Fall Chapter - 12 Last

Episode kal lai dah luhna

Moderator: writers

Vtei Jahau
Posts: 143
Joined: February 28th, 2021, 8:18 pm

Fall Chapter - 12 Last

Unread post by Vtei Jahau » November 24th, 2021, 11:48 pm

Zodintluangi's P.O.V


" Ka uang a nih kha , eng in zai mah a tullo " Dinsangan a tih chuan ka melh nghal vak a , " I mawl em ni , in fiam na chi leh chi loh hre ve ta che " ka ti hlak hlak a , ka thinrim tak tak a a in fiamna chi loh lutuk , Rinsanga ka va melh lah chuan a lo hriat pui ni awm tak hian a nui tha a , ka va han haw dun tak em .



" Ka haw san dawn che u " tiin ka hawi tum bar a , in atang chuan ka chhuak a , ka kal hlat ngam an ringlo deuh nge a tu a mah mah chuan min um zui tum na pakhat mah an neilo , ka hre rei khawp ang , hmelchhe dun lutuk .


Zan lai lai ah keimah in kei ngat in Marintei te in lam ka pan hnak hnak a , darjar eng emaw ka thang bawk , a hla ve khat a , mahse boruak thiang ka hip pah a , ka thinrim tun pawh a reh ta deuh in ka hria .


Ka kut a ka phone ri deuh dar dar reng chu vawm bo daih mai a nia ka duh tu te nge tih lah ka chiang nasa mai si , ben dah awrh awrh tak a nia ka duh , Matintei te in ka thlen chuan kawngka ka kik dat dat , Thaiboy Ardee'n kawngka chu phak deuh chuap a meng chungin a rawn hawng a , min hmuh chuan a meng kawk .


" Kan in mangtha na a la rei loh nen min ngai der em ni " ka luh rual chuan a ti a , " I hmelchhia e a , Marintei va ko teh , heta ka awm hi mi nung thaw thei tawh phawt i hrilh chuan i chak lovang " ka ti zat zat a , ner nawng nawng in room lam a pan a , Marintei a rawn chhuak nghal .



An thil min hrilh ho ka hrilh chhawn ve leh chuan a nuih a za ngang mai , min nuih tiah tiah a , " An hmel a thutak ve lutuk kha ka awih lo hrim hrim a , Laldinsanga lah hi a mawl bawk sia , mi fiam na awm leh awm lo hi a hrelo reng reng " nui deuh hau chung chuan a ti ve a .



" Chu tak chu a lawm lee , ka nin zia hi " ka ti leh tan tan a , thingpui te kan in leh rih , ka phone lo ri ve chhen chu ka switch off hmak tawh , ka chhang awm lo em mai a , ka phone ka off chiah tih in Room atangin Ardee ohone ring zetin a rawn ri ve nghal a, Marintei a tlan lut vat a , ka awm tih sawi lo tur in a ti a niang , an rawn in zui chhuak a , kan bulah Ardee in phone chu a bia a , " A awm em " Dinsanga mawl zia hi chu aw .



A mah ai a mawl Ardee lah chuan " Awm lo " a ti ve hmiah bawk a , Marintein a lo chum nghal nghek a , " A awm a nih hi " Phone atanga Dinsangan a ti chu kan hre pha , " Tu maw a awm em i tih " Ardee chuan a ti leh laklawh a .


" Zothantluangi kha hrilh la , ka rawn lam ang " Bung zet chuan Dinsangan a ti a , a thinrim zawk ah a tang ngam em maw ni .


" A tul bawk lo , tuman kawngka kan hawn lovang che " ka thut hmun atangin ring zet chuan ka au a , " Kawngka ka tichhia a nga ti nia " Dinsanga chuan a ti ve leh a , " Haw rawh hetah ka riak dawn " ka ti leh a .


" Mi in ah i duh duh in riah ngawt i tum lee " a rawn tih chuan ka thinrim a zual leh a .


" Ka duh leh thenawm te in ah pawh ka riak ang , i thu lo " ka ti a , David room lam ka pan hmiah a , David bulah chuan ka va mu nghal daih a , ke khan ka kal bawk nen ka rin ai ka lo in feet lo a niang , ka muhil hma hle .


" I va han zak lo tak " ti thawm chuan min ti harh a , khua a lo var tawh a , kan hma ah chuan Dinsanga a kekawr ipte zen in a lo ding run bawk .



" Hey , David i huang i pel " David mut kham lo ka kawng a pha leh pha lo a rawn kuah chu a ti a , David a pawm tho nghal lawp bawk .



" Mawl mawl lo khan rawn mut rawh , mut a kham loh chuan a nuar leh vak a nga Marintein a ching leh hrep mai ang che " ka ti a , a nui hak .



" A ni hlau ila ka rawn lut lovang " a ti a , mahse David chu a rawn mut leh ta tho , " Nangmah kha rawn tho rawh " a ti leh a , ka va ning tak .



" Haw la ba mu tha leh rawh , i chungah ka thinrim tih i hrelo nge i hrelo der " ka ti leh nghat a , puan chuan David nen chuan kan in khuh nghal hlun bawk .



