawia leh Thangpuia annih kha. Mahni lâwm pa paw ihre tawh lo ania, eng huai tak hian nge man che le, nge dam loh rukna ila nei ani lo maw ?" ati a. 'Lâwmpa' ti a sawi chu awmzia hriat tumin ka ngaihtuah le nghal rauh rauh.



In ka thleng a, ka pa leh upa ho chu eng eng emaw sawiin an lo ri laih laih mai.



Ka nu lam chu panin zawitê hian a beng bulah 'Lâwmpa' tih awmzia chu ka va zawt a. Min en vung vung a min chhang dawnlo emaw ka tih hnuah a awmzia chu min hrilhfiah a, ka var kuar in ka hria. U Hmingmawia zawh loh chuan chiang viaulo mah ila U Hmingmawia ka lâwmpa anih vang awmzia awmlo hian ka khi vur vur a, keimah pawh hi mak ka inti riau. Nuih ka tum miahlo te, tawng ka tum miahlo te hian ka tawng chhuak thut a, ka lo nui leh vur vur thin bawk.




Tlai ei rel pah te chuan ka ngaihtuah a, kan mizo nun hi alo va mak ngai ve tih thu hi mahni in ka khel ngawt ngawt.




Khawvel pakhat nen ka tehkhin a, chulai hmun hreawm ka tih ruk em em chu buk lung diklo a ka buk chung pawn a buk ala rit zawk zel mai.




Tleirawl te te, tleirawl ti a la chhiar thamloh zawk kum 12 mi lek lek te ngaihzawng leh mobile phone, tiktok trending-ah anbuai suau suau laiin helai a kum 12 mi ve te chu mipa in sairawkherh neiin sava an veh a, hmeichhia pawn zingah paikawng nen tui um hnih vel nen chhungte tana tangkai tak niin an che vat vat hlawm a. Nula tlangval lirthei man to tak tak a lengkual ho hmuh tur an awm lo a, ka nula hmuh ho chuan buh te dengin la te an kaih bawk a, ka tlangval hmuh ho lah nu leh pa chawmhlawm an tih tur ang kha an awmlo, nula leh tlangval inlâwm a feh kal ho dial dial hmuh lah chu an nuam.



Ka awm rei telh telh a, nuam ka ti tawlh tawlh emaw tih mai tur a ni.



A zir a zir leh hriat tum na na na chuan an ti ti rualin thu ka sawi ve thei zel tawh a, tualzawla ar ek tam hle thin erawh chu ka la ning viau tho.




U Hmingmawia rawn len ka hriat hmasak ber zan chuan ka awm thiam lo angreng khawp a, khawvel dangah pawh khan tlangvalin kan mizo dan taka min rawn rim an awm ngai loh bakah helai hmunah pawh hian anni tihloh inleng hi ka nei maihlo a, ka che te chu ka phelh phung mai. Thangpuia chuan uang tak hian, "Lalfanu chu keini rawn lan avanga i chet i balhlat tak viau ni, ti teh lâwmpa tin zai kan rel mai dawn mi ?"




"U Thangpuia thin hi a, ka rin loh leh beisei loh lutuk in inrawng lang teh hlawl a, in tin leh nghal vaih zawngin inleng te hnar haw chingah ka chhuak daih anga sin " ka ti a, tuna ka thusawi pawh kha ka sawi chhuah lai ka inhre lo.




Atawk Next ah chhiar zawm mai ru 🤣



Link:
BBcode:
HTML:
Hide post links
Show post links

Ramdini Jahau
Posts: 57
Joined: April 9th, 2021, 8:00 am

Unread post by Ramdini Jahau » November 26th, 2021, 8:47 pm

FAREWELL THEN HNIHNA
by Ramdini Jahau



Chhun lai tak a ni a, khawchhung chu areh ang reng khawp mai. Putar buh pho venga arbawm tah leh akhat tawka tute emaw in atang nau tap leh thin tih loh chu thawm dang hriat tur leh han hmuh tur avang viau mai.


Helai ka thlen atanga hreawm ka tih tak ber mai chu heng lai hmeichhe ho thil tih ang hi thiam pakhatmah ka nei lo! Mei han chhem nun a, han chuktuah nun leh vel chu awlsam takin ka ti ve mai a, buh han den pawh ka ti ve mai. Mahse han thap emaw han thlei vel kha ka zei lo ti hian a sawifiah zo lo a ni ber. Tui chawi pawh thil har a ni hran lo, mizopa chempui lian lutuk a chawhmeh han chan vel pawh har ka ti. A chang chuan ka rilru te te hian 'mizo ka nilo aniang, hetiang em em mai a thiam han neih loh mai' tiin keimah leh keimah hi intawng ve thin a, engmah lah hi ka thiam in ka zei phah der lo lehnghal a.


Ka nu nen chuan nitinin la kaih te, puan tah te leh thil dang dang hmeichhia te tih thin ang zawng zawng chu kan inzirtir thin a, ka nu nen a kan tih duh chuan ka thiam viau zel a, keimah a ka tih ve dawn erawh chuan engamah chu ka ti dik hleithei hlawm thin lova, ka nu beidawng lutuk chuan ka pa hnenah "U Luai, keizawng tar a hnulamah hian ka rethei tlat, Mampui hi eng hriaa heng zirtir that leh ngai hi nge maw anih le" a ti deuh vawng vawng a, ka pa lah chu tawng tam lo tih takah ngawi rengin min en ang vung vung a, a duhtawk em em ringawt mai ni.


Tlai ei rel hun a ni a, rawngbawl chu ka kutah ka nu'n a dah hmiah. Thil dang thiam nei mang silo hian rawngbawl erawh hi chu ka awlsam phian lawi a. A chhan pawh bawlhlo neuh neuh awm ve lo, chhum chuan chhum tawp kha a ni mai a. Mahse chaw erawh ka chhum sual lek lek fo.


Mak ka tih leh deuh pakhat chu helaia mihring cheng reng reng te hi 'saw chu ava hmelchhe e, a bal si' han tih tur hi an awm lo ang a ni. Hmeichhia te hi an vun a eng in an hmel atha a, mipa te lah hmuh an nuamin kan mizo hmanlai hun awm ang ka lo mitthla ve thin dan nen chuan danglam tak ani.


Mipa te lah hmuh an nuam a, khawvel pakhata ka awmlai a kan unaua kan sawi ho thinah chuan "An bal thei ngawt ang, sahbawn rimtui te ala awm ve silova, bakah nitin te an inbual dawnlo a, an sam te pawh shampoo a awm ve silo" ti ten kan sawi thin a, mizo hmeichhia te leh mipa pawh chawn tawi mawng fual pir per kan tam em avang hian chutiang vek turah chuan ka ngai bawk a, mahse chutiang engmah a awmlo. An vun a êng in hmuh an nuam a, nula tlangval tu amah chu chawn tawi leh mawng fual pir per hmuh tur an awmlo, a chhan tak ni a ka rindan chuan kan boruak hip in ang lo lutuk tepawh hi a nih ve ka ring.


Tuna chhiartu tamtak hi awm ve phei ula chuan i hnar te hi athi pheng phung thin ang ka ring!
.
.
Zampuii'n thing phur puiah min rawn sawm a, ka nu chuan ka zeiloh zia hriain a lo rem ti vaklo. Mahse aw lo pawh in tukthuan bar zawh lama kawtchhuaha a hman hmasa zawk zawk innghak mai tur a inti in ka inthlah ta a. Ka ngaihtuah a, hmeichhia chutia in a han tawm sen tak reng chu a mawiloh bakah zei lo in thiam lo viau mah ila helaiah ka awm a, mizo ka ni ngei bawk a, khawvel pakhata ka let hunah chhawm zel thei dawnlo mah ila kan pi leh pu te nunzia han zir ve reng reng chu ka duh a, dai ngailoh ram dai na na na chu tum ang leh duh angin ka awm seng vek bik dawnlo tih ka inhre kar bawk a, khawvel pakhata ka nun dan anga ka nung thei dawn lo tih inhre kar bawk chuan an nunchang chu ka zir ve mai ni.


Thing phur tur chuan kan inzui chhuak ve pauh a, Zampuii chuan "Thingtang kuai tur tha deuh ka hria lawm kan kal dawn nia" tiin a duhna lamah chuan min hruai a, ka zui ve zel mai bawk a.


Thing kan han fawm a, inlama hmeichhe hna nem pawh ka zeilo a, ram lamah phei chuan chhe teng tung tak ka ni. Zampuii tih ngaihna hrelo chuan min nuih nuih a, ka thing phur haw ve te chu ka fawm ai mahin Zampui fawm vek ani zawk.


Tlai chhe lutuk loah kan inzui haw a, Zampui chuan "Enteh ka thian, nang zawng i vanneih ngawt mai" arawn ti hluai a, "Engah chuan maw ?" ka lo ti vat a. "Aw U Hmingmawia hi a fel si a" a rawn ti leh a, han chhan vak ngaihna ka hre tawh lo. Amah vek chuan "Ani ang mifel hi chu chhuah hauh suh ang che" a rawn ti leh a, engmah ka sawi ve tawh lem lo.


"A saw U Hmingmawia te an nih saw" tiin kan lam pan zawnga rawn kal thauh thauh te lam dak vah in a en a, U Hmingmawia te pawh chuan kan bul an rawn thleng chawpchilh ve nghal mai bawk.


"Nangni thiandun chu thing in fawm a ni maw, in hah viau ang a ?" tiin U Thangpuia chuan a rawn ti vat a, "Nia khulaiah khuan thingtang kan zuk kuai alawm mawle. Kha khawi nge kal in tum a ?" tiin ka lo chhawn ve vat a, chutiang taka felfai a ka sawi thei chu mak ka inti. Mi min biakna pangngai taka ka chhan hian mak ka ti reng mai dawn anih hi!


"A khulai ram velah khuan kan zu ramvak mai mai teh ang kan tia" U Thangpuia bawk chuan arawn ti a, U Hmingmawia a ngawi ngul zel hian min ti awm nuam lo vek zel.


"Anih tak chu, zuk hlawhtling mawlh teh u" Zampuii'n alo ti ve thung a, U Hmingmawia chuan min en runin min kalpel a, keini pawh eng sawi zui bik lo chuan kan kal ve bawk a.


Zampuii chu an veng lamah a peng nghal a, keipawh kan inlam panin ka kal ve bawk. Khua leh a chhehvel awmdan hi ka la sawilang lo a, la fang zo viau lo mah ila ka hriat ve chhun ang hi ka rawn sawi ang.


Khua hi 'Khamzawh' a ni a, khaw hmun rem zet, tlangin a hual vel ruam laia awm a ni a. A khaw thleng hi a rualremin a zawl purh a, mahse mak tak maiin Lal in awmna lai tak hi a pawng deuh a, veng hrang hranga then ni ve bawk mahse ka hre ve hlawm lo.


In zathum vel nufa a chhiar ani a, zawlbuk pawh lian tha hem hem tak ani.


Zan lamah chuan vawk chaw mei vil in ka pa leh a upa te ti ti chu ka ngaithla ve kar a, a changin an thusawi ka lo nuih ve leh hak thin.


Hmanlai hian nula hi luck bik leh luck lo bik hi an awm emaw ni aw ka tia, achhan pawh U Hmingmawia te akhat tawka an rawn leng leh thin tihloh hi chuan inleng hi ka nei ve ngai meuh lo a, Rivunga ka pa upa te zinga tu emaw fapa hi arawn lang zur zut thung. Tlangval tha pangngai tak ani a, a hmel en chuan ral lu pawh khai ve nual tawh a ang. U Hmingmawia ang lo tak hian a tawng bawrh bawrh a, ka umphak tur tawka ti ti vawrh lah athiam reuh phian a, tlangval sual tak nilo zantin rawn leng thin na na na chu ka lo nel lo thei bik lo.
.
.
Zampuii nen chul hlui lamah thlai tang rah leh eng eng emaw vai khawm tur alo awm tak in tiin kan feh chhuak a, ka awm rei ve tawh bawk a anih tur ang ka ni ve tep tawhin ka hria.


Chul ram kan thlen chuan Zampui chu thlam namthlaka thut pah in, "Thiani han thu la ti ti dun lawk teh ang" a ti a, a bula zuk thut pah chuan, "Teh hluai a, i tawngchhuah dan chu kap tu nei i va ang ve ?" ka ti ve mai a.


Ngawi renga kan piah tlang lam a en hnuah min rawn en a, "Han sawi vak dan pawh ka hre lo, mahse sawipui ngei che ka duh si a. Englo ania, sawi tawp ila Pasaltha Hmingmawia nen hian in inbat fuh chiah lo em ni ?" a rawn ti a. Hamhaih ang reng tak in, "Han inbat fu a fu lo tur pawn kan la inbe lo hrim hrim a, inbiak chu sawiloh amah zawk hi areh hmak mai a" ka ti a, Zampui chu alo thaw hak.


