✨DEUH THUT CHUAN✨ CHAPTER EIGHTEEN

Episode kal lai dah luhna

Moderator: writers

Roses Are Rosie
Posts: 289
Joined: February 23rd, 2020, 2:20 pm

✨DEUH THUT CHUAN✨ CHAPTER EIGHTEEN

Unread post by Roses Are Rosie » November 25th, 2021, 12:31 am

✨ DEUH THUT CHUAN✨


CHAPTER EIGHTEEN

----------------------------------------



"Khawiah nge i awm bo char char a, biak tlang i har si" castle ka luh rual rualin Asha in min lo ankhum nghal

"Tunah ni lo, Asha, Katherine in Zothana a man ania, chhanchhuah dan tur kan ngaihtuah vat angai" ka tih chuan "maw.. Katherine a, mahse a ni te chu a thi tawh ani lawm ni" mak tih hmel tak chuan a rawn ti a

"Keipawn a thi tawh ah ka ngai alawm, mahse engtin nge a rawn dam chhuah theih ka hre hauh lo" ka bag chu hawngin ka mahmawh tur ho chu ka khung sap sap a..

"Lawk in..nangmah mai ah kal chu a him lo, Katherine taktak alo ni phei chuan i chan a chhe dawn lutuk" min ngaihtuah hmel tak chuan a ti a

"Ka hria..mahse he thil hi chu keimah ngeiin ka chingfel ang, keimah mimal buaina ah inrawlh tir che u ka duh lo"

"Mahse, nagmah mai chuan i kal tur anilo, thang a nih hi" a tih chuan nui hakin"chu chu ka hriat loh i ring ami, lungngai suh, inpeihsa diamin lawm ka kal dawn, Katherine chuan pawi a ti ngawt ang"

"Awle..nih fimkhur la, buaina i tawh palh tak hlauhin biak theihin ka lo awm reng ang" a tih chuan ka kuah nghal vat "ka lawm e, thiantha ber i ni" a hnungah ben thek thek pah chuan ka ti a

"Ka hria lawm...kal tawh rawh, Thamawla chu rawn hruai haw ngei ang che"

"Awle..lutuk" car hnung chu hawngin ka bag ka vawm lut a, chak thei ang ber chuan ka tlan chhuak nghal

Katherine awmna tur hmun chu ka hre nghal mai, kan naupanlai ah kan vocation hman thinna, ramngaw bulah farm house ah ani..

Tun thleng hian engvanga min haw ta em em nge anih ka hre lo, thiantha tak kha kan ni thin si a, engvanga ka lakah hel tlat nge anih?? Enge ka tihsual, ka ngaihtuah ngial pawn a chhan tur awm ang ka hre chhuak thei silo, mahse tunah ka hriat chhun chu misual tak, a ram leh hnam pawh hralh duh hial, pawisak neilo, mi kidnap ching leh tualthah hmang mai ani tawh, engtikah mah ka thian Katherine kha ka hmu let tawh dawn lo tih hi ka hriat a ngai.

Farm house thlen hma hret chuan motor ka ti ding a, khua a thim tan lek lek tawh a, fimkhur takah ka chet loh chuan a pawi dawn lutuk..

Car chu ramngaw lam ah ka park a, ka mahmawh tur ho chu la chhuakin in lam pan chuan thawm dim thei ang berin ka kal.

Ka rin a dik ngei anih dawn hi, kawngkhar ah chuan duty pahnih an awm a, Iris mi te pawh an ang alawm le..an palian in an silai ken te lah chu a tha si a, hel dan tur ka ngaihtuah a ngai anih hi.

Inhnunglam kawngkhar awmna ni ah ka hriatna lamah chuan thawm dim thei ang berin ka phei a, Tukverh kha a awm thin khan ka hre sia, engtik khan nge an lo thiah hman chu le..

Awng kua tereuh te awm ah chuan ka bih dek dek a, Zothan chu chunglam ah a kut suih sak in an hnaisa a, a chuah hmel tawh takzet.

Ka silai chu load nghal zatin, kah mai thei turin ka hum ran a, Luh mai ka tum chu Katherine a rawn luh avangin ka chawl leh dat, in chhungah mipa pahnih te chu engemaw hrilhin a chhuah tir a, Zothana a sawisa lai chu ka thlir ringawt, atthlak taka ka chet chuan kan hneh dawn silo, engtin nge inchhung lamah ka luh ruk ang aw...

Ka ingaihtuah buai lai takin silai puak ri ka hriat chuan ka hawi dawr, keimah ka ni silo, Katherine a ni bawk silo, tu in nge rawn kap ang le..

Ka awmna tang insaseng vatin silai rawn kahna lam pan chuan ka phei a..

"Sir Jerome nang maw..Asha nangpawh maw" ka thiante pahnih ka hmuh chuan ka thaw hak., guard pahnih te chu an lo kap niin..

"Nangmah chuahah kan kal tir taktak che i ring ami" Asha in a tih chuan nui hakin "ka lawm e..mahse in che bengchheng mahmah ani, midang an rawn thlen belh thuai dawn ania" ka tih chuan Jerome chuan "lo kal rawh se, kan indo anga ni mai, kal rawh, Thamawla chu va chhanchhuak la, heng ho hi chu kan lo buaipui ang" a tih chuan"awle.. fimkhur ru" tihpah in ka tlan nghal...

