MR.DARK BOSS CHAPTER - 6 BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 753
Joined: November 18th, 2020, 12:53 pm

MR.DARK BOSS CHAPTER - 6 BY MAWITEI BAWITLUNG

Unread post by mawitei bawihtlung » November 24th, 2021, 9:05 pm

MR.DARK BOSS






CHAPTER 6






JOSH HMANGAIHSANGA POV...









Davida nen kan insual lai chuan thil ribur kan hriat a vangin kan inthlah a ,ka hawi phei nghal vat Zonunmawii chu chhuatah a lo tlu a ,a lu a tanga thisen chhuak ka hmuh chuan ka tlan phei nghal vat ,ka pawm tho a ka ko mawlh mawlh bawk,a mit a chhing a a lu a tang chuan thi a chhuak zawih zawih reng bawk “ Motor ka lo va la chhuak ang " tiin Davida chu a chhuak a .









Keipawh chuan ka zui chhuak nghal vat,ka kuta ka pawm chu hlauthawng takin ka au mawlh mawlh a “ Engtin mah I awm dawn lo " tisupin chak zet chuan ka chhuah pui a ,Davida car rawn lakchhuahah chuan ka thutluh pui vat,chak zetin a tlan chhuak a ,a lu a tanga thi chhuak chu hup sakin ka au mawlh mawlh bawk ,hetiang anga hlauhthawnna hi ka la nei ngai lo .












Damdawiin kan thlen rualin an rawn buaipui a ,a bialpa hlui chuan a buaipui nasa nghal hle ,khap duh mah ila doctor an ni miau si a ,ka en Liam rih tawp a ,an luhbo pui rual chuan bang nghengin ka thu a ,“ Tinge thiana induh hun a nilo ,tikhan I hre chiang ang tiraw ,a ni pawh hi mihring tho ani a ,Rosie ang chiah khan a kalsan thei che " a rawn tihchuan ka mit ka chhing vang vang “ A theihloh khawiah mah a kal ka phallo " ka tichhuak sup sup a .









Tinge ka duh nireng si a ka tihnat reng,ni e keihi mipa sual tak ka ni e ,a chungah thiltha lo a thleng a nihchuan ka inthiam thei ngai lo ang ,reife hnu ah rawn chhuak in a that thu an sawi chuan ka thaw huai a ,a bialpa chuan min rawn panin ka kawr nghawngah chuan a rawn tham a ,ka lo melh let ngur ringawt “ Engvanga tina nge I nih ,I enkawl theihloh chuan ka kutah min pe mai rawh " a rawn ti a ,a nui hak thung








“ A duh tawh lo che tih I hmu thiam ang chu maw " tisupin a kut chu ka paih thla a,ka insiam tha nghal vat “ Kan la hria ang chu Zonuni hi ka ta a ni leh Dawn " a rawn ti ve fana ,a teuhlo ka awm chhung hi chuan tuta mah a ni thei lo “ I tum chhin dawn ania " tihpahin an dahna room lam.chu ka pan a ,khuma lu tuam bara lo mu chu pan hnaiin a kut tetakte chu ka hum sak a ,ka thaw nghal huai huai .









“ Ka duh che " ka tichhuak sup a ,Rosie awm loh hnu hian tu hmeichhia mah hi ka duh ka ring ngailo mahse ani hian chu ka thil duhloh ber mai ah chuan min hruai lut leh ta ,a kut chu ka fawp.zauh a ,min haw viau pawh ni rawh se ,ka duhna hi ka tilang ve tawh ang,ka lo tihnat na zawng zawng kha tihrehsak ka tum bawk ang,ka theilo a nihpawhin ka tum tal tur a ni ,a bulah chuan ka awm reng a .










A rawn harh har zek leh nghal ,David erawh hna pawimawh a neih a vangin a haw tawh a ,kei erawh kalsawn ka tum lo a rawn harh hma chu ,nurse leh doctor hmeichhe ho rawn kal sek erawh ka ning hle ,min biak phet an la tum a ,hmeichhe zaktheilo tak tak hi chu an lo rapthlak a nih hi ,nihnih hnu ah pawh a rawn harh loh a vang chuan ka mangang hle tawh ,doctor ho chu ka vin reng ringawt ,engmah a awmzia an hriat loh thu an sawi te chuan min tithinrim.