"Upa Ritawna fapa Rivunga hi arawn leng lut ngun riauin ka hria a, Zawlbuk lama Rivunga insawitheihna nen a hmehbel phei chuan...." a tih lai chuan sawi khalh in, "I ti awm ang lo emai, Rivunga te chu inleng satliah alawm. U Hmingmawia ber rawn leng duh bawk silo kei a khawhar chuan a.ni rawn leng chu ka lo kawm ve mai loh nakah" ka ti thla ngawt a. Zampui chuan ka dara rawn chum tawk in, "Nangpui hi! I nundan i hlauh zo vek tawh, khang Pawih ral ho khan i nuchang hi tuipui ral lamah an hruai tel ve zel anih ka ring" arawn ti a.


"Enge Pawi ral chu ni a ?" ka tih chuan "Sawi tur ani em pawh ka hrelo, Pawi ral in a an man che khan lengkira tla in i lu i sawh e an tia, chuvanga engmah hrelo inih thu tepawh an sawi. Mahse hetiang em em a i bo mai hi chu ka ringlo asin mawle" arawn ti hap a, a thusawi danah lah chuan abeidawn hmel viau lehnghal.


"Enge Pawi itih awmzia chu ?" Ka lo la ti fan a, tho hluaiin "Ti teh, khunglai vel khu zuk hrut phawt ila kan sawi dawn nia" atih chuan lungawi lo ru deuh chuan ka thochhuak ve mai bawk a.


Zawn tak meuh a han zawn chuan alo la awm ve nual mai, bawkbawn leh thlai rah dang te bakah an hnah pawh chaw vawikhat bar daih vel chu lak tur a awm ve nual bawk.


Zampui thusawi chu ka'n ngaihtuah a, Rivunga chu duh aiin ka lo nel mah mah em aw tih ten ka inngaihtuah a, achang chuan helaia mipa leh hmeichhe inkawm dan chintawk awm hian min ti buai thei khawp mai. Tikhan Rivunga pawn ka mitmei hmu ang riakin zawlbuk lamah alo sawi dawn chu a ni awm si a, U Hmingmawia rawn lan duh tak miahloh chhan pawh hi zawlbuk lama Rivunga thusawi lo hre ve in thuchiang awm siloin kan pahnih inkar thu ah chuan akut alo sil ve ngawt te pawh anih ka ring ta ber.


Ka la hriatthiam leh loh lai chu Pawi ral kha ka la hrethiam theilo. Kei hi Pawi ral in min man em ni? Zampui thusawi Lengkir a tlak tih vel chu ka ngaihtuah a, ka khaw hmuh a rawn fiah lo a, ka hminga min au thawm leh tlangval inhrosa thawm te chu ka bengah an ri chuah chuah a, a hma ang chiahin tu emaw hian chem nen min rawn pan a, ka hlau lutuk chu harh zawkin ka thu leh hlawl mai!


Ka thaw nghal kawk a, ka awmna hmun chu chul ram anih tawhloh avang chuan ka'n hawi kual a, Dr. Crowe inah ngei khan ka lo awm leh tawh. Dr. Crowe chu a dawhkan nghengin alo dinga, a tarmit kar atang chuan min rawn en deuh kal.


"Doctor, tun hi eng hun nge ?" ka tih chuan a ban a sana chu a en vut a, "6:30 pm" atih chuan "nilo nilo, eng ni nge?" ka ti leh a, "Nilaini, July 2018 a ni e" a rawn tih chuan ka meng zau kawk. "Engtin nge anih theih?" tiin keima hriat tawk lek chuan ka phun sep a, kha hmunah khan thlakhat dawn asin ka awm. Chuan tunah khang thlakhat tling tep kha nikhat lek maw ni a!


Mak ka tiin ka hun tawn mek chu awih lohna in ka khat a ni ber, damna beiseia ka doctor pan pawh hian ka hun leh thil tawn lak atanga talchhuah dan hi min kawhmuh theih pawh ka ring tawh lo. He thil maksak zet hi khawvel thiamna hmang mai mai a reh thei ni hian ka hre hlawl lo.


Thaw la leh halhin Doctor chu ka en a, ka tawng hman hma chuan thaw hak in, "Sawitur ka hrelo, hetiang case hi vawikhatmah ka la khawih ngailo" a rawn ti halh a, a thusawi danah chuan mak atih hmel viau mai lehnghal.


"Tinge? Mi â ka ni hauhlo ania!" ka ti tâwng ringawt a, chutia ka sawi chhan chu Dr. Saunder pawh khan mi â ang mai a min ngai ni a ka hriat vang a ni.


Thle deuh bak in, "Chutiang lam sawi ka tum hauh lo, mahse nangmah bikah hian tihtheih leh puih theihna che ka nei lo, ka sawi awmzia takah chuan mahni a i chinfel angai dawn anih hmel" a rawn ti a.


"Thil pakhat chauh min hrilh teh Doctor, engtin nge kha hmuna ka awmchhun kha thla chanve aia tam ni siin helaia nikhat lek anih theih dan hi ka hre duh" ka tih chuan "Hriat tum duh buai suh, i ngaihtuah nasat poh leh i buai anga chuan atawpah mi â-ah i chhuak ang" ati then mai.


Amah bawk rawn tawng zawm leh in, "Kha mumang chungchanga ka sawi theih zawng chu 'hun pe rawh' tih a ni" atih chuan "Enge awmzia ?" tiin ka lo zawt vat a.


"Ka sawi awmzia takah chuan kha i mumang i duhloh zet kha pumpelh theih dan inei lo a, i nuna thil thleng pakhatah ngaiin hun pe rawh. Nang chu i nun hmasa a mi pawimawh tak ini ngei ang, midang ka treat dan anga treat theih i ni tlat lova han puih theihna che ka neilo a ni e" a ti dam thluam a, ka la duhkhawp lo.


"Mahse Dr. Saunder khan Karma chungchang asawi si a?" ka tih leh chuan ka mitah tak min en kalh in, "Thil zawng zawng hriat i tum chuan i buai mai mai dawn ania, i hriat bak hriat belh tum suh" a rawn ti a, ka mit ka khap fak fak ringawt.


Dr. Crowe in ka chhuahsan hnu chuan ngawi rengin in lamah ka inkhalh let a, ka phone a ka unaute call awm nual chu call let lemlo chuan ka dah tawp a. Zingkarah an thawh ve hma in ka chhuak daih kha a ni a, tunah lah zan dar 7 lai a ni dawn tawh a min ngaihtuah ve pawh a ni mahna.


In ka thlen chuan ka nau te pahnih chu an lo buai hmel hle a, ka thawm an hriat chuan min en phawk hra in "Khawnge i kal ?" anrawn ti rual deuh thawt.


"Doctor ka hmu, enge khati teh vaka in phawk a ?" tia ka zawh chuan Sangsangi chuan "Kan ngaihtuah che a, zing kan thawh khan i awm bawk silo. Kan phone che lahin i la thei bawk silo a kan mangang hlauthawng bawk si khan ka nu te kan phone a, nangmah vangin ka piin min hauh hrep phah ania" a rawn tih zawm pat a, chhang ta mai lo chuan choka lam ka pan phawt a.


"Doctor chu tinge i hmuh reng reng a ?"
"I damlo em ni ?" An pahniha zawhna min zui pah chuan min rawn zawt a.


Fridge a tui chu ka in deuh khawlh khawlh hnuah, "Damlo hran lo ve, hmuh lawk duhna ka nei mai mai ania" ka tih chuan ngaihthat loh hmel takin min en a, eng emaw sawi tuma ka âng zuau tawh chu Sangsangi phone rawn ri avang chuan engmah chu ka sawi ta lo a, a pick up rual chiahin ka phone pawh a rawn ri zawm ve zat.


Ka en chuan Lucas a ni a, vawiin nilengin kan inbe lo tih ka hre chhunzawm veleh nghal bawk a. Ka rinsual loh chuan a lungawi viau ngei ang.

Link:
BBcode:
HTML:
Hide post links
Show post links

Ramdini Jahau
Posts: 57
Joined: April 9th, 2021, 8:00 am

Unread post by Ramdini Jahau » December 11th, 2021, 11:52 pm

[quote= FAREWELL THEN THUMNA
By Ramdini Jahau

🙂Keizawng tlanbo daih te hi ka duh, story ka up dawn veleh ka mut hi a rawn chhuak em em a, ka type laiin ka lo muhil a, tunah ka harh chiah ka type sa hi ka rawn bun rawih phawt a, chuan naktukah pangngai deuhin ka ti tak tak tawh ang, hriatthiam reng hi ka ngai a keipawh ka inhrethiam bik lo nia

A rei vang vang si a, a hma ka tih tawp dan zawm chiahin ka rawn ti tho na bo em em loh nan chhiar nawn leh thuak ula aw 😆
.
.
.
.
.

Ka phone ka pick rualin lehlam atang chuan "Khawiah nge i awm phiangsen a ?" a rawn ti deuh that a.


"In ah ka awm" ka ti tawi deuh tak.


"Ka rawn tlan mek" atih zawh rualin a ti tut a, a tawp nghal daih.


"U vawiinah Lucas kha a rawn kal a" Mawimawii chuan a lo ti a, "Immm, tunah pawh a rawn kal dawn lawm" ka lo ti mai a.


"Aaa, eng emaw ei tur kan nei em ?" tiin Fridge hawn leh ka rual a, Sangsangi chuan "Nei lo, vawiinah kan bazar
ang kan ti a, mahse hmuh tur i awm si lo a" a ti a, an hmel nur deuh nang lam chu en in ka nui hak ringawt.


"Lucas loh thlen hunah kan chhuak dawn nia" ka tih chuan an phur hle a. "U, ka nu te chu be rawh aw" tiin an room lamah an tlan nghal a. Ka nu te chu biak tumin ka phone ka lek leh nghal vut bawk a.


Vawi nga vel ka call hnu pawn call an chhang theilo a, call leh ka tum lai chuan hall lamah chuan Lucas-a min ko thawm ka hria a, ka phone chu dahin ka pan phei vat.


Min hmuh chuan min pan vutin min kuah thuk a, min kuah nghet em em zui.


"Ka thaw a chham dawn nia" ka tih chuan min thlah thawl deuh a, ka hmui a min fawp zeuhin "I bo ta mai emaw ka ti a" a ti deuh sep a, ka nuih seih ringawt.


Ka nau te pahnih chu rawn chhuakin an âw an rawn thian kharh a, Sangsangi chuan over zetin a mit a hup der vel a Lucas nen chuan in en in kan nui ringawt.


"Lucas, dinner ei turin kan chhuak dawn" Mawimawii chuan a ti var a. "Oh... Mpi hi biak lawk ka duh deuh a sin" a ti a. En ha in, "Thil ei pah pawn kan sawi thei tho lo em ni ?" ka ti a, a lu a thing mut mut.


"Aaa, aw anih chuan Sangsang, in pahnih khan lo va kal ula kan rawn zui ang cheu" ka ti ta ngawt a, kan awmna atanga hla vak lo restaurant pangngai taka kal mai tur chuan ka ti zat bawk a, phur deuh chuan an in zui chhuak.


"Babe" tiin min kuah leh thak a, min uai a ni mah zawk.


"I rit si, min delh te vek dawn" ka tih chuan nui hak in min thlah a, room lamah min kai chho dat dat.


"Enge i sawi tur chu ?" ka tih chuan "Babe i lungawih loh ka hlau" tih zawngin min chhang.


"I sawi dawn tho a, sawi vat rawh. Ka ril a tam tawh teh ania" ka ti hlar thung.


"Karlehah khian Business trip pawimawh lutukah ka kal a ngai a" a ti deuh sap a.


"Aw kal la,...... Nilo, karleh te chu kan inneih alawm !" ka ti deuh vak a, Lucas pawh chu a phu zuk nghe nghe in ka hria.


"Babeee"


"Lucas, vawihnih ngawt kan sawn tawh!" Ka ti that a.


"Babe, tha deuhin sawi ang. A pawimawh zia i hriat ve kha, kan inneih dawn tho a" a tih chuan "Lucas, a ni em em tawh lo. Min hmangaih hlawl lo, kan inneihna ai chuan i hna chiah" tiin room atang chuan ka chhuak daih a. Choka a ka bag leh phone dah chu lain in chu ka chhuahsan nal nal.


Ka pen hlawk hlawk a, ka thinrim em avang chuan engmah ka ngaihtuah thei lo. Inneih vawikhat kan sawn kha chu ka hrethiam a, a vawihnihna pawh ka la hrethiam zel, mahse vawithum em em erawh hi chu ka hrethiam tawh lo.