ZOTHANSANGA P.O.V


"Eng ri nge ni ngai, rangtakin en dik nghal vat ru" Katherine in a tih chuan a Naute ho chu an che nghal sap sap..

Ka ban a kham tawh takzet, tinge maw Zoramsangi pawh chu an rawn lan har em em mai chu le..min theihngilh em lo ang chu..

"Awle..Bawiha, i nupui in rawn chhanchhuah che a tum anih hmel " a tih chuan "a va lawmawm ve" ngeiawm thei ang ber chuan ka nui a, ani erawh a nuih a zat hmel tehchiam lo, min rawn hnek thut a, ka lo inring hman lo nen, ka thle hawi sawk..a kut thlak lah chu a na phian a, hmeichhia anih pawh ka ringhelh rum rum hman..

Ka kamsir a thi a ni ngei ang, a rawn al deuh puat a, liak zeuhin "a chhe lem love" nui suk chuan ka ti a, a thin a rim hmel hliah hliah

"Awle..a tawp nan, khawiah nge Mr Lorenzo saltman a awm, a awmna min hrilh vat loh chuan he ka chem hriam tak hian i hmeltha tak hi ka ti chhe vek ang, min ring rawh chemte hman thiam tak ka nia lawm" ka hmai ah a chem ken chuan a rawn rin thla diat diat a, a hriam hmel takzet..hlau ru tho mahila, hlau lo ang tak chuan ka awm a...

"Engvangin nge ka hrilh ang che" a mita enkar chung chuan ka ti a

"A chhan chu hei chem keng tu zawk ka nia, nang chu ka miman, min hrilh thuai rawh, dawhtheihna hi ka tlakchham ber thil ani" a tih chuan "i hun i khawral thlawn mai mai ani, Katherine, Lorenzo awmna ka hre lo" ka tih chuan "anih chuan kan han inzai chhin dawn em ni ang? Mi ka zai lohna chin hi a rei tawh khawp mai a, mahse lungngai suh, a na em em lo ang" tih leh a chem ken chuan ka hmai a rawn rin thla nghal, a thip zawk danah min zai a nih hmel, engtin nge maw timna nei miah lova thisen min chhuah theih zawk chu le...

"Duhtawk rawh" vin zet ah ka tih chuan chawl datin min nuih sang a..

"Sawi rawh, khawiah nge a awm" a tih leh chuan "a awmna ka hre lo" ka sawi zawh rual rualin ka hmai rawn rin leh a tum chu "lawk in, hetiang hi chu ti tawh suh, i tan a tha dawn lo" ka tih chuan min nui sang hian a thle bak a...

"Engvangin maw" muangfan raih chuan a rawn ti a..

"A chhan chu ka nupui i lakah a thinrim dawn lutuk" ka tih chuan a nui chhuak hak

"I fiamthu ami, lungngai suh, Judithi hnenah chuan a na lo thei ang berin ka siam tih ka lo hrilh ang" ka beng bulah a rawn phun ser ser a..

"Nilo..enteh, ka nupui tih thinrim chu i duh hauh in ka ring lo" thle bak chuan ka ti a...a ni erawh a kiai suk duh chuah

"Ka hlauh i ring ami" min nuihsang pah chuan a rawn ti..

"Nilo..hlau rawh, a chhan chu tunah hian i hnungah a ding" ka tih chuan a hawilet nghal vat, Judith chuan a hmai ah tak lo hnekin nikhaw hrelo in Katherine chu a tlu der..

"Awi thaw..Bawihi, zah ngaihna i tlachham hle mai" ka tih chuan "ka hria, a phu alawm" tih leh min tawnna hrui chu a rawn phelh nghal

"Engvangin nge i rei em em a" vin zetah ka tih chuan "ka rei vak ami, inphuahchhah te ngai ve alawm" a tih chuan "nilo..tun hnu ah chuan misualin min man leh anih chuan rangtakin min rawn umzui nghal tawh tur ani, enta che, tlem tlem ah ka hmel ka chan tep hi" ka tih chuan "ohh..ka lo hrereng tawh ang, tiraw amite dang an rawn thlen belh hma in chhuak vat ang" a tih chuan "ngawi lawk, ka pawisa kha" tih leh ka nuai 50 awmna bag chu ka la vat

"Khawiah nge i car" ka tih chuan "saw lamah tlan rawh" a tih chuan ka bag chu ak tha sauhin ka tlan nghal vat, min rawn kah avangin lei ah ka bawk khup vat

"I tha em" Judith in a rawn tih chuan "aw..nang" ka tih chuan bu zauhin "tlan rawh, ka lo veng ang che" tih leh silai chu a kap nghal

"Nilo..an tam zawk a, silai an nei tha zawk, i hneh dawn chuang lo, chuvang chuan ka rualin rawn tlan zawk rawh" tihpah in a kut ah ka vuan nghal

Ka bag ah nen tlan chak chu a har khawp mai, car awmna kan thlen chuan driver seat ah chuan thu lut vatin ka tlan chhuak nghal..