Ka lo chhing sek a ,thawm a awm rual chuan ka mengchhuak a,mahse ka thilhmuh a vang chuan ka insehruh a ,Zonunmawii tap leh a bialpa hluiin a lo kuah chu ka en ngur ringawt “ U Ruat ka nu leh pa ka hmu a " Zonunmawii chuan a tisap sap reng. a ,khawihlo turin ka insum hram hram a ni “ Baby ka tihpalh tunah chuan i tan ka awm reng tawh ang min pawm leh thei angem " a bialpa hlui chuan a tileh zat a .









Tawng ka tum a Zonunmawii chhanna a vang chuan a bialpa hlui chu ka hnek nghal pawp a ,a mah chu ka melh nghal ngur bawk “ Nang hian a ni hi I pawm leh anga maw ?Zonunmawi nupui neilai pawh kawp pawi tilo hmeichhia maw ilo nih a " ka tihrawk a ,a thinrim hmel hle “ Tunge nupui neilai a ni ti a ,an inthen tawh a a neilo tihna a nihchu ,chuan ka nunah inrawlh phet tum.suh,kan contract ah khan I inah kumhnih chhung hnathawh chiah a ni .










Ka mimal nunah I inrawlh thei tih ziahna pakhat mah a awm lo ,nang ang mipa hmeichhe chunga zah ngaihna neilo hian ka nuna inrawlh tum suh,I nupui dinhmun kha luah ka chak bik reng reng lo ,I duh chuan court ah pawh thlen rawh ,mahse court ngeiin engkim finfiahna kha an hmuh ve vek hnu a min chhuah a ni tih kha hre bawk la,I duh duh a tihkual tur ka nilo tih hre rawh ,ka hna chu ka la thawk ang ,mahse ka nunah lehzel chuan inrawh tum suh" a rawn ti piap piap a .









A bialpa awmah chuan ka hmuh lai ngei chuan a beia ,a tap khur dar dar bawk “ A nihchuan keiin ka duh ve na che hi engtin nge I chhan ve Dawn ,mawh Zonunmawi ka duh che. tih hi I pawm ve tho angem" ka tihrawk a ,ka kut chu ka hum ruh bawk a bialpa chu ka pawtsawn a “ Lo va chhuak rawh ka biak angai " ka tihchuan hnehtu intih hmel fe hian min en a ,a hmela hneksawk leh aibaka chak ka neilo .








Zonunmawii chala fawp zauhin a chhuak a ,ka thinrim lutuk thisen so bulh bulh chu beng daih tumin ka thaw ham ham a,“ Ka duh che ka tihchu " ka tihchuan a hawisawn hmak a “ Ka duh ve lo che ,chuzawng chu ami sawi tur I neih ,I hmuh ang khan bialpa ka nei bawk a " a tihchuan a kutah ka man bet a “ Zonunmawi kha mipa phatsan tu che chu ila duh tho a maw " ka tihhrawk chuan ka kut chu a rawn vawn hnan a ,a dahsawn hmak bawk .










“ Kha mipa tenawm I tih nen Khan in danglamna ka hrelo ,nangpawh tinge tualthah hmang hmeichhia I tih chu I duh thu I hrilh leh si a ,I hmangaih te thahsak tu che chu ila duh tho a maw " a rawn ti a,ka thusawi ngeia min rawn chhang let chuan sawi tur min tihrelo “ Mahse ka duh che ka tihkha ,min duh ve a nilawm ni" ka tihchuan a ngawi ngar a .








ZONUNMAWII POV..





Zamlo lutuk ka chhang awm hleilo ,ka haw hluah hluah ,ka duh leh duhlo min la zawt ngam leh nghal a “ Min chhang vat ta che ,min duh nge duhlo " a rawn tileh a “ Duhlo a chiang em " ka tihchuan a rum hawk ringawt “ Dawt sawi suh min huat a vangin dawt sawi kher a ngailo " a rawn tileh a ,ka nui hak ringawt “ Ka hua che emaw haw lo che emaw ka duhloh Dan che chu a ngai reng" ka tihchuan .