Business man ani a, hrethiam tur chu ka ni. Mahse kawng zawng zawngah erawh ka hrethiam thei lo. Mihring ve tho ka ni a, tu mihring pawn hmangaih ber te nen a pumkhata insiam chu an nghakhlel ve vek ngei ang. Mahse Lucas hian inneih vat ai chuan a sumdawnna thil ringawt hi a ngai pawimawha, nge ni a an hman pui ka nih loh avang hian a duh duha a tih kawi theih emaw ti zawk ni.


Restaurant ka thleng a, Sangsangi leh Mawimawii chuan ei tur an lo order mek.


An bulah chuan ka thu thla deuh hnak a, "U kan order kep cheu aw" Mawimawiin a lo ti var a. "Aw Lucas a rawn kal dawn lo" ka ti hmuk thung.


"Tinge a, in inhau chiang?" Mawimawii chuan a lo ti leh vat a. Thaw hakin ka bag chu thutthleng awlah chuan ka dah a, tui chu banin ka in deuh khawlh khawlh.


"Hmela, kha inneih sawn chungchang a sawi leh a" ka ti a.


"A sawi leh a !" an ti rual deuh that.


An eitur order chu a rawn thleng chawpchilh ve nghal a, "Aw ka sawi peih lo, ei ang u", tiin waiterin dawhkana eitur a rawn dah hmasak apiang chu ka lo ban zat zat.


"Aaaaa kei chu...." ti hluaiin eitur chu an ban ve zat a.


"Aaa ka ei pawh a tui thei lo, sawi chiang teh. Inneih chu sawn a ni leh dawn tak tak em ni ?" Mawimawii chuan thil thial pah chuan a rawn ti a.


"Ei vat vat ila haw ang u, U inneih sawn chu a ti tak tak em ni ?" Sangsangi chuan a rawn ti ve thung a.


"A sawi a, karlehah business trip pawimawh tak a neih thu a sawi a" ka ti a, Sangsangi ahma atang tawha Lucas ka nei tur duh lo tu awmchhun chuan, "Nei lo law law mai rawh, kei chu tiang hi hmangaihnaah pawh ka ngai lo. Vawithum ngawt inneih han sawn mai chu i tan pawh a zahthlak alawm le" a ti a.


Mawimawii pawh chuan, "Nia keipawh ka ti tawh. Business trip tihvel vanga inneih sawn reng ai chuan innei vat zawk ula in zin dun zel thei dawn reng sia. Huiii, mizoramah chuan ni ngat se pasal i nei daih tawh ang" a rawn ti ve bawk a. Tu amah chu kan thil ei pawh a tui hlawm tawh lo.


Bill te pe in ke chuan in lam chu kan pan a, "U beer lei sa kan nei tawh lo, lei nghal ang u" Sangsangi'n a tih leh avang chuan kan bazar kawi leh ta a.


"Kan ho reuh e, kan chaw ei mai mai te hi ka nu'n hria se min hau nasa ngawt ang" Mawimawii chuan a rawn ti chhuak hlawl a. Sangsangi nen chuan kan nuih tawp.


A sawi ang tak khan zing leh tlaiah buh kan ei lo tih ka nu hian hria se chuan helai hmun atanga haw vang vang turin min ti ngei ang. Mahse, seraf te ang maia thianghlim ni ve ta lo chuan dawt var kan sawi zeuh zeuh mai ni.


Sofa-ah kan thu thle deuh ngiai hlawm a, beer can chu kan tum far bawk a, kan inruahna hnu chu a let pheng phung bawk.


"Han mu rawh u" tiin ka ding tuah tuah a, choka bathroom lam ka pan nghal a, "Mu ve nghal ang che" tiin an ri nawk nawk a. Lucas min rel pui hrep a, ka thawveng huaiin ka hria. Amah ber lah hi a reh hmiah bawk si a, inneih sawn a sawi ve kha a ti der emaw ni te ka ti leh deuh a.


Ka roomah chho in khumah ka let nawk a, ka muhil dawn siar siar chu zunchhuakin min ti harh a "Nichin lawk khan ka zung si a" ti nuah nuah in ka tho ve mai bawk a. Bathroom ka pan phei rawk rawk.


Khuma ka mut leh hnu chuan han muthilh mai ka'n tum a, mahse ahma mut chhuak em em kha ka muhil thei ta der lo mai a. Ka inlet ka inlet a, thaw sa phungin ka thuchhuak hluai.


Ka phone chu ka ban a, message a lo awm deuh nual. Ka nute chu ka han be leh lawp lawp a, ka beer in kal zel nge ka lung a leng a, ka tap deuh par mai.


Tlai lama Lucas thusawi te chu ka sawi ve a, ka nei leh lo mai dawn em ni tiin inti pangchang tak chuan ka zawt a, ka nu chuan "Bawihte kha chu i duhthlanna ania, i hmangaih taka i nei anih dawn chuan kan lawm a, mahse bawihte hmangaih mah la a nin a hmangaih ve siloh che chuan..... Mahni ramah leh lo nghal" a rawn ti a, ka tap ringawt.


"Tap suh, tap suh. I nau te pahnih kha iti thlabar ang. Lucas-a chu sawithat pui la, inneih sawn leh hret in tih pawn a pawi na a awm lo nia" a ti dam thluam a, rei fe kan inbiak hnuah kan dah thei hram.


Ka khumah chuan ka thu ngawi kar a, ngaihtuah pawh ka nei thei lo. Ka phone rawn ri phut chu ka en a, Mizoram lama ka thiannu ve ber Duhsangi a lo ni.


Ka lak rual rual chuan "Mate" a rawn ti leh hluai a, a âw pawh a zang vah vah khawp mai.


"I va meng rei ve ?" a tih zawm zat a. "Nia mut a har deuh lawm" ka ti mai a.


"Ihmaw... Zingah kuhva ka ei ngai tawh lo" a ti vak a, nui hawk hawk thawm a awm nghal a, a kawng kal lai tu emaw in 'kuhva heh' an ti a ni ngei ang.


"Ihmaw bawihte, ka story thar berah hian changtunu i nia. Ka complete tawh a, a changtunu berin i chhiar ve ka phût tlat a" a rawn ti a.


"Immm,.eng lam nge ?" ka tih chuan "Ka sawi thiam lo" tiin a rawn nui vak vak a, "Ihmaw hmanlai lam a nia. Ka nuih aza ka ziak thiam vak lo a, mahse ka ziah dawn khan i hming hi ka rilruah awm reng a ka hmang tawp" a ti leh a.


"I e, chhiar ngei ngei rawh. A ngaihnawm i tih chuan season 2 kal dan tur te pawh i sawi nga" a ti leh zawt zawt a. "I chhe hmer hmuar, khawvel hi nuam ti viau suh" ka ti hlak a.


"Nuam ka ti lo e a, a nuam ti chuan pasal in neih dawn hi" tiin a nui leh huah huah a, a nui reng chu ka dem lo, thiante zinga nui ring thei ber kha a ni a, nui ta lo se chuan ka ngaih a tha lo zawk ang.


"Ee, chanchin ka hria a. Ngati leh pek nge a ?" a rawn ti a, "Ngati pek mah, rawn thlawk thleng vat la nimai" ka tih chuan "I zak em, hun ka rawn khawhral peih teuh lo. Ka minute khat pawh hi sum a sin" a rawn ti a, "Sum ringawt hi i ngaihtuah a, pasal neih i hun tawh. Bakah chen ve rawh, i thawkchhuak mawlh mawlh a lawm" ka ti a, "Ve duaha che, story chu chhiar rawh aw, link ka rawn thawn che kha" a ti a, a chungchang sawi dawn hi chuan pumpelh dan hi a zawng ruai thin lehnghal a.


Kan inbiak leh deuh hnu chuan kan dah a, a story sawi chu chhiar em em pawh tum lo in ka en mai mai a, ka mutna siam rem sauh sauh in 'A tlangpui ka hriat chuan a tawk' tiin ka chhiar tan a.


+++++++++++++++++++ (A changtunu story chhiarah kan cheng dawn aw)



Nu pakhat buh deng bulah chuan Khamzawh tlangval chu a va ding chawt a, "Ka pi mikhual in thlen thei ngem ?" tiin a han zawt a. Chunu chuan en vang vang a, hriatthiam nei tih hriat tak in a bu nghat a, "E mikhual kan hnar ngai lo ve" a ti vei thluam a, an pahnih chuan inchhungah chuan an inzui lut ta a.



Inchhung an han luh a, tap mei lo chhawm tha mek Mampuiin Pasaltha Hmingmawia a han hmu thut chu a phu deuh uih a, a bula a nu ding ve reng chu ka en vat.



"Ka nu" a ti nghal tiau a, a nu pawh chuan a fanu chu rawn kuahin "Bawihte" tiin a hnem a, an nufa in Hmingmawia hmel an han hmu chuan an lung a ti chhia a, Mampuii phei chuan helai hmunah tumah hriat lova thi mai tawh tura a inchan laiin chhanchhuahna ropui chu an chungah alo thleng ta ang riakin angai a. A nu in buh deng' a a chhuahsan leh hnuin Hmingmawia nen chuan an inpawm vawng vawng a.


Ni e, Hmingmawia pawhin chutia a hmangaih ber mai a han pawm leh thei chu a hlim a, thi tawh ang riaka a ngaih dam takin a hmu leh a ni a, pasaltha meuh pawn khaw en lai pawh sawi lo in a pawm deuh vawng vawng a.


Mahse chutia an inpawm deuh vawng vawng lai chuan pawn lamah Mampuii nu tawng thawm an hria a, kaiten rawn rap ti tawt tawt in a zawm zat a, an ni pawh an inthlah nghal vat.


"Kha mikhual in nei a ni maw ?" Liankawla chuan a rawn ti lut a. Ani hi Phulmawi khaw upa min fa niin Mampuii hi a vil deuh ran thin a, Mampuii erawhin mitmei a hmuh ngai eih lo thung.


Mahse beidawng duh loin len a thulh lo va, Mampuii rim ve thin tlangval dang te chu zak tak hian a lo siam thin a. Mampuii a khak tawh nge nge, mahse awmzia erawh a nei vak lo a ni ang amah leh a naute ho chu Mampuii te ina leng zantin an ni mai a. Hetiang a nih vang hian Mampui tak pawh hian ngaih khatah ngaiin engtin mah a ti ta bik lo a, mahse chu erawh Liankawla hian Mampuii lakah a tlaktlum phah sawt a, tunah pawh Mampuii te mikhual chu a melh khai khai mai.


A kal leh mai dawn maw an tih lai chuan thutthmun a rem sauh sauh a, inti makpa chhungkhung tak hian "Khawilam thli chhiain nge rawn chhem lut che a? Tu chi liak nge maw i nih re'ng re'ng le ?" a ti zui a. Mampuii chuan lehlam hawiin a hnar a lo tum dat.


Hmingmawia chuan tha tak mai in, "A khawilam thli chhia ni lo ve. In khua hi Phulmawi maw kha ?" a tih zawm a.


"Ni ang chu maw le..." tia thu dang sawi belh a tum lai in Mampuii chuan, "UKawl, tun ang hunah te i rawn lan teh hlawl a, tlangval sai ram chhuak a kal te zingah khan i tel ve turah ka lo ngai a" a rawn ti khauh va. Liankawla chuan chhan dan tur a hre vak lo nge, a chawn puar kiar deuh kang chu a zut a zut a, "Nia an chhuah ni tak khan ka ke ka bilh khanglang a" a ti a. "Ka va haw nge" tiin a tho zui uai a, Mampuii chu a ruk a nui sak in, "Aw la leng ve la maw le" a'n ti a, mahse a rilru tak a "Tlan haw rawh, chhe kiar ping peng si" ti ran chungin a melh ha a, "Zan lamah ka rawn leng leh zawk ang" tiin biak hman tawh loh chuan a tlan chhuak a ni ber e.


"Mampui" tiin Hmingmawia chu tap hnaiah chuan a thu thla ve a. Mampui chuan lo melh ralh a, "UHmingmawi, engti tih a min rawn zawng hmu thei nge maw i nih le ?" a ti sep a.


Hmingmawia chuan, "Thinlung in a hawi lam lam panin ka rawn chhuak a, ka rawn thleng hlawl mai a ni e. Mampui helaiah in nufa chauha in awm mak hi mak ka ti a, hriatchian ka va han duh em ?" tiin a beisei nei tak chuan a ti a.


Mampuii chuan ngaihtuah nei tih hriat takin Hmingmawia chu a en a, a mittui rawn hnam chu a hru fai zauh a. Tah insum tak chuan an chunga thil thleng chu a hrilh fai ta vek a.