" Nula ve si " ti nuah nuah chungin a chhuak a , keipawh chu muhil zui thei tawh hek lo , thinrim tun in ka tho a , ka pe pen te chu ka pen thlawrh thlawrh a ni ber , Choka a , Ardee lo che turh turh chuka pan vat a , thingpui min rawn pe vat .



" Thaiboy ho tak hi chu " Dinsanga chuan a ti ve ngei a , ka bulah a rawn in sawn nghal .



" Hnaih pawh kha min rawn hnaih rih suh " tiin ka thut na ka sawn kher a , a ni pawn min hnaih luih chu a tum bik lo .



" Ka duatnu Sorry " meng fek fek chung hian min rawn en a , chhe reuh mang e .



" In koh duat vel kha ka ten ka tih kha aw " ka ti a , a ner sawk , " Zothantluang Sorry " chang fe hian a rawn ti tha leh a , ka thingpui in ka hak thawt .



" A va chang ve ka lem thei lo " ka ti a , a nin chin a thleng ta nge a ngawi hmak , he mihring pa hi chu aw .




" I tih sual zawk a nih kha , thinrim hmasa ah tang ziah suh " ka ti a , ka lam chu a rawn hawi ve leh , " I mawl em a , Rinsanga nen a kan in signal lai i hmu lo a nih kha " ka ti ham ham zui a .



" Ee a nih chu haw rawh , eng nge hetah i lo kal " bul zet chuan ka ti ve a .



" Ka thu thu , i in pawh a nih loh hi " a rawn ti ve leh , a va han tawngthei sawt tawh , A awm na ah khan Mizo tawng thiam an tam awm der silo va .



" I tawngthei " ka ti tawp a , a ngawi leh nghal hmak .



" ka rawn haw dawn lo tak tak a nia , nangmah kha va haw rawh " nem deuh zawk chuan ka ti a , " Engvangin nge call i pick-up loh " chang tha zet chuan a ti leh a , Ardee pawh chuan nuam a ti ta chiah lo a niang min chhuah san ta daih .



" Ka peih lo " tih chauh in ka chhang a , " Min tih mangan zia kha i hria em " a hma ai a nem deuh chuan a ti leh a , " Nang pawn min ti mangang ve tho a lawm " ka tih san leh mai .



" I va han mawl tak " a ti leh tawp a , " Thinrim hmasa ziah suh a ti sual tu zawk i nih kha " vin tawk chuan ka ti leh a , " Ngaihdam ka dil reng che kha " a tih chuan ka sawi thui peih tawh loh vangin , " Aw ka hria , ka lo in ngaihtuah ang " ka ti a , a nui deuh suk , min rawn pan hnai in ka chalah a fawp vawng vawng a .


" Ka la ngaihtuah ringawt a nia aw " ka tih zauh chuan a rawn nui chhuak hawk a , " Ka hria a lawm " a ti leh tawp a , min kuah deuh vawng vawng .



" Zoss tinge mipa dang i kuah a " David aw sin zet kan hriat chuan kan in thlah nghal a , David chuan min rawn pan in ka mal chung a thut a ngen lehnghal tlat .



" Mawng i neih ve reng kha thu ve mai rawh " Dinsanga lah chuan a lo ti hmak a , kei erawh in David chu ka pawm nghal thung .


" Nangmah in thu ve mai rawh " lungawi loh hmel zet chuan Dinsangan a rawn ti leh a , " I aa e , naupang a nih hi " Ka lo tih lah chuan , " Mipa tho a nih kha " a ti bawk si , a va mangan thlak tak , naupang pawh han thik .



" Chhuk rawh i duh leh i nu in pawm tir ve mai rawh " Dinsanga bawk in a ti leh a , " Zoss-i hi i nu a ni bik a mi , nge ka in pawm tir loh ang " David lah chuan a ti ve khauh a , Dinsanga chu awih loh hmel zetin a nui hawk .



" Ipa ang mai nghal lutuk mai " a ti leh ngawt thin a , David lah chuan , " Zossi hi mipa pakhat hian a ti tap thin a , chu chu ka veng dawn a nih hi " a ti leh a , a hmui chu rang lutuk a hup in " Nang te hi , ka tap ngai bawk lo aw , Ka vel mai ang che " ka ti hlar a .



~~~~~~~~~~~~~~~~~~~~~~~~~~~~



" In nei ang aw " Marintei te vanranda ah chuan kan thu dun ran a , chu thu a rawn sawi chuan ka melh phei vat a , " Laldinsang " ka ti sep a , van lam a thlir nghal daih , " Mawla i chung ah ka thin a rim a nih hi i hria em " ka ti leh a , a bu nghut a .



" Ka hria a lawm , ka thawi dam dawn reng a " tiin ka mit a en in min nuih a , ka kut a rawn hum vang vang bawk a ,



' Thian ang in bul kan tan a , a tawp khar na erawh hmangaihna a ni , kum tam tak in then hrang mah ila , rinawm tak in kan in nghak tlat a , a tawp na chu hlim na a ni , tu te mai pawh hian kan nun ah thawnthu kan nei theuh a , mahse hlim na in a tawp vek kher lo , keini erawh hma hun hrelo mah ila , tun atan chuan kan kut kan in vawn sak a , kan hlim tih chauh a ni kan hriat ni ' .



A tawp ta .



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)