“ Min duh" a rawn ti a“ Duhlo " “ Duh," ‘ Duhlo ' tih hlir chuan kan inhnial a ,a tawngthei si a naupang chhia thut emaw ka ti hman hial “ Ka duhlo che ,keichuan ka tleirawl chhuah a tangin duh leh hmangaih pakhat chiah ka nei ,chu chu nichina doctor Remruatfela kha a ni e " ka tihchuan a thinrim hmel hle ,“ A tan Khan ka kaltir ngailo ang che " a rawn tihchuan ka ngawi reng,chhan hian awmzia a nei tawh pawhin ka ring lo









Hna a neih a vangin a chhuak a ,mahse min vengtu tur a dahthlap tho,ka mit ka chhing vang vanga ,Ruata kha bul tan pui ka tum tawh hauh lo ,mahse Josh Hmangaihsanga hnar theihna awmchhun a ni miau si a ,min duh tih sawi mahse a thusawi zawng zawng leh min tihdan kha pawm mai a harsa em a ni,kawngka a rawn rirak a Ruata a rawn lut nghal zat “ Baby I tha tawh em " a tihchuan ka bu nghat a ,ka kut a rawn vawn chuan ka la sawn rang hle .











“ Nichina ka thusawi kha ka titak tak lo a nia ,ani hnar nan chiah khan a ni ka chhan che ni,U Ruat nangpawh I nupui chu ngaihdam dil la ,inthen hun a ni tawh lo ,nau a pai tih ka hria ,chuvang chuan I fa chu fahrah an tih i duh bikin ka ring lo ,kei nen chuan kan tawp fel tawh ,keichuan thian anga in en hi a tawk ka tiviau ,I duh lo a nihpawhin I thu thu " tiin ka en kalh a ,a ngawi ngul..











“ Mahse ka duh che tih I hria a lawm ,ka la hmangaih reng che Zonun" a rawn tihleh chuan ka nui hak “ Kum 17 mai kha ka ni tawh bik lo a nia ,kha naupang a tleirawl nun bumna hmanga I tihchhiatsak kha ka ni tawh lo " tihpahin a kut min rawn khawih a tum chu ka vaisawn a “ Khawngaihin chhuak tawh rawh ,ka nunah mipa sengluh leh tumna ka neilo ,Josh emaw nangpawh nila ,ka nunah hrehawmna bak inthlen lo ve ve " tihpahin ka mit ka chhinsan a .









“ A nih I thian ang chuanin min en thei angem " a rawn tihchuan ka bu nghat a “ Okay a tha a lawm ,ka nau ang zawkin ka en ang che " nui suk a a rawn tihchuan ka lo nui ve hak a ,a chhuah hnu chuan pawnlam ka en vang vang ,ka nunah mipa pahnih an lang a ,pakhatin na taka min hliam hnuah ka thian angin a awm leh a ,pakhat erawhin min tina in min tibuai chhunzawm reng a ,a luhlul em em bawk ,engtiang chiahin nge ka nun a la tihbuai ang ni .










Tlai lamah chuan Josh pawh a rawn kal leh tawh a ,eitur a rawn keng ngei bawk ,hetiang tihna Chang a hriat pawh ka lo ring lo a ,serthlum chu ka hmu tai hmasa ber ,engmah sawilo in ka ei mial mial a ,ka be lo a min biak a tum bik lo ,thutthleng ang dahah thu in a laptopah thil a type mual muao ringawt,ka eizawh chuan ka mu tha sat sat a ,a hnathawk chu ka en reng,a sam chu a buang thang a ,a mithmul chu mipa ani tih chiang taka Alan nan a tamin a dum hlarh a .










A biang vel chu hmul tlem tlemin a bawh a ,mahse chu chuan a tipa sauh thung,a hmel chu enchian pauh leh a tha zual tawlh tawlh ang chi kha a ni,hei vang a nih hi hmeichhia ah pawh a tlaknat em em ni ,a la hausa tel cheu zui a ,hmeichhe tan chuan an zarbuai reng tak loh ah ,min rawn en thut chuan ka phu zawk a ,ka hawisawn nghal vat engmah sawilo mahse a nui tih ka hria .









“ I bialpa lem lem chu a va rawn lang har ve " a tihchuan ka melh nghek a “ I duh duh sawi suh" tihpahin ka mu tha sawk sawk a ,a awmlohna lam zawnga inherin ka mit ka chhing nghal vat,thil a khawih ri rak rak a ,a thawm awmdanah ka bulah a thu tih ka hria ,chutah hla a Troye sivan sak ANGEL BABY tih bawk chu a rawn play a ,ngawi rengin ka ngaithla a .