An khuaa an awm laia, a pa upa te'n inthurual a pa an paihthlak dan te, a pa lal atanga an ban pawh duhtawk lova an thah sak te, an nufa chuan hmun dang pan pawh phal lova helai an khua atanga hla lam taka an dah dan te leh khawi hmun mah kal ve thei lova an ven thu te chu a sawi a. A tawpah "Enge maw keini nufa lakah hian an beiseia hetia tangkaina nei hlei lo hi min la kawl cheu ni" a ti hap a, a mittui chu a hru keuh keuh bawk a, Hmingmawia chu a thinrim kher mai.


"E tap suh Mampui, ka awm tawh alawm. Lungngai lo la, i nu nen hian ka hruai chhuak em em ang cheu. I patea pawhin a ngaihtuah khawp cheu asin" a ti a, Mampuii rilruah chuan aputea te chu a ngaihtuah a, engmah ti thei lova an awm a leiah aputea leh apa unaute chu a lo ngaihtuah chhuak ngai lova. Hmingmawia'n a rawn sawi takah chuan aputea te chu a ngaihtuah a, apa a ngaihtuah zel a, lungchhiain a tap leh ta a.



]
[[/quote]

Link:
BBcode:
HTML:
Hide post links
Show post links

Ramdini Jahau
Posts: 57
Joined: April 9th, 2021, 8:00 am

Unread post by Ramdini Jahau » December 13th, 2021, 5:19 am

[ FAREWELL THEN LINA
By Ramdini Jahau

(Ka ennawn miah lo, chhiar a har maithei)



Zanriah an ei kham hnuin Mampui te nufa leh Hmingmawia chu tap mei kiangah chuan an thu a. Hmingmawia chu lal in lam pawh pan kher lo a zawlbuk kai tawp a tum a. Zawlbuk kai hun hma tak tak a an awmdan tur chu rel an tum a ni.


Mampui chuan "Engtin nge kan tih ang? Keini tan kalchhuah mai chu thil harsa tak a ni. Vengtu an dah that bakah kan nufa in kawtah hian zantinin tlangval an dah thin a" a ti deuh hap a. Thawm dang awm leh lo in areh zui duk a.


Mampui bawk chuan Rivunga a rawn lan leh hnai tawh ringin, "UHmingmawi, ro han rel mai a harsa em ni ?" a ti leh a. Hmingmawia chuan en zawk in, "Ti hian ka ti a, tuna che thut thut lo in khaw lamah ka let leh anga, i patea hnena thu engkim thlenin tlangval thenkhat nen kan rawn lam leh mai cheu anga. Chuti anih loh a kan chet nghal rum rum zawngin kei chauh ka ni si a, tawhsual kan tawh palhin kan chuti hlauh dawn si a" a ti charh charh a.


Mampui nu chuan "I tih dan dan kha keini nufa chuan kan pawm e. Tawhsual kan tawh a, ka lo kal ta anih pawn khawngaihin Hmingte ka fanu hi chu i chhanhim hram dawn nia" a ti deuh sep a. Mampui chuan anu en in, "Ka nu, chutiang an sawi ngai em ni ?" a ti a, mahse anu chuan thawh tuah tuah pah hian "Tikhan lo inkawm teh u, vawiin ka buh deng kha ka kawng a kham riau mai ka'n mu zal lawk ange" tiin mutna lam chu a pan daih thung.


Hmingmawia pawh chu tho thurhin "Zawbuk lamah ka va chuangkai ve nge" tiin a chhuak zui a. Mampui chuan ngawi rengin a chhuak lai chu a en a, rilru hah hmel zetin a thaw deuh hak.


Phulmawi lal in lamah chuan Upa ho an chuangkai tak tak hlawm a, lalnu leh lalfanu Ropuii pawh tap meilum belin an thu ve kar bawk a.


Phulmawi lal Sanglura leh a upa te an thut thap lai chuan pawn lam atangin lal in luh dil thawm a rawn awm a, tlangaupa chuan kawngkharah a lu chiah langin ava dak chhuak a, a thim em avang chuan tute nge tih a hre thei lo. Lal chu a melh leh a, chutih lai chuan pawn lam atang bawkin, "Lalpa, Lal Sangthanga mi tirh te kan ni e" an rawn ti leh a. Lal Sanglura chuan "Tlangaupa han luh tir vat rawh khai" a rawn ti ve zat a, tlangaupa pawh chuan lut tura tiin tlangval pahnih chu lal inah chuan an rawn lut a.


Lal Sanglura chuan engdang sawi lo in a vaibel pak khuk tulh tulh pah chuan "Eng thu nge a rawn thawn cheu a ?" a ti tawng a. Lal Sanglura hi lal ti phawng phawng chi a ni a, zahpah nei vak lo a tawng chhuah hi a chin dan than niin a sim hleithei lo a ni ber.


Tlangval pakhat chuan "Lalpa, kan lal chuani'n Khamzawh lamin chanchin an hriat hma in Tuipui ral lamah chuan palai tir vat tur leh lalnu Nguri leh a fanu Mampuii chu inremsiamna thil hlan atana hlan turin a ti bawk cheu a ni" a ti a. Lal Sanglura chu a thaw hak.


"Tlangaupa ka val upa leh Pasaltha te va ko khawm teh tiin" tlangaupa chu a tir nghal a, tlangval pahnih pawh chu a fanu hnenah chuan chaw ei siam turin a ti a, an lalfanu pawh chu a che nghal vut.


Lal Sanglura leh Mampuii pa paihthlaa lala thu ta Sangthanga hi unau an ni a, Mampuii pa lalna khua hi Darzo niin khaw lian tak a ni a. A upa rin ber zing ami Sangthanga'n tutu te emaw inthurual puiin Mampui pa chu an paih thla a, amah chu lalah insiamin a inti thu nei viau a. Mampui pa unau te thil tihtheih zia hriain Mampui leh a nu chu a hrengbet tlat a, a unaupa te khua Phulmawi-ah hian a thawn ta a ni.


Lal Sanglura leh Sangthanga hi unau tih takah rilru duhâm zet nei ve ve an ni a, tun tumah pawh hian tuipui ral pawi ho chu inremsiamna siampui a, Mampuii te nufa hi hlan pawh an tum a. Chuvanga an ni nufa veng uluk viau hi an ni nghe nghe.


Lal Sanglura chuan a unaupa hnen atanga lam kal a hmuh avang chuan a rilru a buai hle a, Khamzawh lal in Mampui te nufa an hreng tih ahriat chuan lei do an nei a ni nghal mai a. Sangthanga nen tan dun teh mahse Sangthanga chuan khaw mipui zawng zawng rilru a hmin bik lova, Khamzawh lam atanga rûn an tawk anih veih zawngin an chan chuan maian chan pawh a tluk dawn lo tih a hre kar a. Lehlamah pawih ho in an rawn nawr ve reng a, indo emaw lei do neih emaw chu a tan chuan thihna a ni hawt mai.


Lal in a ro pui an rel mek laiin Mampuii te inlamah erawh Liankawla chu inti neitu takin a tawng leh phawr phawr tawh a. A tawngdan vel chu Hmingmawia awm ngat se chuan a chhipthlak rawk duh ngei ang. Mahse zawlbuk lam nghakin a awm a, an val upa leh tlangval te che zia chu chîk deuh ran in a awm a, a chhan pawh chet an lak ve dawn huna bangbo lutuk loh nana a tih a ni.


Liankawla chuan Mampuii puan ban tur la hlum chu "Ka lo hlum sak ang che" tiin laksak a tum vei rawk a. Mampui chuan inher deuh pahin, "Ka ti thei a lawm" a ti mai a. Tlangval dang thu ve ho chu an thawm hak. Liankawla chu a thu ngawi ta kar a, Mampuii tihdan avanga zak lutuk chu a beng te chu a sa hut hut hian a hria a. Ni e, nula in tlangval hnenah a duh lo zia lantir nan chuan a chiang thawkhawt bawk a. Mi mawl ber tan pawha hai chi rual a ni lo.


Mampui chuan a lam a hawi ve tawh viau ni a ahriat avangin chutianga Mampuii a'n awm mai chu a thinrim hle a, a chhanah chuan tlai lama a hmuh Hmingmawia kha a puh a, Hmingmawia chu a haw nghal em em ringawt.


Mahse Mampui erawh chuan 'Kan mimawl Liankawla hian khatiang hnarna pawh kha va hrethiam leh pek suh, hmu fiah theih alawi nei lo hian a hawi sang ve vak a, inleng dang te pawn an nuih tih pawh hre leh tawp suh' a ti rilru kauh kauh a. Liankawla chu ngei zetin a melh leh thin.


A hnu deuhah Liankawla awm chu a nuam thei ta ngang lo ania nge a tho hluai a, "Keizawng, khualbuan nei ka chak tawh e. Zawlbuk lamah ka va kai san tawh ang che'u" tiin kawngkhar lam a pan a, Mampui chuan amawiah pawh a chelh peih lo, a mangtha zui hmiah.
.
.
.
Hmingmawia a let lehna ni nga lai a liam leh tawh a, Mampuii te nufa chuan Hmingmawia te rawn chet hun chu an nghak tawp a ni ber e. Mahse chutih rualin Lal Sanglura palai te pawh an rawn kir ve tawh a. Dar leh thi nen a palai hna kha an thawk phawt kha a ni a, Lal Sanglura chuan pawih ho chuan inremna chu lo duh hram se a ti ngawih ngawih.


A palai te thu rawn hawn chu "An lal Manglura chuan 'in nula chu a hmel in a zir viau a, ka fapa duh zawng anih ngat chuan keini karah i unauna bak a awm thei nang' a ti a, Naktip lamah an lal fapa chu Lalnu Nguri leh Lalfanu en turin rawn kal an tum bawk a ni" an ti a, Lal Sanglura chu a lawm viau.


A rilru chuan 'Nguri te nufa hi kan dah bo vat thei a nih chuan Khamzawh lal Luaia chuan eng ang pawn min rawn ti mahse kei nin kut kan lo silhnan tawh dawn a ni mai a' tiin a ngaihtuah a, a hlim rilru viau mai.


Khamzawh lamah erawh Lal Luaia chu thinrimin a inhrosa kuk kuk a, a pasaltha thu hawn chuan a ti lawm lo ngang mai, a upa te chuan an bengdai hram hram a ni.


A val upa leh Pasaltha te a ko khawm nghal a, Pasaltha Thangpuia pawh a rawn lang ve rang hle a, a thianpa a hmuh chuan a en vang vang a, a thianpa hmelah chuan enge maw a hmuh ni a bu deuh nghut.


Val upa Kawktea chuan "Lalpa pawi hawi a awm ta em ni, heti rum rum a min koh tak mai" a ti a. Lal Luaia chu a Pasaltha leh val upa te chu en kual in, "Ro pui kan rel angai a ni. Ka unau neih chhun Chhawnluaia, Darzo khaw lal chu a upa verther zet pakhatin phiarruin lal atangin an paih thla a, chumai duh tawk lo in an thaht zui a. Ka monu leh a fanu pawh thla zalen duh lo in an hreng a, tunah Phulmawi-ah an awm mek a ni awm e" a ti muang ban chhap a. An thu hriat chuan a ti phu deuh zawk hlawm a.


Lal fel leh tha, mipui te tana belh tlak tak lal chungah chuan tu mihringin nge phiarru duh ang tih chu an ngaihtuah a ni theuh awm e.


An sawi khawm nak nak a, a tawpah Pasaltha Hmingmawia ruahmanna chu an pawm tlang ta a. Ti hian an ti ta a ni. Hmeichhe awmnêm zawk an tel ve dawn avangin chet rum rum a rem teuh dawn lova, khaw chhung luh leh chhuah pawh vengtu an indah that em avangin awlsmam tak a ni dawn lo bawk a. Tlangval pahnih vel chu khuangpang zinin lut rawih se, an ni chuan in Mampuii te nufa chu chinchang an lo han hrilh dawm a ni. Midang zawngin luhna khan dang an lo zawng anga, buaina tawk miah lo a tluang taka an ti thei a nih chuan Mampui te nufa chu tlangval thenkhat lo chhawm haw tura tih a ni a. Mahse Hmingmawia chuan Lal Sanglura chauh ni lo, Sangthanga pawh a rilruah a dah ran a, Lal in a a sawi lang lo chu mak a ti viau bawk.


Phulmawi lal in lamah chuan an thawm leh hak hak thin a, Lal Sanglura paw tuipui ral lam hmel a hmuh meuh chuan a hmel tak run thin pawh a zia ta deuh a. Tlangaupa cvu Mampui te nufa hruai turin a tir a.


Mampui te nufa in lal in a koh thu an han hriat chuan mak an ti viau a, achhan pawh han vengin han hreng viau mah se lal hian a hranpaa koh a nei ngai tlat lo.


Mampui nu Nguri chuan "Tlangaupa, lal chuan engvanga min ko nge maw anih? Keini nufa hian tihsual kan nei em ni?" Hlauthawng takin a ti a. Mahse tlangaupa thung chuan, "Chutiang lam a ni lo e, rawn kal vat teh u" a ti deuh hluk.