"A va teuh ther ther ngai ve" thawhak chuan ka nectie awrh chu ka pawt loose a, ka pian hnu lamah hlauthawng leh thlabar hian ka la tlan ngai lo....

"Engvangin nge Katherine khan Lorenzo a zawn a" ka tih chuan "ka hre nang, an thawk ho aniang" a rawn ti awlsam et zui..

"Engpawh nise..him dam takin kan chhuak thei a, chu bakah ka pawisa ka hmu kir bawk a, tawrh man a awm deuh ve" kiai suk chuan ka ti a..

"Takah i hmai kha enge a an? A na viau em" a rawn tih chuan "na em em love, mahse la, khatianga inzai kha chu ka tawk duh tawh lo aw" ka tih chuan a inthiamlo hmel takzet...


Inchhung kan luh rual rualin "enteh Judith, hethil hi sawi ka duh lo viau na chu, hetiang nun hi keichuan ka duh ve lo, nitin nunna thamah chet hi enge a tulna?? Ka thu hi awih la, he hna hi bansan rawh, hlauthawng leh thlabar reng reng ah khawsak chu thil chakawm lo tak ani" ka tih chuan "ka hria, a harsat dan tur pawh ka hrethiam vek, mahse min hrethiam rawh zothan,hei hi ka nun ani tawh a, tlanbosan emaw, bansan theih thil ani tawh lo, ka tihpalh ani, ka nun buai chuai takah hian ka hruai lut che a, min ngaidam rawh, ni e, i sawi dik, keimah vangin nun ralmuang lo takin i awm a, a pawi ka ti takzet, tun atang chuan ka kalsan che nga, nun nuam takin nung la ka duh, tun hma i nun ang kha, tunah thil thleng leh kei hi chu i mumang thalo anga ngaiin i theihngilh vek tur ani" a tih chuan lawm ah thawveng hawk tur ka nih laiin ka lawm in, ka thawveng chuang hauh silo, engtin emaw hian ka rilru a rawn na zawk a, min kalsan turin ka duh lo, mahse engvangin nge ka duh lo ngawt..

"Aih..min kalbosan thei lo" ka ti vin that, hriatthiamlo hmel zet hian min enkar a

"Khatin min melh suh, thil pakhat chu i sawi dik, i nun anga nung tur chuan ka tlin lo ang, mahse min kalsan erawh ka duh lo, i kalbo thei lo ang" ka tih chuan "engvangin..ka kalbo duh tu kha nangmah i nih kha, engtikah mah ka nun a inthlak danglam thei dawn lo, khawiah mah chhuahna tur a awm lo, hetah i bulah ka awm reng chuan i nunna i chan lo vek pawhin i hmangaih ten an tuar dawn, chutiang thil chu engtikah mah ka thlen tir ngai lo ang" vinzet chuan a rawn ti a, a rilru a na chu thup tum viau mahse, a biangah a mittui rawn luang erawh a thup thei lo ani mahna.., dim tak chuan ka hruksak a, min enkar a, ka chet dan chu a beisei bik lo te pawh aniang, ngawireng chuan min enkar a


"Bawihi..a harsat turzia ka hriatthiam pui lo che a,  mahse hei erawh ka hria, mahni chuah chuan a khawharthlak a, i hmangaihte veng reng rengin i tlan kual a, tu hnenah mah i thiltawn hahthlakzia i sawi chuuak thei silo, mahse hei hi hrereng rawh, enganga spy turu pawh lo ni mahla, thinlung i nei ve tho, i na ve thei a, rilru na in i rum vawng vawng thin bawk, hreawm tak leh mal takin i nun i hmang a, tumah i rinchhan thei lo va, mahse hei erawh hrereng la ka duh, i tan ka awm reng anga, i chuah changin ka tangah lo bei la, engtikah mah ka kalsan ngai lo ang che, a chhan chu he thinglung hian a thlan chat vang che in, nangpawn min kalsan suh, ka hmangaih che Judith" ka tih chuan aw rawl chuuah meuhin a tap a, kuah bet nghalin a sam ka chul sak a...




Cont



Vote lak lawk ka duh..zan khat dan ah dah ah sei tawk nge in duh, zantin dah ah sei over lo..a chhan chu tunlai ka hna lamah ka buai lutuk a, hunthawl ka nei ve meuh chuan zan dar 11 a pel va zel.. nileng ah hnathawh chuan taksa a lo chau in mut a chhuak duh em em, ka reader fel taktak te vang chuahin ka la kal hram hram ti teh ang..in duh lo thlang ru aw...bakah tunah mi pawh hi word 2k a pel daih ania😅zantin dah dawn pawn 2k word chu sei tak ani, a ziaktu tan chuan..

Awle..ka story tlawm tak ngaihnawm ti takah min lo chhiarsak thin tu zawng zawng te in zavai chungah lawmthu ka swi e .in tello chuan story ziah pawh anuam lo..ka hmangaih vek che u nia..muttui mumang neihnuam vek u💜💜💜



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)