I just wanna lieve in this moment forever ,
Cause I'm afraid that living couldn't get any better ,Started giving up on the world forever ,
Until you gave up heaven so we could be together


A lam hawi zawng chuan ka inher a ,min lo la en reng,a inthlak danglam chak lutuk hi a mak ,ahma kha chuan huatna mitmeng bak kha a mitah ka hmu ngai lo ,mahse tunah erawh a dang vek tawh hi keipawhin mak ka ti takzet,min vin reng tawh lo a ,insiamrem a tum hle niin a lang mahse keichuan ka pawm thei chuang lo,ani chu nupui nei tawh a ni a ,mahse keimah vang bawk si hian a then a ,min haw reng zawk rawh se .





YOU'RE MY ANGEL ,ANGEL BABY ANGEL
YOU'RE MY ANGEL BABY ,BABY YOU'RE MY ANGEL ,ANGEL BABY " tih rik lai chuan a hawisawn ta vut a ,keipawh ka inthing harh vat ,he hla hian min tidanglam ziah mai ,ka lung zawnah ka kut ka dah a “ A hua che ,a duh che tihkha chu dawt mai ani" tiin ka inhrilh mawlh mawlh a ,kawngka a rawn rik rual chuan “ Naupangte " tih ri ka hre zawm nghal zat a .







U Davida a ni tih ka hriat rualin ka au nghal hliai “ Kha I lo va dam tawh ve ,I lu erawh an la tuam bur tho mai a " a tihchuan ka nui hak hak a ,ka thu chhuak nghal vat “ I va rawn kal har ve a ,ka damloh lai te chuan min duat ve ka rin nen" ka tihlak a ,nui hawk hawk hian Josh lam chu a ena ,a nilah tukverh lam hawiin a lo ding thim run a ,u Davida chuan mit min sankhum uk a ,ka lo nui ringawt .








“ Kha chhang tui chi ka lo ken che a nia " a tihchuan “ Ka duh ringawt dawn a mi" tiin ka fiam zauh a “ Dawra awm ho Khan ka leisak an chak em ema,ei mai mai rawh ka chhang lei ei pha I ni tur hi lawm hle rawh" a tihchuan nui vur vurin “ Awle pu Nagtinlawi" ka tihchuan mak a tih hmel hle “ Eng tawng nge " a rawn tihchuan “ Puitling hriat chiloh " ka tikher a ,a ner nghal nung ,pakhat a erawh kan tawng chhung zawng a lo ngawi thung a .







Davida chu ka bulah a rawn thu thla. a “ Tak takin I lu hliam teh chu ala na em " a tihchuan ka lu ka thing vat a ,chungin ka sawhna lo a ka vannei “ Min vahkual pui la ,ka mu reng bawk sia ,ka taksa te hi a kham lutul" ka tihchuan “ Angailo " rawn tihmuk tu chu ka en a ,Josh chuan hmel nelawmloh zet hian min lo melh dun a ,tinge a thiante lehzel pawh hetianga nelawmloh a a biak ziah le ..







A thiante lah chuan a thusawi an ngaih thutak sak duh lo mai pawh a,an inchhar fuh takzet ,a bikin Davida nen hian “ Ka chhuak duh a lawm ,ka zâng te hi a kham tawh lutuk,ka kawng ana vek tawh" ka tihchuan ” Ni e kan vahharhpui a nge ,nithum a mutna tur ania , ahrehawm ang " Davida chuan a lo tive vat a ,min khawih tur chu josh chuan rawn dangin a mah chuan min pawm kang nawlh a ,wheelchair-ah chuan min thut tir in a mah chuan min nawr a .








Cabina awm ve dang ho chuan min en duh hlawm hle,mipa lian zet pahnih zahawm khup bula ka awm chu mak an tipawh a niang,Josh chuan min nawr a ,Davida kan bulah a kal bawk a ,nurse ho leh hmeichhia an chhungte in entir nghak ho ni awm tak chuan ka dinhmun nihchak hmel zet hian min en a ,an va peih tak Josh chu a tawng lo a,Davida nen hlir kan tawng a ,ngawi rengin kan bulah a awm ve tawp ringawt .