Mampui te nufa lal in an luh a, chhipa sam zial lo thu deuh thap an han hmuh chuan an hlauthawng ang reng hle a. Hmuh ngailoh an nih bakah a mitmeng chuan a ti hlau a ni ber.


An nufa chuan an inkuah deuh chawih a. Pawi lalfapa niawm tak chuan pawi tawng hian "Lalpa hei hi em ni ka nupui tur chu ?" tiin a zawt a. Lal Sanglura chu a bu deuh nghut nghut. Chutah tho chhuak hluaiin pawi tawng bawk chuan "Khawnge ka en chiang teh ang" tiin Mampui te nufa dinna lam chu a pan a, Mampuii'n chupa a melh let kar lai chuan a nu erawh a kun deuh kal a. Chupa chuan Mampuii hmai vel chu an zut a, Mampuii chuan ngaitheilo zetin a kut a lo ben thlak sak a, a hawisawn deuh hmak.


Chupa chu han nui deuh sak in, "ka duhzawng tak a ni" a ti sep a, Lal Sanglura chu lawm avang chuan a zuang lo chauh. Pawi lalfapa vek chuan "Lalpa han hrilh la, naktip lamah kan chhuak duh dawn ania" a ti a. Lal Sanglura pawh bu nghutin Mampui te nufa lam chu a hawi a, "Nguri, hei kan lo inhrawn rei ta a. Mampui pawh nula pangngai pasal nei rual a ni tawh a. A pasal tur kan han bia a, anni pawn an duhzawng tak a ni bawk a, naktip lama chhuah nghal mai an rilruk a ni e" a han ti charh charh a. Mampui chuan Lal Sanglura mitah tak en in, "Sanglur, i fanu pawh ni lo. I laina hnai ni lo leh i khaw mi pawh ni lo hi pawi ho nena inremsiamna atana i hlan mai mai theih ka ni lo" a ti fak a, tumah an tawng zui hma in lal in atang chuan a chhuak nghal daih a. Ni e, zan lamah Rivunga'n a pa hnen atanga a hriat chu Mampuiin pasal a nei ang tih a lo hlauh ve luatah Mampui bulah sawiin tlan bo puiah a lo sawm ve ngawt a, chuta tanga inremsiamna chungchang pawh hre ve a ni.


Lal Sanglura chuan "E e e, khatiang te a min tih ngam" tiin a ke a per dawt a. Mampui nu chu hlauthawng takin a thingthi nghal rawp a, "Lalpa ngaidam hram teh, naupang mai a ni a, a thu sawi awmzia pawh kha a hre tawp lovang" a ti nghal mawlh mawlh a. Lal Sanglura chuan, "Nguri i fanu kha hrilh la a duh emaw duh lo emaw pasal a nei dawn tho tho. Lo hrilhfiah ang che" a ti hmuk a. Mampui nu pawh chuan ngaihdam dil leh a lo hrilhfiah tur thu sawi mawlh mawlh in Lal in chu a chhuahsan zui a.


Mampui nu chu a tap deuh reng a, tih theih an nei bawk si lo. Mahse Mampui erawh a tap ve eih lo thung. A rilru chuan hlauhthawnnna nei ve mahse 'Uhmingmawia te an rawn lang tep tawh ang' tih rilru pu ran chungin a in ti pachang a, tih theih nei vak si lo chuan Lal Sanglura chu a haw hlur mai.


Khamzawh tlangval leh Pasaltha te pawh Phulmawi lam panin an kal ve mek zel a. Phulmawi leh Khamzawh hi chhak leh thlanga awm a ni a, Phulmawi-in tiau lui an hnaih viau laiin Khamzawh lam erawh a thlang theihtawpah an awm a. Hemi avang hian khaw kar kawng a thui hle a, ni hnih tha an thawhchhuah hnu pawn kawng zatve pawh an la kal lo.


Hmingmawia rilruah chuan Mampui te nufa chu an lian hle a, chutiang taka Mampui te nufa in an rilru a luah mai chu tawhsual an tawk ta em ni a ti hial a. A ngaih a tha thei lo. Mahni chauh chu ni se zan thim pawh sawi lo in a kal par par anga, mahse midang ngaichang lo lek a, awm chu tih chi a ni ber si lo. Rilrua kap nei tun chuan a awm a, a zan mut pawh a tui thei meuh lo.


Mampuii rawngbawl melh melh lai chuan Liankawla a rawn lang leh hlawl a. Mampui hnaih taka thu in, "Mampui i tlanbo dun mai teh ang" a'n ti leh sar sar a. Tun tum erawh Mampui chuan lo hnar fiithla hmak lovin awmze nei tak chuan, "UKawl, kan tlanbo anih vaih zawngin lal hian min hremna dawn lutuk. Ka nu phei chu a that duh hial ang. I pa thiltithei tak ni mah se lal meuh lakah chuan min chhan ngam dawn si lo" beidawn hmel zet chuan a ti ve a.


Liankawla chu a haw a, Mampui thusawi hre reng chungin a pa zanriah ei a a rawn haw hun chu a lo nghak ran.


Liankawla chuan a pa hnenah, "Ka pa Darzo khaw lalfanu Mampuii saw nupui atan ka duh e" a han ti a. A pa chuan a fapa chu phawk hra a melh in, "I â ta mi? Pawi lalfapa nupui atan kan hlan a nih saw. Sawi taw suh, mi te hian an lo hre riau riau ange" a ti a, a vaibel chu a pak khu deuh tual tual.


"Ani pawn min duh a ka pa, tha taka kan inkawm laiin kan lal thu heti hi a ni leh tawp a. Ka pa hmelhriat pawh ni lo bula a nunkhua a han hmang tur chu ka ngai ngam lo. Phal lo teh mah la ka tlanbo pui ang" a ti a. A pa chu a thin a sa deuh phat. Ding hluaiin, "Liankawl ka sawi a, ka sawi chu i zawm bawk ang. Darzo lalfanu saw Pawi lalfapa nupui tur a nih saw, i kut hmawr pawn khawih suh ang che. Lal thu chhuak chu damna a ni tih hria la, len pawh leng tawh hlek suh" a ti ram ta hmak hmak a. Liankawla, Pasaltha huaisen ni hek lo chu a pa thusawi avang chuan a ip deuh zawk zawk.
.
.
.
Mampuii tuipuiral lama hruai an tum ni chu a thleng ta, Mampui nu chu a tap rawih rawih a. Mampui erawh in tu pachang luiin khaw chhung an chhuahsan thleng pawh chuan 'Uhmingmawia te an lo thleng tep ang' a la ti fan a. Chung ho hmaa a mittui tih tlak chu a tum lo bur a ni.


Hmingmawia te pawh hmalam rawn pan zelin Phulmawi chu an hnaih tawh hle a, chawl lova an kal a nih chuan zanlai ar khuan vela thleng hman turin an in ngai.


Hmingmawia kal chak leh lutuk thin chu a thianpa chuan, "Lawmpa, kan thleng tep a lawm. Nge maw mawnga hawlh tu awm ang mai a i hmanhmawh viau ni" a ti a, a nui zui kur kur.


Hmingmawia pawh a thianpa in chutia a rawn tih takah chuan midang ngaichang lo leka a kal pur pur chu a inthiamlo leh hnuhnawh hle a. Muangchang deuh zawk chuan an han kal a, zanlai ar khuan velah chuan khaw dai chu an thleng der.


Chulai hmuna riah a, a tuk zing lama hmala tura tiin an riahna tur hmun chu an siam a. Hmingmawia erawh vei nei tih a thaw leh hak thin.


Zan chu rei a ti a, a mu thei reng reng lo. Zing anih chuan an tho sap sap hlawm a, Vahrit pahnih leh ramar pahnih lo inrep an hmuh chuan mak an ti viau a. An Pasaltha Hmingmawia lah a awm lo bawk a, val upa pakhat chuan "Ani pui rilru hmanhmawh tawh hi a lo va che vut vut a ni lo maw ?" a rawn ti a, mahse a sawi zawh rual deuhthawin Hmingmawia chu a rawn lang hlawl a, tumbu khaileng a pahnih vel a hum va bawk a.


Khua a var chian meuh chuan an inpeih thap tawh. Tlangval pahnih chu khaw chhung an lut a, a dang zawng chu inthenhrangin khua chu luhna khan tha zawngin an hel a, rin ai takin khua chuan luhna tur khan a ngah zek a, awlsam tak chuan an lut thei mai a.


An riahna hmunah an let leh a, zana chet lak tumin khaw thim hum chu an nghak ta a.


Ni tlak hun chu nghah a ralah chuan a rei duh khawp mai a, tlangval thenkhatin an hriam an tat hriam a, a then erawh thing tang an thel vel mai mai bawk a.


Nau riltam velah Mampui nu leh a mikhual tlangval te chu feh tur niawm takin an chhuak a. Ral ven buk an thlen chuan a hma atanga an tih dan ang lo takin tu amah chuan an zui lova, Mampui nu chu a thawh deuh huai.


A nihna takah chuan Mampui nu hi tlanbo tum a ni a, Khamzawh lam pan a, a fanu chhanchhuak tura ngen tum a ni. Chutih lai mekin tlangval pahnih an rawn lang a, an Pasaltha te an awm hnaih thu leh an mahni hruai chhuak tura kan an nih thu an sawi a. Mampui nu in tlangval pahnih te hnana a fanu chu tuipui ral lama an hruai thu a sawi chuan tlangval pahnih chu an hmanhmawh rilru hle a. Achhan pawh an Pasaltha Hmingmawia ngaihtuah zia an hriat ve vang a ni. Tlangval te chuan midang awmnaah chuan hmanhmawh takin an kalpui hlawk hlawk a.


Chutia hmanhmawh zeta Mampui nu leh an tlangval tirh te an lo hmuh chuan an phawk an thum deuh hak a. Hmingmawia chu tho chhuak vatin Mampui nu te rawn kal mek lam chu a pan phei a, Mampui nu in Hmingmawia a'n hmuh chuan insum hmanin a tap a, "Hmingte, ka fanu kha" tiin a tap a. Hmingmawia chuan a sawi belh hun nghakin a en deuh ran. A hlauthawn rilruk ang ngei a eng emaw tak an tawh chu a ring bur bawk.


"Mampui chu an hruai tawh, Sanglura chuan Pawi ho nena inremsiamnan thil hlanah a hlan ta" tiin a tap a. A thu hriat chuan a ding mar tir zawt.


🍀Teh u, zanah chuan lo chang tawh lo mai ru aw. Keimah harsatna leh bawk ania. Zantin ni lo in, Zingtin kan up ang🍀























]

Link:
BBcode:
HTML:
Hide post links
Show post links

Ramdini Jahau
Posts: 57
Joined: April 9th, 2021, 8:00 am

Unread post by Ramdini Jahau » December 15th, 2021, 5:50 am

]FAREWELL THEN NGANA
By Ramdini Jahau


Hmingmawia'n Mampuii pawi ho in anhruai tih a hriat chuan ngaihtuah nei lek lo in a hnu chhuia han kal ve mai a tum a, mahse an val upa pakhat chuan lo dangin "E Hmingte, inbengdai teh. Hetiang kan nih takah chuan ro rel that te pawh kan ngai dawn ania" a rawn ti a. Hmingmawia pawh chuan a thil tih tum atthlak zia chu hria in a thu ngawi ta ran.


An han sawi khawm leh nak nak hnuah ti hian thu an ti thlu ta a, Mampui nu chu tlangval pahnihin lo va let pui mai tura tiin adang zawng chuan pawi ho hnu chhuia kal leh chu an ti a. Mahse Hmingmawia hmanhmawh tawh chuan tu a mah chu a nghak hman tawh lo. A tho vut a, "Muangchangin rawn kal ula, keiin hma ka lo va hruai nge" tiin midangin an chhan hman hma chuan a kal nulh a, a rang a rangin a hnungah Thangpuia'n a zui bawk.


An val upa zinga pakhat chuan en zui vung vung in, "A tur tu a na em mai bawk a. Ti teh u, an mawng phe hmu hman tala kan kal angai nia" tiin an nau hruai te chu a tur zui a.


Mampui nu let pui tur te chu tlangval tuaitir ai chuan ral ramah pawh lo tal ve tawh ngei chu an ti a. Achhan pawh Phulmawi lamin Mampui nu tlanbo thu an hriat a, an umzui a nih vaih zawngin tlangval tuaitir lutuk tan kha chuan chet bahlah a awl dawn ni a an hriat vang a ni.


Pasaltha, val upa leh an nau hruai dang te chuan hmanhmawh ang reng tak in Hmingmawia te hnung zui chuan an kal a, an kal chak viau nge an muang zawk tih pawh hriat lohin an um pha hleithei tlat lo. An theih ang tawka chaka kalin an zui ve zel tho a.


Chutih laiin Hmingmawia leh Thangpuia kal erawh an hnungah anmahni um phak tuma zui tu an awm tih hre lo lek in an kal chak pur pur viau.


A la rei lo bawk a, pawi ho in an hnu an thup si se lo nen hnu zawn vak ngai lo in kal a sawt viau a. Hmingmawia rilruah chuan Mampui ringawt awmin tuipuiral an kai pui hmaa nangchin hman chu a duh a ni.


Amah chauh a inngaihtuah laiin a hnunga a thianpa kal ve chu hrechhuak zawkin a'n ding chut a, Thangpuia kal chak laklawh lutuk chuan a hnungah a rawn su dawt.


Hmingmawia chuan "Thanga tah hian i han chawl lawk teh ang. Ka rilru ka lo kawm tam luatah ka lo theihnghilh der mai che a" a ti a. Mahse Thangpuia chuan "E ngaihtuah ka ngai reng reng lo. Tirawh, an thlen hlat lutuk hmaa um phak tumin i kal leh zel phawt zawk ang" a ti a. Hmingmawia pawh chuan engdanga chhang loin a lu a bu nghut a, hmalam pan chuan an kal leh a.


An hnungah midang khan an rawn zawm ve zel a, Hmingmawia te mawngphe erawh an hmu hman meuh lo.


Ni a tla dawn tawh a, mahse pawi ho reng reng an la tawk thei lo. Hnu lah an uluk loh bakah an hnu thup loh dan atang chuan um tu anneih inring lo an ni ngei tih ahriat a. Hmingmawia chuan a ngaihtuah rauh rauh a, hmeichhe hruai si ti tak maia an kal chak hi an hmeichhe hruai an dim lo hle a ni ta ang ti ten a ngaihtuah a, a ngaihtuahna a hmanhmawh tir zual sauh.


Thui lo an kal leh hnu chuan thawm an hria a, ding chatin an beng an chhi nghal kar. Thawm lo chhuahna chu an awmna atanga thlang deuh anih vangin thawm dim thei ang ber chuan an han veh them them a.


An piah thlang deuha pawi ho thu thap chu an zu hmu a, an thian dun chuan an han inmelh zawk a. Hmingmawia chu an hma lamah tlem a kal leh hret.


Hmingmawia chuan chhak lam atangin a rawn veh a, Thangpuia pawh a awmna hmun atang chuan a veh thla ve tham tham.


Hmingmawia chuan silai ringawt chuan a hautak dawn lutuk a, a hriat avangin a thianpa chu a va melh a. Thangpuia pawn lo hrethiamin chet la lo chuan a awmna hmunah chuan a thu kar.


Hmingmawia chu thawm dim thei ang berin a let leh a, hla ve deuh takah hamphuh atan mau raw bul chhah leh a dawt te deuh chu ava sat a.


A leh leh chuan pawi ho chu a chhiar a, an vaiin sawm lai mai an ni. Pawi ho thu bial thap sir deuh a Mampui thu ve pawh chu a zuk hmu thei a, beisei a neih loh hmel viau lehnghal.


Pawi pakhat chu a tin ran ran a, a mau bul chhah chu phuh chhuakin pawia pa chuan a nghawng dawmin a te that. A nghawng hupna kar atang chuan thisen a rawn luangchhuak a, , let tawp a, a ka atanga thisen rawn chhuakin a ke a leng awrh awrh a, a thi ta.


An thianpa awm dan vang chuan midang chu an phawk hra a, an hawi kual nghal rulh rulh.


Mampui pawh a hawi kual a, "UHmingmawi" tiin a'n phun deuh sep a, amah chhanchhuak tura rawn kal nia ngaiin a rilrua beidawn leh lungngaihna awm tawh chu beiseina tharin a rawn thlak leh ta.


Hmingmawia chuan a tihdan ngai chiahin midang chu a'n phuh zel a, a hmanhmawh avanga pathum chiah suih a nih vangin a silai chu a han ban chhunzawm a. A thianpa Thangpuia'n a rawn kah rik thuai rualin a kap ve zat a, pawi pahnih chu te thatin an tlu nghal hnawk a. An lal fapa chu chem hum ran a hawi kual vak vak in lusei tawng ngei hian "Tunge, rawn chhuak rawh. I ngam a nih chuan i lo in hmachhawn teh ang" tiin a au tuar tuar a, silai chu tin zawn bik pawh nei lo in a han kap pawp a fuh erawh a nei lo. Hmingmawia te thian dun chuan an chem chu ban in an pen chhuak rual a. Pakhat chuan Hmingmawia te han sah sawk tum niawm chuan a rawn pan a, mahse Hmingmawia a chem a vai phe zawk a, chu pawi pa dul chu thler hawkin a ril rawn uai thla pur chu a leiah a lehthlak pui tawp.


Thangpuia pawh chuan amah rawn beih tum chu alo tukdawl vat a. An lal fapa leh a hnunga tlangval la naupan hmel zet tih mai loh chu din an awm ta lo.


An lal fapa chuan "Tute nge in nih? Eng vanga min rawn bei ringawt nge i nih" a han ti tuar a. Hmingmawia erawh chuan thu tama chhang lo in, "Tute nge kan nih ngaihtuah ai chuan i nunna zuah tura min ngen tur i nia sin" a han ti fak a. Pawi lal fapa chu phu deuh zawkin Hmingmawia chu a'n en a, Hmingmawia'n en ve lo a Mampui lam a en tih a hmuh chuan thah ngei tumin a chem chu an vai chhuak pawp a, mahse Hmingmawia chuan a lo thuthniam san zauh.


An lal fapa hnunga tlangvalin chet lak a rawn tum ve chuan Thangpuia chuan a lo manbet hmiah a, Hmingmawia leh pawi la fapa chu an in bei a. Pawi lal fapa inhrosa thawm leh thir inkhak ri leh thin chauh chu thawm a awm a. Hmingmawia chu a vai fuh teuh theih thin em avangin Mampui chuan a awmhmunah a kut a lo hum ruh vak a, a lo tang viau mai.


In sat fu hleithei si lo chuan an inveh dan dan reng a, a hnuah chuan Hmingmawia chuan a ning ta deuh a niang a han nawr vak a, pawi lal fapa chu a let tawp. A hmaa ding kak hah a melh chhuk run chung chuan "inti pasaltha taka nun chân ai chuan tlawm mai rawh. Helai hmunah hian i ruang hlawmtu an awm dawn lo. Tlawm la,
i pa in ro a relna hmunah chuan thlamuang takin awm leh zawk rawh" a ti a. Pawi lal fapa chuan ngaithei lo zetin a han tho a, Hmingmawia chuan a chem chu a han vai leh a, Pawi lal fapa lu chu a lir nghal tawp tawp.


Mampui chu rawn thoin Hmingmawia awmah chuan a rawn bei thlawp a, tap deuh faih faih "I lo kal dawn lo emaw ka ti tawh a sin" a han ti a. Hmingmawia pawn a sama chulin "Mi rama khawhar taka i awn tur a phal hleinem" tiin a kuah a.


Thangpuia'n aw a rawn then tak kharhah chuan an inla hrang dun vat a, Thangpuia chua "Lawmpa he nau hi engtin nge kan tih ang" a han ti a.


"Kan dahtha ve mai ang nge kan kal tir dawn ?" A tih chuan chu tlangval chu an thah ve hlauin a khur nghal ti tih.


"E ani kha chu i kal tir ang" Hmingmawia chuan a ti a. Pawi tlangval hnenah chuan "Kal la, hei hi in lal hnenah chuan Phulmawi khua chuan an bum thu cheu leh khaw dang lal fanu ru bo a pek tum cheu annih thu sawi la, Phulmawi khaw pasaltha ten umzui cheuin in lal fapa leh midang zawng an thah thu leh nang i him dan hi i sawi bawk dawn nia" a han ti a. Chempui pakhat chu hum tirin an kal tir ta ni.


Chulai hmuna midang lo nghah law law chu tha an tih vangin ruang let pheng phung ho chu an han dah khawm a. Mampui chuan mihring ril leh chutiang thisen thang chu chuan a ti thei vak lo nge a uak that that a, Hmingmawia chuan "Mampui, en lo in i hnunglam kha hawi hram hram rawh aw" a rawn ti a. Mampui pawh chu hnunglam hawiin a han uak leh a, hnunglam hawi eng ang mahse thisen thang rim chu reh ve hek lo, insum thei lo chuan thingbul bulah chuan a va luak ta nghek a.


Hmingmawia chuan rawn ngaihven vatin, "A pawi lo ania, mipa tan paw heng thil hi chu tawrh zawh har tak ania lawm" tiin a hnungah a chul sak a, a sam hnawk niai chu hnunglamah a lo tham khawm bawk a.


Mampui chu mitmeng de riai a rawn hawiin "UHmingte" a ti sep a, Hmingmawia pawn a en ve kar. Mahse engmah sawi lo chuan zawi takin a ding chhuak a. "Khulaiah khuan luite a awm a, ka zuk insil lawk ange" a ti a. Hmingmawia chuan "Ka han kalpui ang che, Thanga i chhawl a hal em? Khulaiah khuan luite a awm ania" a ti ve nghal zat a. Thangpuia chuan "Hal hran lo ve, in pahnih khan dang te chu zuk ti hnawng teh u" a ti nui vur vur a. Hmingmawia te pahnih pawh chu luite awmna lamah chuan an liam thla nghal.


Hmingmawia'n tui dawhna tura a hnahthial khawr chuan tui chu dawhin Mampui chuan a in deuh khawlh khawlh a, a hmai te a phih hnu chuan a harh deuh sawt hian ahriat a. Hmingmawia chu en in a han kuah leh a, Hmingmawia hnenah a lawm zia thu a sawi mawlh mawlh.


Thangpuia awmna lam an kan thlen leh chuan Thangpuia chuan ruang chu changel leh balhla hnahin a lo khuh tha thlap a, Mampuii'n thisen rim a ngaitheihloh zia hria in thisen baw ho pawh chu a theih ang ang in lei in a lo vur a, Mampui pawh chuan thisen rim chu a hre ta vak bik lo.


An pathum chuan an thu kar a, Mampui chuan Thangpuia hnenah pawh lawmthu te a hrilh ve nual.


A nu chu ngaihtuah chhuak thutin a nu chanchin chu a'n zawt a, anni pawn a that thu leh an khaw lama tlangval an hruai let tir thu te chu a hrilh a, Mampui pawh a thaw huai.


Hetih lai hian Mampui nu te let leh kha buaina tawk lem lo in an kal tluang viau a, Mampui nu chu achangin a fanu ngaihtuahin a inhnit leh faih faih thin a. A bula tlangval kal ten hnem vak ngaihna hre hek lo, amah chuan a tap bang veleh mai zel bawk a.


Khua a tlai chhiat tak tak hma tiin an chawl a, awmhmun rem deuh laiah mei chhemin tlangval pakhat chu zanriah tur zawngin a chhuak a, tlangval pakhatin thing fawmin Mampui nu chu engmah tih ve phal lo chuan an thut tir a. Mampui nu lung chu a leng kher mai, a pasal, a hmangaih em em chu rilru tenawm leh mi duhâm vangin a chan a, tunah a fanu lah chutiang bawk chuan. Hmingmawia te kha a fanu chhanchhuak tura kal ni teh mahse chin hriat a ni lova, a ruang nge a damlo ngei an rawn hruai let ang a hre hauh lo. A fanu nen dama an inhmuh leh theih a rin lohna chuan a lungchhia a, a tlangval kalpui te pawh hmaizah zo lo in a tap leh thin.


Phulmawi lamah chuan Lal Sanglura rin ang ngeiin Nguri chu khaw thim dawn pawha a la rawn haw loh cheu avang chuan a tlanbo taah an ngai vek a, an duh ber a fanu an hlan tawh bawk a umzui ngaiin a hre lem lo. Mahse a upa Sata chuan "Lalpa, kan umzui lo anih chuan leido kan nei a ni ngawt dawn a, Khamzawh lam a pan ngei anga, Khamzawh lamin Lalnu Nguri thusawi chu an rawn bawh zui ngei ang. Keini khua hian indo chu kan hmachhawn thei dawn em ni?" A ti a.


Upa Chalkhuma erawh chuan "Ngah nge maw Lal Luaia mai mai kan hlauh ang, Pawi ho pun tur kan neih reng tawh laia 'indo kan hmachhawn thei dawn em ni' lo tih. Rawni pa i hlauthawng hma mah mah a ni" a rawn ti ve bawk a.


Upa Sata bawk chu tawng lehin "Chutianga tih theih ngawt a ni em ni? Tuipuiral lam chuan an khua em pawh an la thleng lo anga, chuta kara inremthat hma hma keinin ka lo han koh pen nghal chuan eng inremsiamna kan nei rei thei tawp lovang" a ti leh a.