Pawn kan chhuah chuan “ Coffee ka inchak e " ka tisap a ,Josh chu engmah sawilo in a kal nghal vut a “ Nangte hi ka thiana hi ilo dawi a nilo maw ?" Davida chuan a rawn ti a ,ka melh nghek “ Awihawm loh pui pui hi sawi suh,dawithiam ila chuan a hmuh phaklohah ka awm tawh ang " ka tihchuan a nui hawk hawk a “ Tak takin a duhna che a pawm ta chu a tha e ,a mizia ka hriat ngai hauh loh ka hriat belh,Rosie kha chu hmangaih viau mahse a bula kan awm pawhin a thikna a tilang ngailo .








Nang erawh in nih hma hma in a thikthu a pechhe nghal der a nih hi maw,kan hnaih tha ngam che a ngem aw " a tihchuan a kutah ka beng chawrh a ,a uang thei lutuk hi hahthlak “ Zonun tunah duh nghal rawh ka tilo che ,mahse ka thianpa hi chance pe la ka duh,a nun hi en la a pawnlam nun chu nelawmna reng reng a awm lo,a chhunglam.nun erawh thil chik mi tan chuan a ruahzia leh a khawhar hnemtu a mamawh zia an hmuh pui ngei ang" thutak zet a a rawn tihchuan ka ngawi vang vang a .










Ni e kei pawh hian ka hmuhpui a lawm ,a khawharna hliahkhuh a duh luat a ,midang lakah nelawm loh takin a awm a ,mahse a chhunglam erawhin hnemtu a mamawh tihchu ka hmuh thiam pui a lawm ,mahse tunah rih chuan alam hawi zawngin ke ka pen theih rih ka ring lo,a chhan chu hrehawmna min siam zawng zawng kha tiar dam phawt ka duh ,chumi hnuah chuan thutlukna ka siam thei mahna .








A rawn let leh tak a vangin thudang kan sawi a ,Davida a haw dawn chuan ka bye bye lauh lauh a ,a reh nghal ruihin ka hria “Keini pawh haw ve daih ila ,ka dam tawh tho " ka tihchuan a mengrum leh tawh hle “ I hmuh chak viau pawn I insum Dawn ania ,damdawiin ah hian a zin hma chu I awm ang" a tihchuan “ Enga Davida a zin Dawn maw " tiin ka en a “ Zin dawn chuvang chuan hmuh kha inbeisei suh,a zin chhuah hunah kan haw dawn ania ,ka sawi tawh kha ,ka duh che .








Chuvang chuan mipa dang I melhna tur chu ka dang zel ang " a tihchuan “ Hmela " ka tivak ringawt,ka wheelchair chu ka tilir a ,ka theihtawpa kalsawn chu ka tum ve ,mahse ka lirh thui hma in wheel chair a tang chuan min pawm kang a ,damdawiin chhungah chuan min luh pui nghal zat a ,a awmah chuan ka chum dawt dawt ringawt ,min lo enthup a ,an phun sep sep bawk thla la tawk lah bo lo ,mi chuan min sawi duh leh viau dawn a nih hi .








“ Min dah thla rawh Haih jish " tiin ka tal leh a ,ka hneh lo mai sia “ Chu khuah........ka dam that hunah I chak lo ang ,mi zawng zawngin min en thup hi ,min dahthla nghal rawh kalvariluipuimawi daikai pha velo tur Hmangaihsang" ka tileh a ,ka ke chu dawm chho deuhin ka lu bulah a tawm vek a ,ka tawng thei tawh der lo ,nilo ka thawk nan ka ngawih angai “ Tikhan lo ngawi mai mai rawh ,a duh chuan min lo sawi rawh se ,ka hmeichhia ka pawm animai " tiin min kalpui zel a .









“ I hmeichhia ka nilo min thlah mai teh ,heihammm" tiin ka thaw hak a ,ka thaw a tawp mai Dawn ,min pawm dan siamremin a hmalamah min dah a ,ka mawngah a kut pakhata dawmin ka hnungzangah a kut pakhatin min kuah bawk a ,ka lu chu a darah a dah a ,min kalpui nghal nul nul,he mihring hian enge a hriat ni ,min ti a zo Dawn ,a chang leh min hau vak vak a ,a chang leh min duat leh em em a ,hriatthiam theih pawh va ni suh.