Upa Chalkhuma bawk chuan rawn hnial lehin "Chutiang pawh nise an ni pun lo pawn, Nguri, ani hmeichhe awmnem khan khawi ram mah va dai suh. Tunah pawh hlauin a tap per pur tawh ang chu mawle" a rawn ti a. An ngawi zui vek.


Lal Sanglura chuan a upa te thusawi chu a ngaihtuah a,
lehlamah upa Chalkhuma khan a ngaihthat tir deuh a, mahse upa Sata sawi khan a ti ngaihthat tir tluantling thei si lo. A tawp a tawpah chuan tlangaupa chu zawlbul lamah tlangval sa tha pali vel chu silai nena kalin pan turin a zuk hrilh tir a. Rei vak lovah tlangval ho pawh chu lal in an rawn chuangkai vat.


Lal Sanglura chuan Nguri umzui a, an hmuhna hmun hmuna dahtha tur chuan a tir chhuak nghal a. A tlangval tir te chu an hlawhtling ngei dawna a hriat vang nge a engthawl sawt mai.


Nguri um tu te chuan um phak mai an inrin laiin khawvar thleng pawh chuan an la hmu mai tlat lo. Chawl hlekin mei te an nun a, an serep ah chhuah chu hem lum puap puapin an ei a. Kal zai an rel leh.


An kal leh fe hnuah an hmalamah thawm an hria a, fimkhur leh thawm dim thei ang berin an kalchak zual sauh. An hmalam hla vak loah chuan Nguri leh tlangval pahnih inzui chu an hmu a, tlangval pathum chuan silai-in an tin nghal a, a rik deuh thawt hlawm rualin an hma lama kal te chu an let hlawm tawp a. An thi ngeia ngaiin en pawh en tawh lo chuan an let san leh.


Mampui nu Nguri chu a tukkhuma an kah fuh avangin a chatthla nghal a, hnai taka kap annih vangin silai mu chu lang chuang silo in a mit leh mit inkarah a rawn vunin dangin a rawn pawng chhuak a, a lu chu a verh tlang lo chauh.


Mampui nu Nguri hlauh ang ngeiin a fanu nen chuan damin an inhmu thei dawn ta lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ramdini Jahau
Posts: 57
Joined: April 9th, 2021, 8:00 am

Unread post by Ramdini Jahau » December 17th, 2021, 12:26 pm

FAREWELL THEN RUKNA
By Ramdini Jahau


Khamzawh tlangval leh val upa thenkhat chuan Mampui chu an chhawm haw a, Hmingmawia te thiandun erawh in "Tihtur kan nei e" an tih tlat avangin Phulmawi khaw bul velah chuan an awm a, an zinga tel ve val upa Zamawia chuan let leh mai chu tha bika a hriat loh avangin Hmingmawia te kiangah chuan a awm ve a, anni thian dun pawh chuan pawi an ti hran lo.


An inkalsan dawn chuan Mampui chuan Hmingmawia hnenah zawi sap hian, "Him deuhin rawn let leh rawh aw" a han ti a, Hmingmawia pawh a bu ve deuh nghut. 0


Mampui chu midang nen chuan an inchhawm hawn nawk nawk a, khaw lama a nuin a lo nghahhleh tur zia te a ngaihtuah chuan a kal a ti phur sauh a, a nu chuan nuisangin a lo lawm dawn lo tih reng a hre silo.


Phulmawi lal Sanglura pawh a tlangval tirh te an let leh hma em avangin a ngaih atha hlu hlu hle a. Ti kha chuan tu khua nen maha buaina neih a inring tawh lo.


Mampui te chu an ve bek bek hlawm a, tumah inhliam leh tar chak lo tak an kal ve lo bawk a, an kal chak pur pur viau mai. Ni lan chhung zawng chu an kal a, ni a tlak hnuah erawh rihhmun tur an zawng thung a. Mampui nu te riahna hlui chu hmuin chuta riah chu an ti ta ni.


Hmingmawia te pawh an val upa nen an chet dan tur rel chungin khua an nghak thim a. Ro hran vak rel loin ahmaa an rel sa Phulmawi Lal leh khaw mipui ti ralti zawnga awm tir hrim hrim an tum ang khan chet an tum ta a. Mahse Hmingmawia leh Thangpuia chuan an val upa chu an bula kal ve lo tur in leh chulai hmuna lo nghak mai tur chuan an ti tlat a. Val upa Zamawia pawn han hnial viau mahse an tawng hmangah an thu awi lo chi ni a a hriat loh vang chuan a pawm ta hram a.


Luhna tur khan hre sa an ni bawk a, khua a rawn thim chuan harsa lo zetin khawchhung chu an lut mai a. An inthen nghal a, Hmingmawia chu lal mual lamah kalin lal in hnuaiah chuan a thu ren rawn a, a thusawi a ngaithla te te.


Tumah chuan chet la lo in zawlbuk lama tlangval kal khawm hun chu an nghak a. A rei tawk fang an nghah hnuah Thangpuia chuan an awmna inhnuaia vawk chu a tham nawk a, vawk chu a te nghal ruai ruai a. Thawmah a neitu rawn chhuak thawm chu a awm vat a, Thangpuia chuan vawk chu a bawp pakhatah chuan sa sehna tur niawm takin hnu a siam a, a neitu rawn thlen hma chuan a kalsan vat.


Hmingmawia awmna lamah a rawn ri veleh a, ani erawh a khawihsak te chhungkuaah hian hmanhmawh taka han che chhuak chi an awmloh avangin vawk chu ti te ruai ruai chungin ramhnuai lamah a lut a, chumi te thenawmpa chuan an thenawm e vawk chu engtin nge a awm tehreng tiin a han en a, Hmingmawia vawk hnuk liam chiah chu a zu hmu a. Chutah "Sa tla e, Sa a tla e" tiin a au ta a. Vawk neitu te pawh an pa ber chu muang changin a rawn kal chhuak a. Hnu a hmuh chuan "Ava pawi em em ve aw" tih bak sawi tur a nei bik lo.


Hmingmawia chu tlangval ho kal khawm hma in vawk chu dahin amah chu a insaseng a, zawlbuk a tlangval kai thenkhat chu chem leh silai nen an rawn kal khawm tak tak.


Chutih lai chu remchangah lain Hmingmawia te pahnih chuan meichher an siam a, tlangval ho in sa pui emaw tia Hmingmawia hnu an um laiin Hmingmawia leh Thangpuia chu inthenin Hmingmawia chu lal mual lamah a kal leh a, Thangpuia erawhin Zawlbuk lam a pan ngauh ngauh.


Hmingmawia chuan lal upa te in chu a han dep kai tan a, Thangpuia pawn Zawlbuk chu a duh ang zana a deh kai hnuah zawlbuk chungah chuan a meichher chu a vawm kai a. Kawtchhuah lam panin a tlan vat.


Hmingmawia pawh chutia a innga vel ngawt a deh alh hnu chuan kawtchhuah lam a rawn pan a, Hmingmawia te pahnihin khua an chhuahsan dawn chuan khaw chhung lam tangin "In a kang e" tih thawm a awm ve chauh.


Ral venga an dan tlangval pahnih chu harsa lo zetin an paltlang a, an val upa chuan chanchin a lo zawt vat vat. Hmingmawia chuan "Pa Zamawi, i chauh viau loh chuan kal zai kan rel dawn em ni? Kan thiante kha an la kal hla hman lo anga, zanlai ar khuan hma chuan kan pawh hman em ang chu" a tih daih a. Val Upa Zamawia chu a ip deuh awk.


Thangpuia chuan, "Ni e, Pa Zamawi. Kan tlangvala pui hi a lungleng nghal der a ni awm a, a tah kun tlawk tlawk hma hian i thawhchhuah pui teh ang" a lo ti ve zat. Hmingmawia chuan a hnungah a chum tawk a. Thangpuia lah chuan "Ava na ve, Mampui hnenah a awm loh hlan a veng mawng nuthlawi i rim thu kha ka sawi mai ang aw" a rawn ti a. An pathum chuan an nui dar dar.


Kal zai chu an rel a, an thiante pawh ngei tum chuan an kal chhuak leh ta a.


Phulmawi lamah lal Sanglura chu a sa hle a, a lal in chhuatah chuan a vei kual vut vut a. Tunge a zawlbuk hal chhe vek tu leh a upa te in hal tu chu a hre chak takzet a, a mi hriat chak te lah chu a hriat har hmel viau lehnghal. A tlangval te chu umzui turin tir chhuak ve nghal bawk mahse an rawn hlawhtlin hi a ring mawlh si lo.


Hmingmawia te pawh chu an kal zel a, leng hawn ar khuan hun awm velah mei eng an hmu a, an thiante chu annih ringin fimkhur tak si chuan an pan a.


An va pawh phei chuan an thiante ngei chu niin v
al upa leh Tawia leh Mampui chiah chu an lo meng a, Mampuii'n a rinloh lutuka Hmingmawia te a'n hmu chu a meng awk a, Hmingmawia pawn khaw dang hawi loin a rawn melh ve nghal chat. Mampui chu lai ang reng takin a hawisawn daih a, mei alh chu a thlir ta daih.


Eng vak lo sawi lo in mutmu an tuah nghal a, Hmingmawia erawh "Thing hi tlem ka ca fawm belh ange" tiin ramhnuai lamah a kal leh ta daih kha nia. Mampui chuan a mutna tang in a lo let hun chu a ngaichang ran.


Hmingmawia pawh rei loah a rawn let a, mei chu vur tha in mei bulah chuan a thu rem a, Mampui mutna lam chu a thlek leh zeuh zeuh thin. Chutia a rilru kap rengtu leh thlamuanga awm tir thei lo tu hmel chu a hmuh tak vang nge a thaw suai suai reng a, hahdam sawt hmel hi a pu bawk.


Ramar chu a rawn khuang al al a, zanlai a ni der mai. Hmingmawia'n mei a vur that leh lai chuan Mampui chu a rawn thu chhuak hlawl a. Hmingmawia lam chu hawiin, "U Hmingmawi ka muhil thei lo" zawi sep hian a rawn ti a. Mampui tawng thawm a hre thut chu a phu ve zuk thei.


"Engti zia nge ni? Vawiin i kal chauh dawn tehreng nen" tiin a thuthmun atang chuan Mampui chu a en a. Mampui chu thawm dim ve thei ang bera rawn tho chhuak in, "Min vengin i hah si a, ka muthilh san thei lo che" a rawn ti a. An pahnih chuan an inmelh deuh ran mai.


Mampui chu Hmingmawia bulah chuan a rawn thu a, an bul hnaia mu ve te ngaihtuah lo chuan Hmingmawia chu a ngheng deuh talh talh a. Hmingmawia pawh thaw hakin Mampui chu a'n kuah a. Engmah sawi chuang si lo chuan an inpawm vawng vawng.


Mampui chuan Hmingmawia awm a bei hle hle chung chuan, "U Hmingte min nei ang tiraw? Khawi lal fanu mah ka ni tawh lo a, neih pawh ka nei lo. Mahse min nei ang tiraw ?" a han ti a. Hmingmawia chuan a chhang mai lo. A ngawih vang vang hnuah, "Ka hmangaih che a, chu chu a nei chhan tur che atan a tawk viau. Ka hmangaih che a, rosum vanga ka hmangaihna che hi dai mai mai tur a ni lo, vawikhat ka hmangaih che ka ti tawh a chu ka hmangaihna chu pialral theng pawha awm tur a ni" a ti a.


Mampui chuan en chho hah in, "Min hmangaih maw !?" tiin a han zawt a. Mampui biang tuai sak pah chuan, "Ka hmangaih loh hi thlang tawp atanga chhak tlang thlenga ka nupui tur atan liau liaua ka rawn hawi che i ring em ?" a ti let a. Mampui chu a rawn nui ver ver a, "Keipawn ka hmangaih che" a ti ve a, mahse a sawi zawh rual chuan laiin a biang chu a sen nghal tan tan a. Hmingmawia pawh chu a melh tha ngam der ta lo. Hmingmawia chuan kuai dakin a Mampui lai hmel chu a en a, kiai sakin a hmuiah chuan a fawp ta vawng vawng a.


Zing khua a var chuan an che sawt sawt hlawm a, an inpeih veleh an kal chhuak leh ta a.


Thui pawh an kal hma chuan an hma lam atangin thil hian in a rawn beng uih leh hmur thin a. "Kan hmaah sa thi a awm aniang" tiin an kal zel a.


Nakin deuhah chuan an hma lamah ruang an hmu ta a, ruang an han en chiang chu Mampui chu a rawn tap chhuak nghal rawih a. A nu zuk khawih a tum chu Hmingmawia'n a lo dang vat. Tal vak vak pah chuan a nu chu a au ruai ruai a. Mampui chauh nilo midang pawh chu a thawng em em vek hlawm a, Mampui nu te hi chu vawiin vela khaw thleng thei tawh turah an ngai vek.


Ruang chu hawn chi anih tawh loh vangin an phum a, Mampui chu a nu thlan chung chu bawhin a tap khur ngawt ngawt.


"Nu ka lo haw hi, ka nu in min lo hmuak anga tiin hlim deuhin ka rawn haw a sin. Tinge ka phalna te loa i lo kal a" tiin a nu thla chu a hau a. Midang ho chuan an khawngaih hlawm hle.


Awm reng thei annih loh avang chuan an kal leh bek bek a, Mampui pawh zawi zetin a hnunglamah Hmingmawia'n a rawn chhawm ve zel a.


Karah zan thum ngawt an riah leh hnuin Khamzawh chu an thleng a, lalpa leh lalnu in Mampui an han hmu chu an leinat viau a, lalnu phei chuan a tah khum hial a ni.


Mampui chu khawtharah a nu leh pa tel loin a patea te hnenah chuan a cheng ve ta a. A patea upa Zamkuala fanu Zampui chu amah kawm turin a rawn leng thin a. Zan lamah Hmingmawia an leng thin bawk a. Lal Luaia nupui Saimawii a fel hlauh a, fanu an nei lo bawk nen Mampui chu an fanu anga ngaiin an duat viau a, chuti ni lo se zawng Mampui chuan hreawm tawrh leh lunglen a tuar nasa ngei ang.


Hun a kal zel a, thlasik vawikhat a liam meuh chuan Mampui pawh chuan lunglen leh khawhar a nei tawh lo va, Lal Luaia te nupa pawh "Ka nu, ka pa" tia koh an duh tlat avangin a ko a. 'Lal fanu' tih chu mi nawlpui koh dan a ni ta a. Zampui nen pawh la inkawm zelin mize inmil tak an lo ni a, an inkawm thei viau mai lehnghal.


Hmingmawia leh Mampui chanchin chu khawtlangin an hria a, tu mai pawn Hmingmawia chu lal makpa anih an ring vek.


Lal Luaia upa te zinga Upa Ritawna fapa Rivunga hian Mampui hi a ngaizawng em em a. Hmingmawia te mah zawk pawh lal in a an len zantin loh laiin mawi lo zawk khawpin lal inah a lut tam a. Mampui lah chuan lo kawm nel chu sawiloh a be tha duh thin mang lova, mahse chuti chung pawh chuan len a thulh phah der lo.


Mampui te Khamzawh lama thlamuang taka an awm lai hian Phulmawi lalpa Sanglura erawh verther takin pawi lal Suakphunga chu a tlawn ve reng a.


Khatia Hmingmawia ten Pawi lal fapa leh a tlangval tlem an thah hnua an tlangval tirh haw khan lal Suakphunga hnenah engkim a hrilh a, lal Suakphunga chu a thinrim viau a. Phulmawi khaw run a pan nghal rum rum chu a duh a, mahse a upa ten inbengdai tura tiin an lo khap hlawm a.


Suakphunga chuan Sanglura hnenah palai tirin thil awmdan chu a hriatchian a tum a. Sanglura'n a rinloh lam taka Suakphunga palai a hmuh chuan a mak a ti viau a, an lal thu chah an han sawi mai phei chu a thi dang lo chauh. Thiam tak chuan let leh tur in leh thil awmdan amahina lal Suakphunga hnena sawifiah tura inti in a hnar haw a. A thinrim tihngaihna hre bawk si lo mangang bawk si chu a au chhuak hial a ni.


Mahse tlaivar thaka a ngaihtuah hnuah chuan tihdan tur tha zet a hre ta a, hmanhmawh thei ang berin tuipuiral lamah chuan a kai zui ve a.


Lal Suakphunga'n lal Sanglura hmel a'n hmu chu a lawm viau lo. Mahse Sanglura chuan thiam tak mai hian, "Lalpa, ka thiamloh der a ni. Min ngaidam mawlh mawlh ang che"a han ti hmasa te te a, lal Suakphunga chuan "Ngaihdam ngai a i awm te chuan kan ngaidam che nga nimai lawm. Enge i tihsual chu sawi rawh le" a ti deuh hmuk.


Lal Sanglura chuan, "Lalpa, nangni nena inremsiamnana kan hlan cheu Mampui kha" tiin a ruala kal ve upa Sata chu a'n melh a, sawi zawm lehin, "Hei ka upa Sata fanu neih chhun hi a ni a. Khatia in lalfapa te an rawn kal hma chiah khan Khamzawh lam atangin Mampui dilin palai an rawn kal a, Mampui kan han zawt a, ani'n a hriat ngai hlawm loh thu in a chhang si a. Tichuan keini lam chuan lo hnarin Khamzawh lam chu lunghnur takin an haw ta a, mahse heti zawng hian chet an rawn la ang tih reng kan hre lo a ni e" a han ti a.


Suakphunga chuan "Chu Khamzawh lam chuan ka fapa leh tlangvalte thatin ka fapa nupui atana kan tih chu an hruai daih amaw" a han ti a. Lal Sanglura pawh chu a bu nghauh nghauh.


"A lo ni maw, Khamzawh chu tu khua nge ni reng reng? Tu pawi nge an sawi hi an hre love'm ni?" a han ti a. Sanglura chuan Suakphunga chu chhimbudawi kual zelin a duhdan ang tak chuan thu chu a awih tir thei ta a. A tawpah, "Lalpa lusei khuaah chuan khaw lian tak an ni a, an ni tluk an awm lo hial ang. Keiin ka Pasaltha ka chan nual nen mi leh sa kan inchan hnem lutuk loh nan thlasik vawikhat hi han liam phawt se, rem kan ruat tha dawn em ni ?" tiin a sawi kual zaih a. Khamzawh lam pasaltha ngah zia hriain nghah leh hret a, vuaklet awm thei tawh lo tura Khamzawh khua tih chimih vek chu a duh ni.


Suakphunga chuan, "Fapa pakhat chauh ka nei hleinem, Mampui chu kan hruai anga ka fapa hmeiah a tang ang. Mampui kan hruai hnuah chauh hma thar kan la ang" a han ti a. Sanglura chuan "A eng aiah nge Mampui pawh chu i dah len lurh mai ni, lal rorel thiam lo lutuk" a ti rilru a, mahse a takah chuan engmah a sawi chhuak ngam chuang lo.


Khami hnu khan fel tak khan an inthlah ta kha ania, tunah thlasik vawikhat chu a liam leh der a. Suakphunga pawn a sawi ang ngeiin a Pasaltha te chu Mampui hruai chhuak turin a ti ta.


Mampui chu Zampui te inah a leng a, a thiannu buh den na bulah chuan a thu ve kar.


Mampui chuan, "Zami keizawng ka rilru a hah" a han ti hliai a. Zampui chuan rawn em zawkin "Engah chuan maw ?" a rawn ti a. "U Hmingmawia hi a rawn leng duh ta reng reng lo mai a, veng mawng lama nuthlawi inah khan a lut ngun viau e an ti. Bakah tun hnai ni hnih thum kal ta tang khan ka hmu ngai tawh reng reng lo" Mampui chuan a ti a.


Zampui chuan a buh den chu chawlin, "Awi a, i ti awm ang lo emai. Tu tlangval nge maw lal inah leng lut leng lut reng ang ni. Veng mawng nuthlawi kha maw U Thangpuia hian nuthlawii fanu kha a ngaihmelh deuh a, chu zawk mai mai chu lawm. Nula manto i nia ngaihtha tak khan awm rawh" a ti a. Amah bawk chuan sawi zawm leh in, "Taka ka inhmu mai silo ka hrilh theihnghilh daih che a, U Hmingmawia chu U Thangpuia nen a pu te khuaah an zin a, lo hrilh tur che khan min chaha tunah ka hrilh ta chauh che a nih hi" a ti a, buh chu a den zawm leh.


Mampui chuan, "Engtia rei nge an thang ang aw? A reng rengah UHmingmawi pawh azin tur thu te chu min hrilh ve tur ania" a ti a, Zampui chuan, "Keimah min chah chu duhtawk teh a, an cham rei tawh nang" a rawn tih zawm a. An thian dun chuan in chhaih zuiin an nui har har a.


A tukah chuan Mampui leh Zampui chuan tui an chawi a, Zampui chuan Mampui hnenah, "I sawi reng bawk a, UHmingmawia te pawh an rawn hawng kha i hria em ?" a han ti a. Mampui chuan lawm leh phawk tak hian, "Ka hre lo reng reng" a ti a. Zampui chuan, "Hmm, a nih chuan i pa hmu tur pawn an la rawn leng lo a ni maw. I pa hmuh ai mah chuan i hmel hmuh duh vangin a zan la la khan a rawn leng ka ring ania. Nge an zin naah hian chhungpuinu tur an awk hlauh zawk ni ?" a ti a. Mampui chuan a thiannu beng taih pah chuan, "i sual thiam e a" a'n ti a. An thian dun chuan an nui leh hak.


An tuium a tui an thal mawlh mawlh lai chuan thawm a rawn awm a, Mampui chu tu emaw hian hnunglam atangin a ka a rawn hup a, Zampui au chhuah tum chiah chu a hnung lam atangin a lu-ah an rawn vua a, Zampui chu nikhaw hre lo in a let nghal tawp.


Ka phone rawn ri chu hun lo ti zeta chek hlukin ka la a, "Enge ?" ka ti nghal tawng. A ziaktu mah nise ka chhiar laklawh em avang leh ka hming, ka mumanga ka hmuh thin ang deuh chiah anih vangin mak ka ti a, ka thiannu thawnthu ziah chu ka mumang nena inzawmna nei tlatin ka hria a, mak ka tiin a vaia chhiar zawh vek chu ka duh. Mahse amah ber hian min rawn call buai chu nia.


"Mate i chhiar tawh em ?" a rawn ti a, "Ka chhiar mek a, min rawn tibuai" ka tih chuan, "Engzat na thleng nge i chhiar tawh ?" tiin mim zawt a.


"Zampui te thiandun tui chawi lai kha..." Ka sawi zawh hma hma chuan, "Ee, a tawp a ni mai tikhan. Pawi ho khan an man anga, Hmingmawia khan a umzui anga mahse an tlanchhiatna lamah lengkirah a tla nga, a tawp a ni mai" a rawn ti a. Chutia a rawn sawi lai tak chuan a hma ka mumang te chu ka ngaihtuah a, he thawnthu leh ka mumang hian inzawmna a nei anih ka ring ta hmiah mai.


"Ka buaina ber chu Mate, season 2 siam ka duh a, mahse han ziah dan tur ka hre tawh lo" a rawn ti a.."Aw lo awm rawh" tiin phone chu ka dah a, khum atang chuan ka tho chhuak a, dar zat ka en chuan zing lam dar 4 ngawt a ri tawh.


Ka thawnthu chhiar leh ka mumang te chu ka'n ngaihtuah kawp a, khum bulah chuan ka vei vut vut.


Zampuii'n tui kan chawi laia 'I mizia zawng zawng hi tuipuiralah an kai pui tawh a nih hi' a tih te ka ngaihtuah a, ka thawnthu chhiar leh ka mumang chu thil inzawm vek niin ka hre ta.


Ka thil tawn te nuai chu ka hrethiam lo hle a, ka ngaihtuahna buai lutuk chu ka tawngtai ta tawp.


Ka tawngtai zawh chuan thawl deuh hawk hian ka inhria a, fim zawkin thil pawh chu ka ngaihtuah thei ta bawk.


Thil engkim chu ka mitthlaah hian a rawn lang zut zut a, a awmziaah chuan ka thawnthu chhiar leh ka mumang te chu inzawm vek anni a, chuan chu chu ka chanchin ngei a ni bawk. Ka thiannu ziah chin hi thawnthu awm sa a ni a, a nih chuan ka mumanga ka hmuh thin ka nun hmasa anga ka pawm thlap tawh teh hi ka siamchawp vek anni tih em ni?


Nun hmasa siam chawp maw! Thluak ava han buai leh tak em.


Christian ka nihna chu ka inhre chhuak uar uar a, mizo ka nihna chu chiang takin ka inhmu bawk.


Heng hi Pathian thil tih nge ni a, min ti buai tu atana Setena beihna hmanrua zawk tih pawh ka thliar hrang thiam lo. Mahse Dr. Crowe khan engtin nge a tih kha, hun pe turin min ti a ni lawm ni?


Ni e, hun chu ka pe em em ang. A lai taka ding lo hian zo fel law law ila he thil hian keimahah nghawng tha tak a nei mail mahna.


Ka rawn dah vat thin lo hi ka inthlahrung viau ania, min lo dem vak su aw 💤

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)