Damlo khumah chuan min thut thlak pui a ,ka ngawi kar “ Min duh nghal rawh ka tilo che ,a chhan chu I thinlungah huatna ka tuh tam tawh em a ,mahse min duh let ve theihnan ka bei ang,mipa dang I hnaih ka phal hek lo,nanaute keimah nanaute chiah nirawh ,min huatna leh ka huatna thin che kha tihbo dun ka duh" a rawn tihchuan ka lu ka thing a .









“ Ka duh theilo che ,tum buai duh suh,I sawi kha Tualthattu min tihkha " rilru na zet chuan ka ti a ,ka mittui lah tlak a lo inpeih leh at tawh “ Ka tisual tih ka pawm ,mahse ka duh che tih ka hriat khan ka inhua a ,ka nupui leh fapa lakah ka inthiam lo bawk ,mahse ka duhna che hi ka thunun thei ngang lo a nice" a rawn tileh sup sup a “ I nupui leh fapa tan chuan rinawm zawk rawh ,ka lakah engmah beisei suh,I duhzawng hmeichhia nei rawh .








Puitei I tih pawh kha I nei thei ang ,keichuan pawi tihna ka neilo ,ka duh chu i lak a tanga zalen vat vat hi a ni e " tisap in ka insiam tha a ,khum ah chuan ka mu nghal sat sat bawk ,a ni erawh beidawn hmel zet hian a kun ngul a ,a tawng leh tawh lo ,keiai a upat mai bakah keichu a chhungten tunge ka nih an hriat hunah an lawm hauh Dawn lo,a nau ka hmuh tum pawh Khan ka samah min kehsak vak tawh a nih kha .








Ka harh leh chuan a lo tlai tawh viau a ,ka bulah Josh pawh a lo la mu ve reng ,ka en reng a ,a chau ve viau ang,inah a khum nuam taka a mut theihlaia heta a awm lui tlat hi ka khawngaih ve tho ,a tuklamah chuan kan haw a ,chupawh haw ka tihluih vang a ni,hnathawk ka hmuh chuan ka en a “ I awmloh chhunga ka chhawr ania ,tun a tang chuan ani sawn hna a thawk ang " tiin min hruai lut a .









Ka rooma kan luh chuan ka chalah a fawp zauh a ,ka meng kiau ringawt “ I lakah hero ho chu ka tluklo ang tih ka hria mahse tih pahin he thu hi a rawn sawi a “ Englai pawhin ka tihlim ang che tih ka tiam theilo che ,mahse ka tum thei ,I thinlung ka tina fo tih ka hria a ,mahse a tuamna hun min pe mai thei lo em ni,hmeichhe tam takin an duhthusam ang mipa keimahah a awm lo tih ka hria ,mahse ka tum ve thiang lo em ni" a rawn tihchuan a kut chu ka thlah a ,a mitah chuan ka en let ngar .


SUPERMAN WILL NEVER SAVE YOU,
SPIDERMAN WILL NEVER CATCH YOU,
THE FLASH WILL NEVER RUN TO YOU,
LIKE I WOULD ,WHEN I WAS WITH YOU;
YOU KNOW YOU'VE REAPED WHAT YOU HAVE SOON.



YOU KNOW YOU'RE THE REASON YOU'RE ALONE ,
YOU SAID I WAS YOUR SUPERHERO ,
BUT SOMETIMES SUPERHEROES CANNOT SAVE EVERYONE ,
IRON MAN WILL NEVER HEAL YOU ,
THE HULK WILL NEVER HOLD YOU ;





ANOTHER MAN WILL NEVER LOVE YOU ,
LIKE I DID,LIKE I STILL DO ,



(ANGAIHNAWMLOH ANGA ,A TAWI BAWKA RILRU AH ENGMAH A LUT THEILO,NAKTUK ZANAH LINK NGAIAH LO ZAWM KA TUM ANGA ,CHUAN IN COMMENT TE KA HMU LO A LO NGAILO ULA ,FB LAMIN COMMENT MIN BLOCK A ,KA THEIH HUNAH KA LO CHHANG VEK ANG CHEU ,buenas noches a todos



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)